لي طلب قبل الترشيح: أرجو عدم ترشيح .. السيدة الأولى .. تراجي مصطفى .. لانو بقت عادية طبزاتها .. كما أرجو أن تعتمد هيئة شئون الطبز .. ترشيح كاتب هذه المداخلة .. لانها متعتني من الصباح ,,
Quote: الامانة الادبية وحدها تجبرني علي الاعتراف بان صديقنا هذا قد اخذ مني مبلغ عشرة الاف جنيه ( بالقديم) من اجل رخصة السواقة التي كنت بحاجتها تلك الايام لقيادة الركشة التي كنت اسعاها.
ياخ افترض إني حصلت علي الحاجة دي .. ما بجي بكتبه في موقع عام بيقروهو كل الناس .. لانو زي دي بتخصم من اسهم الواحد خاصو وإنو طارح نفسو زول شفت .. وبتاع اي حاجة .. يا كاروشة لو عندك اي كاس عليك الله اديهو للزميل دا .. لحدت ما اشوف ليهو هدية مناسبة ..
كما ارجو إنو العندو الوش الكبير الضاح داك .. يدرجو لينا هنا دا ..
Post: #24 Title: Re: طـبّاز البــورض! Author: محمد عبد الماجد الصايم Date: 04-03-2010, 08:44 AM Parent: #17
Quote: أرجو عدم ترشيح .. السيدة الأولى .. تراجي مصطفى .. لانو بقت عادية طبزاتها .. كما أرجو أن تعتمد هيئة شئون الطبز .. ترشيح كاتب هذه المداخلة .. لانها متعتني من الصباح
والله يا تمبس يا عمكـ طلباتكـ أوامر عديل كـدا لكن في الأول دا ماف طريقة عديل كـدا! بالعكس .. ممكن نعتبر دا ترشيح صريح منكـ
أما بالنسبة لأساسي .. أخانا الذي كان شفتاً فقد وصله اعتماد ترشيحه لهذا المنصب .. المطبوز!
Post: #12 Title: Re: طـبّاز البــورض! Author: معاوية عوض الكريم Date: 04-03-2010, 08:17 AM Parent: #8
يا عمك .. ممكن الواحد يجمع بين لقبين ؟
Post: #14 Title: Re: طـبّاز البــورض! Author: محمد عبد الماجد الصايم Date: 04-03-2010, 08:21 AM Parent: #12
Quote: ممكن الواحد يجمع بين لقبين
يا سيناتور عارفكـ قاصد منو .. سجلو سجلو ياخ!
بعدين احتمال نديهو لقب تاني في السلسلة الجاية قريبا بعنوان: شـــليق البـــورض
هههههههههه بفلقك الليله بالحجار وبكره برشك بالفل .. ماسمعته شول قال ليهو يا بدر الدين مالك واقع شليت في الناس هههههههههه
Post: #40 Title: Re: طـبّاز البــورض! Author: محمد عبد الماجد الصايم Date: 04-03-2010, 09:16 AM Parent: #32
Quote: بفلقك الليله بالحجار وبكره برشك بالفل
بت الصادق يا عمتكـ دا ما ياهو الطبيّز زاتو ياخ!
ممكن أعتبر مداخلتكـ دي صوت لبدر الدين؟
Post: #25 Title: Re: طـبّاز البــورض! Author: محمد عبد الماجد الصايم Date: 04-03-2010, 08:45 AM Parent: #15
Quote: هناى داك ياخى
بشير يا عمكـ .. أفصح ياخ!! الدار أمان .. وفي الغالب البوست حيروح الكرتونة أول ما بكري يصحا!
. . .
وبالتالي أفصح .. وفش غبينتكـ!
Post: #16 Title: Re: طـبّاز البــورض! Author: محمد عبد الماجد الصايم Date: 04-03-2010, 08:27 AM Parent: #14
Quote: بدر الدين الأمير
عندو القدرة التامة على (طبز) أي حاجة جميلة!
طبّاز بصورة غير طبيعية ياخ!
Post: #21 Title: Re: طـبّاز البــورض! Author: وليد عبد اللطيف Date: 04-03-2010, 08:31 AM Parent: #14
Quote: يا عمك .. ممكن الواحد يجمع بين لقبين ؟
ود الصايم ياعمكـ انت السناتور معاوية دا قاصد دكتور (شداد ) ولا شنو ياهو زاتو الكلام العمل مشاكل بين دكتور شداد ويوسف عبد الفناح هههههههههه
Post: #28 Title: Re: طـبّاز البــورض! Author: محمد عبد الماجد الصايم Date: 04-03-2010, 08:50 AM Parent: #21
Quote: انت السناتور معاوية دا قاصد دكتور (شداد ) ولا شنو
وليد يا عمكـ لا لا لا ياخ! شـداد دا داير ليهو لقب يتفصّل على مقاسو عدييل كـدا .. والسناتور دا أنا فاهمو ليكـ كويس جـدا .. عاوز يعمل قسمة الشريكين مع سيد الألقاب
Post: #19 Title: Re: طـبّاز البــورض! Author: عمران حسن صالح Date: 04-03-2010, 08:28 AM Parent: #8
خشيت أقرأ باعتبار الباء ( يـاء ) .. في هذه الحالة استخدام مفتاح ( التاء ) مع مفتاح الشفت لعمل مسافة بين الأحرف يعني كده ( طبَـــــــــــــــــاز ) ... على أن لا يكون المد طويلاً مخافة الفتل ..
________ تجننوا ياخي
Post: #22 Title: Re: طـبّاز البــورض! Author: محي الدين الريس Date: 04-03-2010, 08:39 AM Parent: #19
أرشح صلاح غريبه ما في غيرو (ياااااااااااااااااا خلف الله جننتنا)
Post: #23 Title: Re: طـبّاز البــورض! Author: عبدالكريم الامين احمد Date: 04-03-2010, 08:43 AM Parent: #22
Quote: بدر الدين الأمير
اثني علي كل المستويات الرئاسية والتشريعية والاسفيرية...
وعلى رأى المثل: (الطــبزة) بتحرق الواطيها و(الطـــبزة ) ولا صمة الخشم وطبزة طبزة الليل نعدو ودى بداية يا ودا الصايم واللا اوع اكون كنت نااااايم واطلع (طباز) من يوووومو وخلى (الخبز) للطبااااااااااااااااااااااز!لو ياكل (بوستو)!! مع ساحق التحايا ومودتى
Post: #39 Title: Re: طـبّاز البــورض! Author: محمد عبد الماجد الصايم Date: 04-03-2010, 09:14 AM Parent: #29
القائمة المعتمدة (ترشيح وتثنية): بدر الدين الأمير أب سجارتن كوبية كماين المسكين المشهور بطلحة عبد الله محمد الحسن سليمان الشهير بالحبشي!
في انتظار التثنية: تراجي مصطفى أساسي الكان قبل الكراسي عمو غريبة خلف الله
Post: #69 Title: Re: طـبّاز البــورض! Author: محمد عبد الماجد الصايم Date: 04-03-2010, 10:21 AM Parent: #60
Quote: محمد طه الحبر عليك الله سجلو لي اول القائمة ياخي طبزاتو حيرت منير امبده زااااااااااتو......!!!!!
دياب يا عمكـ يمين أنا الليلة أكتب ليكـ جمجرة تريحكـ في حنان حنانكـ زاتو!! فيما يختص الترشيح بتاعكـ دا ياخ ما معقول نرشح ود الأمير وود الحبر! معقولة ياخ! واحد كفاية يا عمكـ! ينطبق عليهما المثل: طابز ومطبوز .. وبينهما باسوورد!
Post: #65 Title: Re: طـبّاز البــورض! Author: محمد عبد الماجد الصايم Date: 04-03-2010, 10:17 AM Parent: #55
Quote: في واحد طباز فتح ليهو فرن بقى طباز رغيف
بعد دا يا السني الواحد ممكن يسجلكـ طباز محترف!
Post: #68 Title: Re: طـبّاز البــورض! Author: محمد عبدالله حمدنا الله Date: 04-03-2010, 10:20 AM Parent: #55
يا عمك.....
المرشح الفي بالي و بالك دا و اللللللللللللللللللله مبدع.... . . . . ياخ دا أنا قدر ما فتشت ... لي حسع ما لقيت ليهو لقب مقاسو.... . . كل الألقاب أصغر منو.. . . سمعنا بالشتارة.. بالطبز... بالشوت الضفاري...البوز... . . لكن على الأقل الزول البيشوت بكون عارف يشوت وين؟ و بعد داك بيجليها أو يطفشها.. لكن أصلو ما لقاني واحد.. لا بيعرف يشوت لا بيعرف على ويين يهدف؟ و لا كمان بيعرف يجلي؟
. . . شخصية مبدعة خالس..خالس..أمسك هاك: . . .
1-عامل للغة العربية فلايت... 2-خلا التاريخ قاعد يغالط في روحو.. 3-جهجه باكات أي فكرة ينزلها.. 4-أي موضوع يفتحو بدايتو بتنكر نهايتو حطب... 5-أعظم عبقري...ما بيقدر يفهم شئ..و لا بيميز بين غث اللغة و لا خطل الأفكار.. 6-..... 7-.... 8-.... و الأهم من دا كلو...إنو عندو القدرة على التنظير في كل الأمور و من كل المناظير.. إبتداءآ من الحوادث المرورية و إنتهاءآ بالأزمات السياسية...
لكن .. النصيحة.. ثقتو في نفسو عآآآآآلية... ما شغال بي زول البتة..
غايتو زولك دا قبال ما فشفاشنا و كبدتناو لهاتنا تشكيهو لي ربنا... . . .
الحاجات الفوق دي سبقتنا زمآآآآآآآآآآآآآآآآآآآآآآآآآن . . . اللهم لا نسألك رد القضاء.... . . . مودتي... ودحطب الله
Post: #74 Title: Re: طـبّاز البــورض! Author: محمد عبد الماجد الصايم Date: 04-03-2010, 10:27 AM Parent: #68
لا حولااااااااااااا ود حطب الله! يمين عملت للزول دا فلايت عدييييييييل!
خلاس يا عمكـ نحن بعد ما نخلص في المرحلة الجاية موضوع (شــليق البـورض) ونديهو اللقب برضو .. نعمل بوست نسميهو (أي حاجة البورض) وبرضو حنديهو اللقب!
Post: #85 Title: Re: طـبّاز البــورض! Author: محمد عبدالله حمدنا الله Date: 04-03-2010, 10:56 AM Parent: #74
Quote: ثالثآ: لم أكن يومآ أود التداخل معك "هذا مع إحترامي لك و لما تطرح"..و ذلك لقناعتي بأن "كل شيخ و ليهو طريقتو".... كنت في الماضي و أنا أراك تفعل باللغة "الأفاعيل" أقول في نفسي: ليس هذا مما يعيب الرجل....لكن بعد أن رأيتك اليوم تفتي في شأن اللغة هذه ....ثَقُل على نفسي السكوت....لذلك إقتبست لك "المقتطفات" أعلاه...و هي كما ترى فقط من هذا البوست....فلم أُجهد نفسي بالبحث في سالف كتابتك و لك فيها ما تعلم من "طبزات".... . .
خذها نصيحة مني و أنا الذي لازلت أتعلم و أحاول الإرتقاء لهذه المنزلة التي وضعت نفسك فيها..و لا أظنني أفلح قريبآ....إطرح ما شئت... و أكتب ما يحيك بدواخلك كما يحلو لك....لكن لا تُطلق سهمآ تكون أنت أول من يُصاب به... ....حينها لن يلوم الناس غيرك و لن يسعهم إلا أن يقولوا: بئس الرامي.... .
يا عمك... . . . أنا ما حصل إتداخلت مع زول عشان أنتقدو..لكن صراحة كيلي طفح... الإقتباس الفوق دا حتلقاني already جبت سيرة "الطبزات" و "طبيز"..و الكلام دا ليهو فترة.. . . . لكن ...و اللللللللله...و الللللللللله.... و اللللللللله
أنا الزول دا عافي ليهو السواهو فيني لوجه الله... .. . . بس عندي سؤال.. . . . إنت الزول دا زعلان من روحو شديد كدا ليه ياخ؟ . . و لييييه بيسوي فيها كدا؟ . . . .
مودتي.... ودحطب الله
Post: #88 Title: Re: طـبّاز البــورض! Author: محمد عبد الماجد الصايم Date: 04-03-2010, 11:10 AM Parent: #85
والله يا ود حطب الله! عمكـ دا جهجه اللغة العربية والإنجليزية واللغات المشتركة كمان!
ياخ دا جهجه البورداب زاتم!
فما تضايق يا عمكـ بضمن ليكـ تماما لو ما حصل على اللقب حنديهو لقب المساعد الأول لشؤون الطبز ووزن الشعر!
ياخ افترض إني حصلت علي الحاجة دي .. ما بجي بكتبه في موقع عام بيقروهو كل الناس .. لانو زي دي بتخصم من اسهم الواحد خاصو وإنو طارح نفسو زول شفت .. وبتاع اي حاجة ..
تعرف يا تمبس دا الفرق بيني وبينك في الفهم دا بالذات , عارف بتذكرني شنو يا تامبا بي طريقة فهمك للحاجات دي , بتذكرني السعودين ( طرش البحر) يعني السعودين المجنسين الواحد تلقاهو من اصول تركمانستانية عيونه عاملات لي وراء كدا ولا تلقاهو من اصول نيجيرية ولا من اصول تركية يعني جدو قبل خمسين سنة لي وراء جا السعودية دي كداري للحج , اها الحفيد دا تلقاهو فرحان بانه سعودي اذا ركبت معاهو في تكسي او لميت فيهو في اي ملف اول حاجة يشبكك والله حنا السعودين و الاجانب كرهونا و الحنك البيش دا تعرفوا مخلوع بالمالقاهو في بيت ابوهو , مافي سعودي نجدي او حجازي من بيت مأصلل مهوس بقصة انه سعودي دي , فالحكاية دي بتشبهك يا الحبيب في انك بتعتقد انك طارح نفسك شفت ومقطعها وود بيفحم الخلق في قبولهم ويدكها وقت ما عاوز , الامر مختلف بالنسبة لينا يا الغالي , زمان قبل سبعة ثمانية سنوات لمن الواحد كان حاسي بانه شفت او الاحساس المالكك دا الوقت داك انت ما عندك غير البوست الفرمالة بتاع عامر الجوهري متذكر الايام ديك فعشان تكون في الصورة يالحبيب الواحد هنا طارح نفسه بتاع ونسة يعني يدخل البورد دا يتونس مع الشباب ولا يلوى علي شئ , البورد دا ما عندنا كبير زي ما عندكم , ولا نهتم بما يقوله الاخرون فنحن علي ثقة مطلقة لا حدوود لها في امكانيتنا وفي شفتنتنا التي لا يأتيها الباطل والخوار بين يديها ولا خلفها عشان كدا يا الحبيب اخوك لا يهتم اصلا بصورته الشخصية واسهمه عند الاخرين فالاسهم دي الغالي في النهاية مملوكة للعبد لله لذا لا يضيرنا انخفاض قيمتها او ارتفاعها عند من لا يؤثرون علي قيمتها الحقيقية البورد دا لو طار السماء ولا رك في الزنكي محل ونسة وغلاط لا اكثر ولا اقل صورنا الشخصية واسهمنا غير مرتبطة بمكان الضحك او القفشات والغلاط
Quote: البورد دا لو طار السماء ولا رك في الزنكي محل ونسة وغلاط لا اكثر ولا اقل صورنا الشخصية واسهمنا غير مرتبطة بمكان الضحك او القفشات والغلاط
Quote: وشوف البعتمد ترشيحاتك منو ؟ حمودي العسل عرفت ليه نحن لا نهتم ولا يضيرنا شيئ؟
لقيتك خطر يا اساسي لكن.
وعبرت عني تماما(ههههههههههه)! رغم كجنتك لي لكن بكتفي باقتباساتك.
ويعلم الله انك قلم مميز هنا رغم لمضاتك معاي احيانا.
Post: #80 Title: Re: طـبّاز البــورض! Author: محمد عبد الماجد الصايم Date: 04-03-2010, 10:43 AM Parent: #77
شايف في رشّة جريئة من أساسي عشان كــدا حننتقل لفاصل إعــــلاني
Post: #83 Title: Re: طـبّاز البــورض! Author: محمد عبد الماجد الصايم Date: 04-03-2010, 10:51 AM Parent: #80
من الإيميل برضو .. والإيميل على مسؤولية صاحبه برضو!
Quote: سلام يا ود الصايم يا لذيذ يا رايق, متابعين طبزاتك اقصد تعليقاتك ذات الطابع الساخر والفكاهي, انا ما معاك في وصف (بدرالدين الامير) بطباز البورد, حاول فرق ياخ بين طباز البورد وشناف البورد
تحياتي يا راجل يا لقطة
وتحياتي لكـ مثلها يا عمكـ عاوز نكتب اسمكـ؟
Post: #84 Title: Re: طـبّاز البــورض! Author: محمد عبد الماجد الصايم Date: 04-03-2010, 10:55 AM Parent: #83
ودو كماين مالك آ زول عايز تتعلم ليك شلاقة بورد على كبرك أما أبو الخلد فترشيحو لي بالبوست بتاع كذبة أبريل دي براها طبزة منو يستحق عليها لقب سوبر طبز شفت كيف ..؟ يتبع ..
Post: #89 Title: Re: طـبّاز البــورض! Author: محمد عبد الماجد الصايم Date: 04-03-2010, 11:15 AM Parent: #87
Post: #91 Title: Re: طـبّاز البــورض! Author: محمد عبدالله حمدنا الله Date: 04-03-2010, 11:40 AM Parent: #90
يا عمك....
كدا موضوع "الكبروس" حسمناهو... . . . نجي بعد دا "للصير"... . . . ياخ المرشح رقم 2 دا كمان قصتو قصة... . . . دا أحرف واحد "يخرمج" الحاجات....و المصيبة إنو خرمجتو دي وآآآآآآآآآآآآآضحة... ياخ الزول دا.. انا و الله مرات بيخليني أشك في روحي من شدة ما"بيطبز" . . أمسك عندك نماذج لخرمجة المبدع أعلاه: . . 1-أحد أوصياء "فنان المستنيرين" في بلاد السودان و الحبشة الغربية.. 2-له القدرة على تبني أي مشكلة ... بل و الحديث عن أشياء عندما حدثت كان هو لا يزال في سفر التكوين.. 3-له القدرة على تحويل أي جملة في نقاش تم تحت عمود كهرباء في حلتهم إلى بوست كبير.. 4-له القدرة على الدفاع و الإستبسال عن جميع الأشخاص الذين لم يراهم..و الأفكار التي لا يفهمها... 5-.. 6-... 7-.. لكن أكتر حاجة زعلتني منو... إنو قبل كدا وعدنا إنو حيمشي يكبر شوية و يجينا راجع... النصيحة.. أنا إطمأنيت.. قلت الزول دا عشان عمرو يكبر لسة قدامو كم سنة..و عشان عقلو يكبر و بالمعدل دا.... أنسى... يعني حيكون عندي فترة طويلة للإستمتاع بمرارتي و هي تعمل بكفاءة.... لكن.. للأسف...ما نفذ وعدو.. مشى لبس ليهو "عمة" و جانا راجع... . . . ودالصائم.. . . معليش ...إستلمت ليك البوست..لكن الله يبردها عليك دنيا و آخرة..وقعت لي في جرح ياخ أنا "كابس" لي زمن...و من شدة ما ممكون خليت البورد عدييييييل..و قربت "أطبق" طبقات ودحطب الله و أتخارج..
. . . . مودتي.. ودحطب الله
Post: #93 Title: Re: طـبّاز البــورض! Author: محمد عبد الماجد الصايم Date: 04-03-2010, 11:45 AM Parent: #91
ود حطب الله والله اندياحكـ مبالغة عديل! عليكـ الله خليكـ قاعد .. ومرّق القاعد جوووه كلو .. انداح ياخ!
Post: #95 Title: Re: طـبّاز البــورض! Author: محمد عبدالله حمدنا الله Date: 04-03-2010, 11:51 AM Parent: #93
يا عمك... . . ياخ أنا لي زمن ممكون و صابر.. . . عليك الله أمسكني...أنا و الله بالطريقة دي ما حأقيف.."المغسة" شاقاني.. . . . النجيضة: رأيك شنو؟ . . . . مودتي.. ودحطب الله
Post: #98 Title: Re: طـبّاز البــورض! Author: محمد عبد الماجد الصايم Date: 04-03-2010, 11:57 AM Parent: #95
والله يا ود حطب الله النجيضة بتاعت البوست دا ما قصّرت فيها نهائي! والاتفاق حاصل تماما فيما يختص بالتو كاركترز الفوق ديل! ولو لاحظت حتلاقيني راشيهم الاتنين .. بس رشّة على خفييييف كـدا!!
Post: #115 Title: Re: طـبّاز البــورض! Author: محمد عبد الماجد الصايم Date: 04-03-2010, 01:43 PM Parent: #110
Quote: العميد محرر(ع و م)سيف مساعد علي
ود عــوج الدرب .. عليكـ الله تعال أشرح لينا (ع و م) دي عشان ما نشرحا برانا وبعدين نقعد في حا .. وتر!
Post: #181 Title: Re: طـبّاز البــورض! Author: saif massad ali Date: 04-04-2010, 10:31 AM Parent: #110
عثمان الرغيم
Quote: ياخ سبف مساعد حاف كده
العميد محرر(ع و م)سيف مساعد علي
عارفكم شغالين مع صلاح قوش
من اين لك بهذا العميد
Post: #113 Title: Re: طـبّاز البــورض! Author: محمد عبد الماجد الصايم Date: 04-03-2010, 01:40 PM Parent: #106
Quote: سيف مساعد
أحمد التجاني يا هندسة! والله يا عمكـ .. في الزول دا بالذات حصلت تطورات كويسة جــدا ياخ! خصوصا بعدما الباسوورد بتاعو بقوا يكتبوا بيهوا ناس العدل والمساواة!
