طلعنا دلاليك ساكت علي القسم ودلوكات ابواتنا دقو فينا وفترتو وعرضو على دق دلوكتنا الليلة وين لي وين يا عينيا انا وعجبوني كالو العين يا عينيا انا اخوالنا و اعمامنا لزم ول كان اولاد خال عم الابو يدقو ويعرضو وكمان يقوليك الخال شريك الوالد يلبع ام دلدوم علي كيفو على الجزيمة انا خالي الماحي دا دق دلوكتي دي دق كان مكضبني اسعلو ود اب سن سيد الدكان يدق وسيد الخلوة يدق وكمان عندو تصريح ليك اللحم ولينا العضم اها ابواتنا ول كان اعمامنا وخلانا الرحل منهم ومن ينتظر عافين ليهم عفو الله والرسول لكن كمان اولادنا برضو استلمو الدلوكة ودق العيش يا القمرة ويا اب راسين نارك حمرا دا جيل شنو دا الدلوكة دا ؟ الجيل دا لحدي مواليد 1970م البعدم امكن يكونو كمنجات ساكت
Post: #2 Title: Re: يا أيها الدلاليك ويا أيتها الدلوكات Author: حيدر حسن ميرغني Date: 10-10-2017, 08:00 AM Parent: #1
Quote: البعدم امكن يكونو كمنجات ساكت
لووول يا مان نجضتهم تب
Post: #3 Title: Re: يا أيها الدلاليك ويا أيتها الدلوكات Author: عبدالحفيظ ابوسن Date: 10-10-2017, 08:03 AM Parent: #2
Post: #4 Title: Re: يا أيها الدلاليك ويا أيتها الدلوكات Author: اسامه العريفي Date: 10-10-2017, 08:06 AM Parent: #3
عوداً حميداً مستطاب او كما قيل ليك وحشة والله
Post: #7 Title: Re: يا أيها الدلاليك ويا أيتها الدلوكات Author: عبدالله ود البوش Date: 10-10-2017, 08:15 AM Parent: #4
سمسم يا كمنجة فيك حلات عزف منفرد شفتك اعزفو فيك اتا قايلني ما شايف عجبني ليك
Post: #6 Title: Re: يا أيها الدلاليك ويا أيتها الدلوكات Author: عبدالله ود البوش Date: 10-10-2017, 08:13 AM Parent: #3
ود اب سن جيل الدلاليك والبطولات والتضحيات يرحمك الله مأجور ان شاء الله
Post: #5 Title: Re: يا أيها الدلاليك ويا أيتها الدلوكات Author: عبدالله ود البوش Date: 10-10-2017, 08:09 AM Parent: #2
اتا يا حيدر ما اظنك تكون كمنجة والدلوكة كبيرة عليك وغالبا تكون دربكة الدربكة ديك البنخنقوها خنيق .... اخير من الدلوكة الله لا وراك
Post: #8 Title: Re: يا أيها الدلاليك ويا أيتها الدلوكات Author: عبدالمنعم الطيب حسن Date: 10-10-2017, 08:21 AM Parent: #5
هلا ود البوش ليك وحشة وينك يا رجل لعلك والاسرة بالف صحة وهناء عودا حميدا مستطابا
Post: #9 Title: Re: يا أيها الدلاليك ويا أيتها الدلوكات Author: عبدالله ود البوش Date: 10-10-2017, 08:29 AM Parent: #8
حباب عبدالمنعم ما سعلت منك شينة يا حبيب بسط شديد نحمدو هو ونشكر الغني اتا لعلك طيب يابا والعيال
Post: #10 Title: Re: يا أيها الدلاليك ويا أيتها الدلوكات Author: حيدر حسن ميرغني Date: 10-10-2017, 08:30 AM Parent: #8
Quote: اتا يا حيدر ما اظنك تكون كمنجة
هههه قريب نهاية الستينات .. بكون طمبور بجلد خرتيت
Post: #11 Title: Re: يا أيها الدلاليك ويا أيتها الدلوكات Author: عبدالله ود البوش Date: 10-10-2017, 09:02 AM Parent: #10
