يا سلام علي عطبرة الحلوة

Quote: بسمات ما تحتفي بزندوق المكار ده قاعد ينبذ في عطبرة

كلامك صحيح...


وما جاب حاجه من عندو تراب عطبره وغبارها عارفنو خاصة انها مواجهه جهه كاشفه من اتجاه الشرق والشمال

برضو ام المدان وعاصمة الحديد والنار ...


يا بكور منو القال ليك فيها ثلاثة اشارات .. ما تسخر من محطة الوطن الكبير ..
الكبري القديم تراث


ز

حبيبنا ابوبكر عباس ..
هاك عيونا ياحبيبنا شوف بيها عطبرة الوطن ..الوطن الحبيبة
هاك شوقنا وقلوبنا ..
بينما انته تكتب هنا .. كنت اكتب في قروب هنا عطبرة هذا الخيط .. وانا العائد من عطبرة قبل اسبوعين ..

اليك كيف دخلتها فجرا والناس نيام .. وكيف قالت لي عطبرة هيئت لك ..
________________
إلى من يهمها الأمر
مساء الخير عليك ياسيدة الياسمين
اكتب اليك وانا دوماعلى سفر .. فكما داهمني فرح السفر الى عطبرة الوطن كذلك داهمني حزن السفر الى الغربة الوطن هكذا صحوت ذات صباح قبل ان تعقد الشمس قناديل الفجر ، صحوت كراهبة في دير تعقد زنار الفجر على عطفيها او قل عابد زاهد في مسيد يعقد على بياح الفجر اورداه والناس نيام . عانقت امل العودة الجميل الى الديار ، نفضت من روحي اعمال الأيدي والأيام ونهلت قليل دفء الشمس الناعم ، وايقظت كوامن الشوق وهمست أن اذن لي في السفر الى حيث اشتهي .. الى حيث يرقد رفات ابي ، وتنتظرني دعوات امي وكل الأهل .. انتبهت ، انني على عجل ، فكتبت اسماء كل احبابي على جدار قلبي ، وكلما كتبت اسما ابتسمت كنته اكتب بفرح طفل يقعد ويدلي ساقيه على حافة قلبي وينثر حبر الروح على اوراق العمر المبعثرة كتبت وكتبت حتى شعرت بشئ من صمت مخلوط بسكوت ورايت خيال قمر يتقطر في سكون اليل يشرق من بستان البوح الى شرفاتي البستان
دخلتها فجرا والناس نيام ، كانت تنتظرني دون مساحيق ، لكأنها إغتسلت للتوء من نهر العطبرة ، عانقتني عناقنا يحمل حنين كل ابائي ، عاتبنتي عتاب محبين لماذا طولت الغياب ، صمته برهة وانا أتامل ملامح عطبرة الطيبة البتهدينا وترسينا .. امسكت بيدي وتمشت معي حافية القدمين من مدخل الكبري مرورا بي شارع المينا البري ، والمول المزعوم ، كنت كلما ارى مبنى عن يمين او شمالي التفت اليه ، وكانت عطبرة تمسك بيدي ..

ستظل اتبره عاصمه الحديد والنار ومصنع الرجال

عطبره الثورة

عطبره وكفي

زمان قلت انو عطبرة، مدني وبورتسودان هُن المدن الوحيدة في السودان القامن وفق دراسة جدوى اقتصادية.
طفت اليوم بورش السكة حديد، حي السودنة
الإنجليز بذلوا مجهود جبار لبناء هذا الصرح
ما زالت بعض المباني متماسكة ومبنية بصورة قوية
مجمل الصرح أصبح خراب
سبب انتعاش عطبرة منذ الإنشاء وحتى نهاية السبعينات هو مشروع الجزيرة.
مع الانتعاش الاقتصادي (فرص العمل)
وفد إليها المتعلمين مما جعلها ثقافيا مختلفة كمدني

بكور ياحبيب
طالما عطبرتنا الجميلة تعلق في ذهنك بكل هذا البهاء ده معناه انت زول رائع

اثناء طوافي ببيوت الموظفين في السكة حديد لاحظت انو الجدول البسقي شجر الحي ميت،
قلت لبتاع الركشة: شجر بيوت السودنة بشرب من وين؟
بيوت الموظفين بتصرف حماماتها وين؟

الغريبة آثار فتحات جرادل الالطة ما زالت موجودة.
غريبة الإنجليز ديل تحاشو نظام السايفون في كل السودان!!!