أحسن من الزول التاني داكـ وبالتالي أقبل الترشيح وأمتنع من جانبي عن تثنيته!
ود الصايم يا شغيغ جابني الدرب أسلم بس وقلت أسألك عن الأخبار وعن زهجتك كان فكت! لكن باين عليها عادت إلى بارئها ولله الحمد
بالمناسبة .. وين سيد كلمة بــورض لسه في الحبس ولا شنو؟! رد الله غربته عشان يجي ينضج من طرف!
Post: #116 Title: Re: طـبّاز البــورض! Author: محمد عبد الماجد الصايم Date: 04-03-2010, 01:45 PM Parent: #108
Quote: وقلت أسألك عن الأخبار وعن زهجتك كان فكت! لكن باين عليها عادت إلى بارئها ولله الحمد
يا سلاااام ياخ! هدير يا شغيغه! أخباركـ والشوق كُتل كُتل والله! وباركـ الله في البورد الخلاكـ تجي شاقة حلّتنا دي!
بالنسبة للزهجة .. والحمد لله فكّت جزئيا، لكن الجزء الأكبر لسع موجود .. مع وجود مع يسبب الزهجة والذي لا يخفى على سعادتكم وعلى سعادة الجميع .. وهو الفلس!
أما بخصوص السيد المبروض .. فاحتمال يكون كاتبين ليهو في الروشتة .. (لفة كلّ أرشفتين)
Quote: بالنسبة للزهجة .. والحمد لله فكّت جزئيا، لكن الجزء الأكبر لسع موجود .. مع وجود ما يسبب الزهجة والذي لا يخفى على سعادتكم وعلى سعادة الجميع .. وهو الفلس!
يا شغيغ .. طالما الصحة تمام التمام والوليدات بخير الفلس هين وبنحلو ليك بس بفوائد مرهقة هههه الدنيا دي زي ما قالت لي بت خالتي الفيلسوفة :: كل زول في الدنيا عندو دومة مرة بكد فيها. دي الحياة! تمرق من دي تدخل في دي! يعني ما براك يا أخوي! و(لقد خلقنا الإنسان في كبد):البلد (آية:4) ..
Quote: أما بخصوص السيد المبروض .. فاحتمال يكون كاتبين ليهو في الروشتة .. (لفة كلّ أرشفتين)
غايتو صحبك المبروض فاتتو أحداث جسام كان صرف فيها عربي تقيل والعجب إنسحاب عرمان دا!! تصدق إشتقنا ليهو!!
____
Post: #141 Title: Re: طـبّاز البــورض! Author: محمد عبد الماجد الصايم Date: 04-04-2010, 06:29 AM Parent: #139
Quote: غايتو صحبك المبروض فاتتو أحداث جسام كان صرف فيها عربي تقيل والعجب إنسحاب عرمان دا!! تصدق إشتقنا ليهو
والله يا شغيغة .. أنا شايف أنو أحسن ليهو كان قاعد بررررا! ياخ الزول دا كان حيفقد سوائل عدييييل!
أما بخصوص الدومة .. فالدوم هنا حامض حااااااااااامض
Post: #112 Title: Re: طـبّاز البــورض! Author: محمد عبد الماجد الصايم Date: 04-03-2010, 01:38 PM Parent: #105
Quote: ياللفارغة ومقدودة .
أجل .. أجل!! وأين ذهب الروم؟
Post: #120 Title: Re: طـبّاز البــورض! Author: أحمد محمد عمر Date: 04-03-2010, 02:35 PM Parent: #94
ميادة كمال تستحق لقب (طبزا) بلا منازع لأنها بتكون بتكتب ليها في كلام عادي وما قاصدة بيه أي حاجة .. فجأة كدة تطبزها ليك بي كلمة تنسي الناس الكلام وتبقيهم في الطبزة وبعد داك بوستات الإدانة والشجب والاستنكار ما تديك الدرب
Post: #143 Title: Re: طـبّاز البــورض! Author: محمد عبد الماجد الصايم Date: 04-04-2010, 06:34 AM Parent: #120
Quote: ميادة كمال تستحق لقب (طبزا) بلا منازع لأنها بتكون بتكتب ليها في كلام عادي وما قاصدة بيه أي حاجة .. فجأة كدة تطبزها ليك بي كلمة تنسي الناس الكلام وتبقيهم في الطبزة وبعد داك بوستات الإدانة والشجب والاستنكار ما تديك الدرب
أحمد عمر يا عمكـ تحليل بالنسبة لي في السِلِكـ! وبصم عليهو بالخمسطاشر .. عندي يد فيها رطوبة ما بقدر أبصم بيها!
صوت للمرشح ميادة
Post: #109 Title: Re: طـبّاز البــورض! Author: سيف النصر محي الدين محمد أحمد Date: 04-03-2010, 01:09 PM Parent: #92
Post: #126 Title: Re: طـبّاز البــورض! Author: محمد عبدالله حمدنا الله Date: 04-03-2010, 04:21 PM Parent: #125
Quote: و لا أظن-عزيزي القارئ- أنه قد تغيب عن فطنتك بعض أنواع التعامل" المخل" لبعض القضايا ...مما قد يؤثر علي أصلها كقضايا مهمة و حساسة و يحولها إلى قضايا ذات صفات إبتزازية و أحيانآ إقصائية...
قبل أن تفغر فاك-عزيزي- و تصيح قائلآ: "أمّممّمّماك" ها قد بدأت الفلسفة.....دعني أوضح لك ما أود قوله...
صفة الإبتزاز في القضايا-و ليس الابتزاز بالقضايا -"معاي إنتا"....أعني بها فرض طريقة تفكير و تناول ذات إتجاه و احد بحيث أنه ستكون في حالة إصطدام مباشر متى ما حاولت أن تصيح و تقول أشياء من شاكلة: إني أري شجرآ يسير....ما هكذا تورد الإبل....إلخ.... و ستجد حينها أمامك ثلاثة خيارات لا غير..:
1-إما أن تصطدم بتلك الطريقة "المختلف عليها" في تناول القضية ذات الصلة..و بذلك تكون قد أشبعت ظل الفيل طعنآ...و في الوقت نفسه ينطبق عليك قول أهلنا الصوفية -الإحتكاك بعمل حريق-
2-أو أن تتخذ مسارآ آخر محاولآ تفادي ذلك الConvoy من هتافيي و منفعلي القضية...و بذلك تنزلق عن المسار و قد تتعرض للتوهان و لربما وصل بك اليأس والقنوط مرحلة أن تدير مفتاح"ماكينتك" للخلف و توقف دوران محركك....فلا تكون وصلت ...و لا الآخرين توقفوا...!!
3-أن تنضمّ إلى الConvoy أعلاه و تبذل ما تجود به نفسك من الهتافيات و "التأييديات"...مزمجرآ لكي تريهم من نفسك قوة ...أو خافتآ على إستحياء ...فلربما إضطرّتك ضرورة تغيير الموديل إلى القفز في Convoy قضية أخرى.....
و تقولوا لي....ليه نحن راجعين ورا..؟
يتبع.....
ودحطب الله
الإقتباس أعلاه من إحدى طبقات ودحطب الله... و هو مقدمة للحديث عن المرشح الثالث ... . . . يا عمك.. . . . المرشحين السابقين و رغم"طبزاتهم" المؤلمة... إلا أنهم "يطبزون" بحسن نية و بما فتح الله عليهم من فهم و قدرات... . . لكن المرشح دا و رغم إنو "بيطبز" برضو بما فتح الله عليه من فهم إلا أنه يعاني من متلازمة "ثلاثية"..تجعل من المستحيل تصنيف "طبزاته" على أنها حسن نية...و المتلازمات هن: . . 1-إحساس غريب بالأهمية و بالجماهير المحتشدة المتلهفة لكتاباته و نصائحه القيمة و آرائه السديدة.. بإعتباره "الراعي الرسمي الوحيد" لقضايا الشعوب المصرية..يعني بإختصار "قضايا بث حصري" و هو محتكرها.. . . 2-قدرة غير مسبوقة على توزيع الإتهامات و الإساءات و بالمقابل مهارة في كسب الأعداء..يعني بإختصار كدا..الشخصية دي عندها مخزون من الإساءات Flat Rate بيكفي كل الناس..و أي زول حقو محفوظ و بالزيادة كمان...ياخ إتخيل أنا أصلو نهآآآآآآآآآئي ما بقرب من حلتهم..و لا بعرف المرشح و لا بيعرفني..و برضو جاني نصيبي من "الذي منو"..في واحدة من إبداعات هذه الشخصية...إتخيلوا يا أمة محمد..في جملة واحدة..كل ناس البورد المساكين الزيي ديل علي صمة خشمهم..طلعوا جابهم الدرب و لا جايين يرفهوا.....و ناس كشة ..مشة.. سآآآي....حكمتك بالغة يا ربي..!!! . . 3-متلازمة البحث عن "الفتن" و إفتعال الأزمات...ياخ المرشح دا ..كان كتب حرف واحد.. لازم يكون في زول و لا شعب و لا جهة ما متضررة منو...فوق شنو؟ الله أعلم...و المرشح أعلاه أبعد ما يمكن عن نار"الفتن" هذه.. و يرفل هو و أسرته الكريمة في الدمقس و متوسدالباردة..... . . . يا هذا المرشح...هداك الله..و الللللللله عارفك..عارفني قاصدك إنت تحديدآ... . . خذها نصيحة مني أنا الذي بمقام....(مافي داعي)..إرفل و أستمتع كما يحلو لك بالدمقس و بلاد الله الباردة و ربنا يزيدك كمان و كمان.. و الله لا حاسد لا بغران....بس عليك الله أنا عندي بلد وآآآحد ما عرفت غيرو..و ما بقدر أشوفو "بيتزعمط" كدا... حلفتك بي أعز حاجتين عندك...كان ما بتقدر تبقى واسطة خير..ما تبقى محضر شر.. و البلد ما ناقصة فتن و أزمات..كفاية العاملنو أولادها القاعدين فيها.... . . و قبل ما أمشي...أنا ما عندي معاك حاجة شخصية...و لسة مصر على موقفي بعدم الدخول معك في أي نقاشات.. فأرجو منك إن لم تستجب لطلباتي بخصوص الوطن أعلاه.. أرجو منك أن تستجيب لرغبتي بعدم الدخول معي في أي حوار..و يكفي أني إحترمتك و كتبت المعلقة أعلاه لزوم النصيحة دون أن أذكر إسمك.. . . . . ودالصائم: معليش إستلمت البورد.. لو في طريقة أسمح لي إنصرف .. و أرح قدمني للباب..أنا بالطريقة دي ما حأقيف... . . . . مودتي... ودحطب الله
Post: #147 Title: Re: طـبّاز البــورض! Author: محمد عبد الماجد الصايم Date: 04-04-2010, 06:42 AM Parent: #125
Quote: اها انا برشج السيدح
أها يا تراجي .. بالنسبة للمرشح دا أنا بعمل ليهو تثنية طوااالي!ّ بالنسبة للأصوات ما تشيلي همّو .. هم عارفين طريقة تجميع الأصوات كويس
Quote: Quote: فى ملكال قبل إسبوعين طلبت من النادلة شامبيون ... ترددت البنت وسألت زميلا ... وبعد شوية قالت ليهو ايوااااا مريسة بتاع مؤتمر وطنى
وقالت لى أسمع هنا مافى زول بيعرف شامبيون ... لو داير تطلبوا تقول مريسة بتاع مؤتمر وطنى ...
Quote: كاااااااااااك وووااااااك واي حاجه
Quote: بعتقد دي نكتة الموسم ولازم يتفتح بيها بوست خاص
غايتو دي يا تراجي محي الدين أبدع فيها عدييييل كدا مبااااالغة غايتو!!!! .. حا تكون طرفة الربع دا والبعدو بلا شك!
بالله تعالي أفتحي بيها بوست غيري بيها جو ساس يسوس المحبط دا وأكتلي الهم بالضحك!
ولووووول تاني ...
Post: #146 Title: Re: طـبّاز البــورض! Author: محمد عبد الماجد الصايم Date: 04-04-2010, 06:41 AM Parent: #124
Quote: لقرائي البعرفهم ما بجو متضهبين بهنا(هههههههههههه) كاااااك.
والله يا تراجي .. وقبل أيييي حاجة أديكـ صوتي في الترشيح بتاعنا دا!
وطبعن الصوت بتاع رئيس الجلسة بتمنية وتلتين صوت! يعني احتمال نديكـ الجائزة هسي ونقعد نفتّش باقي المساعدين بتاعنكـ .. لأنو عندنا مساعد طباز لشؤون الأحزاب، مساعد طباز لشؤون الكـورة (دي لافقة لافقة في أخانا محمد عادل) ومساعدين كتاااار جايين في الطريق!
انداحي ياخ!ّ وغيري من جوّكـ شوية!
Post: #145 Title: Re: طـبّاز البــورض! Author: محمد عبد الماجد الصايم Date: 04-04-2010, 06:38 AM Parent: #122
Quote: في ضمانات و تأمين كااااااااااااااااامل علشان الواحد إرشــــح بي حرية
والله يا أبو حسين .. النجيضة يعني بالنسبة ليكـ إنت بالذات .. ماف أي ضمانات .. ياخ إنت بقيت زي الكديسة البتكتح في نص البحر!
أيييييي شنكبة أب صلعة بقلع باقي الباسوورد العندكـ دا
Post: #144 Title: Re: طـبّاز البــورض! Author: محمد عبد الماجد الصايم Date: 04-04-2010, 06:36 AM Parent: #121
Quote: ترشيح لطبيز عديم الميز و تنسون الدكتور صلاح البندر ؟؟؟؟
أمّمّمّمّكـ .. (دي من ود حطب الله)! أسامة الفضل .. يا زول إنت كنت مدفون تحت الجليد ولا شنو؟؟
يا صاحب الطبقات حيّرتنا معاك والله واحد واتنين عرفناهم لكن تلاتة دي بتلبس ليها في ستة سبعة اقل شي ساعدنا بالهينتات الله يرضى عليك
Post: #131 Title: Re: طـبّاز البــورض! Author: محمد عبدالله حمدنا الله Date: 04-03-2010, 07:22 PM Parent: #130
ود البشرى... التحيات النواضر...
المرشح الثالث دا ...من العينة البتخليك أصلك ما تتمنى يتفق معاك في شئ.. ياخ أنا لو محل الناس الهو بيقول إنو ناشط و بيدافع عنهم.. بترجاهو و أقول ليهو : عليك اللللللللللله ما تبقى معاي... شيل الدايرو و أمش... . . . يا ود البشرى .. المرشح دا متبني ليهو واحدة من قضايا السودان المصيرية المعاصرة لكن حجم الإساءة و التشويه السببو للقضية دي خلى حتى الناس البسطاء(زي حالاتي كدا)..و رغم عدالة القضية... يتحاشوا الكلام عنها.. ياخ .. أنا قلت الرووووووووووووووووووووووووووووووووووووووووووب عديييييييل من عقلية المرشح دا ... ياخ دا أصلو ما عندو غير نمرة 5...و كان راجل حاول سآآآآآي إتقاطع معاهو..يعني إرهاب فكري عجيب غريب... و المشكلة إنو المرشح دا أكتر واحد من مصلحتو إنو يعامل القضية دي من منظور توافقي..لأنو هو بيتعامل معاها بي عقلية "جهوية"...و هو تحديدآ زي و زيك و زي معظم السودانيين خليط... . . . أها إن شاءالله عرفتو ... غايتو بعد دا كان ما عرفتو.. إلا توريني الخمس سنين كنت "بتلبد" وين في الTower . . . . بالجنبة كدا: إن شاءالله تكون متذكر خلقتي يا ودالبشرى؟ و هاك الهنت دي:في رحلة البورداب -رأس السنة-أنا و إنت كنا أكتر إتنين كاتلين حيلنا.. غايتو أنا لميت ضنبي و إتخارجت بدري..ما عارف بعد داك الحصل شنو؟ . . . . . مودتي.. ودحطب الله
Post: #140 Title: Re: طـبّاز البــورض! Author: محمد عبدالله حمدنا الله Date: 04-04-2010, 00:01 AM Parent: #138
يا عمك... يا سيد البوست... . . معليش إستلمت ليك البوست و بقيت خايف أنا ذاتي أبدأ "أطبز"... . . عمومآ أنا عندي قوائم بتاعة مرشحين...و زي ما شايف ..أي مرشح معاهو برنامجو و حيثيات الترشيح.. و لو واصلت البوست بتاعك دا حيفتحوا ليهو منبر منفصل..و إتحاد ..و دولة منظمة... . . عشان كدا ما حأواصل إلا تديني الإذن و معاهو ضمانات من "قبضايات" البورض بتوفير الدعم اللوجستي كان جابت ليها "خبت" . . . عليك الله يا عمك... لو أدينا "المرشحين" أعلاه الحق في "التطبيز" للناس "البيتنيلًوا" و ينضموا يتداخلوا معاهم... ناس الله الزيي ديل ذنبهم شنو؟... . . و على العليهم...بقوا متخصصين في تطفيش المبدعين من المكان دا و الأمثلة كتيييييييرة "ما تعدش"...يعني "ميتة و خراب ديار" و بالمناسبة ملف تطفيش المبدعين دا عليك الله لازم نرجع ليهو بعدين بعد إنتهاء التصفيات دي... يعني...لا بيرحموا.. لا بيخلوا رحمة ربنا تنزل على عبادو.... . . . من أقوالهم: . . أورد الجاحظ في رسالة البغال في التحذير من مصاحبة البغل ما معناه(إن صادقته فضحك..و إن أنكرته رفسك)... . . . اللهم إني أسألك رضوانك و رضوان خلقك أجمعين إلا هؤلاء...فقط أرجو منك ربي أن تهديهم أولآ أو تلزمهم الصمت و بعد ذلك يمكنهم أن يرضوا عني كما يشآؤون . . حاشية: يا ود الخضر(تسلم آآبوي إنت..و الله الكلمة دي ريحتني راحة مالك بن النضر).. أشهد.. أنا كملت "الديدبانية" بتاعتي...عشان عمك لمن يصحى يشيل صفارتو و يبدأ ينظم المرور.. . . و عليك الله أضحك و ضحكنا معاك (خطرتن تودر ألبل..و لا القعدة أم بوم).. هو في خراب أكتر من القاعدين يسووها "المبدعين" ديل؟ . . . مودتي.. ودحطب الله
Post: #142 Title: Re: طـبّاز البــورض! Author: محمد عبد الماجد الصايم Date: 04-04-2010, 06:33 AM Parent: #140
غايتو ود حطب الله وود البشرى ديل لو ما قاصدين محمد سليمان خلوهم يدوني قروشي .. وأخلي ليهم البوست دا!
Post: #152 Title: Re: طـبّاز البــورض! Author: محمد عبد الماجد الصايم Date: 04-04-2010, 06:55 AM Parent: #140
Quote: يا عمك... يا سيد البوست... . . معليش إستلمت ليك البوست و بقيت خايف أنا ذاتي أبدأ "أطبز"...
يا عمكـ .. يمين متّعتنا عديل كـدا! تمش وين ياخ! والله إنت أحسن من النفطي
كمّل يا عمكـ .. بس خفّف التشفير شوية ياخ! نمرة تلاتة دا عذّبتا زي خلف الله لحدي ما لقيناهو!
Post: #149 Title: Re: طـبّاز البــورض! Author: محمد عبد الماجد الصايم Date: 04-04-2010, 06:50 AM Parent: #130
Quote: يا صاحب الطبقات حيّرتنا معاك والله واحد واتنين عرفناهم لكن تلاتة دي بتلبس ليها في ستة سبعة اقل شي ساعدنا بالهينتات الله يرضى عليك
ود البشرى يا عمكـ .. كان ما الهينتات دي كنت بكون قاعد في السهلة زيكـ كـــدا!
Post: #148 Title: Re: طـبّاز البــورض! Author: محمد عبد الماجد الصايم Date: 04-04-2010, 06:49 AM Parent: #129
Quote: رب طباز يتبظز التبظزة ويظن انه محسن
أها يا عوج الدرب .. وبعد ما يظن؟ بعدين ما وريتنا الرتبة ياخ!
أفصح .. أبن!
Post: #154 Title: Re: طـبّاز البــورض! Author: محمد عبد الماجد الصايم Date: 04-04-2010, 07:03 AM Parent: #148
نعود إلى سياحة خارجية .. من الإيميل: والإيميل على مسؤولية صاحبو برضو .. يمين يزنقوني هنا أكتب إيميل أي زول زي الماف حاجة
بتفرد تام وبفارق كبير عن اقرب منافسيه ارشح :- 1/ الزول الكان خاتى صورة مانديلا فى بروفايلو داك إظن اسمو مصطفى محمود وبعديهو مباشرةً بكرى ابوبكر شخصياً احتراماتى لما تبثه (مابرامج طبعا)
أحمد
والله يا أحمد يا عمكـ احترامكـ دا ما حنستفيد منو أي حاجة بالطريقة دي! يعني هسي بكري دا لو رشّاني .. التصرف حيكون كيف؟ يعني أقعد أكتب مداخلات بالإيميل زيكـ كــدا؟
Post: #156 Title: Re: طـبّاز البــورض! Author: محمد عبد الماجد الصايم Date: 04-04-2010, 07:11 AM Parent: #154
بالمناسبة .. أحمد صاحب الإيميل الفوق دا مرسل رسالة تانية عاوزني أتوسط لبكري؟!
