المنظمتين ديل يحلوا مشاكلهم البيناتهم بالأول قبل يتصدوا لحل مشاكل السودان.. كل ما حل بالسودان سببه هذين الحزبين.. وعسى كل واحد مقنطر للتانى.. كل واحد منهم صاريلو راى وقاعد فوقو منتظرين يستلموا السلطة عشان يبدوا التناحر من جديد. الحزبين ديل إما يتصالحوا او يغوروا الإتنين.
Post: #6 Title: Re: إتفاقية بين الكيزان والشيوعيين (نص الإتفا Author: Salah Zubeir Date: 09-10-2017, 08:02 PM Parent: #5
الإسلام السياسي هو إستغلال لعقيدة الإسلام لنحقيق طموحات سياسية ..... الشيوعية عقيدة إستغلال الجماهير (عمال , مزارعين , موظفيين ,,, إلخ) لتحقيق طموحات سياسية ... هاتين الآفتين ما دخلو بلد إلا تركوه ركام ,,,,,نسأل الله أن يهلكهم قبل أن يهلكونا ,,,,,
Post: #7 Title: Re: إتفاقية بين الكيزان والشيوعيين (نص الإتفا Author: علي دفع الله Date: 09-10-2017, 08:04 PM Parent: #6
دا رأيك ولا رأي حزبك يا سيف !!!
Post: #8 Title: Re: إتفاقية بين الكيزان والشيوعيين (نص الإتفا Author: سيف اليزل سعد عمر Date: 09-10-2017, 08:17 PM Parent: #7
سلام على دفع الله أنا هنا بكتب بإسمى وبعبر عن رأي الشخصي.
بعدين المكتوب فى المداخلات الفوق دى خبر ما رأي.
الكيزان إجتمعوا مع الشيوعيين ده الخبر.
Post: #9 Title: Re: إتفاقية بين الكيزان والشيوعيين (نص الإتفا Author: سيف اليزل سعد عمر Date: 09-10-2017, 08:21 PM Parent: #8
Quote: اللهم أجعله خير .
اللهم آمين يا نعمات..واجعل فى كل حركة بركة..
هرمنا...
Post: #10 Title: Re: إتفاقية بين الكيزان والشيوعيين (نص الإتفا Author: سيف اليزل سعد عمر Date: 09-10-2017, 08:24 PM Parent: #9
Quote: المنظمتين ديل يحلوا مشاكلهم البيناتهم بالأول قبل يتصدوا لحل مشاكل السودان
إحتمال دى ضربت البداية يا ابوريش.. ربما ينعكس ذلك ايضا بصورة إيجابية على البورد.. ويكون الاخوة الاعداء أحبة...ويعم السلام ربوع البلاد..
Post: #11 Title: Re: إتفاقية بين الكيزان والشيوعيين (نص الإتفا Author: سيف اليزل سعد عمر Date: 09-10-2017, 08:28 PM Parent: #10
Quote: الإسلام السياسي هو إستغلال لعقيدة الإسلام لنحقيق طموحات سياسية
صلاح الزبير
الايام دى على الحاج وحزبه طالعين ليهم فى كفر إسمه (الحريات) لو سألوهم قالوا ليهم قاصدين شنو بكلمة الحريات دى ما بتلقى عندهم اجابة...
Post: #12 Title: Re: إتفاقية بين الكيزان والشيوعيين (نص الإتفا Author: جمال ود القوز Date: 09-10-2017, 08:33 PM Parent: #9
اتفاق الشيوعيين مع الاسلام السياسي ..!! .. بنيان على جرف هارٍ .. سينهار من أول مطره .. الاتنين بيضحكوا على بعض .. مافي زول حيصدقهم .. ولا هم ذااتم حيصدقوا نفسهم .. اخير يشوفوا ليهم شغلة يقضوها .. منتهى اليأس والقنـوط ..
