خبراء اللغة الإنجليزيه .. لحظة من فضلكم، خلونا نَدْرٌس في صورة من وزارة التعليم العالي .

08:02 PM October, 01 2017

سودانيز اون لاين
ايمن الصادق-
مكتبتى
رابط مختصر

في وزارة التعليم العالي والبحث العلمي لقيت الكلام المرفق دا .
وماااااااا قدرت أهضمو .
هل الترجمه دي دقيقه ( وأعني الدقة ) ، هذا إن كانت صحيحه .

* رقم الجلوس
* ورقم الاستمارة
مثلآ عبارة فورم أقرب ترجمه ليها الشكل أو القالب ، أو المظهر ، فماااااا قدرت أهضم الكلام دا .
كتر خيركم .
https://www.0zz0.com

كيفك يا ايمن
فورم صحيحة لانو ليها كم معنى من ضمنها النموذج والاستمارة الخ
رقم الجلوس مفروض يكونindex number
او seating number لو مصرين على seat دي والله اعلم

""
كيفك يا ايمن فورم صحيحة لانو ليها كم معنى من ضمنها النموذج والاستمارة الخ رقم الجلوس مفروض يكونindex number او seating number لو مصرين على seat دي والله اعلم ""
هلا بالطيب الغالي ... حمد .
بخير والله .مفيد جدآ ، طابت أوقاتك .

أيمن سلام
form يعني إستمارة
بس seat دي برضو ما هضمتها
رقم الجلوس ممكن تكون case number
كدي ننتظر ناس الترجمة

إنت الدفع ده بالنت؟
طيب البلد شكلها إتطورت هههه

""أيمن سلام
form يعني إستمارة
بس seat دي برضو ما هضمتها
رقم الجلوس ممكن تكون case number
كدي ننتظر ناس الترجمة

إنت الدفع ده بالنت؟
طيب البلد شكلها إتطورت هههه
""
وعليكم السلام يا ايمن .
الكيس نمبر هنا ممكن تدي رقم الحاله ، المهم في حاجه ماااااا أوكي .
زي ما قال حمد وقلت انت .... ننتظر العلماء .
....
والله كمواطن غلبان مااااابقدر افتي في موضوع تطور ال ( دفع ) دا :) ، لكن لقيت طريقة السداد من خارج السودان قلت اشوف الحاصل ولقيت الصوره قلت نتشاور فوقا .
كل الخير لك يا ايمن .

مواصفات الخبرا ديل شنو يا ايمن في الاوال كدي؟
بشهادات وللا بدون؟
والشهادات كرتونية وللا عادية؟
اظن ان رقم الجلوس لا علاقة له بالمقاعد والكراسي بل هو نفسه ترجمة من التعبير الانجليزي
to sit for an exam مثله ومثل تعبير اخر هو "قرا" يعني قرا قانون او قرا هندسة، هو نفسه
ترجمة من الانجليزي البريطاني الذي ورثناه عن المستعمرين.
الهنود مثلا للغرابة يستخدمون كلمة اخرى للجلوس للامتحان هي "ظهر" او appear رغم انهم
مستعمرة بريطانية سابقة مثلنا، كنت اسمعهم يستعملون هذا التعبير في السعودية.
الان نحن و الخواجات كلنا نقول "اخدت" "take" الامتحان

Quote: الان نحن و الخواجات كلنا نقول "اخدت" "take" الامتحان

أخدت كورس يا دكتور سيف
لكن أخدت إمتحان؟ أبت تتبلع لي والله
البوست ده كله عامل عسر هضم هههه

عملت بحث في النت لقيت
Student number
Student Index number
ترجمة حمد مية المية

Quote: مواصفات الخبرا ديل شنو يا ايمن في الاوال كدي؟ بشهادات وللا بدون؟ والشهادات كرتونية وللا عادية؟ اظن ان رقم الجلوس لا علاقة له بالمقاعد والكراسي بل هو نفسه ترجمة من التعبير الانجليزي to sit for an exam مثله ومثل تعبير اخر هو "قرا" يعني قرا قانون او قرا هندسة، هو نفسه ترجمة من الانجليزي البريطاني الذي ورثناه عن المستعمرين. الهنود مثلا للغرابة يستخدمون كلمة اخرى للجلوس للامتحان هي "ظهر" او appear رغم انهم مستعمرة بريطانية سابقة مثلنا، كنت اسمعهم يستعملون هذا التعبير في السعودية. الان نحن و الخواجات كلنا نقول "اخدت" "take" الامتحان

سلامات يا سيف النصر ... أقصد كل زول هنا ملم باللغة الانجليزيه وتصاريفها ، ودام فضلك أتحفتنا بالمفيد ؛ ونطمع في المزيد .
طابت أوقاتك .

Quote: البوست ده كله عامل عسر هضم هههه

هههههههههه خليك قريب يا أيمن .

اقتباس: (لكن أخدت إمتحان؟ أبت تتبلع لي والله)
يمكن يا ايمن "التاني" :) نحن خريجين مصر بنستعمل التعبير ده لأننا تأثرنا بالمصريين
لكن يتخيل لي انو برضو مستخدم في السودان والله اعلم.
في السودان على العموم الاغلبية بستخدموا فعل الامتحان نفسه مباشرة بدون اي فعل اخر مساعد
فيقولوا ليك ممتحن، امتحنت، امتحنوننا ..الخ

appear and dis appearيختلف تماما عن attend
--------
Definition of attend
transitive verb
1 :to be present at :to go to

attend a meeting

attend law school

2 :to pay attention to

attend the warning signs

3 :to look after :to take charge of

… campsites … attended by park rangers. —Jackson Rivers

4 a :to go or stay with as a companion, nurse, or servant

ministers who attend the king

b :to visit professionally especially as a physician

a doctor attending his patients

5 :to be present with :accompany
6 archaic
a :to wait for
b :to be in store for

Hello,

The best is - Roll Number - and alternatively you can use Index number

Regards

Asim Fageary

رقم الجلوس عند البريطانيين Candidate No
https://www.0zz0.com

سلامات جميعآ .

ممتن للمساهمات المفيده دي ،، من كم سنه كنت ملاحظ ناس التعليم العالي عندهم قسم للتعريب ، لكن ما لقيت قسم للترجمه .
المهم رابط موضوع النقاش أدناه .
* والسنين الماضيه ( منذ بدء التقديم الالكتروني ) كان لدي العديد من الملاحظات بعضها اتعالج مع السنوات وبعضها باقِ ، راسلت زميل البورد وليد محمد المبارك وهو المسئول عن موضوع التقديم وما نحن بصدده ، ولكن لا استجابه ... كحال العديد من المؤسسات التي لها مواقع انترنت لا تقوم بتحديثها .... او بيكون عندك تساؤل واستفسار وتلقى التلفونات المكتوبه كعناوين مغلقه وما شغاله ، وايضآ الايميلات مهمله !!
http://admission.gov.sd/opay.html