محجوز للمعترضين على عمر دفع الله وكاريكاتير الطهور😀

01:49 PM September, 15 2017

سودانيز اون لاين
muntasir-
مكتبتى
رابط مختصر

وكدة

بقي أسمو الطهور
مع الادب هو الولاده القيصريه !!!#

سلام منتصر غايتو حكاية الطهور دى ما واردة امكن ولادة والله أعلم وامكن
ميلاد عهد جديد فيه منتصر يتبع الحزب الجديد بعد الانشقاق
وهو المؤتمر الوطنى ولا شنو يا .... ؟

غايتو عمر مرات عوير عوارة!

الغريبة قبل يومين فاتح بوست عن الفنان المرحوم عز الدين
الظاهر زى ما ناس الانقاذ سرقو السودان
عمر سرق فن الكاركتير
___
المعلومة المبذولة فى سجم الرماد ده تقول ان المفاصلة تمت
بموجب العقوبات و المعلومة دى غلط

😀😀😀

عمر دفع الله وبكري ابوبكر اول حاجة عملوا تيستا...
نشروا الموضوع فى بوسط وسط الزحمة...
لما الموضوع مشي من غير اعتراض

ملصو بنطلون البشير فوق تربيزة المنبر..

منتصر دى مداخلة منفصلة للتحية سائلين منك والله..

اوووووووووووووووووووع ...
.
.
.
ريشة هذا (الفنان) تنضح قبحا ...
.
.
.

الجمال متغير بين الحين والاخر أما القبح فغالبا ما يكون راسخا في النفوس.


دوغلاس هورتون

غايتو عمر مرات عوير عوارة!


مرات بس ،،،، دا طوالي كدا
وقدُر ما قٌلنا لي ما داير يخلي الهبل والسخف البسوي فيهو دا

يا عمر ،،، والله البتسوي فيهو دا لا يمُت للفن بِصِلَّة
يا أخي الله يهديك ياخ ،،، أرحمنا الله يرحم والديك
شخابيطك الوقحة دي تُقلل من التعاطُف مع رأيك حتى لو جانبك الصواب
أنا لست مؤيد لنظام البشير وسياسته
ولكن أدب الحوار والإقناع يتطلب توخي الأدب في النقد مُراعاة أدب الحوار

عمر ،،،، أرحمنا ياخ
وعليك الله شوف ليك شغلة تانية غير الرسم دي

صراحة تم تجاوز كل الخطوط في الكاريكاتير ده
يعني كان ممكن يوصل الفكرة بدون إسفاف
قمة الإنحطاط

كدى خليكم من فن عمر دفع الله اها انتوا رأيكم شنو فى البشير وانقاذه ؟
تخريمة
طبعا عمر دفع الله ما بفتش البشير وإنقاذه ،بفتش الناس التى تؤيد عفن الانقاذ امثالكم وعاملين فيها وطنيين وما في ليكم
طريقة تظهروا الا من خلال رسوم عمر الاستفزازية
فشكرا لك عمر دفع الله لقد فضحت أمر المحسوبين على الانقاذ

سلام يامنتصر مبرووك فتحت. بوست غايتوا لياقتك. فل وجاهز ( المنجم) الغلب الجماعة 😂😂😂😂😂

أنا من الذين يحترمون عمر دفع الله..
وأعتقد أن رسوماته هى الاكثر تعبيرا من كثير من البوستات...
ولكن..
هذا الكاريكاتير الموجود أعلى الصفحة منذ الامس..
يثير اشمئزازى ..
و أكاد أتقيأ كلما لمحته غصبا عنى..
فهذه وساخة..
وقرف...
وتهريج..
وخروج عن كل الاعراف التى تستخدم للنقد..
فهذا الرسم قد هوى بعمر دفع الله الى القاع...
وهوى معه أعجابنا به..
للاسف الشديد..

سلام الاخت المحترمة نور وكل سنة وانت طيبة عليك يا نور رسم عمر دا
مش احسن من وسخ الانقاذ
تحياتى
يا غالية
صديق مهدى على

الآخ الفاضل صديق مهدى...
و أنت بألف خير و عافية..

وسخ الآنقاذ ليس هناك ما يقارنه على الاطلاق..
لذلك عشمنا فى الاخ عمر دفع الله أن لا ينزل الى مستواهم..
لآن مستواهم ليس له قاع..

شكرا استاذة نور والله كلنا تشابه علينا البقر وأصبحنا كلنا ضد ارضنا وأهلنا
البسطاء فقد تفرقت بهم السبل وأصبحوا لا قوة لهم ولا حيلة ونحن هنا
نسى لبعضنا فى ابسط شئ ونشجع البوستات الانصرافية وأهلنا يموتون

في مفاصلة غير مفاصلة الاسلامويين .. مفاصلة رمضان ..؟
لو سلمنا جدل تم فصلهم بواسطة امريكا والمملكة بس ما في عهد ترامب وسلمان ..
بعدين العهر السياسي صحي انفصل من البدلة العسكرية في المفاصلة ..؟؟؟
ول المقصود مفاصلة جديدة ..
دا لو حاولنا نفهم ونناقش الكاريكاتير ..




تحياتي منتصر وكل المتداخلين ..





.

كاريكاتير يتجاوز السفه ويلامس الانحطاط الفكرى والاخلاقى
ويضرب بعرض الحائط كل ماهو جميل ومحفوظ من التادب
والسلوك القويم بين الناس عند الخلاف.

معليش يا منتصر
انا جيت للمستنير دا وبس ..

ايها الكافر ابن عباس
انا يا عزيزي لا اقبل منك كلام يكون اقلّ من مستواك الفكرى
وانت سيد المستنيرين ... يعنى كلمة ( عوارة ) دي ما بتجيب تمنها
علية يا المستنير فإما ان تتحفنا بنقد من بيت الكلاوي او تخوض مع الخائضين
في الشتائم المجانية ومافي مشكلة تب وحاتك
.... ياخى قول :
منحط
سافل
حقير
وضيع
ما نحنا في مركب سوا
نفس الكلام البجرحك
يرتد على جُرحك دوا
تلقاهو مرّة على الارض
ومرّة منثور في الهوا
والقلم ما بزيل بلم
لكن وحاتك يالحبيب
نفس القلم
تلقاهو يرسم بالالم
في جبهة الزمن السجم
في غفلة الفهم الرّحل
في قبضة الجو الكتم
-------------------------------
قالت بنفسجة لجارتها عطشت
وكان عبدالله يسقيني ....................