|
|
|
 Re: د. أُمبدّة ، المحقق كونان او الرجل الذي دق (Re: امير بوب)
|
الزول دا عامل فيها ذكي !
رغم شتارتو الظاهرة في معظم الأحيان !
لا توجد سابق معرفة بيني و بينه
بس خاتيني في راسو مالو انا ما عارف !!
و اخر تقليعة ليه كمان ، مركّب مكنة المحقق كونان
و عامل فيها حاب الديب من ديلو !
...
كيشتي دا عايز يبيع الموية في حارة السقّايين !!
و ناسي انو براحة جداً ممكن أختو ليك ( تختة) تنشين ... والله صحي !
...
أها يا صاحبي ، بدل الغمز و اللمز و الإيحاءات القرعة البتعمل فيها دي ، لو عندك كلام تعال قولو لي هنا !
سيبك من علامات التعجب و الشولة و الشلاقة !
أكرب جريدتك ساي و تعال لي مارق عشان اوريك المكشّن بلا بصل ! 😜
التسالي راااقد و الفشار و عندي قنقليس كمان
والله أقزقز بيك معاهم لمّا تتكيف !!
| |
 
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: حاتم إبراهيم)
|
بعدين يا امبدة معقول امير ده يمشي المستشفى ويشوف العيانين ويكمل الpaper work ويفتش
CME hours وبعد ده يعمل ويب سايت يهتم فيهو بعمل قواميس وحاجات ليها علاقة باللغات و البرمجة وخلافه
و يغالط في الموسيقى و طيارات الرش وطيارات بدون طيار ..؟
الموسيقى ممكن..
هبوط ناسا على القمر ماشي
لكن طيارات الرش و ما عارف شنو دي ما جاية يا ولدنا اصلن كلو كلو.
بعدين ما تنسى كمان محمد مصطفى عبد القادر..ده براهو داير ليو كم ساعة في الاسبوع :)
| |
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: حاتم إبراهيم)
|
يا حاتم دكتور أمبدة دا حمام ميت ساي !
انا برأي بموت ليك بيه !!😜
...
يا حيدر سلام
و الله مش لو زاغ من البوست و قال مشغول ، لو حا للحول ما بخليه !
...
سيف النصر سلام
هو بالله المحقق كونان دا اسمو خلف الله ؟!
قادر الله !
هنا يا دكتور سيف مافي دكتور و لّا بتاع تبش !!
البمشي يقابض ، يا يقدر يثبت كلامو و يا كمان يتلخّ من سكات ! والله صحي !!
| |
|
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: امير بوب)
|
الغريبة يا دكتور سيف
امبدة دا قبل كدا جا غالطني في بوست البرنس ود عطبرة
لما قلت انو بعض الأسماء زي آصف بن برخيا و كلب أهل الكهف الإسمو قطمير !!
أغرب شيء انو مصدّق انو هملاج هو فعلاً اسم الذئب الذي لم ياكل سيدنا يوسف !!
و سبب صحة إعتقاده و تصديقه بس لانو قالوا الحديث مروي عن بن عباس !!
من الوكت داك ، عرفت انو الزول دا من ذوي الوزن الخفيف ... والله صحي !
...
هسع بنفتح ليه الملف دا لو داير ، و نشوف موضوع هملاج دا !😜
...
أُمبدّة ، قوم علي حيلك و بطّل لولوه
وما أظنّك تقوم !
| |
|
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: سيف النصر محي الدين)
|
حاتم يكتب علامات الترقيم بإتقان وفورمات صحيح.
لاحظوا لعلامة التعجب في العنوان،
الكيشة دا قاعد يترك قبلها مسافة،
لاحظ ليها نزلت من السطر وقَعَدت براها المجنونة،
لو كان بكتبها صحيحة كانت جرت معاها كلمة زي الزول الببدأ الصف التاني والصلاة شغالة.