Quote: الجميل ود الصايم
تحيه طيبه ,, طبعاً قبل ما اخش فى الحنك فلتعرف انو الهدف من مراسلتك بعد مالميت فى ايميلك صدفه كدا انو عايزك تتوسط لى فى باسوورد عند بكرى ابوبكر ومنها مدخل عشان اقول انى من المعجبين جدا بشخصك وسلوكك فى المشاركات ماجد منها وماهزل ودا طبعا كسير تلج لكنو حقيقى وحقيقى جداً (وش صادق لكن ما اخضر )
السطرين ديل كان ماشفعو لى غايتو واخسارة ريدتى ليك
مع شكرى المقدم
أتوسّط .. ولا أشخّت ليهو
سامع ناس بتقول شخّت ليهو! على بركة الله .. تم التشخيت بنجاح
Post: #157 Title: Re: طـبّاز البــورض! Author: محمد عبد الماجد الصايم Date: 04-04-2010, 07:17 AM Parent: #156
ونواصل في الطبّيز من الإيميل
Quote: يا ود الصايم وبما انو انا خارج البتاع بتاعكم دا بديك لستة طبازيين 1 ملاسي 2 محمد اي سليمان 3-بدر الدين الامير والله الزول دا خايفو يصلني هنا غايتو الكاتل الله واهم واحد وهو . 4 ود الصايم والله يا ود الصايم المسج دي لو نشرتها بسحب اسمي من قائمة معجبيك
النجيضة
يا محمد يا عمكـ .. عندي إحساس في (ما) ناقصة في الجملة دي ياخ! غايتو لو ما ناقصة استعوض الله واسحب اسمكـ
Post: #163 Title: Re: طـبّاز البــورض! Author: محمد عبد الماجد الصايم Date: 04-04-2010, 08:29 AM Parent: #160
Quote: إنت عينك لي الجماعة المعاك تمشي برا
جلال يا عمكـ دايرين نمرق مع الجماعة سياحة خارجية شوية ياخ! يعني تتكلموا إنتو براكم والناس تعاين ليكم؟ دي ما ياها تكميم الأفــواه والحاجات الكتيرة البقولوها ديكـ!
Post: #158 Title: Re: طـبّاز البــورض! Author: محمد البشرى الخضر Date: 04-04-2010, 07:28 AM Parent: #154
Quote: لو ما قاصدين محمد سليمان خلوهم يدوني قروشي .. وأخلي ليهم البوست دا!
ثم
Quote: ود البشرى يا عمكـ .. كان ما الهينتات دي كنت بكون قاعد في السهلة زيكـ كـــدا!
يؤسفني أقول ليك إنك قاعد في السهلة فعلا
Post: #161 Title: Re: طـبّاز البــورض! Author: محمد عبد الماجد الصايم Date: 04-04-2010, 08:26 AM Parent: #158
Quote: يؤسفني أقول ليك إنك قاعد في السهلة فعلا
طيب ما تفكـ التشفير ياخ!
Post: #159 Title: Re: طـبّاز البــورض! Author: محمد عمر جبريل Date: 04-04-2010, 07:32 AM Parent: #148
عليك الله ورينا القوائم النهائية للمرشحين عشان نبدى نفرز الأصوات .. أو نطعن في الترشيح ــــــــ سلامات يا ود الصايم ولصاحب الطبقات
Post: #162 Title: Re: طـبّاز البــورض! Author: محمد عبد الماجد الصايم Date: 04-04-2010, 08:28 AM Parent: #159
ود جبريل يا عمكـ حمد لله على السلامة ياخ! الواحد كان داير يجي يزوركـ ويجيب ليكـ جوز حمام!
بعدين يا عمكـ شوية شوية ياخ! عاوزين الناس تجي تخرر وتزوير وكلام كتير!
أول شيء نكمّل قائمة المرشحين ولسع ما خشينا على قوائم المرأة والمقاعد الولائية وعييييييييكـ ..
Post: #165 Title: Re: طـبّاز البــورض! Author: omer osman Date: 04-04-2010, 08:47 AM Parent: #162
أنا غايتو برشح السيد/أسكوت غرايشون .......
ياخي ده طبز عين المعارضة عديل كده ...........
Post: #170 Title: Re: طـبّاز البــورض! Author: محمد عبد الماجد الصايم Date: 04-04-2010, 09:00 AM Parent: #165
Quote: أنا غايتو برشح السيد/أسكوت غرايشون
يا جنابو .. معقولة ياخ! غرايشون دا مسجّل معانا في البورض؟ سبحان الله!
هسي مداخلتكـ دي زاتا في روحا ما طبزة! مبروكـ ياخ .. دي تثنية من عندي لله في لله كــدا!
Post: #166 Title: Re: طـبّاز البــورض! Author: محمد عبدالله حمدنا الله Date: 04-04-2010, 08:48 AM Parent: #159
المرشح الرابع مشكور يا عمك على الثقة...و نواصل.. . . . المرشح دا بقى "فريد عصرو"....و إستجابة لرغبة الجماهير بتخفيف "التشفير"..تجدون أدناه خلاصة واضحة و موجزة لإبداعاته: . . 1- المبدع دا "عاصر" على اللغة شديييد..و لو إتغاضيناعن عن الأفكار "الذهبية" للمرشح دا..ممكن نقول إنو تخصص إملاء.... . .
2-عندو مقدرة عالية على جلب "النحس" لأي فريق يقوم بتشجيعه...و المشكلة إنو "متلح" ليهو فريق وآآحد غايتو كان ما الله رِؤوف رحيم ...كان لحق الفريق دا "الغُطُس".. . . 3- جيد جدآ في ملازمة من يِؤمن به و في الإيمان بكل ما يقوله هذا "السيد" فكلامه منزل و غير قابل للمناقشة أو إحتمال الخطأ...يعني بإختصار شديد... تتوفر فيه كل صفات التابع المثالي.. 4- 5- 6- . . . لكن عبقرية المبدع دا تجلت في كتابتو لي مذكراتو السياسية منذ أن كان في المهد صبيا.. و النصيحة..و اللللللللللللللللللللللله متعة......"مش حتإدر تغمض عينيك"... لكن للأسف...تكأكأو تكالب عليه الحاقدون .. أمثال ذلك الكاتب المثقفاتي "الأصلع" ذي البيت المحروق و ذلك الذي يسمي نفسه بإسم الزعيم السياسي المرموق.. فكرهوه "لعب البلي" و حرمونا من إحدى متع الدنيا الأربع.. . . . و الحديث طويييييييييييييييييييييل.... . . . يتبع.. . . مودتي.. ودحطب الله
Post: #168 Title: Re: طـبّاز البــورض! Author: محمد عبد الماجد الصايم Date: 04-04-2010, 08:52 AM Parent: #166
ود حطب الله! الرابع دا يسألني الله شلت التشفير عديل! غايتو ما باقي إلا تقول أول حرف من اسمو محمد عادل!
Post: #173 Title: Re: طـبّاز البــورض! Author: محمد عبدالله حمدنا الله Date: 04-04-2010, 09:28 AM Parent: #168
يا عمك.... . . . نواصل كدا و لا نرجع "نقرط" التشفير شوية؟ . . . ود جبريل: الله يسلمك... . . . مودتي... ودحطب الله
Post: #178 Title: Re: طـبّاز البــورض! Author: محمد عبد الماجد الصايم Date: 04-04-2010, 10:05 AM Parent: #173
Quote: نواصل كدا و لا نرجع "نقرط" التشفير شوية؟
ود حطب الله واصل ياخ! كان تشفير عالي كان متوسط!
Post: #167 Title: Re: طـبّاز البــورض! Author: Faris Mohamed Date: 04-04-2010, 08:49 AM Parent: #159
Quote: بالمناسبة .. أحمد صاحب الإيميل الفوق دا مرسل رسالة تانية عاوزني أتوسط لبكري؟!
هسي يا عمك الراجل دا ما طبزتها ليه طبزة كبيرة خلاس
Post: #169 Title: Re: طـبّاز البــورض! Author: محمد عبد الماجد الصايم Date: 04-04-2010, 08:56 AM Parent: #167
Quote: هسي يا عمك الراجل دا ما طبزتها ليه طبزة كبيرة خلاس
فارس يا عمكـ أعمل ليهو شنو ياخ! دا جاي طابزني في الإيميل .. لو بقينا في البورد إلا الواحد يرحل!
Post: #171 Title: Re: طـبّاز البــورض! Author: محمد عبد الماجد الصايم Date: 04-04-2010, 09:10 AM Parent: #169
إيميل ثلاثي الأبعاد:
Quote: تعرف ياعمك انا من اكثر المتابعين لما يدور فى منبر بكرى منذ العام 2004 مداوم بصفه يوميه على مجريات الاحداث داخل البورد قمت خلالها بكتابه اكثر من 150 طلب عضويه لبكرى ولا حياه لمن تنادى
اعود لموضوع البوست والذى اشمله بقائمه طويله من المطبزات والمطبزاتيه الكشف الذى ساورده لاحقا لا يشمل هولاء --عبدالوهاب على الحاج- بدرالدين الامير- نجاه محمود- كمال على الزين- سمريه- تراجى مصطفى
Quote: كشف مرحلى مصطفى محمو هشام هبانى على صعيد اخر ودالباوقه مستر علاء الدين يوسف
يتبع
Quote: مصطفى محمود .. مشهود عنه تطبيز بوستتات الكيزان ياتى دائما ليخرمج ويفقع مراره صاحب البوست والمتداخلين مصطحبا معه الات التطبيز رسوم كاركتوريه فاضحه. حتى يبداء صاحب البوست فى مجاراته والتوغل معه فى اعماق سحيقه تذهب بالبوست ادراج الرياح
ياعمك ارجو ان لااكون قد اثقلت عليك لو حصل كلمنى عادى اخوك روحوا رياضيه بعدها
يتبع
يلا يا عمكـ كمّل ونحن منتظرين! بس ما تغشّ لينا الغريق إنت ويتبع التظيرية بتاعت طلحة كمين دي!
Quote: ياعمك ارجو ان لااكون قد اثقلت عليك لو حصل كلمنى عادى اخوك روحوا رياضيه بعدها
يتبع
لا لا ياخ كفاية الفكرة وصلت
ياعمك الحكاية شنو دي زاتا ماطبزة كبيرة خلاس
بالاي ياود الصائم سجل لينا الراجل دا بالحبر حق
الإنتخابات القالو مابتمسح إلا بعد كمين يوم
ولا أقول لي اللستة نوعين
واحدة في حجر
والتانية في الورق والراجل دا في بتاعت الحجر عليك الله
Post: #175 Title: Re: طـبّاز البــورض! Author: محمد عبد الماجد الصايم Date: 04-04-2010, 09:47 AM Parent: #172
Quote: بالاي ياود الصائم سجل لينا الراجل دا بالحبر حق الإنتخابات القالو مابتمسح إلا بعد كمين يوم ولا أقول لي اللستة نوعين واحدة في حجر والتانية في الورق والراجل دا في بتاعت الحجر عليك الله
يا ود الصايم سلام البوست ده من بداية لي نهايتو بالواقفين فيهو طلع طبزة ابريل شحدته ربي عليكم بركة قبايل الحاصل في السودان الايام دي وما في زول جايب روقو ، يجي واحد حرف كده يطبز ليكم الوست ده لحدي ما ينفصل راسو ذاتو .. حاله طبزيه فعلاً!!! اها النشوف اخرته انا برشح ع ع ع ..
Post: #183 Title: Re: طـبّاز البــورض! Author: محمد عبد الماجد الصايم Date: 04-04-2010, 11:03 AM Parent: #180
أمين تابر يا عمكـ مرحبتين ياخ وحبابكـ ألف
والحالة الطبزية فعلا مسيطرة على الموقف تماما وعشان أثبت ليكـ الحالة دي حأعتبر الترشيح بتاعكـ دا
Quote: انا برشح ع ع ع ..
عمر عبد الله عفضل المولى
Post: #182 Title: Re: طـبّاز البــورض! Author: محمد عبد الماجد الصايم Date: 04-04-2010, 11:02 AM Parent: #177
Quote: الأول مشترك أخانا ذو أي حاجة
فارس يا عمكـ الزول دا نحن حاليا دايرين نعمل مجلس استشاري ونحاول نطلّع ليهو وصف جديد! ياخ دا كسّر قوانين أي حاجة زاتو!
Post: #184 Title: Re: طـبّاز البــورض! Author: محمد عبد الماجد الصايم Date: 04-04-2010, 11:06 AM Parent: #182
حالة طبزية إيميلية برضو!
Quote: إزيك يا ود الصائم..
شكراً أن أشكرتنا معكم في هذا التطبيز..
سينال الرقم (1) بدون اشتراك (محمد إي سليمان).. مع أني بحب كتاباتو جداً جداً لكن مرات كده بيكون خارج الشبكة..وقبل كم يوم في واحد من البوستات مدورة صاح شبك ليك الناس (صعود.. سعوط).. كيفني في حنان حناني ذاتو.. بعدين بتجي الزولة (الطبازة وملقوفة)- شوف المصيبة دي كيف بالله- تمبس أظنه سماها الجلكة (هاجر بت التهامي).. يا أخي الكل ما تكتب ليك حاجة.. تشبكنا ليك أنا وتراجي أنا وتراجي.. وشكلها عايزة تربط حمارة مع حمير الكتبة.. مع إنو تراجي ذاتها عايزة ليها كتبة تربط حمارها معاهم.
بعدين بجي (عباس بن فرناس).. وفي رواية (الأخوان رايت) يا أخي الكابتن بتاع الطيران اسمو محمد ... هيع هيع هيع.. يا أخي ده عجيب خلاص الناس تتكلم في الشيرينغ بتاع الرحلة هو يمسكنا ليك N76 وأنتينوف 29797
ودي واحترامي.. ولملاسي.. محمد إي سليمان (طباز 1).. أساسي.. متمنياً عودة سجيمان.
وحمداً لله على عودة الأزهري.. وعقبال حيدر الزين.
Post: #185 Title: Re: طـبّاز البــورض! Author: البدري عبد الله Date: 04-04-2010, 11:21 AM Parent: #184
ود الصايم سلامات
سؤال خارج النص :- انتو السعودية فيها شامبيون من النوع المحسّن ؟ !! لانو شايف واحد من الاخوان حالتو بقت صعبة خلاص
*التعديل لخطأ املائي
Post: #186 Title: Re: طـبّاز البــورض! Author: محمد عبد الماجد الصايم Date: 04-04-2010, 11:44 AM Parent: #185
البدري يا عمكـ .. بالعكس صحبكـ المقصود دا بكون ضارب نوع ضارب باقي ليهو شوية ويقع (بب) جـوّه البوست!
ارشحه واخت ليكم الدليل من بوست اعتذار بدر الدين ليه
Quote: وسوف أعود لاحقآ للتعقيب والتعليق وبتركيز على دروس التجربة وأهمها موضوع الصرامة في مواجهة التعديات التي تتجاوز الخطوط الحمراء وتشبه الأسر في شرفها وعرضها وبالجد ما كنت بفكر مجرد التفكير مقرؤ مع أوسع سوء ظن ممكن أن في إمكان أحد أن ينتاشني في أهلي وعفة أمي لكن ليس هناك مستحيل في سوق سودانيزاونلاين فقد قرأنا بأمهات عيوننا من قبل من إتهم شخص بأمه ولم يكن هناك ردع كافي يجعل المنتهك ينضارى فتمادى بدرالدين في الذي يغسل بالدم
Post: #190 Title: Re: طـبّاز البــورض! Author: محمد عبدالله حمدنا الله Date: 04-04-2010, 01:14 PM Parent: #187
المرشح الخامس . . . مرشح بدرجة "مفتي الديار"... لديه إيمان قاطع و عقيدة لا يتطرق إليها الشك بقدسية "الحاكم بأمر الله".. . . . تجده في إحدى الحالات أدناه: 1-هاتفآ و "مجعرآ" بأعلى صوت إسفيري يتحدث عن رجولة و "فحولة" الحاكم بأمر الله.. . . 2-يذكرنا نحن أمة الله "المسحوقة" بأفضال "الحاكم بأمر الله" علينا و نفحاته التي "دفعها من جيبه" و المشاريع التنموية التي هي هبة و ليست حق من "مد الله ظله" و آخرها كهرباء ذلك السد "السمكي" و التي إفتتحها "دام ظله" 13 مرة حتى الآن... . . 3-مدافعآ و منافحآ عن كل تصرفات "الحاكم بأمر الله" الذي عصمه الله عن الخطأ و النسيان... لذلك فكل من ينتقدونه هم بالضرورة خونة و عملاء و كفار و ناقصي رجولة"أو أنوثة" -لزوم الجندر و كدا- و كرامة.. و ينسى أو يتناسى .. أن الله الذي مكن هذا الحاكم من رقابنا هو الذي أمرنا أن نناصحه ليستقيم..... و إلا قوم بالسيوف كما حدث لمن هم خير منه.. . . 4- حاملآ كاميرته و ناقلآ لفعاليات أي إثنين أو ثلاثة إجتمعوا لتكسير بعض الثلج للحاكم بأمر الله في حر تلك الصحارى التي تطاولت بالبنيان.. . . . 5- 6- 7- . . . لكن... . . و لكي لا أغمط هذا المرشح حقه...وإحقاقآ للحق.. فهو على غير الكثيرين من هتافيي "الحاكم بأمر الله" و أعدائه الخوارج في بلاد الحيتان المجمدة...يمتاز هذا المرشح بأدب في الخلاف..و روح رياضية لطيفة تخفف علينا طبزاته ... إضافة إلى إسهامه الواضح في رفد هذا المكان بكوكتيل من المصطلحات...لذلك فلم أستغرب حينما سمعت أنه في طريقه لخوض بحور الشعر...و طبعآ أكيد مدحآ في "الحاكم بأمر الله" . . يعجبني فيه أيضآ إستبساله في الدفاع عن "محبوبه" إلى درجة الوقوف ضد أي تيار مهما كان جارفآ.. و لا أنسى له ذلك "الماتش" الكبير الذي لعبه للدفاع عن "الحاكم بأمر الله" حين تكالبت عليه أمم "بني الأحمر" و قررت أن تأتي به مصفدآ للمثول أمام قاضي قضاة الأمم..حينها ترك هذا المرشح "حاله و محتاله" و "صاقر" النت 24/7 دفاعآ عن "الحاكم بأمر الله"...حينها إختفت رِِؤوس من هم أكثر منه "حظية" و أغرز منه "أنيابآ" في عطايا "الحاكم بأمر الله"..و بقي هو وحيدآ ينافح و يسبح بحمد "الحاكم بأمر الله".. و يرفع من روحه المعنوية بتلك الجحافل التي تستعد لجعل جيوش "بني الأحمر" تنتحر عند أسوار تلك القرية التي إنحدر منها "دام ظله".. . . . و هذا يقودني إلى أن "الولاء الأعمى" يمكن أن يحدث لعلة في الإبصار...لكني لم أسمع في حياتي عن الولاء الذي ليست له عيون....!!!! . . . . . . مودتي... ودحطب الله
Post: #191 Title: Re: طـبّاز البــورض! Author: محمد عبد الماجد الصايم Date: 04-04-2010, 01:25 PM Parent: #190
ود حطب الله Done
التشفير ما عالي شديد! بعدين كرستو شديد بالـ مصاقرة دي!
Post: #195 Title: Re: طـبّاز البــورض! Author: محمد عبد الماجد الصايم Date: 04-04-2010, 01:56 PM Parent: #187
السلام عليكم ...... ود الصايم ازيك ملاحظ انو لما تقلب حروف ط ب ز تطلع عكس المعنى تماماً .... معليش يا ود الصايم حلتي الفي البروفايل دي عاجباني وقلت اكيد حا تعجبك انت كمان وعمك بكري (قاس) ما عامل لينا بريفيو في بورضو ده ،عشان نجرب صورة البروفايل تطلع كيف فعشان كده قلت اجي اجربها عندك
Post: #193 Title: Re: طـبّاز البــورض! Author: محمد عبد الماجد الصايم Date: 04-04-2010, 01:32 PM Parent: #189
Quote: نهاحر التهامي دي دايرة ليها بوست منفصل برااااااااااااااها حتي تراجي ما معاها
طلال يا عمكـ هاجر التهامي أختنا التي تقع تحت المادة 100 حاليا بقت خلاس من تخصص تمبس .. يعني موضوعا قضى خلينا نكون حنينين شوية ياخ .. معقولة يبقى عليهاتمبس .. وطبيّز!
Post: #192 Title: Re: طـبّاز البــورض! Author: محمد عبد الماجد الصايم Date: 04-04-2010, 01:28 PM Parent: #188
Quote: ملاحظ انو لما تقلب حروف ط ب ز تطلع عكس المعنى تماماً
الزول يا عمكـ .. كلام سليم ويدعونا لفتح سلسلة جديدة بعنوان (زي ما قال الزول)
أما فيما يختص بالحلة! طلعت روووووحنا ياخ! والدوام باقي ليهو ساااااعة!
Post: #203 Title: Re: طـبّاز البــورض! Author: البدري عبد الله Date: 04-04-2010, 04:40 PM Parent: #202
Quote: ود الصايم انا خليت الترشيحات لود حطب الله الراجل دا عينو نجيضه من طبقاتو انا عرفتو ليك بيكشف الملعب كلو واهو لاعب معاك ون توهات وباصات بينه ميه الميه وانا مستمتع خالص باللمسه الحلوه
Post: #218 Title: Re: طـبّاز البــورض! Author: محمد عبد الماجد الصايم Date: 04-05-2010, 06:50 AM Parent: #202
والله يا خالد يا عمكـ الواحد بقت تفوت عليهو جنس مآسي في البورض دا!
