Post: #1 Title: سيد خليفة --- سيد اجمل اغنيات واكعب اغنيات فى السودان Author: أبوذر بابكر Date: 10-05-2017, 01:33 PM Parent: #0
12:33 PM October, 05 2017 سودانيز اون لاين أبوذر بابكر- مكتبتى رابط مختصر ولى المساء فى ربيع الحب غيرة ابنى عشك يا قمارى فتنة الانظار اسراب الحسان طرير الشباب وغيرها من الايقونات النضيرة السمحة اغنيات ما عادية كلها من كل النواحى، كلام ولحن واداء مع صوت على الخليفة محمد، الشهير ب سيد خليفة، مع صوته الفريد وفى نفس الوقت تلقى اغنيات تحير اتجاهاتك كلها
يا عقد اللولى ونانا يا نانا المامبو السودانى ازيكم كيفنكم الو الو منو
ومعاها تانى شوية اغنيات غريبه وعجيبه ممكن زول يقول ليك ياخ الموضوع ذوق و تذوق و ما ممكن كمان كل الناس ذوقهم يكون واحد وينطربو ل اغانى جماع صاح الكلام ده فعلا لكين كمان ما للدرجة دى ولا شنو الغرابة بس فى وجود ابو السيد بين نقيضين بعيدين عن بعض شديد شديد جدا كمان
Post: #2 Title: Re: سبد خليفة --- سيد اجمل اغنبات واكعب اغنيات � Author: Abdullah Idrees Date: 10-05-2017, 01:43 PM Parent: #1
Quote: يا عقد اللولى وانت يا نانا المامبو السودانى ازيكم كيفنكم
ياراجل ، بالغت والله دي اغنيات جميلة جدا لا تقل عن ولى المساء وصويحباتها ، بس مختلفة
Post: #3 Title: Re: سبد خليفة --- سيد اجمل اغنبات واكعب اغنيات � Author: سيف الدين محجوب Date: 10-05-2017, 01:47 PM Parent: #2
أخينا أبا ذر أويدك بشدة في كل ما ذكرته وأبصُم لك بالعشرة
إحترامي سيدي
Post: #4 Title: Re: سبد خليفة --- سيد اجمل اغنبات واكعب اغنيات � Author: علي عبدالوهاب عثمان Date: 10-05-2017, 02:06 PM Parent: #3
الشاعر النحرير بشار بن برد من ابلغ شعراء العربية قال وهو يداعب خادمته رباب :
رباب ربة البيت تشوب الخل بالزيت لها عشر دجاجات وديك حسن الصوت
المبعدعين لديهم طريقة خاصة في تناول أعمالهم أحياناً ينزلون من أعاليهم إلى دنياوات العامة ..
ابا ذر الحبيب صدقني البوست سوف يكون في غاية الجمال وموضوع بحث وإبداء الاراء .. فقط إذا ابعدت لفظ ( أكعب ) من العنوان لأن بعض الناس ربما يقصدوا أن الموضوع فيه شخصنه أو بعداً ما
لأن كثير من الفنانين لهم أغان جلسات خاصة وأغاني مناسبات وإغاني للعامة وأغاني للصفوة
أتمنى أن يأتي الاخ قباني لتقديم نماذج ..
بس بدون ( أكعب ) حيكون أجمل
شكراً أباذر .. نحن ناس ضواحي الدنيا حتى سماع الراديو كنا نركب حميرنا عشان هلال مريخ
ناس أمدرمان بلد الامان
مع التحية أباذر .. آسف للاطالة ..
Post: #6 Title: Re: سبد خليفة --- سيد اجمل اغنبات واكعب اغنيات � Author: عبد الباقي الجيلي Date: 10-05-2017, 02:43 PM Parent: #4
يا أبو أذر أخوي حرام عليك ياخ ...
وردي غنى يقظة شعب ومرحبا يا شوق وبناديها وجميلة ومستحيلة
وغنى حبينا اللطافة في الناس القيافة ...
هناك أغان خفيفة "يكسر" بها الفنانون رتابة الرصانة والجزالة ...
لكنها لا تصل أن يطلق عليها "أكعب" أغنيات ...
هذا لفظ لا يليق بهؤلاء العمالقة ياخ ...
وكأني بك تريد مقارنتهم بناس "قنبلة" وشبيهاتها ...
أبو السيد لم يتجاوز الخروج المباح والمريح بمثل هذه الأغنيات الخفيفة
من جزالة أسراب الحسان وأخواتها ..
