فى الخاص > بعدين ده تلفونى > 00971509647446 > ابهجنى معاك تانى
النجيضه > الردم ده لو استمره كده الحفره بتدفن
Post: #41 Title: Re: انا التلفـوني فـااااتح , استفدتـا شنـوو ..؟؟ Author: محمد عبد الماجد الصايم Date: 06-11-2010, 01:07 AM Parent: #39
مية مية يا كوتش النجيضة دخلناكـ في اللستة!
بالمناسبة قبل كم يوم كان في واحد في البورض دا بسأل من تلفونكـ!
Post: #36 Title: يا مايسـترو .. Author: داليا الكباشى Date: 06-11-2010, 00:57 AM Parent: #31
Quote: بالله يا الصايم اكتب لينا رسالتك الرسلتها للجماعه ديل هنا !
لا يجـــرؤ ..
Post: #38 Title: Re: يا مايسـترو .. Author: محمد عبد الماجد الصايم Date: 06-11-2010, 01:01 AM Parent: #36
أنا من ناحيتي بجرؤ البورض دا بجرؤ يطلعا من الشليخ!
Post: #40 Title: Re: يا مايسـترو .. Author: عادل خياري Date: 06-11-2010, 01:06 AM Parent: #38
سلام ود الصايم والصفوة الغالبين بس المغلوبين في بيتهم مامعانا والله دخلت ابارك ليك وعجبتني ضحكتك بتاعة النصر دي قلت الزول الهلالابي الاصيل ده لابد من نهنيه واضحك ملء الضحك مين قدرك ولا اقول ليك اضحك ضحكتين
Post: #42 Title: Re: يا مايسـترو .. Author: محمد عبد الماجد الصايم Date: 06-11-2010, 01:23 AM Parent: #40
خياري يا عمكـ تسلم ياخ على التهنئة .. والضحكة ربنا يديما يا حبيب!!
ضحكتين والحمد لله وكنا متمنينهم تلاتة!
Post: #43 Title: Re: يا مايسـترو .. Author: Abdulrahman Eldaw Date: 06-11-2010, 01:23 AM Parent: #40
... .. . يا عمك هي دي زعمطة نصاح .. ياخ منير امبدة الليلة اتجدع يشيل ويحمر في البيض ..
Post: #52 Title: Re: يا مايسـترو .. Author: محمد عبد الماجد الصايم Date: 06-11-2010, 01:36 AM Parent: #43
ود الضو .. ياخ الليلة متعة المتعة عدييييييييييل! ياخ كاريكا بقى يرش بدون ما يشوف قدامو منو زاتو!
Post: #45 Title: Re: يا مايسـترو .. Author: أمين محمد سليمان Date: 06-11-2010, 01:23 AM Parent: #40
Quote: يا خال .. حدد معيار الرسالة!
فيها طبقات!!
غايتو بتاعت ناس أساسي وجنابو ودياب البورض ح يشلّخا كلها!
غايتو بعد بوست الشفت عن الكوره ممكن تجي تكبهم كلهم هنا المشلخات و المرهات !!!!!!
Post: #44 Title: Re: يا مايسـترو .. Author: داليا الكباشى Date: 06-11-2010, 01:23 AM Parent: #38
Quote: البورض دا بجرؤ يطلعا من الشليخ!
شليخ بالليل مافي يا عمك , اكتب سااااي ,
اها عاين كلـب , جبـان , حقيـر .. اها ..
يلا جرب انت ..
Post: #46 Title: Re: يا مايسـترو .. Author: أمين محمد سليمان Date: 06-11-2010, 01:26 AM Parent: #44
Quote: لا يجـــرؤ
والله يا دوك ، أنا المحيرني ود الصايم يرسل ليك إنت و بت الشيخ رسايل لا يجرؤ علي نشرها في البورض !!!
Post: #47 Title: Re: يا مايسـترو .. Author: Abdulrahman Eldaw Date: 06-11-2010, 01:30 AM Parent: #46
... .. . بعد دا الواحد يحضر كاس العالم وهو كاسر ليهو قشة في اضانو .. يعني هسي اتخيل الجماعة ديل ساي مرقوا بالتعادل كان مسخوا علينا كاس العالم .. ياخ المريخاب ديل ما بختشوا..يعني ممكن واحد يلاقيك خاشي الجامع ويقعد يغالطك في تسلل ..
Post: #53 Title: Re: يا مايسـترو .. Author: محمد عبد الماجد الصايم Date: 06-11-2010, 01:37 AM Parent: #47
يا ود الضو ما تبالغ ياخ! هسي الجماعة ديل عندهم نفس يحضروا كأس العالم ولّ كاس سيكافا؟
Post: #48 Title: Re: يا مايسـترو .. Author: محمد عبد الماجد الصايم Date: 06-11-2010, 01:30 AM Parent: #46
يا خال .. ما تخليني أشبكـ فيكـ زي الحبشي! يا عمكـ قلنا ليكـ الحكاية طبقاااااات ياخ!
Post: #50 Title: Re: يا مايسـترو .. Author: Abdulrahman Eldaw Date: 06-11-2010, 01:34 AM Parent: #48
Quote: يا خال .. ما تخليني أشبكـ فيكـ زي الحبشي! يا عمكـ قلنا ليكـ الحكاية طبقاااااات ياخ!
يا ود الصايم .. رقّم الرسائل دي .. انتا امين دي رسلتا ليهو رقم كم
Post: #56 Title: Re: يا مايسـترو .. Author: محمد عبد الماجد الصايم Date: 06-11-2010, 01:41 AM Parent: #50
الحالة ما رسلت ليهو يا ود الضو! لو مشت ليهو كان غِمِر!
Post: #49 Title: Re: يا مايسـترو .. Author: Amira Elsheikh Date: 06-11-2010, 01:31 AM Parent: #46
Quote: والله يا دوك ، أنا المحيرني ود الصايم يرسل ليك إنت و بت الشيخ رسايل لا يجرؤ علي نشرها في البورض !!!
يا زوله هوي !!! المقصود بيها الصايم ده : و يمينا بالله تزعلو الصايم ده ينشر ليكم المسجات دي كلها هنا بحقت الحبشي ذاتو !!!
Post: #55 Title: Re: يا مايسـترو .. Author: Amira Elsheikh Date: 06-11-2010, 01:41 AM Parent: #51
Quote: والله يا بت الشيخ .. الخال دا الواحد يحرش عليهو الحبشي بس!
