Post: #1 Title: هوووووي ها .. بـدُور أتـلوتر!! Author: محمد عبد الماجد الصايم Date: 09-28-2010, 08:18 AM Parent: #0
عارف تمام إنو حظي زي الزول الكبو ليهو الدقيق في الشوكـ يوم الهبوب قايم داكـ .. لكن غايتو السنة دي قررنا إننا نتلوتر .. أي نعم!!
_ شوف يا الخير محمد عوض يا عمكـ أنا ما بعارف أي حاجة ولا داير أعمل أي حاجة تقول لي رسل كـدا وكـدا وكـدا .. وتعمل الداير تعملوا .. إن شاء الله تقدم لينا عُمرة وزوغة زاتو!! قروش ما عندي .. نهي! يعني تقدم لي بقروشكـ بعدين نتحاسب! يا أكلنا بيتزا في واشنقطون على حسابي يا كمان أكلنا بوش في الحاج يوسف على حسابي برضو
* ركزنا على أخونا الخير لأنو قادينا كل سنة اللوتري اللوتري أها يا عمكـ .. جاتكـ الفرصة يا جبت لينا اللوتري دا يا كمان من السنة الجاية تقد سلكـ البورض دا وتبلع من سكات
فـ أدونا النجيضة باركـ الله فيكم!!
Post: #2 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-28-2010, 08:19 AM Parent: #1
ونرجو من الأخ بكري رفع البوسط في أعلى المنبر!!
Post: #3 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-28-2010, 08:20 AM Parent: #2
كما نرجو توضيح طريقة الحصول على الولفير ـ أو أي كان اسمه!!
Post: #4 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-28-2010, 08:21 AM Parent: #3
كما نرجو التوضيح في طلب التقديم .. بأن المذكور محمووووووول .. عندو أم وأخت وتلاتة بنات ومرة وشيشة!!
Post: #9 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-28-2010, 08:37 AM Parent: #8
علما برضو بأن المذكور أعلاه قد زار الولايات المتحدة أيام كانت متحدة جد جد والبيتزا بتلاتة دولار ومعاها بيرة مجانا .. وعمكـ دانكن يستقبلكـ قدام الدكان بتاعو بذات نفسو!!
أيام الجواز السوداني كان أزرق! إييييييه .. دُنيا!!
Post: #10 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-28-2010, 08:38 AM Parent: #9
بمناسبة عمكم دانكن دا .. كندا فيها لوتري؟ ياخ داير أهاجر كندا .. غايتو لو جلت أمريكا ياها كندا!!
Post: #11 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-28-2010, 08:39 AM Parent: #10
علما بأن المذكور أعلاه عندو أقارب من الدرجة الأولى متكندين!!
Post: #12 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-28-2010, 08:50 AM Parent: #11
الموضوع ده لو فيه غسيل صحون وشغل سكيورتي وتعبئة في المصانع وتحرس العجايز وتسرح القطط احسن ليك ارخيه وتمشي تاااااني زي هنوف 51 تقعد تخش كلاسات انجليزي من الـ كي جي 1 خليك مع خادم الحرمين الشريفين،لامن يجي يقول ليكم ده آخر ريال في البلد دي ويخته في جيبه
Post: #20 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-28-2010, 09:44 AM Parent: #18
بوبا يا عمكـ .. ما شايفنا سألنا من الولفير في الأول! ياخ الشغل أصلوا ما فيهو مشكلة .. بعدين الأشغال القلتها دي حقت ناس عُمرة وزوغة .. نحن ماشين لوتري يا عمكـ يعني تعمل حمد لبد كم سنة كـدا وتجي متجارخ بالباسبورط الأمريكي!! وتاااااني تجي داقش الخليج العربي
Post: #21 Title: Re: هوووووي ها .. بـدُور أتـلوتر!! Author: خضر حسين خليل Date: 09-28-2010, 09:44 AM Parent: #18
كلاكلا لفا لفا لفا كلاكلا لفا لفا
كلاكلا لفا كيف ياصديق
Post: #22 Title: Re: هوووووي ها .. بـدُور أتـلوتر!! Author: أميرة فاروق عبد العال Date: 09-28-2010, 10:16 AM Parent: #21
Quote: هاشم يا عمكـ .. خلينا النشوف محل رجلنا وين في الأول ياخ!
Quote: الخير .. خليني أنا هسي كدي شوف لينا منال دي في الأول!
أحي أنا..
Post: #24 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-28-2010, 10:19 AM Parent: #22
أميرة
Post: #23 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-28-2010, 10:16 AM Parent: #21
خضر يا عمكـ .. كلاكلة نهي! حاج يوسف فيحا فيحا وكـدا!!
اكتشفت إنو عشان أعمل خطوتكـ الإنت عملتها كروتة ساي دي الواحد داير ليهو حكاية 400 مليون بالقديم .. بس!!
أخوى ود الصايم السلام عليكم ورحمة الله وبركاته أخوك محظوظ كل سنة عندى خمسة لـ تلاته فائزين قول بسم الله ورسل إيميلك بس عمرة وزوغة مافى تانى المنبر دا إلا تخشو أنصاص الليالى
ركزي مع الحاج يوسف يا ابو شنب على الاقل الواحد يزورك انت وخالي علي ابو دية في مشوار واحد في العيد
Post: #33 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-28-2010, 10:55 AM Parent: #28
Quote: على الاقل الواحد يزورك انت وخالي علي ابو دية في مشوار واحد في العيد
عليكم الله عاينو زي دا! هياااا طلبة .. يعني أسيب ليكـ اللوتري والإسنو والولفير وأمش أقعد في الحاج يوسف عشان تجي تزورني في العيد!! ياخ أفرض زرتني .. أها وبعد داكـ حصل شنو!! يا زول قوم لف!!
_ جهّزت الأمور للعيد؟ حاسي بيكـ ح تنط!!
Post: #32 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-28-2010, 10:54 AM Parent: #27
Quote: الشيطان ده إلا يكون عنده قرون .. هههههههههههه
ح توصيني يا عمكـ! عمكـ مهدي دا زي ما بقول التصديق بتاع العمدة (معروف لدينا)!!
