بك الزنديق سيُصبِح متديناً ويؤمن إيمان تبارك لكنه سيكتم إيمانه عن الملأ من قريش ،لأن بك كفره ده شناة طبع ساكت أنا ما بعرفه شخصياً لكن بكون النوع اللا بيسكر لا بيلعب قمار سجاير يكون ما بيشرب ولا يقرب أي من المنكرات كُفر بذار ساكت
شيخي قُصي سيتحول الي الوسطية وربما الي يسارها قليلاً فالرجل به رقشة إعتدال ولا يمكن تأطيره كسلفتوتي ستكون له آراء رجعية بعض الشيئ ولكنها ستكون رجعية إجتماعية وليست دينية ده كان ما رخوا منه بت عمسيب ودينق وخلوه يرجع للفريق القديم فادوه فرقة وزي ما قال الفنان كتمتوا نفسه ألهوا وينو 😀
جمال هوبفول سلام يغشاك أينما كنت أتمنى أن يكون بخير فلم نره منذ سنين منذ تحوله للمسيحية ،لن يترك المسيحية بل سيترك التدين رأي هذا لم أبنه على كتاباته هو لم يكتب منذ ذاك الزمان ( كان ضرسك منصتر منذ ذاك دي ياود البشرى بتكون طرشت) ولكن على افتراض انه يقيم في أحد الدول الإسكندنافيه فأن صح ذلك فقد عشت فيها سنوات حتى نهاية التسعينات الدين الجمعي هناك بعمومياته لا يمثل أهمية بغض النظر مسلم مسيحي هندوسي يعني الدين فردي للطيش عكس أمريكا وأهمية الدين فيها ولَم أري في سنيني هناك أي جماعة تاعبة نفسها بالدين غير شهود يهوة ،ده إنطباع شخصي عشان ناس المصادر إمكن يكون خطأ وإمكن كنت مخلوع بالسويديات الشقر وخاصة في الصيف
Post: #12 Title: Re: نبوءات منصترداموس لتحولات فكرية ودينية ل Author: علي دفع الله Date: 09-26-2017, 03:55 PM Parent: #11
هلا هلا أب شنباً روب حتبقى صوفي تتلتل إمكن تمسك طريق من ناس الياقوت وكان الله أداك العمر انت زاتك بتبقى شيخ لكن حتكون شيخ مسخوت ما من الشيوخ التماسيح البركبوا اللاندكروزرات لكن من المساخيت وكان نفعك شي إلا شنبك ده وإسم دفع الله😀
Post: #14 Title: Re: نبوءات منصترداموس لتحولات فكرية ودينية ل Author: عبد الصمد محمد Date: 09-26-2017, 04:05 PM Parent: #12
بوست له صدى ذكرى ذات شجون أعادني بوستك يالمنتصر لذكرى نوستراداموس وهو يا منتصر منجم فرنسي جليل أذكر أن الأخ العالم محمد عثمان الفي نواحي كندنا قد كتب لنا عن نبؤاته من قبل وعن كيف أن الماء سيأتي يوماً ليصبح من أعظم ثروات الأرض صدقت كتير من نبؤاته عن الأحداث الكبرى في العالم وأعتقد المنبر اآن لا يخلو من النوستراداموسيين المزيفين.
