كلما ... أن تقتل المقتول مرتين

02:24 PM September, 23 2017

سودانيز اون لاين
محمد حيدر المشرف-دولة قطر
مكتبتى
رابط مختصر

5 قتلى !!

ما الذي يدعو رئيس جمهورية لزيارة معسكر نازحين (جله من ضحاياه هو شخصيا) وهو يعلم تمام العلم ان ارواحا ستزهق جراء زيارته هذه ..

لا يعلم ذلك ؟!
لا بالتاكيد فراعي الضأن في الخلاء يعلم ..
والاحتياطات الامنية الهائلة دليل كاف على علمه التام بما سيحدث ..
هو يعلم اذن ..
فلماذا الاصرار على زيارة معسكر نازحين؟!!

الامر يبدو بمثابة اطلاق النار على الضحية مرتين .. وشهوة واضحة للقتل .. وموهبة فذة في صناعة المأساة !!

يا مشرف المحير في الاذهان كيف يقرر حكامنا ؟
ما ظنهم في مآلات الاحداث؟
هل يعلمون ؟ ام لا يعلمون ؟
المجد والخلود لشهداء الوطن
والمجد والخلود لمن بقي حيا يقاتل
حتي قتاله في ان يبقي حيا

لك التحية يا دوك ..


دي السؤال المالقيت ليه رد للآن ؟
ما الذي يدعو رئيس جمهورية لزيارة معسكر نازحين (جله من ضحاياه هو شخصيا)
وبتمني بعد دا اعرف السبب الوداهو هناك شنو ؟

ومشكور يا دوك .

هذا المدعو البشير لا يعى ما حوله ومتصور انه المنقذ وأنه محبوب الجماعير حسب ما تنقله له

البُطانة الفاسدة المُحيطة به لو كان مدركا وواع لما آل اليه الحال من دمار شامل وفساد لم

يترك مكانا الا باض فيه وأفرخ لما أصر كل هذا الإصرار على التشبث بكرسى الحكم .

نسأل المولى عز وجل الرحمة والمغفرة لشهداء كلمة وعاجل الشفاء للجرحى

سلام أخونا المشرف

كل يوم تبتعد دارفور اكثر وتغدو مجرد محطة مر عليها قطار الوطن المتهالك.

Quote: 5 قتلى !! ما الذي يدعو رئيس جمهورية لزيارة معسكر نازحين (جله من ضحاياه هو شخصيا) وهو يعلم تمام العلم ان ارواحا ستزهق جراء زيارته هذه .. لا يعلم ذلك ؟! لا بالتاكيد فراعي الضأن في الخلاء يعلم .. والاحتياطات الامنية الهائلة دليل كاف على علمه التام بما سيحدث .. هو يعلم اذن .. فلماذا الاصرار على زيارة معسكر نازحين؟!! الامر يبدو بمثابة اطلاق النار على الضحية مرتين .. وشهوة واضحة للقتل .. وموهبة فذة في صناعة المأساة !!

تحية طيبة
للمشرف والمرور الكريم

شايف غندور ممتعض في أمريكا
أظن الزيارتين بيناتهم consistency

تحياتي يا زملا

هذه وضعية تتقاصر الكلمات عن وصفها بالتحديد ..

الديكتاتورية
الجريمة المنظمة
الفشل الحكومي والسياسي والامني
اللامبالاة
انعدام الوازع الوطني والاخلاقي
الطغيان
الجبروت
..
..
..

يريد أن يعيد فرض نفسه بالبوت بعد أن فقد حتي انصار حزبه، ،رمز العزة والكرامة!!!!
الا يوجد بين هؤلاء القوم رجل رشيد؟

ومن لم يمــت بالغــارة ... مات بالزيــارة

احسنت التعبير ..
فعلا .. ان تقتل المقتول مرتين
اي قبح ، اي اجرام وأي غباء
البشير يجب ان يدخل القواميس كمرادف (للإجرام + الغباء ) ، لم يمنعه توقه الجارف للانعتاق من الحظر الامريكي من ممارسة جرائمه ابدا !

