Post: #1
Title: عمر البشير بفور برانقا/ الشيطان دخل بينكم!.
Author: Mohamed Adam
Date: 09-20-2017, 03:00 PM
02:00 PM September, 20 2017 سودانيز اون لاين
Mohamed Adam-
مكتبتى
رابط مختصر كلامو دا اما ان يكون كلام زول ساذاج
او كلام زول يستخف بشعبه ويحقرهم !!
كيف يكون الشيطان دخل بينهم!!!
واين انت ياعمر البشير ونظام الابادة بتاعك
من بينهم دي!!!
كان تخليها حلوا شوية وتقول الشيطان
دخل بيننا اي بين الحكومة وناس دارفور!!
لان الماتوا في دارفور، قتلتهم انت ونظامك
ومليشياتك!!!
فكيف تقتلهم وتحاول ترمي قتلهم في
اعناقهم!!!
انت مجرم وعايز تطلع برىئ براءة الذئب
من دم بن يعقوب!
اقسم بالله لو كدا ياعمر البشير انت زول
جبان وباين عليك لو امتثلت امام المحكمة
الجنائية ستتنكر انك ابدت وصفيت قبائل
باقليم دارفور بل ستنكر انك في يوم من الايام
كنت رئيسا لجمهورية السودان!!!
كمان عندك نفس تقرا قرآن وتردد كلام النبي
وتقول من قتل نفس بريئة بغير حق كانما قتل
الناس جميعا!!!!
ياخي انت بالذات اي ذرة بجسدك دا متعلقة
بقتل نفس دارفوريه بريئة!
البشير، حقو تكون صريح مع نفسك ومع ربك
لو اصلا عندك رب ولا اصلا عندك اي نوع من
الصدق لكان دقيت سدرك وقلتا للدارفورين
بفوربرنقا، الهدف من زيارتي اصلو ما عشان
خاطر عيونكم وانما عشان خاطر عيون
اسيادي الامريكان!!!
في المقام الاول:
لماذا تربط زيارتك بوعود كاذبة للتنميه كما
عهدتك دارفور، كلما زرزروك الامريكان تجي
جاكي لتزورهم وتوعدهم بتلك الوعود الكاذبة
وفي الحقيقة زيارتك ذاتها عبء مالي وامني واداري
تتنزل علي انسان المنطقة النازح المسكين الغلبان
وتتنزل علي جيوبهم وعلي مدخرات سنة كاملة
مما يكنزون!!
الدارفورين يقولونها وبالفم المليان، لا بركة في
ريارتك الشؤم ولابركة في وعودك الكاذبة الفارغة
وانت تحلف بالله ان تشيد لهم بنيات تحتية
ومسبقا انت كاذب اشر!!!
في ذمتك لو عندك ذمة دارفور دي ليها
كم سنة ترزح من دون تنمية في
ؤفترة حكمك !!!
حرام عليك تكذب وتقول لناس فوري برانقا
سنة 2003 كانت التنمية بادئة ولكن التمرد
قطع مسيرتها!!!
ماذا يستفيد المواطن الانت قاعد تحكمه اذا
انت وحكومتك ماقادرين تدحروا ليهو التمرد
حتي تعملوا ليهو تنمية مستدامة في مدنو وقراهو
ولا اصلا التمرد دا عملتوه شماعة تعلقون عليه
غسيل اخفاقاتكم وكل فشلكم؟
عشان ما تتماهي في كذبك، انتا سرقت السلطة
في عام 1989 والتمرد قام 2003 طيب 14 سنة
ماذا قدمتموه من تنمية لدارفور؟
اليس 14 سنة والاقليم بلا تنمية مبرر كافي لقيام
التمرد ؟
حرام عليك يا عمر البشير ناس دارفور يضيفوك
بكرمهم المعهود يضبحو ويجهزوا لهيلمانة زيارتك
وسير سير ياالبشير وخلفك چيوش جرارة من
عطالة المركز كمرافقين لك وانت وهم والله
ماتستاهلوا يقابلوكم بترحاب غير يقابلوكم
بالجنازير والربط ليسلموكم صرة في خيط
للمحكمة الجنائية!!
لانك انت وهم المجرمين والقتلة الحقيقين لهم
ولاطفالهم والمبددين لكل طموحاتهم وآمال
مستقبلهم!!
في ذمتك ياعمر البشير هسع انت رئيس مالي اركانه
عشان يكون مسئول من بني آدمين!!
بالله ماتختشي تقول لرعيتك ناس فوربرنقا ادوني
امن اديكم تنميه!!!!
والجمع سلاحوا طوعا كتر خيرو والماجمع
بنجمعوا منه؟
في ذمتك تاني وتالت هسع دا كلام زول راعي
علي ماعز ولا راعي علي بني آدمين!!!