عبداللطيف والله نفسي قام بقت علي قصة الأصر يصلي بالجماعة دخل في يا أيها الكافرون إتجهجه في لا اعبد ماتعبدون ولا أنتم عابدون أتلفت على الجماعة قال ليهم دي ورطة شنو الدخلت نفسي فيها
ابو الجل اب سن داير يشوتك انت وودالمدير في دبل كيك واحد الأتبراوي شفنا خيرتوا انت لسه باقي عليك سِنة
Post: #33 Title: Re: نبوءات منصترداموس لتحولات فكرية ودينية ل Author: قصي محمد عبدالله Date: 09-26-2017, 09:17 PM Parent: #27
سلام صاحب المنشور، والصيوف يهمني هذا المقتبس: "قُصي سيتحول الي الوسطية وربما الي يسارها قليلاً فالرجل به رقشة إعتدال ولا يمكن تأطيره كسلفتوتي ستكون له آراء رجعية بعض الشيئ ولكنها ستكون رجعية إجتماعية وليست دينية ده كان ما رخوا منه بت عمسيب ودينق وخلوه يرجع للفريق القديم فادوه فرقة وزي ما قال الفنان كتمتوا نفسه ألهوا وينو 😀"
وسطية أكثر من كده أصل وين، هههه يازول أنا شايف نفسي في أقصى اليسار. لازلنا نستحدم دروس التربية الإسلامية بتاعة أول ابتدائي، ده بخصوص الدين. شفت كيف؟ بت عمسيب، وكم واحد هنا بعتبرهم ضمن المؤلفة قلوبهم. دينق ده أصلا ما بعتبروا موجود في المنبر .. -------- ماذا تعرف عني اجتماعيا ؟!!!!!! ههه أو دينيا ؟!!!
سلام قُصي بس لدرء سوء الفهم أنا قد أكون مخطئ في استخدام اجتماعياً مفروض أقول عرفياً يعني مثلاً السعودية زمان 😀 لم كان ممنوع فيها قيادة المرأة للسيارات كان المنع عرفي أو إجتماعي وإن غلف بغلاف ديني وبالمناسبة الناس ديل كلهم ما بعرف عنهم أي معلومة فوسع صدرك
Post: #28 Title: Re: نبوءات منصترداموس لتحولات فكرية ودينية ل Author: Abdullah Idrees Date: 09-26-2017, 08:46 PM Parent: #26
""منتصر عبدالباسط - علي دفع الله - معاوية الصائم - إمكن هوبفول بعد الفاصل الدايرنا نجليه من الناس ديل يتنحنح""
علي دفع الله زول كووول جدا لدرجة انو ممكن يعتنق دينين في وكت واحد
يا سيف فرانكو زول ساقطة كان جاتوا دولة الخلافة في بافاريا منقادة تجرجر أذيالها لن تحدثه نفسه أن يعفر قدميه في سبيلها ما تشوف الكيتة دي
Post: #40 Title: Re: نبوءات منصترداموس لتحولات فكرية ودينية ل Author: أبوبكر عباس Date: 09-27-2017, 02:49 AM Parent: #20
النار دي قاعدة تذكرني الدودو والسحار والبعاتي!! ما عارف زول عندو "كرتونة" كبيرة، وبعد دا يقول ليك: بدخلوك النار! بشوشوك في النار! نار وقودها ألف سنة من الحطب! يا أخي، الشفع ما بصدقوا الكلام دا، معقولة مصدقين إنّو الله يدخل ليهو زول حي للنار؟!
أوكي، قد أرجع للحظيرة، لكن أصلو ضلالكم بتاع العذاب ب النار دا، ما بؤمن بيهو، ورمضان معقول زول خلايا جسمه تكون محتاجة لماء، يقوم يعذبها؟! دي تهلكة موافقين موافقين، ما موافقين، نحن لسّ في البر وَيَا دار ما دخلك شر
Post: #41 Title: Re: نبوءات منصترداموس لتحولات فكرية ودينية ل Author: حيدر حسن ميرغني Date: 09-27-2017, 07:19 AM Parent: #40
يا حيدر الكف والفنجان كيف؟؟ أصدق انباء من منصترداموس ده
Post: #42 Title: Re: نبوءات منصترداموس لتحولات فكرية ودينية ل Author: عبدالحفيظ ابوسن Date: 09-27-2017, 07:26 AM Parent: #41
اجمل تعليقين ود المشرف عبدالله ادريس نحن الحيران البندق الطار ل متنصرداموس ونحكي عن صدق نبوءاته
Post: #43 Title: Re: نبوءات منصترداموس لتحولات فكرية ودينية ل Author: جلالدونا Date: 09-27-2017, 07:54 AM Parent: #42
المستنير المريسيل تانى رجعت لى ضلالك القديم !! قبل ده اليوم اظنّك قلت التوبة لى حبوبة من هبشة الاسلام داير اقتباسات ... نجيب ______ سمعنا بى قرعون و قلة عقله لكن المستنير و قلة عقله دى موضة ماب تشبه الفرعون الفرعون كان ملحد صاح
Post: #44 Title: Re: نبوءات منصترداموس لتحولات فكرية ودينية ل Author: مني عمسيب Date: 09-27-2017, 09:32 AM Parent: #43
التحية للمنتصر الذي صمت دهرآ وانطق دررآ !