مشيت متحف السكة حديد والمدينة كلها في العموم متحف آثار مهمل!!
متحف السكة حديد بالرغم عدم الترتيب، لكنه يحكي قصة عظيمة،
تصورت بجانب حبوبة عشّة
طبعا ناس منتصر ما بعرفوا شنو حبوبة عشّة
الأغنام ترعى بين الورش وفِي حوش المتحف

Quote: صحي واتّا داخلها بتكون معاك البلابل يغنن نسائم عطبرة،

يا كيشة ,, الغنية دى ما حقت البلابل ,, البلابل لاطشاتنها من المخضرم بابكر الحسين رابح (الزكَّار) قريب صاحبك ود الصايم ,,
بعدين بطِّل تريقة والا لنزجرنَّ لك أبالِسة.

حبيبنا الغالي خالد سعيد
لا فض فوك،،، ولا يستطيع ان يكتب عن عطبرة بصدق وشفافية الا من عاش بها
وعرف سكانها وشرب مائها ، لا يستطيع ان يكتب عن ام المدائن الا امثالك من الاوفياء
الذين ترسيهم وتهديهم نسائم عطبرة الحلوة،،،فكل قطعة حجر وكل ذرة تراب وكل نقطة
ماء وكل سحابة تمر فوق سماء عطبرة تحكي تاريخا مجيدا لام المدائن،،،
ودمت بالف الف خير وصحة وعافية يا ملك...
...عزيزنا منتصر،،
صاحب البوست ابوبكر حتى الان اراه لم يتخط الخط الاحمر،،،
واذا تخطاه فربما لانه اول مرة يشوف عطبرة، واولة مرة يعرف اهل عطبرة ، وان شاء الله
يكون عنده اقارب هناك حكوا ليه عن اتبرا والاتبراوي .وان شاء الله يكون قابل واحد
من ناس عطبرة وعرف معنى الكرم والجود وعرف معنى الشهامة والمروءة المتاصلة في
اهل عطبرة،،،
وعلى اي حال متابعين زيارته الاولى حتى الان،،،
ودمت بالف خير وصحة وعافية

الفارة دا مالو قايم علينا !...

في شيء نسيتو تسبب في موت المدينة وهو طريق الخرطوم مدني القصارف بورتسودان.

حالياً غير الدهب الذي لا أوليه أهمية حدثت عدة أشياء سوف تعيد الدامر وعطبرة حياة جديدة، حياة تختلف عن السابقة، لكنها اقتصاديا ممتازة جداً

- سد ستيت الذي غير مجرى العطبراوي وجعل المنافسة على سهوله الشرقية والغربية حامية الوطيس.
- خزان مروي وكبري أم الطيور

------
المدير يا عاطل، أنا أرجل منك ومن كل أهلك يا خائب

لو استقدمت ما استبرت من امري لوددت انني لم أكتب
بكري اعتبرني ما كتبت
تموت الموت ولا يموت عشقنا لها
it's truth

ما قادر أفهم داير تقول شنو يا ابسن؟

البوست دا ليس فيه تعدي على أحد

هههههها ود المدير رشاشك الجديد ده اخير ترجّعو
طلع زى شهادة اخونا المشّرف
____
بكور يا ريت لو نبعد الاهل من حاجاتنا
قاليك فارة قول ليهو فلجة
صعبة دى على الاستنارة