ياخ دا سجّلناهو .. وتثنية من عندكـ وصوت إضافي من هارون دياب! باقي ليهو تلاتة أصوات ونديهو الجايزة ونقفّل البوست
Post: #204 Title: Re: طـبّاز البــورض! Author: محمد عبدالله حمدنا الله Date: 04-04-2010, 04:52 PM Parent: #201
المرشح السادس... . .
(تجدر الإشارة إلى أنه و في إطار المساواة الجندرية..يحتمل أن يكون المرشحين السابقين أو القادمين "إن شاء الله" مرشحآ أو مرشحة...و إستخدمنا التذكير في كلمة مرشح لإطلاق الجزء و القصد هو الكل)... . . . مرشحنا اليوم يمكن أن نطلق عليه لقب "المرشح الآبق"... . . نشأ هذا المرشح و نما فكريآ داحل منظومة إشتهرت بالإهتمام بالبناء الفكري و الأيديولوجي لمنتسبيها إلى درجة الBrain Wash.....حتى أصبح الإنتماء إليها او مصادقة منتسبيها أو حتى الإستماع إلى فنانيها وشعرائها و وضع تسجيلاتهم أو "تنهد" كلماتهم مظهر من مظاهر الإنتماء إلى قبائل بني ثقيف... . . و في يوم من الأيام ..و إثر عكة سياسية.."كركب ضقل" هّذا المرشح..و بقى ليهو إنتماؤه التنظيمي (بمبي).. و القصة معروفة.... . . المهم(كما يقول أحد المنبريين)...أبرز سمات هذا المرشح يمكن إيجازها كالتالي: . . 1-يدوس على حروف الكيبورد بسرعة و دقة تحسده عليها سنابك المغول... . . 2-لا يدخر وسعآ في الردعلى متداخليه..مطبلين و مناقرين..كأنما زهد هذه الدنيا و نعيمها..و نّذر ما تبقى له من عمر لمواجهة قبائل سودانيزأونلاين.. . . 3-يجود بكل ما أوتي من من كلام...فكل كلمة تكتبها له..يكون رده عليها بمقال فخيم مفحم..يبدأ بالفذلكة التاريخية و ينتهي بإسم ذلك الحزب ذي الإسم الأطول من (الجماهيرية ال...ال...أل...أل....ال...ال...). . . . 4-له القدرة على أن يجعلك تحس بوجود ذلك الكيان ذي الإسم الطويل..يجعلك تحس به ككائن جبار يملأ عنان الساحة و ترتجف له أوصال الساسة و أولى الأمر و كل التنظيمات..رغم ما يسببه له هذا من إجهاد و رهق بإعتباره..المؤسس و الرئيس و عضو مجلس الإدارة وأمين المال و الأعلام و باقي الإعضاء... . . . 5-إختار الإنترنت و بعض المؤتمرات ذات الإهتمام المحدود لتقويم "الحاكم بأمر الله" و الإنتقام من رفاق "تنظيمه" الطليعي السابق...و لم يختار السيف كعدد من تلك التنظيمات التي يفترش مواطنيها مغرب شمس بلاد السودان.. و يلتحف ساستها طنافس بلاد بني الأحمر...لذلك فمرشحنا الهمام لا يمتلك جهاز "ثريا" و مسئول شئون رئاسة و رئيس هيئة أركان..و لا يطلق على نفسه لقب "القائد".. أو أي رتبة عسكرية أكبر من رتبة العميد.. . . . 6-يمكن لمرشحنا"الهمام" القيام بحملة لإطلاق سراح أي مواطن ..و "الذي منه" يعني Full Service دون أن يكون متواجدآ في أرض الحدث ....يعني بإختصار ..هو من أحسن الذين يقومون بالتهديد و التنديد عن بعد... . . . 7- 8- 9- 10- . . الذي أستغرب له.. هو إنسلاخه الكامل عن جلده التنظيمي السابق...و هذا مفهوم.. لكن التطرف في العداوة الذي يمارسه هذا المرشح يجعلني أشك في أنه سوداني ..قد أكل في صحن واحد يومآ ما مع رفاقه السابقين...مما جعل أكثر المشتطين في العداوة الأيديولوجية لتنظيمه السابق يقف محتارآ .. أمام كراهية و إنتقام هذا المرشح "الهزبر".. . . أخي المرشح الهمام...إنتقد ما شئت و غير أفكارك كما شئت و طالما أنك تستعمل مخك بكفاءة فهذا دليل عافية ..أنه و لا بد أن ياتي يوم و تستقر "غربتك التنظيمية" تحت مظلة فكرة ما... . . فقط .. أرجو منك ألا تفجر في الخصومة...و تذكر أن إختلاف الأفكار لا يعني التنكر لما مضى...كما أنه ليس كل ما يعرف..يقال.. . . . . مودتي.. ودحطب الله
Post: #212 Title: Re: طـبّاز البــورض! Author: محمد عبدالله حمدنا الله Date: 04-04-2010, 07:31 PM Parent: #211
يا عمك... . . أيامك ساكوبيس و الله... البوست في زمن قياسي إرتفعت أسهمه و قفز للصفحة الثالثة مع عدد مشرف من القراء ...كل ذلك حدث دون أن يكون مبتدر البوست "دامة" ..و لا توجد ديباجة "توجد صور"...تصور؟ . . عليه... لدي جملة من المطالب و هي كالآتي: 1-حقي في "الكدة" دي حسع Now... 2-الشروع في تكوين "مفوضية الإنتخابات" للبدء في فرز و قبول المرشحين و تحديد المتأهلين للتصفيات النهائية... 3- ما داير أشيل "وش القباحة" براي... . . . الرجاء النظر في هذه المطالب العادلة و المشروعة.. لكي أتمكن من كتابة باقي قوائم المرشحين... . . . صدر تحت توقيعي.. ودحطب الله(عليه سلام سلاح).. الأراضي "المرشحة"
Post: #213 Title: Re: طـبّاز البــورض! Author: جعفر محي الدين Date: 04-04-2010, 07:55 PM Parent: #212
ود الصائم خليني اولا أشيد بجهود ود حطب الله في إبراز مناقب طبازي البورد تصور أنا متابع الطبزونة دي من بدايتها اضحك ساكت ... واشيل الماوس وأوديها على رد وتحلف الفأرة ما تمشي أخوك عامل فيها ظريف وما داير مشاكل مع أي زول المهم في البداية أشفقت عليك من هذا الخيط وحسبته سيلتف رويدا رويدا حول رقبتك وقلت الله يستر ... وتابعت حالة المخاض العسير التي عاشها الخيط في لحظاته الأولى ولكنك بصبرك ولعبك السهل الممتنع استطعت أن تجتاز مرحلة عنق الزجاجة ولكن الانتعاشة الكبرى أتت على يد المحتطب القدير ود حطب الله وقد صادف هذا الخيط هوى في نفسه ... ووقع ليه في جروح كتيرة غايتو أنا إكراما لود حطب وشجاعته النادرة ومنطقه العالي اتبرع بتثنية كل ترشيحاته التي توصل لفك شفرتها ود البشرى والتي لم يستطع وأقول له واصل كفاحك خليك حريص .
Post: #214 Title: Re: طـبّاز البــورض! Author: د.نجاة محمود Date: 04-05-2010, 04:00 AM Parent: #213
اها يا ابوي عاين مرشحي في احدث طبزة في بوست الاعتذار يلا ابصم بالعشرين.. لا الك طباز الا ابو ساندرا..
Quote: هسع انا أرد عليك واللا اتابع الكورة
طيب
ما رأيته مزاحآ سمجآ لم يكن في حقيقة الأمر مجرد مزاح ولا مناكفة كان محاولة مني لترويض الغضب الذي لم يفارقني قيد أنملة مذ مطالعتي لمداخلة بدرالدين التي إعتذر عنها وعدها فجور لقد عرف الذين حضروا لمنزلي لمراجعتي عن موضوع البلاغ وهم بهاء وعادل وكمال سالم وسيد ابو ورقة ، عرفوا مدى غضبي والذين كانوا في جلسة المصالحة بالأمس لحظوا ذلك الغضب غضب مشوب بالحزن وبالصدمة أن إجترأ أحدهم وبقلب بارد ودون أن يطرف له جفن على أمي في أعز ما تملك شرفها إذ أن عديم الأهل هو اللقيط مجهول الهوية والنسب هذه الفرية أول ما تصيب تصيب أمي كما قلت الغضب لازمني منذ اللحظة الأولى لذلك مكثت زهاء الساعة في سيارتي لأحدد إتجاهي هل إلى السد حيث مكتب بدرالدين أم إلى شرطة العاصمة وأخترت الأخيرة بعد مشاورة ثلاث ثلاث حاولوا أن يردوني وكنت مصر على واحد من المشوارين
يا شباب انا إحترمت الإتفاق وقبلت الإعتذار برغم ان الإساءة كانت كبيرة جدآ ودللت على إحترامي ذلك بسحبي لللبلاغ من الشرطة
المداخلة لم تكن مجرد مزاح ولا كانت مناكفة ، كما ذكرت كانت محاولة أخيرة للجم غضب
ومازلت غاضب وما أظن مجرد الإعتذار يداوي جرح عميق حتمآ سوف ينفتح في قلب وفي رأس كل من عرضت أسرته للقذف لا لسبب سوى ( الإغاظة ) كما قال
الذي حاول أن يغيظني عشان وصفته بالجهل بأن رمى أمي في شرفها هل كان يتوقع أن مجرد اعتذار سوف يداوي الجرح ؟
نيتي طيي هذا الملف تمامآ وأن أكون أبعد مايكون عن بدرالدين فالذي لايحترم الاسر ويكون قادرا على القذف بتلك الطريقة فقط ليغيظك لايمكن ان تطمئن له ابدا
اقبل الاعتذار وامسح كلامي الفوق ده واعتذار عن استقبال عشاء عادل سالم الاحتفالي
والتزم بتجنب بدرالدين على اي مستوى
ولاحقا سوف اكتب عن راي في الزج بالاسر في الصراعات التي تدور هنا
Post: #224 Title: Re: طـبّاز البــورض! Author: محمد عبد الماجد الصايم Date: 04-05-2010, 07:00 AM Parent: #214
دكتورة بيان .. برضو حقد طبقي منكـ ساي ولا يهمّكـ يا ستي .. أهـو نعتبروا صوت لصالح المرشح أبو ســاندرا!
Post: #226 Title: Re: طـبّاز البــورض! Author: محمد عبد الماجد الصايم Date: 04-05-2010, 07:02 AM Parent: #213
Quote: ولكن الانتعاشة الكبرى أتت على يد المحتطب القدير ود حطب الله وقد صادف هذا الخيط هوى في نفسه ... ووقع ليه في جروح كتيرة
عمنا جعفر .. أخباركـ ياخ والأمور والله ود حطب الله ما قصّر معانا تب! وبقية الجماهير والمرشحين والمثنين شايف درجة الشفافية بقت عندهم عالية!
بالنسبة للتثنيات يا عمكـ .. تعدينا مرحلة التثنيات بالنسبة لكامل مرشحي ود حطب الله! ونعتبر مداخلتكـ دي صوت لكل مرشح فيهم!
تمام .. أرح لي قدام!
Post: #223 Title: Re: طـبّاز البــورض! Author: محمد عبد الماجد الصايم Date: 04-05-2010, 06:58 AM Parent: #212
Quote: عليه... لدي جملة من المطالب و هي كالآتي: 1-حقي في "الكدة" دي حسع Now... 2-الشروع في تكوين "مفوضية الإنتخابات" للبدء في فرز و قبول المرشحين و تحديد المتأهلين للتصفيات النهائية... 3- ما داير أشيل "وش القباحة" براي...
ود حطب الله!! ياخ البوست دا زاتو اعتبروا حقكـ .. ليكـ التشفير ولينا فكّو! أها .. وش القباحة دا خليهو لي تماما .. ما عندي فيهو أييي قشة مرة!
بالنسبة للمفوضية دا اقتراح جميل عديل! وأنا بفتح باب الترشيح لكل ما يأنس في نفسه الكفاءة! ما عدم فتح المجال لأي مرشح تم ذكر اسمه في هذا المنعطف التاريخي
أها يا عمكـ بالنسبة لتحديد القائمة النهائية دي بعد ما تقول أنا خلاس ما عندي مرشحين وكمّلت العندي .. بعد داكـ نعمل الحصر الكامل وعدد الأصوات ونشوف الجائزة حتمش وين!
ود حطب الله .. متّعتنا!
Post: #222 Title: Re: طـبّاز البــورض! Author: محمد عبد الماجد الصايم Date: 04-05-2010, 06:56 AM Parent: #211
Quote: ابو شنب شوف لينا حبوبة صلاح غريبة
يا طلبة .. غريبة زاتو ما لاقين ليهو طريقة! كمان داير تدخل لينا منافس أخــطر منو!
Post: #221 Title: Re: طـبّاز البــورض! Author: محمد عبد الماجد الصايم Date: 04-05-2010, 06:55 AM Parent: #210
أحلام حبيبة حبيبنا نعتبر دي صوتين لصالح بدر الدين الأمير!
أيوه ياخ! أدوهو في راسو الغليد دا
Post: #217 Title: Re: طـبّاز البــورض! Author: محمد عبد الماجد الصايم Date: 04-05-2010, 06:48 AM Parent: #201
Quote: وأضيف حميدة عميداً لهم..
والله يا أب تفة .. كان ما بوست حوميدا الأخير دا .. كان أقول ليكـ دا حقد طبقي ساي!
يا حمودي الفرق شاسع ما بين العندو حق العشاء والماعندو حق العشاء حق الجار على الجار يا حمودي، بأن لا يؤذي جاره بقتار قدره؛ ولكن الجار تأذّى خالص من أخونا حميدة، حيث قال الجار: تأتيني رائحة القدر، ويأتي معها صوت الجار: ماعندك حق العشاء، ما عندك حق العشاء.. ___ وهذا ما ولّد الحقد الطبقي، وانت براك عارف الجوع كاااافِر..
Post: #245 Title: Re: طـبّاز البــورض! Author: محمد عبد الماجد الصايم Date: 04-05-2010, 11:02 AM Parent: #240
Quote: ولكن الجار تأذّى خالص من أخونا حميدة، حيث قال الجار: تأتيني رائحة القدر، ويأتي معها صوت الجار: ماعندك حق العشاء، ما عندك حق العشاء..
والله يا أب تفة .. حوميدا دا ما تستبعد يكون بعاين لجارو فوق الحيطة ويطلع ليهو لسانو! دي صورة مصاحبة لـ ما عندكـ حق العشا
Post: #216 Title: Re: طـبّاز البــورض! Author: محمد عبد الماجد الصايم Date: 04-05-2010, 06:47 AM Parent: #200
Quote: ود الصايم انا خليت الترشيحات لود حطب الله الراجل دا عينو نجيضه
النجيضة يا مورتا .. ود حطب الله دا حيّر ليكـ البوست زاتو .. ياخ دا ممتع عديل .. أهـو عمل للبوست فايدة!
Post: #294 Title: Re: طـبّاز البــورض! Author: احمد محمد بشير Date: 04-06-2010, 02:01 PM Parent: #200
Post: #215 Title: Re: طـبّاز البــورض! Author: محمد عبد الماجد الصايم Date: 04-05-2010, 06:46 AM Parent: #199
Quote: إني وحاة الخوة لأستغرب كيف أن (هنايا) وهو من اعز الأصدقاء لم ير هذا البوست المطبوز من اولو لآخرو
ولأن هناي يعتبر الطبّاز الأكبر لدينا فنحن والحمد لله لدينا الأنتي فايروس المناسب!
Post: #227 Title: Re: طـبّاز البــورض! Author: محمد عبد الماجد الصايم Date: 04-05-2010, 07:05 AM Parent: #215
نحب في هذه اللحظة المفصلية في تاريخ البوست أن نزجي الشكر لود حطب الله، حقيقة لعبو ممتع .. بس نرجع لمطالب الجماهير الخايفة دي ونوصي برفع ليفل التشفير شوية .. مع توفير خيار (الاتصال بصديق)
Post: #228 Title: Re: طـبّاز البــورض! Author: جعفر محي الدين Date: 04-05-2010, 07:21 AM Parent: #227
ود الصايم صباح خالي من الطبزات
Quote: ود حطب الله .. متّعتنا!
دي على وزن
خلف الله ... عذّبتنا !
Post: #229 Title: Re: طـبّاز البــورض! Author: محمد عبد الماجد الصايم Date: 04-05-2010, 07:36 AM Parent: #228
Post: #232 Title: Re: طـبّاز البــورض! Author: محمد عبد الماجد الصايم Date: 04-05-2010, 08:17 AM Parent: #230
بت الصادق .. شرد شنو ياخ! دا يا دوب قبضناهو كويس! ما شايفة اللاعب المحترف بتاعنا دا!
Post: #234 Title: Re: طـبّاز البــورض! Author: محمد عبد الماجد الصايم Date: 04-05-2010, 08:46 AM Parent: #232
أها .. أول مرة أشوف لي إيميل فيهو كوت!
Quote: أعمل ليهو شنو ياخ! دا جاي طابزني في الإيميل .. لو بقينا في البورد إلا الواحد يرحل!
Quote: الجميل لسا ود الصايم طبعاً عجبنى شخيتك لي بصوره دعتني للتكيف اكتر والمطالبة مجدداً والشهادة لله انى كنت عضواً بالمنبر فى 2003 لكن تقول شنو بس ...
المهم اسا بلاى الطابز التانى منو فينا ؟ أنا المرسليك فى ايميلك المنشور على قارعة البوست ولا انت الشايل رسالتى البرايفت (التوسط ما الترشيح) وحاتينى حت على رؤوس الأشهاد . غايتو دى بحسبا ليك طبزه وبالتالي ترشيح منك لشخصكم الكريم وطبعا واكيد لا أثنى ...!! على قولك غايتو جنس غايتو
مع تحياتي
غايتو يا عمكـ .. المرّة الفاتت شخّت ليكـ وجبت كلامكـ وما قلت اسمكـ .. المرة الجاية ـ ما دي ـ يمكن أخت اسمكـ عديييييل .. ويكون التشخيت على أصولو!
يلا .. نمشيا ونعتبرا ترشيح لشخصنا السمين! وبيني وبينكم أنا زاتي عملت لي طبزة في بوست كـدا .. لمن حيّرت ليكـ نفسي زاتو!
Quote: وبيني وبينكم أنا زاتي عملت لي طبزة في بوست كـدا .. لمن حيّرت ليكـ نفسي زاتو!
خليك شفيف ياعمك وأفصح
شان نعمل تقييم
الله يفضحك جبت لينا النار وشرط عينا
Post: #237 Title: Re: طـبّاز البــورض! Author: محمد عبد الماجد الصايم Date: 04-05-2010, 10:11 AM Parent: #236
Quote: خليك شفيف ياعمك وأفصح
كان أفصح ما عارف! والله أفصح إلا بدر الـ (دين) وأبو ساندرا يجوني الرياض دي بالســلاح الأبيض والأحمر!
Post: #238 Title: Re: طـبّاز البــورض! Author: محمد عبد الماجد الصايم Date: 04-05-2010, 10:15 AM Parent: #237
ننتقل إلى طبزة خارجية:
Quote: ود الصائم يا عمكـــــــ أول حاجة أنا من أشد المعجبين والمتابعين للــ...... الخ ,, الحنك العادى داك تانياً ياخ حيرتنا حتى تشابه علينا الطبازين على العديله سجل عندك تراجى مصطفى علاء الدين أما بخصوص محمد عادل فالطبازين هنا وهو هنااااااااكـ ياخ قول لى تعال ياخ ود الأمين النبى فيك تنزلها عشان الواحد يشوف خطو فى البورد سااااى
دي من أخونا عمّار الطيب .. والنجيضة: خطّكـ زي وش دينا خالد!
يا عمكـ .. ود اللمين دا منو ياخ؟
Post: #407 Title: Re: طـبّاز البــورض! Author: دينا خالد Date: 04-16-2010, 09:29 AM Parent: #238
Post: #242 Title: Re: طـبّاز البــورض! Author: Tragie Mustafa Date: 04-05-2010, 10:59 AM Parent: #239
ود صايم يا عمك شايفه الطباز الاكبر سكت عن بوستك ده وياهو قاعد وما مشى الخور(وجه من وجوهك الخضر)
Quote: بعدين يا عمكـ شوية شوية ياخ! عاوزين الناس تجي تخرر وتزوير وكلام كتير!
أول شيء نكمّل قائمة المرشحين ولسع ما خشينا على قوائم المرأة والمقاعد الولائية وعييييييييكـ ..
ده الحاله ما خشيت في قوائم المرأه
يعني منزلني في قوائم الضكوووووور!
استنى لي يا ود الصايم(ههههههههه)
دي براها بتجيب لك التثنيه لطبيظك.
Post: #243 Title: Re: طـبّاز البــورض! Author: Tragie Mustafa Date: 04-05-2010, 11:00 AM Parent: #242
هدير الزين يا عسل يختي مافي اي طريقه للاندياح لقيت لك البورد ملغم لميت ضحكي علي ولبدته!!
قال مريسه بتاع مؤتمر وطني قال!! بالله عايزه اموت من الضحك.
Post: #248 Title: Re: طـبّاز البــورض! Author: محمد عبد الماجد الصايم Date: 04-05-2010, 11:11 AM Parent: #242
Quote: ده الحاله ما خشيت في قوائم المرأه يعني منزلني في قوائم الضكوووووور! استنى لي يا ود الصايم(ههههههههه) دي براها بتجيب لك التثنيه لطبيظك.
