يا جماعة ... "لو أمريكا رضت علينا معناها نحن فارقنا الشريعة والدين"
عمرالبشير 1997 أقوال ماسورة
رضي الامريكان عنه !
Post: #2 Title: Re: من الاقوال الماسورة لعمر البشير !: Author: مني عمسيب Date: 10-02-2017, 09:52 AM Parent: #1
من الاقوال الماسورة لامير المؤمنين رضي الامريكان عنه !
حصل يوم انا كضبت عليكم ؟
Post: #3 Title: Re: من الاقوال الماسورة لعمر البشير !: Author: Abdalla Hussein Date: 10-02-2017, 09:54 AM Parent: #2
ومن أقواله أيضا وهو يخاطب منكوبى مشروع الجزيرة " الجزيرة ... سنعيدها سيرتها الأولى "
Post: #4 Title: Re: من الاقوال الماسورة لعمر البشير !: Author: Ali Alkanzi Date: 10-02-2017, 09:59 AM Parent: #2
يا بت عمسيب انت بتقصدي (ماسورة ) زي ما بقولها ناس الكورة يعني يقول اللاعب دا ماسورة يعني ما عندو كورة اها (ماسورة ) حقت عمر البشير يعني بقول أي كلام ما عندي قيمة مثلاً؟ فهمينا بالله.؟
Post: #5 Title: Re: من الاقوال الماسورة لعمر البشير !: Author: مني عمسيب Date: 10-02-2017, 10:02 AM Parent: #4
يا كنزي لو سمحت ما تبقي لي زي الظل !
لو ما فاهم معني كلامي ما ضروري تشارك .
Post: #6 Title: Re: من الاقوال الماسورة لعمر البشير !: Author: مني عمسيب Date: 10-02-2017, 10:21 AM Parent: #5
الخطب والاقوال الماسورة !
خليفة المومنين ما بين عداء الشيطان والشعب !
Post: #8 Title: Re: من الاقوال الماسورة لعمر البشير !: Author: Ali Alkanzi Date: 10-02-2017, 10:25 AM Parent: #6
ضلك عديل كدا يعني هلال مريخ انا عايز اعرف معنى ماسورة دي عشان اشارك دا منبر حر خاصة ولك باع في الطرح
Post: #7 Title: Re: من الاقوال الماسورة لعمر البشير !: Author: محمد حمزة الحسين Date: 10-02-2017, 10:23 AM Parent: #5
Quote: يا كنزي لو سمحت ما تبقي لي زي الظل !
لو ما فاهم معني كلامي ما ضروري تشارك .
طوّلي بالك يا مناضله
بث حيلك لامن الامريكان يرضو علينا بس من بوستيك دا عرفت انو المقاطعة بقت في خبر كان ربنا يجيب العواقب سليمة : : : : : : : مع التحيات لله الزاكيات
Post: #9 Title: Re: من الاقوال الماسورة لعمر البشير !: Author: مني عمسيب Date: 10-02-2017, 10:28 AM Parent: #7
ود حمزة السلام عليكم ومشكور علي الحضور .
طوّلي بالك يا مناضله والله ما قصر بال لكن حقيقة الملاحقات دي انا برفضها لانها اساسآ ما بتضيف لي اي حاجة ! بعدين ملاحظة ليهو بجي فقط عشان يشوش ! نوع الكنزي دا صعب التعامل معه عشان كدا حذرته .
مشكور علي النصيحة . لكن علي موقفي الزول دا ما يبقي لي ظل .
Post: #10 Title: Re: من الاقوال الماسورة لعمر البشير !: Author: مني عمسيب Date: 10-02-2017, 10:33 AM Parent: #9
يا ود حمزة بوستي عن الاقوال الماسورة فقط . بس من بوستيك دا عرفت انو المقاطعة بقت في خبر كان
ولو سمحت ما بنلقي عندك قول ماسور لبشيركم النذير تلحقنا بيهو ؟
Post: #11 Title: Re: من الاقوال الماسورة لعمر البشير !: Author: Ali Alkanzi Date: 10-02-2017, 11:47 AM Parent: #7
عليك الله يا محمد حمزة هي مش بتقصد (اقوال مأثورة) ولقلة مفردادتها في لغة الضاد اصبحت عندها (اقوال ماسورة) تعادل (اقوال مأثورة) برضو اقوال ماسورة فيها توريه لكن ما اظنها للدرجة حقيقة المني كثيرا أن امرأة سودانية تخوض في قصص قوم لوط وأعاهدك تاني توبة يا حبوبة ما اجي حداها خالص مالص بس هي برضو ما تجي عندنا على قول القاضل سعيد: نجيكم تكوركو، نوكرك ليكم ما تجونا!!! قالت (اقوال ماسورة) شفت اللغة العربية مهدرة كيف؟
Post: #13 Title: Re: من الاقوال الماسورة لعمر البشير !: Author: Abdalla Hussein Date: 10-03-2017, 07:53 AM Parent: #12
ومن أقواله الماسور رضى الامريكان عنه " مشروع الجزيرة ده دمروه المزارعين " كما قال ايضا " سودانير اساسا خسرانة من السبعينات ودمروها الموظفين " فقد كان رضى الامريكان عنه ماهرا فى التنصل من المسؤولية
Post: #14 Title: Re: من الاقوال الماسورة لعمر البشير !: Author: محمد مجيدو Date: 10-03-2017, 08:00 AM Parent: #13
بت عمسيب .. سلام ..