Post: #31 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-28-2010, 10:47 AM Parent: #26
يسري يا عمكـ .. دا كلام نجيض جدن جدن! أها والواحد ممكن يقدم كم مرة في السنة ولّ ياها المرة الوحيحيدة دي؟ مش لو أدونا مجال نقدم زي تلطاشر مرة كـدا عشان الفرص تزيد؟ ولّ كيف؟
Post: #37 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-28-2010, 11:09 AM Parent: #36
كلام زي الطحنية يا عمكـ!!
Post: #38 Title: Re: هوووووي ها .. بـدُور أتـلوتر!! Author: الامين موسى البشاري Date: 09-28-2010, 11:32 AM Parent: #37
ود الصايم
شــــنو يا حبه أشـــوف لي زميل غيرك ولا شــنو؟ عــارف يا عمكــ زمان لما كان اللوتري دا ليهو شنه ورنه عندي جــاري اسمو الخير الله يطراهو بالخير من ناس بيت المال المهم الوقت داك انا في الجامعة ما اتخرجته قال يا اللمين يــاااخ عايز تقرأ الكلام دا وتعبي الفورم دا عايز أقــدم للوتري أها بعد قراية الشروط قلت ليهو يا الخير الناس ديل قالوا لازم يكون عندك شهادة سودانية أو خبرة عمليه قال لي : طيب أنا ما عنــدي خبرة. قلت ليهو خبرتك شـــنو ؟ قال لي : يا الامين انا لي 20 سنة شغال زبــال بزبل في البيوت دي (زمن بيوت الجالوص)
Quote: الموضوع ده لو فيه غسيل صحون وشغل سكيورتي وتعبئة في المصانع وتحرس العجايز وتسرح القطط احسن ليك ارخيه
ديــل ساهلات والله يا بــوبــا انا خايف يقولوا ليهو خـــري الكلـــب دا كل يوم أصلوا الكــلاب ديل أولاد كلـــب ما يخــروا إلا الســـاعة 3 صباحاً عــارف اللوتري دا أنا قنعته منو لي زي 10 سنوات بقدم ليهم وما شالوني التقول قالوا ليهم اسامة بن لادن دا خالي عشـــان كدا وللضمان لو في واحـــدة أمريكية دايره ليها عريس نحن حاضـــرين تب
الله يعدل طريقك
Post: #43 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-28-2010, 12:43 PM Parent: #38
اللمينز يا عمكـ كلام والله .. باللاي الناس دي قاعدة تفكر تتلوتر من سنة أسكت! غايتو بس زي ما قلت ربنا يعدل الطريق .. بشتري ليكـ فيزا من هناكـ بمهنة (زميل)!!
Post: #39 Title: Re: هوووووي ها .. بـدُور أتـلوتر!! Author: مرتضى احمد عبد القادر Date: 09-28-2010, 11:35 AM Parent: #37
إلا كان تمشي حي هارلم لكن تقول لي كندا عليك أمان الله الصقيعة تجمّدك فاكر نفسك حتقعد تتجارى لي بين البوستات زي البرينسات زي هنا كنكشة الأصابع ذاتا ما حتشوف الكيبورد يا عمي خليك هنا هم الناس العندهم جنسية سابوها وجوك -- ها بالله جدّد وضوك واستغفر وتوب ما يسحروك وما نلحقوك جدّد وضوك لا يكرّهوك وتكون في دوكة ويبشتنوك وكمان تعرى سلوك ويشمت عدوك ولبان يلوك تعطف عليهم ويشنقلوك بعدين تقول: كت قايلم ديل ناساً ملوك لكنهم ما جاملوك
لا حولااااااااااااا يا ود الصايم والله اخوك قلبو دقا ادييييييييييييل كدا وحصل لي توتر اسفيري ما انزل الله به من سلطان هههههههه والله والله يا ود الصايم بكتب ليك هسي في المداخلة دي وما عارف زاتو اللوتري فتح وللا لسا لكن ليك علي امشي من دربي دا اشوف الموضوع الموضوع دا وليك علي برضو انك تكون في اول قائمة المقدمين .... واللع يا ود الصايم عندي احساس قوي انك حا تكون من الموفقين في الموضوع دا وربنا يسهل بس
Post: #47 Title: Re: هوووووي ها .. بـدُور أتـلوتر!! Author: سيف الدولة كامل Date: 09-28-2010, 06:43 PM Parent: #46
ود الصايم ,,سلامات وحبابك ألف.
عمك ما بقصر معاك بس أنوي وخلي
الباقي علينا,
Post: #76 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 09:04 AM Parent: #47
Quote: عموما أنصحك بالانتظار حتى العام القادم عسى ولعل دولة جنوب السودان تفتح لينا باب هجرة ونمشي نسكن جوبا ونشتغل معاهم خبراء أجانب
عمنا جعفر .. العام القادم شنو ياخ! دا تقديم اللوتري بتاع 2012 يا عمكـ يعني لحدي ما تخلص أوراقكـ ولو ضربت معاكـ زاتو لحدي ما تفيّز وتصل هناكـ تكون بقت 2017!
الوقت داكـ ناس الجنوب يكونوا بدوا (جنوبة) الوظائف
تسلم ياخ!
Post: #77 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 09:07 AM Parent: #47
Quote: والله يا ود الصايم عندي احساس قوي انك حا تكون من الموفقين في الموضوع دا وربنا يسهل بس
أوووو .. أبشروا بالخير جا ـ زي ما قلت
غايتو ربنا يخلي لينا إحساسكـ دا يا عمكـ! تصدق أنا قدر ما قالوا لي قدّم أبيت كل ليهم جلونا من الموضوع دا .. والجانب المتأمركـ من العائلة عاملين لي سافوتة في راسي .. غايتو النجرّب!
غايتو لو ضربت يا عمكـ .. بجيب ليكـ معاي شربوت أصلي وارد الشمالية مدفون من العيد الفات
Post: #78 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 09:08 AM Parent: #47
عمنا وحبيبنا سيف .. غايتو نوينا جد جد والله ربنا يساعد ونشوف البحصل شنو!! غايتو لو جيناكم بأجزولكم!!
Quote: علما بأن المذكور أعلاه عندو أقارب من الدرجة الأولى متكندين!!
سلامات يا ود الصايم دا يعتمد على الولاية المقيمين فيها الأقارب من الدرجة الأولى ديل. بعض الولايات لها نظام هجرة خاص و يفيدك فيه جدا أن يكون لديك أقارب من الدرجة الأولى مقيمين في الولاية (زي ولايتنا ساسكاتشوان). إجراءات الهجرة لكندا واضحة جدا لكن عيبها الوحيد دايرة ليها زول روحه طويلة.