تراجي يا عمتكـ .. نحن لسع في المرشحين لرئاسة جمهورية الطبيز .. يعني ترشيحكـ رئاسي عديل! ما ممكن كمان نختكـ في الرئاسة وقوائم المرأة؟ بالطريقة دي ناس سارة الضارة حنلقى ليهم فرقة وين؟
أما فيما يتعلق بـ
Quote: ود صايم يا عمك شايفه الطباز الاكبر سكت عن بوستك ده وياهو قاعد وما مشى الخور(وجه من وجوهك الخضر)
كااااااااااااااكـ ياخ! غايتو لو جا لحسو بعد دا إلا تديني تعويض!
ويكون لعلمك يا ودو كماين أنا ما معترض على كوني طباز او طباخ لكني أكاد أستشيظ غضبا وأتميز من الغيظ لحشري ضمن قائمة تضم فلان وعلان وبرتكان . قليلا من الإنصاف يا هولاء وما هكذا تؤكل الزبادي .
Post: #247 Title: Re: طـبّاز البــورض! Author: Tragie Mustafa Date: 04-05-2010, 11:08 AM Parent: #244
اولا ود سليمان مالو ومال بروفيلات الناس(اكبر طبزه)
قال بقرض البحث العلمي وهو قد يكون كلام صحيح
الفيلم الهندي قبضو بالاكيده انه مخلي بروفايلاه ملجه الا من حب الزغني بالانجيره(هههههه)
ومزرز لك خلق الله(ههههههه)
Post: #251 Title: Re: طـبّاز البــورض! Author: محمد عبد الماجد الصايم Date: 04-05-2010, 11:36 AM Parent: #247
Quote: ا اخي عليك الله شوف الناس دي منداحه كيف؟؟؟ اولا ود سليمان مالو ومال بروفيلات الناس(اكبر طبزه) قال بقرض البحث العلمي وهو قد يكون كلام صحيح الفيلم الهندي قبضو بالاكيده انه مخلي بروفايلاه ملجه الا من حب الزغني بالانجيره(هههههه)
يا تراجي .. ما شفتي قصة الكتابة في إصلاح القراءة دي!
Post: #249 Title: Re: طـبّاز البــورض! Author: محمد عبد الماجد الصايم Date: 04-05-2010, 11:12 AM Parent: #244
Quote: ضمن قائمة تضم فلان وعلان وبرتكان .
كماين يا عمكـ ماف مشكلة .. ممكن نحوّل ترشيحكـ لقائمة المرأة!
Post: #252 Title: Re: طـبّاز البــورض! Author: محمد عبد الماجد الصايم Date: 04-05-2010, 11:48 AM Parent: #250
رد مطبوز آخـــــــــر من عمكـ أحمد اللمين
Quote: غايتو حيرتنى بقيت اضحك هنا وهنااك وعيدك بنشر اسمى فى المره الجايه لانملك الا ان نقول لك اعلى مافى بوستاتك اركبو وكان مالقيت بوست عالى فى بوستاتك يمكنك الاستعانه ببوست صديق (ها ها هااااى) (لقيتنى كيف بلاى فى النضال ؟)
ياحبيب ما استرسالى فى مكاتبتك الا لاستلطافى لك وموده كانت وستظل قائمه خصوصاً ان الشخييييت لا يفسد لظرافتك ومودتى الخالصه قضيه
اذن مامشينا بعيد و شايف خطواتى فى التوجه نحو الرد عليكم عيانا بيانا ومن داخل اراضيكم المقدسه (حوش بكرى) قد أزفت وان اوانها وانك لمؤثر فيها ..
يا عمكـ خليت ليكـ الضحكـ بتاع هنا وشلت بتاع هناكـ! لأنو ممكن يوديكـ في داهية قبل ما تدخل البورض زاتو!
أما فيما يختص بباقي الكلام .. فـ .. شخّّيت برضو!
Post: #253 Title: Re: طـبّاز البــورض! Author: محمد عبد الماجد الصايم Date: 04-05-2010, 11:50 AM Parent: #252
دقيقة ياخ! نسيت دي
Quote: إلا ان مودتى باقيه رغم انفى ومساختك المحببة الى نفسي
Post: #254 Title: Re: طـبّاز البــورض! Author: محمد عبد الماجد الصايم Date: 04-05-2010, 12:44 PM Parent: #253
الرسالة الجاية دي طبزة مني ساي! لأنو صاحبها رافض نشرها في البورد!
Quote: ياخى والله ود حطب الله ده ابداع عديل كدى (لو الموضوع مشى كدى بنفك تسجيلك ونسجل ود حطب الله اصلوا ناس الاتحاد قانون التسجيل عندهم راس حربة واحد-ممكن نرجعك دفاع)
يعنى يريح حنانك ذاتو بالله خليهو يتجدع شوية والله انا كنت قايلو التنك بتاعهو قدر تنك بدر الدين الامير لكن لقيتو ليك 2 تنك واسبير وكم برميل فى الضهرية (وبلغة اخرى كنت قايلو وقية سكر لكن الزول ده بياكل كيلو باسطة ومعاهو حليب كمان – الحتة بتاعة وقية سكر دى انا مديك فيها حرية التصرف اعملها حقتك والله مابغالطك ولا بجيب سيرة)
مايخلى ليك اى حاجة ناقصة للاستمتاع بس يذكرك الدحيش وكمال عبد الوهاب واحد بجيك رجالة كدى عينك عينك والثانى بدس الكورة والله ماتعرف محلها وين فى الرجل الشمال ولا اليمين
(قرار جمهورى ود حطب الله ده ممنوع انه يقوم يلف)
لكن الكلام لود حطب الله، ولازم يشوف الناس بتقدر تشفيراتو دي كيف!
Post: #258 Title: Re: طـبّاز البــورض! Author: محمد عبدالله حمدنا الله Date: 04-05-2010, 03:10 PM Parent: #256
المرشح السابع... . . . . و يعرف أحيانآ بإسم "المرشح المُنْجِز" . . و سبب التسمية هو قدرته العالية على إشراك جميع مستخدمي الشبكة العنكبوتية و شبكات الهواتف المحمولة و الثابتة إضافة إلى شبكات الصرف الصحي بالطبع.. . . يقوم هذا المرشح "الهمام" بإشراكهم في أنشطته المختلفة بإراداتهم أو بدونها.. و يبذل مجهآ خرافيآ ليجعلك تحس بأن هذا المرشح يعيش في منطقة طول اليوم فيها لا يقل عن 90 ساعة.. أو أنك تتوفر فيك "جميع الصفات المثالية للتخلف".... . . دائمآ ما يتحفنا هذا المرشح بأنشطته كآآآآآآآآآآآآملة و موثقة بالصور و الفيديوهات.. فعندما يحضر مثلآ مؤتمر ما في جزر "جدعوها الحاقدين" تحت عنوان "التفقيس الحضاري لبيض الحبارى" فإن كل مشتركي الشبكات أعلاه يكونون Stand By عقب عودته لأخذ الدروس و العبر المستفادة من هذا التفقيس إضافة إلى صوره-بالطبع- و هو فارد ذراعيه أو متحدثآ عن أهمية "بيض الحبارى" في التنمية المستدامة... . . . أبرز سمات هذا المرشح "المنجز": 1-لا يدخر جهدآ في جعل كل مستخدمي الشبكات أعلاه- و من جاورهم أو سمع بهم- يحفظون صورته و طلعته"البهية" عن ظهر قلب...و حديثآ إبتكر التعامل بتقنية الصوت و الصورة ..حيث أصبحنا ننعم بطلعته البهية و هو "ينتعل" ربطة عنق "لا أعرف الماركة" و يبدأ في الحديث عن قضايا الأمم بكل إدراك و وعي .. إضافة إلى تهديداته الأسطورية و التي جعلت أحد الحكام يرتجف ذعرآ و يسحب أحد "بواليس الحركة" من أمام كشك حليب.. . . . 2-قام بتغيير إتجاه الحركة لفكره في سرعة يحسده عليها "الضوء المنسرب".. و ذهب في الإتجاه المعاكس بمجرد أن ضغط على أزرارAlt+Shift . . 3-تنوع الأنشطة و تعدد النجاحات.. حيث لا يرضيه على الإطلاق أن يحوز مقامآ دون تكريم و قاعات تضئ من فلاشات الكاميرات.. . . . 4- 5- 6- . . . إضافة إلى كل "التخصصات" أعلاه.. يمكننا القول أن هذا المرشح قد أحدث ثورة في علم "الإعلام"... فبدلآ من أن يقوم مراسل واحد بتغطية منشط واحد للمتابعين... أصبح نصف سكان المعمورة يقومون بتغطيته وحده و ذلك من خلال ما ينشره عن نجاحاته.. . . . لكن.. . . لهذا المرشح جوانب مضيئة..خذ مثلآ.. أحيانآ يقوم بالترويج لبعض الأنشطة الإنسانية..و لا أدري لماذا أحس بها كالحملات الأنسانية الرئاسية؟ . . . . يا رعاك الله.. يا هذا "المنجز"...قيل في المثل الدارجي "المليانة ما بتجلبغ"... و الللللللللللللله أتمنى لك النجاح و إستدامته من كل قلبي......... . . . فقط .. أرجوك أن لا تشركني رغم أنفي في أنشطتك المتعددة و الكثيرة و المنتشرة كأساطيل المارينز... . . دع عملك يتحدث عنك ...و صدقني... لن تندم.. . . . مودتي... ودحطب الله
Post: #275 Title: Re: طـبّاز البــورض! Author: محمد عبد الماجد الصايم Date: 04-06-2010, 12:16 PM Parent: #256
Quote: وبراحة عمك مرق
ود البوش .. شنو الحركات دي إنت قايلني ما قريتا ولا شنو
Quote: والله أفصح إلا بدر الـ (دين) وأبو ساندرا يجوني الرياض دي بالســلاح الأبيض والأحمر!
ههههههههههاااي
Post: #260 Title: Re: طـبّاز البــورض! Author: محمد عبدالله حمدنا الله Date: 04-05-2010, 03:52 PM Parent: #259
Quote: بالنسبة للتثنيات يا عمكـ .. تعدينا مرحلة التثنيات بالنسبة لكامل مرشحي ود حطب الله! ونعتبر مداخلتكـ دي صوت لكل مرشح فيهم!
. . تشكر يا عمك على الثقة... . . .
Quote: أها .. وش القباحة دا خليهو لي تماما .. ما عندي فيهو أييي قشة مرة!
. . إتفقنا.. بس ما "تنط" بعدين... . .
Quote: ود حطب الله .. متّعتنا!
. . الله يخليك.. . . .
Quote: نحب في هذه اللحظة المفصلية في تاريخ البوست أن نزجي الشكر لود حطب الله، حقيقة لعبو ممتع .. بس نرجع لمطالب الجماهير الخايفة دي ونوصي برفع ليفل التشفير شوية .. مع توفير خيار (الاتصال بصديق)
. . بس كدا؟....Done . . .
Quote: وقشه ما تعتر ليك .. ولا وش قباحة ولا وش قباحة ..
Quote: لكن للأسف...تكأكأو تكالب عليه الحاقدون .. أمثال ذلك الكاتب المثقفاتي "الأصلع" ذي البيت المحروق و ذلك الذي يسمي نفسه بإسم الزعيم السياسي المرموق.. فكرهوه "لعب البلي" و حرمونا من إحدى متع الدنيا الأربع..
ياود حطب الله يخيل إلى أنني أعرف الموصوف باللون الأحمر أعلاه
ياود الصايم
أرشح :
1/محمد عادل (لاحرمنا الله جميل تواجده بهذا المنبر) 2/محمد الحبر (الذي وعدنا بالغياب عن المنبر حتى يبلغ أشده ثم أخلف وعده) 3/ذو اليد الذي تجعلك بوستاته تتمنى لو أن الطير تخطفك أو تهوي بك الريح في مكان سحيق . وكثيرون في بوستاتهم تتجلى الطبزات والمحنً (مع شديد الاعتذار للراحل العطبراوي)
لكن يظل الحبيب محمد عادل مستوياً على عرش طبازي البورد دون منازع، فلله أبوه من طباز قد جمع المتناقضات فحيناً يعذب الأرواح كأنه الشجاع الأقرع وتارة تضحك طبزاته أم سقب أضلته فرجعت الحنينا، وشمطاء لم يترك شقاها لها من تسعة إلا جنينا .
لله دره لله دره لله دره
اللهم لاتحرمنا تواجده ولا تقتلنا بطبزاته واغفر لنا وله بجاه الذي إلى سدرة المنتهى رفعا .
تحياتي وتقديري . .
Post: #276 Title: Re: طـبّاز البــورض! Author: محمد عبد الماجد الصايم Date: 04-06-2010, 12:17 PM Parent: #262
Quote: 1/محمد عادل (لاحرمنا الله جميل تواجده بهذا المنبر) 2/محمد الحبر (الذي وعدنا بالغياب عن المنبر حتى يبلغ أشده ثم أخلف وعده) 3/ذو اليد الذي تجعلك بوستاته تتمنى لو أن الطير تخطفك أو تهوي بك الريح في مكان سحيق .
أبو الزهــور يا عمكـ حمد لله ع السلامة ياخ!
المرشحين بتاعينكـ ديل كلّهم مسجلين ومثنّيين كمان! أها دي كلها أصوات لصالح الجماعة ديل!
نسحب كل الحقوق المسماة الملكية الفردية .. والمخطوطة قوانينها ومطرقة داخل كواليس ورفوف
محكمة البتاعة دي (في نمرة 2)...
توؤل الحقوق الكاملة للسيد الجداع ودحطب الله وليه الحق أن يفعل بالبوست مايريد
أي
1/ أن يرشح مايرى فيه الكفأة من أهل البورد طش (ورش) بشرط أن يكون
المرشحين من زوي الطبزات ذوات القزات العالية (يعني متلو كدا).
2/ أن يدع كل من تخول له نفسه بأن يفوز بهذه المنصب الفريد ولود حطب الله
حفظه الله وأطال عمره أن يتبع جميع الأساليب الملتوية ليسكت حعحعات ودالصائم الحاقد عليهو.
3/ أن يرأس ود حطب الله لجنة المفوضية وأن يفتح باب الأنسحاب منذ اليوم الأول للترشيح ويغلغه
قبل ذلك بيوم.
تبقى لنا أن نتحدث عن هذا الرجل الكفء وعن تاريخه السياسي:
لدى الرجل علاقة وثيقة بالسياسة، ولكن هذه العلاقة قد ظلت طوال السنين التي خلت رهينة
الصفحات خلال عدد من مؤلفاته التي تم توزيعها في دول القرن الأوروبي ونذكر منها السياسة البطاشة وضرب الفتاشة ..
Post: #263 Title: Re: طـبّاز البــورض! Author: محمد عبدالله حمدنا الله Date: 04-05-2010, 05:08 PM Parent: #261
Quote: ياود حطب الله يخيل إلى أنني أعرف الموصوف باللون الأحمر أعلاه
يا زعيم... . . عليك الله ما ياهو ذاتو؟ . . يا أزهري محتاجنك شديد بإعتبارك أحد المتضررين من هؤلاءالمبدعين..وممن أشهد لهم بالصبر و "الإستحمالية" لكفاويهم و "خرمجتهم" السرمدية . . .
Quote: أن يرشح مايرى فيه الكفأة من أهل البورد طش (ورش) بشرط أن يكون
المرشحين من زوي الطبزات ذوات القزات العالية (يعني متلو كدا).
. . يا جلال..حدد موقفك..كلامك دا قاصد بيهو شنو؟ .. . .
Quote: تبقى لنا أن نتحدث عن هذا الرجل الكفء وعن تاريخه السياسي:
لدى الرجل علاقة وثيقة بالسياسة، ولكن هذه العلاقة قد ظلت طوال السنين التي خلت رهينة
الصفحات خلال عدد من مؤلفاته التي تم توزيعها في دول القرن الأوروبي ونذكر منها السياسة البطاشة وضرب الفتاشة ..
. . . قاصد منو بي الكلام أعلاه؟ مرشح جديد....ولا حاجة تانية؟ . . . . . . مودتي... ودحطب الله
Quote: يا جلال..حدد موقفك..كلامك دا قاصد بيهو شنو؟
ماتخزلني بالفهم والتركيز يا ودحطب الله
المقصود بيهو فهمو ودور في الخاص
بس أدونا التصريح نجيبو ليكن منقول زي مابيعمل
أخونا ود الصائم
أفهما طايرة ياعمك
Post: #265 Title: Re: طـبّاز البــورض! Author: محمد عبدالله حمدنا الله Date: 04-05-2010, 08:19 PM Parent: #264
المرشح الثامن . . . أو كما يرى نفسه "المرشح السنتكولة" . . . مرشحنا هذه المرة يمتاز بحبه للأناقة "حسب منظوره" و العناية الشديدة بمظهره إضافة إلى علاقة غرام خاصة مع الكاميرا تجعله من عشاق الإهتمام بأخذ صور و لقطات تذكارية له في "جميع القيامات"-كما يقول العسكر- خذ عندك على سبيل المثال لا الحصر: . . 1-صورة له و هو يلبس بدلة Full Suit في الحر القائظ ببلاد الشمس الملتهبة مع حذاء يلمع "كأنف الجرو" و تضطره الفطرة إلى الحوجة لشرب بعض الماء.. فيمد يده و يشرب من جدول ماء في تلك الفيافي بينما تتدلى ربطة عنقه"الطويلة" على سطح ذلك الجدول.. . . . 2-و هو في زيارة إلى منطقة "كتاحات و هواء".. تراه يلبس بدلته البيضاء و يصر على أن تؤخذ له صورة و هو يضع حذائه "المورنش" على سلم الطائرة القصير.. . . . 3-أحد رواد لبس بدلات السهرات اللامعة "التي تلبس في الإضواء الخافتة" في منتصف النهار و في بلاد تتعامد فيها الشمس بزاوية مقدارها 90 درجة مع درجة سطوع قياسية.. . . . 4-لا يترك أي مسئول أو مبنى أو شجرة أو حتى زهرة إلا توقف عندها و أخذ معها لقطة تذكارية و أصر على أن يكحل بها مآقينا لفترة يعرفها هو وحده.. . . . إضافة إلى الصفة أعلاه..يجيد مرشحنا القتال بسيفه الخشبي في المعارك الجانبية و له صولات و جولات مع مختلف ألوان الطيف السياسي و الإجتماعي..أحيانآ أتعجب من إصراره على الجمع بين عدوين لا يجمعهما شئ سوى قتال مرشحنا "السنتكولة".. . . . و من أوضح مميزات مرشحنا أعلاه هي مهارته الشديدة و قدرته الواضحة للعيان على "الوقوع" من سرج أي قضية يتبناها.. فرغمآعن إنتشاره "الصوري" الكثيف .... إلا أنه حتى الآن يعاني من "لكلكة" في تحديد أهدافه بالضبط...مما وضعه في حالة صدام دائم مع بعض بني عشيرته الذين يجيدون الركوب على سروج القضايا بكل سهولة و يسر..خصوصآ تلك السروج الرومية الملساء....كما وضعه في "خانة اليك" أمام أعداء هؤلاء"الشفوت" أيضآ...فأصبحت حاله لا تسر على الإطلاق ..كلا الطرفين ينتاشه بسهامه ....و "يفش" فيه ما لم يستطع "فشه" مع الطرف الآخر.. لذلك تراه في حالة "دواس" إسفيري دائم... -و في حال العدم- معلنآ عن إحدى إنجازاته التي غالبآما ينقلها معه إلى الربع التالي بعد الأرشفة.. . . . صدقوني..أحيانآ أشفق عليه من "حنماطة حلجلاني"...خصوصآ عندما أري الأمم و الأقوام تكالبوا عليه و شقوا "حنكه" و أخذوا "يبلعونه" ما سبق له من أقوال... . . . خذها مني نصيحة أيها "المرشح اللبيس"...إن لم تستطع تجنب أو مقارعة عدو.. فلا تحاول أن تجمع بين عدويين... . . . . مودتي.. ودحطب الله
Quote: والله يا خالد يا عمكـ الواحد بقت تفوت عليهو جنس مآسي في البورض دا!
ياخ دا سجّلناهو .. وتثنية من عندكـ وصوت إضافي من هارون دياب! باقي ليهو تلاتة أصوات ونديهو الجايزة ونقفّل البوست
أنا مني واحــــــــــــــــــــــــــــــــــــــــــــــد و من حسين ولدي البكر واحـــــــــــــــــــــد و من محمد ولدي رقم إتنين واحــــــــــــــــــد و من أمنية البنت الوحيدة وسط الأولاد واحد و من أحمد العمرو سنتين إلا شوية واحـــــد و من أمهم كلهم واحــــــــــــــــــــــــــــــد
كدي شوف الزول دا بقى كم ؟؟؟
Post: #267 Title: Re: طـبّاز البــورض! Author: محمد عبد الماجد الصايم Date: 04-06-2010, 07:00 AM Parent: #266
ود حطب الله! السابع دا معانا هنا في البورض؟
البعدو دا قطع شكـ بتاع السفارة الغربية!
Post: #268 Title: Re: طـبّاز البــورض! Author: محمد البشرى الخضر Date: 04-06-2010, 07:58 AM Parent: #267
يا صاحب الطبقات يا ود حطب الله... السلام يغشاك و الموّدة أخوك زول خيل وليل و بيداء بالحيل إن دعا الداعي ما بنفوتك براك لا سيّما مع طلباتنا بتخفيف التشفير تارة و تعقيده أخرى
حمووودي يا عمك ...
