Post: #1
Title: البلد حاله وصل الحد ....
Author: talha alsayed
Date: 10-09-2017, 04:07 PM
03:07 PM October, 09 2017 سودانيز اون لاين
talha alsayed-
مكتبتى
رابط مختصر
البلد حاله وصل الحد ....
#القصه دي حقيقيه
انابقول لي صاحبي ما تجي راجع البلد الحاله صعبه شديد وهو مصر يجي السودان .. واثناء مابعمل في إجرات رجعتو .. غير فكرة الرجوع نهائي تاني والسبب... تحت👇👇👇👇👇👇👇👇👇👇👇👇
قبل اسبوع اتصلت بالحاجة والسلام وووو ووجدت معها خالي الذي أخذ التلفون وبدأ طوالي : اسمع يا ولد ، خليني من مشتاقين وماعارف شنو ، أوعك تفكر تجئ ولا حتى إجازة ، ليه يا خال ؟؟ ليه !!! اسمع وبراك ح تفهم : الأسبوع الفات حسيت بصداع وتعب شديد ، مشيت الدكتور وقبال ما أتم كلامي كتب لي تحليل دم وبول وفسحة وصورة أشعة ، أها اديتهم الدم والبول وعملت صورة الأشعة لكن الفسحة ما كان في طريقة ليها ، ادوني فتيل وقالو لي تجيبها بكرة معاك وما تتأخر عشان العينة ما تبوظ ، شفت كيف تاني يوم ظبطت ليهم فسحة صاح ولفيت الفتيل بكيس وتاني كيس ولفيتها بجريدة وختيتها في جيب الجلابية وكابست اول حافلة وصلت المعمل ، ادخل يدي في جيب الجلابية مرقت بي تحت !!!! أعاين ألقى الجيب مشروط بي موس ونشلوا الفسحة !!!!!!!!!
أها دي بلد دي الزول ينشلو منو فسحتو !!
أوعى واحد يسألني الفسحة دي شنو ؟؟؟
منقول
|
Post: #2
Title: Re: البلد حاله وصل الحد ....
Author: talha alsayed
Date: 10-09-2017, 04:43 PM
Parent: #1
يا لخيبة’اامل اللص
عمك قايله دولارات
|
Post: #3
Title: Re: البلد حاله وصل الحد ....
Author: نعمات عماد
Date: 10-09-2017, 06:28 PM
Parent: #2
هههههه الحرامي يستاهل
باين عليه جديد ... المعلمين الكبار ما بسرقوا الأ الموبايلات و القروش و الذهب
تحياتي أخ طلحة .
|
|