Post: #2
Title: Re: أستار المنبر العام
Author: عبدالحفيظ ابوسن
Date: 09-26-2017, 06:48 AM
Parent: #1
كرر... عشمي أنكم تعيدوا حساباتكم و أسلوبكم في توصيل وجهة نظركم للآخر... لا ضير في أن نكون مرآة بعض ...
عشان نحسن من إنساننا ...لأنه الكلام ال بيودينا لي قدام هو النقد و ما التصفيق المُستمر...
و بالجد معظم المداخلات دي كتبتها و أنا بضحك لأني مُتعمدة قصة الإستفزاز دي... معليش يا محمد أحمد عمر أنك لم تجدها كذلك! و مقدرة شعورك و الآخرين من إمتعاض...
ويا بوب كل الناس دي ممكن تكون تفتيحة و شايله مفاتيحها باللئامة و الجلافة ...حاجة سهلة جدا ... لكن كبح جماح الأمارة بالسوء هو الأصعب؟
ثم مداخلتك الأولى في البوست ده سيئة جداً من كل النواحي ..و تنضح بال Sexism
يا ريت تحارب الأفكار ال جواك دي ... نحن في زمن غير... و راجين منك و من الأخوان هنا عشان نطلع من النفق ده!
بعدين الحياة أصلها stressful ليه نعمل على أن يكون كدر و إتعاسة الآخر متعتنا؟
من هذا المنطلق آمل و كلي عشم أن يعيد تيم حاتم حساباته ...
و الدنيا ال عاجبانا دي ما دوامة... ياريت نخلي ورانا الذكرى الجميلة و طيبة! أذكركم و نفسي...
عبد العظيم ...
والله أختك آخر من تكون صاحبة لواء متعجرف و عاوزة تضوي الناس تحته ... قلت قبل كده في البورد ده ... أنا أمقت هذا النوع من البشر...
وصدقني مستحيل أكون منهم...و في رأيي التعليم كان ما زاد الإنسان تواضع ما عنده فايدة!
و خليني أحكي ليك ... أول أيامي هنا في أمريكا و في بداياتي أيام البكالريوس كان بيدرسنا أستاذ متواضع جداً في كل شيء ... يحببك في العلم و التعليم ...
الدكتور ده كان بيمشي البيت الأبيض دورياً لأنه كان جزء من ال national security advisers بتاعين الرئيس... لما عرفت المعلومة دي ...
حسيت بعظمة العلم و العلماء الجد جد و إتمنيت أكون ذيه في الأخلاق...
و ثم أعتب عليك عدم إعترافك بالأكاديميا... دي عصب المستقبل لبناء الأمم... ياريت تقلل من كلمة كرتونية دي ما جميلة والله!
يا حاتم ... والله ما شايلة منك بسبب قصة الديجافو ديك و لا حاجة...
و أصلا مداخلتي معاك كانت في حدود في البوست داك ... خطك هنا و طريقة إدارتك للحوار و شكلك للناس هو كل ما في الأمر...
كلي عشم أنك تخت الكورة واطة و صادق الدعاء أنه ربنا يديك سلام داخلي يقيك شرور نفسك...
و أشكر كل من أحسن الظن بي و تداخل هنا... آمل أن أكون دوماً عند حسن ظنكم!
ثم
اللهم نعوذ بك من شرور أنفسنا و سيئات أعمالنا...
و الحمدلله الذي أحياني حتى كتابة هذا المكتوب... شايلة هم كُنت!
و العفو و العافية
و الله من وراء القصد!
و تحياتي و تقديري لكم جميعاً...
|
Post: #3
Title: Re: أستار المنبر العام
Author: عبدالحفيظ ابوسن
Date: 09-26-2017, 06:50 AM
Parent: #2
هيثم غالي...
Quote:
ما اظنها في صالحك ابداً وعادي ممكن تستخدم ضدك
يا هيثم ... لما أدخل المنبر ده والله ما بخت في بالي خلق عداوات عشان أكون خايفة منهم يستخدموا آي حاجة ضدي...
