قطار مدنى أرخص من مشوار بامجاد من العربى للسجانة ؟! ... صور

حكمة والله وحكاية ...



شلناها شيلة .. لله درك يا ايلا

عساه يقلل من حوادث طريق الموت التي حصدت ارواح الناس حصدا اخي ادم ...

تحياتي : ياسر العيلفون ....

تعرف يا أدم أخوي أهلنا زمان بياكلوا في الضرا

ومن حكمتهم إنه باقي الاكل بيدوه الكلاب وما برجعوه البيوت ابداً

يقول ليك كان رجعناه النسوان باكر بنقصــوه

دحيــن

حكومــة السودان دي ابداً ما تسمعها إنه عندها شيء (رخـيـــص)

أحمد الشايقي

نسمع جعجعة ولا نرى طحنا .


هو وينو القطار

الأخ محمد احمد سعيد تحياتى

أهو دا قطار مدنى :



* قطار ناس مدنى أخضر ... الله أعلم قطار ناس دارفور حيكون لون شنو ؟

الأخ الكريم ياسر السر تحياتى

هو الزول بالله بعد الخمسين تانى راجى شنو ما إلا السيرة الحسنة والعمل الطيب والعمر مابين الستين والسبعين !!
وحسب ما علمى وما أسمع من أبناء مدنى أنفسهم أن الرجل وسع الشوارع وزرع الأشجار وأعاد المدينة الى سيرتها الأولى
هذا الطريق راح ضحيته خيرة أبناء الوطن وهنا أعتقد بأن الرجل أراد ان يحينا جميعا فى تطويره وتعميره ليعيد الفرحة
ويبعث الأمل فى النفوس ومن لا يشكر الناس لا يشكر الله إذا ينبغى أن يعطى حقه من الشكر والتبجيل اليس كذلك ؟ .. بلى




* نحن نطمح فى إعادة مشروع الجزيرة العملاق .. لله درك يا ايلا

خمسة محطات ما بين الخرطوم ومدنى التذكرة بخمسة جنيه :

التى 5

المعيلق 10

ابو عشر 15

........ 20

الحصيحصا 25

مدنى 30

5×6 جنيهات 30 جنيه .... مشوار امجاد 35 جنيه

تابعونا

معقولة عندنا قطار سريع وبالحداثة دي بين الخرطوم ومدني وان والي
الجزيرة ايلا هو صاحب الفكرة والتنفيذ،،!!!
زول زي ده ما نشكره وبس ولكن نطالب بان يحل محل البشير في رئاسة
البلد عندما يتخلى عن السلطة ،،،ولا شك انه انه احسن بكثير من بطانة
البشير الذين يتطلعون لخلافته،،،
وما دام اصلا النظام ده ما قادرين تغيره ، لا بالقوة لا بالحسنة، فاحسن نختار
زول زي ده بيفكر في مصلحة المواطن الغلبان ، بدل ما يجينا واحد حرامي
همه كله مصلحة نفسه ويكنز الذهب والفضة ولا يهمه مصلحة المواطن وتخفيف
مصاعبه اليومية،،،
ولو كان هؤلاء المسؤولين التصابين والحرامية قراوا ما قاله الامبراطور الفرنسي
نابليون بونابرت عندما وافته المنية وهو يحتضر لما سرق هؤلاء حبة خردل،،،قال
نابليون لمستشاريه الذين يلتفون حول سريره في فراش المرض::
عندما اموت وتضعوني في التابوت ، اخرجوا جيب بنطلوني خارج
التابوت وان يكون الجيب مفتوحا حتى يرى كل الناس ان نابليون
الذيةامتلك معظم اقطار الارض وخزائنها خرج من هذه الدنيا الى القبر
وهو خالي الوفاض لم ياخذ معه اي شئ،،،،،
ودمت بالف خير وصحة وعافية

وجه اخر
ومصير خط قطار الخرطوم شنو ؟
محطاتو الخرطوم - بحرى - الصافيه - شمبات - الدروشاب - الكدرو .....
اظنو قرب ل سنتين من بدايه انشاء المحطات
؟؟؟؟؟؟؟؟

الأخ الكريم المستشار القانونى أحمد الشايقى تحياتى

برضك وجهة نظر يمكن ان ترصد وجديرة بالمنابعة

التحية للراجل الكلس ايلا
لو رشح نفسو للانتخابات أول زول بديهو صوتي
وصوت الخلفوني والخلفتهم .

امووووووت انا في الحصاحيصا