اها يا خواض علي بركة الله ! دا كلامي في البوست داك!
سبق و ان اشرت للمستوي الركيك الذي وصل اليه الخواض من خلال معركته الشخصية مع حاتم و انحدر دون ان يدري الي الحضيض ! لم اكن معني كثيراً بفكرة الهجاء في حد ذاته و لكن بالمستوي الطفولي و اللغة الركيكة التي لا تليق بشاعر متواضع الإمكانيات ! و قد سبق وان تساءلت ، كيف لرجل بهذا المستوي و بهذه العقلية الصبيانية ان يكون هو صاحب القصائد التي تنسب اليه ؟ كيف لمن كان شاعرا حقاً وله من الإبداع نصيب ان يكتب قصيدة ركيكة مطلعها : اظهر و بان عليك الأمان !! و كمان يفاخر بها !! ﺍﺫﺍً هناك شيء ما غلط !! لذلك زالت دهشتي حين وجدت الرجل يدّعي أشياء ليست له و قد ضربت مثلاً بشعبطته في قصيدة ماريل ! لاكين الان نكتشف كمان انو الراجل حرامي قصائد محترف ! يأتي بقصائد الاخرين ، يجري عليها بعض التعديلات الطفيفة و ينسبها لنفسه بلا خجلة !! و كمان قال شنو :
Quote: فجادت "القريحة" بالأبيات التالية
يا راجل !! قريحة شنو و قرحة شنو ؟!!! طيب تعال شوف ، مش دي ابياتك القلت جادت بها قريحتك :
Quote: قُلْ للمقمِّل ذي القناع الأسودِ ما ذا فعلتَ بمعجبيكَ الخُلَّصِ
و يا ريت تقارن لينا بينو و بين قول الشاعر الجاهلي دا و تورينا السرق من التاني منو ! 😉 أها: قل للمليحة في الخمار الأسود ...ماذا فعلتِ بناسك متعبد
كان شمر للصلاة ثيابه ...حتى وقفت له بباب المسجد
برضو جادت بها قريحتك او هو سرقة و انتحال !! .... سبق و ان قلت انك سطوت علي حقوق الموتي و نسبتها لنفسك ! و ذلك من خلال نسبتك الجزء الأكبر من قصيدة ماريل لنفسك و ليس للراحل حميد ! فأنت تعرف ان الموتي لا يتكلمون ! وها انت مرة اخري تسرق فكرة و قصيدة الراحل مصطفي سند ، تحورها و تنسبها لنفسك و كمان بكل صفاقة تقول حادت بها قريحتك !! أها مش دي قصيدتك في حاتم :
طيب ياخي ما تقول انك سطوت علي قصيدة البحر القديم للراحل مصطفي سند ! سرقتها بي ضبانتها ، حورتها و ابتذلتها و نسبتها لنفسك ! أها : يقول مصطفي سند : هم ألبسوك دثار خزّ ناعم الأسلاك
منغوم الحفيف
ودعوك تاج العزّ فخر العزّ مجد العزّ
شمس العزّ عزّ العزّ
صبّوا في دماك
عصارة الكذب المخيف
وأنا الذي حرق الحشاشة في هواك
... أها يا شاعر الغفلة و يا بتاع القريحة انت !! هل من تفسير ؟!! بالنسبة لي ، الأمر واضح ، و ما تجيني تقول لي دي مجاراة للقصائد دي !! او انو شيطان الشعر هبط عليكم الاتنين سوا او انها توارد خواطر !! البتعمل فيه دا سرقة واضحة لمجهودات الآخرين و انتحال ما ليس لك ! دون الاشارة علي الاقل للحتة الجازفت منها ما تدّعيه !! يعني لو راحعنا كل ما هو منسوب اليك ، حنلقاه من هذه الشاكلة !!
... نعتذر للراحل المقيم الشاعر مصطفي سند علي هذا الانتحال و هذه السرقة الأدبية و التشويه و الانحدار بمستوي قصيدته الرائعة الي مستوي القمل و الضراط و النتن ! ... يا خواض، ما لم تعتذر عن هذه السرقة الأدبية الواضحة و تحترم نفسك و قراء المنبر و ما لم تعتذر للراحل مصطفي سند عن انتحال و تشويه قصيدته ، سأفتح بوست كامل بهذا الخصوص و سآتيك بالعجب العجاب ! و الفورة مليون ! ..... اوعك تجي تقول لينا دي مجاراه ! لانو كلام المجاراه معروفة ولها اصولها والسرقة عديل بنعرفها !!
..... قول واحد يا شاعر المراحيم ! الليلة للصباح !!
يا خواض ياخ بدل حايم في البوست داك و قاعد تكلم الناس عن فقه الضراط و بتحاول تأصَّل ليه تعال هنا رد علي الكلام الموجّه ليك دا ! نحن مالنا و مال ابو الفرج الأصفهاني و المتنبي و ما يوجد في كتب التراث يا شاعر ما بعد الحداثة انت ! المفردة ديك المتنبي ما يقولا كان قالها شاعر كبير لا فيه شق لا فيه طق ! مشكلتنا فيك انت البقيت تجازف قصائد الأموات و تنسبها لنفسك ! قلت لي كمان : جادت بها قريحتي ! هاك القريحة دي ! و القروحة دي برضو !! يا زول ما تتلولو ساي ، انت انتحلت ابيات ما حقتك و نسبتها لنفسك و جبتها ليك هنا !! و سرقت قصيدة البحر القديم للراحل مصطفي سند ، شوهتها و إنحدرت بها للحضيض و نسبتها بلا خجلة لنفسك !! و جبت ليك المعروضات هنا و عملت ليك ( فرش متاع) 😜
تعال قول للناس دي بتسرق مجهودات الآخرين ليه و كمان تتفاصح و تتبجح علي الناس و عامل فيها ختري ! يا زول أكرب جريدتك ساي و أبقي مارق ! انت مطالب بإعتذار واضح و صريح و بدون لولوه لانك من زمان في مدي نيراني بس كنت صابر عليك ساي لاكين بعد دا انا معاك للصباح ! و ما لم تعتذر عن هذه السرقة الواضحة بحتّو معاك قرض ... و الله صحي !
قالوا خالد بن عبد الله القسري حينما قبض عل الجعد بن درهم في الكوفة خطب في عيد الأضحي قائلاً : أيها الناس ، ضحّوا تقبّل الله ضحاياكم ، اما انا فمضحِِِ بالجعد بن درهم !! و نزل من المنبر و ذبحه علي المِحراب !!
أها ، يا ناس شوفوا ضحاياكم كمان .. تقبل الله منكم ! اما انا ... بموت ليكم بالخواض دا !😂
Post: #5 Title: Re: اقبض حرامي !! Author: قسم الفضيل مضوي محمد Date: 09-19-2017, 04:27 AM Parent: #4
صاحبك الخواض دا ا أمير قال ليك افتح بوست منفصل بموضوع السرقة الادبية .. واهو انت فتحت البوست من دقشا بدري ولكن صاحبك عمل "غمران" ... فعلا من حفر حفرة لاخيه وقع فيها ... . . . قبل كدة فتح "أمين نوتة" بوست يجاري فيها قصيدة للخواض اسمها "الهُنيْهاتُ أو خَفَرُ الأناناس" ... رابط البوست هو ... البْلَّالاَّت أو جَفوةُ الكِستْناء .... شعر حديس !! البْلَّالاَّت أو جَفوةُ الكِستْناء .... شعر حديس !! . . . وقصيدة أمين كانت اكثر من رائعة زي ما انت شايف ... وكان بوست "نوتة" من امتع البوستات في تلك الفترة في رأيي ... ولكن جاء الخواض وعمل مناحة هنا وقال القصائد دي بالنسبة ليه زي أبناءه وبناته وما بسمح لي زول انه يشوهها ... وقال برضو ما بسمح بحملات الشواء من اعضاء المنبر لشخصه ... طيب قصائد الاخرين كذلك بعتبروها زي ابناءهم ... فكيف تسمح لي نفسك بما تستنكره على غيرك !!! في انتظار اعتذار من الخواض ... . . . الوسطاء يمتنعون ...
لانك من زمان في مدي نيراني بس كنت صابر عليك ساي لاكين بعد دا انا معاك للصباح ! ــــــــــــــــــــــــــــــــــــــــ شكيتكم على الله،الصباح دا حدو وين؟ ياخ ماتصبر ،مالو الصبر، عيبو لي؟
Post: #7 Title: Re: اقبض حرامي !! Author: أيمن محمود Date: 09-19-2017, 06:20 AM Parent: #6
سلامات امير
القصائد التي اوردتها والمنسوبة للخواض مجاراة لقصائد معروفة - ولا اعتقد ان الخواض تفوت عليه شهرتها واعتقد صادقا انه قصد المجاراة لقصائد معروفة .. لاغير
Quote: القصائد التي اوردتها والمنسوبة للخواض مجاراة لقصائد معروفة - ولا اعتقد ان الخواض تفوت عليه شهرتها واعتقد صادقا انه قصد المجاراة لقصائد معروفة .. لاغير
يا ايمن الخواض وبحسب امير بوب ما اشار ولو مجرد اشارة للقصائد الاصل
وكمان قال (حسب امير بوب طبعاً) انو اجادت بها قريحته
فا.. الى ان يأتي الخواض ويعلل ويبرر يكون اعتقادك خاطئ
بعدين قسم الفضيل قال شنو كدا يمتنعون..