الكيشة دا من قبل حاتم ينضم للمنبر يفعل ذلك حتى مع علامة الاستفهام،
| |
|
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: أبوبكر عباس)
|
هل علامات الترقيم عندها قواعد في اللغة العربية يا ابوبكر؟
بل هل هي مهمة اساسا؟
غايتو في الانجليزية علامات الترقيم من اهم قواعد الكتابة وهي مهمة ليس فقط لمجرد
التنسيق، بل هي ضرورية لايصال المعنى واعتقد أن السبب في ذلك يكمن في طريقة
بناء الجملة نفسها. لا اذكر اثناء فترة الدراسة أن اهتم مدرسونا بتعليمنا اي شئ ذا
قيمة يتعلق بعلامات الترقيم كما لا اذكر ابدا انها كانت موجودة في كتب القواعد.
| |
|
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: امير بوب)
|
Quote: العفو والعافية يا أمير
نحنا ما ناس كلام زي دة
الوطن أحوج للجميع
نبطل الفارغة ونشتغل بالمهم
والبوست افتكرته اتحذف والله
وكان كبوة
اعتذاري لك واحترامي |
طيب كويس،
من المفيد في حياتنا اننا نراجع نفسنا ونكتشف (كبواتنا)
بس الأدب بيلزمك هنا تعتذر لحاتم برضو! طرف المعادلة التاني، ولا ما يستاهل؟
مع أني اتشرف أكون أمير بوب في أي جانب معروف بيهو هنا
وانت وجهت ليهو الاعتذار حصراً.
وأنا ما عايزك تعتذر لي في الحقيقة، بس اتمنى ترد على تعليقي القديم دا
دا كلامك يا أمبدة في بوست الموسيقى أغسطس 2016
Quote: حفظا لماء الوجه نرجو من صاحب البوست حذفه.
--
وكمان أن استغربت من الصورة التى تم ايرادها في هذا البوست لتشريح الأذن تشمل أدق المكونات والتى لا يمكن أن يفهم تفاصيلها الا طبيب اختصاص انف واذن وحنجرة.
ولا اعتقد موسيقى أو فنان يهتم بهذا التفصيل الدقيق الممل ولكن يمكن جلب صورة أخرى لتشريح الأذن لايضاح المكونات العامة ذات الصلة بالموسيقى والسمع.
ول تكون يا ربي اذن موسيقية هههه
--
من المهم جدا في أي بحث أو كتابة كتاب أن يكون المؤلف ملما بأي كلمة أو مصطلح يشمله البحث او الكتاب الماما كاملا.
--
شكله حاتم صاحب سبعة صنايع والبخت ضايع ولو ركز امانياته العقلية وذكائه هذا في مجال واحد وسبر اغواره لرأينا العجب العجاب.
أما الثقافة الموسوعية وناس ابن سينا علماء في الطب والكيمياء والفلسفة وبتاع كله ديل عصرهم انتهى منذ قرون..
--
لا علاقة لي البتة بالموسيقى لكن مررت بالصدفة على الحوار الذي دار بين كاتب البوست والاستاذ الموصلي وكيف تطاول صاحب البوست مع القامة.
وبوست اخر مع ود قاسم وامثلة لا تحصى. |
ودا كان ردي على تعليقك
Quote: أم بده كيفك
أعرف كيف أحفظ ماء وجهي جيداً لذا لا أرى سبباً واحداً لحذف البوست بكل أسف.
بالنسبة لاستغرابك عن إيراد صورة الأذن، أظنك بعيد جداً عن النواحي العلمية المنطقية بخلاف اعترافك عن بعدك عن الموسيقى، وقد أجد لك العذر عن الموسيقى ولكن ربما أحتاج أن أوصيك بشدة بالاطلاع على كتاب التعليم الأساسي للصف الثامن واسمه "العلم في حياتنا" (منهج جمهورية السودان) فقد وردت ذات الصورة لتفاصيل الأذن في صفحة 19 مع شرح "علمي" يقع في ثلاث صفحات بما يفوق وصفي هنا.