كون طمبور بجلد خرتيت --------------------------- جلدك تخين يعني . . عاين لي جاي يا حيدر اسع قاليك في امريكانيا الشافع كان نهرتو ساي يكلم ليك البوليص على الليمان والرحمان نحن زمان في الخلوة نكون قاعدين ومسمعين اللم يكون يجي جدي احمد الله يرحمو شايل في جيبو حصحاصين يمسك الشفع الفي الخلوة جت يقرصن بالحصحاص يقول لينا عشان تتعلموا سمح هههههههههه اجدادنا القدماء ديل بكون عندهم مونفيغياسوليا جاتكم من جدودم الاقدم منهم عشان كدا بقونا دلاليك ودلوكات لكن نحن شقاوزتنا شقاتنا وقعنا بين جيلين صعبين خلاص وتاني اولادنا مسكونا كمنجة ههههههههههه اسع شوف البنية الحلوة دي بت ولدي عاين لينا بتعزف كيف على الرقبة دي بعد ابوها دق فوقا الدلوكة والدربكة نزل من رقبتي سلما بتو الم اقل ليكم اننا جيل دلوكة ساكت انا غايتو بعد كدا داير اتفسح ح امشي بلجيكا عديل كدا ان شاء الله اروح ليكم هناك واهلي يغرموني ليكم وحت كمان امكن ابقى ليكم ابن السودان البار هههههههههههههههههه
Post: #12 Title: Re: يا أيها الدلاليك ويا أيتها الدلوكات Author: مني عمسيب Date: 10-10-2017, 09:02 AM Parent: #10
يا الطال غيابك طال سنة وزيادة !
عودآ حميدآ مستطاب .
وشوشة : البروفائل مبالغة ! الجد مقبل لاوراء والحفيدة لا قدام ! والله دا مفروض يكون غلاف لكتاب بعنوان ( ................ ) نخلي العنوان للمرور .
Post: #13 Title: Re: يا أيها الدلاليك ويا أيتها الدلوكات Author: محمد البشرى الخضر Date: 10-10-2017, 09:09 AM Parent: #12
خالك الماحي زاتو سيد الإسم ولاّ خالن تاني :)
Post: #14 Title: Re: يا أيها الدلاليك ويا أيتها الدلوكات Author: Haytham Ghaly Date: 10-10-2017, 09:25 AM Parent: #13
بسم الله
دا جانا من وين؟؟
وخبارك المرة دي مدينا قفاك وعرض اكتافك
حبابك وحباب خالك الماحي زاتو
Post: #15 Title: Re: يا أيها الدلاليك ويا أيتها الدلوكات Author: اسامه العريفي Date: 10-10-2017, 09:30 AM Parent: #14
Quote: بعنوان ( ................ ) نخلي العنوان للمرور
حفظك الله بنتنا عواطف نظرة امل وتفاؤل
لكن يا ود البوش قطيعة الراس رهيبة
Post: #21 Title: Re: يا أيها الدلاليك ويا أيتها الدلوكات Author: عبدالله ود البوش Date: 10-10-2017, 10:22 AM Parent: #15
Post: #16 Title: Re: يا أيها الدلاليك ويا أيتها الدلوكات Author: محمد عبد الله الامين Date: 10-10-2017, 09:36 AM Parent: #14
حبابك ود البوش ... حبابك والله جابك منور الساحه يا حبوب ...... مره في نقاش مثقفاتيه ( مواهيم ) ههه طرحوا الموضوع ده انو تربية الدلاليك كانت قاسية والهدف منها انهم كانو انانيين بربوك بقسوة عشان تشيل الشيلة والهم والمسئولية منهم وتمسك الطريق ... ما عشانك انت
.... اما الجيل الجديد ده عارف حاجاتو وفارزها وما هاميهو شي ... كمنجات سااااااااااااي ....