تحياتي لك ولأمير بوب وضيوفه
Post: #9 Title: Re: اقبض حرامي !! Author: Yassir Ahmed Date: 09-19-2017, 06:48 AM Parent: #1
لا أعتقد أن الأمر وصل بالأستاذ الخواض لهذه الدرجة ، على كل أنا بحسن الظن ، والمجاراة موجودة في الشعر ولكنني لست متخصصا وليس لي علم بهذا الفن ، ولكن قد يكون الأمر كذلك.
Post: #10 Title: Re: اقبض حرامي !! Author: Nader Abu Kadouk Date: 09-19-2017, 07:03 AM Parent: #9
ثقتنا و احترامنا للخواض كبير....ربنا يكضب الشينة....
Post: #12 Title: Re: اقبض حرامي !! Author: Abdullah Idrees Date: 09-19-2017, 07:16 AM Parent: #10
Quote: "صبّوا في دماكَ عصارةَ الكذب المخيفْ"
يا خوانا ده اقتباس مقوس .. والاقواس تنفي السرقة عن المقتبس (بكسر الباء) .. يعني اسامة اقتبس من مصطفى سند ولم يسرق الموضوع واضح .
يا فضيل سلام ياخ الوسطاء و ناس الأجاويد ديل نعمل معاهم شنو ؟ ... عموماً ، دا تعريف الانتحال او بالإنجليزية Plagiarism
هو سرقة أفكار أو كتابات الآخرين ونسبتها للذات بعد إجراء تغييرات عليها دون ذكر المصادر او الاشارة للآخرين و يعتبر الانتحال من انواع السرقات و أعمال النصب والاحتيال. .... انتهي !!
Post: #13 Title: Re: اقبض حرامي !! Author: عبدالعظيم عثمان Date: 09-19-2017, 07:21 AM Parent: #11
اغرب شيء انو شاعر ما بعد الحداثة المزعوم بعد ان أتحفنا بروائع الهجاء من عينة اظهر و بان عليك الأمان ! حتي صار حطيئة المنبر !! نفس هذا الشاعر و بعد ان هجرته كديسة الشعر- هذا إن كانت زارته فعلاً من قبل - يضطر للتنقيب في كتب الشعر الجاهلي و ينتحل بيت زي : قل للمليحة في الخمار الأسود .... ماذا فعلت بناسك متعبد ! معقولة بس ؟!!
... السادة النظّار و العُمد و الإدارات الأهلية و ناس الأجاويد و الوسطاء و المبرراتية ... شكر الله سعيكم و بارك الله فيمن زار و خفّ !!
Post: #15 Title: Re: اقبض حرامي !! Author: عبد الصمد محمد Date: 09-19-2017, 07:26 AM Parent: #11
يا أمير ياخ أنا ولله رغم عدم رضاي عن خط كتابتك إلا إنه ظني فيك كويس لذا قدر ما أزعل بتلاشى زعلي منك بالنسبة لما أوردته فالعارفين بدروب الأدب لا يخفى عليهم مفهوم التناص سرقة الفكرة شيء والتناص شيء آخر أنا ممكن أجيب ليك عشرة قصائد مكتوبة على قاعدة التناص لأنه البيئة الجغرافية والوجدانية ولأيدلوجية بتكون مشتركة أنا ذاتي في الجامعة أذكر كتبت قصيدة على نفس قاعدة قصيدة سند ربما تأثراً فقط بالموسيقى بتاعة القصيدة أقول ليك حاجة لو راجعت معظم القصايد النضالية بتلقاها ماشة على قاعدة التناص هذه كلمات ذي تجار الدين الدقن الشيطانية العسكر اتعسكر الهوس الديني وما إلى هذا
السادة النظّار و العُمد و الإدارات الأهلية و ناس الأجاويد و الوسطاء و المبرراتية ... شكر الله سعيكم و بارك الله فيمن زار و خفّ !! ــــــــــــــــــــــــــــــــــــــــــ هي نان ماشربنا الشربات
Post: #18 Title: Re: اقبض حرامي !! Author: محمد البشرى الخضر Date: 09-19-2017, 08:20 AM Parent: #17
يا بوب سلامات لا تعليق على موضوع البوست, تقوم تطلّعنا سماسرة كمان ولا نظار لنو ما ح يعجبك أكيد ههههه لكن عايز اسأل الاستاذ الخوّاض سؤال لو سمح لي وإذا قرا البوست يا استاذ الخواض في احد الهجائيات وردت كلمة شيكان بين اقواس, لو تكرّمت بشرح الدلالة و علاقتها بحاتم موضوع الهجاء السؤال لإزالة لبس في ذهني مربوط بإشارة لمدينة الأبيض وردت من زميل آخر.
Post: #19 Title: Re: اقبض حرامي !! Author: Nader Abu Kadouk Date: 09-19-2017, 08:25 AM
Quote: السادة النظّار و العُمد و الإدارات الأهلية و ناس الأجاويد و الوسطاء و المبرراتية ... شكر الله سعيكم و بارك الله فيمن زار و خفّ !!
Quote: يا خوانا ده اقتباس مقوس .. والاقواس تنفي السرقة عن المقتبس (بكسر الباء) .. يعني اسامة اقتبس من مصطفى سند ولم يسرق الموضوع واضح .
تقويس شنو يا زول و بعدين التقويس دا لما يتعمل ك citation يعني ، بتتم الاشارة ليه و للحته التي تم أخذ الجزء المقتبس منها و لّا شنو ؟! بعدين ياخ الشغلانة ما وقفت علي قوس باقي الحاجات ما شفتها ؟
اخونا عبد الصمد سلام و معليش لو كنت لا تتفق مع خطي في الكتابة في المنبر! عموماً انا مشاركاتي ما كتيرة و غير متفرّغ ليس عندي خط معين و لا عداوات مع أحد ال في راسي بقولو و خلاس ! بالعكس ، ربما تكون معظم كتاباتي تميل للسخرية و المشاكسة ليس إلا !! لاكين الخواض دا وضعه براهو ! ... احترم وجهة نظرك و ان كنت اختلف معها فياعزيزي ليس الأمر توارد خواطر او مجاراه لانو حتي المجاراه و من اسمها فأنت تجاري شيء آخر و تشير اليه ! قبل يومين بحضر في لقاء مع طارق الأمين في سودانية ٢٤ و قرأ فيها قصيدة بإسلوب رشيق و خفيف الظل ، ينده فيها الفنانين و الموسيقيين و قال في بداية القصيدة انها مجاراه لقصيدة التمساح لحاج الماحي ! مع انها كانت واضحة شفت كيف ! اما حكاية تناص ! فأختلف معك ، ارجو ان تقارن بين نص الخواض و بين البيت قل للمليحة في الخمار الأسود ... الخ و الي الجزئية الاخيرة المنتحلة من البحر القديم ، و ستكتشف انو الشغلانة انتحال رأسا عديييبل !
... رأيك شنو يا عبد الصمد في تشويه الخواض للبحر القديم بعد انتحالها و إنحداره بها الي هذه اللغة المقززة ؟!!
سلام اخونا حاتم هواري احترم وجهة نظرك و كذلك اختلف معها ! ...
غايتو لو الخواض جا قال دا تناص و حاول يعملا مرّاقة فدا شيء متوقع ، بس يا ريت يقدر يقول في دفوعاته انو دا تناص ! عشان نفتح ليه بوست مخصوص عن ماهو التناص !! ...
ياهواري ياخ راجع النصّين بحيادية و ستكتشف انو الامر اكبر من مجاراه و اقتباس و تناص ! خاصة في ظل عدم الإشارة للمواضع التي جاراها او اقتبس منها و هذا فقط يكفي لوصفها بالسرقة !!
يا خوي البوست حقّك و من حق اي زول يقول رأيه و يكتب ما يشاء ... عبارة الوسطاء يمتنعون انا قلتها نظام المديدة حرقتني و مشاكسة ساي و إستفزاز لبعض الناس و قطع الطريق عليهم !😜
... انا ذاتي البوست دا ما حقي ، بحي داخل زي اي زول و كت ما تسمح الظروف بشوت من طرف و بتخارج ! خد راحتك يا عزيزي !
ههههه أضحك الله سنك يا هواري ياخ ! ... الخواض لابد من امس و يتحاوم في باقي البوستات و عامل غمران من دا مع انو هو الطلب مني افتح بوست ان كنت اعتقد انو سرق من قصائد أخري !