Quote: كما نرجو توضيح طريقة الحصول على الولفير ـ أو أي كان اسمه!!
داخل داقي سدري عشان أساعد لقيتك بتدور تتولفر!
ما تنسى يا صايم عندك فرصة تدخل بسهمين فورم باسمك وتضيف المدام والكتاكيت والتاني باسم المدام وتضيفك مع الكتاكيت بس خلي بالك قانون اللوتري بيشترط إنو حليفة (علي الطلاق) تكون لصاحب الفورم الفايز أياً كان نوعه، دازنت مارا رجلُ كان أم مرة استلم الصور وجلي حنانو يا خيركو، المان دا داخل على طمع شغال بنظرية قام من سريرو لقى ولفيرو
امشي استديو النيل في شارع الجمهورية معاك المدام والاولاد واطلب منهم صور لوتري ( او صور الفيزا الامريكية) ده احسن استديو بعرف المواصفات وشيل الصور منهم في فلاش او سي دي وارسلها لي في الايميل ومعاها المعلومات الاتية
الاسم بالكامل وتاريخ ومكان الميلاد لجميع افراد الاسرة وعدد سنوات التعليم ومراحل التعليم لكل فرد
Post: #79 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 09:13 AM Parent: #55
Quote: دا يعتمد على الولاية المقيمين فيها الأقارب من الدرجة الأولى ديل
العوض يا عمكـ جماعتنا تورنتاب
Quote: إجراءات الهجرة لكندا واضحة جدا لكن عيبها الوحيد دايرة ليها زول روحه طويلة
يا عمكـ نحن مشكلتنا، أو مشكلتي أنا بالذات، مع حصلت سألت إجراءات الهجرة المطلوبة شنو، بشوف إعلانات الهجرة لكندا دي كتير لكن أغلبها تتصل يقولوا ليكـ أهم حاجة يكون عندكـ رأسمال! ياخ أنا لو عندي رأسمال ما أمش ابني بيت الحاج يوسف دا وانتهينا!!
Post: #80 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 09:15 AM Parent: #55
Quote: ركز يا ودالصايم بالطريقة دي الشافك في الحاج يوسف ما كضب
أبو شوارب يا عمكـ .. ما ياهو دا التركيز زاتو! في الاستمارة بتاعت امتحان المتوسط مش بتكتب تلاتة رغبات!
أها نحن ما دام نوينا الهجرة الجد جد يبقى نكتب الخيارات كلها .. يا خابت يا خابت
وما نيل المطالب بالتمني ولكن تطلب اللوترة بالبوستات!!
Post: #81 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 09:17 AM Parent: #55
Quote: أنا إشتغلت خمسة سنين في الولفير دا ماعندك اي مشكلة بزبطو ليك تمام التمام
Post: #82 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 09:21 AM Parent: #55
Quote: ما تنسى يا صايم عندك فرصة تدخل بسهمين فورم باسمك وتضيف المدام والكتاكيت والتاني باسم المدام وتضيفك مع الكتاكيت
أيوااا يا حلبي .. هنا في سؤال مهم جدن جدن!! الفورم دا بشمل العائلة بس؟ يعني المرة والبنات بس ولّ ممكن أضيف أمي وأخواتي في الموضوع دا؟
بالمناسبة .. الولفير دا حاجة كعبة ولّ شنو؟
Quote: قانون اللوتري بيشترط إنو حليفة (علي الطلاق) تكون لصاحب الفورم الفايز أياً كان نوعه
هاع هاع هاع هاع .. كان بدقس ليهم!! التقول عارفين إنو المدام ما لاقية طريقة تتخارج مني!
_ بعد كتبت (المرة) اتذكرت واحدة أختنا شاكلتني في التلفون وقالت لي تاني ما تقول (المرة) .. قول (المدام) أو (أم روان)!!
ياخ أم روان لما تكون دايرة تبدأ أي خرخرة أول حاجة بتقولا (هووووي .. يا راجل هووي)
Post: #83 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 09:25 AM Parent: #55
Quote: امشي استديو النيل في شارع الجمهورية معاك المدام والاولاد واطلب منهم صور لوتري ( او صور الفيزا الامريكية) ده احسن استديو بعرف المواصفات
يا سلاااام يا منال ياخ! خطوة عملية في طريق التقدم للوترية! بس كمان قصة ستوديو النيل دي صعبة بالحيل ياخ! أقوم أسوق العيال وطيارة ماشة وطيارة جاية عشان صور اللوتري!! أنا في السعودية (بنين) ياخ!!
بمناسبة السعودية بنين دي، طبعا هنا التقديم للسفارة الأمريكية أو الكندية بطلبوا منكـ التصوير في ستوديوهات معينة، عاملين معاهم اتفاقية عديل كـدا وطبعا على حس الكلام دا الاستويو بعمل ليكـ الصور بقيمة مضاعفة 1500 %!!
شكرا يا منال .. الصور والمعلومات تصلكـ عن قريب جدا
_ بالمناسبة .. سؤال تاني: التقديم دا مفروض يكون مرّة واحدة ولّ ممكن أقدم عن طريق كمية محلات والتضرب تضرب والباقي يجلي؟
يعني لو قدمت في اللوتري الواحد أكتر من مرة بحصل شنو؟
Post: #84 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 09:27 AM Parent: #55
Quote: فايت مروح وين ما لسه الوقت بدري
أبو رغيم يا عمكـ بدري من عمكـ ياخ .. كفاية 20 سنة سعودية بنين! أهو ما دام الواحد مغترب مغترب .. نمش الاغتراب الجد عشان الواحد يشبكم ما عندي كيبورض عربي .. دايرين نجرب قصة الكلكات والتعقيب بالإنجليزي ياخ!!