Post: #17 Title: Re: يا أيها الدلاليك ويا أيتها الدلوكات Author: مني عمسيب Date: 10-10-2017, 09:47 AM Parent: #16
فارس الحديد ان حمي ...
Post: #22 Title: Re: يا أيها الدلاليك ويا أيتها الدلوكات Author: عبدالله ود البوش Date: 10-10-2017, 10:29 AM Parent: #16
الحبيب محمد عبدالله الامين حبابك وشكرا على الترحيب الحار . . فرق كبير بين الواقع والتنظير أهلنا الكبار ربنا يرحم من رحل والعافية وطول العمر للموجود عملوا العليهم حسب معرفتهم وبصراحة طلعوا الجيل دا نجيض نجاضة وشديد شدة ام قريدون لكن نحن بقينا محتارين واستلسمنا للعصر الحديث وبقينا زي الغراب الداير يحاكي مشية الطاؤوس ولا قدرنا نقدل زي الطاؤوس ونسينا مشيتنا القديمة ما شايف المشية بقت مكعبرة ومعلوقة الغراب سف التراب غاغ حبوبتك ماتت غاغ يوم الجمعة الفاتت غاغ
Post: #20 Title: Re: يا أيها الدلاليك ويا أيتها الدلوكات Author: عبدالله ود البوش Date: 10-10-2017, 10:19 AM Parent: #14
بسم الله ---------------- مالك يا جنا بتسمي ؟ يسمي عليك خالي الطيب
Post: #19 Title: Re: يا أيها الدلاليك ويا أيتها الدلوكات Author: عبدالله ود البوش Date: 10-10-2017, 10:17 AM Parent: #13
خالك الماحي زاتو سيد الإسم ولاّ خالن تاني :) -------------------------------------------------- بس اياهو ذاتو خالي الماحي ... البدخل المدن والضواحي
Post: #18 Title: Re: يا أيها الدلاليك ويا أيتها الدلوكات Author: عبدالله ود البوش Date: 10-10-2017, 09:53 AM Parent: #12
ترحب بيك العافية يا بت عمسيب . . البروفائل مبالغة ! الجد مقبل لاوراء والحفيدة لا قدام ! والله دا مفروض يكون غلاف لكتاب بعنوان ( ................ ) نخلي العنوان للمرور . -------------------------------------------------- رسالة واضحة روح جدك وريحة عرقو تتسرب في مسارب روحك يا عواطف
Post: #23 Title: Re: يا أيها الدلاليك ويا أيتها الدلوكات Author: محمد حمزة الحسين Date: 10-10-2017, 11:21 AM Parent: #18
Quote: الجيل دا لحدي مواليد 1970م البعدم امكن يكونو كمنجات ساكت
بالسلامه ياود البوش بركة الجيت لي ديارك واهلك واصحابك النصيحه معتقين المنبر دا بلاكم ما بتقعد مرهـ اشتريت اتنين صوت بتاع جلد من سوق امدرمان واديت واحد لابو الفصل بتاع ولدي الكبير والتاني لابو الفصل بتاع ولدي الصغير قلتا ليهم انا عارف الدق ممنوع لكن ديل تدقوبيهم ولادي براي وماداير تاني يرسلوا لي في مشكله من غير ما تكون اتعرضت عليكم وقلتا فيها رأي وغلبكم تحلوها الحمدلله اسي الكبير في الجامعه ووالصغير علي اعتابها ممتحن دعواتكم ليهو بالتوفيق ما جاتني منهم شكوي انا بستغرب الزول البي يقول لك الدق ما بيأدب عليا الايمان بس الدق ما بيقتل : : : : : : : مع التحيات لله الزاكيات