..، طبعاً بكون قاعد يرتب في دفوعاته و محاولات التبرير لهذه العملة المخجلة ! بس انا قاعد ليه و متفرغ اليومين دي مان تو مان يا صاحبي ! و ان اضطر الأمر ان اعرض النّصين علي كبار الأدباء و النقاد المتواجدين هنا في لندن و نشوف رأيهم شنو ! ...
سلام يا عليش يا خوي انت البجيبك تتحاوم هنا شنو ؟! هههه أعمل ساتر يا زول ، ما تجيك شظية طايرة !
تحياتي
Post: #29 Title: Re: اقبض حرامي !! Author: Nader Abu Kadouk Date: 09-19-2017, 09:40 AM Parent: #28
Quote: طبعاً بكون قاعد يرتب في دفوعاته و محاولات التبرير لهذه العملة المخجلة ! بس انا قاعد ليه و متفرغ اليومين دي
اخ امير... حقو تنتظر اخونا الخواض اجي يقول رايه في كلامك قبل اصدار حكمك الاخير....البقتل بدوهو فرصة يدافع عن نفسه.. احترامي
Post: #30 Title: Re: اقبض حرامي !! Author: محمد البشرى الخضر Date: 09-19-2017, 10:05 AM Parent: #29
طيب يا أمير ومن اسي خليك عارف رأيي ما حيعجبك وأنا أقل من عمدة ما بقبل, يعني لا ناظر لا مدير محطة :)
لايوجد "تلاص" هنا - و المصطلح من ابداعات الاستاذ الخواض نفسه - ودا براه ممكن يديك مؤشر لوعي الاستاذ بالفروقات و التعاريف وماهو التناص وماهي السرقة الأدبية بعدين موضوع الهجاء دا أساسا في إطار تمومة شكلة اسفيرية في اطار محدود, لاهو عمل أدبي ولا ابداعي معد لينشر على الناس و يلقى التقييم و النقد اسي اسبوع اسبوعين بالكتير شهر الموضوع يتنسي وزول يتذكره مافي - طبعا حاتم مت مضمون ممكن ينكته بعد سنة :) فا شو.. القصة زي ما لت ليك شكلة اسافير لا تحتمل قواعد النقد الأدبي و المعايير المتعارف عليها وكدا
أُمممممك ! ود البشري جاب ضقلا يكركب! دا شنو يا عمدة !! قلت لي الخواض هو صاحب مصطلح تلاص ؟!! الكلام دا اعتقادك انت ولا قالو هو ؟؟ لانو لو الخواص قال انو هو صاحب مصطلح تلاص يكون وقع و ما سمّي تاني !! و دي تكون سرقة جديدة كمان !! لانو اول من أدخل مصطلح تلاص هو الشاعر الفلسطيني عز الدين المناصرة !!
..، يا بشري بالله ساعدنا بالمعلومة دي لانو انا لاعب ضاغط مع الزول دا !! ... سلام
Post: #32 Title: Re: اقبض حرامي !! Author: محمد المسلمي Date: 09-19-2017, 10:43 AM Parent: #31
الدكتور امير بوب سلام يعتبر هذا البوست من اهم بوستات الموسم وذلك لما يحتويه من معلومة بتاعت علف علي الخواض الحضور والادلاء برايه في ماذكرت وفي حالة اثبات عدم السرقة انا بساله عن اذدواج المعيار عنده في مجارات الاخ البروف امين له
_______ غايتوا الخواض في الحالتين ضايع 😂😂😂😂
Post: #33 Title: Re: اقبض حرامي !! Author: خالد العبيد Date: 09-19-2017, 11:02 AM Parent: #32
التحية للشاعر والقاص اسامة الخواض
Post: #34 Title: Re: اقبض حرامي !! Author: محمد البشرى الخضر Date: 09-19-2017, 11:02 AM Parent: #31
طيب يا بوب, للأمانة و الدقة انا أول مرة اسمع بالمصطلح قريته عند الاستاذ الخواض في أحد البوستات, ووقع في روعي انه من ابداعه كويس انّك نبهتني و للأستاذ الإعتذار و العتبى
هسي انت خليت جوهر مداخلتي ومسكت في الحتة الميتة هههه
يا ود البشري سلام كويس انك قلت انو نسبة المصطلح للخواض جات حسب فهمك انت بعدين ياخ انا ما خليت باقي الكلام في مداخلتك و مسكت في الحتة دي ساي ! مسكت فيها لانو انت بنيت عليها رأي ، و فلت انو طالما الخواص هو من اطلق المصطلح ، فبالتالي هو ادري بالفرقان و السرقات الأدبية و غيرها ! انا بس حبيت اقول ليك انو الكلامدا ما صاح و انو الخواض ما عندو علاقة بيه و كمان لو كان لحق نسبو لنفسو في بوست من البوستات كان تكون الطامة الكبري و كان لخيتو ليك ! الحمد لله جات منك و إتداركت المعلومة !!
باقي مداخلتك برضو ما راكبا عدلا لانو حتي لو كان هجاء الخواص لحاتم مجرد شكلة اسافير فهل دا مبرر انو ينتحل قصائد الناس ، يحرفها و ينسبها لنفسه و يقول جادت بها قريحته علماً بإنو معروف بين الناس كشاعر !! ... بعدين يا بشري اول مرة اشوفك بتحاول تكون دبلوماسي و ممكن تقول كلام انت ذاتك ما مقتنع بيه !! بعدين ياخ كيف يعني معارك الأسافير لا تخضع لقوانين الأدب و الانضباط المعرفي و الاخلاقي ؟! يعني عشان صراع اسفيري ، كل زول يجازف حق الناس ، يلعب فيه زي ما داير بدون الاشاره لمصدره و يقوم بتشويه اعمال الاخرين و نسبتها لنفسه بحجة انها معركة اسفيرية و ما عليه شيء !! ... طيب الكبسيبة العملا الخواض لما امين اتعرّض لقصيدتو بتاعت الهنيهات او خفر الانناس !! و حاول يجاريها و يسخر منها!! علماً بإنو امين ختاها واضحة و لم يخفي إستهدافه للقصيدة ،بل حاول تقديم وجهة نظره من خلال الأتيان بنص موازي !! ... و بالمناسبة زي ما قالوا الشباب ، قصيدة امين المنجورة كانت أفضل مية مرة من شغل الخواض !
السؤال هو : ليه الخواض لم يقبل التلاعب في نص من نصوصه و كاد ان يطق له عرق ؟!! ... يا بشري ياخ ، اقطع ليك جك ليمون ، و حاول شوف الأمر من زاوية تانية !!... ...
Quote: بعدين موضوع الهجاء دا أساسا في إطار تمومة شكلة اسفيرية في اطار محدود, لاهو عمل أدبي ولا ابداعي
غلط الهجاء شكل من أشكال الابداع مجرد الاشارة له ضمنا أو تلميحا يجعله عمل ابداعي تسري عليه قواعد النقد .. وبما ان الخواض شاعر فقد قصد العمل الابداعي وان لم يقصده ولا يعفيه من النقد أي مبرر .. لو كانت المسألة مجرد شكلة فكان عليه أن يشاكل بمفردات الشارع البسيطة الما فيها أية لمحة ابداعية شعرية .. الهجاء عند الشعراء والمنابيز عندنا نحن .
يا أمير طيب خليني اعيد النقطة الرئيسة في كلامي, متى ولماذا تحدث السرقة الادبية! لما تكون عايز تعمل عمل ابداعي وتنشره على نقادك وقراءك وتضيفه لقائمة انتاجك يعني بتسرق ليك حاجة تستاهل لإنتاج حاجة تستاهل. لكن مجرد هجاء الاسافير و شكله دا كلام ساي و حدّو ياهو البورد دا والبوستات دي و اراهنك لا حد ح يذكره او يسمع بيه خلال شهر او اتنين. بالنسبة للفظ تلاص, معنى عبارتي لازال فاليد, اقراها كالتالي: معرفة واستخدام الاستاذ للفظ يعني معرفته بالسرقة الادبية .. إلخ
تنظير .. مسّخت الغلاط وفقّدته معناه, ياخي الزول ما بغالط في اي حاجة وبلا فهم, لازم تكون في فكرة مركزية تبني عليها وإلّا ياهو ح يكون منظرك بايخ زي دا :)
موضوع البوست دا بإختصار هو قصيدة الخواض التي جادت بها قريحته حسب زعمه في هجاء الزميل حاتم تحديداً البيت دا : قُلْ للمقمِّل ذي القناع الأسودِ ما ذا فعلتَ بمعجبيكَ الخُلَّصِ
انا قلت البيت دا الخواض انتحله من قول الشاعر : قل للمليحة في الخمار الأسودِ ماذا فعلتِ بناسك متعبد !!
