12 شيئاً تعلمتها من الحياة في المانيا : مدونة تحتوي على أفكار جيدة ‏

09:08 PM October, 03 2017 سودانيز اون لاين
محمد عبد الله الحسين-
مكتبتى
رابط مختصرمقارنة بين المجتمع ف المصري و الألماني : مدونة تحتوي على أفكار جيدة
‏العنوان اعلاه ليس هو العنوان الأصلي للمدونة و لكن العنوان قمت بصياغته لحمل أكبر قدر ممكن من المعانى التي تتضمنها المدونة......
.......و ‏كذلك يتضمن بقدر المكان حد أدنى من جذب القاريء و لفت انتباهه...
.‏كاتب المدونة كتب مدونته بالعامية المصرية لكنها بتتضمن مستوى جيد من استيعاب و الفهم لمفردات اجتماعية و ‏اقتصادية و سلوكية....‏
و كذلك تتضمن نقاط تستثير التفكير بشكل عام لكل نسان يوجد في مجتمع غير مجتمعه ...
‏المهم بشكل عام الملاحظات و المقارنة التي تحتويها المدونة تصدر من شخص لا ينظر للمجتمع و السلوك بالسطحية ‏المعتادة....
.‏لذا وجدت أنها قد تكون مفيدة للبعض....
أكرر البعض و ليس الكل فوجهات النظر تختلف...‏

عذرا عدلت عنوان البوست ليحمل نفس عنوان المدونة الأصلي بعد أن كنت قد ابتدعت له عنوانا من جانبي..
لكني بعد مراجعة خفيفة وجدت أن عنوان المدونة الأصلي كما كتبها صاحبها أكثر جاذبية.. و هو:
(12 شيئاً تعلمتها من الحياة في ألمانيا)
كاتب المدونة:
مصطفى حسام نمرة

باعمل MBA في ألمانيا، وبعد مرور أسبوع على وجودي هنا، أقدر أقول 12 ملاحظة:

1- الدولة القوية هي اللي الطبقة الوسطى فيها بتكون مسيطرة وضخمة لدرجة إنك نادراً ما تشوف واحد فقير أوي أو غني أوي.

2- هوس المظاهر مرتبط بديموغرافية معينة، وهي وجود فقر كتير بيخلي فيه ناس عايزة تنفي عن نفسها الصفة دي فيضطر يبالغ في إظهار قوته المادية، خاصة إن ده هيضمن له معاملة أفضل من المجتمع. أنا أعرف ناس ممكن تستلف عشان تجيب Brand معين. بالمقارنة، صديق عزيز لي في ألمانيا رئيس جامعته وسيلة تنقله الأساسية هي العجلة، وهي بالمناسبة وسيلة تنقل أكتر من العربيات هنا وكل الشوارع مصممة عشانها.

3- أكتر حاجة لفتت نظري هو موضوع اللغة. في مصر، اللغة الإنكليزية مش مجرد لغة ثانية، دي دليل على وضع اجتماعي ومادي معين، وكمان من غيرها فرصك في العمل ومستقبلك بشكل عام هتكون أضعف. اللي حاصل هنا في ألمانيا هو العكس بالضبط، أنت هنا مش محتاج اللغة الإنكليزية في حاجة تقريباً، والغالبية العظمى من الألمان اللي قابلتهم إلى الآن مش بيعرفوا يتكلموا إنكليزي ومش مهتمين أصلاً. وفكرة إنهم كده لأنهم قوميين بزيادة أو معتزين بجنون بلغتهم من وجهة نظري فكرة خاطئة تماماً. هو فقط مش محتاج ومش مهتم، لما يكون عندك شركات محلية بتصنع كل حاجة حرفياً، وعقول محلية بتنظم كل شيء، وعروض عمل من شركات محلية ضخمة للغاية، وسوق عملاق محلي. في الحالة دي، ليه بحق الجحيم هتحتاج تتعلم لغة أجنبية؟

4- في ألمانيا اكتشفت إن عندي رجلين وممكن أستخدمهم للوصول من النقطة A إلى النقطة B عادي جداً.

5- إحنا بيتنصب علينا بالجامد أوي في أسعار العربيات في مصر من أول ما وعينا على الدنيا، فيه عربيات مستعملة هنا ثمنها 1000 جنيه مصري (50 يورو) وفي مصر ثمنها 50 ألف جنيه.. سفالة!