الرحمة علي ارواح ضحايا بشاشا وود المشرف.

خلينا نتكلم كشماليين بعيد من نظام ومعارضة.

انتا في البوست الاخر اياهو انت مصر كشمالي انك مختلف عن ذات البتحتج الان علي قتلهم!
ثق تماما البشير لا يختلف حقيقة عن امثال بشاشا والمشرف والمصيبة كلها هنا!

نعم زي بوستك ده ممكن يعملو اي مكسيكي متابع للبحصل للسودان!

خلونا نخش في لب الموضوع:

احنا كشماليين وبحكم طريقة تفكيرنا البجسدا المشرف البقول علي امنا هاجر "عبدة" والمصر انو اقرب للعرب من اهلو في تشاد هم المسؤلين من البحصل حصل في السودان منذ القرن ال19 اقلاه.

رايك شنو يا دكتور؟

قبل ما تجاوب تذكر انت لا تمثل فرد بعينه من حيث طريقه التفكير وانما الشمال بأسره ومن ثم السودان بأسره بل افريقيا بأسرها والانسان الاسود اين ماكان في عالم اليوم البعاني من كراهية الذات!

بشاشا سلام ..

انا سوداني بحكم وثيقة المواطنة ولا اختلف مع حملة وثيقة المواطنة السودانية في شيء ..

هاجر شخصية اسطورية لا وجود لها .. زيها زي ابراهيم الخ الخ ..

وفي القصة الاسطورية التي تروى عنها .. تحكي الاسطورة التوراتية عن هاجر كجارية كوشية تزوج بها او منها ابراهيم الاسطوري بدورة وكان العرب ثمرة هذا الزواج .. حاجه كده زي مسالة كونو في زول واحد اسمو العباس جاب لوحده كل الجعليين في السودان ... كلام ساي كده .. ولو اني جئت على ذكر هذه الاسطورة كما هي .. فانا اتحدث عنها كاسطورة .. وفي الاسطورة دي كانت هاجر جارية .. فذلك لا يعني انو انا رائي انو هاجر عبده .. واستطرادا انو الشعوب السودانية بما فيهم انا عبيد .. رائي الشخصي انو لا توجد شخصية اسمها هاجر اصلا .. ده كلام ساي .. بيد ان صلة الاسطورة بالعلم معروفة جدا .. لا تنسج الاساطير الا لمحاولة فهم الاشياء والظواهر من خلال تفسيرات خاطئة .. واشير لوجود علاقة قوية بين الشعوب السودانية القديمة والجزيرة العربية .. لاحظ الناس ذلك فالفوا الاساطير حولذاك كتفاسير خاطئة ..

فياخي استهدى بالله .. او بمن تشاء ..
مسالة مخجلة جدا ان نناقش رأيي في شخصية اسطورية من نسج الخيال ...
لا وكمان تحاكم رايي فيها !!!

* الشخصية الشمالية او مواطني شمال السودان ووسطه موبوئين بالعنصرية زيهم زي غيرهم لو اردت عمومية الكلام ..

بعد أن أحرق جنجويد البشير قراهم

وحولوهم من منتجين إلى نازحين في وطنهم..

ها هو البشير وزبانيته يلاحقونهم في معسكرات نزوحهم

ويقتلونهم

ويرتكبون المزيد من الجرائم ضدهم

الظلم ليلته قصيرة.. مهما طالت

الباقر موسى

Quote: مسالة مخجلة جدا ان نناقش رأيي في شخصية اسطورية من نسج الخيال ..

يا دكتور بشيش بشيش،

لو هاجر اسطورية ام لا ده ماموضوعنا.

موضوعنا انو العرب وهي جدتم بيوسموها ب"العبدة" وانت واضح ما نكرت بل اقريت انك فعلا من باب ترديد كلام العرب او الساميين وصمتا امنا ب"العبدة" وهنا لايهم كتير لو هاجر كانت شخصية حقيقية ام اسطورة.