أما حديثي عن الصوت وتعريفاته الفيزيائية والموسيقية فقد ورد ذلك في نفس كتاب الأطفال ذلك في 15 صفحة من أول الكتاب وحتى صفحة 17 كمقدمة للموسيقى، لقد اختلف الزمان يا أمبدة، لذا عليك بالمسارعة للحاق بما تعلمه أطفال السودان حتى تمزج العلم بحياتك الباقية.
أعتقد إشارتك للقامات هنا سبب وحيد لتعليقك في هذا البوست. |
أها، ردك شنو؟
| |
|
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: حاتم إبراهيم)
|
ردّو فى شنو
اذا كان انتا رديت على مداخلتو بسوء ظن يحدّث عن روح شرّيرة
و اختصرت مداخلتو بكل لؤم فى السطر ده| Quote: أعتقد إشارتك للقامات هنا سبب وحيد لتعليقك في هذا البوست. |
و تجى بى نفس فاتحة كايس اعتذار
ياخى متين تسيب تكتيك التحرّش ده الحايم بيهو بين البوستات
ياخى انت فتّ الزرقاء بنت وهب بى غادى فى رفع رايات السخف
______
احزننى اعتذار د/ امبدة لطليق كاذب
يا دكتور تخيّر موضع اعتداراتك
| |
|
|
|
|
|
|
|
|
 Re: د. أُمبدّة ،المحقق كونان او الرجل الذي دقس (Re: حاتم إبراهيم)
|
الأخ حاتم
ولك اعتذار مثله..
بخصوص تعليقي في بوست الموسيقى
أنا أبديت وجهة نظر وأنت ردت عليها وأحلتني لكتاب العلم في حياتنا مقرر الأساس في جمهورية السودان
يعني بعدها أرد عليك وأقول ليك شنو؟
كان بأمكاني اجيب ليك ال curriculum بتاع منهج أي كلية طب في أمريكا مثلا والمطلوب منهم في منهج دراسة طب وجراحة الانف والاذن الحنجرة
بس ح ندخل في غلاط ودوامة
تحياتي وتقديري واعتذاري مرة أخرى
واعمل بنصيحتي امسك في مجال واحد وفي المجال الاخترته اختار فيه تخصص فرعي دقيق وانسى الباقي
ركز كل جهدك وقراءتك وتفكيرك في هذا المجال الفرعي.. وتعال قابلني بعد 5 سنوات
جلالدونا
لك كل الود يا حبيب
| |
|
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: امير بوب)
|
Quote: يعني بعدها أرد عليك وأقول ليك شنو؟
كان بأمكاني اجيب ليك ال curriculum بتاع منهج أي كلية طب في أمريكا مثلا والمطلوب منهم في منهج دراسة طب وجراحة الانف والاذن الحنجرة
بس ح ندخل في غلاط ودوامة |
ترد ببساطة وتقول إنو المقدمة مناسبة وليست تتعلق بالطب أو التشريح
نظراً لورودها مطولة في كتاب مدرسي للأطفال يشرح الموسيقى تحديداً وليس أعضاء الانسان.
وإنو اقتراحك بحذف البوست غير موفق على الاطلاق لأنو لا يمكن لمجرد صورة توضيحية
تقوم تجير الموضوع كله وتفهمو على إنو معلومة طبية ناقصة، مع إقرارك بعدم تبحرك في الموسيقى.
فهل وجود تشريح الاذن يستدعي التركيز عليها من نواحي طبية في نظرك مثلاً؟
أي نعم الأذن هي ذات الأذن، لكن دا ما بيعني تنظر ليها من زاويتك الضيقة دي وتقرر
بناء عليها إنو (دي ما شغلة حاتم) والمفروض البوست يتحذف.
وبمنطقك دا فلو أنا عايز أتكلم عن الواقع الافتراضي مثلا (VR) وعرضت صورة للعين
وكيف بيتم خداع المخ بصرياً، فهل حتجي تقول دا بوست بتاع طب عيون ونضارات طبية ودي ما شغلتك يلا أحذف البوست؟
عدم المنطق في مداخلتك إنك تركت الموضوع وركزت فقط على الشيء البتفهم فيهو بأسلوب (he who knows little soon repeats it)
بالضبط زي دكتور الكيك (أبو كرتونة) الخلا موضوع حيوي مهم وقعد يلتقط في الأخطاء الإملائية وعلامات التشكيل.