الشيء المدهش سلبا وانت تتجول بين الدامر وعطبرة هو الجفاف،
الخضرة محدودة جدا،
ثقافة زراعة الأشجار داخل وخارج البيوت محدودة جدا
فعلا تذكرك مدن الصحراء في النيجر وش غ أفريقية
أتوقع أن تتغير الصورة بشكل سريع جدا خلال العقد القادم
سوق تكون هناك حلقة كاملة حول الدامر وعطبرة من المزارع الضخمة وبإمكانيات زراعية عالية جدا

يا جلال، أنا ما فاضي لهبلك هنا

لا يستطيع ان يكتب عن عطبرة بصدق وشفافية الا من عاش بها
وعرف سكانها وشرب مائها ، لا يستطيع ان يكتب عن ام المدائن الا امثالك من الاوفياء
الذين ترسيهم وتهديهم نسائم عطبرة الحلوة،،،فكل قطعة حجر وكل ذرة تراب وكل نقطة
___________________

حباب الغالية بتنا بسمات .. حباب نسايم عطبرة الحلوة ...
نعم عطبرة لها سحر خاص وجذب روحي لايعلمه الا حواريها ،

لك ولعطبرة الجميلة اطيب التحيات

هل كتب ودالمدير تعليقا غير الذي قراته هنا؟!

اذا لم يكن كذلك.. فيا ابوبكر ياخي ما تعودنا منك مثل هذا العنف المتجاوز .. اقول ذلك واعنيه تماما .. تعودنا (سخفا) و (لزوجة) ولكن لم نتعود منك مثل هذا العنف المتجاوز

اتمنى مراجعة هذا الامر ..
ضروري جدا.

يا مشرف، أنا لست لزجاً
كتاباتي كتابات ذكية جدا،
أوعة تفتكر استخدامك لهذا الوصف تجاهي ممكن يثبته علي،
الكتابات الدائرية المعسمة اللزجة هي كتاباتك
هذا الموضوع تستطيع أن تحسه
كتاباتي كتابات محفزة مستفزة، لكنها لا تمت للزوجة بشيء،
الناس قد لا تقول لك ذلك، لكنها الحقيقة.

اتكلم عنك انت
لا نكتب الا ذواتنا ..
نفس الكتابة الذكية يكتبها فلان بطريقته وعلان بطريقته .. علان يكتبها بسخف وفلان بمنتهى لطفه ..

عموما خروجك عن دائرة السخف للعنف اللفظي جديد ..
ربما يكون طارئا لظرف ما, هذا ما نتمناه يا (ذكي باشا)

Quote: يا جلال، أنا ما فاضي لهبلك هنا

كتّر خيرك يا ابوبكر عباس

يا خالد وبسمات ومن لهم لعطبرة محبة المربى،
الانسان يكن عاطفة كبيرة للمكان الذي نشأ فيه وبه ذكرياته الجميلة، وفِي ذلك تتساوى عطبرة وغيرها
أنا اليوم أكتب عن عطبرة كعابر طريق،
بالرغم من السخرية في كتابتي إلا أنني كمحائد أعكس صورة حقيقية للمدينة بعين فاحصة وقلب مفتوح.

مرحبا بكري
المداخلة الاولي تمت بقصد المداعبة . وكنت في ذهني واردت كتابة بوست عن اني افتقد بوستاتك فلم اعهد منك الغياب . لك ان لا تصدق ذلك ولكنها الحقيقة .
والاعتذار الثاني . لإحساسي ان البوست سيذهب بعيدا من مرماه
الناس لا تر مدنها بعيونها بل بذكرياتها لذا تكون حساسيتهم مفرطة
عموما
لك التحية والمودة

مشرف يا حبيب .

عليك الله سيّبك من الفارة دا، ما تضيع زمنك
معاهو ...

يا ود المدير فارة دى ما حلوة
خليها هطلة ياخى
هسى يقعد يبكى و ينهزم داخليا
و يقول انا ماشى

ههههههههههههه...