Quote: ود حطب الله! السابع دا معانا هنا في البورض؟
يا راااجل !!! الله يسألني خجلت ليك , حالك في البوست دا اشبه ما يكون بسيد الكورة الكيشة معقول ما عرفت نمرة سبعة , ياكافي البلا اليوتيوب ما تشوف
Post: #279 Title: Re: طـبّاز البــورض! Author: محمد عبد الماجد الصايم Date: 04-06-2010, 12:19 PM Parent: #268
Quote: ياكافي البلا اليوتيوب ما تشوف
والله يا عمكـ .. ياهو كافي البلا زاتو! اليوتوب دا بفتحو لينا مع نهاية الشغل بس! يعني أمش بيتنا أمنجر مع أولادي ولا أقعد أشوف ليكم يوتوبات الزول دا!
أفصح ياخ!
Post: #269 Title: Re: طـبّاز البــورض! Author: محمد عبدالله حمدنا الله Date: 04-06-2010, 08:01 AM Parent: #267
يا عمك... . . . نحن ما عندنا مستورد...كلو محلّي... . . شكلك كدا كورتك بدت "تفك"...كتّر من الأصدقاء.. . . . . . مودتي... ودحطب الله
Post: #270 Title: Re: طـبّاز البــورض! Author: محمد عبدالله حمدنا الله Date: 04-06-2010, 08:09 AM Parent: #269
قدُرها و الله يا ود الخضر... . . . إنت بس عليك الله ساعد لينا عمك دا "بالفهّامات" عشان كان قامت "كعّة" ما يعمل فيها "غمران"..شكلو كدا بدأ "ينفزر".. . . . مودتي... ودحطب الله
Post: #271 Title: Re: طـبّاز البــورض! Author: إدريس محمد إبراهيم Date: 04-06-2010, 08:12 AM Parent: #269
تحياتي ود الصايم .. والمبدع ود حطب الله ...
Quote: المرشح السابع... . . . . و يعرف أحيانآ بإسم "المرشح المُنْجِز" . . و سبب التسمية هو قدرته العالية على إشراك جميع مستخدمي الشبكة العنكبوتية و شبكات الهواتف المحمولة و الثابتة إضافة إلى شبكات الصرف الصحي بالطبع.. . . يقوم هذا المرشح "الهمام" بإشراكهم في أنشطته المختلفة بإراداتهم أو بدونها.. و يبذل مجهآ خرافيآ ليجعلك تحس بأن هذا المرشح يعيش في منطقة طول اليوم فيها لا يقل عن 90 ساعة.. أو أنك تتوفر فيك "جميع الصفات المثالية للتخلف".... . . دائمآ ما يتحفنا هذا المرشح بأنشطته كآآآآآآآآآآآآملة و موثقة بالصور و الفيديوهات.. فعندما يحضر مثلآ مؤتمر ما في جزر "جدعوها الحاقدين" تحت عنوان "التفقيس الحضاري لبيض الحبارى" فإن كل مشتركي الشبكات أعلاه يكونون Stand By عقب عودته لأخذ الدروس و العبر المستفادة من هذا التفقيس إضافة إلى صوره-بالطبع- و هو فارد ذراعيه أو متحدثآ عن أهمية "بيض الحبارى" في التنمية المستدامة... . . . أبرز سمات هذا المرشح "المنجز": 1-لا يدخر جهدآ في جعل كل مستخدمي الشبكات أعلاه- و من جاورهم أو سمع بهم- يحفظون صورته و طلعته"البهية" عن ظهر قلب...و حديثآ إبتكر التعامل بتقنية الصوت و الصورة ..حيث أصبحنا ننعم بطلعته البهية و هو "ينتعل" ربطة عنق "لا أعرف الماركة" و يبدأ في الحديث عن قضايا الأمم بكل إدراك و وعي .. إضافة إلى تهديداته الأسطورية و التي جعلت أحد الحكام يرتجف ذعرآ و يسحب أحد "بواليس الحركة" من أمام كشك حليب.. . . . 2-قام بتغيير إتجاه الحركة لفكره في سرعة يحسده عليها "الضوء المنسرب".. و ذهب في الإتجاه المعاكس بمجرد أن ضغط على أزرارAlt+Shift . . 3-تنوع الأنشطة و تعدد النجاحات.. حيث لا يرضيه على الإطلاق أن يحوز مقامآ دون تكريم و قاعات تضئ من فلاشات الكاميرات.. . . . 4- 5- 6- . . . إضافة إلى كل "التخصصات" أعلاه.. يمكننا القول أن هذا المرشح قد أحدث ثورة في علم "الإعلام"... فبدلآ من أن يقوم مراسل واحد بتغطية منشط واحد للمتابعين... أصبح نصف سكان المعمورة يقومون بتغطيته وحده و ذلك من خلال ما ينشره عن نجاحاته.. . . . لكن.. . . لهذا المرشح جوانب مضيئة..خذ مثلآ.. أحيانآ يقوم بالترويج لبعض الأنشطة الإنسانية..و لا أدري لماذا أحس بها كالحملات الأنسانية الرئاسية؟ . . . . يا رعاك الله.. يا هذا "المنجز"...قيل في المثل الدارجي "المليانة ما بتجلبغ"... و الللللللللللللله أتمنى لك النجاح و إستدامته من كل قلبي......... . . . فقط .. أرجوك أن لا تشركني رغم أنفي في أنشطتك المتعددة و الكثيرة و المنتشرة كأساطيل المارينز... . . دع عملك يتحدث عنك ...و صدقني... لن تندم.. . . . مودتي... ودحطب الله
أنا لو ما خايف الكدب .. الزول ده أظني نقشتو .. حتى أنو قاعد في بلد أهلها عيونم صغــار .. مش ؟!!
Post: #272 Title: Re: طـبّاز البــورض! Author: محمد عبدالله حمدنا الله Date: 04-06-2010, 11:43 AM Parent: #271
المرشح التاسع . . و يمكن أن يُطلق عليه لقب "المرشح ذو الكيس الفاضي" . . نشأ هذا المرشح القرن الماضي في بيئة تتسم حياتها بالترحال الدائم بحثآ عن الرزق للبشر و للأنعام... هذه الخاصية جعلت أبناء هذه البيئة يمتازون بالشدّة و المراس إضافة إلى إعتزاز بالنفس و بالعشيرة رغمآ عن محاولة أبناء عمومتهم الذين هجروا حياة الترحال "النَيْلَ" منهم بالطعن في إنتمائهم و محاولة التشويش عليهم متخذين من إختيارهم لتلك المضارب البعيدة و إختلاطهم بتلك القبائل التي "قيل" أنها قد أثّرت على لغتهم الأم.... متخذين من هذه الأسباب حُجة و ذريعة لينتاشوهم بسهام الهمز واللمز الجهوية المُسمّة. . . نشأ "مرشحنا" هذا و ولدّت لديه الأسباب أعلاه قوة دفع إضافية جعلته "يلهث" محاولآ إثبات ما ليس بمطلوب و لا مرغوب ... فتارة يُكحل أعيننا بصورة له تظهر وجنتيه تتلألآن مع أضواء تلك البلاد ذات الكهارب "المعافاة"... و تارة يتحدث عن الصفات الجمالية لأهله و التي لابد و أن تكون ذات إنتماء أصيل لتلك "الدوحة الشريفة"...و هكذا دواليك... . . و عندما أصبحت بلاد الأحلام ملاذآ للكل...إحتقب "مرشحنا" هذا "بُخسته" و على بركة الله... و كعادة تلك البلاد...لابد و أن "تضوق المُر" حتى يستقيم ساقاك و يقويا على حَمْلك...و هذا ما حدث بالضرورة لمرشحنا أعلاه.. . . . و حين إستقرت مراسيه...لم ينسى أن يخرج "بخسته" مرة أخرى و التي لم يتبقى له شئ داخلها سوى ما ذٌكِر عن ردة فعله أعلاه.. . . المهم...بدأ "مرشحنا" التعبير عن مكنوناته بهذه الذات "الفاضية"..و أخذ في التعريف عن نفسه بالمناوشة و "المهابشة" من طرف... . . تارة تجده مع "الشعوبيين"...و تارة أخرى يخوض معركة "ذات العبابير"...و أحيانآ مع قبائل "ساس بن مسلم"... و في بعض الأوقات ينسب نفسه إلى قبائل "فاهم بن ثقيف"..و هكذا ...لا يستقر بمرشحنا المقام مع أقوام ..إلا و تاقت نفسه الكريمة إلى أن يفيض ببعض ما "فضّله الله به عليهم"...فتمتد يده إلى "بخسته" فلا تجد غير ثاني أوكسيد الكربون "المعتت" يملأ فراغها... حينها يجد نفسه ملقآ على ظهره خارج المضارب...فلا يجد أمامه غير "الصراخ"... . . الحديث عن "طويل العمر" هذا ذو شجون...لكن نكتفي ببعض ما يميّزه عن سواه: . .
1-ليس لديه شئ محدد يريد قوله ...-و هذه إحدى كراماته-..يمكنه أن يبتدر نقاشآ عن الغربة...و عن الأزمة الإقتصادية و عن "الكمّونية".. وعن ..و عن....إلخ...و لا يكون في "مخيخه" أي شئ ...لكن القاسم المشترك في كل كتاباته هو أن "يُقحم" بلاد الأحلام و أفضلية وجوده فيها-تخيل عزيزي القارئ..حتى الكمونية تحدث مرشحنا عن علاقتها ببلاد الأحلام- ثم يفتعل مشاجرة ليُنهي بها الحديث... . . . 2-الصفة أعلاه جعلته "فرتاق" قعدات من الطراز الأول...لذلك فهو يشكل حضورآ دائمآ في البوستات ذات "الضغط الخلافي المرتفع".. . . 3-دائم الحديث عن تكنلوجيا بلاد الأحلام و مواكبته لها...كما يحيطنا علمآ بقدرته المادية على دفع الفواتير... خصوصآ تلك التي تشير إلى أنه من الذين يعتنون بشراء وسائل الرفاهية... . . . 4-أحيانآ يقوم بشن غارات على "مُهاجري" تلك الصحاري النفطية..مُظهرآ لهم "فحولته التكنلوجية"...و "إصطفاء" الله له بأن هيأ له موطآ قدم و أوراق تحمل شعار تلك البلاد...و معايرآ إياهم بأنهم لا يملكون قرارهم...و ليس لهم أي طموح...كما أن مستقبلهم "راح سآآآآي في حق الله".. 5- 6- 7- . . . كانت آخر "كفاوي" هذا المرشح "المتحضّر"..دخوله في إحدى حروب " الجاهلية" الشهيرة ضد "مُفتخِر الأعجمية" الشهير.. و كانت موقعة "ذات الأنساب" أشرسها و أعنفها ..... التي لا زالت بعض جثث كلماتها "النتنة" تتطاير هنا و هناك... كما لا يزال بعض "الموتورين" يحملونها على أسنّة رماح حروفهم....مما دفع ب"رقيب الحلفايا" إلى ركل ذلك " الأعجمي ذي اللسان الفصيح" إلى مقاعد المتفرّجين... . . . يا أيها المرشح "المتحضر"...لدي سؤال واحد فقط...أعلم أنك لن تجيبني عليه...لكن يكفيني أن أقوله و أذهب... قل لي بربّك...إذا كان هذا هو حالك و مقالك و أنت الذي من الله عليك بنعمة "التحضر"...و مد لك في ظل تلك البلاد... قل لي...ماذا سيكون حال و مقال إبن أهلك الذي لا يزال يعيش و يعاني في تلك الفيافي المنسية؟ . . .و الختام: "إرحموا من في الأرض يرحمكم من في السماء" . . . . . . . مودتي... ودحطب الله
Post: #273 Title: Re: طـبّاز البــورض! Author: محمد عبد الماجد الصايم Date: 04-06-2010, 11:52 AM Parent: #272
يا زول .. دا ما حارس المريخ زاتو!
Post: #280 Title: Re: طـبّاز البــورض! Author: محمد عبد الماجد الصايم Date: 04-06-2010, 12:21 PM Parent: #271
Quote: أنا لو ما خايف الكدب .. الزول ده أظني نقشتو .. حتى أنو قاعد في بلد أهلها عيونم صغــار .. مش ؟!! كمان اسمو (ملوكي) .. وبيدبحوا في الضحيه .. وبيقول باع ....
إدريس يا عمكـ يمين الواحد لو قرّب من البيت بوصفكـ دا يطش تاني! معقولة ياخ!
Post: #278 Title: Re: طـبّاز البــورض! Author: محمد عبد الماجد الصايم Date: 04-06-2010, 12:18 PM Parent: #266
أبو حسين يا عمكـ ستة أصوات محسوبة بالكامل!
في انتظار فرز صناديق الاختراع
Post: #277 Title: Re: طـبّاز البــورض! Author: محمد عبد الماجد الصايم Date: 04-06-2010, 12:18 PM Parent: #261
Quote: توؤل الحقوق الكاملة للسيد الجداع ودحطب الله وليه الحق أن يفعل بالبوست مايريد
ود جبريل يا عمكـ بطّل شغل الفلسفة دا وأمسكـ معاي ود حطب الله! الزول دا بقى ملاوز عديييييل كــدا!
Post: #281 Title: Re: طـبّاز البــورض! Author: محمد عبد الماجد الصايم Date: 04-06-2010, 12:25 PM Parent: #277
هييييع .. أنا أترشّى إنت قايلني حميدة ولا شنو؟ شايف القصة وصلت هناكـ للمرحلة الأخيرة[/QUOTE
يا حليللك قبيل الناس قطعت الجمار وشالت اباريقا وفااااااااااااتت
Post: #325 Title: Re: طـبّاز البــورض! Author: محمد عبد الماجد الصايم Date: 04-07-2010, 09:55 AM Parent: #301
Quote: يا حليللك قبيل الناس قطعت الجمار وشالت اباريقا وفااااااااااااتت
Post: #287 Title: Re: طـبّاز البــورض! Author: محمد عبدالله حمدنا الله Date: 04-06-2010, 01:01 PM Parent: #283
الأعزاء القراء و المتداخلين: . . أكتب بالماوس و لا أملك نظام تشغيل باللغة العربية و الموضوع أشبه "بعواسة الآبري"..... لذلك أعتذر عن "سوء التنسيق".....سأحاول بذل مجهود أكبر لتحسين أدائي... فقط أرجو منكم"فييد باك" عشان أعرف رأسي من رجلي .... يا أخوانا...بي أمانة كدا...أنا ظلمت واحد من "الجماعة المرشحين" ديل أو قلت فيهو ما ليس فيه؟ . . أمرقوا النصيحة "ربنا يكرمكم" عشان ما نخش في حق الله.... . . . يا عمك ... أم ضنبآ "مقيليم" يحاحي لها ربها... . . . . مودتي.. ودحطب الله
Post: #289 Title: Re: طـبّاز البــورض! Author: محمد عبد الماجد الصايم Date: 04-06-2010, 01:05 PM Parent: #287
Post: #298 Title: Re: طـبّاز البــورض! Author: محمد عبد الماجد الصايم Date: 04-06-2010, 02:10 PM Parent: #295
Quote: 1/timbs 2/.....
Dalwsha!
بت أبو سن!
بالمناسبة .. اسمكـ يمكن يجي في قوائم المرأة .. خليكـ جاهزة!
Post: #299 Title: Re: طـبّاز البــورض! Author: محمد عبد الماجد الصايم Date: 04-06-2010, 02:13 PM Parent: #298
طبزة من الإيميل:
Quote: سلامات يا ود الصايم وعلك طيب
شكرا لفرصة فش المغسة ... محمد عادل الاول بلا منازع لانو طوااااااااااااالى فى الخط ..######### الاسمو محمد حبر داك ...غايتو كان قرر يونس الركاب وحركات كباتن وكدة ..صدقنى فى الهوا بنزلوا غرييييييييييييييييييبة ..أحيييييييييييييييييييييييييى يا قلبى أنا !!!!!! غريبة شديد والله
طلحة لازم أكيد حميدة .. منقط أى شئ حتى الطبيز :)
أسمعنى ياخ ..ما تعمل لينا بوست لى مشتت ضلوع القارئات :) النبى فيك فى واحد كدة غايتو بعرف لى سبعطاشر واحدة حالياً ممكن تصوط ليهو.. وتشربو زاتو لوووووووووووووول
شكراً كتير
الله يسلمكـ ياخ! الرسالة دي من أختكم في الله ######
Post: #300 Title: Re: طـبّاز البــورض! Author: محمد عبدالله حمدنا الله Date: 04-06-2010, 02:25 PM Parent: #299
إعلان... . . .
يوجد مرشح "نادر الحدوث"...ظهر في أواخر العام الماضي و قام "رقيب الحلفايا" بوضعه في "الإستيداع" قبل فترة ... . . في تقديري أن هذا المرشح "فلتة" لا يمكن أن تتكرر...فهو شاعر نحرير و سياسي ضليع... أقام تحالفآ على رؤوس الأشهاد مع ملك "البوستات العاجلة" إضافة إلى كتابته بلغة لا يفهمها إلا من عُلّم منطق الطير.. . . لكن. . . تقتضي الأخلاق ألا نكتب عنه طالما لا يملك القدرة على أن يأتي و يدافع عن نفسه.... لذلك لم أضع له "رقمآ" و لن أكتب عنه حتى أتأكد أن "رقيب الحلفايا" قد أفرج عنه ضمن الذين شملهم "عفو ما بعد الأرشفة"... فإن كان لدى أي منكم معلومة عنه ...فليمدني بها مشكورآ.. . . . مودتي... ودحطب الله
Post: #302 Title: Re: طـبّاز البــورض! Author: مرتضى احمد عبد القادر Date: 04-06-2010, 03:15 PM Parent: #300
يا ود الصايم أخوك كان حلقو ليهو بل راسك أبو مقص صحى وقص محل خضر راجي العشاء
Post: #303 Title: Re: طـبّاز البــورض! Author: محمد عبدالله حمدنا الله Date: 04-06-2010, 09:09 PM Parent: #302
يا أخواننا البوست دا ماشي غاطس لي تحت..و عداد القراء طالع لي فوق.. . . شكلها كدا الشغلانة جايبة ليها "هبوب"... . . الناس دي كلها لملمت "ضنباته"..خصوصآ مع كمية المعتقلين الذين أفرج عنهم و حسع مدورين "كيتا" في البورد.... . . النجيضة:يا عمك.. لو إستمرينا كدا ..شكلنا حنترافق في الحراسة... . . . مودتي.. ودحطب الله
Post: #304 Title: Re: طـبّاز البــورض! Author: د.نجاة محمود Date: 04-07-2010, 01:21 AM Parent: #303
Quote: إنت بس عليك الله ساعد لينا عمك دا "بالفهّامات" عشان كان قامت "كعّة" ما يعمل فيها "غمران"..شكلو كدا بدأ "ينفزر"..
لووووووووووووووول وتاني لوووووووووووووووول
ياخي انا عرفت بس زولين معناها بقيت ما ناقشة اي حاجة (وش باكي بلوعة) يا حليل زمن العطالة والهيت والبيت هنا...
اوعى يا ود "محدنا" الضحكونجية ديل يمرقوك في السهلة..
Post: #305 Title: Re: طـبّاز البــورض! Author: محمد البشرى الخضر Date: 04-07-2010, 06:45 AM Parent: #304
يا ود حطب الله يا صاحب الطبقات كيف أصبحت علّك طيب ...
Quote: تقتضي الأخلاق ألا نكتب عنه طالما لا يملك القدرة على أن يأتي و يدافع عن نفسه.... لذلك لم أضع له "رقمآ" و لن أكتب عنه حتى أتأكد أن "رقيب الحلفايا" قد أفرج عنه ضمن الذين شملهم "عفو ما بعد الأرشفة"...
ضع رقمك يا عمك بعد دا , فرّجوها عليه و كربونا إحنا
_________________________________
بقينا اول بوست نكوسو من الصباح نشوف آخر ترشيحات صاحب الطبقات ما لقيناك يا عمك أيام الأسابيع
Post: #310 Title: Re: طـبّاز البــورض! Author: محمد عبد الماجد الصايم Date: 04-07-2010, 07:16 AM Parent: #305
ود البشرى يا عمكـ .. رجع لينا الأسابيع ياخ! ليكـ علي أبيع ليكـ الترشيحات دي وأسلم الجائزة دغشا بدري!
Post: #309 Title: Re: طـبّاز البــورض! Author: محمد عبد الماجد الصايم Date: 04-07-2010, 07:15 AM Parent: #304
Quote: ياخي انا عرفت بس زولين معناها بقيت ما ناقشة اي حاجة
معناها يا بيان بقيتي زي تمبس واحد! قاعدين في السهلة وما ناقشين أي حاجة في البورض دا!
Post: #368 Title: Re: طـبّاز البــورض! Author: محمد عبدالله حمدنا الله Date: 04-07-2010, 06:51 PM Parent: #304
يا دكتورة..
إنتي لسة مصرة على قصة "ود محدكم" دي؟ . . ما قلت ليك زمآآآآآآآآآآآآآآن دا تشابه أسماء... . . لي عظيم الشرف بالإنتماء لقلعة الفنون...لكن صاحب الإسم الشبيه حاز الشرف قبلي.... . . . و ما تخافي... الجماعة لي حسع "منسترين" معانا... . . . .
مودتي... ودحطب الله
Post: #308 Title: Re: طـبّاز البــورض! Author: محمد عبد الماجد الصايم Date: 04-07-2010, 07:14 AM Parent: #303
Quote: النجيضة:يا عمك.. لو إستمرينا كدا ..شكلنا حنترافق في الحراسة...
شنو يا ود حطب الله ياخ! مالكـ بقيت ملاوز كــدا التقول شايل ليكـ كوكايين في نص البورض!
يا عمكـ رسّل في الإيميل وأنا بنشر على مسؤوليتي ياخ!