بدخل بقرأ و إذا حسيت بأني عندي إضافة بكتبها... إذا عندي و جهة نظر بقولها ... واضعة الآخر عين الإعتبار و الإحترام!
نحن هنا بنتحاور ما بنتحارب ...
بكتب بصورة متقطعة من 2006 بيوزر نيم مختلف ما حصل فكرت في أني ما أعمل حاجة أنا شايفاها صاح عشان ما تُستخدم ضدي...
لأنه لو بتناقش و أنا جادة و شايفة أنه النقاش مُجدي و بيستاهل ...لا صوت فوق المنطق... يعني لو مافي منطق عشان إتحاور بيه ... بخلى الموضوع في هدوء..
زي ما قلت السلام النفسي ده غاية و المنبر ماهو كل حاجة في حياتنا صاح؟
و لو كلنا أحجمنا عن المشاركة في أمور نراها مهمة عشان ما تستخدم ضدنا ... فايدة قعادنا شنو؟
لكن بتفهم كلامك تماماً و واعيه ليه...
مشكور على حسن الظن ...
|
Post: #4
Title: Re: أستار المنبر العام
Author: عبدالحفيظ ابوسن
Date: 09-26-2017, 06:52 AM
Parent: #3
اعلاه مداخلتين من الاخت فردوس جامع
|
Post: #5
Title: Re: أستار المنبر العام
Author: جلالدونا
Date: 09-26-2017, 07:26 AM
Parent: #4
للبفهم يا سنّو
مش للطيرات المبارية السيرات
____
لو كان هناك مثقال خردلة من فهم
ما كان فى زول جنّد نفسو و نسى نفسو عشان ,,,,,,,,,,
تذوب شخصيتة فى رفع نعال زول تانى
و بى كل بلادة يقول ليك : رشو و جاك مقنطر
و هلم جرّاااااا
_____
اغبى الاغبياء الذين يتبنّون مواقف الاخرين
ثم يوهمونا بى ملهاة الونسة
ما بين كاذب و ناكر لاصول الكتابة
و عدم جدوى المصادر بى اسم المعرفة القوقلية
تنتهك حرمة المصداقية
تبّاً لهم .... بالفرنساوى السعودى
baise toi
|
Post: #6
Title: Re: أستار المنبر العام
Author: ايمن الصادق
Date: 09-26-2017, 07:35 AM
Parent: #5
أبصم بالعشره على كل ما أوردته فردوس .
ثم حياك الله يا ود أبوسن
|
Post: #7
Title: Re: أستار المنبر العام
Author: زهير عثمان حمد
Date: 09-26-2017, 07:46 AM
Parent: #6
الاخ العزيز والصاحب ود أبوسن
تحياتي
لك وللاخت فردوس أجلالي
دوما انت موضوعي ومنطقي جدا
لك ودي
|
Post: #8
Title: Re: أستار المنبر العام
Author: معاوية الزبير
Date: 09-26-2017, 07:47 AM
Parent: #7
مداخلتين يستاهلن يتعلقن على أستار المنبر العام
يا ريت لو نعمل على (تصفيــر) الخلافات والعداوات الشخصية
يعني عداوات زيـــرو
ونبدأ من جديد مسترشدين بمغـزى -وليس مفـردات- المداخلتين أعلاه
هذه دعـوة موجهة إلى أطراف الصراع الحالي
شخصيا سأبادر بالتصفير من جانبي
وليكن عِلمـنا ومعرفتنا وخبرتنا التي ننشرها في المنبـر مكرسة لأجـل منفعة الوطـن
و في كل الأحوال شكرا للأخت الزميلة فردوس
وللعزيز أبو سن الذي التقط الفكــرة
|
Post: #9
Title: Re: أستار المنبر العام
Author: عبدالحفيظ ابوسن
Date: 09-26-2017, 08:17 AM
Parent: #8
مرحبا جلال
مادايرين نفش الغباين بقدر ما شايفين انها مداخلات تصلح ان تكون ضوابطا للكتابة
فردوس كتبت كتابة قد تكون لامست اغلبنا