أها ... و كان الجزء دا الخواض و قال جادت به قريحته : ألبسوكَ دثار مدْحٍ، بجّلوكَ، وقرّظوكَ ، استغفلوكَ، دعوكَ نجمَ النتِّ، تاجَ النتّ، فخْرَ النتّ، شمْسَ النت، "صبّوا في دماكَ عصارةَ الكذب المخيفْ"
هم شايعوكَ، وعضّدوكَ، وناصروكَ، ودعَّموكَ، وصنّموك، وصفقوا، وترنّموا، وتفنّنوا
انا قلت الجزء الفوق دا الخواض انتحله من قصيدة البحر القديم للشاعر الراحل مصطفي سند و التي يقول فيها :
هم ألبسوك دثار خزّ ناعم الأسلاك
منغوم الحفيف
ودعوك تاج العزّ فخر العزّ مجد العزّ
شمس العزّ عزّ العزّ
صبّوا في دماك
عصارة الكذب المخيف
وأنا الذي حرق الحشاشة في هواك
... علماً بأن الخواض لم يقل انه أخذ من الشاعرين او اقتبس عنهما ، بل يقول جادت بها قريحته !! و هذا يعتبر انتحال و سرقة أدبية مخجلة !
ممكن اي زول يقارن بين العملين ، و بسهولة ممكن يتوصل لحقيقة انو العملوا الخواض دا هو انتحال و سرقة ! تجدر الاشارة الي ان تعريف الانتحال الأدبي ببساطة هو ان يأخذ الشخص عمل شخص آخر، يجري عليه بعض التعديلات و من ثم بنسبه لنفسه ! و هو يعتبر من انواع السرقات الأدبية و تحاكم عليه بعض القوانين الوضعية ناهيك عن المعايير الأخلاقية !! ... اكثر من ذلك ، انا اقول ان الخواص بإنتحاله للبحر القديم و تشويهها بهذه الطريقة المنفرة و النزول بها للحضيض ، يكون قد جنى علي الراحل مصطفي سند اولاً بإنتحال قصيدته و ثانياً التلاعب بها و تشويهها بصورة لا تليق ! ... اي زول عايز يلقي مخرج للخواص و القول ان ما قام به هو علي سبيل الدعابة او انه نوع من المجاراه او الاقتباس او التناص بقول ليهم معليش دي ما مرّاقات للخواض ! لانو المجاراه معروفة و انو انا بجاري فلان في قصيدته كذا و هب صنف من صنوف الإبداع برضو اما ناس الاقتباس ، بقول ليهم الاقتباس عندو ضوابطه و من ضمنها الاشارة للجزء المقتبس و تحديد من اين تم اقتباسه حفظاً للحق الأدبي لصاحبه ! اما البقولوا تناص ، فأرجو ان يراجعوا مفهوم التناص و ضوابطه !! اما حكاية انو مناوشات الأسافير لا تخضع للضوابط الأدبية ، فدا كلام غريب ! الخواض حينما كتب ما كتب كان جاد جداً و قد كتب عدة قصائد كما يسميها هو في هجاء حاتم و قد قالها صراحة انه سيستغل سلاح الشعر و هو مجاله و سيوظّفه في معركته ضد حاتم و قد سبق و ان اوردت عدة نماذج لتلك القصائد !! .... هذا هو ما أقوله بإختصار مع التأكيد علي بعض النقاط و الحقائق مرة اخري ! الخواض انتحل البيت الاول و لم يشر لصاحبه ! الخواض انتحل و شوّه البحر القديم و لم يشر كذلك لأي اقتباس او مجاراه ! الخواض إدّعي بصريح العبارة انو الكلام دا قد جادت به قريحته !! أيّ فذلكات او لولوه من الخواض او زمرته ، انا مستعد للتصدي ليها بالذات بتاعين التناص ! والله صحي !! ...
علي الاخ الخواض الإعتذار عن هذا الانتحال و ان يعتذر لنا و لمحبي الراحل مصطفي سند ! غير كدا الفورة مليون ... الفشار في و التسالي عندنا و خاتّين بنابرنا و قاعدين !
Quote: اما حكاية انو مناوشات الأسافير لا تخضع للضوابط الأدبية ، فدا كلام غريب ! الخواض حينما كتب ما كتب كان جاد جداً و قد كتب عدة قصائد كما يسميها هو في هجاء حاتم و قد قالها صراحة انه سيستغل سلاح الشعر و هو مجاله
يا أمير بوب جرجير الملقب بود البشرى دا سيبك منو بخرب البوست بالكواريك والشقلبة البعمل فيها دي وما بفهم ليك كلامك دا وبالكتير يغالطك ويطلعك اتا بتاع غلاط .
يا مخلوق أفهم الهجاء عمرو ما كان كلام ساي سواء في الأسافير أو حتي في جلابية .. الهجاء عمل ابداعي بتاع الشعراء .. المنابيز هي الكلام الساي .. حولاااااااااااااااااااااا
ما مشكلة يا امير ومن الأول قلت ليك رايي ما ح يعجبك البركة في لقب العمدة أسي كان ممكن يكون سمسار ساي ههه لكن عايز اضيف حاجة انا لا ادافع عن الاستاذ الخواض اوابرر له فهو الأقدر بالتأكيد على ذلك وانا قلت وجهة نظري التي أؤمن بصحتها و للامانة الدخّلني هنا سؤالي أعلاه و اتمنى ان ينتبه له الاستاذ بعد ان ينتهي ليك من موضوع البوست
أمّا تنظير فا الكعادة خالي موضوع و عايز يظهر ساكت :)
هههههههههههههه تنظير عايز يظهر واللا يغرق دا ما موضوع البوست ما هن دا انت مدفوس في أي زقاق في أية فجة بالبورد عايز تعمل شنو يعنى ؟؟ مش عشان تقول أنا عكليتة ؟؟ وتييييب ياخ .. السؤال : الهجاء كلام ساي وشكلة أسافير واللا عمل ابداعي يا ( عكليتة) ؟؟؟؟ خخخخخخخ
Quote: غايتو لو الخواض جا قال دا تناص و حاول يعملا مرّاقة فدا شيء متوقع ، بس يا ريت يقدر يقول في دفوعاته انو دا تناص ! عشان نفتح ليه بوست مخصوص عن ماهو التناص !!
أنا رأيي قلته، الموضوع كله يتعلق بالتدوير و المدعبة. في ناس نفسها عالية و ما بتستحمل أي مخاشنة. و أنتا يا بوب من الناس القاعدة تضحك مع كل مداخلة تكتبها (متخيلك كدة). أها ممكن الخواض يجي و يقول تناص أو أي مراقة تانية، عشان ينفس ليك الكورة. و انت في الاقتباس أعلاه بتقول ليهو، لو نفستها، ح نلعب بيها منفسة أو أحتمال نجيب كورة تانية (بوست عن التناص)!! 😁😁😁
عليه، يا خواض أوعك تجي هنا!! في ناس معاك لحدي كورة شراب أو دومة حتى. دي حفرة كبيرة Watch out...
تعرف كلامك صاح ! انا ذاتي قاعد استمتع بنوعية البوستات دي بجيب بنبري طوالي و كيس التسالي و الفشار و بتفرّغ ليها !! و بعرف متين العب خشن و متين لا ! ... انا مخصوص تطرقت لحتة التناص دي عشان أقص للخواض و أكتل ليه الدش في إيدو ! لانو دا آخر كرت ممكن يراهن عليه !
شفتا كيف نحن مكرّبين الشغلة !!
يا سيف النصر سلام صدّقني الزول دا لا نحيض ولا حاجة ! و حكاية القوسين السّغار ديل "صبّوا في دماكَ عصارةَ الكذب المخيفْ" ما بخارجوه !
انا منتبه ليهم !! و برضو الثغرات مقفّلة !! خليه يجي يقول انو تعمد وضع القوسين ديل كإشارة لاقتباس العبارة عشان افتح ليه بوست تالت عن كيفية و أسس الاقتباس طالما الراحل مهووس بالأكاديميا !!😜
و لو مشينا ليه حكاية القوسين ديل رغم انهم لا يعنو شيء ما لم تشير للموضع الذي اقتبست منه أها باقي الأبيات و الكلمات المنحولة و ما فيها أقواس حلها شنو !!
.... انا يا صاحبي راصد كل الاحتمالات و اللولوة المُحتملة و جاهز ليها !! من البداية قلت ليكم الزول دا وقع معاي و انا ميت بيه ... والله صحي !
ما عندو حل غير يجي يعتذر اي محاولة لولوة ... جاهزين ليها !!
كل الموضوع تلاعب و على ما اظن الخلاف بين الخواض و معاوية المدير بسبب تلاعب الاخير بقصائد الخواض ان جازت التسمية .. فتاة وادى السيلكون لود المدير شكل من اشكال هذا التلاعب على ما اظن الخواض لم يتهم ود المدير بسرقة قصائده انما اتهمه بالتلاعب بها و فى النهاية الحكاية فuن ...زى ما رسم اخونا عليش الكلمة ... داخل هذا الحوش
يا جلال سلام الوضع هنا مختلف ! حين يتلاعب ود المدير بقصائد الخواض كنوع من السخرية مثلاً فداك موضوع براهو ، لأنو الناس عارفين ديك قثيدة الخواض و انو ود المدير مثلاً او غيره بحاول ينتقدها بطريقته الخاصة او التريقة عليها عن طريقته الخاصة كما انو الخواض موجود و زي ما انت قلت زعل و حاول يتصدي لهذا التلاعب و الاستخفاف بشعيريته !