حرشو ليهواسىىىىىىىىىىىى قبل بكرة
لانو لو خليتو بجى يختو ليهو طوبة تانية
Post: #58 Title: Re: يا مايسـترو .. Author: محمد عبد الماجد الصايم Date: 06-11-2010, 01:45 AM Parent: #55
يا خال شايفكـ كبّرت اللفة من المعتصم الماسورة!
Post: #59 Title: Re: يا مايسـترو .. Author: أمين محمد سليمان Date: 06-11-2010, 01:46 AM Parent: #55
يا أبو عبده
Quote: يا ود الصايم .. رقّم الرسائل دي .. انتا امين دي رسلتا ليهو رقم كم
الصايم برسل للذين ظلمو أنفسهم بس !!
Post: #60 Title: Re: يا مايسـترو .. Author: محمد عبد الماجد الصايم Date: 06-11-2010, 01:49 AM Parent: #59
Quote: الصايم برسل للذين ظلمو أنفسهم بس !!
دي نجيضة يا خال!
Post: #61 Title: Re: يا مايسـترو .. Author: عاطف نورالهدى الطاهر Date: 06-11-2010, 01:59 AM Parent: #60
ودالصايم مبروك وتاني مبروك
اديهم -- راجنك بيقادي....
Post: #62 Title: Re: يا مايسـترو .. Author: أمين محمد سليمان Date: 06-11-2010, 02:03 AM Parent: #61
Quote: يا خال شايفكـ كبّرت اللفة من المعتصم الماسورة!
ياخي المعتصم كبر لفتو براهو ، يعني بعد كلامك النشرتو ده : أقول لاب صلعه شنو ؟
Post: #63 Title: Re: يا مايسـترو .. Author: سيف الدولة كامل Date: 06-11-2010, 02:12 AM Parent: #62
مبروك يا حماده,, يستاهلوا الزعمطة.
متحننين ومتدخنين ومتكبرتين نسوي ليهم
شنو. جابوه براهم ,,,, ان شاء الله يستحملوه.
,,,,, الغلب,,,,,
مودتي
Post: #64 Title: Re: يا مايسـترو .. Author: Elfadil Sabeil Date: 06-11-2010, 02:28 AM Parent: #63
مبروووووووووك يا ابو السيوف و الجميع و صاحب البوست
Quote: مبروك يا حماده,, يستاهلوا الزعمطة.
متحننين ومتدخنين ومتكبرتين نسوي ليهم
شنو. جابوه براهم ,,,, ان شاء الله يستحملوه.
كان كده عرسانا ما غيبوا ظننا.
------------------------------------------------------------- مشتاقين كتير يالعمدة سيف و أخباركم و الأولاد و إنشا الله كلهم هلالاب
Post: #65 Title: Re: يا مايسـترو .. Author: سيف الدولة كامل Date: 06-11-2010, 02:35 AM Parent: #64
العزيز الغالي دكتور\الفاضل سبيل ,,, الف تحية وسلام.
مليون مبروك يا حبيبنا الفوز الغالي
والله عرسنا بهجة وفرحة ,, الاولاد كلهم
هلالاب وأمهم يعني البيت مهيص شديد.
معزتي يا دكتور وسلامي للاولاد
Post: #66 Title: Re: يا مايسـترو .. Author: بهاء بكري Date: 06-11-2010, 03:01 AM Parent: #65
Quote: رصد يوسف الطاهر استضاف استديو قوون التحليلي امس الذي يقدمه الاستاذ رمضان احمد السيد عقب نهاية مباراة الهلال والمريخ السيد صلاح ادريس
رئيس مجلس ادارة نادي الهلال واللاعب مدثر كاريكا.
قوون رصدت حديث الثنائى عبر المساحة التالية:
الارباب: نتفاءل باللعب في استاد المريخ:
السيد صلاح ادريس رئيس نادي الهلال حيا في بداية حديثه قناة قوون وانطلاقة البث الرسمي وتشرف بالظهور عبر شاشتها واكد بان هذا الفوز قد جاء بتكاتف مجلس الادارة وقال ان هذا الفوز له طعمه وقيمته الكبيرة وقال نتفاءل دائما باللعب في استاد المريخ وحيا الارباب الاخوة في نادي المريخ وقال لهم هاردلك وذكر الارباب بان فارق الثلاث نقاط ما زال قيد النظر في شكوانا ضد هلال كادوقلي وارجو من لجنة الاستئنافات حسم هذا الامر وقال الارباب المباراة عبرت عن نتيجتها ورغم ما يقال الشوط الثاني شوط مدربين قال الارباب المباراة كانت في مجملها مباراة مدربين وكان يمكن للهلال حسم المباراة باكثر من هدف للهلال ورغم ان هناك ضربة جزاء مع هيثم مصطفي ومباريات هلال مريخ رغم النقص في الفريقين يبذل فيها الجهد وقال الارباب بان اللاعب اسامة التعاون كان احد نجوم المباراة بجانب زميله علاء الدين يوسف رغم غيابهما وعودتهما وكان هناك توافق بين خط الوسط والهجوم لتراكم عامل الخبرة بين نجوم الهلال ولم يخذلنا اللاعب اسامة التعاون وفي نهاية موسم 2009 كان هناك بعض الاراء بالاستغناء عنه او تحويله الي حي العرب بورتسودان الذي كان مشاركا في الكونفدرالية وتحدثت معه وقال لي الموسم القادم لدي الكثير لتقديمه للهلال.
وفي رده علي سؤال الاستاذ رمضان احمد السيد حول عودة كاريكا من خلال هذه المباراة اكد الارباب بان المباراة اعادت كامبوس لانه مظلوم وكاريكا عند دخوله لارض الملعب كان ـ عارف حيعمل شنو ـ وحيا الارباب المهاجم سادومبا وابدي سعادته بهدف مهند الطاهر وقال اهديه للاستاذ مزمل ابو القاسم واقول له (دا ولدكم) .
واشاد الارباب بالحارس عبد الرحمن الدعيع الذي لعب مصابا بعين واحدة رغم وصية الطبيب واوضح الارباب بان مهند الطاهر لم يكن غائبا لانه موهوب ويحب الكرة ومر ببعض الظروف وحول المرحلة المقبلة كشف بان المعسكر التحضيري للكونفدرالية والدورة الثانية سيكون في البرازيل او تركيا واكد بان التشكيلة التي خاض بها كامبوس المباراة كانت نتاجا لديمقراطية الجهاز الفني وهناك راي من كابتن الفريق هيثم مصطفي بان يكون المعسكر في القاهرة في مدينة 6 اكتوبر لان المباريات الاعدادية ستكون متوفرة عكس انطاليا التركية وقال الارباب بان فترة الحارس عبد الرحمن الدعيع هي من اصعب الفترات في تاريخ الهلال لانه لاعب بربع مكنة وقال التحكيم هو احد ضحايانا ومشكلة الحكام تلقي حكم الوسط جيد ومساعديه عكسه تماما وحكم المباراة بالامس كان يمكن ان يؤثر علي نتيجة المباراة لو لم يحرز الهلال هدفيه ولكن اعتقد الحكم جيد رغم بعض الهنات.