ومن يعولون علي هذا المنبر انه منارة للوعي وفصيلا ثوريا متقدما من اجل سودان افضل
|
Post: #10
Title: Re: أستار المنبر العام
Author: عبدالحفيظ ابوسن
Date: 09-26-2017, 02:56 PM
Parent: #9
وحياك ايمن
وتشكر
|
Post: #11
Title: Re: أستار المنبر العام
Author: حمد عبد الغفار عمر
Date: 09-26-2017, 04:55 PM
زمان يا ابو سن في الكيمياء لاقتنا حاجة بقولوا عليها الbuffer solution بريح الوسط الكيميائي هسة مداخلات فردوس دي عملت بفرينق للمنبر وتحس انو الناس هدأت نوعا ما
ربنا يديها العافية
|
Post: #12
Title: Re: أستار المنبر العام
Author: عمر أبوعاقلة
Date: 09-26-2017, 05:15 PM
Parent: #2
وهنا عصارة هذا الخيط يا ابوسن
| Quote: ربنا يديك سلام داخلي يقيك شرور نفسك |
مشكورة فردوس .. مشكور أبوسن
مودتي
|
Post: #13
Title: Re: أستار المنبر العام
Author: عبدالحفيظ ابوسن
Date: 09-27-2017, 04:39 AM
Parent: #12
ياريت يا معاوية
ياريت نتجاوز الانتصار لذاتنا
|
Post: #14
Title: Re: أستار المنبر العام
Author: Basamat Alsheikh
Date: 09-27-2017, 05:05 AM
Parent: #13
من هذا المنبر أود أن ازجي خالص التحايا الأستاذة فردوس جامع وأقول لها والله هذا اجمل مداخلة قرأتها منذ مدة طويلة...واتمنى ان يقرأها كل عضو في هذا المنبر
..وشكرا ود ابو سن.... today you made my day
ودمتم بالف صحة وعافية
|
Post: #15
Title: Re: أستار المنبر العام
Author: عبدالحفيظ ابوسن
Date: 09-27-2017, 09:49 AM
Parent: #14
اي يا حمد
بينهما برذخا لا يبغيان
|
Post: #16
Title: Re: أستار المنبر العام
Author: حاتم إبراهيم
Date: 10-09-2017, 06:09 AM
Parent: #1
لكن ريمة عادت لقديمة!
إذن هي الديفاجو والكرتونية.
سبق وبينت أن (كرتونية) هذه لن تهز أكاديمي يضيف للمجال.
ترج فقط القاعدين.
|
Post: #17
Title: Re: أستار المنبر العام
Author: فردوس جامع
Date: 10-09-2017, 07:00 AM
Parent: #16
الأخ العزيز عبد الحفيظ أبو سن...
شكراً لحسن ظنك بما كتبت.... كلنا متابعين المسلسل التراجيكوميدي* و ما فعلت حياله كان إحساسي بالمسؤولية تجاه آدميتي... لا أكثر و لا أقل!
الوضع بالنسبة لي تقريباً كما قال Dante
The hottest places in Hell are reserved for those who in time of moral crisis preserve their neutrality
و البوست ده صراحة أخجلني جداً... و ضفور ما عندي أدخل فيهن :)
ما قدرت أرفعه و أرد... كتر خير حاتم له الشكر!
تقديري و احترامي لك 
|
Post: #18
Title: Re: أستار المنبر العام
Author: فردوس جامع
Date: 10-09-2017, 07:06 AM
Parent: #17
الأعزاء
جلالدونا, أيمن الصادق, زهير, معاوية الزبير, حمد عبد الغفار , عمر أبوعاقلة و بسمات...
لكم الشكر على حسن ظنكم بما كتبت و ربنا يجعلنا من أدوات السلام و أسبابه و يدينا القوة نقيف مع الحق...