و قد ضربنا مثل بمحاولة امين بقصيدة الهنيهات او خفر الأناناس !
داك موضوع مختلف عن انتحال الخواض لقصيدة البحر القديم او بيت الشاعر التاني اولاً الخواض لم يكن ينتقد القصيدتين علي طريقته بالتلاعب فيهما ! او لأي غرض تاني مشابه الوضع هنا مختلف ، اولاً لانو اسياد القصائد دي ميتين و بالتالي لن يستطيعوا التصدي لمحاولات تشويهه او التصدي له كما فعل هو مع ود المدير و امين ! و الشيء التاني و المهم انو الخواض بعد ما انتحل القصيدتين و شوّه البحر القديم فأل انو المنتجين ديل مما جادت بها قريحته ! دا الفرق يا جلال !
سلام
Post: #52 Title: Re: اقبض حرامي !! Author: قسم الفضيل مضوي محمد Date: 09-19-2017, 03:32 PM Parent: #51
اها يا امير ... الاقتباس التحت دا ختاه "المشاء" كــــ "مرَّاقة" ... لو ما لحقت "جلدت المراقة " دي سرعة سرعة ، بكون خارج نفسه من الاسنافيك ...
Quote:
العلاقة بين نص شعري ونص آخر، سواء أكان شعريا أم لا يحددها "النقد"، وليس لصاحب النص ما يقوله، فالنص الشعري يدافع عن نفسه بنفسه في حدود ما تقول به مختلف المقاربات الشعرية. ما من شاعر يدافع عن نصه في ما يتعلق بالتناص القائم بينه وبين نصوص شعرية: وحده النقد يحدّد ذلك....
إذن النقاد هم من يتساجلون ، لا صاحب النص أي المؤلف الضمني...
يا فضيل و الله منا توقعت ، الراجل قافل علي حاجتين او مرّاقتين الاولي حكاية التناص دي ، و بالظبط كدا الراجل دا وقع لي في الآتو بتاعي !! و المراقة التانية قصة انتو العرّفكم شنو ! انتو ما نقّاد و النقّاد وحدهم الذين يتساجلون حول النصوص !!
معقولة بس ! ياخ هي وينا النصوص المفروض يتسلجلوا فيها النقاد دي !! ياها من نوعية أظهر و بان يا حاتم يا جبان !! دي هسع دايره ليها نقّاد و كمان يتساجلوا !! طيب اعتبرنا نقّاد جربندية ساي علي قدر تواضع هجاءك !! بعدين يا خينا شغلتك دي ما دايرا ليها نقّاد محترفين عشان يوضّحوا الانتحال الفيها و الله نقّاد الدنيا كلهم ما يلقوا ليك مرّاقة في عدم الاشارة للمصدر الذي لفحت منه !!
طيب يا خواض ما دام بتقول صاحب النّص او المؤلف ليس له ما يقوله ! عشان تزوغ من الموضوع طيب ليه طلبت مني افتح بوست علي شاكلة طالعني لو بتقدر ؟!!! يبدو انك لم تكن مقدّر الامر كويس ! اما إشارتك للتناص في محاولة للخروج كما كان متوقع ، فيا خينا لو فاكر العملتو انت دا تناص فواضح انك قاعد في السهلة ساي ... و ربما احتاج أفتّشك في الحتة دي !😜 ...
يا فضيل ، الخطة ب موجودة ! هنا اللعب ضاغط و مستعد أوصل مع الخواض لآخر مدي بما فيها عرض النموذجين علي أكبر النقاد الهنا و يورونا الشغل دا مجاراه و لا انتحال و لا سرقة رأسا عديييل ام هي تناص كنا يعتقد حطيئة المنبر ! و بعد داك بجيب التعليق هنا و نعمل ( فرش متاع) و اللي ما يشتري يتفرج !
دكتورنا الأمير أمير التناص دا مفهوم مركوز في النقد الأدبي، والقراءة الأدبية هي قراءة إشكالية لذا من الصعب الحديث فيها عن paraphrasing الذي يوقع في البلاقيارزم في حالة عدم الإشارة لصاحب الفكرة إعتقد أن الخواض من المتقنين لحرفة القراءة الأدبية لا سيما رؤية رولان بارت في النقد البنيوي ولاكان في مقارباته السيكلوحية للنقد البنيوي لو لاحظت المسألة دي كانت شائعة في تراث الغُنا في السودان أتمنى أن نستفيد من محاوراتكما وذلك لن يتأتي في جو التصعيد الحالي
استاذ سناري سلامات و شكراً ياخ لي مداخلتك الراقية ... كما تفضلت انت بالقول و انا اتفق معك انو التناص Intertextuality موجود كمفهوم منذ ان جات بيه جوليا كرستيفا بعني بالعلاقةالمتبادلة بين النصوص و تفاعل الأساليب و طبعا ليه أشكال و انواع ! و الانتحال plagiarism و السرقات الأدبية بأنواعها كمان موجودة ، مما دفع الفلسطيني عز الدين المناصرة في عام ٨٩ لاستحداث مصطلح التلاص في محاولة للتفريق بين المصطلحين ، اي مابين التأثير و التأثر بين نصّين و بين الانتحال و السرقة الأدبية !
انا اقول ان ما فعله الخواض في بداية القصيدة و ما فعله في البحر القديم لا يندرج تحت مفهوم التناص و انما هو نوع من الانتحال بتعريفه البسيط و هو ان يأخذ شخص انتاج شخص اخر و يقوم باجراء تعديلات عليه و من ثم نسبة هذا الانتاج لنفسه !! لانو الموضوع هنا طلع من حتة تشابه الفكرة او توارد الخواطر كما يمكن ان يحدث في التناص و انما هنا هو عمل تعمد فاعله علي أخذ منتوج زول تاني و قام بعمل تغييرات متعمدة عليه ليظهر الشكل الجديد و كأنه مما جادت به قريحته !
عموماً ، موضوع هجاء حاتم او غيره و بالمستوي المتواضع دا لا يحتاج لأي تناص او تلاص !! ...
سلام
Post: #57 Title: Re: اقبض حرامي !! Author: كمال عباس Date: 09-19-2017, 06:14 PM Parent: #56
أساليب أدبية الإقتباس - التضمين - التناص - الإستشهاد - و -" والمجارة" السرقة ! ليس كل إستلاف لفكرة أو معني أو تعبير نصي سرقة ! إذا إبتعدنا عن الكيد والتحامل والأحكام المسبقة والمجاملة والمناصرة والمعاداة وإذا كانت الحقيقة وحدها هي الغاية والنقد المجرد هو الوسيلة والهدف يمكننا حينها الوصول لأحكام موضوعية حول ماهية - الفعل الأدبي وتصنيفه !
التقييم والقيمة الأدبية والفنية - لما يكتب شاعر أو صاحب نص - ستظل دوما - في الغالب محل إختلاف ورأي ورأي آخر !
Post: #58 Title: Re: اقبض حرامي !! Author: محمد الأمين موسى Date: 09-19-2017, 06:53 PM Parent: #56
Quote: خليه يجي يقول انو تعمد وضع القوسين ديل كإشارة لاقتباس العبارة عشان افتح ليه بوست تالت عن كيفية و أسس الاقتباس طالما الراحل مهووس بالأكاديميا !!😜
و لو مشينا ليه حكاية القوسين ديل رغم انهم لا يعنو شيء ما لم تشير للموضع الذي اقتبست منه أها باقي الأبيات و الكلمات المنحولة و ما فيها أقواس حلها شنو !!
أخي العزيز أمير بوب، اعتقد أن إيراد النص داخل مزدوجتين هو الطريقة المتبعة في الاقتباس في مجال الشعر خلافا للبحث العلمي الذي يقتضي إيراد اسم المصدر أو المرجع المقتبس منه. وقد مررت بتجربة لها علاقة بالأمر أثناء إعدادي لرسالة الماجستير في بداية تسعينات القرن الماضي عندما وجدت قصيدة اقتبس صاحبها البيت الشهير: إن العيون التي في طرفها حور قتلننا ثم لم يحين قتلنا، فنسبت هذا البيت لشاعر القصيدة فصححني أستاذي المشرف الدكتور زكي الجابر رحمه الله رحمة واسعة، وقال لي إن هذا البيت لجرير والشاعر اقتبس هذا البيت.