واخترتها تحديدا لأنها في تقييمي الشخصي أجمل ما جاد به الغناء السوداني
وهذا أيضا مزاج شخصي مؤكد أن كثيرين يختلفون معي فيه ....
يبدو فعلا انه مفردة اكعب دى ساهمت بشكل فعال ومدمر فى توصيل الفمرة المستهدفة وحاولت قبل شويه فى الرد على الزملاؤ ولسه بحاول ، انى اوصل المعنى المطلوب والمقصود
ويا ريت ناخد معنى المفرده زى ما هو مستخدم عندنا فى مستواه الابسط الأبعد من الكعوبية بمعناها السلبى والاقرب من السماحة والجمال بالمعنى العادى
وزى ما انا وضحت قبل شويه انه مافى معنى سيء او قبيح مقصود قطعا من استعمال مفردة كعبة وفعلا ما لقيت الضد المناسب لتوصيل المعنى
اما مقياس العامة والنخبة للتفاضل فما اعتقد انه مقياس قويم وصحيح تحديدا فى الحكم على الحاجات الابداعية فى مجملها سواء كانت غناء او تشكيل او رقص او حتى رياضة
انا شخصيا والله يا على عندى قريبى فى اعلى سلم وهرم البساطة او العامية إذا جاز التعبير وما بفك الخط كمان وعمره ما دخل مدرسة والله بغنى لينا يا عذارى الحى و انا ليتنى زهر و بطرب ليها ويطربنا معاه كمان وهو ما بلعب دور المؤدى فقط لكين هو مدرك و فاهم كل المعنى جملة و قطاعى
أتذكر في حلقة مع حسين خوجلي كان مستضيف فيها محمد وردي ...
حسين خوجلي قال لي وردي ..
" انا مرة كنت مستضيف سيد خليفة و سألتو منو في نظروا احسن الفنانين السودانيين : فرد سيد خليفة و قال ... الكاشف .. حسن عطية ... احمد المصطفى ... و كذا اسم تاني ولم يذكر اسمك ! فسألته و اين محمد وردي من هؤلاء ؟ فرد سيد خليفة قائلاً : انت سألتني من الفنانين ... وردي ده شيطان ما فنان ... و ما في فنان شبهو "
الاجمل يا اباذر ... كان رد محمد وردي: قال ليو يا حسين ... انتو ما بتعرفو سيد خليفة البنعرفو انحنا معشر الفنانين ... و اديك سر ... لما نجتمع مجموعة من الفنانين في قعدة خاصة ما في حد بغني لينا غير سيد خليفة ...
أبو السيد مدرسة ... و اعتقد انو سر نجاحه التنويع و انو بسمعوه كل فئات الشعب و بصل لكل الناس ... الفرق بينو و بين مصطفى و عركي مثلا ... فقط فئة معينة من الناس و المثقفين ( و ما كلهم ) البسمعوهم ... الفنان لازم يكون شامل و يدي كل طبقة من الناس حقها ...
لي عودة ...
ونديكم عينتين لابوالسيد ...
الأولى يا صديق ... اغنية خفيفة على القلب ... يسمعها كل الناس ...وهي لعمنا مبارك حسن الخليفة الله يطول عمره ... و هي مكتوبة لسيد نفسه ( كانو أصدقاء ) ...