واشاد الارباب باللاعب كاريكا لاهدائه الانتصار لزملائه المصابين واوضح بان مجلس الادارة سوف يعطي اللاعبين المصابين حافز الفوز كاملا لهم كما حيا الارباب اقطاب الهلال اشرف سيد احمد الكاردينال، طه علي البشير، وعبد الله البشير وقال الارباب سيكون هناك لقاء تفاكري اليوم او غدا لرواد الحلقة بنادي الهلال او لقاء جماهيري.
Post: #68 Title: Re: يا مايسـترو .. Author: بهاء بكري Date: 06-11-2010, 03:05 AM Parent: #66
Quote: نشرت: 11/06/2010 - 04:54 عدد رقم 6752 • اللاعب مدثر كاريكا صانع الهدف الاول ومسجل الهدف الثاني حيا قناة قوون واهدي الانتصار لجمهور الهلال واللاعبين وخص سيف مساوي
، ديمبا، النعيم وحمودة وعن الهدف قال كاريكا عند استلامي للكرة لاحظت الفرصة ضيقة للتسجيل ولمحت مهند ومررت له الكرة وكشف كاريكا عند طرد المعز بان كابتن الفريق هيثم مصطفي قال لهم حافظوا علي الانتصار لرد الجميل لهذا الجمهور العظيم وقال بان اللاعبين نفذوا توجيهات المدرب واعتبر كاريكا هذا الفوز بداية لانتصارات قادمة ولن نكتفي بهزيمة المريخ فقط بل سنسعي لتقليص فارق النقاط بيننا واشاد كاريكا بفريق المريخ بانه قوي.
الغزال: احسست بالتسجيل
وسعيد بعودة الجمهور
قال نجم الهلال مهند الطاهر في تصريحات خاصة لقوون بان الهلال كان في يومه وقال افتقدنا جمهورنا طيلة الشهرين الماضيين والحمد لله كنت موفقا في المباراة واحساسي بالهدف كان منذ التمارين السابقة والتركيز في الشوط الاول لم يكن بالصورة المطلوبة لاننا كنا فاقدين جمهورنا وحول مناصفتي لنجومية المباراة مع اللاعب سفاري اقول يستحقها وفي ختام حديثه شكر الغزال الجمهور الهلالي كثيرا وقال هي فرصة لاعادة الجمهور للمدرجات.
Post: #69 Title: Re: يا مايسـترو .. Author: ثروت سوار الدهب Date: 06-11-2010, 03:33 AM Parent: #68
يا عمك هو الحصل شنو؟ الجماعة ديل ليهم كم يوم بيقولو الموضوع دا محسوم و الغلاط كان في حجم الهزيمة بس من نهاية المباراة ما شيف فيهم زول المحللين ديل يكون الحصل غير كدا؟
Post: #70 Title: Re: يا مايسـترو .. Author: معاوية المدير Date: 06-11-2010, 04:01 AM Parent: #69
Quote: وفلقتونا كمان!
يا عمكـ ، لو ما فلقونا كان يكونو حاجة تانية . إنت مسعول من الخير. أميرة الشيخ وين؟؟؟
Post: #71 Title: Re: يا مايسـترو .. Author: معاوية المدير Date: 06-11-2010, 04:03 AM Parent: #70
هارون دياب بعد المباراة...
Post: #72 Title: Re: يا مايسـترو .. Author: معاوية المدير Date: 06-11-2010, 04:08 AM Parent: #71
Quote: يا كوتش .. قفلوها .. إلا الشقيقتين ديل!
يا عمك دايرين زيادة شقيق عشان نعرش الأستاد، كان نرتاح من الفليق بالطوب...
Post: #73 Title: Re: يا مايسـترو .. Author: doma Date: 06-11-2010, 04:12 AM Parent: #72
مليون مبروك للازرق سيد البلد
Post: #102 Title: Re: يا مايسـترو .. Author: محمد عبد الماجد الصايم Date: 06-12-2010, 07:10 AM Parent: #73
Quote: مليون مبروك للازرق سيد البلد
ومبروكـ ليكـ إنتي يا ستنا وست البلد!
Post: #74 Title: Re: يا مايسـترو .. Author: معاوية المدير Date: 06-11-2010, 04:18 AM Parent: #72
Quote: الحالة ما رسلت ليهو يا ود الضو! لو مشت ليهو كان غِمِر!
يهووووووووووووون الله يا ود الصايم، كاتبها بي بُمبان؟؟؟ الله لا حضرني خرفك...
Post: #75 Title: Re: يا مايسـترو .. Author: معاوية المدير Date: 06-11-2010, 04:32 AM Parent: #74
Post: #76 Title: Re: يا مايسـترو .. Author: بكري عباس علي Date: 06-11-2010, 06:32 AM Parent: #75
ود الصائم
هارون دا الا تكفروا ليهو والله الزول دا جاي للكورة مخصوص من بورسودان شفتوا المغصة كيف
Post: #77 Title: Re: يا مايسـترو .. Author: زياد جعفر عبدالله Date: 06-11-2010, 10:21 AM Parent: #76
هي داب ظعمطة
Post: #78 Title: Re: يا مايسـترو .. Author: Amira Elsheikh Date: 06-11-2010, 10:45 AM Parent: #77
Quote: إنت مسعول من الخير. أميرة الشيخ وين؟؟؟
انا اتقطع ماهو قاااااااااااااااعدة من المبارة انتهت شان حركاتكم دى ما انوم يعنى ...؟ما اكل ؟....ما اشرب ... ياخ فى بوست باسمنا انا وداليا شان حركاتكم دى يا ودالمدير .. ودالصايم ياخ افتح يوست ودق فيهو مصحف وقول للناس ديل نحن قاعدين قبل وبعد المبارة ياخ فترنا زاتوووووووووو
Post: #79 Title: Re: يا مايسـترو .. Author: عمر سعد Date: 06-11-2010, 10:57 AM Parent: #78
ود الصايم مبروك وسلام(الرد لاميره الشيخ)
اميره الشيخ انا مراهنك متذكره
اليوم تلبسى براك فنله زرقاء ولا اجيب الفنله انا ؟
.................................................
وفى كمال سالم لما يجى من السودان مراهنو ..