طيب الفهمتو انا مت محاولات الخواض للمخارجة ، انو فتح بوست عن الشاعر مسكين الدارمي وأبياته قل للمليحة في الخمار الاسود ، و حاول يقول لينا انو عارف الشاعر و حتي بالأمارة جاب لينا صورة غلاف ديوانه من قوقل ! فكرة الخواض قايمة علي انو هناك كثيرين عارضو ابيات مسكين الدارمي ، في محاولة منه لتبرير فعلته ! و قد ذكر ان القاضي التنوخي قد عارض القصيدة !! و هذا كان ردّي له في ذلك البوست :
يا خواض سلام قلت كدا أحسن ؟ انا لم احتج عليك بعدم معرفتك بالقصيدة او بشاعرها حتي تحيبا لينا صوت و صورة و كمان غلاف الديوان !! القصيدة أشهر من نار علي علم ! و معروف انو القصيدة حينما قيلت ، فإنها انتشرت انتشاراً واسعاً و نالت الإعجاب ! مما دفع الكثير من الشعراء لمعارضتها و مجاراتها و ذلك بالنظم علي منوالها لإفتتان الناس بها و لكن حميع هؤلاء الشعراء كان دافعهم الإعجاب بنظم شاعرها و و حاولوا مجاراتها اعترافاً منهم بجودتها و حذاقة شاعرها ! حتي ظهر من نسج علي منوالها بقية الألوان فظهرت مقطوعات شعرية لطيفة تجاري القصيدة بباقي ألوان الخمار ، فظهرت قل للمليحة في الخمار الخمار الاحمر و الأخضر و المذهب و الأكحل و بقية الألوان !
لا ادري ماهي العلاقة بين الكلام دا و بين انتحالك للبيت و حشره في نص قصيدتك دون الاشارة إليه او الي شاعره !! ... يعني عايز تقول للناس انو ما انا برأي الاستخدمت البيت ، معاي القاضي التنوخي و ابن خلكان !! طيب العلاقة شنو ؟!!! ديلك قالوا يا سلاااام ياخ ، والله مسكين الدارمي دا كتب ليه قصيدة جميلة جدا بقول فيها قل للمليحة في الخمار الأسود و نحن لشدة اعجابنا بالقصيدة بتاعتو ، بنحاول نجاريهو فيها و ننسج قصايد علي منوالها !!
ديلك عملوا كدا ، لذلك لم يعب عليهم أحد شيء ، لانو المجاراة واردة !
لاكين يا صاحبي انت سكتم بكتم ، حبت بيت الراجل و انتحلتو بمعني غيرت فيه شوية و قلت جادت به قريحتك !! فرق كبير با خواض ! ارجو ان لا تستغبي القاريء !
..: الحتة التانية الإسنتند عليها الخواض في دفوعاته انو قال :
Quote: أين تكمن السرقة، خاصة أنني قد قمت بإدراج البيت الذي أخذته كاملاً بين مزدوجين ؟؟؟؟
تماماً كما كان متوقع و قد أشار لذلك دكتور سيف النصر و آخرون ! و برضو قلت ليه انو مشكلتنا ليست في البيت الذي أدرجته بين مزدوجتين !! يا خينا المشكلة في باقي الأبيات التي انتحلتها غير هذا البيت و مشكلتنا في بيت مسكين الدارمي الذي انتخبته ! مشكلتنا انك قلت القصيدة دي مما جادت به قريحتك !!
لذلك حينما قلت من قبل انو الخواض لم يشر الي الشاعرين و خاصة مصطفي سند ، كنت اعني ان المشكلة في الجزء المنحول و ليس للبيت المنقول بي ضبانتو و أدرجه الخواض علي إستحياء بين مزدوجتين !!
ماذا عن باقي القصيدة التي أُنتحلت و لم توضع بين مزدوجتين يا خواض !! ام أردت ان توحي القاريء ان البيت الموضوع بين مزدوجتين فقط هو المقتبس من شاعر آخر و انو باقي القصيدة مما جادت به قريحتك ؟!! كما ذكرت ... خليك من البيت دا ، فليس هو موضع الإتهام ركَّز لينا في باقي الأبيات المنتحلة من البحر القديم !!!
بعدين تاني بقول ليك ،هل هذا المستوي المتواضع من شعر الهجاء الذي كتبته من عينة قملوف و يا مقمّل و يا معفّن و اظهر و بان يا جبان هل يحتاج هذا الشعر المتواضع جداً لتناص مع مسكين الدارمي و مصطفي سند في آن واحد ؟؟؟
الإجابة عندي واضحة و الحكم متروك للقراء !!
ارجو ان لا تستغبانا يا خواض !
سلام
Post: #61 Title: Re: اقبض حرامي !! Author: حاتم إبراهيم Date: 09-20-2017, 04:16 AM Parent: #1
إذن لم يأت للرد هنا!! أخس من ضبع وأجبن من ابن عرس.
Quote: بداية، علينا أن نفهم الفرق بين السرقة الأدبية أو (ما يسميه البعض بـ"التلاص")، وبين التناص. فالأول إثم بشع، والثاني استلهام طيب. فلو قلّد أحدهم عظيما واتخذه قدوة لما غضب المقلد، بل غالب الظن أنه سيبتهج بذلك. أما لو انتحل أحد شخصيته، فإن سيستشيط غضبا، وعقابا! الاستلهام أو اتخاذ احدهم قدوة من الصعب اكتشافه، إلا إذا اعترف به صاحبه، أو اكتشفه أحد الراسخين في العلم! بينما الانتحال واضح وصريح ويعاقب عليه القانون. وعلى هذا قيسوا الفرق بين السرقة الأدبية/الانتحال الأدبي/التلاص، وبين التناص.
* * * * *
هنا، أتذكر ابن مالك صاحب الألفية الشهيرة، فقد كتبها مستلهما ومتأثرا بابن معطي الذي ألف قبل ذلك ألفية في النحو. وكان من أمانة ابن مالك ونبله أن أشار إلى ذلك في الألفية:
فطارت شهرتها في الآفاق وصارت مرجعا، وتفوق التلميذ على الأستاذ. والمحرك وراء ذلك هو توقد رغبة ابن مالك أن يكتب شيئا يضاهي ألفية ابن معطي ويتفوق عليها، وهذا مشروع بل محمود. مثل هذه الاستلهامات جائزة ولا تعيب فاعليها بل تقع في نطاق التناص، وهي تختلف حتما عن السرقة أو السطو الأدبي لكن علينا أن نفطن إلى أمر هام، وهو أن الإغراق في التقاطع بين الأفكار (ولو بألفاظ مختلفة) أمر مريب. وكلما زاد التقاطع، كلما زاد الاقتراب من التلاص. التناص في مفهومنا الأدبي النقدي؛ هو تقاطع بعض النصوص الأدبية (والفنّية) إلى حدّ أنّ نصّا، أو عملا فنِّياً/ يذكِّرُنا بآخر. وهذه حالة حادثة ومعروفة في الشعر، والقصة، والرواية، والسينما، والمسرح...
أمّا "التلاصُّ"، فهو أن يأخذ (أديبٌ) أو (فنّان) عمل غيره، ويُجري عليه بعض التعديلات البسيطة، ثم يدّعي أنّه عملُه، وهو يعلمُ أنّه، لم يبذل أيّ جهد إبداعي. بعضُ "التلاصّ" يسمّيه بعضُ المسرحيين "اقتباساً"، ويجْنون منه المال، والشهرة، ولا يطرف لهم جفنُ الحياء.
ويحدث في السينما العربية الأمر نفسُه، من دون أن يسمّي "المخرجُ" (عملَه) السينمائي، لا تناصّاً، ولا اقتباسا. ولقد رأينا أفلاما عربية مستنسخةً بشكل رديء عن أفلام أمريكية، ولا نعرف هل اشترى (المخرجُ المستنسخ حقوق الاستنساخ) أم (قام ـ بكلّ بساطة ـ بسرقة فنّية). "العنوان"؛ عنوان العمل الأدبي أو الفنّي، لا يمكنُ ـ بأيّ حال من الأحوال ـ أن يشكِّل دليلا على وقوع "التلاصّ"؛ إذ نجد أعمالا تحمل نفس العنوان، ولا علاقة بين مضامينها.
نجد في مئات آلاف (إن لم نقل الملايين) النصوص التي تتكلّم عن نفس "التيمة" أو الموضوع من دون أن يخطر ببالنا أيّ تناص. فالتيمة الأكثر شهرة، والأكثر استعمالا في مجالات الأدب والفنون، هي تيمة "الحب"، ومع أنها تُعنى بتلك العاطفة النبيلة الحادثة ـ في الغالب ـ بين رجل وامرأة، إلا أنّ المبدعين عالجوها بأشكال عديدة ومتنوعة جدّا؛ حتى أنّنا لا نملُ من قراءة مئات الروايات والأشعار ومشاهدة مئات الأفلام.
تيمات أخرى استأثرها المبدعون ومنها: الشجاعة، الغيرة القاتلة، المنفى، الأنانية المرضية،الأرض، الظلم، الجريمة، الانتقام، الموت، العنصرية، الشيخوخة، الفقر، الطموح... عند حدّ التيمة المشتركة، لا يمكن بأيّ حال التحدث عن "السرقة الأدبية".
