تيسيير العسير... فى السواقة فى شوارع الخرطوم والمسير

11:18 AM September, 19 2017

سودانيز اون لاين
Mohammed Alhasan Mohammed-الدوحة قطر
مكتبتى
رابط مختصر

لاتحاول ابدا ان تقيف كاول سيارة فى الاشارة ...فمهما تقدمت.... ستاتى سيارة اخرى من الخلف او ركشة او موتر و يقيف او تقف قدامك .. ...

من بين كل عشرة اشخاص يوجد ثلاثة على الاقل ما ح يعاينوليك ابدا وهم يقطعون الشارع امامك ..

ايضا من بين كل عشرة سائقين يوجد خمسة سيعبرو الطريق امامك بالعرض دون ان تكون المسافة كافية لعبورهم وبالكاد ستتجنب الاصطدام بهم بعد فرملتك المفاجئة .
..اذا ضربت ليهم بورى احتجاجى .ثلاثة منهم سيرفعو لك يدهم فى حركة اعتذار باهتة وواحد ح يطنش وواحد على الاقل ح يتوعدك و يشتمك ...والاخير دا طبعا لانو البورى بتاعك طلعو من الجو الكان سرحان فيه......

بالانابة عن السائق . وعن لغة الاشارات الضوئية يقوم كمسارى الحافلة ..بالاشارة بيده للسيارة التى خلفهم ...انهم بصدد الوقوف لانزال راكب ..ويجب ان تعمل حسابك بعد هذه الاشارة لان الحافلة ستتوقف مباشرة مع شوية يمين ...

...يقوم الركاب ايضا وبتوجيهات من السائق وخاصة صاحب المقعد الامامى من جهة اليمين وذلك عند دخول الحافلة للشارع من الموقف ....يقومو برفع اليد اليمين لكى تعرف ان الحافلة او البص سيدخل الى وسط الشارع ...

Quote: ذا ضربت ليهم بورى احتجاجى .ثلاثة منهم سيرفعو لك يدهم فى حركة اعتذار باهتة وواحد ح يطنش وواحد على الاقل ح يتوعدك و يشتمك ...والاخير دا طبعا لانو البورى بتاعك طلعو من الجو الكان سرحان فيه......

سلام اخي/ محمد

اضحكتني هذا الصباح ، بعد ان تذكرت مثل هذا الموقف الذي كان يمر علي بصورة شبه يومية ، حتي اني توقفت عن ( ضرب البوري ) . حتي مغادرتي للسودان .
واصبحت اتوقف وانتظر ( الشخص / الركشة / الحافلة / الشاحنة ) ، ايا كان ، حتي يمر ، ومن ثم اتحرك انا ( حتي لو كان الشارع شارعي ) .
نكته :
في قسم الشرطة في السعوديه ، واحد سوداني عمل حادث مع يمني .
السوداني مصر انه ماغلطان والشارع حقوا .
الشرطي يحاول ان يفهمه قائلا : يازول هنا مافي شارع حق حد ، كل الشوارع هنا حقت ملوك وامراء بس .

سلامات الأخ الفاضل محمد الحسن

يا أخ محمد أنت نسيت و لا شنو ؟

دا ما ياهو المشروع الحضاري... نفس الفوضى تلقاها

في السوق... في المستشفى... في المدرسة و في السياسة

الخارجية.. و و وو و

وحشني السودان و انا مسافرة اهديه اشواقي و اهديك إحترامي .

Hasheem Karouri

لابد بعد اسبوع على الاقل تجارى الفوضى دى و تعمل زيهم او ما ح تقدر تسوق ابدا فى شوارع الخرطوم ...


و نعمات عماد ...

.فعلا ما يحدث فى الطريق فعلا هو تعبير عن الفوضى الحاصلة فى البلد ....


لكم التحية والتقدير ...على مروركم الذى اسعدنى واربطو الحزام ...

فى شارع النيل وانت منطلق من ناحية كبرى بحرى باتجاه الشرق ليلا....المسارات اثنان والشارع هادى ..
.فجأة عند وصولك عند منطقة برج الاتصالات تجد ان المسار تحول بقدرة قادر الى مسار واحد ضيق جدا ..والسبب الاف من السيارات الواقفة غلط فى نص الشارع .
وقافلة معظم الشارع ...واصحابها قاعدين فى الاطراف وفى الظلام .. يشربو الشاى بمزاج ويتونسو بمزاج وانت تعانى الامرين للخروج من تلك المنطقة .....
اما الكروزرات ومعظم سيارات الدفع الرباعى الفورويل فاصحابها مشكورين مطلعينها كيف لا اعلم فى الجزيرة الوسطية .العالية جدا جدا...
ملحوظة ..توجد تجمعات وربما سوق للكلاب الغريبة الشكل ايضا حول المسار الباقى دا ......