يا ود الصايم والله لو وقع ليك اللوترى نعمل ليك احتفال شديد اللهجة وعلى شرط تجينا فى ولاية نبو بورك وماتقول لى ماشى اريزونا وسيد الحوش وشنو شنو.. من هسة نحن حاجزينك معانا بى جاى
يا كمنضدان .. أخباركـ ياخ! بعدين إت قايل أخوكـ بدقس؟ أريزونا دي ما مشكلتا سيد الحوش! المشكلة في الزول المجهجه باكات سيد الحوش زاتو! أول حرف من اسمو صديق مهدي
غايتو لو ضربت .. ح نشوف التصرف بعد داكـ لكن في الغالب ح نعتمد على الزول الـ ح يرسل لينا التذكرة نتخارج عليهو طوالي
Post: #86 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 09:43 AM Parent: #58
Quote: وكت إنت عارف نفسك كُج متبهدل، ومبهدل معاك الناس لشنو؟ ما تهبط قبلك
ود المدير .. الأرضة جرّبت الحجر ياخ!
بعدين المدام كل شوية دايرة تسافر لأمها دايرين نوديها بلاد الجليد ديكـ عشان كل تفكيرها يكون منحصر حول (البرد دا مالو شديد كـدا)!
كللللل الاحباب والاصدقاء ابشروا (بالخير) اللي هو انا وعوجة تب مافي باذن الله....اما فيما يتعلق بهذه المناسبة فلدينا وصية صغمبوتية كدا لمن لا يدي وهي انك بعدما تقدم تطنش الموضوع وتعمل فيها نظام ما هاميك وانو حظك عاثر ونظام غايتو نحن عملنا العينا لكن انا عاااااارفو ما بجيني وكدا اييييي زول اخد الوصفة دي جاهو اخونا اللوتري دا واي واحد ببلع ليهو حبوب شفقة نفيسة دا من هسي ينسى الفكرة.
اقول قولي هذا واعلن لكم مبدئيا ان التقديم لهذا اللوتري سيبدا في ظهيرة خمسة اكتوبر وساخصص البوست السنوي للمساعدة في نشر الفائدة العامة للاعضاء والقراء.
يا معاوية ياخ ود الصايم دا الله مسهل حب الناس ليهو ما يسهل ليهو اللوتري !!! يا مان دا زول مبروك كان هسي فتح ليهو بوست واحد بس قال يا جماعة محتاجين دعوات والله دعوات احبابو ساي توديهو البيت الابيض توووووووش بتلعب انت
Post: #87 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 10:11 AM Parent: #59
Quote: اقول قولي هذا واعلن لكم مبدئيا ان التقديم لهذا اللوتري سيبدا في ظهيرة خمسة اكتوبر وساخصص البوست السنوي للمساعدة في نشر الفائدة العامة للاعضاء والقراء.
أبشروا بالخير .. أو كمال قال
الخير يا عمكـ .. حبابكـ ألف ياخ! شنو يعني إلا الواحد يبلغ عنكـ ناس المطافي
من ناحية ما هاميهو دي .. فأخوكـ ما هاميهو بالحيل! غايتو أهـو الواحد يجرب حظو وانتهى الموضوع عشان بعدين ما نقعد في خرخرة والواحد لو كان قدم أيام شبابو
_ يا عمكـ .. في أسئلة مهمة فوق دايرة إجابات!!
Quote: والله دعوات احبابو ساي توديهو البيت الابيض توووووووش
اخوك ياخي عندو ماستر في التقديم لكن مافي حظ انا بقدم من زمن كان الطلب ورقة صغيرة كنا بنشيل الشروط من باب السفارة الامريكية في الخرطوم اها من الزمن داك مرة جربنا عن طريق المكاتب بي قروش وباقي المرات مجاني لكن الحظ ماضرب لسع
حالتك اعلاه ممكن تقدم عادي بس الشيشة بتاعتك لو عمرها اكتر من 18 سنة لازم تقدم ليها في طلب منفصل لووولز
وكندا برضو سكيناها لكن المحامي عامل تفتيحه وشابكني رسل القروش وانا بقوم باللازم وانا موضوع القروش والتاشيرات ده عندي منو حساسية لانو قبل كده صاحبي شابكني نسافر نسافر مشى لي واحد حبشي ( مش زميل البورد) اها الحبشي قال ليهو ح تجي تاشيرة وصاحبي شبكو نحن اتنين اها قال ليهو مافي مشكلة اها بعد شهر كلموا قال ليهو التاشيرات وصلت لكن لازم تلاته هاهاهاي اها صاحبي قال لي وين قروشك قلت ليهو ادفع لي بنتحاسب هناك اها الشخص التالت مشى اقنعوا بالرجالة اها وحاتك الحبشي شال منو قروش التلاته تاشيرات ولي اسع مالقينا زول بشبهو هاهاهاهاهي انا طبعا مادفعت حاجة لكن عملت شيرنج عشان نخارج الزول التالت لانو الشغلانة قرب يحصل فيها دم ومن ديل عندي حساسية من اي زول يقول لي جيب قروش لووووووولز
ياخي كترنا عليك وماعايزين نقول ليك بطل اللواتره لكن بالتوفيق
لو فزت واخترت ولاية ناس علي دي أنصحك تشيل معاك شوالين يايات وإلا حا تبقى (ود الصابم) كمان ما تنسى تجيب فافات مع كاكاتك بصباع أمير تركب الفا على الكاك علي اليمين تدخل السيستم في شهرين فكـــاااك
Post: #89 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 10:48 AM Parent: #61
Quote: اخوك ياخي عندو ماستر في التقديم لكن مافي حظ انا بقدم من زمن كان الطلب ورقة صغيرة كنا بنشيل الشروط من باب السفارة الامريكية في الخرطوم اها من الزمن داك مرة جربنا عن طريق المكاتب بي قروش وباقي المرات مجاني لكن الحظ ماضرب لسع
زاتو .. بتبالغ يا عمكـ شنو لسع ما ضرب دي .. إت داير تقدم تاني! ياخ أنا لو من الأمريكان ديل أجيب ليكـ الجواز لحدي البيت!! عذبتهم ياخ!!!
بمناسبة الحبشي دي .. مرة لقيت إعلان الهجرة دا مدقوق في حتة كـدا وكاتبين سجل اسمكـ ورقم التلفون والإيميل يا عمكـ الجماعة قاموا ليكـ فيني تلفونات كل يوم ضاربين أدينا رقم الفيزا عشان نعمل ليكـ الطلب .. ياخ فيزا!! قلت ليهم رسلوا لي فيزا في الأول بديكم كرت الفيزا زاتو!!