تأتي "الفكرة" فكرة القصة، الرواية، القصيدة، الفيلم، المسرحية... وهي ـ عندما تُصاغُ وتُكتبُ بخط اليد أو الآلة ـ تشكّلُ وثيقة مرجعية حول العمل الأدبي أو الفني؛ مثال ذلك:[أخوان يقعان في غرام نفس الفتاة الجميلة الثرية، الأول ترقى اجتماعيا بطرق غير مشروعة، والثاني، التزم بالأخلاق النبيلة وعاش فقيرا...من منهما سيمتلك قلب الفتاة؟]
كثير من النصوص عالج هذه الفكرة بالذات، ومع ذلك، ظهرت للقراء والمشاهدين كأعمال رائعة أو جميلة أو جيِّدة؛ من دون أن تجعل الناقدَ يفكر في "التلاصّ"، أو تجعل المتلقي يشعر بأنها أعمال منقولة عن غيرها ، مكررة، ورخيصة. لذلك، نرى أنّ "الفكرة" المشتركة، لا يمكن الاعتماد عليها لتبرير حكم "السرقة الأدبية أو الفنية".
إنّنا نتفهّمُ "التقليد" الشبابي، ونحترمُه لأن التجربة بيّنتْ لنا أنّ "التلميذ" (بعد أن يشتدَّ عودُه، ويعرف نفسه، ويتحرّر من سلطة الأقدمين) قادرٌ على تجاوز "أستاذه"؛ مع حفظ قيمة أعمال الأساتذة.
يبقى "الأسلوب" الذي أساسُه، طريقة الكتابة وشكلُها؛ طول أو قصر الجملة، الاستطرادات، التقنيات السردية،القاموس اللغوي المعتمد... هل تشابه "الأسلوب" دليل على "السرقة الأدبية"؟
إنّ "الأسلوب" في نظرنا؛ هو "الهندام" الذي يتهندمُ به النص؛ مثل اللباس الذي يرتديه الشخص.
تعدّ السرقة الأدبية نوعاً من أنواع الجنايات التي لا تقل أهمية عن سرقة الأموال، فالأول يسرق الأفكار والثاني يسرق الأرزاق. فنجد في المجتمعات الغربية أنّ السرقة الأدبية تعتبر سرقة s,سواء أكانت للفكرة أو للنص. وتعتبر جريمة يعاقب عليها القانون. وقد تطال مشكلة السرقة الأدبية الناشر وحقوق المؤلف أيضاً. وحتى تصوير الكتب يعتبر في الدول المتحضرة سرقة. نجد في معجم الوسيط أن السرق هو (الأخذ من كلام الغير، وهو أخذ بعض المعنى أو بعض اللفظ سواءً أكان أخذ اللفظ بأسره والمعنى بأسره). وأجد نوعاً من السرقات الغريبة في عالمنا هذا حيث يعمد أصحاب المال والمناصب لدفع مبالغ مالية لبعض الطلاب الناشئين أو الكتّاب المغمورين لتأليف الكتب والأبحاث ونسبها لهم، وغالباً يكون صاحب المال غير عارفٍ أو عالمٍ بما يحوي بين دفتي الكتاب هذا مدفوع الثمن. وقد قسم النّقاد السرقات من حيث اللفظ والمعنى إلى ثلاثةِ أقسام هي : الرئيسية / منوعات أدبية / السرقة الأدبية السرقة الأدبية بواسطة: غادة الحلايقة - آخر تحديث: ١١:٠٦ ، ١٨ سبتمبر ٢٠١٤ ذات صلة كيفية كتابة نقد أدبي مفهوم النقد الأدبي تعدّ السرقة الأدبية نوعاً من أنواع الجنايات التي لا تقل أهمية عن سرقة الأموال، فالأول يسرق الأفكار والثاني يسرق الأرزاق. فنجد في المجتمعات الغربية أنّ السرقة الأدبية تعتبر سرقة s,سواء أكانت للفكرة أو للنص. وتعتبر جريمة يعاقب عليها القانون. وقد تطال مشكلة السرقة الأدبية الناشر وحقوق المؤلف أيضاً. وحتى تصوير الكتب يعتبر في الدول المتحضرة سرقة. نجد في معجم الوسيط أن السرق هو (الأخذ من كلام الغير، وهو أخذ بعض المعنى أو بعض اللفظ سواءً أكان أخذ اللفظ بأسره والمعنى بأسره). وأجد نوعاً من السرقات الغريبة في عالمنا هذا حيث يعمد أصحاب المال والمناصب لدفع مبالغ مالية لبعض الطلاب الناشئين أو الكتّاب المغمورين لتأليف الكتب والأبحاث ونسبها لهم، وغالباً يكون صاحب المال غير عارفٍ أو عالمٍ بما يحوي بين دفتي الكتاب هذا مدفوع الثمن. وقد قسم النّقاد السرقات من حيث اللفظ والمعنى إلى ثلاثةِ أقسام هي : 1- سرقة الألفاظ. 2- سرقة المعاني. 3- سرقة الألفاظ والمعاني. إنّ للسرقة الأدبية تاريخ قديم، فقد كان عند الشعراء العرب من يغربل كلامهم ويتعقبهم لرد المعاني لأصحابها السبّاقين السابقين في المعنى والفكرة. فيرى (الأعشى) أنّ السرقة هي عارٌ يصيب الشاعر حيث يقول: فكيف أنا وانتحالي القوافي............ بعد المشيب كفى ذاك عارا وأيضاً نجد السرقة الأدبية قديمة عند الرومان واليونان، حيث يعترف (هوراس) بتقليده لـ(اركيلوكس) و(اليكوس)، وأيضاً أشار إليها (أرسطو) باستخدام الشعراء النقل عن الأقدمين. نجد بعض الكتاب من يميلون لتبرير السرقة ونفيها إلى تسميتها توارد الخواطر، مستشهدين بحادثة (إبراهيم عبد القادر المازني) حيث ترجم رواية عن الروسية إلى اللغة العربية وأسماها (ابن الطبيعة) عام 1920، ليفاجأ هو نفسه عندما قام بطبع قصته (إبراهيم الكاتب) عام 1930 بتضمينها أربع أو خمس صفحات من الرواية الروسية ابن الطبيعة بالحرف والفاصلة والنقطة ذاتها، ليقول مذهولاً مما حصل بدون إرادة منه: "لعمق الأثر الذي تركته هذه الرواية في نفسي، فجرى بها القلم وأنا أحسبها لي". كثيراً ما نسمع عن سرقات أدبية واضحة اللفظ والمعنى والفكرة أيضاً، ولكن أغلب السرقات هي غير واضحة المعالم، أي بمعنى أدق يحمّل السارق عمله إبداعه الشخصي فقط في إعادة صياغة العبارات ونسبها إليه. ونظراً لوجود الانترنيت والمواقع الإلكترونية في العصر الحالي نجد السرقة أصبحت مشاعة بعيدة كل البعد عن حماية الملكية الفكرية وحق المؤلّف، وببعض عبارات تتردد هنا وهناك: "السارق على الفيس بوك كالوارث من أبيه". مهما اختلف شكل أو لون السرقة، تظلّ سرقة وكذباً، ولو برّر لها قبلاً أرسطو باعتبارها استعارة وعلى حدّ قوله: "الاستعارة هو من علامات العبقرية".
طيب ! مرّاقة التناص انتهينا منها ! بقت محاولة المخارجة التانية هي ادراج الخواض لعلامات التنصيص هنا
"صبّوا في دماكَ عصارةَ الكذب المخيفْ"
و محاولة الإيحاء بان هذا هو الموضع الوحيد الذي اتي به الخواض من البحر القديم و بالتالي بما انه ادرج علامتي التنصيص فلا حرج عليه !!
لا يا شفيف !! الانتحال موضع البحث ليس في هذا البيت وحده ! و انا لم اتطرّق له او لعلامتي تنصيصك ! انا قلت انو القصيدة كلها منتحلة !! و هي انك عملت خليط منتحل ما بين بيت مسكين الدارمي و انتحال لجزء من البحر القديم لمصطفى سند ! يعني سيبك من البيت دا :
"صبّوا في دماكَ عصارةَ الكذب المخيفْ"
تعال فسّر لينا الصدفة دي : قُلْ للمقمِّل ذي القناع الأسودِ = قل للمليحة في الخمار الأسود ! ثمّ ...
هم ألبسوكَ دثار مدْحٍ =. هم ألبسوك دثار خزّ ناعم الأسلاك
يعني علامات التنصيص الوضعتها علي إستحياء في البيت داك الجبتو بي ضبانتو ما تبرير لانو باقي الأبيات كلها منتحلة ! و هذا لا يعتبر تناص و لم تتم الاشارة الي انها محاراة للبحر القديم و لم تتم الإشارة للشاعر مصطفي سند ! أكثر من ذلك ، انك إدّعيت انها مما جادت به قريحتك !!