واااااااااااااااااااااااااااااااااااااااااااو بوست المنتصر والطريق الي العولمة .
لي عودة وانا كلي تباشير .
Post: #45 Title: Re: نبوءات منصترداموس لتحولات فكرية ودينية ل Author: أحمد الشايقي Date: 09-27-2017, 09:32 AM Parent: #43
بوصف انه الحاجة تراجي زميلتنا وليها علينا حقوق
نطلب من فضيلة شيخ منصترداموس الاستبصار عن توجهاتها (القادمـة)
وبياضك بــررررررا
Post: #46 Title: Re: نبوءات منصترداموس لتحولات فكرية ودينية ل Author: MOHAMMED ELSHEIKH Date: 09-27-2017, 01:25 PM Parent: #45
ان شاء الله يكون مستقبلنا زي عمنا العقدابي. الراجل مسكين عيان وتعبان ويهدهد من الحمى جاه قريبو السلفي: صليت المغرب يازول؟ ماقدرت. تصلي فوق كرسي برضو ماني قادر تصلي راقد ياخي تعبان شديد تصلي بعيونك. هنا العقدابي زهج وقبل علي قريبو وقال ليهو: يازول هوي. الله ماهو كعب كدي
Post: #47 Title: Re: نبوءات منصترداموس لتحولات فكرية ودينية ل Author: علي دفع الله Date: 09-27-2017, 08:24 PM Parent: #46
العراف منصترداموس الشهير بي ابسطرين عمت مساءا الصوفية مدرسة جميلة فيها روح التسامح انا اتربيت في بيت صوفي وكل الحيز المكاني الاتواجدت فيه صوفي تلقى الخليفة والمقدم والشيخ والمداح والنوبة والطار والحولية والمولد وليلة الخميس والاتنين و زيارات مقامات الشيوخ والجو الجميل الناس كلها بتحب بعض تلقى الناس يذكروا وواحدين يبيعوا ويشتروا وواحدين ينشلوا وواحدين يدقروا وواحدين واقفين لط واي زول على حسب نيتو لكن العنوان العريض كل الناس مبسوطة . انا عن نفسي الصورة للمجتمع الصوفي العشتو وانا طفل اتلاشت اصبح التصوف تملق للسلطان وهباته وتباعدت المحبة بين الحيران بعضهم البعض واصبح الشيخ في عالم لا يربطه بالتصوف غير نسبه . الدنيا اتغيرت . نجي لنبوءتك صدقني لو ما خايف علي امي يكتلوها بالحسرة من كلام الناس يا حاجة زهراء ولدك كافر وولدك ارتد وولدك غير دينو علي الحلف هسي دي الا اكتب بيان اخليه الدين دا كلو كلو دا اولا. تاني شيء خايف يلمو فيني ناس سودانيز والفياسة ويقعدوا ينظرو شفت الزول ابشنبا زي المغنتيس دا عاوز ليه مخارجة وهجرة ببلاش . لو ما السببين ديل يا مونتي بكرة دي بتلقي بيان الانسلاخ عن اي دين معلق فووووق .