و الأخرى من الياذات الأغنية السودانية ... للشاعر الفذ حسين عثمان منصور ... " ليل و خمر و شفاه " ... مكتوبة بالفصحى ... و تخاطب فئة معينة من الناس ... علمتنى كيف أنسى من أنا وأنا لفظ حرام فى الغرام وأنتِ بين ذو القدر وينبوع السنا والسنا حلم على ليل الظلام **** يا سقاة الكأس من عهد الرشيد ما لكأسي ظامئاً أبداً وحيد ونديمى!! قد سرى نجما مع الأفق البعيد حطّم الكأس وولّى وانطفأ نجم تلألأ وغدت تبكى على شفتيّ أصداء النشيد ليل وخمر وشفاه هنّ للقلب لظاه هنّ إكسير الحياة هنّ ينبوع الضياء
كلاااااااااااااااااااااااااااااااام يا ابوذر ... :)
اكيد بتفق معاك تماما فى انه التنوع مطلوب من المبدعين وضرورى كمان طالما المبدع مبذول لتوصيل العمل لكل الناس وطالما كان المستهدف عامة الناس يبقى من اللازم تنويع الابداع عشان يغطى كل خريطة التلقى
شكلى حاستهلك كمية تبريرات مهولة الليله ههههههه
وشكلى كمان زى الما قدرت اوصل الفكرة ومعناها
كدى غايتو النجرب محاولة تانبه يمكن تظبط
مثلا اتخيل روحك سمعت ابراهبم عوض بغنى
يا غاية الامال لو دعاك الشوق ما كان نسيتنا زمان وانت الحنان والذوق
حبيبنا , أبوذر لولا إختلاف الأمزجه لبارت السِلَع لكن ليس هنالك شئ كعب فى كلمات الشاعر الكبير إسماعيل حسن والتى تغنى بها ملك الطرب الفنان الكبير والمثالى طيلة حياته فى تعامله وسلوكياته سيد خليفه
Post: #34 Title: Re: سبد خليفة --- سيد اجمل اغنبات واكعب اغنيات � Author: أبوذر بابكر Date: 10-07-2017, 07:44 AM Parent: #8
عزيزنا عبد الله كيف الحال
كده كمان المشكلة بتزيد اكتر لما تكون الكلمات من اسماعيل حسن
وطوالى الزول لما يسمعها ببدا يقارن بينها وبين إبداعات ود حد الزين بنية شيخنا اسماعين
ول ابا ابوذر..حبابك يا صديقي ليه كده يا صديقي؟ الغريبة انا كنت قايلك ح تقارن اغاني مايو..! لأنو فيها تطبيل غير طيب..! لكن النماذج الجبتها دي كلها كويسة..وهي منعطفات في تجربة ابو السيد وادتها تلوينات لطيفة..! كبر
Post: #13 Title: Re: سبد خليفة --- سيد اجمل اغنبات واكعب اغنيات � Author: جمال ود القوز Date: 10-05-2017, 06:40 PM Parent: #10
اتنين من الفنانين أصحاب أجمل أغاني .. ابراهيم عوض .. سيد خليفة .. أبو السيد مدرسة قائمة بذاتها .. من ناحية دقة واختيار الألحان .. والأداء المسرحي المحبب ..
Post: #17 Title: Re: سبد خليفة --- سيد اجمل اغنبات واكعب اغنيات � Author: علي عبدالوهاب عثمان Date: 10-05-2017, 07:05 PM Parent: #13
حبيبنا أباذر البوست بلغ الهدف الذي كنت أريده .. صدقني أنا أحب حكاوي ناس أمدرمان .. شوف تفاصسل الزول الرائع قباني .. وباقي المجموع هذا هو المطلوب ..
صحيح حبيبنا أبا ذر ( كعب ) رفعت العلامة التجارية للبوست متعة .. شكراً
Post: #19 Title: Re: سبد خليفة --- سيد اجمل اغنبات واكعب اغنيات � Author: محمد الأمين موسى Date: 10-05-2017, 07:34 PM Parent: #17
غايتو يا جماعة سيد خليفة دا كانت له قدرة عجيبة على بث جماليات الحزن في أغانيه بطريقة لم يستطع جل الفنانين على مجاراته فيها. ويلحّن وكأن الوجدان السوداني كتاب مفتوح أمامه يقرأه بيسر وفهم. لقد بلغ سيد خليفة في اسراب الحسان مبلغا عظيما وهو يتمثل كل كلمة من كلمات الأغنية.