Post: #90 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 10:49 AM Parent: #61
تعرف يومداك مشيت لي دكان بتاع جماعة سيخ، لزوم العدس وبعض السلع النافقة. جو شبان أمريكان (بريئين جدا) شايلين شيشتهم معاهم وفي منتهى الوداعة سألوا سيد الدكان:
الداهية دي بتشتغل كيف؟!
أها كان وصلت يا صايم ما بتغلب حيلة الـ (ديمو) بالشي الفلاني
والشيشة من عند الزبون...
زي ماقالوا واحد من مواطنينكم الهناك عاوز يشكر ويعلي من شأن دكتور فحيص قيل أنه سوداني فقال عنه مخاطبا رفيقا له:
رجل طيب والله يفحصلك (الكاكا) زين والعينة كمان من عندا.. أو كما جرى عليه لسان العربان من تالاكم والعهدة على الراوي
Quote: امشي استديو النيل في شارع الجمهورية معاك المدام والاولاد واطلب منهم صور لوتري ( او صور الفيزا الامريكية) ده احسن استديو بعرف المواصفات وشيل الصور منهم في فلاش او سي دي وارسلها لي في الايميل ومعاها المعلومات الاتية
الاسم بالكامل وتاريخ ومكان الميلاد لجميع افراد الاسرة وعدد سنوات التعليم ومراحل التعليم لكل فرد
البوست دا فتح نفسى للتقديم للوترى لاول مرة الا اشوف حظى مع ود الصايم بطلع كيف
بعدين يامنال الخدمات دى لود الصايم براهووووووووووو لى
بس نسى يكلمك انو البور دا ما حتشوفو الا مرة في الاسبوع ولمد ساعتين ثلاثة بالكتير..
وقصاد كل دولار يدوك ليهو بشيلو منك ربع كيلو لحمة صافي من غير شحم وعروق ودم.. اضرب الكبسة بي ايدينك الاتنين واستعد..
بعدين تعال قول انا ماكلمتك:)
Post: #91 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 11:11 AM Parent: #64
أووو أحمد المرضي يا عمكـ غايتو لو ضربت ناس فيلي ديل تعبو معاي!!!
اتذكرت قصة يوم المعسل في البيت خلص قلت للشباب داير لي معسل، قالوا لي يلا نمش دكان العرب قلت ليهم الله .. العرب ديل وصلوا هنا وعملوا دكاكين كمان! وماشي على الفكرة دي لحدي ما وصلت الدكان اشترينا وطالعين عاينت الجماعة كلهم لبنانيين .. سألت أصحابي (وين العرب) .. طبعا بضحكوا فيها لحدي الليلة!!
Quote: رجل طيب والله يفحصلك (الكاكا) زين والعينة كمان من عندا
Post: #92 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 11:12 AM Parent: #64
Quote: البوست دا فتح نفسى للتقديم للوترى لاول مرة الا اشوف حظى مع ود الصايم بطلع كيف
يا نجاة رحيل! ألحقي السوق غايتو الما اتلوتر السنة دي تاني ما ح يتلوتر كلو كلو!!
الصف بت أمي .. أقيفي في الصف
Post: #93 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 11:15 AM Parent: #64
Quote: بعدين تعال قول انا ماكلمتك:)
حسين يا عمكـ
أيواااا .. بعد ما ضربت التراطيب لا لا يا عمكـ .. دايرين نشوف بعينا ياخ!
ذكرتني قصة شبابنا في السودان والفيز للسعودية أصلوا الواحد ما يقتنع كلو كلو .. داير يجي السعودية بس! تقول ليهو البلد ببح .. يقول ليكـ قاعدين تعملوا في شنو!!
غايتو يا ود المدير بقت علينا حكاية أهل البوست صبروا .. والمتداخلين كفروا!!
Post: #101 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 11:53 AM Parent: #72
Quote: اها يا غالي من كايس للولفير تعال كندا!! واتحمل معانا البرد.
أوووو ترجرج! برد شنو ياخ .. والله تشوفي السخانة عندنا هنا فوق 55 درجة! تحمدي الله على البرد بتاعكم .. مسحوا فازلينكم ساي وأقعدوا الجو البارد دا متعة والله! إن شاء الله سالب مليون زاتو!!
أها ولفير كندا دا سمح بالحيل كـدا؟
_ سلامتكـ من الأزمة ياخ .. أزمة البلد براها كفاية!!
Post: #102 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 11:54 AM Parent: #72
Quote: والله السنة دى كلنا ناوين السودان ظروفه بقت ما مضمونة وكان الله اراد نتقابل هناك وكل مصاريف الشيشة على حسابى
أوو سعادتكـ إبراهيم الرشيد غايتو لقيتكـ طماع خلاس .. يعني قدرنا نكسب اللوتري أنا وإنت الاتنين ونصل بلاد الحلم الأمريكي ونقعد نفتش في الشيشة
غايتو أنا من دربي دا لو لوتروني مخدرات بس
Post: #71 Title: Re: هوووووي ها .. بـدُور أتـلوتر!! Author: إدريس محمد إبراهيم Date: 09-29-2010, 06:21 AM Parent: #69
Quote: ياخي كترنا عليك وماعايزين نقول ليك بطل اللواتره لكن بالتوفيق
Post: #73 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 07:23 AM Parent: #71
لا حولااااا
الناس دي كلها ممكونة وصابرة!!
اتلوتروا .. اتلوتروا يرحمكم الله!!
Post: #74 Title: Re: هوووووي ها .. بـدُور أتـلوتر!! Author: أمير فتحي Date: 09-29-2010, 07:56 AM Parent: #73
بوست يكلكل عديل كدا
أقول هو ليش (الخير) جزاهو الله خير يبي يأمرك السوادنه
ترى هل للأيدي الخفيه و الإمبرياليه دور في ذلك ؟؟؟
ود الصايم أنا صحبك (موووووش ؟؟؟) ...خلي يختني أنشاء الله عاشر زول
Post: #75 Title: Re: هوووووي ها .. بـدُور أتـلوتر!! Author: خالد عبد الحليم سعيد Date: 09-29-2010, 08:48 AM Parent: #74
إنت خفيف يا معلم .. لسانك خفيف .. كان مشيت هناك ما بتنفع .. بتفتنا ساااي . الواحد يجي خاشي يوم السبت الصباح يلقى ليهو بوست بعنوان: يا بتاعين الرياض .. أمبارح بالليل كنتو بتعملو في شنـو ..؟ يعني لاحظ كنتو بتعملو في شنو دي ميتافيزيغية كيف .. بتفتح ليك مجال تخيلات كتيرة خلاص .. المهم يازول اكان الخير محمد عوض جاب ليك (الشيكــة) كرامة المرقه حقتك علي .. ليك علي اعمل ليك كرامـة وسلامة إنك تتخارج لينا من هنا دا وتفضي لينـا المنطقة دي .. انا قاعد هنا دا ..