ما داير اقول ليك تنبأك ما صاح بس الحاجات اتغيرت وبقينا تجينا حكة من كترة النفاق والتجارة بالدين . مودتي يا صديقي
الزنديق لو مشكلتك النار ورمضان أمرك هين بنعتبرك زي ما قال شيخ قُصي فوق من المؤلفة قلوبهم السؤالين الغلبوك فطهم وأمشي للبعدهم لكن ما تجينا بي أعذار تاني خلاص أمرك مقضي
يا اب سن قبيل ببحت في أرشيف المنبر 2004 لقيت بوست لي سمبتيكو عن رسائل لي نزار السمندل وميرفت لقيت جزء من كلام ميرفت عن كوستي طريتك وجبتو ليك هنا *** كوستي ما عادت رحيبة كما تتمنى . صارت أضيق من قبر الكافر ، وبطبيعة الحال لم تكن الخرطوم ، التي هاجر إليها الجميع ، بأرحب منها . صار الوطن كله كفناً يعاديه البياض .. وصارت كوستي (مدينة الاختلاط التي لطالما ذكَّرتَني بأنها مشتقة من لفظة CO-CITY الانكليزية ,, وليس مِن اسم الخواجة اليوناني كوستا كما يشاع ) خالية من بُهرج المدينة . داكنة وممددة في الغَباش . نساؤها نحيلات حدّ التلاشي .. ورجالها متزمتون .. وقلّما يبتسمون . أما الشباب فقد ماتوا في الجنوب المجاور .. أو غادروا ليتشتتوا في المنافي هرباً من واقعٍ عجزوا عن إضفاء المعقولية والبشاشة في تقاسيمه الحارقة . أغلبهم تزوج من أجنبيات وحمَل جوازات سفر لا مكان فيها لصقر الجديان. وصاروا يرسلون ، من على البعد، صور أطفالهم النضرين ، وصورهم أيضاً وهم يقفون بشموخ أمام المتاحف والكاتدرائيات ومحطات المترو أو أمام سياراتهم الرشيقة . فتبتهج العائلات وتتضرع إلى الله أن يديم النِعَم على أبنائها اللاجئين السياسيين ( وإنْ شاء الله الكيزان ديل أصلو ما يغوروا) وقبالة ذلك ، يمشي الحسد مسافات حثيثة في مشاعر المغبونين من الشباب المحاصر بين سندان ومطارق (الإنقاذ) الرهيبة . وفوق ذلك ، فإن المهاجرين يرسلون التحويلات المالية السريعة ( التي هي الضحاكات كما يقول الطريق) لنجدة مريض ، أو زفّة عريس ، أو تكفين ميت ، أو تسديد أقساط مدرسية وجامعية .. أو للمشاركة في مستلزمات رمضان والأعياد . إننا نحيا لأن الحياة تستحق أن تُعاش . بحلوها ومرّها . لا أكثر ولا أقل . ولا بأس أن نتهجّى مع البياتي ذلك الطُموح الملتبس ، ونكون في انتظار الذي يأتي .. ولا يأتي
ود الشايقي تراجي هي حزب المرأة الواحدة صدق الناس المشت ليهم كلهم هي اخير منهم إعلامياً وعرفت تستغل مواقع التواصل كفري لانسر لمصلحتها غايتو فضل ليها الشرق وموسى هلال ما خربتها معاهم لكن أحسن حاجة فيها إنها بتبدأ من محل واقفة وبتنسى الورا كله دون الحاجة لتبرير
يا سلام ياخ الاصدقاء نزار عثمان وميرفت نصرالدي نزار دفعة شقيقي الاصغر .. د. ابوبكر وود حلتنا .. تكاتبنا في موقع كوستي سيتي وكتب نزار اجمل كتاباته عن شخوص كوستي وسماه غبار الملائكة . نزار زول كتاب وذو لغة فخيمة وجميلة وثرة وقدرة علي التعبير . وميرفت بت جيرانا زولة كتابة ومبدعة وكان يكاتبهم ود رملية وهو قريبي ابن عمنا المرحوم عبدالله ضرار . يسكن رفاعة وكوستي وصديقي نادوس . كتبوا عن كوستي وانسانها بلغة عاشقة شعرية ولكن كانت لكتابات نزار وميرفت هي الاجمل .. نقلتها مرة هنا بعد التحاقي بالمنبر ود رملية من الكتاب الجميلين حقا فقد المنبر اجمل كتابه تشكر منتصر ياخ تشكر بالجد