6- السن مجرد رقم، وإحنا كمصريين بنحط على نفسنا قيود بلا أي داعي، أنا شفت رجال وسيدات أعمارهم حول السبعين وبيركبوا عجل وبيشتغلوا وبيعملوا كل حاجة. فكرة إن واحدة أو واحد يكبر في السن فنقول له يا حاج ولا يا حاجة ويركن على جنب مش موجودة.

7- الديمقراطية تبدأ من أول سنة في المدرسة.

8- مصر بالرغم من كل مشاكلها، فيها مزايا، أهمها أنها دولة شابة جداً، أقصد أن متوسط الأعمار في مصر شاب ودي ميزة إحنا مش مقدرنها. كمان مصر فيها عادات جميلة، زي المبادرة بالمساعدة لأي حد، خاصة مع البنات وكبار السن، وحب التواصل المستمر مع الآخرين. عارف إن العادات دي بتختفي تدريجياً، بس لسه موجودة.

9- الكرش المصري مش نتيجة إننا بناكل كتير، ده نتيجة خليط معقد من حاجات لا يمكن تتخيلها، بداية من أسعار الأكل، فكرة الدليفري، مواعيد فتح وإغلاق المحلات، شكل الشوارع ووسائل المواصلات، وسائل الترفيه، لغاية عادات وثقافة المجتمع ككل. الموضوع كبير، ما تحاولش تقاوم الكرش، استسلم.

10- أبليكيشن Google map هو أهم ما أنجبته البشرية، خصوصاً لأي حد رايح بلد جديدة. سافر بره مصر كده وافتح الأبلكيشن وهتلاقي النقشبندي بيغني في ودنك "مااااشي بجوجل ماب أدعي وأقول يا رب... يااارب".

11- اللي بيخلي المجتمع منتظم زي الساعة والكل ماشي عِدل، مش الأخلاق ولا الضمير ولا الثقافة ولا العادات والتقاليد. فقط القانون القوي اللي بيمشي على الكل بدون تفرقة ولا تهاون.

12- مصدر السعادة الحقيقي هو مراتك وأولادك وأبوك وأمك وأخواتك وأصدقاءك المقربين، من غيرهم الحياة مالهاش طعم.

تحياتي من الكوكب الألماني!

الاخ محمد عبد الله الحسن تحية طيبه . .

أشهد للمصريين بأنهم ناس شطار في التعبير . .
مصداقاً للنقطة (1) يقال بأن عمر بن الخطاب الذي اعز الله به الاسلام كان من الطبقة الوسطى (اللهم اعز الاسلام باحد العمرين) . .
معظم النقاط كأنه يتحدث بلسان حالنا . . خاصة الملاحظة (2)

وكمان الملاحظة رقم خمسة عن اسعار السيارات في السودان بتنطبق علينا تماما
هنا في امريكا في سيارات مستعملة ثمنها ٣٠٠ دولار ، ونفس السيارة والموديل في السودان
سعرها ما يساوي ٢٠ الف دولار...
كل الملاحظات في محلها تماما،،،
اول مرة اقرا لمصري شئوودمت بخير وصحة وعافية

الأخ عمر
تحياتي
ملاظتك ذكية و دقيقة:
( أشهد للمصريين بأنهم ناس شطار في التعبير‎ . .
مصداقاً للنقطة (1) يقال بأن عمر بن الخطاب الذي اعز الله به الاسلام ‏كان من الطبقة الوسطى (اللهم اعز الاسلام باحد العمرين‎) . .
معظم النقاط كأنه يتحدث بلسان حالنا . . خاصة الملاحظة (2‏‎)‎)
-------------------------------------------------------

كلامك صحيح...المصرييون يجيدون التعبير عما يودون قوله..‏
بالإضافة لأنهم يتميزون بالحكمة و فهم واقعهم جيداً....و السبهللية عندهم نادرة

لك الشكر و التقدير

كلام جميل جداً ومعبر

تسلم سيد البوست

شكرا الأخ طارق على الكلمات الكريمة:
(كلام جميل جداً ومعبر

تسلم سيد البوست)
و شكرا للمتابعة و الاهتمام