فى ناس زينا فى السودان تفتتش لى عمرة فى السعودية ،اقامة راعى ، وانت بتمارس فى برجوازتك تقول داير لوتري ؟
اما ايامك فى تحسين
Post: #105 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 12:03 PM Parent: #103
إدريس يا عمكـ .. شايفكـ مبسوط من اللوترة!!
Post: #106 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 12:04 PM Parent: #103
Quote: الناس دي كلها ممكونة وصابرة!! اتلوتروا .. اتلوتروا يرحمكم الله!!
دا الحاصل بالضبط يا ود الصايم! عاين الناس دي وقفت صف كيفن!!
قوموا لفو ياخ!
Post: #107 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 12:05 PM Parent: #103
Quote: ود الصايم أنا صحبك (موووووش ؟؟؟) ...خلي يختني أنشاء الله عاشر زول
أمير يا عمكـ عاشر زول شنو ياخ! والله إت زول طيب عديل كـدا عاين الصف دا وصل وين .. المغترب شايل القاعد في السودان
الصف أبوي .. الصف!!
Post: #108 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 12:07 PM Parent: #103
Quote: ود الصايم اكان الشى دى صدفت الكومشن محفوظ وكان جلت اكون طالبك لحظات من الترقب والانتظار
خالد يا عمكـ .. مداخلة مرططططبة! شكلكـ كـدا من اللوتراب الولفيراب
يا زول خليها تصدف .. بجيب معاي الببسي من هنا
غايتو الدنيا دي ما مضمونة كلو كلو الواحد بقى خاتي أملو في الخير ويسري ومنال كاااااااااااااااااااااكـ
Post: #109 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 12:09 PM Parent: #103
Quote: اازول ها مالك بتهضرب؟ّ ويلفير شنو وبادفير شنوّ؟ّ نشفت بى هناك نشفوووووت اقعد فى بكانك دا ....
سمنة يا حبيب كلامكـ دا قولو لزول ما إنو نية تقديم! النشفان دا زاتو ما المطلوب .. ياخ نمش نحتا قرض مع الحكومة الأمريكية دي لآخر دورار!!
على الأقل نكمّل قرايتنا ياخ!
Post: #110 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 12:14 PM Parent: #103
Quote: المهم يازول اكان الخير محمد عوض جاب ليك (الشيكــة) كرامة المرقه حقتك علي ..
يا تامبا .. أخوكـ كان بقى لوترابي يمين تتعب معاي تعب! عاد تلفونات أبو كرت مفتوح، خمسة دولار يديكـ تلاتة يوم كمان لو لميت في الإسكايب .. إلا تقوم جاري عديل!!
يا زول كان ضربت كرامة شنو وبتاع شنو يمين خمخمة أبو السريع .. قبل الكرامة بتخارج! خليكـ قاعد ياخ .. إن شاء الله يدوكـ الدورية البتقيف جمبكم دي!!
Post: #111 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 12:15 PM Parent: #103
Quote: أنا فترت من الزول اللي بيكسر قزاز العربات ده ياااخ..
عطية يا عمكـ .. تعرف الزول دا بكون كاسر ليهو زي تلتالاف قزاز لحدي هسي!! بعدين دا سبب وجيه تمش تقدم بيهو في السفارة الأمريكية!!
تلوتر يا عمكـ .. الظروف ما معروفة!!
Post: #113 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 12:19 PM Parent: #103
Quote: وانت بتمارس فى برجوازتك تقول داير لوتري ؟
عوض يا عمكـ .. دا حقد دفين منكـ ساي!! برجوازية شنو ياخ! دا مطلب شرعي وحق من حقوق أي واحد في الشعب السوداني الفضل .. أيوا!!
Quote: ايامك فى تحسين
ذكرتني أمي والله .. طوالي مدوراني بالكلمة دي!!
_ التقول قالوا لي تعال شيل لوتريكـ!! يا عمكـ يا دوب دايرين نقدم ياخ!!
Post: #104 Title: Re: هوووووي ها .. بـدُور أتـلوتر!! Author: omer osman Date: 09-29-2010, 11:57 AM Parent: #95
يا زولي كان صعب الدرب لا تغترب من تاني لي بلد الغرب خايفك تقَلْبَ الشيشة لي عزّ الطلب على ناس خيال واسع تهِبْ وتقعد تهبهب في التلج فاكرو ناراً تلتهب ما كفاية كسّير التلج الكان هنا؟ ما شيله ما يديك درب أوه شياً صعب أشششششششش كرب -- يا زولي بالجد من جديد ماش تغترب حذف القديم من اغتراب شيتاً صعب -- هي الأستاذة تاني رجعت الغرب؟ - والله دا الفراق المر صعب سفر الجفا الما بنشرب ولا ماش تلاقي فيه حُب زي ناس هنا أهل وصحب غيّر وبدّل هوي يا العجب
Post: #118 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 01:20 PM Parent: #116
Quote: يا زولي بالجد من جديد ماش تغترب حذف القديم من اغتراب شيتاً صعب
أبو شيمة يا عمكـ مش المثل بكون كان غلبكـ سدها وسع قدها!!
Quote: عاد تلفونات أبو كرت مفتوح، خمسة دولار يديكـ تلاتة يوم
كويس إنو الواحد الفترة دي تلفونـو رايح .. يعني تفتكر لو عملت لي رقم جديد .. ح اديك ليهو كدا ساااي .. عشان تصحيني الساعة خمسة صباحا بي توقيت هنـا .. تجي تقولي والله أمبارح كنت في مركز واشنطن بحضر في حفلة بي سلمى العسل ..؟ يا كمان تشبكني والله امبارح مشينا كلورادوو
يازول عليك الله امش بي وشك .. الله يعدله عليك محل ما تقبل .. الدورية الجمبي فردتهم ليك .. حسع باقي الأرض الفاضية القدامي دي .. والله الواحد عندو امكانيات يبقى مستثمر اجنبي .
