بعد عامين ونيّف .. هل يكفي الانتظار؟

بعد عامين ونيّف .. هل يكفي الانتظار؟

عامان كاملان قضيتهما وأنا أتابعكم جميعا .. وأعتبركم كلكم دون تحديد إخوان أعزاء .. أعتبركم أسرتي التي أحب أن أجلس معها كل يوم أو بالأصح كل ليل .. أتابع ما تكتبون .. أقرأ بوستاتكم يوميا دون كلل، أحزن لاختلافكم، وأفرح عندما أجدكم تجتمعون في بوستات (تخلي الناس شايته في قون واحد). أحزن كثيرا حين أجدكم تصلون إلى نقاط اللانهاية في بعض المواضيع، خاصة السياسية منها، وأحيانا تصل الأمور إلى الإساءات الشخصية، وأتمتم وأنا أنظر للشاشة (يا إخواني .. اختلاف الرأي لا يفسد للود قضية)، وأضحك كثيرا في مماحكات بوستات الرياضة.
ترددت كثيرا في المشاركة، وفي أكثر من مرة كنت ألغي مشاركتي قبل (العفصة الأخيرة) لإرسالها .. ولا أعلم ما السبب!!
اليوم .. ولا أدري لماذا أيضا .. قررت أن أشارككم كتابة .. فهل أجد في قلوبكم مساحة؟!!
لا أنتظر منكم ترحيبا .. ولا أتوقع منكم أيضا التطنيش .. لكني أتعشم منكم أن أكون نقطة في بحر هذا البورد.

لكم التحية جميعا...

الصايم

أنا عايزة أرحب بيك
وأقول ليك أني مستغربة جدا من حكاية السنتين
سودانيز ده عامل زيه زي أي مجتمع عشت فيه قبل كده
مدرسة
جامعة
شغل
وممكن يكون مجتمع الحلة
فيازول خش لقدام وأعمل حساب الكتاحة
نصيحة برلومة
ماخدة ساتر

الخوف ما من الكتاحات
الكتاحات الشفناها ما شوية
ريحة الغبار بتجينا برررره البورد

نحن برضو ماخدين ساتر من زماااان
ساتر بنبني فيهو لينا (سنتين)


برضو ما قصرتي ويديك العافية على الترحيب