أقول:
مداخلتك كانت غير موفقة وغير منتجة،
والبوست الأخير (وهو فتنة) أيضاً ليس كبوة فقط بل سوء تقدير وعدم موضوع.
واتمنى إن كانت لديك أية مغامرات جديدة تتعلق بشخصي أن تكون في صلب الموضوع.
| |
|
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: امير بوب)
|
للأسف ماانتهى ياامير،الزول الخرنق دا بستغل فيك وإنت جايب خبر وللا ماجايب دي حاجة مامهمة...
هسّ لو هو زول عندو قيراط واحد من حس صحيح مش مفروض يعمل رايح بعد اعتذار أمبدة..(دا طبعا لأنو صعب عليه جدا يخش ويقول كلام جيد في الحتة دي)
ياخرنق بنفس المنطق بتاعك دا،تعال اعتذر بي غادي...
*د.سيف احيي جهودك في إنقاذ د.امير
| |
|
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: أبوبكر عباس)
|
Quote: الأخ حاتم
ولك اعتذار مثله.. |
| Quote: تحياتي وتقديري واعتذاري مرة أخرى |
أبدا ما ليك حق بعد الاعتذار الفخيم القدمه أمبده ده ..
إنك تقول أي شيء يا حاتم ..
حتى لو ماقبلت الاعتذار المفروض تصهين من البوست ده ..
والله صحي ..
تقديري أمير بوب على قبول الاعتذار ..
وسيف على مجهوده لرأب الصدع ..
وأمبده على روحه المتصالحة ومبادرته بالاعتذار ..
والواحد محتار ليه الناس ماخده الموضوع بالجدية دي !! ..
اصلا كل الحاصل هنا ده انا شخصيا بعتبره ..
من باب ملء الفراغ وطق الحنك ..
والواقع العايشنه بره النت غير خالص ..
المفروض الناس تكسب زمنها فالمعايش جبارة ..
والالتزامات مغرقانا من ساسنا لي راسنا ..
| |
|
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: امير بوب)
|
Quote: حاتم لو أمكن رابط مداخلة د أمبدّة
في بوست الموسيقى دا ما لاقيها
زهايمر ولّ ضعف نظر ولّ اختلطت علي بوستات الموسيقى
داير أدعو د. فردوس ودكتور أمبدّة للحوار بمكان البوست |
هنا هنا هنا، أنا حاجاتي حافظها صم
Re: إمتداد بوست الموسيقىRe: إمتداد بوست الموسيقى
داك بوست بدايتو غلط من ناحية التنظيم
والمفروض أعيد ترتيبه زي بوست المال وأعملو في شكل بي دي إف
والإشكالية الحالية في كيفية وضع ملفات الصوت داخل البي دي إف
عملية طويلة ومملة ودايرة وقت ما متوفر لي حاليا.
فأنا بتذكر كنت نقلت كل المداخلات الفيها أسئلة إلى البوست (الرديف)
جوني ناس أبو العفين يا المستنير ومعاهو الكيك، دايرين يتحروا معاي في التشكيل والتنوين
فقلت أسوقهم لمكان تاني على بال ما أصلح البوست، نظام يمشوا يسوطوا سواطتهم (العربية) بعيد
ولا سؤال واحد ليهو علاقة بالموسيقى مافي، ولا واحد ههههه
حتى البتقول على نفسها ناقدة بدرجة مبتديء ماشرفتنا وقتها، جات هسع دايرة المصادر، وبحدة
ههههههه، (دنيا مهبت) زي ما قال شاروخان الأنا ما لاقيتو كله كله.
| |
|
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: امير بوب)
|
Quote: اصلا كل الحاصل هنا ده انا شخصيا بعتبره ..
من باب ملء الفراغ وطق الحنك .. |
ما عندي مانع يا أخ جمال
نطق الحنك، ومالو، بس مش ملي فراغ
الطق يكون في الموضوع.