الغريبة يا ابوذر الاغنيات الوصفتها بالاكعب دى هى التى نالت شهرة اقليمية داوية و يترنم و يطرب لها اهل دول الجوار و بل ساعدوا فى انتشارها اكتر من الاستاذ سيد خليفة نفسو
Post: #39 Title: Re: سبد خليفة --- سيد اجمل اغنبات واكعب اغنيات � Author: أبوذر بابكر Date: 10-07-2017, 08:05 AM Parent: #20
حبيبنا جلالدونا كيفنك ياخ
فعلا دى هى الاغنيات الاشتهرت واتعرفت بره السودان بس للاسف الشديد جدا كانت شهرة سلبية للغاية
ومثار للتندر والاستخفاف
الكلام ده عن تجارب شخصية والله
وغالبا معظم السودانيين فى مصر،والخليج بكونو لمسو وعرفو الشى ده
Post: #38 Title: Re: سبد خليفة --- سيد اجمل اغنبات واكعب اغنيات � Author: أبوذر بابكر Date: 10-07-2017, 08:02 AM Parent: #19
العزيز محمد الامين
تحية وتقدير سيد خليفة مؤدى مذهل .ممكن يوصل المعنى الفى الاغنية بطريقة متفردة ومن تكلف او صنعه
اضافة طبعا الصوت المتميز والحضور العجيب
سيد كمان من اكتر المطربين اناقة فى الهندام واللبس زى قريبه احمد المصطفى
Post: #37 Title: Re: سبد خليفة --- سيد اجمل اغنبات واكعب اغنيات � Author: أبوذر بابكر Date: 10-07-2017, 07:57 AM Parent: #17
العزيز على عبد الوهاب
ان شاء الله دائما ملمومين فى الخير والفرح خلاص انا بعد الزره دى قررت نلغى كلمة كعبه ونقول ما سمحه
كده انسب شويه
ولا شنو
Post: #36 Title: Re: سبد خليفة --- سيد اجمل اغنبات واكعب اغنيات � Author: أبوذر بابكر Date: 10-07-2017, 07:53 AM Parent: #13
ازيك يا ود القوز احوالك و اخبارك
الغريبة انا برضو جبت سيرة ابراهيم عوض لحبيبنا قبانى قبل ما أشوف كلامك فعلا الاتنين ايقونات جميلة فى غنانا وذكرت اغنية يا سلوى كنموذج للاغان - الما سمحه -
تانى بقول - الما سمحه - بدل اقول كعبة
هههههه
Post: #35 Title: Re: سبد خليفة --- سيد اجمل اغنبات واكعب اغنيات � Author: أبوذر بابكر Date: 10-07-2017, 07:48 AM Parent: #10
العزيز كبر كيفك يا حبيبنا
لا اغانى مايز ونميرى ديك كمان خليها ساى ديك هى البشاعة تمشى على ألف قدم
زى ما انا قلت للزملاء التنوع مطلوب ومفيد كمان لاى مبدع فى مجاله بس انا قصدت البون والمسافة الشاسعة جدا بين نوعية - كواليتى - ونوعية تانية عند سيد خليفة
Post: #21 Title: Re: سبد خليفة --- سيد اجمل اغنبات واكعب اغنيات � Author: عبدالله محمد أحمد Date: 10-05-2017, 08:17 PM Parent: #1
Post: #25 Title: Re: سبد خليفة --- سيد اجمل اغنبات واكعب اغنيات � Author: عرفات حسين Date: 10-05-2017, 09:28 PM Parent: #24
التحيه لصاحب البوست
https://www.0zz0.com
https://www.0zz0.com
https://www.0zz0.com
و للفنان العظيم سيد خليفه بركات اغنيه اسمها "بانه" ونسبت لعبد الحي وعي للشاعر حسين منصور ارجو من يملك لها تسجيل شاكر انزلها … وهي شبيها باغنية "ابني عشك يا قماري "
قرات اليوم اجمل تعليق من اجمل فنان وهو التعليق الذي رد به الفنان الجميل سيد خليفة على حسين خوجلي عندما ساله : واين وردي من بين هؤلاء؟ فكان الرد الاوسكار : انت سالتني عن فنانين، ووردي ده شيطان ، ومافي فنان شبهو،،، فشكرا ود قباني،،وشكرا على الالحان والكلمات الرائعة،،،، والتحية لصاحب البوست ابا ذر.. ودمت بالف خير وصحة وعافية
Post: #27 Title: Re: سبد خليفة --- سيد اجمل اغنبات واكعب اغنيات � Author: ABDALLAH ABDALLAH Date: 10-06-2017, 04:55 AM Parent: #26
مرةً أخرى تحياتنا حبيبنا , أبوذر ما دام بوستك العظيم هذا عن فنانا الكبير سيد خليفه كلما تسمح ظروفنا بنطل عليكم . هذا بعض من السهل الممتنع من أغمال أبى السِيد :-