تضحك !!! قلبك ميت
اول مرّه اشوف لى رشّاش بيضحك
انا لو فى محلك بنتحر
ياخى على اقل تقدير قول ليهو شكرا ليك و لى ابو اهلك

يا خالد وبسمات ومن لهم لعطبرة محبة المربى،
الانسان يكن عاطفة كبيرة للمكان الذي نشأ فيه وبه ذكرياته الجميلة، وفِي ذلك تتساوى عطبرة وغيرها
أنا اليوم أكتب عن عطبرة كعابر طريق،
بالرغم من السخرية في كتابتي إلا أنني كمحائد أعكس صورة حقيقية للمدينة بعين فاحصة وقلب مفتوح.
_____________

حبيبنا أبوبكر ، حبابك في عطبرة ، وحباب كتابتك المحايدة عن عطبرة ..
عطبرة حالها كحال السودان الذي أصابته السنين العجاف ، فأكلت بقرات الإنقاز السمان ، سكتنا الحديد ، كما اكلوا مشروع الجزيرة وكل خيراتنا والطن ..
لذلك في زيارتك هذه رأيت الجدول المحزون في حي السودنة ميت من العطش ، وربما تكون قد رأيت اشجار السودنة العتيقة إشتعلت شيبا وووهن العظم منها ..وكذلك بيوت موظفيها ومظفيها أنفسهم .
في اجازاتي السابقة كنت احزن كثيرا ، لأن عطبرة بلد الحديد والنار ، وقال عنها شعرائها .. عطبرة ارض الصمود العزة منك ومن كتايبك ياعطبرة .. كانت كما تحكي انت الآن عنها..
ولكن .. في عامي هذا .. رأيت ما افرحني جدا ، واكد حسن ظني بعطبرة وانسانها وعمالها ، رايت عطبرة تنتفض وتسير في طريقها الصحيح .
ولعلك اشرت في هذا الخيط الى ان عطبرة والدامر ينتظرها الكثير من الثورة الزراعية بل قل الإقتصادية والصناعية .. نعم عطبرة في طريقها الى ذلك .
رغم ان السكة حديد اصابها ما اصابها ، ولكن حتما ستعود لآن الواقع الجديد الذي ينتظر عطبرة لن يغفل دورها ،
سيجعل المسئولين شائوا ام ابو يلتفوا الى هذا الصرح العظيم
وهذا الناقل الذي يوفر لهم الكثير من الجهد والمال .. وليس قطار النيل عنك ببعيد ، رغم توفر البصات السياحية وطريق عطبرة بورتسودان لكنه الأكثر اقبالا والأجدي .

يا جلال، يا حقير،
بملح جيناتك انت والعاطل دا،
لو أهلكم الاتنين قعدوا يتوالدوا مئات السنين
رجل بمواصفات ظفري ما بتجيبوهو يا واطين

أها أنا خليت عِفّة اللسان؛
النشوفكم ح تتقدموا علي بشنو
أقعد أعملا ونسة في التلفون عن المنبر ويرسلوا فيك يا وضيع

شنو يا مستنير! مالك ؟

والله يا بكور حيرتنا

الحاصل شنو؟؟؟؟؟

غايتو الا حاصل بيناتكم شي خارج البوست دا

أتمنى منك ان كنت في عطبرة .. ان تزور مصنع البجراوية الذي يقع شرق عطبرة على طريق عطبرة بورتسودان ..
فقد حظيت بزيارته برفقت صديقي محد عبد الرازق ، واستقبلنا الأخ العزيز الدكتور مهندس/ طه عبد الرازق مدير المصنع استقبال عطبراوي المزاج
https://www.0zz0.com