Post: #119 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 09-29-2010, 01:21 PM Parent: #117
تمبس .. مبروكـ روحة التلفون ياخ! عقبال عندنا!!!
Quote: تجي تقولي والله أمبارح كنت في مركز واشنطن بحضر في حفلة بي سلمى العسل ..؟ يا كمان تشبكني والله امبارح مشينا كلورادوو
Quote: يا عمكـ نحن مشكلتنا، أو مشكلتي أنا بالذات، مع حصلت سألت إجراءات الهجرة المطلوبة شنو، بشوف إعلانات الهجرة لكندا دي كتير لكن أغلبها تتصل يقولوا ليكـ أهم حاجة يكون عندكـ رأسمال! ياخ أنا لو عندي رأسمال ما أمش ابني بيت الحاج يوسف دا وانتهينا!!
معليش مع إنه البورد مخصص للوتري لكن ندخل هجرة كندا شوية. نصيحتي لأي زول داير يقدم كندا ألا يلجأ لمكتب. الخطوات واضحة جدا يمكن أن تتابع الأمر لوحدك و حتى وزارة الهجرة الكندية تنبه بصورة رسمية إنه من حقك تقدم من خلال محامي أو مكتب لكن دا ما بدي طلبك أي ميزة و لا يساهم في تسريع إجراءاتك بأي شكل.
ود الصايم بالتوفيق يا اخى. انا يا اخى بقدم لللوترى دى (كل سنة) من حوالى ١٦ سنة. و لحدى هسي ما جاتنى. قبل ٣ سنوات وقفت تقديم. قلت الناس ديل قاصدنى عدييل كده. و احنا ما بنمشي لناس ما بجونا (او كما قال ترباس) بمناسبة المخدرات....امشي على كلفورنيا ...عدل. ناس الولاية دى قالوا ناويين فى شهر حداشر يعملوا الحشيش قانونى. يعنى تمشي الدكان تشترى حشيشك و ترجع البيت ...فى امن و امان. ده غير الجو السمح و سودانيين البى ايريا اللى كل يوم عندهم حفلة. شى ياسر تمتام و شى ميكائل. مره مشيت حفلة فى بلدهم دي....لقيت كابلى بيغنى و الموصلى (شخصيا) و واحد من البلابل بيتونسوا. هسي انت عليك الله اخر مره مشيت حفلة لكابلى متين??? معليش على البرى.... حاجه اخيرة....ما تقدم اكتر من مره واحده باسمك. يعنى مره باسمك و مرة باسم ام روان (انا بكره كلمة "مدام" اكتر من كلمة "مرة"). الجماعة ديل عندهم برامح كومبيوتر تخليهم يقفشوك طوالى.
ود المدير .. مش قالوا لو سرقت اسرق جمل!ّ أها لو اتلوترت كمان .. اتلوتر بالولفير!!
_ إذا تلوترتم فتولفروا!!
Post: #140 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 10-02-2010, 09:48 AM Parent: #130
Quote: أبني عشك يا قماري قشة قشة أبني عشك يا قماري طوبة طوبة
يا شغيغة!! هسي اللوترة مش أخير من بلاد الله البعيدة بتاعتكم دي!!!
Post: #132 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 10-02-2010, 08:47 AM Parent: #127
Quote: معليش مع إنه البورد مخصص للوتري لكن ندخل هجرة كندا شوية. نصيحتي لأي زول داير يقدم كندا ألا يلجأ لمكتب. الخطوات واضحة جدا يمكن أن تتابع الأمر لوحدك و حتى وزارة الهجرة الكندية تنبه بصورة رسمية إنه من حقك تقدم من خلال محامي أو مكتب لكن دا ما بدي طلبك أي ميزة و لا يساهم في تسريع إجراءاتك بأي شكل.
العوض يا عمكـ تسلم يا حبيب على النصائح الجميلة دي! يلا كمان ما تنسى حاجة مهمة إنو حاجز اللغة مرات بقيف قدام الواحد في الحتات المهمة دي .. حبة الإنجليزي العندنا دا زي ما قالوا إنجليزي جركانات .. والباقي مصطلحات مالية!! عشان كـدا الواحد بكون محتاج واحد يقول ليهو خت أصبعكـ هنا!!
وكيّة ليك بعيد القول وما بتحمّل فراقك دا ما ليه محمل وإن بقيت لمال قارون تحمّل وتبيّض لونك تبقى أجمل
مستحيل لي فراقك ضُمّة أحمل
Quote: ولسان بنيّاتك هناك بفوت من درب ويباري ناس عوج الدرب
القاعدين هناك نسوا إنو كان في زول زمان سمّوه كان عوج الدرب وكان هنا بعوج درب من الكرم يحنو ويحب لكنه فات في الزمن الصعب ما لاقي زول يعوج ليه الدرب ولا لاقي شيتاً اسمه حب مسكين دا قاعد ينتحب ولو حتى راقد ينتحب لأنه فات درب الضهب وفاتن عليه نغمات طرب
غيّر وبدّل يا صعب
ما تخلّيني أبكي وأنتحب
Post: #141 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 10-02-2010, 09:54 AM Parent: #133
Quote: ما تخلّيني أبكي وأنتحب
أبو شيمة يا عمكـ خد راحتكـ يا حبيب المناديل علي أنا دا!!
_ التقول اللوتري جا!!
Post: #135 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 10-02-2010, 08:57 AM Parent: #127
Quote: يجب ان اوضح انى ضد تعاطى المخدرات والمكيفات بكل انواعها. انا شخصيا شاى ما قاعده اشربوا.
سمارت إنتي .. غايتو لقيتكـ جنس تحسس!! الكلام دا ما عندنا ياخ! عارفين النوايا والله!! بعدين قايلانا نحن الخلاس بالحيل يعني
تعرفي أنا عندي نية ـ بعد ما نتلونتر ونتستزن كمان ـ داير أمش حتة كـدا جمب القطب المتجمد، معانا واحد هنا في البورض قاعد في الحتة ديكـ فيها برد كـدا أنسي بس .. وأخوكـ بموت عديل كـدا في البرد .. سخانة ما حبابا أها هناكـ كمان قالوا الليل ما عارف ستة شهور والنهار شهرين والباقي بكونوا ما عارفين الدنيا ليل ولّ نهار .. بكـدا بتكون مخدر بدون مخدرات زاتو
Post: #136 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 10-02-2010, 09:01 AM Parent: #127
Quote: كمان بعد المشيخة جابت ليها تلوترررررررررررررررررر
عمر يا عمكـ إت شفت حاجة! بعد التلوتر ح نمشي للتستزن كمان!!