Post: #80 Title: Re: يا مايسـترو .. Author: Amira Elsheikh Date: 06-11-2010, 11:13 AM Parent: #79
عمرسعد ....؟؟؟؟؟؟؟؟
الاسم دا ماغريب على خالس ..
هو انا عرفة مابعرفك تقول مراهنى عديل ؟؟
انتو بكرى بجيب الناس السلباطة دى من وين ؟
Post: #81 Title: Re: يا مايسـترو .. Author: khaleel Date: 06-11-2010, 11:39 AM Parent: #80
جيب البياض يا ود الصائم
بطل الاستنكاح
لما الهلال يغلب وكلامي يطلع صاح تعمل رايح
ولما الهلال يتغلب تقول لي نحست الهلال
هاك الكركجة دي
Post: #107 Title: Re: يا مايسـترو .. Author: محمد عبد الماجد الصايم Date: 06-12-2010, 07:17 AM Parent: #81
Quote: جيب البياض يا ود الصائم بطل الاستنكاح لما الهلال يغلب وكلامي يطلع صاح تعمل رايح ولما الهلال يتغلب تقول لي نحست الهلال
خلو يا عمكـ تستاهل والله! كلامكـ كان في التنكـ ومية مية عديل! الغريبة إنو محمد عادل برضو كان فاتح بوست!
Post: #82 Title: Re: يا مايسـترو .. Author: عمر سعد Date: 06-11-2010, 11:55 AM Parent: #80
سمعتى بى يوم الجمعه فى اص\دقاء البيئه وانتى لابسه احمر قلت ليك تلبسى ازرق لمن نغلبكم
قلتى لى انا حا البسك احمر لما نغلبكم ....
واسالى خليل فى زول بيراهنى فى كوره بيكسب هاهااهاهااهاها
اما كمال فى السودان كنت بتكلم معاهو وهو بيشترى سجاير
فقال لى البائع سجارتين برنجى بالله قلت ليهو قدرهم يا كمال
Quote: انا اتقطع ماهو قاااااااااااااااعدة من المبارة انتهت شان حركاتكم دى ما انوم يعنى ...؟ما اكل ؟....ما اشرب ... ياخ فى بوست باسمنا انا وداليا شان حركاتكم دى يا ودالمدير .. ودالصايم ياخ افتح يوست ودق فيهو مصحف وقول للناس ديل نحن قاعدين قبل وبعد المبارة ياخ فترنا زاتوووووووووو
بالرآحة يا بت الشيخ، الإنفعال ما كويس يقوم يطق ليك عرق. قصدنا نسعل من أحوالك، وفاقدنك ما في داعي تتخلعي فينا بالصورة دي.
كمان عندك نفس تكتبي بالأحمر!!! غايتو جنس عالم!!!
Post: #86 Title: Re: يا مايسـترو .. Author: Abd Alla Elhabib Date: 06-12-2010, 00:00 AM Parent: #84
Quote: شوفو الشفت دا يجيب لينا البارد!!
متابعتك للأخبار ضعـيفة ياعمـك الشـفت بقي مورد طــلح وشـايل حفـارتو في ضـهـرو.
Post: #87 Title: Re: يا مايسـترو .. Author: بهاء بكري Date: 06-12-2010, 03:30 AM Parent: #86
Quote: انا اتقطع ماهو قاااااااااااااااعدة من المبارة انتهت شان حركاتكم دى ما انوم يعنى ...؟ما اكل ؟....ما اشرب ... ياخ فى بوست باسمنا انا وداليا شان حركاتكم دى يا ودالمدير .. ودالصايم ياخ افتح يوست ودق فيهو مصحف وقول للناس ديل نحن قاعدين قبل وبعد المبارة ياخ فترنا زاتوووووووووو
امك فقدت المنطق
Post: #88 Title: Re: يا مايسـترو .. Author: الوليد عمر Date: 06-12-2010, 04:26 AM Parent: #87
....
مبروك للهلال ،
هاردلك للمريخ
ود الصايم يا عمك راعى مشعوراتنا ياخ،
ما تحكوها معانا، ورانا مصالح .
خلاص إنقشعوا كدا وللا كدا
أمشو شوفوا نقاط حى العرب ديك
قالو الأرباب بيباصر فيها لى يوم الليلة
أسياد بلد و فايقين قدُر دا ؟
للتأريخ : هدفينكم سمحات يعلم الله و الفكى حقكم كارب.
....
Post: #89 Title: Re: يا مايسـترو .. Author: abuguta Date: 06-12-2010, 06:01 AM Parent: #88
ود الصائم
على سبيل الزعمطة
Post: #113 Title: Re: يا مايسـترو .. Author: محمد عبد الماجد الصايم Date: 06-12-2010, 07:25 AM Parent: #89
Quote: ود الصائم على سبيل الزعمطة
أبقوتة .. الغنبلة الموقوتة!! زعمطة بالطريقة الغزالية وعلى أنغام الكاريكا!
Post: #90 Title: Re: يا مايسـترو .. Author: abuguta Date: 06-12-2010, 06:02 AM Parent: #88
ود الصائم
على سبيل الزعمطة
Post: #91 Title: Re: يا مايسـترو .. Author: الطيب رحمه قريمان Date: 06-12-2010, 06:18 AM Parent: #90
Quote: هلّا هلّا البيت بيتكم يا جماعة شوفو الشفت دا يجيب لينا البارد!!
برد يا ود الصايم ... !!!
ليه أنت قاعد فى Winnipeg ؟؟؟؟
Post: #93 Title: Re: يا مايسـترو .. Author: الصادق صديق سلمان Date: 06-12-2010, 06:51 AM Parent: #91
مبروك يا عمك كان الهلال بدراً مكتمل البهاء
Quote: يا كوتش .. قفلوها .. إلا الشقيقتين ديل!
الحمدلله البقوا شقيقتين ما شقيقة واحدة لأنو كان حا يكون لازمها طوبة والطوب الجماعة ديل كملوهو كلوا في استاد المريخ - يعني نجيب ليها طوب من وين؟؟؟؟
إلا نشوف تمبس نصحيهو من النوم عشان يشوف الطوب دا وين؟؟؟؟؟
الصادق
Post: #118 Title: Re: يا مايسـترو .. Author: محمد عبد الماجد الصايم Date: 06-12-2010, 07:37 AM Parent: #93
Quote: والطوب الجماعة ديل كملوهو كلوا في استاد المريخ - يعني نجيب ليها طوب من وين؟؟؟؟
الصادق يا عمكـ ياخ أنا خايف ستاد المريخ دا يتلاشى عديل كـدا! الجماعة ديل بقوا يستهلكوا كمية طوب ما عادية! غايتو بالطريقة دي برجعو للساس بتاع الاستاد خلال 13 مباراة بالكتير!