يا عمر احمد حسن البشير، مين فرط في امن
دارفور؟
ومين وزع السلاح علي القبائل وعلي
المليشيات؟
ومين يدي مين الامن، الرعية ام الراعي؟.
الامن مسئوليتك انت كقائد للدولة والتنمية
مسئوليتك انت كراعي لتلك الدولة!!!
مش تجي تستريق علي رعيتك وتسرق في
احلامهم وولائهم وارادتهم بالكذب والخداع، وفعلا
علي قول المثل:
الخلا عادتو قلة سعادتو!!
لانك اصلا سراق وحصل ان سرقت كل
احلام وارادة الشعب السوداني في ليل دامس!!!
المؤسف انت بتكذب والوالي ونفر من ابناء
المنطقه يصفقون لترهاتك ولوعودك الكاذبة
بسير سير يا البشير!!
يارب انت وهم تسيروا الي لاهاي !
لمعلوميتك، امن وتنمية فوربرنقا وكل مدن
وقرى السودان هو مسئوليتك يا عمر احمد البشير
وليس مسئولية المواطنين ولو ما عارف الكلام دا حقو تعرفه الآن!!
دارفور وغيرها من الهامش تحتاج الي تنمية
مستدامة حقيقية،فعلا وقولا وليس كذبا ونفاقا او
خوفا من الامريكان كما تفعل انت الآن!!!
اليوم يا البشير الرؤساء الصاح صاح مجتمعين
بمبني الامم المتحدة بنيويورك يصنعون التاريخ
وانت بالمقابل بفوربرانقا تكذب وتتقول علي
تاريخ شعبك!
فاين انت من تلكم العظامي صانعي التاريخ،
المجتمعين اليوم بالجمعية العمومية بيويورك الانت
ممنوع منها بافعالك وتعاملك السيئ نحو
وطنك ومواطنيك!!!
|
Post: #2
Title: Re: عمر البشير بفور برانقا/ الشيطان دخل بينكم!
Author: محمد نور عودو
Date: 09-20-2017, 08:53 PM
Parent: #1
سلامات محمد ادم
ناس عمر البشير يشوفوا ناس دارفور ديل ناس عورا ومغفلين ساكت عادي عندهم يقتلوا الدارفوري ويشردوا من منطقتو ويجو بكلمة كلمتين من عينة كلمة الشيطان دخل بيناتكم وبرقص ويمشي . المشكلة الاكبرفي الدارفوري الساذج اليستقبل عمر البشير ويستمع ليهو .
اكيد عمر البشير يمثل دور الضحية طالما امامو ناس سذج عمر البشير هو من قام بإبادة أهلهم .
ويجو يسمعهو في ميدان عام بدل يطردوا
|
Post: #3
Title: Re: عمر البشير بفور برانقا/ الشيطان دخل بينكم!
Author: Mahjob Abdalla
Date: 09-21-2017, 01:35 AM
Parent: #2
سلام محمد و محمد
تعرفو لاول مرة عمر البشسر يكون صادق لانو الحاصل ده ما عندو معني اخر غير انو هو الشيطان الذي دخل بيننا و مدنا بالسلاح لنقتل بعضنا البعض و ما زال الحال كذلك
|
Post: #4
Title: Re: عمر البشير بفور برانقا/ الشيطان دخل بينكم!
Author: بشير حسـن بشـير
Date: 09-21-2017, 04:00 AM
Parent: #3
سلام محمد آدم وضيوفه
صدقت في كلما قلته ولم توفق في وصف هذا الأخرق
عمر البشير يا محمد آدم هو ((((. الشيطان. ))))
بشحمه ولحمه
|
Post: #5
Title: Re: عمر البشير بفور برانقا/ الشيطان دخل بينكم!
Author: Saifaldin Fadlala
Date: 09-21-2017, 12:16 PM
Parent: #4
|
Post: #6
Title: Re: عمر البشير بفور برانقا/ الشيطان دخل بينكم!
Author: Mohamed Adam
Date: 09-21-2017, 12:43 PM
Parent: #5
تحية طيبة اخي محمد نور عودو علي المرور
بالمناسبة زي ما قلت عمر البشير زول
مستهتر وحقار ودا السبب الخلاهو يقتل في
الدارفورين بدم بارد لليوم.
محجوب ابوشاودرشيد كيفك يارجل.
ياخوي ماتفقد الامل وتقوم تستسلم ساي البشير دا
جاي ليهو يوم مصيرو يمثل امام العدالة الدولية.
اخونا بشير حسن بشير كيف حالك يا اخي.
مشكور علي ال Complement الصادقة
هل تعلم وعزتك ما ناسي ان الشطان هو البشير
ونظامة والدليل لدي شريط صوتي قشطه من امس
الصباح بالواتساب ذكرت فيه شيطنته وبتفاصيلها.
مع التقدير .
|
|