Post: #137 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 10-02-2010, 09:34 AM Parent: #127
Quote: داير أمش حتة كـدا جمب القطب المتجمد، معانا واحد هنا في البورض قاعد في الحتة ديكـ فيها برد كـدا أنسي بس .. وأخوكـ بموت عديل كـدا في البرد .. سخانة ما حبابا أها هناكـ كمان قالوا الليل ما عارف ستة شهور والنهار شهرين والباقي بكونوا ما عارفين الدنيا ليل ولّ نهار .
ياربي تجبر خاطرييي**وترمي لي لوت كدا اللوتري يااا.. ياربي تجبر خاطرييي**وترمي لي اللوتري.. هي ياربي مابين يوم وليله**نمشي هوليوود الجميله.. ياالله مابين يوم وليله**نمشي هوليوود الجميله.. هناك نتكل في النجيله**والميلاريا نقول حليلا يااا.. ياربي تجبر خاطرييي**وترمي لي اللوتري.. هي ياامريكا الشوفتك في الخرايط**افري مورننق وافري نايت.. امريكا الشوفتك في الخرايط**افري مورننق وافري نايت.. ياربي باكر فيكي بايت**اللاقي مادين والبرايط يااا.. ياربي تجبر خاطرييي**وترمي لي اللوتري.. هي ضاع عليّ درب البنكا**والبلد تجي راحي تلكا.. فات عليّ درب البنكا**والبلد تجي راحي تلكا.. نفوت هناك نسوي شركه**وفي الريسيبشن قاعده مونيكه يااا.. ياربي تجبر خاطرييي**وترمي لي اللوتري.. هي هناك لافي فول لافي فتى**ولا بيتعمل فوقو شطه.. (هييأ استغفر الله العظيم يااخوانا) هناك لافي فول لافي فتى**ولا بيتعمل فوقو شطه.. (هييأ اح) نفوت هناك نحتو حته**في شيكاغو محطه سته يااا.. ياربي تجبر خاطرييي**وترمي لي اللوتري.. هي اسوي قروش اروق دمي**عشان اعرس بت عمي.. اسوي قروش اروق دمي**عشان اعرس بت عمي.. افوت هناك اشوف فيولا**وبت عمي معاها الله يااا.. ياربي تجبر خاطرييي**وترمي لي اللوتري.. هي ياربي تجبر خاطري**وترمي لي اللوتري..
اللهم نسألك السفر الى امريكا في الخميس.. آآمين.. ونسألك في كل جلسه جليس.. آآمين.. ونسألك السفر منها فوق لي باريس.. آآمين.. ونسألك للبائرات عريس.. آآمين.. ونسألك بما سألك منه عبيدك هيثم مصطفى وصلاح ادريس.. يارب العالمين.. آآمين..
Post: #158 Title: Re: هوووووي ها .. بـدُور أتـلوتر!! Author: احمد محمد بشير Date: 10-03-2010, 11:22 AM Parent: #155
أنا ما بدور أتلوتر , خلاص سيب اللوتري يا عمك و أنساهوا وشوف ليك شغلة تانية.
بلاد الحجاز دي زيها ماف , يااااخ تطلع الشارع تعاين يمين تلقي سوداني , لكين تعال شوف هنا تعاين شمال يا تشوف ليك كوم تلج ولا لو يومك باسطة تشوف ليك خواجي راكب ليهو في عربية ولا سايق ليهوا ###### في يدوا.
Post: #162 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 10-03-2010, 11:30 AM Parent: #158
أحمد يا عمكـ .. بس دا ياهو المطلوب إثباتو!! يا زول .. والله أخير تشوف الخواجات وكلابـم ديل من الحاصل هنا!!
_ النجيضة عن السودانيين داير أعمل ليها بوست لكن ملاوز منو!!
Post: #156 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 10-03-2010, 11:20 AM Parent: #152
Quote: انت يا ود الصايم ما كان احسن ليك تتلولج
ود العطا .. والله ياهو زي ما قالت ليكـ شغيغتنا هدير! إلا نتلولوج من بورض بكري دا .. لولوجة من لا لولجة له!!
Post: #157 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 10-03-2010, 11:21 AM Parent: #152
Quote: غير كدا مافي ليهو أأييي طريقة طلب لجوء
هو من ناحية في يا شغيغة .. فـ في!!! لكن نحن ما بنقدر على الحركات دي!!
Post: #159 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 10-03-2010, 11:23 AM Parent: #152
متولي يا عمكـ متعة والله
آميييييييييييين من هنا لحدي لاس فيجاس زاتو!!
Post: #160 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 10-03-2010, 11:24 AM Parent: #152
أبو خليل يا عمكـ ياهو دا الكلام والشغل المزبوط زاتو! تتلوتر وتتستزن وتجي ماشي على الخولجة!!! تلمها في كم سنة وتتفيحح (تسكن الفيحا)
لوتري يا لوتري ما تحمد الله يا مفتري مالك كدا مقلّقاً متوتّري زي التقول ضارب ش... من طمعك إنت هوي بري ماشي تباري ناس عري ما سووا شيتاً فنجري والحرب ديمة مدوِّري هلكوا العوالم بالهري ارجع بلادك عمِّري ما كنت زولاً فنجري مالك قلبتها مسخري
ونواصل هجوم التواصل
لين نعرف الحاصل
Post: #173 Title: Re: هوووووي ها .. بـدُور أتـلوتر!! Author: محمد النيل Date: 10-05-2010, 01:05 AM Parent: #172
Quote: النضيف قااااعد البودينا للشربوت شنو!!
اماااااااك ود الصايم خاشى على طمع وهاك يا ترتحة قى شوارع منهاتن
Post: #174 Title: Re: هوووووي ها .. بـدُور أتـلوتر!! Author: محمد عبد الماجد الصايم Date: 10-05-2010, 07:19 AM Parent: #173
Quote: ود الصايم خاشى على طمع وهاك يا ترتحة قى شوارع منهاتن