إنت خايف من أب صلعة؟ ياخ تراجي رشحتو ليكم قبيل ومن عندي التثنية كمان! وصوت صوتين شوية .. يا بلاّل عليّ
Post: #332 Title: Re: طـبّاز البــورض! Author: محمد عبد الماجد الصايم Date: 04-07-2010, 10:17 AM Parent: #328
المرشحون بتثنية ـ بدون أصوات: عمر عبد الله فضل المولى ميادة كمال صلاح البندر عبد اللطيف السيدح مصطفى محمود بكري أبو بكر عمر عثمان جنابو علاء يوسف (شلاليت) هاجر التهامي أبو ساندرا
Post: #335 Title: Re: طـبّاز البــورض! Author: محمد عبدالله حمدنا الله Date: 04-07-2010, 10:22 AM Parent: #332
على مسئولية الكومندان محمد البشرى الخضر... . . تم في حينه "ترخيص" ذلك المرشح "الفلتة"... . . و تقديرآ منا "لحرفنته" و أدائه "البارع"....فقد إخترنا له الرقم(10).. و معاه "شارة الكابتنية" كمان... . . هل من مثني؟ . . ترقبوه قريبآ على (ود حطب الله-2-) المشفرة.. . مش حتأدر تفارأ البورض... . . . مودتي... ودحطب الله
Post: #338 Title: Re: طـبّاز البــورض! Author: محمد عبد الماجد الصايم Date: 04-07-2010, 10:29 AM Parent: #335
Post: #346 Title: Re: طـبّاز البــورض! Author: محمد عبد الماجد الصايم Date: 04-07-2010, 10:50 AM Parent: #345
طيب أنا قاعد أخرمج مع منو بهناكـ!
Post: #347 Title: Re: طـبّاز البــورض! Author: محمد عبد الماجد الصايم Date: 04-07-2010, 11:29 AM Parent: #346
ترشيح خارجي عبر الـ Email من ود الصادق
Quote: بالنسبة للقب طباز البورد ارشح تراجي طبعا وبرضو الحبر , الزول ده واسطتو قويييييييية بالحيل تحياتنا واحتراماتنا ليكم كلكم لحدي ما نشوف لينا واسطة تجيبنا ليكم ود الصادق
إذن صوت إضافي لـ تراجي صوت إضافي لـ محمد الحبر!
Post: #348 Title: Re: طـبّاز البــورض! Author: محمد عبدالله حمدنا الله Date: 04-07-2010, 11:39 AM Parent: #347
يا عمك... . . طالما بديت تنشر قوائم المرشحين ..معناها خلاص قفلت باب الترشيح.. عمومآ ..أنا "لستتي" لسع طوييييلة...لكن خلاص حأكتفي بالعشرة الكرام ديل.. (عليك الله لحق لينا نمرة 10 دا ياخ..و الله أنا لو عارفو مرق من "بيت الحبس" كان ختيتو وِش) -و العهدة على الكومندان ود البشرى-.. . . ممكن بعد دا تبدأ الفرز...و لا ننسى أن نشكر في هذه العُجالة كل "المبدعين" الذين وردت أسماؤهم على "كؤوس" المتعة التي "غرغروها" لنا ..و على مهارتهم في "فرم" أكباد خلق الله.. . . كما لا ننسى أن نشكر صاحب البوست من "سويداء القلب" على إتاحته لنا هذه الفرصة للتعبير عن مكنونات دواخلنا و عظيم إمتناننا لكل من ساهم في "فقع مرارة" العباد..و قفل شهية المخاليق... . . . و إلى لقاء في رحاب أوسع... . . . مودتي... ودحطب الله
Post: #349 Title: Re: طـبّاز البــورض! Author: محمد عبد الماجد الصايم Date: 04-07-2010, 12:04 PM Parent: #348
ود حطب الله يا عمكـ نشر القوائم دا عشان الناس تكون مواكبة والأمـور ما تجوط! لسّع ماشين قــدام .. منتظرين رقم عشرة ولحـدي ما تقول إنـF!
Post: #350 Title: Re: طـبّاز البــورض! Author: محمد عبدالله حمدنا الله Date: 04-07-2010, 12:24 PM Parent: #349
خلاص يا عمك... . . حاول رد على الناس "رُبطة-رُبطة" بدل ما ترد عليهم عليهم بالقطاعي.. وخت لينا المشاركين في "مداخلة واحدة"..عشان البوست يبقى "مركّز" و ما "ينشبِح"..أو تتشتت كورتو ... . .
تاني شئ: الشكية لي الله..إنت المرشحين ديل ما سمعوا بالبوست دا؟ و لا مكبّرين اللفّة؟... ياخ أنا دايرهم يمدّوا روسينهم و أي واحد يشيل "طاقيتو" المفصلة على مقاسو.. . . بالجنبة كدا: إنت الناس البتشجع دي مشت ويييين؟ و لا بس شغالين إيميلات... . . . مودتي... ودحطب الله
Post: #351 Title: Re: طـبّاز البــورض! Author: محمد عبد الماجد الصايم Date: 04-07-2010, 12:35 PM Parent: #350
بمناسبة الإيميل دي يا ود حطب الله! هاكم التشفير دا:
Quote: تحياتي ياودالصايم يا عسل ..
هاك دي من المراسلين .. مثقفاتي كبير .. أو هكذا طارح نفسه ...
تجده في كل بوستاته ومداخلاته يعمل جهده على ترسيخ حكاية إنو مسقفاتي دي وإنو مجضم الشغلانة لذلك يتحفنا ببوستاتو في المناسبات الكبيرة .. إنتخابات ... إنقلابات ... مجاملات .. والمجاملات من شاكلة (والله فلان دا شهادتي فيهو مجروحة) ..
وبما إنو الجو السياسي الآيامات دي مُشجع للظهور الإعلامي فصاحبنا لقاها فرصة وأتحفنا بحكاية بتاعت خرتمية بوست كدة ... خرتمية شنو ياخي ... والله يمكن خرتمية وإتنين زاتوووو ...
يستخدم تكنيك متقدم جداً .. بمعنى .. أقوم أفتح بوست وكان غلبني المجابدة مع عتاولة ودهاقنة المنبر (وهو أساساً بكون عارف دا حيحصل لأنو ما عندو التكتح) حيجوني الهتيفة ... وفعلاً .. ماهي إلا ثواني من فتح البوست وإلا والهتيفة ما يدوك الدرب ...
قبل أيام قوم يالمتقف أطبزا طبزة تفوق كل ما طبزه المنبريون منذ تأسيس المنبر .. طبزة شيييييينة شدييييييد ... والله أنا قاعد في المكتب براي خجلت لمن دنقرت راسي ... وأنا لو منو كنت
إعتزلت السياسة وخليت المنبر وهجرت الناس وإختليت بنفسي بقية عمري كما (الجاحظ) ... أقصد (المعري) ... هههههه ... وإني من مكاني هذا أرى المسلمي وقد أومأ برأسه موافقاً ما ذهبت إليه ...
بالمناسبة ياود الصايم ، ناسك النزلتهم ديل كلهم زولنا دا ما فيهم .. و ودحطب الله مافضل ليهو إلا يكتب إسمو عديل كدة ياخي ...
أبو جعفر
يلا يا أبو جعفر الباقي سريع ياخ!
Post: #386 Title: Re: طـبّاز البــورض! Author: محمد عبد الماجد الصايم Date: 04-11-2010, 12:25 PM Parent: #351
Quote: حاول رد على الناس "رُبطة-رُبطة" بدل ما ترد عليهم عليهم بالقطاعي..
تعرف يا عمكـ جنّي وجن الحركة دي! أصــلو ما بقدر أعملا!
Post: #353 Title: Re: طـبّاز البــورض! Author: محمد عبدالله حمدنا الله Date: 04-07-2010, 12:55 PM Parent: #352
يا عمك.. القراء ممكن يرسلوا ترشيحاتهم و "تشفيراتهم" على الإيميل... لكن الأعضاء أصلو ما عندهم عذر...العندو فلاحة...اليمرق الساحة.. عارفك راسخ و ضليع و مقتدر في هذا المكان ....لكن كمان ما تشجع الناس على "الجِبنة"... . . . جلال: ياخ مافي داعي تكشف الورق..و بطّل "تحريش"... . . نحن حسع مركزين في "الحيتان"...."البلابيط" دي حنجيها في الآخر..نظام قزقزة و كدا.. لكن برضو لو حبيت تعمل منها عينة ما مشكلة...سر فلا كبا بك الفرس.. . .
Post: #358 Title: Re: طـبّاز البــورض! Author: محمد عبد الماجد الصايم Date: 04-07-2010, 01:37 PM Parent: #354
يا شباب .. خلّو بالكم على البتاع دا! أخوكم عندو بلاطة يومين .. نشوفكم يوم السبت كان ربّنا هوّن!
Post: #388 Title: Re: طـبّاز البــورض! Author: محمد عبد الماجد الصايم Date: 04-11-2010, 12:43 PM Parent: #353
Quote: يا عمك.. القراء ممكن يرسلوا ترشيحاتهم و "تشفيراتهم" على الإيميل... لكن الأعضاء أصلو ما عندهم عذر...العندو فلاحة...اليمرق الساحة.. عارفك راسخ و ضليع و مقتدر في هذا المكان ....لكن كمان ما تشجع الناس على "الجِبنة"...
ود حطب الله يا عمكـ تقريبا ـ والله أعلم ـ كل الرسائل بتاعت الإيميل دي جات من ناس ما عندهم اشتراكـ في البورض!
Post: #387 Title: Re: طـبّاز البــورض! Author: محمد عبد الماجد الصايم Date: 04-11-2010, 12:42 PM Parent: #352
Quote: دحين أنا عندي زول بهمني أمرو شديد ياخ وحق الحملة الدعائية بتاعتو علي اليمين جاهز من جماعة كدي
Post: #360 Title: Re: طـبّاز البــورض! Author: محمد عبدالله حمدنا الله Date: 04-07-2010, 01:54 PM Parent: #357
المرشح الحادي عشر (سنعود للحديث عن المرشح العاشر لاحقآ).. . . و في رواية أخرى "المرشح الحنون".. . . . مرشحنا هذه المرة على يختلف عن "أقرانه" المذكورين آنفآ...فهو من الذين يعشقون "تاء التأنيث".... و يستهويهم "جمع المؤنث السالم"..و تفعل به "صويحبات" يوسف الأفاعيل... . . فما أن تَهِمّ إحدى "صبايا" البورد بالكتابة عن شئ...إلا و تجد صاحبنا قد شمّر عن ساعد المدح و الإستحسان... حتى يجعلك تحس بأن مداخلته قد سبقت مداخلة "الصبيّة" مبتدرة الفكرة... . . مرشحنا "الحنون" هذا لديه مميزات آية في اللطف و "الخِفّة"... يمكننا الإشارة إلى بعضها على سبيل المثال لا الحصر: . . 1-همّته أسرع من "أبي الحروف" في الرد على بوستات "الصبايا" و الإحتفاء بهن.. و أبطأ من "سلحفاء التُجم" حين يكون صاحب البوست "واوآ ضكرآ"... . . 2-دائم السؤال عن "حسناوات الأسافير" فما أن تغيب إحداهن عن المنبر لفترة لا تكفي لزوال الظل... إلا و يُسرع "الهمام الحنون" في السؤال عنها مُظْهرآ لواعج شوقه و فقدانه لها ببوستٍ "دعول".... . . 3-حينما يراوده الإحساس أحيانآ بأن سوقه قد "كسد"...أو أن هناك "مهندآ" آخر قد ظهر في المضارب.... يبدأ "المرشح الحنون" في محاولة إستمالة قلوب الصبايا و دغدغة مشاعرهن عن طريق الكتابة في مواضيع ذات صلة بحقوق المرأة و أنه من أشد المنافحين عنها متخذآ من بعض العناوين ذات الشعارات البراقة مثل (من حق المرأة أن يكون لها شوارب...و من قال أن حواء لا تستطيع حفر آبار السايفون... و يجب على المرأة أن تُشرف على ختان زوجها....إلخ)...مدخلآ يعلقه أمامه "كقميص يوسف".... . . . 4-لديه ذخيرة لا تنضب من الكلمات "الحنينة" المشجعة..حتى لكأنه يوشك أن يربت على كتفي "الصبية" مظهرآ لها "حنّيته" و قلبه العطوف.. . . 5-له الفضل في رفع معنويات "الصبايا" و تكسير الثلج لهن بمهارة يحسدها عليه "هتّيفي الحاكم بأمر الله"... فهو يجعل من الجهلولة مثقفة..ومن الخشنة شفيفة...و من الفي حالها مناضلة...إلخ ...إلخ ...إلخ. . . 6-دائم البحث في بروفايلات "الصبايا" و يبني على "حالتهن الإجتماعية" تكتيكاته "المنبرية" حتى إذا ما وجد أن إحداهن مقترنة ببعل أو أظهرت ما يشير إلى عمرها "الديناصوري"... تراه يفر منها و من مضاربها كما يفر "الحاكم بأمر الله" من مدافع المنتخب الأرجنتيني... و قد دفعت هذه الصفة "المراهقية" بعض ذوات الفطنة و الكياسة إلى الإشارة بإقترانهن ببعلٍ إفتراضي.. وهن لسن كذلك...و ما أقسى على من "تؤانس وحدتها" قول هكذا نفي قد "يكسر حظها"... إن لم تكن قد وصلت درجة من "القرف" تفرض عليها تجنب أمثال هذا "اللزج" بأي طريقة. . . . 7- 8- 9- . . ياآآآآ أيها "الحنون"...سويتها ظآآآآآآآآآآآآهرة و الللللللللللله... . . أرجوك أن تحترم سنك إن لم تكن تريد أن تحترم عقلك و عقولنا... و إن إبتلاك الله بطاعون "الحرمان العاطفي"..فلا تذهب به إلى ديارٍ معافاة.. و لتعلم أن أمثالك موجودون بكثرة خصوصآ بين منتسبي "بلاد الشمس الملتهبة".. و لكنهم إما يكتمونه أدبآ "أو خوفآ"...و بعضهم يظهرها "بحرفنة" أو "يطبزها" برّاحة.... فإختر أخف الضررين و إحتذيه مثالآ إن لم تستطع أن تستبرئ من هذه العاهة.. . . أقول هذا و أنا أحد المتضررين منك و من "أمثالك"...فقد أفسدت علي نعمة التعامل "ببراءة" و بنفس صافية مع "الصبايا"...و جعلتني أحسب كلماتي و أعد حروفي "خصوصآ مع من لا أعرفهن جيدآ" خوفآ من أن يظنن "مجرد الظن" بأني من نفس فصيلتك "الذئبية".. . . . هداك الله و عافاك... . . . . . مودتي.. ودحطب الله
Quote: إن لم تكن قد وصلت درجة من "القرف" تفرض عليها تجنب أمثال هذا "اللزج" بأي طريقة.
ود حطب الله
الله بسلمك
اللزوجة علي مقياس شنو ؟
لكن نمر سبعة كان تخليهو ( الجعار)
بالجنلة كده :- انت حضرت البتتوني هنا؟؟
لانه برضو عنده لزوجة حامضة لدرجة ادخلت
مرة الحكومة و قهرتو ليك لمن هرب الي الاراضي المهرره
Post: #362 Title: Re: طـبّاز البــورض! Author: محمد عبدالله حمدنا الله Date: 04-07-2010, 03:00 PM Parent: #361
أبو رغيم... ربنا يكرمك .. . . خت أي مقياس يعجبك للزول "اللصقة" و الجنو "تحكحك"... و ما تخاف مرشحنا دا "إستاندرد" و بيركب مع أي Scale . . ياتو واحد في "البتنونيهات"...؟ . . مودتي.. ود حطب الله
Post: #370 Title: Re: طـبّاز البــورض! Author: محمد عبدالله حمدنا الله Date: 04-07-2010, 08:43 PM Parent: #369
المرشح الثاني عشر
أو "المرشح الزينة" . . . عادة لا يحس قراء الأسافير عند مطالعتهم لكتابات الآخرين بأي طعم سوي طعم الحروف و في بعض الأحايين يستشعرون طعم الأحاسيس في حالة أن يقفز بك أحد "بهلوانات" القلم إلى إحدى سماوات الإبداع..... . . لكن "مرشحنا" هذا أحدث طفرة في تذوق طعم "الكتابات الإسفيرية" ...فما ان تفتح له بوست إلا و تحس أنك داخل منزل تفوح منه روائح المنازل السودانية التقليدية المبخرة.... . . . لربما كان السبب هو دائرة إهتمامه المحصورة في الحديث عن حبه لهذه الأشياء...و حرصه الدائم على أن "يضعنا في الصورة" متى ما أراد أن يغير ستائر منزله... أو لديه "ملايات" جديدة يود تجريبها.... . . إضافة إلى الإعلان المبكر عن برنامجه "التجميلي" الذي يبدو أنه محور حياته و سبب وجوده على سطح هذا الكوكب... فجميع مرتادي هذا "الحوش" ......يعلمون متى يقوم بتدليك "خنصر" اليد اليسرى...... و متى يصبغ شعيرات "أذنه الوسطى"..إلخ...إلخ.. إلخ.. . . . لكن الممتع جدآ في كتابات هذا المرشح أنه ليس لديه ما يقوله على الإطلاق..فقد حباه الله بنعمة الإهتمام بتجميل الذات و جعلها محور إهتماماته.... و هذا ليس عيبآ -في حد ذاته- إن حمد الله على هذه النعمة ... لكن "مرشحنا الزينة" يصر على أن يثبت أنه أيضآ "زينة المجلس" و لديه علاقة أصيلة بقبائل "ثقيف"... غير أنه لا يلبث قليلآ .. إلا و يجد نفسه "قاعدآ في السهلة"... فلا يجد حيلة سوى محاولة "جرجرة" بعضهم إلى مضارب الحديث عن "التجميليات".. . . و للأمانة.. فإنه ينجح في بعض الأحيان لوجود بعض "الحنونين".. الذين يسد هذا النوع من النقاش بعض "فجواتهم العاطفية"... . . . و أطرف مافي الموضوع هو إفتعال "مرشحنا الزينة" لبعض المعارك الجانبية مع بعض ممن يفترض فيهم مشاركته نفس الإهتمامات التجميلية "بالفطرة" لكنهم آثروا التركيز على جوانب أخرى قد تثري جوانبهم الشخصية أكثر من التركيز على أن يكونوا مجرد "طيور زينة"... . . يقوم مرشحنا بإفتعال هذه المعارك...و بوضوح شديد"عالي النقاء"...و خالي حتى من أبجديات اللغة "التلميحية".... يقوم بتذكير أقرانه هؤلاء بأنه أطول منهم باعآ في "التجميليات" و أن بينه و بينهم فراسخ من الإهتمام ... و انه معجب بعلو كعبه فيهم و بذاته "الجمالية الطاؤوسية" التي لا يرى لها بينهم من هو كفء لها... . . و في إحدى "جدعاته" الشهيرة .... و خلال يوم إستبد به" الزهج" من عدم الموضوع... الذي عادة ما يأتيه عقب إنتهائه من روتينه التجميلي و عندها تؤول حياته إلى فراغ كبييير.. قرر مرشحنا-و هذا بإعترافه شخصيآ-أن يأتي و "يرفه" في هذا الحوش...و خطرت له فكرة عبقرية قام على إثرها بإبتدار نقاش عن ذلك المسحوق "كريه الرائحة" الذي "يٌُّْمطّر ف ..يُجَفف ف...يُسف" في بلاد الشمس الملتهبة... و أسهب في الحديث عنه.. و تمنى لو أنه كان ترياقآ شافيآ لما يعانيه من زهج و ملل و فراغ...... (و لا أشك على الإطلاق في صدقه خصوصآ في الصفة الأخيرة بالذات)... . . حينها كدت أصاب "بإلتواث" من شدة الضحك حتى كدت أستلقي على ظهري ...من موضوعية هذا المرشح....... لكن قفز إلى رأسي سؤال أفسد على إستمتاعي بعبقرية هذا المرشح..... . . .
إذ كيف يتأتى لمن يتجمل هكذا أن يفكر في المسحوق أعلاه و هو الذي يستخدمه عادة الأشداء ذوي "الشلاليف" الغليظة و ليس "المتجملين" ذوي "الشفاه"...؟ . . . . يا أيها المرشح... . . . إهتم كما يحلو لك بنفسك و جمالك...و تجرع ما شئت من كئوس الإعجاب بما منحك الله له..و زادك مما إنت فيه..... . . .
فقط تذكر.. كما أنه من حقك أن "تتجمل" كما تشاء.....فليس من حقهم...... و لا من حقك أن تشرك او "تُري" الآخرين هذه الأشياء سواءآ برضاهم أو بدونه... . . لذلك أرجوك ألا تشركني أو "تُريني" ما ليس لي بحق...و إن منحك الله فائض منه.. فهناك من يستحقه..و سيكون سعيدآ به.. و سيسعد أكثر إذا علم أنك خصصته وحده دون سواه بهذا الشئ....... . . . . ختامآ... . . الناس في شنو..؟ و البورد في شنو؟....و إنت في شنو...؟ . .