Post: #28 Title: Re: سبد خليفة --- سيد اجمل اغنبات واكعب اغنيات � Author: صلاح أبو زيد Date: 10-06-2017, 08:08 AM Parent: #27
الشاعر الجميل ابوذر سلام
Quote: و للفنان العظيم سيد خليفه بركات اغنيه اسمها "بانه"
العزيز عرفات اغنية " يا بانه " بالعود
Post: #29 Title: Re: سبد خليفة --- سيد اجمل اغنبات واكعب اغنيات � Author: عبدالحفيظ ابوسن Date: 10-06-2017, 09:00 AM Parent: #28
اتفق معاك سيد عندو اغاني قمة في الشعر واللحن والاداء وعندو واحدات بعرفن براهو يا ود القوز ... ابراهيم عوض عندو غنا مبالغة وواحد بغلبني اسمعو زاتو صالح الضي كيف
Post: #46 Title: Re: سبد خليفة --- سيد اجمل اغنبات واكعب اغنيات � Author: أبوذر بابكر Date: 10-07-2017, 10:12 AM Parent: #29
شكرا يا اب سن
لب الموضوع فعلا هو المفارقة العجيبه بين اجمل و - ما اجمل - اغنيات ابو السيد
Post: #30 Title: Re: سبد خليفة --- سيد اجمل اغنبات واكعب اغنيات � Author: عرفات حسين Date: 10-06-2017, 09:33 AM Parent: #28
الي اباذر اولا الشكر علي هذا البوست الجميل علما بان " نا نا يا نا نا" للشاعر حسين عثمان منصور
و الي الحبيب صلاح ابوزيد
والله مديون ليك … ولك الشكر من حرم الشاعر حسين عثمان منصور... ورايت الابتسامه علي وجهها عند سماعها الاغنيه .. ويرحم الله والديك والتحيه لك في لقاء بين الشاعر حسين عثمان منصور والفنان سيد خليفه اتت ذكر يا " بانه " فذكره سيد خليفه بها وانها نسب الي عبد الحي لانه الاذاعه رفضة تسجيلها باسمه , وقدم لي النصح حسن عطيه ,بحكم ان اشعاره اوقفت من الاذاعه ,
https://www.0zz0.com
اما القمريه التي في اغلب قصائد الشاعر حسين عثمان منصور كان عشها في الشجره التي ب حوش عثمان منصور التي كان ينام الشاعر تحتها ... تحت ظلها …
Post: #31 Title: Re: سبد خليفة --- سيد اجمل اغنبات واكعب اغنيات � Author: صلاح أبو زيد Date: 10-06-2017, 04:24 PM Parent: #30
اخي عرفات ومني ايضا التحية لحرم الشاعر حسين عثمان منصور حقيقة الشكر في الاول لاصحاب القنوات في اليوتيوب بيعملوا على نشر النادر من غنانا الجميل جعلوه ممكنا وزي ما ممكتوب في الفيديو الاول القناة باسم مهند الخطيب فالشكر موصول اليه وكل التقدير لما يقوم به. انا نفسي سعدت بوجودها في اليو تيوب،
وهنا ايضا شاء الهوى بالعود
شاء الهوى كلمات ادريس جماع لحن وأداء: سيد خليفة
شاء الهوى أم شئت أنت فمضيت في صمت مضيت أم هز غصنك طائر غيري فطرت إليه طرت وتركتني شبحاً أمد إليك حبي أين رحت وغدوت كالمحموم لا أهذي بغير هواك أنت أجر .. أفر .. أتوه .. أهرب في الزحام يضيع صوت واضيعتي أأنا تركتك تذهبين بكل صمت هذا أوانك يا دموعي فاظهري أين اختبأت فإذا غفوت لكي أراك فربما في الحلم جئت في دمعتي في آهتي في كل شيء عشت أنت رجع الربيع وفيه شوق للحياة وما رجعت كوني كنجم الصبح قد صدق الوعود وما صدقت أنا في انتظارك كل يوم ها هنا في كل وقت
Post: #32 Title: Re: سبد خليفة --- سيد اجمل اغنبات واكعب اغنيات � Author: بابكر قدور Date: 10-06-2017, 09:03 PM
أخي أباذر لك الود والتحايا الطيبات كلمة "كعب" يا أبوذر كلمة سودانية معناها محصور في إثنين - ردئ ولئيم لو جينا للمعنى المقصود فحنحذف معنى لئيم لعدم الإنطباق .. ونبقي على كلمة ردئ بمعنى أن الفنان سيد خليفة لديه غناء حسن وغناء آخر ردئ !! (ورطتك زيادة ياصديقي .. مش؟ فليكن) كدي نمسك أغنية إزيكم كيفنكم دي هل هي رديئة كلمات أم رديئة لحن أم رديئة أداء؟ في انتظار ردك التفصيلي بعد الثبات (الصقر كان وقع كترة البتابت عيب). تحياتي وتقديري ومحبتي ....