وأنا القدامك ضحية لو نظرت للأمور من جهتي!
فعلياً مضطر أرد، ينوموا ناس أوروبا يصحو ناس أمريكا
ينوموا ناس أمريكا يجوني ناس الخليج
أنا ما عندي التزامات يعني؟
وعلى عيني وراصي
لكن كمان ما تبقى بوستات وباسمي مع التهرب من استحقاقها
وما طالبت باعتذار، طالبت برد مقنع، فقط الرد المنطقي المقنع
دا كل همي هنا، ياخي في ناس وصلت مرحلة تتهمني في أخلاقي
وما طالبتهم باعتذار، طالبتهم باثبات
مجرد الاثبات.
| |
|
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: حاتم إبراهيم)
|
سلام للجميع
الترقيم في الكتابة بعتمد على تركيب الكلام وتسلسله والانتقال بيهو في مراحل ودي بتعتمد على الحس اللغوي لدى الشخص
الشولة بتعني تحول في لغة الجملة أو ربط جملة بما قبلها أو الاستدلال بها للشرح
مثلا :
وفي إطار رفضه للنظام، قال السيد أن القوانين لا تساوي بين الجميع. هنا ما ممكن تخت نقطة بدل الشولة لان الوقفة مجرد جرة نفس بس
النقطة البعد الجميع لأن الجملة البعدها بتتكلم عن شيء تاني ليهو ارتباط بما قبله
| |
|
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: امير بوب)
|
Quote: أوكي هي مقتبسة،
ليش ما موجودة في بوست الموسيقى الأصلي؟ |
نقلتها كلها أنا، أيام الاستيكة شغالة وأعدت ترتيبها للرد عليها بعيد عن البوست الأصلي
ما أظن نسيت زول كتب حاجة، وفجأة وقفوني، وكسلت بعدها
إلا (الناقدة) ما جاتنا دُت 
الكلام هين!
| |
|
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: عليش الريدة)
|
داير أشوفها في السياق،
والهدف الاساسي داير أكسب أمبدّة وفردوس لمناقشة حاتم بهناك.
أكثر حاجة مستفزة أمبدّة وفردوس في حاتم انهم منطلقين من إنّو مقدرات حاتم دي ما حقيقية،
أنا شايف أنها حقيقية، دايرم يفتشوهو من غير استفزاز.
مشجعي ميدان عقرب البشجعوا من جوّة الميدان ديل، نعمل معاهم شنو يا فضيل؟
| |
|
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: أبوبكر عباس)
|
يوم بدرس في عبدو مقرر الروضة،عندهم مادة فيها فوائد الطيور،أها قلتليهو من فوائد الطيور إننا بناكل لحما،
وسألتو شنو الطيور البناكل لحما..قالي ماعارف...قلتليهو الفراخ والحمام..عبدو ماعندو مشكلة مع لحم الفراخ..
سألني بدهشة:الحمام بياكلو؟
قلتليهو :أيوا
قال :ياااع..(هو مابعرف يقول أوووع)..