Post: #115 Title: Re: يا مايسـترو .. Author: محمد عبد الماجد الصايم Date: 06-12-2010, 07:31 AM Parent: #91
Quote: برد يا ود الصايم ... !!! ليه أنت قاعد فى Winnipeg ؟؟؟؟
غايتو يا الطيب يا عمكـ .. ما عرفنا الحتة القلتها دي وين .. لكن للضمان كـدا (لا) لكن الواحد يتمنى يمش يقعد فيها ياخ! ماف طريقة تأشيرة عمرة؟
Post: #92 Title: Re: يا مايسـترو .. Author: إدريس محمد إبراهيم Date: 06-12-2010, 06:34 AM Parent: #90
ود الصايم يا عمك وبقية العقد الفريد من الأهلة أسياد البلد ...
ألف ألف مبروك ...
أنا لو منّك يا ود الصايم طوالي بدق سلف للبرادو وآخذ معاي تامبا الخطير ، وعلى بورسودان عديل، ومن هناك بعد تخليص الإفراج المؤقت الخرطوم راس ... ولما أكون قريب من بيت جنابو عمر عثمان ويكون معاه صاحبك داك هارون دياب أقول ليهم افتحو الشباك .. وبمجرد فتحه تصرخوا سوياً : كككككككاك ... وقبل أن تعودوا أدراجكم من حيث أتيتم لو عرجتم على الجريف ما بططططــال .. وشرحوا ... ومن ثم العودة بالسلامه لربوع الرياض بعد إنجاز المهمه ... مش قالوا عايزين يعملوا كده يا عمك .. سمح وصلتوا وين حسع ...
مع خالص تحياتي وحبي للجميع ؛؛؛
Post: #116 Title: Re: يا مايسـترو .. Author: محمد عبد الماجد الصايم Date: 06-12-2010, 07:32 AM Parent: #92
إدريس يا عمكـ ياخ سيناريو عجيب عديل كــدا! قسما بالله الواحد لو قاعد في السودان إلا يعمل لجنابو دا كـدا ووعد مني إن ربنا حفظنا وحضرت لي هلال مريخ في السودان إلا أعملا!
ياخ جنابو في التلفون زاغ مني دايرو ينتظرني في البيت .. وكمان جمب الشباكـ؟
Post: #112 Title: Re: يا مايسـترو .. Author: محمد عبد الماجد الصايم Date: 06-12-2010, 07:24 AM Parent: #88
Quote: للتأريخ : هدفينكم سمحات يعلم الله و الفكى حقكم كارب.
الوليد يا عمكـ نحيييكـ والله .. جيت براكـ زي بت الشيخ ودلوش ديل! ياخ نحن لينا يومين ما لاقين لينا زول نتناضم معاهو!
القونين سمحات سمحات ما فيهن أي كلام! لكن الفكي دا قصتو جايطة ساي!
سمعت قصة الجماعة مشوا للفكي قبل الكورة عشان يباصرا ليهم، قال ليهم (ما تخافوا يا جماعة .. ألعبوا ضاغط ودفاع منطقة واعتمدوا على المرتدات وشوتوا في الزوي) .. الكوتش قال ليهوا (هاااا البيضة دا لو قادرين نعمل ديل كان جينااكـ).
Post: #129 Title: Re: يا مايسـترو .. Author: احمد الأمين على إدريس Date: 06-12-2010, 08:06 AM Parent: #112
ياعمك يعلم الله مشتاقين قدر شوقنا الكان لى الحبتين ديل أخوك تابع الزعمطه من داخل قلعة افراح سيد البلد (حفرة الجماعه)
ياخ شغل مريح للاعصاب والله ... ابو جريشه قال....هاك الجرش دا
Post: #133 Title: Re: يا مايسـترو .. Author: محمد عبد الماجد الصايم Date: 06-12-2010, 08:22 AM Parent: #129
Quote: أخوك تابع الزعمطه من داخل قلعة افراح سيد البلد (حفرة الجماعه)
يا سلاااام يا أحمد ياخ! والله مفروض الواحد يتحمدل ليكـ السلامة من معارك ذات الحجارة البقت مدوّرة طوالي في المكان دا!
حمد لله على السلامة ياخ! بركة المرقت سالم يا عمكـ!
ريّحت أعصابي ياخ!
Post: #132 Title: Re: يا مايسـترو .. Author: شعبان شريف Date: 06-12-2010, 08:13 AM Parent: #112
سمعت قصة الجماعة مشوا للفكي قبل الكورة عشان يباصرا ليهم، قال ليهم (ما تخافوا يا جماعة .. ألعبوا ضاغط ودفاع منطقة واعتمدوا على المرتدات وشوتوا في الزوي) .. الكوتش قال ليهوا (هاااا البيضة دا لو قادرين نعمل ديل كان جينااكـ). والله العظيم ظللت أضحك وأضحك لوحدي ... من الفكي المدرب داك ....
Post: #134 Title: Re: يا مايسـترو .. Author: محمد عبد الماجد الصايم Date: 06-12-2010, 08:23 AM Parent: #132
Quote: والله العظيم ظللت أضحك وأضحك لوحدي ... من الفكي المدرب داك ....
شعبان يا مو يا عمكـ! أخباركـ ياخ والأمور أدام الله الضحكة والبسطة! وركّز على حكاية (الزوي) دي!
Post: #110 Title: Re: يا مايسـترو .. Author: محمد عبد الماجد الصايم Date: 06-12-2010, 07:21 AM Parent: #86
Quote: الشـفت بقي مورد طــلح وشـايل حفـارتو في ضـهـرو.
ود الحبيب .. الزول دا موضوعو بقى بيش عديل!! غايتو تاني الطلح دا بشوفو قون قون!
Post: #109 Title: Re: يا مايسـترو .. Author: محمد عبد الماجد الصايم Date: 06-12-2010, 07:21 AM Parent: #84
Quote: مبروك يا محمد .. شفت الهوبا كيف؟
فتحي يا عمكـ .. هوبا ساي! ياخ شفت كاريكا ليّس الكورة دي كيف؟ الله يباركـ فيكـ يا حبيب!
Post: #108 Title: Re: يا مايسـترو .. Author: محمد عبد الماجد الصايم Date: 06-12-2010, 07:20 AM Parent: #82
Quote: اما كمال فى السودان كنت بتكلم معاهو وهو بيشترى سجاير فقال لى البائع سجارتين برنجى بالله قلت ليهو قدرهم يا كمال
كمال دا حريف عديييييل!