شكراً لكم ...
تحياتي و تقديري
............
نسيت أقول في المداخلة السابقة أن تراجيكوميدي الحق محفوظ للأخ معاوية الزبير
|
Post: #20
Title: Re: أستار المنبر العام
Author: فردوس جامع
Date: 10-09-2017, 07:16 AM
Parent: #18
ثم يا حاتم....
ذكر الأخ العزيز هيثم غالي أن ما كتبت سيُستخدم ضدي في يوم ما!
ردي كان ليه أني متفهمه نقطته زي ما الحاصل في حالتك هنا... الترصُد الواضح!
و خلاصتي كانت أنه
و لو كلنا أحجمنا عن المشاركة في أمور نراها مهمة عشان ما تستخدم ضدنا ... فايدة قعادنا شنو؟
فيا سيدي أقدر حسن ظنهم بي و بما أكتب...
و كتبت في ذاك البوست إني إنسانة inadequate و الحمد لله إني aware بالحاجة دي... أُصيب و أُخطيء
متسامحة مع إنسانيتي و ما حصل إدعيت آي صفة ترفعني من الناس درجة.
و بحاول أكون إنسانة أفضل كل ما تشرق الشمس.... ربنا يعينني!
ف شنو...
أعذرني لأني I refuse أنك تبتذاني بالبوست ده عشان أسكت
فيا أخي
The hottest places in Hell are reserved for those who in time of moral crisis preserve their neutrality
I refuse to remain neutral
حيال ال bullying و ال toxicity بتاعنك!
تحياتي.
|
Post: #19
Title: Re: أستار المنبر العام
Author: حاتم إبراهيم
Date: 10-09-2017, 07:07 AM
Parent: #1
اعتذار عن خطأ
كنبتها (ديفاجو)
لكنها ديجافو، بكل تأكيد.
تاني داك هلال، قالت. 
|
Post: #21
Title: Re: أستار المنبر العام
Author: عبدالحفيظ ابوسن
Date: 10-09-2017, 07:24 AM
Parent: #19
حبابك حاتم
ومرحب بيك
تعرف ديجافو دى او مرة سمعتها في فلم بنفس الاسم . افلام الخيال العلمي والحركة في البعد الرابع
الفلم جميل في تقدير ويحرك العقل والاسئلة تلك الاسئلة حول آلة الزمن وفرضية التحرك في بعد انشتاين الرابع كما نتحرك في الثلاثة ابعاد س ص ع او x y z
المهم عرفت معني الكلمة بعد لأي واستفسار وسؤال قوقل ..
هذه مجرد تداعيات اردت ان اقول
شكرا لبعث البوست من ركام الموت
وشكرا لتذكيري بالفلم
ورحم الله مصطفي سيد احمد
آه لو عادت بنا الايام للماضي
ويوما ايها الاحباب
اقلاها الواحد كان عمل حساب
التقدير والاحترام الذي تعلم
|
Post: #23
Title: Re: أستار المنبر العام
Author: عبدالحفيظ ابوسن
Date: 10-09-2017, 07:37 AM
Parent: #21
حبابك الفردوس
وكتر خيرك
الكلام المنقول يستحق والله دون مجاملة
تعودت ان اقرأ الكلام في سياقه دون تأبط مواقف سابقة .
نتمني ان نكون عند حسن الناس
والوطن
اجمل ما يحدث لنا احيانا نتيجة اخطاء غير مقصودة
وما نحن عليه نتيجة لتلك الخيارات
الود والاحترام الذي تعلمين
|
Post: #22
Title: Re: أستار المنبر العام
Author: حاتم إبراهيم
Date: 10-09-2017, 07:34 AM
Parent: #1
| Quote: شكرا لبعث البوست من ركام الموت |
شكرا للناقدة (الموسيقية) التي (بعثت) نفسها من بين الأجداث
فقد علمتنا معنى التناقض في الأقوال
آمل أن لا تخيب ظن الجميع
كرة ثانية وثالثة.
|
|