دي نقطة مهمة للغاية، توضح كيف انا وانتا وكل شمالي يري الوجود بعيون من استعبدونا كان عرب ولا خواجات، اي الاحتلال الثنائي، او ده بقودنا لي باب الماساة في معسكرات اهلنا في دارفور، ودور طريقة تفكيرنا كشماليين في كل هذا.

ده هو موضوعي معاك.

نعم كل السودان الان بفكر بذات عقلية الجلابة من امثال بشاشا وود المشرف، لاننا من بيدنا القلم وليس مهمشينا، والقلم ده زاتو يادكتور صمموهو اسيادنا وادونا ليهو، وبالتالي احنا هنا اي الشماليين مجرد ادوات من حيث طريقة التفكير اشبه بالRobot اي الكائنات الاسفيرية الالكترونية المحركة للبحث وجمع المعلومات في قوقل كمثال!

احي شجاعتك واعترافك علنا كيف احنا كشماليين موبئيين بالاستعلاء مش العنصرية، لاننا كلنا كقوم سود عنصر واحد.

خلينا نمشي لي قدام لثبر غور هذا الاستعلاء في جوف كل شمالي المسؤول من النار المولعة في بلدنا الان.

مالم يجي اليوم اللي فيهوعدد كافي من الشماليين تحديدا يعو اولا ويعترفو علنا ثانيا بي حقيقة وواقع استعلاؤو ده، فما حنمشي شبر واحد لي قدام اطلاقا، ومهما توهمنا غير هذا!

تعبير استعلاء اعلاه عشان الناس ماتفهم غلط، مجرد كود وعنوان صغير لي مجلدات مش مجلد، لي سلسلة من الكتب مش كتاب واحد، بيحتاجا الباحث من الاجيال الجاية لثبر غور هذا الاستعلاء كعنوان وملخص لي شخصية الشمالي العجيبة بحق!

نعم بقدرة قادر انا كشمالي انتبهتا لهذا المخلوق العجيب الجواي كشمالي!

نعم مهم جدا جدا، نعلم كلنا مركز شمالي وهامش، كيف الشخصية دي حقيقة، عابرة ومؤقتة، وعلي السطح فقط!

نعم عند الملمات كلنا كسودانيين بنرجع لي اصل الشخصية الحقيقيىة التاريخية المركوزة جوانا.

من ذلك مجتمعات المهاجر.

نعم لاحظت وانا زول حياتي تقريبا وقف علي الملاحظات - في المهاجر وكقاعدة في المناطق العشتا فيها او زرتها، احنا بنتعامل برا بيوتنا كسودانيين فقط، من دون جهوية.

هذا لايعني انو الوعي الجهوي داخل الشمالي تبخر ولكني برجع ورا، ليتقدم وعينا التاريخي الغريزي ويستلم القيادة- من دون المام نظري واعي.

مكان اقامتي في مجتمعي المحلي عايشت هذا بطول وعرض 30 سنة عن قرب.

قد يكون هذا بي سبب انو الغالبية في مجتمعي المحلي من الهامش، ولكن من المفترض ده يادي لي نتيجة عكسية ولكن ده ما الحاصل!

الاغرب هو تواصل الاجيال القديمة من دون ادني حساسيات وعي جهوي في المهاجر مما يؤكد، انو وعينا ده العجيب كشماليين، ما اصيل وانما عابر ومؤقت.

حبيت اوزن كلامي يادكتور عشان ما نتخندق او ناخد ساتر او نبدا الرش بالمدفع اب سكلي، والجري ده، ماحقي!!

رايك شنو؟

ربنا يرحم الموتى و الأحياء بالمعسكر...
أحداث محزنة ... الصور تدمي القلب ... لهم الله!
و السؤال ال دايماً بيحيرني... الناس دي بتنوم بالليل كيف؟
ضمائر ميتة والعياذ بالله...