Post: #106 Title: Re: يا مايسـترو .. Author: محمد عبد الماجد الصايم Date: 06-12-2010, 07:16 AM Parent: #79
Quote: اميره الشيخ انا مراهنك متذكره اليوم تلبسى براك فنله زرقاء ولا اجيب الفنله انا ؟
عمر سعد يا عمكـ الصور أهم شيء .. الصور يا عمكـ! وفتح البوست علي أنا دا!
Post: #105 Title: Re: يا مايسـترو .. Author: محمد عبد الماجد الصايم Date: 06-12-2010, 07:15 AM Parent: #77
Quote: هي داب ظعمطة
زياد يا عمكـ غايتو مهند وكاريكا خلو ليكـ إحساس محمد كمال زي إحساسنا لما شفنا اليوتوب بتاع العزف بتاعكـ!
كااااااااااااااااااااااااااااكـ ياخ! حييييييييييييييييييييي أنا
Post: #114 Title: Re: يا مايسـترو .. Author: عمر الفاروق عبد الله الشيخ Date: 06-12-2010, 07:29 AM Parent: #105
Post: #103 Title: Re: يا مايسـترو .. Author: محمد عبد الماجد الصايم Date: 06-12-2010, 07:13 AM Parent: #74
Quote: كاتبها بي بُمبان؟؟؟ الله لا حضرني خرفك...
يا عمكـ .. الرسايل دي ما بتتكتب! بتجي مرسومة عدييييييييل!
Post: #101 Title: Re: يا مايسـترو .. Author: محمد عبد الماجد الصايم Date: 06-12-2010, 07:09 AM Parent: #71
Quote: هارون دياب بعد المباراة...
ما بقدر يعمل كـدا يا عمكـ! الزول دا صلعة ياخ!
Post: #100 Title: Re: يا مايسـترو .. Author: محمد عبد الماجد الصايم Date: 06-12-2010, 07:09 AM Parent: #70
Quote: إنت مسعول من الخير. أميرة الشيخ وين؟؟؟
غايتو يا ود المدير سويتا ظاهرة! ياخ بت الشيخ واقعة في البوستات دي كوولها نقط نقط .. الظاهر عندها فكرة مشروع ري بالتنقيط!
واحتمال كبير تكون فقدت سوائل!
Post: #99 Title: Re: يا مايسـترو .. Author: محمد عبد الماجد الصايم Date: 06-12-2010, 07:08 AM Parent: #69
Quote: بس من نهاية المباراة ما شيف فيهم زول المحللين ديل
ثروت يا عمكـ .. ياخ أنا قبل الكورة بقيت ليهم زي دكتور مصطفى محمود .. أنادي بعدم قفل الموبايلات ووسائل الاتصالات! بعد الكورة إنت قايلني لقيت زول!!
ما عارف الناس دي قفلت موبايلاتا ولّ ناس الاتصالات أخدوا إجازة طارئة!
__ عدا رهط منهم
Post: #98 Title: Re: يا مايسـترو .. Author: محمد عبد الماجد الصايم Date: 06-12-2010, 07:06 AM Parent: #68
بهاء بكري يا حبيب تسلم ياخ على الخبريات الحلوة والمتابعة! والقونين شغل نضيف عديل كـدا!
Post: #97 Title: Re: يا مايسـترو .. Author: محمد عبد الماجد الصايم Date: 06-12-2010, 07:05 AM Parent: #64
Quote: مبروووووووووك يا ابو السيوف و الجميع و صاحب البوست
سبيل يا عمكـ الله يباركـ فيكـ يا حبيب غايتو العِرس حمانا النوم عديل!
Post: #96 Title: Re: يا مايسـترو .. Author: محمد عبد الماجد الصايم Date: 06-12-2010, 07:04 AM Parent: #63
Quote: ان شاء الله يستحملوه
سيف يا عمو .. ما أظن قدروا يستحملوا الغلب! شايف كلهم ماخدين سكليف من يوم الكورة!
Post: #95 Title: Re: يا مايسـترو .. Author: محمد عبد الماجد الصايم Date: 06-12-2010, 07:03 AM Parent: #62
Quote: ياخي المعتصم كبر لفتو براهو ، يعني بعد كلامك النشرتو ده : أقول لاب صلعه شنو ؟
أها يا خال .. عشان تاني ما تدرع الموضوع في رقبتكـ ساي! ما شايفنا نحن كبّرنا اللفة من الإيميل زاتو!
Post: #94 Title: Re: يا مايسـترو .. Author: محمد عبد الماجد الصايم Date: 06-12-2010, 07:02 AM Parent: #61
Quote: اديهم -- راجنك بيقادي
عاطف يا عمكـ .. الله يباركـ فيكـ يا حبيب! نديهم في أي حتة .. هنا وهناكـ وإن بتوين كمان!
Post: #111 Title: Re: يا مايسـترو .. Author: البحيراوي Date: 06-12-2010, 07:22 AM Parent: #94
ود الصايم
صباح الخير - صحي زعمطونا - بس خلي بالكم وحافظوا علي جلدكم النظييييف دا من زعمتط الجماعة الصغار صغار . وبرضوا خلونا نعرف كيف نتفادي الزعمطة مع جمالنا دا . يعني هو ذاتو مساك دربين ضهيب وركاب سرجين وقيع . يعني يا المريخ يا المجلس الوطني.
بحيراوي
Post: #117 Title: Re: يا مايسـترو .. Author: محمد سنى دفع الله Date: 06-12-2010, 07:35 AM Parent: #111
ضربة جزاء صحيحة !! عدوووها ؟ لالالالا ما عدوها ..
Post: #120 Title: Re: يا مايسـترو .. Author: ميسرة سيد أحمد Date: 06-12-2010, 07:40 AM Parent: #117
كل زعمطه وإنت طيب * * * * * في زول عنده صلعة يزعمطوه
براحة عليهم يا عمك ،،،،
Post: #126 Title: Re: يا مايسـترو .. Author: محمد عبد الماجد الصايم Date: 06-12-2010, 07:53 AM Parent: #120
Quote: في زول عنده صلعة يزعمطوه براحة عليهم يا عمك ،،،،
مسيرة يا عمكـ إنت قايل الزعمطة دي في الراس بس! يا زول .. إنت قاعد وين ياخ!
Post: #121 Title: Re: يا مايسـترو .. Author: محمد سنى دفع الله Date: 06-12-2010, 07:40 AM Parent: #117
قالوا امبييلي طار وبدل في الهوا ولعب الضربة الخلفية الساحقة عدوووها ؟؟؟ لالالاما عدوها ..