الكعوبية مقصود بيها الرداءة فقط. و كل الأغاني الكعبة المنسوبة للفنانين الكبيرين: سيد خليفة و ابراهيم عوض، على سبيل المثال، قليلة العدد، و الكعوبية، بمعنى الرداءة، متعلقة بالكلمات، و إن جاءت من اسماعيل حسن نفسه، أو صاحب الإبداعات الكثيرة في مجال الشعر الغنائي: حسين عثمان منصور. و برضو نقول انو التقييم بالرداءة يعتمد على المستمع نفسه. التذوق دا مسألة شخصية بحتة. في أعمالوغنائية متفق عليها، باعتبارها متكاملة في إبداعها، كلمة، لحنا و أداءا. خذ مثلا الفنانين الكبيرين سيد خليفة و ابراهيم عوض، أنت لا تملك إلا أن تحكم بأن أغنيتي: ولى المساء، و غاية الآمال بلغتا الكمال الإبداعي، كلمة، لحنا، و اداءا
طارق الفزاري ود زينب
Post: #49 Title: Re: سبد خليفة --- سيد اجمل اغنبات واكعب اغنيات � Author: أبوذر بابكر Date: 10-07-2017, 10:24 AM Parent: #33
عزيزنا ود زينب
ليك التحية والسلام
يعنى ما القصد الرداءة فى معناها المطلق بقدر ما انها قلة فى الجودة الابداعية مثلا او فى النوعية
وحتى الاغنيات المعنيه دى عندها معجبين كتار وليها قاعدة استماع واعجاب كبيرة
وزى ما حاولت اوضح للزملاء الاعزاء انه الغرض الاساسى هو تبيين الفارف الكبير بين نوعين من الشغل الفنى عند فنان واحد
شكرا ليك ياخ
Post: #48 Title: Re: سبد خليفة --- سيد اجمل اغنبات واكعب اغنيات � Author: أبوذر بابكر Date: 10-07-2017, 10:17 AM Parent: #32
ازيك يا قدور كيف الحال والأحوال
طولنا منك والله
والله يا بابكر ابدا ما كان ده القصد من مفردة اكعب دى
المعنى المقصود الأقرب والاصوب يمكن يكون انها اغنيات ما سمحه او ما قى مستوى جمال رصيفاتها وانها كمان بعيدة شديد حتى من المستوى العادى
ده كل القصد
تحياتى للعزيز حسن عليك الله
Post: #47 Title: Re: سبد خليفة --- سيد اجمل اغنبات واكعب اغنيات � Author: أبوذر بابكر Date: 10-07-2017, 10:13 AM Parent: #30
تحياتى يا عرفات
سليل الأدب والمعرفة و الجمال
Post: #45 Title: Re: سبد خليفة --- سيد اجمل اغنبات واكعب اغنيات � Author: أبوذر بابكر Date: 10-07-2017, 10:10 AM Parent: #28
العزيز صلاح
جملت الفجه بحضورك و جيتك والله
Post: #44 Title: Re: سبد خليفة --- سيد اجمل اغنبات واكعب اغنيات � Author: أبوذر بابكر Date: 10-07-2017, 10:08 AM Parent: #27
مشكور يا عبد الله
بنسعد والله ب طلتك وجيتك
Post: #43 Title: Re: سبد خليفة --- سيد اجمل اغنبات واكعب اغنيات � Author: أبوذر بابكر Date: 10-07-2017, 10:07 AM Parent: #26
تحياتى يا بسمات والتقدير كله ليك
Post: #42 Title: Re: سبد خليفة --- سيد اجمل اغنبات واكعب اغنيات � Author: أبوذر بابكر Date: 10-07-2017, 08:15 AM Parent: #25
العزيز عرفات
شكرا ياخ على اسهاماتك الفياضة ةالسمحة والمعلومات الثمينة
Post: #41 Title: Re: سبد خليفة --- سيد اجمل اغنبات واكعب اغنيات � Author: أبوذر بابكر Date: 10-07-2017, 08:13 AM Parent: #24
العزيز عثمان
لا دى فعلا كعبه والله
مافى اى شى يتقال تانى عنها
ههههه
Post: #50 Title: Re: سيد خليفة --- سيد اجمل اغنيات واكعب اغنيات � Author: أبوذر بابكر Date: 10-07-2017, 10:32 AM Parent: #1
طيب يا جماعة الخير
رايكم شنو بدل اكعب نخليها
ادنى
والله غلبنى تب القى لى كلمة تكون اكسبرسف اكتر
اها نسقف على كده ؟
Post: #51 Title: Re: سيد خليفة --- سيد اجمل اغنيات واكعب اغنيات � Author: Amira Hussien Date: 10-07-2017, 10:03 PM Parent: #50
نانا يا نانا كلمات الدكتور على شبيكة ما حسين عثمان منصور