بالمناسبة ، مجرد القول ( جادت بها قريحتي) ! يكفي لنسف إحتمالية التناص او المجاراة ! او أي مخرج آمن آخر و يحيل الأمر برمته الي خانة الإنتحال مع سبق الإصرار و الترصّد !!
Post: #68 Title: Re: اقبض حرامي !! Author: عبدالغني محمد الحاج Date: 09-21-2017, 03:48 AM Parent: #67
Quote: المشرف : وقسما عظما لو ما سحبت انو انا مضطرب نفسيا دي سامارس حقي الطبيعي جدا في الكشف عن شخصيتك بواسطة مالك المنبر عشان اعرف منو ده ده الشخص "شخص" حالتي النفسية بالاضطراب ...
الشبح: يازول ما عندك أي مشكلة سحبتها واعتذر عنها علنا قدام النيس ديل، تمام؟
Post: #69 Title: Re: اقبض حرامي !! Author: mohmmed said ahmed Date: 09-21-2017, 07:44 AM Parent: #68
المدعو أمير بوب
أسامة الخواض الذي أعرفه غني بحلاله من الكتابة المطبوعة في كتب واصدارات دورية تكتنفها المهابة والجلال عن اقتراف حرام السرقة الادبية. وأما ماجادت به قريحته من الشعر الفكاهي في معرض ذمه للشبح المدعو حاتم ابراهيم فلايصنفه سرقة أدبية سوى جاهل حقود، بل يدخل في باب المجاراة الواسع الذي ليس بمقدورك اغلاقه.
لقد نسج اسامة فيما نظمه على منوال شعر معروف مسخراً قريضه في موضوع الشبح حاتم ابراهيم الذي فر من النزال في مضمار اللغة حيث تكشفت جهالته وبانت ركاكة العبارة عنده جلية للعيان. أي أن حاتم قد انقلبت عليه الدوائر وهاهو هذا يتجرع من الحواف المثلومة للكأس المسمومة التي كان يعدها للغير.
موجز الكلام: لامفر لك من التقدم لأسامة الخواض باعتذار عما أصابه من سفاهة قلمك العاطل عن الموهبة دفاعاً عن قلم الشبح حاتم العاطل هو الآخر عن الموهبة.
عثمان محمد صالح
Post: #70 Title: Re: اقبض حرامي !! Author: mohmmed said ahmed Date: 09-21-2017, 07:51 AM Parent: #69
طلب منى الصديق عثمان انزال مداخلته هذه
عن موضوع البوست اسامة يعرف ان قصيدة سند يعرفها العامة والكافة وهى علم على راسه لذلك فهو كتب مجاراة ولا يحتاج ان يقول غير ذلك
اتفق مع مضمون ما كتبه صديقى عثمان ولا اتفق معه فى وصف امير وحاتم بالعطالة عن الموهبة
Post: #72 Title: Re: اقبض حرامي !! Author: حاتم إبراهيم Date: 09-21-2017, 08:15 AM Parent: #1
Quote: وأما ماجادت به قريحته من الشعر الفكاهي في معرض ذمه للشبح المدعو حاتم ابراهيم فلايصنفه سرقة أدبية سوى جاهل حقود، بل يدخل في باب المجاراة الواسع الذي ليس بمقدورك اغلاقه.
لقد نسج اسامة فيما نظمه على منوال شعر معروف مسخراً قريضه في موضوع الشبح حاتم ابراهيم الذي فر من النزال في مضمار اللغة حيث تكشفت جهالته وبانت ركاكة العبارة عنده جلية للعيان. أي أن حاتم قد انقلبت عليه الدوائر وهاهو هذا يتجرع من الحواف المثلومة للكأس المسمومة التي كان يعدها للغير.
عان دا كمان يعني (الفكاهة) عندك قمل وفسو وضراط وكلام بذيء؟ بعدين تراني قاعد في البوست المعني، بس الريحة طاقة وما ظنيت الوضع حيعجبك بعد شوية، أهو الكيك طلع ما بشوف ذاتو
وشاعر القريض بتاعك خليهو يجي يدافع عن نفسه هنا أما العربي فدا ما قضيتك، خليهو للشايلنو مادة إجبارية في امتحان العروبة القسري. فتحتين وألف اثنين؟
=======
يا لاصوص سارقياسيس (يوناني الأصل) الضبع معروف بالخسة وابن عرس جبان دائماً ومرمي الله لسة في حالو.
انتو عثمان محمد صالح دا مش الزول النّبذ الرسول داك ؟!! انت يا زول بعد جدعوك بايظ تاني بتجي تتحاوم هنا مالك ؟! يا زول انا لا بعرفك لا داير أعرفك و لم اتداخل معك في حياتي ! كونك من المفتونين بالخواض ، فهذا لا يعطيك الحق ان تقل أدبك مع من يختلفون معك في التقييم ! ارجو ان تحترم نفسك شوية !! طبعاً ما غريبة انك تنبذني فأنت إنسان غير مؤاخذ ! عموماً شكراً ليك و لود باندية الجاب لينا قازوراتك في بطن البوست دا !!
Post: #76 Title: Re: اقبض حرامي !! Author: فيصل محمد خليل Date: 09-21-2017, 06:26 PM Parent: #75
هذه المشاركة وصلتني من الاخ عثمان محمد صالح في ايميلي. طلب مني ان انزلها في هذا البوست . (مجرد رسول )
أرجو ألّا يتبار الى أذهان القراء أن دفاعي عن أسامة الخواض هنا نابع من رضا وحفاوة بقصيدته التي هجا فيها الشبح المتربص في ############ات الأسفير فتلقفها ظهيره النكرة المدعو أمير بوب. لست حفياً بهذا الصنيع ولكن لاسبيل لإعادة عقارب الساعة الى الوراء وجعل القصيدة في حكم اللامكتوب. آمل ألّا يكرر أسامة الخواض هذه التجربة المؤسفة التي قام فيها بتسخير الشعر مطيّة بخستْ قيمته وخفضتْ قامته في معرض الرد على كيد المدعو حاتم ابراهيم الذي هو أشبه مايكون بإناء فارغ ومن المعلوم أن الفوارغ من الأنية هي الأقدر من غيرها على إحداث الضجيج. ليس للأشباح يكتبُ الشعر يا أسامة الخواض!.
Post: #78 Title: Re: اقبض حرامي !! Author: فيصل محمد خليل Date: 09-22-2017, 07:08 AM Parent: #77
و عليكم السلام بوب ايميل وصل من الاخ عثمان محمد صالح
القول الفصل في ملهاة الشبح الثرثار حاتم ابراهيم
لا أحفل بشأن المدعو أمير بوب ولا أكترث لما يتحفنا به قلمه من فريد الدرر ذلك أن الرجل " ضنب"- وما أكثر "الأذناب" - للشبح حاتم وظِلٌ تابع يسير حيث يسير، أي أنه صاحب قلم مخلص في تبعيته يستمد سبب وجوده وقوام كينونته واكسير حياته المنبرية من دوره الرخيص كضارب للدف من العيار الثقيل في هيلمانة الشبح الثرثار في الفارغة والمقدودة.
أما المدعو حاتم ابراهيم مصدّع الأدمغة بمايثيره من ضجيج فأطلب ممن يلهجون بالثناء عليه ليل نهار أن يحترموا عقولهم أولاً وعقولنا في الضفة المقابلة ثانياً بأن يبيّنوا مالهذا الشبح من مساهمات وضيئة تمثل علامة فارقة وإضافة معرفية أصلية ستبقى أبدّ الدهر بعد أن تفنى الجسوم وماهم بفاعلين.
Quote: لا أحفل بشأن المدعو أمير بوب ولا أكترث لما يتحفنا به قلمه من فريد الدرر ذلك أن الرجل " ضنب"- وما أكثر "الأذناب"
عثمان محمد صالح ، الرجل المثير للشفقة ! يا اخوي لا تحفل بما اكتب كيف يعني ! و انت ساكن في البوست و معيّن ليك اتنين ( مراسلات) ! بعدين انت اخر من يتكلم عن التبعية لانك من عرفناك شايل دلوكتك و تشكّر في الرجال ! و منصّب نفسك كلب حراسة للدفاع عن الموصلي و الان تُمارس نفس الحركة البايخة دي بمحاولة التصدّي لكل من يتعرّض للخواض ! لو عندك مشكلة و تصفية حسابات مع حاتم ، امشي حلها بعيد بعيد و دون اقحام اسمي في الأمر !
ارجو ان تحترم نفسك و تبطّل الهرجلة البتعمل فيها دي ! لانو مافي شيء ضيّعنا في البلد دي غير الوهمات و تبادل الألقاب دون استحقاق من عينك يا أديب و يا شفيف و يا ... .... ارجو ان تحافظ علي ما تبقي من ماء وجهك حتي لا تأتينا ذات يوم و ليس في وجهك مزعة لحم !!