Post: #125 Title: Re: يا مايسـترو .. Author: محمد عبد الماجد الصايم Date: 06-12-2010, 07:52 AM Parent: #121
Quote: قالوا امبييلي طار وبدل في الهوا ولعب الضربة الخلفية الساحقة عدوووها ؟؟؟ لالالاما عدوها ..
كورس من الخلف لا لالا لا ما عدوها!
Post: #124 Title: Re: يا مايسـترو .. Author: محمد عبد الماجد الصايم Date: 06-12-2010, 07:51 AM Parent: #117
محمد السني يا عمكـ البلنتي خليهو! الزول دا إن شاء الله ما اتعووق!
Post: #122 Title: Re: يا مايسـترو .. Author: محمد عبد الماجد الصايم Date: 06-12-2010, 07:41 AM Parent: #111
Quote: وبرضوا خلونا نعرف كيف نتفادي الزعمطة مع جمالنا دا يعني هو ذاتو مساك دربين ضهيب وركاب سرجين وقيع
يا سلااااام يا بحيراوي ياخ! يمين جبت النجيضة عديييييل!
أها الكلام دا نفس الحال في المُزعمِط والمُزعَمط!! أنديتنا شركات عائلية .. سياسيتنا شركات عائلية!!
غايتو نقعد نزعمط في بعض كـدا لمّا نكمل!
Post: #123 Title: Re: يا مايسـترو .. Author: محمد سنى دفع الله Date: 06-12-2010, 07:46 AM Parent: #122
اللله يقطع رحطهم قطعنو التسلسل بتاعنا وحبل افكارنا زعمطة هناك وهنا دابي شوفت البوست ده لي ايام في التصوير وماجايب خبر الزعمطة ودي على الطاير
Post: #127 Title: Re: يا مايسـترو .. Author: محمد سنى دفع الله Date: 06-12-2010, 07:57 AM Parent: #123
ده سؤال تسالني ليهو انت لابس اصفر ولا شنو اتعوق ساكت انت شايف خاتيها ليهو في حنانو تقول لي اتعوق
Post: #128 Title: Re: يا مايسـترو .. Author: امير عوض الجمري Date: 06-12-2010, 08:05 AM Parent: #127
احيّييييييييييييييييييييييييييييا يا ود الصائم والله الغلب حارقني حرقة
غايتو مبروك ... من طرف اللسان ..
ياخ عدنان حمد ده نحس ......................... والله جد
Post: #135 Title: Re: يا مايسـترو .. Author: محمد عبد الماجد الصايم Date: 06-12-2010, 08:24 AM Parent: #128
Quote: احيّييييييييييييييييييييييييييييا يا ود الصائم والله الغلب حارقني حرقة
ههههههههههههههههههههههههه كاااااااااااكـ يا عمكـ!
أمش فشّتها في (سوات)
_ عمكـ عدنان عمل ليهو خطأ من النوع ألف زي ما بقولوا!
Post: #131 Title: Re: يا مايسـترو .. Author: محمد عبد الماجد الصايم Date: 06-12-2010, 08:10 AM Parent: #127
Quote: انت شايف خاتيها ليهو في حنانو
عشان كـدا يا عمكـ قلنا ليكـ ما يكون اتعوّق الواحد شاف الصورة طوالي ختى يدو في حنانو
Post: #130 Title: Re: يا مايسـترو .. Author: محمد عبد الماجد الصايم Date: 06-12-2010, 08:09 AM Parent: #123
Quote: ودي على الطاير
غايتو كانت على الطاير جد جد!
Post: #136 Title: Re: يا مايسـترو .. Author: إدريس محمد إبراهيم Date: 06-12-2010, 08:36 AM Parent: #130
ود الصايم يا عمك .. تعليق جميل لشاعرنا المبدع وعضو البورد الذي فقد باسويرده وأتمنى من أخونا بكري - بالمناسبه الزول ده هلالابي وله من الجماعه إياهم - أن يساعده في استعادته، الواثق عبد الرحمن في الفيسبوك أعجبني :
الهلال....الهلال....الهلال....الهلال....يظهر دائما في المواعيد الكبيرة....تماما مثل طائر الفينيق ينتفض من تحت الرماد...ليمضي شاهقاً نحو الامجاد...والنصر...والجمال....يا سلااااااام ياخ ياخوانا العايز مني دين يجيني هسة بديهو...العايز قصيدة بديهو...الدايرني اغني ليهو بغني ليهو فرمالتي الاثيرة...الزاهي في خدرو ما تألم الا يوم كلمو تكلم....انا مبسوووووووووووط
شفت الروعه دي كيف يا عمك ...
Post: #137 Title: Re: يا مايسـترو .. Author: محمد عبد الماجد الصايم Date: 06-12-2010, 08:40 AM Parent: #136
روعة ساي يا عمكـ هي روعة نُصاح؟
Post: #139 Title: Re: يا مايسـترو .. Author: جلال عثمان Date: 06-12-2010, 08:58 AM Parent: #130
Quote: انت لابس اصفر ولا شنو اتعوق ساكت انت شايف خاتيها ليهو في حنانو تقول لي اتعوق
اضحك الله سنك يافنان ... ياعمك ارخي ياخ ... شايف المعايير بقت "تنفتل" هذا ومع التهنئة لكل اسياد البلد
Post: #142 Title: Re: يا مايسـترو .. Author: محمد عبد الماجد الصايم Date: 06-12-2010, 09:03 AM Parent: #139
Quote: هذا ومع التهنئة لكل اسياد البلد
جلال يا عمكـ تسلم ياخ! ويسلم حنانكـ!
Post: #138 Title: Re: النجيضة .. زعمطـــناكم! Author: هند محمد Date: 06-12-2010, 08:49 AM Parent: #1
ود الصايم الف مبروك لسيد البلد
فوز مستحق بجدارة
ولاعزاء للمزعمطين
Post: #140 Title: Re: النجيضة .. زعمطـــناكم! Author: محمد عبد الماجد الصايم Date: 06-12-2010, 08:59 AM Parent: #138
هند .. ياخ ما معقول! أمش بوستيكـ ألاقيكـ قاعدة هنا!
Post: #146 Title: Re: النجيضة .. زعمطـــناكم! Author: محمد عبد الماجد الصايم Date: 06-12-2010, 12:01 PM Parent: #145
يا دكتور .. سوكرتا شنو ياخ! أعمل أبديت يا عمكـ .. الرش حصل
Post: #147 Title: Re: النجيضة .. زعمطـــناكم! Author: عبد اللطيف بكري أحمد Date: 06-12-2010, 12:42 PM Parent: #146
شنو ياعمك مخسرننا بنزين (2) تنك ، وعملتو فيها كربوني؟؟
1- وين رحلة الدمام؟؟
2- فاتورة الدريس موجودة (91) وكدا!!