حظيت بي جولة في هذا الصرح الصناعي الواعد بي كل خير ، رأيت ماصنعه ويوفره من خزانات غاز ، وطبلونات كهرباء ، ومحطات مياه
وناقلات قمح ، وانابيب بترول ، ومايقدمه من الواح حديد للسوق المحلي ، ولي المصانع ، ومايقوم به من اعمال هندسية لمصنع الجيلي ولي شركات الأسمنت
وكيف وفر المبالغة الكبيرة من العملة الصعبة التي كانت تصرف في صيانة خطوط البترول ، وطواحين مصانع الأسمنت
رأيت عمال عطبرة في الجيل الجديد الذي يقوم بهذا العمل العظيم ، رايت عطبرة الورش ، عطبرة الصناعة ..
استمعت الى شرح وافي من الدكتور طه ، ولوا جاد الزمان سوف افرد خيط لهذا الصرح مايقدمه
حقيقا زيارة كان لها اثرها الكبير في نفسي ، لهم التحية جميعا

https://www.0zz0.com


https://www.0zz0.com
امام احدى ناقلات القمح التي كانت تستورد من مصر ، والآن يتم تصنيعها في مصنع البجراوية

دي خالد، افرازات ستيت ومروي
المدينة القديمة ماتت
والآن تحيا بطريقة مختلفة خالص
قد تصبح المدينة والدامر أهم من مدني زراعياً

ود المدير وجلال بصراحة شديدة مداخلاتكم كادت ان تخرب البوست المفتوح بإسم عطبرة وليس بإسم واحد فيكم
ما متعود على النقة والرد والردحي .. ده كلامي ومن حقكم تختوه محل ما تختوه
بالجد المعاكسة ما حلوة

هذا و قد تم الحفظ و معاها الصون كمان
و يا ريت تجى و تقول : انا قدر الكلام ده
هذا مع تقديرى و ودى الذى تعلم

Quote: أها أنا خليت عِفّة اللسان؛

ومهما تكن عند امرئ من خليقة - وإن خالها تخفى على الناس تعلم

يا عِفت يا عفيفي إنت يا عفاف ...

احترم تماماً صراحتك يا حيدر
و كلامك محل تقديرى و احترامى
لكن بعد كلامو الاخير ده و الختيتو ليهو راجع فى اسكرين
لن اطلب من احد ان يدينه فى ما قال به من اساءة
و كذلك لن اسمح لأحد ان يقف فى طريق ردى عليه
لذا
ارجو ان تعذرنى

Quote: التربة في عطبرة، الدامر، العكد، خليوة وسيدون ألوانها مختلفة، لو حصل انو نسائم عطبرة الحلوة هبن من كل الجهات؛ تتلون السماء بألوان مختلفة تذكرك باللوحات التشكيلية لعظماء التشكيليين.

يا ظلامي دا كلام زول مرهف جداً

الكلام دا كلامك أنت ولا مقتبسوا من مستنير زيي؟

Quote: ود المدير وجلال بصراحة شديدة مداخلاتكم كادت ان تخرب البوست المفتوح بإسم عطبرة وليس بإسم واحد فيكم ما متعود على النقة والرد والردحي .. ده كلامي ومن حقكم تختوه محل ما تختوه بالجد المعاكسة ما حلوة

البوست ياتو يا حيدر !.
بالمناسبة أنا لي زمن ما تداخلت مع هذا الشخص، عاينت لقيتو كاتب
عن عطبرة، دخلت حسيّت في كتابتو شئ من التريقة رديت بأسلوب
لا يخلو من مداعبة، فإذا به يشن هجوم علي وعلي أهلي !، كأنه كان
مبيّت نيّة زي الزفت .

دحين البوست يحرق يخرب يبقى رماد يِصات بعُوّد
أنا من هنا ما مارق،
ولك مودتي ...

دي خالد، افرازات ستيت ومروي

-----------------------

يا بكور قول ستيت بس

لكن خزان مروي ما منو اي فايدة في المجال الزراعي

واظن انو ما منو فايدة في اي مجال زاتو حتى الكهربا

معاوية
يا ريت تتر لى غادى من الشبهة دى
جحا اولى بى لحم بكرو
يا ريت ما اشوفك تانى بى جاى
فى البوست ده
و البوستات القادمة
حدى معاهو يبكى بى عين واحدة
ثم يمسح دمعتو عشان يبكى بالعين التانية
_____
هيثم يا غالى
ما بيناتنا الا كل خير
و الصبر بحر غريق بلا حدّود

Quote: المدير يا عاطل، أنا أرجل منك ومن كل أهلك يا خائب

السلام عليكم
ودمتم بخير

دا شنو يا أبوبكر!؟
مش كلامك عن عطبرة ..
تعقيباتك على الزملاء ووش القباحة اللبستو دا..
لو رحلتك كانت خسرانة البوست كان ممكن يعوضك تمنها ..
إذا قاصد آكشن ما بتلعب كدا ..
اجمل ما فيك قبل وشك دا ..
روح التسامح والمبادرة بالاعتذار..
كنت عايز اقول مصارين البطن ببتعارك إلا خذلتني.