Post: #24 Title: Re: يا أيها الدلاليك ويا أيتها الدلوكات Author: Basamat Alsheikh Date: 10-10-2017, 11:50 AM Parent: #23
عبد الله ود البوش (صاحب الايادي البيضاء) والله يا ود البوش انت اتلومت فينا لوم اليابا فضيل، كيفن تقول مواليد ما بعد عام ١٩٧٠م دلاليك ودلوكات ساكت،،، يعني طلعتنا دلوكات ساكت وبدون استثناء،،،والله خالي الكواهلي كان سمعك ،( وهو من مواليد قبل سنة ١٩٧٠) انك دخلتني بيناتن الا كان يجيك ويوريك العين الحمرة ، وسكينه في ضراعه) لانه معزتنا عنده غالية ... لكن كان جينا للنصيحة يا ود البوش انت ما بعدت من الحقيقة ابدا وكلامك ده ياهو الحاصل بالضبط،،،وكده عليك الله امشي احضر ليك حفل عرس في الصالة الذهبية ولا اي صالة من صالات الافراح في الخرطوم وما حتعرف تفرز الولد من البنت،،،وهسع ولد من النوع ده اذا ضربوهو زي ضربكم الزمان كان جاته سكتة قلبية ومات في لحظته.. ...وارجع لينا لورا وترجم لينا تعليق ود ابوسن للعربي الفصيح...وتعليقه ذكرنا بحكاوي ود عبيد وود بلة والعقد الفريد من ناس الضواحي في بوست ود ابوسن وود المنسي وود البوش وود شيقوق،،،الله يطراهم بالخير،،، ..والله الشئ الاجمل في المنبر العام بنتعلم منكم الكثير وبتنورو لينا الطريق عشان نتفادي الدرب الاعوج في المستقبل، وخاصة بعد رفع العقوبات الامريكية الخرطوم حتبقى زي لاس فيجاس،،،بس الله يكضب الشينة ام المدائن ما تتاثر باحوال ما بعد رفع العقوبات،،،لانه لهسع شباب الاتبراوي مواليد ما قبل عام ١٩٧٠ ما بيختلفوا كثير عن مواليد ما بعد عام ١٩٨٩م.. ودمت بالف خير وصحة وعافية
Post: #25 Title: Re: يا أيها الدلاليك ويا أيتها الدلوكات Author: Osman Awoda Date: 10-10-2017, 02:00 PM Parent: #24
ولا بغازيك وعمك شنطح جاب البقرة وركبك فوقا بتقع ول ما بتقع ؟ شيخ الجماعة كان جاك بتديهو شنو ؟ قول خمسين تاكل الضب السمين وفي رواية اخرى تاكل العجل السمين قول عود ههههههههههههههههههههه الله يجازي محنك يا المجنون
Quote: والله يا ود البوش انت اتلومت فينا لوم اليابا فضيل،
يا حليلكم ويا حليل ناس فضيل و ود المنسي وشيقوق وعبيد و ود اب سن والناس الحلوين بالله كيف عاملين ان شاء جركم ملان عجين اميرة وامتثال سلمي عليهم عليك الله
Quote: والله خالي الكواهلي كان سمعك ،( وهو من مواليد قبل سنة ١٩٧٠) انك دخلتني بيناتن الا كان يجيك ويوريك العين الحمرة ، وسكينه في ضراعه) لانه معزتنا عنده غالية ...