فى شارع العرضة وانت قادم من ود البشير ..يجب الانتباه فكثيرا ما يكون هنالك فى وسط الشارع عربة كاروو يجرها حمار ويقودها صبى صغير ..وهومرحب به من اصحاب الركشات والحافلات والامجاد ..

ايضا وفى شارع العرضة وفى الشارع الجانبى الذى يؤدى الى المقصورة والمدخل الرئيسى لاستاد المريخ ..توجد فى هذا الشارع حفر ومطبات اذا لم تتفادها فيمكن ان تتسبب فى كسر او تلف للسيارة وخصوصا الصوالين ...

اما عند امتلاء هذه الحفر بالمياه ايا كان مصدرها فسيكون الدخول فى هذا الشارع عملية لن تسلم منها السيارة ابدا.. ....

ملحوظة ...ما يحيرنى هو كيف سيدخل ضيوف نادى المريخ من الاندية الدولية فى هذا الشارع......؟؟؟

بالمناسبة وحتى لايزعل احبابنا المريخاب فان الشوارع المحيطة بنادى الهلال ايضا ليست فى المستوى وخصوصا مع قرب اكتمال المبانى الجديدة لاستاد ونادى الهلال المسمية بالجوهرة الزرقاء ....

حقيقي من اكثر الأمور مدعاة للحيرة ان بعض من يرجع للبلد من غربة قصر او طال امدها انصب نفسو ناقد على كل شيء وفى كل شيء لم اجد من كل ما انزل من انتقادات لحال وواقع البلد من النقد والسخرية واحساس المنتقد بالفوقية لوجوده خارج البلد وكأنما هذا الخراب الذى لحق بالبلد لا يعنيه من قريب او بعيد . اغتربنا ربع قرن ورجعنا لهذه البلد ومستمتعين حد النشوى بوجودنا داخلها ودى بلدنا وعجابانا في كل شيء الا الحكام . من يستطيع او يساعد في تغيرهم او يأتي بفكرة خارج الصندوق تخليهم ينزلوا من عروشهم جزاه الله الف خير انال فينا ثواب والما بقدر اعينا وورينا نعمل شنوا عشان نزيل الظواهر السالبة الموجودة لكن ان يكون البلد كلها تختزل في مجموعة متعطلين يقضون وقتهم في شارع النيل لشرب القهوة والثرثرة هذا غير مقبول فيا من تأتون موسميا لقضاء اجازات الأضحى بالبلد نامل الترفق بنا ( ,ما تبقوا علينا انتوا والكيزان ) .
مفتوح الان اكثر من بوست مدور كلو في الظواهر التي يجدها المغترب وتثير استغرابة في السودان واقولها لكم ماخفى اعظم هناك الارملة التي ليس لديها مايسد رمق ايتامها وتجمع لها نساء الحى المساعدة في صمت وسرية تامة وهناك حق العملية الذى يجمعة المصلون لرفيق الصلاة المعاشى .
نامل عكس الظاهر السالبة والموجبة كذلك لانو حوش بكرى دا مفتوح وفى ناس ليها عشرات السنين ما رجعوا السودان وروهم بانو في خراب لكن برضو في شباب جنب الحوادث مهمتهم يساعدوا الماعندو حق الدواء وورهم انو في تكافل وتراحم وما كل السودان في شارع النيل ولا العرضة .