3- الجماعة ديل خلاص كفاهم زعمطهم عدمتهم الريشة !!! ههههههههه!!
4- وين الكرامة ؟؟ الواحد يمرض ويجي زي الماعامل حاجة؟؟
Post: #148 Title: Re: النجيضة .. زعمطـــناكم! Author: محمد عبد الماجد الصايم Date: 06-12-2010, 01:45 PM Parent: #147
عبد اللطيف يا عمكـ! شايف الجماعة عملوها كسور وبواقي واختبارات! غايتو لحدي ما تنتهي الاختبارات دي نشوف القصة بتاعتم شنو! بعدين الفاتورة والكرامة في على شاطئ نصف القمر!
Post: #149 Title: Re: النجيضة .. زعمطـــناكم! Author: عبد اللطيف بكري أحمد Date: 06-12-2010, 01:55 PM Parent: #148
Quote: على شاطئ نصف القمر
هسة يقوموا المزعمطين خارج المملكة يقولوا قاصدهم:
وضح ليهم : نصف القمر الهنا دا موش بتاع مهند ومدثر،،
دا كورنيش في الدمام!!
كرامة مقبولة ياعمك!! عقبال الدورة الثانية!!
Post: #150 Title: Re: النجيضة .. زعمطـــناكم! Author: محمد عبد الماجد الصايم Date: 06-12-2010, 02:02 PM Parent: #149
Quote: كرامة مقبولة ياعمك!! عقبال الدورة الثانية!!
Post: #173 Title: Re: النجيضة .. زعمطـــناكم! Author: محمد عبد الماجد الصايم Date: 06-13-2010, 09:20 AM Parent: #168
Quote: ياتو فيم ؟؟؟؟؟؟؟
بتاع المستوى القلتو ليكـ فوق دا!! يا عمكـ .. الحكاية كورة وونسة وهظار! في داعي لقصة فيران والمستويات الهابطة دي؟
Post: #169 Title: Re: النجيضة .. زعمطـــناكم! Author: معتصم دفع الله Date: 06-13-2010, 08:57 AM Parent: #166
هو في شنو كدي فهمونا ؟ الزعمطو منو والكلام دا حصل متين .. ما تقول لي يوم 10 القريب دا .. غايتو أنا ما فاهم أي حاجة ..
أنا عن نفسي وقفت مشروع الرسائل دا زمااان يا عمك .. ياخي يبقى عليهم رسائل وعدم عشاء أمانة في زمتك يا أميرة الشيخ إتعشيتي ؟ وكان لي أساسي داك ما يغشك يقول ليك كنت في الحرم دا إسمو الهروب الكبير .. أمير الجمري صاحبي لا أحسن ما يحرقك كان مراهن على العجب ووارغو ويا عمر عثمان أها الوالي لبسكم اللونين والجماعة أدوكم الحبتين ..
أزعمطكم ..
Post: #170 Title: Re: النجيضة .. زعمطـــناكم! Author: سيف بخيت موسي Date: 06-13-2010, 09:04 AM Parent: #169
زعمطة نصاح هي
خلتهم شايلين حجارتم ذي المجانين
اتزعمطي
Post: #175 Title: Re: النجيضة .. زعمطـــناكم! Author: محمد عبد الماجد الصايم Date: 06-13-2010, 09:22 AM Parent: #170
Quote: خلتهم شايلين حجارتم ذي المجانين
سيف يا عمكـ باقي ليهم ينزلوا الصواني بس!
زعععععمطة ورقاد واطة!
Post: #174 Title: Re: النجيضة .. زعمطـــناكم! Author: محمد عبد الماجد الصايم Date: 06-13-2010, 09:21 AM Parent: #169
Quote: أمانة في زمتك يا أميرة الشيخ إتعشيتي ؟
ياها جهجهة يوم عشرة زاتا يا شفيف! غايتو بت الشيخ دي أشهد ليها كانت قاعدة مزازية معانا في المنبر دا لحدت صلاة الصبح .. بعد داكـ ما عارف عملت شنو!
Post: #176 Title: Re: النجيضة .. زعمطـــناكم! Author: معتصم دفع الله Date: 06-13-2010, 10:05 AM Parent: #174
Quote: غايتو بت الشيخ دي أشهد ليها كانت قاعدة مزازية معانا في المنبر دا لحدت صلاة الصبح .. بعد داكـ ما عارف عملت شنو!
وحاتك أنا القدامك دا الغالب قونين قربوو يبيتوني بدون عشاء ياخي الوصيفاب ديل يوم يكونو مغلوبين أقلاهو بفلقوك .. تقول لي عشاء ..
أتفلقي ..
Post: #177 Title: Re: النجيضة .. زعمطـــناكم! Author: محمد عبد الماجد الصايم Date: 06-13-2010, 12:23 PM Parent: #176
يا شفيف .. قرّض على كـدا! لو كان التالت جا كان رجعت غرفة العُليا
من حسنات المباراة دي يا عمّكـ، إنو أخونا في الله هارون دياب، سنّ لينا سُنّة حسنة. يعني الجماعة ديل لو لأي سبب من الأسباب يوم زعمطونا ممكن نعمل أضان الحامل طرشا، ويكون الزوغان عآدي زي الزبادي...
Post: #179 Title: Re: النجيضة .. زعمطـــناكم! Author: أمين يحيى Date: 06-13-2010, 06:23 PM Parent: #178
Quote: لو لأي سبب من الأسباب يوم زعمطونا
ود المدير تحياتي... (فال الله ولا فالك) بعدين ياخ الزعمطة دي مصطلح سيادي ... ما تدي فرصة (للكفوة) (يرفعوا) السوية الثقافية بتاعتهم بللوشي _________________ ود الصايم أنا لابد فوق راي (منتظر واحد أخونا يجي حايم بي جاي) لكن لقيتو حريييييييييييف ... حقو الوالي يسجلو
Post: #181 Title: Re: النجيضة .. زعمطـــناكم! Author: محمد عبد الماجد الصايم Date: 06-14-2010, 08:22 AM Parent: #179
أمين يا عمكـ الجماعة ديل أجدع ناس في تكبير اللفة وأفصح ناس في فتح النيران!!
_ دا منو ياخ؟
Post: #180 Title: Re: النجيضة .. زعمطـــناكم! Author: محمد عبد الماجد الصايم Date: 06-14-2010, 08:21 AM Parent: #178
يا ود المدير .. ما تبالغ كمان! يعني إنت قايل دي أول مرة يعملوها؟