دايرين مساعده ودراسة جدوي لعمل قاعه احتفالات صغيرة في العاصمه

10:49 AM October, 05 2017

سودانيز اون لاين
الطيب عباس-ناوي للبلد الامين
مكتبتى
رابط مختصر

البوست دا لصديق طلب المعاونه .. قت لي في فطاحلة في البوورد بس بكونو مرات مشغولين .. عاوزين مساهاماتكم
والله المستعان

وين اصحاب التجارب؟

هممت قبل ثمان سنوات في عمل مشروع في السودان.. وإلتقيت أحد زملاء الدراسة الذين تخلوا عن التنظيم الكيزاني....
وعندما سألني عن الأخبار والأحوال أخبرته بما يدور في ذهني...

فسألني على الفور: أها .. ومعاك منو الجماعة ... قلت ليهو جماعة شنو .. قالي جماعتنا المتمكنين..
قلت ليهو معاي خبراتي وتجاربي ودراسات الجدوى ... ورأس المال الكافي..

قالي : يازول شيل حاجاتك دي وشتت ... شغلتك دي ناقصة الكتير ..

وقد كان ...

شلت حاجاتي واتفكفكت .....


أها دي دراسة الجدوى يا الطيب ود العباس ..

وقع ليك..؟؟



الشغيل

هههههههههه
والله صدقت ياشغيل
وينك يابقبق مطلوب حضورك 😂😂

غايتوا أنا مساهمتي بمقترح الإسم قاعة إبراهام لينكولن للأفراح وعلق العلم الأمريكي

تحيات ي الطيب
مثلك فكرت فى امر كهذا كجزء من خطة الرجوع للبلد

استشرت راجل كبير وخبره وكان جوابه :

من الاخر كده مشروعك ده فيه احتمالين بس
اما ينجح واما يفشل

لو فشل مجهود عمرك وراح

ولو نجح الجماعه ديل بقلعو منك وانت ما اشطر من صلاح ادريس

شكرته ولميت مشروعى على

إذا من خلال ما سبق ذكره، فعليك استخدام وسيلة التستر التجاري....
تسجل مشروعك باسم صديق وفي ... متمكن، وزي ما يقول المثل:
يغلبوك بالطلبات وتغلبهم بود الباوقة...
شفت كيف؟

عاوز القاعة تكون ثابتة واللا متحركة ؟

بدل قاعة الاحتفالات احسن ليك تفكر في مقهى استاربكس،،،
واساسا انت ما حتخسر كثير لانك بتستخدم الاسم ، اسم استاربكس،
على نظام الفرانشايز،،، والشركة هي التي ستمولك بكل المواد الخام
من القهوة العجيبة بتاعتهم ديك وكافة انواع الماكولات التي تشتهر
بها مقاهي استاربكس،،،وصباح اليوم فقط ذهبت صديقتنا امتثال
وقابلت احد مديري استاربكس واخدت معلومات كفاية عن هذا الموضوع
واذا داير التفاصيل ،،فما مانع نديك التفاصيل،،،
وطبعا ما قرينا نصيحة قصي، فاظن شريكها في المحل حيكون بق بق،،،( وش ضاحك بجدية)
ودمت بخير وصحة وعافية

بسمات

طوالي كدا

دي كانت فكرتنا انا وصديقي ودرسنا الموضوع قبل رفع الحصار
يعني قبل امتثال التاجره

علي العموم مبروك وورينا العنوان و نجي القهوه زياره

انت ما زرت منهاتن يا محب وشفت براك في كل ركن شارع في مقهى استاربكس
والناس واقفة صفوف وصفوف،،،،يعني اذا انت وصاحبك فتحتوا فرع استاربكس
في شارع من شوارع الخرطوم ، وفي الشارع المقابل امتثال وبق وبق فتحوا فرع
ثاني برضو حتلقى الزبائن واقفين صفوف في الفرعين،،، بس هي حتفوتكم بحاجة
واحدة، ناس ولاية الخرطوم حيجوا ناطين ليكم كل اسبوع ويدوكم مخالفات
بالملايين ويستنفذوا دخلكم الاسبوعي،،لكن فرع امتثال حيكون محصن ضد
الاتاوات الاجبارية دي،،،،
عارف ليه؟ بق بق معانا ما تخشانا،،،،
ودمت بخير وعافية

لا تؤُمِنّ البنوك السودانية تسهيلات لمثل هذه المشاريع ( قروض وخلافه)،،
حتي و- ان كانت دراستها أعدها
( ما كنزي ).
ويتم التمويل من مواردك الذاتية.
اذا وريتنا كم المبلغ المرصود لديك ممكن نساعدك ،
كمان تصورك لموقع المشروع مهم ،
المواقع المميزة مملوكة لأفراد - ،
ولا تسود ثقافة الايجار طويل الأجل لديهم ،،
( ٢٠ سنة فما فوق)،
والخيار هو الشراء وسعر المتر المربع في المواقع المميزة مُكلِفّ جداً،،
ويزيد من مدة استرداد رأس المال ،
المواقع الاُخري للإيجار - متاحة من الدولة ولكن الحصول عليها صعبّ ،،
وكذلك من بعض الأندية.
التي تملك مواقع استثمارية ، ،
( سبارك سيتي - نادي بري الرياضي )،
كما عليك أيضاً تحديد الشريحة المستهدفة من مشروعك - ،،
(انت قُلتّ مكان المشروع العاصمة )،
فالخرطوم ( اقصد عموم )-،،
تكاد تكون مغرقة بمثل هذه المشاريع ،
والمنافسة تكون في صالحك ،،ان كانت لديك خدمة مميزة ومختلفة- ،،
ممكن نعرف نوع الخدمة التي تتطلع لتقديمها لجذب عملائك-؟؟