سد مروي جاب الكهربا

سنار مالو ؟
طاقتو طاقتين ..
كهربتو ما كانت سالبة ..
بتقشع الظلام ؤ تعمر الجيوب.

يا ملك، عارف انو الكلام دا زي ما قال الدوش انو عيب،
لكن حبيت أوصل ليهم رسالة انو نوع الكلام دا ما صعب،
للناس البتفتكر انو ما في تعدي يستحق ذلك،
شوفو مداخلة جلال الاولى قال لي شنو؟
قال ليك فارة
قول ليهو كلجة
دا مستوى دا؟

لالا يا ابو بكر جلال قال بعد بدأ يفقد الامل .

يا أبوبكر خلي المكابرة غلطان ثم غلطان
كل الفات كوم إلا دا كوم براهو
أقل حاجة تعتذر وبعدين نشوف موقف الأخوين الكريمين ديل شنو
أنا شخصيا اتفاجأت من الكلام الوجهتو ليهم
اوفر جدا يا صديقي

شكرا مولاى الملك
شكرا معاوية
و لا عدمناكما

Quote: يا ملك، عارف انو الكلام دا زي ما قال الدوش انو عيب، لكن حبيت أوصل ليهم رسالة انو نوع الكلام دا ما صعب، للناس البتفتكر انو ما في تعدي يستحق ذلك، شوفو مداخلة جلال الاولى قال لي شنو؟ قال ليك فارة قول ليهو كلجة دا مستوى دا؟

نوع الكلآم ياتو يا ابو بكر !، تقصد نوع كلآمك الكتبتو لي في ردك
علي مداخلتي الأولى ؟، الكلآم دا كلآمك إنت ؤ بيشبهك إنت أنا
لا يمكن إصل حتة أعتدى علي أهلك لكن إنت عادي ممكن تعتدي
علي أهلي أو أهل غيري لأنك معروف بأنك ما وأضع إعتبار لأهلك
ولا يهمك إن تمّ شتمهم أم لا . سيّبك من مدآخلة جلال وظهور
جلال في البوست ؤ عاين لردك علي مداخلتي قبل يتداخل جلال،
واضح جداً إنك من زمن بتفتش لي فرقة عشان تستفرغ فوقي
قرفك ؤ عفنك دا، ؤ واضح جداً إنك ما بتعرف العيب رغم رجالتك
التي أوضحتها ورغم إنك أرجل مني ومن أهلي كما زعمت .
يا ابو الرجال مهما تدثرت بثوب الفضيلة فأنت متعفن الدواخل ...

Quote: لكن حبيت أوصل ليهم رسالة انو نوع الكلام دا ما صعب،

الرسالة وصلت ؤ كتّر خيّرك عليها ؤ مضوع رجالتك أنا قاطع فيهو
الشك ؤ مقتنع تب إنك أرجل زول، بس الخيابة البتعرفا لي شنو ؟،
كِدي وقّع لي حكاية الخيابة دي والسبب شنو البيخليك تقول لي
خايب، أها أنا خايب دي كان يضبحوني يا ابو بكر ما بخليها ...

يا ود المدير يا ريت لو تجبر بى خاتر الملك و معاوية
يكفينى و يكفيك موقفهم ده
ياخى ده براهو بالدنيا

Quote: يا ود المدير يا ريت لو تجبر بى خاتر الملك و معاوية يكفينى و يكفيك موقفهم ده ياخى ده براهو بالدنيا

إكراماً ليهُن كلمة خايب دي فوتها، وإكراماً ليهُن
سكتنا يا جلال، وقسم بالله العظيم ديّل عِشانُن
الرقبة أعفيها، ؤ دا ما نضمي أسافير .

