الترتيب في العنوان لا يعني ترتيبهم حسب الأفضل و الأعلى طربا، بيد أن ثلاثتهم يحتلون حيزا مقدرا من ذائقتي الفنية وأحبهم كمطربين بنفس المقدار والمعيار وأعيرهم أذني ومشاعري وقلبي ذات المساحة والزمن .. أولا كان الحوت رحمة الله عليه، ولكنه رحل وبقيت فاجعتنا فيه مسيطرة لدرجة أنني لم أعد أقو على سماعه كما كنت في حياته، بل و(أزوغ ) كل ما جاءت سيرته أو صادفتني أغنية له في جخانين النت. ثم جاءت الأميرة نانسي عجاج فاحتلت نفس مكانة محمود في قلبي وبدا لي أنه تعويض مثالي بعد فقداني الرغبة في سمع أغنيات الحوت بسبب حزني عليه، فكنت وما زلت لا يمضي يوم إلا وأسمع لها ثلاث أو أربع مرات، لكن مع مرور الوقت لاحظت أن الأميرة تفرط في مجاملة الجمهور ولو على حساب الأغنية ففي كل مرة تمد يدها بالمايك للجمهور تفرق الأغنية وتفقد الكثير من حيويتها ورونقها التطريبي، ونانسي مستمرة في تقديم المايك للجمهور بين كل كوبليه وآخر، لدرجة أن العازفين يجدون صعوبة أحيانا في ( القفلة الموسيقية).. أتمنى أن تترك الأميرة المجاملة المبالغ فيها لأنها خصما عليها، وربما تؤثر على عدد جمهورها ومعجبيها، خصوصا بعد قدوم ( الليدي) مكارم بشير التي أحتلت مساحة واسعة في الوجدان بفضل تطريبها العالي ووقارها وثقافتها وقوة شخصيتها كفنانة عالية الابهار . لمحمود الرحمة والمغفرة وللأميرة والليدي التقدير والنجاح دائما.
Post: #2 Title: Re: رحيل الحوت ومجاملة الأميرة وسطوع نجم اللي Author: طلحة عبدالله Date: 10-03-2017, 09:56 AM Parent: #1
يا رب الأميرة نانسي تقرأ الكلام دا وتجىء ترد عليهو هنا بالوكالة أو شخشيا حتي لو حنست الريس يديها باسوورد .. عشان تاني في ناس كدا عارفم أنا يمشوا يشوفوا ليهم منابر بتاعت بقيت ملك وبقيت زعيم وأديناك وردة أقحوانية و سيفين وصولجان وتاج وما عارف شنو خخخخخخخ دا مع تأكيدي انو الكلام دا بصل ليها بطريقة أو بأخري لكن الرد بحلى اللعب . والأهم من دا كلو بما فيهو الرد انو تقلل من ( نسمع ) القاعد تقولا للجمهور دي .. عشان بس نستمتع بغناها ياخ . ...............
قصي لو دخلت البوست دا انت جاني على نفسك .
Post: #3 Title: Re: رحيل الحوت ومجاملة الأميرة وسطوع نجم اللي Author: محمد البشرى الخضر Date: 10-03-2017, 10:28 AM Parent: #2
هو وينو الكلام البستاهل رد الأميرة!! ما ياها التنظيرتين تلاتة المكررات ديل بالإضافة لأنهم .. مكررات برضو
Post: #4 Title: Re: رحيل الحوت ومجاملة الأميرة وسطوع نجم اللي Author: جمال ود القوز Date: 10-03-2017, 10:31 AM Parent: #2
تستاهل الاميرة نانسي .. قمة في الطرب والسلطنة .. تسلم يا طلحة يأخ .. وتسلم ذائقتك الفنية .. التي تنتقي الأزاهر .. من وسط هذا الركام .. الذي صم آذاننا .. ولا عزاء لانصاف المواهب .. والمتسلبطين في الغنا الهامل ده ..
Post: #5 Title: Re: رحيل الحوت ومجاملة الأميرة وسطوع نجم اللي Author: جمال ود القوز Date: 10-03-2017, 10:34 AM Parent: #4
Post: #6 Title: Re: رحيل الحوت ومجاملة الأميرة وسطوع نجم اللي Author: طلحة عبدالله Date: 10-03-2017, 10:38 AM Parent: #5
تسلم انت والله يا ود القوز احبك جدا يا حبيب وأشكرك ألف مرة ومرة للفيديو .. ناس شرف الفحل والما عارف منو من المتشعبطين في الفن والغناء أفسدوا ذائقة المتلقي .
Post: #7 Title: Re: رحيل الحوت ومجاملة الأميرة وسطوع نجم اللي Author: طلحة عبدالله Date: 10-03-2017, 10:39 AM Parent: #6
جرجير راس السوط لحقك أها أدوك كم صولجان ووردة تركوازية ؟ هنا في شغل كبير ما بتقدر عليهو أجر ألعب المزرعة السعيدة واللا شوف ليك ليدو .
Post: #8 Title: Re: رحيل الحوت ومجاملة الأميرة وسطوع نجم اللي Author: جمال ود القوز Date: 10-03-2017, 10:39 AM Parent: #5
Quote: هو وينو الكلام البستاهل رد الأميرة!!
هههههههه حسادتك ترمي في الشوك يا ود البشرى يأخ .. التجي الأميرة نانسي .. ترد على دفق المشاعر الفياضة دي .. عليك الله ما كفاية .. دع الأزاهير تنمو يأخ .. والمشاعر تنبهل وتتدفق .. خخخخخ ..
حلم الجعان عيش أو كما يقول المثل ..
Post: #9 Title: Re: رحيل الحوت ومجاملة الأميرة وسطوع نجم اللي Author: طلحة عبدالله Date: 10-03-2017, 10:46 AM Parent: #8
واتا يا جيمي قايل أبواب المعرفة والأدب والفكر موصدة في السودان ليي ؟ ما بسبب الحاقدين الشايلين معاول الهدم ديل نحن عندنا رسالة وأمانة سنظل نؤديها ولا تهمنا طنطنة الحاشية وخربشات العوام وناس زعيط ومعيط على قول البروف والخبير الأفضل في العالم .
Post: #10 Title: Re: رحيل الحوت ومجاملة الأميرة وسطوع نجم اللي Author: حسين عبد المجيد Date: 10-03-2017, 10:54 AM Parent: #9
اتا ذاتك رابعهم في الرصة دي يا مبدع
Post: #11 Title: Re: رحيل الحوت ومجاملة الأميرة وسطوع نجم اللي Author: طلحة عبدالله Date: 10-03-2017, 11:02 AM Parent: #10
حسين يا عبد المجيد يا حبيب الهارت أتاك حايم الأيام دي فااااااا شنو ؟ خليك حنين ياخ .. ههههههههههههه
Post: #12 Title: Re: رحيل الحوت ومجاملة الأميرة وسطوع نجم اللي Author: علي دفع الله Date: 10-03-2017, 11:14 AM Parent: #11
الموضوع شنو اخخخخخخ طلحة سلام وامانة عليك الله الاميرة نانسي لو جات هنا قول ليها علي دا صاحبي😂
Post: #13 Title: Re: رحيل الحوت ومجاملة الأميرة وسطوع نجم اللي Author: طلحة عبدالله Date: 10-03-2017, 11:48 AM Parent: #12
أبو علوة يا حبيب ما عندي مانع جيب صورتين وبطاقة تعريفية خخخخخخخخ