بعدين في النهاية السودان دا جاءكم ولا جيتوهو

Quote: حقيقي من اكثر الأمور مدعاة للحيرة ان بعض من يرجع للبلد من غربة قصر او طال امدها انصب نفسو ناقد على كل شيء وفى كل شيء لم اجد من كل ما انزل من انتقادات لحال وواقع البلد من النقد والسخرية واحساس المنتقد بالفوقية لوجوده خارج البلد وكأنما هذا الخراب الذى لحق بالبلد لا يعنيه من قريب او بعيد . اغتربنا ربع قرن ورجعنا لهذه البلد ومستمتعين حد النشوى بوجودنا داخلها ودى بلدنا وعجابانا في كل شيء الا الحكام . من يستطيع او يساعد في تغيرهم او يأتي بفكرة خارج الصندوق تخليهم ينزلوا من عروشهم جزاه الله الف خير انال فينا ثواب والما بقدر اعينا وورينا نعمل شنوا عشان نزيل الظواهر السالبة الموجودة لكن ان يكون البلد كلها تختزل في مجموعة متعطلين يقضون وقتهم في شارع النيل لشرب القهوة والثرثرة هذا غير مقبول فيا من تأتون موسميا لقضاء اجازات الأضحى بالبلد نامل الترفق بنا ( ,ما تبقوا علينا انتوا والكيزان ) .مفتوح الان اكثر من بوست مدور كلو في الظواهر التي يجدها المغترب وتثير استغرابة في السودان واقولها لكم ماخفى اعظم هناك الارملة التي ليس لديها مايسد رمق ايتامها وتجمع لها نساء الحى المساعدة في صمت وسرية تامة وهناك حق العملية الذى يجمعة المصلون لرفيق الصلاة المعاشى . نامل عكس الظاهر السالبة والموجبة كذلك لانو حوش بكرى دا مفتوح وفى ناس ليها عشرات السنين ما رجعوا السودان وروهم بانو في خراب لكن برضو في شباب جنب الحوادث مهمتهم يساعدوا الماعندو حق الدواء وورهم انو في تكافل وتراحم وما كل السودان في شارع النيل ولا العرضة .بعدين في النهاية السودان دا جاءكم ولا جيتوهو

Mohammed Ahmed Saeed
لك التحية والتقدير على مرورك الكريم ..
اديك دى بعدين ارجع لمداخلتك المقدرة ..وانا فى مواقف انتظار القادمين فى مطار الخرطوم والساعة حوالى الواحدة صباحا جاء احدهم ووقف خلف سيارتى ورايته فى المراية وقد نزل مسرعا..اعتقدت انه لديه شخص كبير السن او معاق او اى سبب طارئ..وطالما رانى والاسرة داخل السيارة والنور الصغير مضاء ..اعتقدت انه سيعود سريعا..مرت نصف ساعة ..خمسة واربعين دقيقة ....حضر الشخص الدى كنت انتظره .....انتظرنا ثم انتظرنا ..حاولت المستحيل لاخراج سيارتى ولكن لم يترك لنا اى هامش للمناورة .... دهبنا نبحث عنه فوق ..تحت ...فى الكافتيريا ...ذهبنا لشرطى المرور المتواجد ..قعد يفتش معانا برضه ..حاول يحرك السيارة مافى فايدة السيارة مغلقة ...نصف ساعة اخرى ..واخيرا حضر الشخص ..وبكل برود ..رفع يده ثم انطلق مسرعا....

تحية طيبة أخي استاذ محمد الحسن ..

تعرف فعلا القيادة في الخرطوم أصبحت مشكلة حقيقية ..
وتصبح أكثر تعقيداً لمن يعيش خارج الوطن حال عودته في إجازة ..

أنا سافرت اجازة للسودان العام الماضي بعد 8 سنوات غياب ..
تصدق لم اتمكن بل ولم أرغب حتى في قيادة سيارة ..
كنت أعتمد على أخي في هذه المخاطرة

ومن الأشياء الطريفة التي أذكرها ويذكرها أبنائي .. نكون ماشين في الشارع عادي وفجأة يتوقف أخي ..
فنسأله لماذا توقفت ؟
فيجيب .. الإشارة حمراء ...
طيب وين هي الإشارة ..؟ بعد جهد ووصف حتى نتمكن في ملاحظة وجودها

اما الأخلاق العامة للسائقين فقد تردت الى مستويات غير مسبوقة ... وقد أعزي هذا لظروف الناس وحالة البلد عامة
شعار كان موجوداً في شوارعنا ايام الزمن الجميل .. (القيادة فن وذوق وأدب)

ياخ ربنا يصلح الحال .

Quote: اما الأخلاق العامة للسائقين فقد تردت الى مستويات غير مسبوقة ... وقد أعزي هذا لظروف الناس وحالة البلد عامة شعار كان موجوداً في شوارعنا ايام الزمن الجميل .. (القيادة فن وذوق وأدب)

Dr. Ahmed Amin

حبابك يادكتور و لك التحية والتقدير على المرور الجميل ...

سلامات محمد الحسن وضيوفك

شارع العرضة وود البشير والعجب شارع حي العرب محل مطاحن الملح هههههههه يخ الحمار بدخل ليك راسو في الركشه عادي ..

ولو دقست وكنت سايق وفاتح القزاز مع الزحمه سوف تتنفس مع الحمار نفس النفس واحتمال كبير تتنفس زفير الحمار الطالع منو ( زي ما قال الشاعر بتنفسك لحظه زفيرك شهقتي ) ههههه
وانت تشطف لانو الكل في الزحمه داقش والحريف هو من يمر

بوست مشابه

قانون السياقه الجديد في العاصمه 😒قانون السياقه الجديد في العاصمه 😒