فتكم عافية ...

تعرف يا ابوبكر اكتر حاجة جميلة فيك انك بتنظر للمواضيع بزاويا تانية وطرحك للمواضيع علي الرغم مرات من غرابته الا ان روح التسامح المصاحبه لطرحك والكنت بتتمتع بيها بتضفي نوع جميل لما تكتب، الا انو المرة دي خذلتنا، اتمني ان تعتذر للاخوان جلال وود المدير وتواصل من الزاوية البتعجبك فليس هناك شئ غير قابل للنقد.

يا معاوية وسنوسي،
قصّة السب دي عارفها هبل ساكت وعجز، وليس لها منطق
زي تكون سايق ليك عربية وزول يتعارض ليك بعربتو تقوم تسبّو وتسب أهلو،
هي في الأصل ليس سباب له لأنك لا تعرفه ولا تعرف عنه شيء بقدر ما هي تنفيس عن الغضب بجهالة،
أنا حالياً ما داير أعتذر ليهم، دايرم يزعلوا مني للنهاية ومليت أصلا من افتراع بوستات،
أصلا لو داير اعتذر بكون عشان ما يخربوا لي بوستاتي،
فشنو، داير أستفيد من عباطتي في شتمهم.
لمان كتبت البوست دا كنت متوقع زي المداخلة العبيطة دي، ومقرر جواي استخدم الأسلوب دا في الرد.
هسع العبيط دا زعلان من خائب، أقسم بشنو كدا ما عارف، أنا جواي وبشكل حقيقي لا أعتبر انو في إنسان خائب، لكن استخدمتها عارفها في قاموسه لها معنى كبير وسوف تصل به للحد
أها بقولها ليك تاني:
أنا فارة؟
إتّا خائب وباطل
وعارفم ح يتعبطوا في البوست
وعارف البوست ما ح يستمر
أها خليتو ليك يا خائب

لكن ورب المجرات لغة العبطا في السب دي، لغة لذيذة!!

والله يا جلال و ود المدير حيرتوني اكتب شنو زاتو
قدُر ما قلّبت كلمات ردي ابت تظبط
عايز اقول أنا سعيد بالتقدير والاحترام المتبادلين بيننا

حبيبنا ابوبكر ..
والله انا على ثقة .. لو انك قابلته حبيبنا العطبراوي الأصيل ود المدير ، لتمنيت إن كان للمنبر عيون نرى بها من يكتب الحرف اثناء كتابته، حتكتشف انو اصلا الحكاية ما بتستحق
وكذلك الحال مع حبيبنا جلال الرجل الأصيل ، سبق ان كتب عن عطبرة ، وكلنا جينا جارين ذي جيتنا الأسي دي لمن لقينا اسم عطبرة ، فكان صاحب دار اكرم كل من زاره في بوسته المفترع
اكتب عن عطبرة ياحبيبنا .. بعينك التي رأيت بها ..
واصل في طرحك ، لعلك ترينا مالانرى ، او نريك مالم تراه في زيارتك هذه .. فللمدن سحرها .. وقدسيتها التي لاتمنع ان نتحدث عن مواضع الوجع فيها لعلنا نجد الحل .
دم بخير
التحية ليك ولي حبينبا المدير ولي حبيبنا جلال ولي كل المتداخلين
أخوك/ خالد الأرباب

اكتر نبزة سمعتك بترددها يا مستنير كلمة واحدة بس(كيشة)
لكن اليوم عيارك فلت عليه وبما تقدم من كلمات لا تنم لنبيء الاستنارة سيتم سحب عدد 3 لمبات استنارة .
واذا اصريت ولم تعتذر سيتوالى سحب اللمبات لحدت ما تبقى زول عادي ويتم تجريدك وركنك في صف الرجرجة .
وشكرا .