*مقدرات؟ يااااع (الكلمة فقط ماقاصد بيها حاتم)
أكتر كلمة بقت تنكتا مننا في المنبر دا
يااااااع
| |
|
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: عليش الريدة)
|
Quote: ياخي في ناس وصلت مرحلة تتهمني في أخلاقي
وما طالبتهم باعتذار، طالبتهم باثبات
مجرد الاثبات. |
ده كلام فارغ وغير مقبول واستهجناه وقتها وأقر تماما وأسفت جدا لانك تعرضت لحملة جائرة تم استخدام الكثير من الأساليب الغير نزيهة فيها مافي زول بيملك حق إنه يعس وراء أي زول في المنبر ده المفروض الاخرين يردوا عليك بنفس اسلوب التهكم والسخرية الانت بتستخدمه مع محاوريك (رغم عدم موافقتي عليه) الناس حدها تتناقش جوه المنبر ده وبس أي خروج للحياة البره بيحتاج لأسس ومعايير أخرى أهمها القبول فما مفروض زول يفرض نفسه ويحاول يقتحم خصوصيات الأعضاء أو يتهمهم بلا أي مبرر بانهم اشباح أو يشكك في اخلاقياتهم وسلوكهم بتهم ظنية أو ماشابه كرد فعل للحوار لانه ده ما منتدى تعارف ده منتدى حوار الارتضى يدخل فيه بمحض ارادته وبأبعاد شخصيته الاختار الظهور بيها ماعنده أي سبب تاني يخليه يجي يمليء على الأخرين الا يكشفوا ليهو شخصياتهم كنوع من العدالة أو المعاملة بالمثل .. الأولى المعترض بدلا من انه يطلب يكشفوا ليهو كل المشاركين في المنبر يطلب هو من ادارة المنبر حساب جديد بأبعاد شخصيته العايز يظهر بيها فمش مقنع الكلام بتاع انه اي زول لازم يكون معروف لديك انت كعضو ولا في حق ليك اصلا بالشكل ده عشان تتضرر من فقده وضياعه منك بعدين الماقدر يثبت اي اتهام ضدك المفروض يعتذر ليك لانه ده حقك ..
ـــــــــــــــــــــــــــــــــــــــــــــــــــــــــــــــــ
من ناحية ملي فراغ انا غايتو شايف المنبر ملي فراغ لانه كان عندي شغله مستحيل أخليها عشان أخش المنبر فما بجي الا لملء أوقات فراغي والزول يتونس مع الاخوان , حاول غايتو تلقى طريقة لتخفيف مسألة السخرية دي لانها بتجلب الكثير من العداوات وكمان فيها خصم من مجهودك المفيد جدا في المنبر هسه شوف الشمطة النحن فيها دي طفشت الناس كيفن ! ..
| |
|
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: حاتم إبراهيم)
|
ابوبكر عباس يا كيشتي
يعني بعد طقطقتك مرتين قبل دا
ما لقيت ليك فرمالة غير سوء استخدامي للشولةو علامة التعجب !
لا كان كدا خلاس !!
يا خوي انا لا بعرف لغة عربية و لا ملتزم بعلامات الترقيم بتاعتكم دي
و لا شغال بالخليل بن احمد الفراهيدي ذات نفسو 😜
.....
بهتم بمضمون كتابتي اكتر من سفاسف الامور دي !!
بعدين بأخ ما ملاحظ لي بستخدم علامات التعجب بكثرة و كمان النقط لا تخضع لنسق معين !
عليك الله خلينا من الكلام الميت دا !
فأنا لا التزم بطريقة محددة في الكتابة و في الالتزام بعلامات الترقيم إلا في الكتابات الأكاديمية الجادة !
اما غير ذلك ، فإعتبرا مدرسة جديدة ياخ !!
...
صدّقني ، ماعندك موضوع !!
| |
|
|
|
|
|
|
|
|
|
Re: د. أُمبدّة ،المحقق كونان او الرجل الذي دقس (Re: كمال عباس)
|
جميل ياكمال ،لكن كنت متوقعك تضيف :الأساس في الفرق بين الكتابة عربيا واللغات الأوروبية،هو أن الله أعطى موسى ألواح ،وأنزل القرآن على محمد شفهيا...
اللغة العربية تاريخا الكتابي ضعيف، حتى الكتاب الأوائل كانوا ماعرب(بدات بالعميد وانتهت بعبد الحميد وللا منو؟ نسيت اسمو) ...
العرب ماناس كتابة،ناس فصاحة شفهية،وذاكرة متقدة، ودا سبب اساسي في عدم تقدمهم في مجالات الصناعة والاختراعات...
شفت المصحف في بدايتو كان كيف وهسّ كيف؟
| |
|
|
|
|
|
|
| |
حيدر حسن ميرغني
عليش الريدة
سيف النصر محي الدين
حاتم إبراهيم
أبوبكر عباس
ombadda
جلالدونا
قسم الفضيل مضوي محمد
جمال ود القوز
حمد عبد الغفار عمر
كمال عباس
فيس بوك
تويتر
انستقرام
يوتيوب
بنتيريست