ياخي المرشحين ديل عملت فيهم عمايل و الله ما إنسانية
لكن أقول ليك حاجة سيرو و عين الله ترعاكم
تحياتي
Post: #373 Title: Re: طـبّاز البــورض! Author: محمد عبدالله حمدنا الله Date: 04-08-2010, 10:35 AM Parent: #372
الأعزاء المتداخلون.. . . شكرآ لمساهماتكم و آرائكم فيما يقوم به "العبد لله"... . . فقط أو الإشارة إلى أن قوائم "ُمرشحي ود حطب الله"...ليس الغرض منها "سلّ اللسان" في "خلق الله".. و لكنه تعبير عن بعض "الممارسات" .....التي نتمنى "كلّنا" أن تزول ........... ليعود هذا المكان كما كان سابقآ "كحامل المسك...إما...و إما...و إما".... . . الأعزاء القراء.. . . أهتم لآرآئكم...لأنكم أحرص الناس على الجودة...فقد تعلمت من هذا المكان أن معظم من "يمتلكون مفاتحه" لا يقرئون مثل أولئك المتابعين " من وراء حجاب"... . . لمن لا يمتلكون بريدي الإلكتروني...تجدونه أدناه: [email protected] . . . مودتي... ود حطب الله
Post: #374 Title: Re: طـبّاز البــورض! Author: محمد عبدالله حمدنا الله Date: 04-08-2010, 01:26 PM Parent: #373
الأعزاء القراء... . . تحتوي قوائم المرشحين على مجموعة من الأخطاء الإملائية و النحوية... نتيجة لأني بشر قابل للنسيان و إرتكاب الهفوات...و لصعوبة الكتابة و التنسيق على جهازي... و خشيت أن أُعدلها فيٌفهم ذلك على أنه "حذف ٌ أو إضافة أو تعديل " في السياق.. . . لذلك أتعشم حسن تفهمكم لهفواتي اللغوية... و أثق في أنكم أدركتم ما أود قوله من المعنى العام للجُمَل.. . . . مودتي... ودحطب الله
يوجد مرشح "نادر الحدوث"...ظهر في أواخر العام الماضي و قام "رقيب الحلفايا" بوضعه في "الإستيداع" قبل فترة ... . . في تقديري أن هذا المرشح "فلتة" لا يمكن أن تتكرر...فهو شاعر نحرير و سياسي ضليع... أقام تحالفآ على رؤوس الأشهاد مع ملك "البوستات العاجلة" إضافة إلى كتابته بلغة لا يفهمها إلا من عُلّم منطق الطير..
ود حطب الله
أود ان ازف لك وللجميع خبر عودة المرشح المذكور بعد ان فك اسرة عمدة الحلفايا...
Post: #378 Title: Re: طـبّاز البــورض! Author: محمد عبدالله حمدنا الله Date: 04-09-2010, 10:40 AM Parent: #377
الأعزاء رواد البوست... . . تسجيل حضور و إستلام وردية حسب تعليمات "عمك".. . . أرجو المعذرة لتوقف السرد.... لكن لا أود أن أحرم نفسي و أحرمكم من "الإبداعات" و "المتعة المجّانية"...ل"مرشحنا الفلتة".... و الذي يبدو أن فترة "الإستيداع" قد زادته "إبداعآ" و تألقآ....... . . و ها هو "الحبيب المُنتظر" يعود إلينا....و يملأ "البورض" ب"درر" الحديث و "لآلئ" المعرفة...... و يفيض علينا بما فتح الله به عليه... . . أرجوكم إستمتعوا به ولا تحرموا أنفسكم من هذه "النفحات"... . . و مالكم و غثاء "ودحطب الله"...و كلامه "الثقيل"... . . . لي عودة إن شاء المولى... . . . مودتي... ودحطب الله
Post: #379 Title: Re: طـبّاز البــورض! Author: محمد عبدالله حمدنا الله Date: 04-09-2010, 11:44 PM Parent: #378
يا ود الصايم... يا عمك... . . . أشهد... . . البوست بتاعك سلمناهو ليك زي ما هو...و ناسك الأمنتو ليهم كلهم شتتوا.. و خلوني " اعافر" براي... . . . ياخ أنا لي يومين جاتني "فلايت" من "عتالة" البوست مع زحمة "شارع المنبر" دا.. و "تكاسي السياسة" الحايمة و مالية لينا الحوش دي... و كانت غبت ساعة واحدة بس .. إلا تمشي "تنهزوا" من آخر السوق... . . . و بعدين ياعمك .. الناس دي شكلها كلها "مكبرة اللفة" من الزقاق دا.... . . غايتو أعفى لي... . . يلا إستلم أمانتك ... . . ما دايرين نخرب ليك البوست "المفرفش" دا أكتر من كدا.. . . . ألا هل بلغت؟ . . . ودعتك الله... . . . . . مودتي... ودحطب الله..
أها يا ود الصائم ود حطب الله ما قصر معاك و لا قصر معانا
عايزين نشوف النتيجة و نتمناها واحد من ديل
واحد كل ما ذُكرت الجزمة إتذكرناه
واحد إرتبط إسمو بي ملاح الشرموط
واحد شفقان شفقة شديدة بشمت قبل مباراة المريخ تنتهي وسبحان الله طوالي مفضوح
و واحد بذكرك ناس أولى إبتدائي ما بقدر إكتب ليه جملة مفيده
Post: #381 Title: Re: طـبّاز البــورض! Author: محمد عبد الماجد الصايم Date: 04-10-2010, 07:16 AM Parent: #380
تمام .. جاييكم
Post: #382 Title: Re: طـبّاز البــورض! Author: إدريس محمد إبراهيم Date: 04-10-2010, 07:33 AM Parent: #380
Quote: إعلان... . . .
يوجد مرشح "نادر الحدوث"...ظهر في أواخر العام الماضي و قام "رقيب الحلفايا" بوضعه في "الإستيداع" قبل فترة ... . . في تقديري أن هذا المرشح "فلتة" لا يمكن أن تتكرر...فهو شاعر نحرير و سياسي ضليع... أقام تحالفآ على رؤوس الأشهاد مع ملك "البوستات العاجلة" إضافة إلى كتابته بلغة لا يفهمها إلا من عُلّم منطق الطير.. . . لكن. . . تقتضي الأخلاق ألا نكتب عنه طالما لا يملك القدرة على أن يأتي و يدافع عن نفسه.... لذلك لم أضع له "رقمآ" و لن أكتب عنه حتى أتأكد أن "رقيب الحلفايا" قد أفرج عنه ضمن الذين شملهم "عفو ما بعد الأرشفة"... فإن كان لدى أي منكم معلومة عنه ...فليمدني بها مشكورآ.. . . . مودتي... ودحطب الله
يا ود حطب الله .. فكوه للأسف الشديد من الاستيداع وبعد ده جاكم البلى...خمّوا وصروا ساكت ..
عليك الله يا ود حطب الله إمسك في "العاشر" ده قوي .. أنا عن نفسي أثنيه بقوه ولو في طريقه أجيب معاي ناس الصين الشعبيه ذاتم يثنوه معي..
ياخي ده زول "موبالغه" عديل في الطبيز ..بني آدم أجارك الله ياخي .. دائماً ما أشعر بالغثيان بمجرد قراءة اسمه .. ولكن نقول شنو .. الله غالب ...
مع خالص حبي وتقديري لك ولود الصايم العجيب وكل المتداخلين هنا ..
Post: #383 Title: Re: طـبّاز البــورض! Author: محمد عبد الماجد الصايم Date: 04-10-2010, 02:33 PM Parent: #382
Quote: هيثم يا عمكـ أخباركـ ياخ ومشتاقين شكلو كـدا واحد هاري فشفاش كبدتكـ!
رشّح ياخ!
والله مشتاقين بالأغلبية يا لذيذ.... غايتو الله ريحني من الترشيح لكن لا مانع أن نُثني مع ود حامد صالح في تعليقو التحت.... سبحان الله مع إنو المُرشح جاء نازل تحت دائرتي...
Quote: طلع عزام وارغو كبير
شوف ليهو محل مع الطبازين بتاعن الدباسين و للا الدمازين
عليك الله بالله يا عمك ما تخذلنا سمح
________________
زعــااااااااااااط ياخ.....
Post: #405 Title: Re: طـبّاز البــورض! Author: محمد عبد الماجد الصايم Date: 04-12-2010, 08:17 AM Parent: #404
Quote: زعــااااااااااااط ياخ.....
خلاس يا عمكـ سجلناو .. سجلناو!
Post: #392 Title: Re: طـبّاز البــورض! Author: محمد عبد الماجد الصايم Date: 04-11-2010, 12:48 PM Parent: #379
Quote: البوست بتاعك سلمناهو ليك زي ما هو...و ناسك الأمنتو ليهم كلهم شتتوا.. و خلوني " اعافر" براي...
ود حطب الله! ما عهدناكـ (جِبنة) بالطريقة دي؟ كمّل ياخ! أخوكـ كان مزنوق شوية ولسه الزنقة حاصلة! بس قلنا نلحق السوق شوية ونتخارج!
Post: #391 Title: Re: طـبّاز البــورض! Author: محمد عبد الماجد الصايم Date: 04-11-2010, 12:46 PM Parent: #375
Quote: من الشفتو فى البوست دا حقو تغير العنوان للعكس
الطيب يا عمكـ .. ما تخلّي نظرتكـ تشاؤمية كـدا ياخ!
في نماذج عندنا أطبز من كــدا!
Post: #390 Title: Re: طـبّاز البــورض! Author: محمد عبد الماجد الصايم Date: 04-11-2010, 12:46 PM Parent: #366
Quote: ود الصائم الولية دي بالله سجلها معاك كبرت و بقت ما ناقشة أي شئ سجلها و أنا بطلع الشارع أجيب ليك أصوات كتيييييييييييييييييييييييييييييرة
أبو حسين يا عمكـ إنت حتجيب أصوات الناس كلها ولا شنو؟ طيب ما تمش تشتغل مع المؤتمر الوطني!
Post: #395 Title: Re: طـبّاز البــورض! Author: احمد حامد صالح Date: 04-11-2010, 01:03 PM Parent: #390
Quote: شايفكـ مشيت تعافر مع الجماعة بهناكـ! ياخ لقيت لياقتكـ (اللياقة بتاعة الكورة) قوية لكن!
زولك فشنك لياقتو ما تلعبو فى النيل مدنى
طلع عزام وارغو كبير
شوف ليهو محل مع الطبازين بتاعن الدباسين و للا الدمازين
عليك الله بالله يا عمك ما تخذلنا سمح
Post: #396 Title: Re: طـبّاز البــورض! Author: محمد عبد الماجد الصايم Date: 04-11-2010, 01:11 PM Parent: #395
أحمد صالح يا عمكـ
أخذلكـ كيف ياخ! مش عزام دا أسجل ليكـ حنانو ياخ! بعدين النجيضة: عزام عندو الاتنين .. كان لياقة كان لياقة!!
وسجل عندكـ: عزّامون ابن حسن فرح!
Post: #397 Title: Re: طـبّاز البــورض! Author: محمد عبد الماجد الصايم Date: 04-11-2010, 01:20 PM Parent: #396
Email
Quote: سلامات يا ود الصايم وكيف احوالك
أنا صراحه ما صدقت إنو لقيت لي فرصه أعكس وجهة نظري في المخلوقه العجيبه الأسمها مياده كمال يعني أنا علي قدر ما شفت في الدنيا دي اشخاص طبازين وشتر وشغلتهم المكاواة وحركات أحي أنا وهرشوكم وشالو قروش فطوركم بتاعت الشفع بتاعين المدارس زمان هسي الشفع زاتهم خلو حركات العواره دي ..
لقافه وعدم ثقافه .. يعني شئ مثير للشفقه فعلا .. بعدين الزوله دي ما عندها أي موضوع مفيد من ما جات لغاية الان الهدف البتكتب ليهو شنو ؟؟؟ ونسه ؟؟ عواره؟ عدم موضوع؟ ما عارفين والله
المهم ارشح مياده كمال والتثنيه من زميلي ياسر إيناس
والله يا ميادة .. الناس دي جاتكـ جاهزة! ترشيح بالتثنية كمان!
Post: #398 Title: Re: طـبّاز البــورض! Author: محمد عبد الماجد الصايم Date: 04-11-2010, 01:27 PM Parent: #397
Quote: تشكرات كمياااااااااااات والله يا ود الصايم يالزيز
والله يديك العافية ياخي طيب ورونا لو في طريقة تزوير عشان انا مسالة فوز تراجي باللقب ده عندي مسالة حياة او موت والله الواحد نفسو يبقي معاكم في البورض لكن الله غالب(ده كلو تلج يا عمك) لوووووووووول بس وصف لي انا ممكن اعمل شنو عشان ابقا خاشي ومن هسي يا حبيب ما معانا قروش خلاس معليش طولت عليك(دي تلجة ظااااااهرة للدين) صاح؟
ود الصادق يا عمكـ كتّرت التلج ياخ!
غايتو شيل شيلتكـ مع تراجي!
Post: #400 Title: Re: طـبّاز البــورض! Author: محمد عبد الماجد الصايم Date: 04-11-2010, 01:52 PM Parent: #398
Email
Quote: صمصم ياعسل.. أديك إتنين من الجماعة ..هههه .. د. المعز عمر بخيت .. أنور التكينة ..
Post: #399 Title: Re: طـبّاز البــورض! Author: السيد أحمد إبراهيم Date: 04-11-2010, 01:44 PM Parent: #397
Post: #401 Title: Re: طـبّاز البــورض! Author: محمد عبد الماجد الصايم Date: 04-11-2010, 01:59 PM Parent: #399
السيد يا عمكـ .. معقولة ياخ! نواعير شنو في السخانة دي عمكـ! ياخ دي ذاتها ما طبزة منكـ هسي!
ليط ليط معلق فيكـ
Post: #402 Title: Re: طـبّاز البــورض! Author: محمد عبد الماجد الصايم Date: 04-11-2010, 02:06 PM Parent: #401
غدا بإذن الله آخر يوم لتلقي الترشيحات! عشان نقفل الباب دا ونسلم الجائزة لـ
بدر الدين الأمير
كااااااااااااااكـ ياخ! يمين مستمتع بيكـ شديد يعلم الله!
Post: #403 Title: Re: طـبّاز البــورض! Author: عبد اللطيف بكري أحمد Date: 04-11-2010, 02:52 PM Parent: #399
أما وقد آلت نتيجة التصويت إلا إختفاء المبجل إبن حطيب الله فإني ، ونيابة عن جمهور المتابعين ، ولفيف من رواق المنابر وصيادي مواهب القوم ، والعديد العديد من الذين أبدوا تضامناً بينا ، ورغبة ملحة لحوحة صادقة في لفت نظر السادة فأنتبهوا:
إن أخاكم إبن حطيب الله قد ودع بوستكم الفاني هذا بعد أن أبلى فيه بلاءاً ضارباً في التميز ، وأظهر من القيم الراسخة في العداء السافر للمتثوقفين المتحذلقين ما جعل العديدين منا يتحسسون ملامح وجوههم في صفحة هذا البورد ألا يكون قد غشاها لفح من هذه الحمم،، إننا وبإسم جميع من تقدم ذكره ههنا : نعلن إنضمامنا لحزب إبن حطيب الله إتقاءاُ للفتنة التي لن تبقي ولن تذر ، وكسباً لودٍ قد يتيح لنا حيزاً نتمدد فيه إن جال بالخاطر يوماً طيف من حنين لنرجس،،
إبن حطيب الله : لك في القلب ما أعجز عن التعبير عنه ذلك أنك أضحكتني في يوم إنهزم فيه الرويال تيم من الشذاذ إنفصالي قاطلونيا في ذات أمسية غابرة وحظ تعيس،،
أما راعي الكريسيدا فتلك حكاية أخرى أذهبت تماماًً ما بقي من رماد ذكريات الأمس المريرة!!
Post: #406 Title: Re: طـبّاز البــورض! Author: محمد عبدالله حمدنا الله Date: 04-12-2010, 10:21 AM Parent: #403
الأعزاء القراء و المتداخلين... . . أولآ : الشكر ل"عمك" صاحب البوست على "الفترة الترفيهية" و على "النقلات" الجميلة.. . . و الشكر لجميع الذين أبدوا آرائهم...سواء بالمشاركة أو بالمراسلة... . . و كما أسلفت سابقآ ...أن "قوائم مرشحي ودحطب الله" ..ليس الغرض منها "غسل أحوال العباد"... و إنما هي محاولة متواضعة للفت الإنتباه إلى بعض "الممارسات" التي قد لا يدري"أو قد يدري" مرتكبوها أنها لا تمسّهم وحدهم... و إنّما تتعداهم إلى المساس بسمعة هذا المكان و سمعة و "نفسيات" بقية منسوبيه... . . . .
ختامآ: أعكف الآن على تحرير و تنقيح بعض أجزاء "طبقات ود حطب الله"..و التي تشمل: 1-طبقات ود حطب الله لعموم الشفوت و المخستكين... 2- طبقات ود حطب الله....دُرّة الزمان في وصف عجائب و أفاعيل أهل السودان... 3-طبقات ود حطب الله...الرديف و المانيوال الوريف...في تشخيص علّة بني ثقيف.. . . . أتمنى أن أجد العزم و الزمن الكافيين لنشرها...كما أتمنى أن تنال إعجابكم... . . و العفو .....و العافية... . . . مودتي.. ودحطب الله
Post: #410 Title: Re: طـبّاز البــورض! Author: محمد عبد الماجد الصايم Date: 05-04-2010, 11:39 AM Parent: #406
Quote: أتمنى أن أجد العزم و الزمن الكافيين لنشرها...كما أتمنى أن تنال إعجابكم...
يااااااخ نحن أولاد مدينة واحـــدة ولازم نكون ستر وغطا على بعض
بس تااااااااني تلقاها فوق الغافل
________ احتياطي كده يا عمك بهظر معاك أنت ما مضمون والله
Post: #419 Title: Re: طـبّاز البــورض! Author: محمد عبد الماجد الصايم Date: 05-04-2010, 12:32 PM Parent: #418
تمام يا البشاري اذهبوا فأنتم البورضاب
Post: #420 Title: Re: طـبّاز البــورض! Author: جعفر محي الدين Date: 05-04-2010, 12:43 PM Parent: #419
يا ود الصايم سلامات وحمد لله على سلامتكم من مطرة أمبارح
المهم حفل تسليم الجوائز متين وبالله كل الذين رشحهم ود حطب الله أديهم ميداليات حديدية Stainless Steel عشان تبقى معاهم ليوم الدين
فكرة أعمل بوست لتسليم الجوائز ياخي
Post: #421 Title: Re: طـبّاز البــورض! Author: محمد عبد الماجد الصايم Date: 05-04-2010, 01:10 PM Parent: #420
Quote: وبالله كل الذين رشحهم ود حطب الله أديهم ميداليات حديدية Stainless Steel عشان تبقى معاهم ليوم الدين
جعفر يا عمّنا والله فكرتكـ دي ود حطب الله زاتو ما فكّر فيها! خلاس تمام .. نجيضة برضو أمش الدوحة أسلم الفايز ميداليتو هناكـ بعدين نجي نتصرف مع الباقين ديل!
Post: #422 Title: Re: طـبّاز البــورض! Author: احمد حامد صالح Date: 05-04-2010, 02:55 PM Parent: #421
يا محمد داون داون يو اس تى ... استقيل يا طباز
فى حزب الانا قررنا سحب مرشحنا لخجكم الفاضح ... على طريقة هز الروب فى البخسة ... ندين .. نشجب .. نستنكر... الخ قرارات الجامعة العربية
نطالب بمراقبين هجين من الحبشة و تركيا . قف . سننسحب نهائيا .. قفين .. نطلب لجوء فى الاسماعيلية ... تلاتة ... قف
انحيازكم ضد مرشحنا امر فاضح قف نؤكد لكم حكاية الفاشر قيت لا يمكن السكوت عليها قف
غدا المرشحين المواسير سيتساقطون واحد واحد قف و نعلنها من داخل الزريبة فوز عزام
الما عجبو يشرب من البحر الابيض و يبلع تلاتة حمص ... فول استوب
اتفاق وصل مرحلة اللمسات الاخيره بين الطباززز والحزب المطوبز فيه لمشاركة الاخير في الحكومه وصرحت مصادر مقربه من الاتفاق ان الطبازيين سيتم منحهم (من عطايا السلطان) وزاريتين ومستشاريه واحده . والجدير بالذكر انهم طلبوا ان يتم اشراكهم في السلطه باسم ( الاختشوا ماتوا ) فرفض ..... معلالا ذلك بان ....... قد تجاوزه الزمن .
----- سلام ود الصائم و حبابكم فى الدوحة
ش
Post: #424 Title: Re: طـبّاز البــورض! Author: محمد عبد الماجد الصايم Date: 05-05-2010, 07:32 AM Parent: #423
Post: #426 Title: Re: طـبّاز البــورض! Author: محمد عبد الماجد الصايم Date: 05-05-2010, 08:02 AM Parent: #423
Quote: اتفاق وصل مرحلة اللمسات الاخيره بين الطباززز والحزب المطوبز فيه لمشاركة الاخير في الحكومه وصرحت مصادر مقربه من الاتفاق ان الطبازيين سيتم منحهم (من عطايا السلطان) وزاريتين ومستشاريه واحده . والجدير بالذكر انهم طلبوا ان يتم اشراكهم في السلطه باسم ( الاختشوا ماتوا ) فرفض ..... معلالا ذلك بان ....... قد تجاوزه الزمن
أوووو عمنا شكري .. مرحب بيكـ والله! تعرف .. دي بقت زي سيناريوهات عمّنا الفاتح جبرا! لكن تشوفوا البشتغل بيكم منو .. طناش تقيل
الحكومة لنا فقط لا غير والجائزة لبدر الدين المُنتخب لا غير! تسلم ياخ!
Post: #425 Title: Re: طـبّاز البــورض! Author: محمد عبد الماجد الصايم Date: 05-05-2010, 07:57 AM Parent: #422
Quote: نطالب بمراقبين هجين من الحبشة و تركيا
أحمد يا عمكـ .. دا شنو الكلام الدُرّاب دُرّاب دا! ياخ أنا حسيت نفسي قاعد قدام بيان عسكري عديل!