لا لا خالك الكواهلي دا بكون اصعب من خالي الماحي دا اصلو ما بنغلت عليهو اتي ما تكلميهو بس خلي الكلام دا سر بيناتنا عايني لي جاي المقصودين لحدي مواليد 1970 اتي كمان الجابك ليهم شنو الدلاليك ديل يعني المقصودين من مواليد 1970 والاكبر منهم كدا طلعتي منهم بالمزيكا ..... الله يقدرك على الكمنجة وزمنكم بكون زمن صعب خلاس
غايتو كان لى خالك الماحى بعرفو تب بتاع مقاببة بس و كمان لاهو دلوكة ولاهو دربكة شتم و جلدو جلد نملة _______ يا ود عووضة هسى فى داعى للجغالفيات العلمية دى
Post: #32 Title: Re: يا أيها الدلاليك ويا أيتها الدلوكات Author: أحمد الشايقي Date: 10-10-2017, 05:31 PM Parent: #31
ود البوش
صاحب أطعم حكايات في البورد كونها حكايات الضهرة وأهلنا الغبش
ياخي بتكيفني كيف
بن حبشي .. بي دوياتو
أحمد الشايقي
Post: #36 Title: Re: يا أيها الدلاليك ويا أيتها الدلوكات Author: عبدالله ود البوش Date: 10-11-2017, 11:42 AM Parent: #32
Quote: بي دوياتو
مبالغة يا الشايقي الكلمة دي ما بجيبا الا زول ضهاري متكيف شكرا يا الحبيب على المرور العليل تحياتي
Post: #35 Title: Re: يا أيها الدلاليك ويا أيتها الدلوكات Author: عبدالله ود البوش Date: 10-11-2017, 11:38 AM Parent: #31
اتا وعووضة الاتنين اكبر دلاليك
Post: #33 Title: Re: يا أيها الدلاليك ويا أيتها الدلوكات Author: عبدالله ود البوش Date: 10-11-2017, 06:29 AM Parent: #30
اومو الازرق يا عمر يا السلمة يا زول يا معتق يا جميل والله مشتاقين يا حليلكم وحليل ايامكم . . يا زول هوي مرقت وين دلوكة وبالميت دربكة
Post: #34 Title: Re: يا أيها الدلاليك ويا أيتها الدلوكات Author: ياسر السر Date: 10-11-2017, 08:30 AM Parent: #33
الحبيب ود البوش ياخ حمد لله الف على السلامة والبركه في في الشوفة يا زول .... انت قاصد مواليد 1970 ولااا وراء ولا لاااا قدام نحن غايتو مواليد 1971 لكن دق المدرسين طمر فينا والحمد لله لكن الجو بعدنا ديل حدث ولا حرج ... غايتو ما عارف جيلنا ده كمنجات ولا مندلين ولا رق زاااتو ما عارف ..... غايتو ذكرتني جدي عبد القادر مضوي ( ده الجنن عبد القادر ) زمان قالولما عمنا الجاغريو يقول انا دستوري نازل في الخرطوم تلاته كان بيكسر العكاز في كراعو ويقدل .. غايتو انت شكل عرضة في الدلاليك لامن فترته نحن غايتو ناس طبلة وايقاع ساااااي ... يا زول بركة الشفناك طيب وفقدناك والله ,,, وبجيك بي مهلة كان الله حيانا والموت خلانا ,,, وجناك الشايلو ده غني لي ( مناي ليك ما وقف اتمنيت انا تكبر تشيل بي ردف مو لقاط طرف ) وان شاء الله حا يطلع نجيض تب ...
ياسر السر يا فنان من بطن بيت الفن العيلفون كل الاشواق والتحيات
Quote: انت قاصد مواليد 1970 ولااا وراء ولا لاااا قدام نحن غايتو مواليد 1971
المقصود من سنة 1970 والاكبر منهم يعني من 1970 وانت نازل لحدي سنة 1955 كدا المقصودين الناس القدام الصغار ديل صنفتهم كمنجات لكن ناس اتو دلاليك ساكت هههههههههههه كمان ات محل الدلاليك ذاتا لكن طلعتو نجاض
Quote: عمنا الجاغريو يقول انا دستوري نازل في الخرطوم تلاته كان بيكسر العكاز في كراعو ويقدل
كع كرررررع ..... انا اخوك اتا دا ياخي شكرا على هذا المرور الجميل
Post: #38 Title: Re: يا أيها الدلاليك ويا أيتها الدلوكات Author: ادريس خليفة علم الهدي Date: 10-11-2017, 02:23 PM Parent: #37