هاكي النكتة دي بمناسبة المواسير ...
الإنقاذ أعادت الساعة إلى سيرتها الأولى .. كما أعادت الجنيه إلى اسمه القديم .. وأعادت السلم التعليمي لشكله القديم .. وهاهي تحاول جاهدة حسب تصريحات مسئوليها إعادة مشروع الجزيرة إلى سيرته الأولى .. وإعادة السكة الحديد لسيرتها الأولى .. وإعادة الخطوط البحرية لسيرتها الأولى .. وتحاول إعادة العلاقة مع امريكا لسيرتها الأولى! - طيب الناس ديل عملوا إنقلاب ليه من الأساس ؟؟ .. ما دام سيرتها الأولى كانت كويسة 😁
عااالم بطااالـــــــــــــــــــــــــة ,,
Post: #15 Title: Re: من الاقوال الماسورة لعمر البشير !: Author: عمر التاج Date: 10-03-2017, 01:23 PM Parent: #14
سلامات بت عمسيب لك التحية والاحترام
من أمسر اقوال امير المؤمنين الماسورة هي قوله: أن الدولار سيستقر في حدود ثلاثة جنيهات بعد الانفصال ..
. . إلا إذا قاصد بعد حذف ثلاثة اصفار مرة ثانية فسيصبح السودان هو الماسورة
Post: #16 Title: Re: من الاقوال الماسورة لعمر البشير !: Author: محمد أبوالعزائم أبوالريش Date: 10-03-2017, 02:04 PM Parent: #15
Quote: يا بت عمسيب انت بتقصدي (ماسورة ) زي ما بقولها ناس الكورة يعني يقول اللاعب دا ماسورة يعني ما عندو كورة اها (ماسورة ) حقت عمر البشير يعني بقول أي كلام ما عندي قيمة مثلاً؟ فهمينا بالله.؟
يا علي، إنت شرحت المعنى المقصود من الكلمة شرح كافي. يبقى سؤالك مقصود منو شنو؟
Post: #17 Title: Re: من الاقوال الماسورة لعمر البشير !: Author: Ali Alkanzi Date: 10-03-2017, 02:53 PM Parent: #16
عشانك يا أخ محمد أبوالعزائم أبوالريش خشينا عند بتعمسيب بالله ما تجرجرونا قلتا تاني اصلو ما بخش لبت عمسيب وغريبة زول واحد تبنى رأي مافي؟!!! يا اخي بتعمسيب قايلة (اقوال مأثورة ) تكتب كما ينطقها السودانيون (اقوال ماسورة) فهم ينطقون الثاء س والذال ز وهلم جراً يعني المفردة العربية عند بتعمسيب ماسورة ساكت كما يقول اصحاب الصحافة الرياضية. فهمت ولا اشرح زيادة
Post: #18 Title: Re: من الاقوال الماسورة لعمر البشير !: Author: محمد أبوالعزائم أبوالريش Date: 10-03-2017, 08:17 PM Parent: #17
Quote: فهمت ولا اشرح زيادة
لا ..... أعفيني وكت مصر
Post: #19 Title: Re: من الاقوال الماسورة لعمر البشير !: Author: مني عمسيب Date: 10-06-2017, 09:10 AM Parent: #18
لكم التحية ومشكورين اخوتي الحضور الذين اتوا بالاقوال الماسورة لفخامة الرئيس .
الرجاء المزيد من الاقوال الماسورة لفخامة السفاح ,
Post: #20 Title: Re: من الاقوال الماسورة لعمر البشير !: Author: محمد أبوالعزائم أبوالريش Date: 10-06-2017, 11:11 AM