Post: #13 Title: Re: إتفاقية بين الكيزان والشيوعيين (نص الإتفا Author: Salah Zubeir Date: 09-10-2017, 09:08 PM Parent: #12
Quote: ويكون الاخوة الاعداء أحبة...ويعم السلام ربوع البلاد..
تحيه ومحبه يا سيف وإن تأخرت .... أها والبشير بيكون قاعد ولا الراي شنو .... غايتو لو اصالحو هنا حا نضحك جنس ضحك ... طبعا" اول شي الشيوعيين حا يصرفو لي ود الباوقه اسم موازي للطوربيد ... مثلا" طورنيدو ... وتعال شوف ونسة الطورنيدو مع الطوربيد ... الطوربيد ينادي الطورنيدو بي يا شيخ والطورنيدو ينادي الطوربيد بي يا رفيق وهاك يا الشمار ..... كاااااااااك
Post: #14 Title: Re: إتفاقية بين الكيزان والشيوعيين (نص الإتفا Author: سيف اليزل سعد عمر Date: 09-10-2017, 09:53 PM Parent: #13
Quote: الاتنين بيضحكوا على بعض ..
اليضحكوا على بعض لكن ما كان محتاجة ليها إمضاءات..
Post: #15 Title: Re: إتفاقية بين الكيزان والشيوعيين (نص الإتفا Author: جمال ود القوز Date: 09-10-2017, 10:12 PM Parent: #14
Quote: اليضحكوا على بعض لكن ما كان محتاجة ليها إمضاءات..
ده اسمه خراب الموت بالرفسي .. والاتنين ماتوا وشبعوا موت .. فلا تستكثر على الميت شوية رفسي .. (تُقرأ شوية توقيعات لا راحت ولا جات ) ..
Post: #16 Title: Re: إتفاقية بين الكيزان والشيوعيين (نص الإتفا Author: جمال ود القوز Date: 09-10-2017, 10:18 PM Parent: #15
أوعك تقول لي ياسيف المناسبة شنو !! .. بزعل منكـ والله ..
Post: #17 Title: Re: إتفاقية بين الكيزان والشيوعيين (نص الإتفا Author: سيف اليزل سعد عمر Date: 09-10-2017, 10:33 PM Parent: #16
Quote: وتعال شوف ونسة الطورنيدو مع الطوربيد ...
مساء الخير يا صلاح غايتو لو حصلت معجزة ولينين قام من تربتو وحصلت كرامة وحسن البنا قام من قبره..
والاثنين وقعوا اتفاقية تفاهم بشهادة ترامب
الطوربيد وود الباوقة ما أظن يتصالحوا....
ملحوظة: ود الباوقة ما كوز لكنه مؤتمر لاوطنى ودى عينة براها فى الكيزان..
Post: #18 Title: Re: إتفاقية بين الكيزان والشيوعيين (نص الإتفا Author: كمال عباس Date: 09-10-2017, 10:44 PM Parent: #16
سلام اخ سيف البزل ماشايف. اَي اتفاق !! دي عموميات. معظم ناس المعارضة متفقين عليها. وهي بالنسبة تنسف أسس حوار الوثبة وتكشف عبثية. مشاركة الموتمر الشعبي. في الحكومة وهذه العموميات. أيضا تأتي ضربا ونقدا واختلافان مع الحكومة والمؤتمر الوطني !! من ناحية ثانية فان حزب الموتمر. السوداني. سيق ان اتفق مع الكيزان ديل ووقع معهم وثيقة قوي الاجماع وتحالف معهم ضد الحكومة! علما بان ما ورد في البيان أعلاه هو اتفاق علي. بديهيات وعلي المعلوم بالضرورة لا تحالف جديد !! •• في رأي انو علي الحاج عاوز يضغط علي الحكومة ويووضخ انو ممكن يرجع للمعارضة في لحظة وانو مافي خصومة. حتي مع الشيوعيين وانو في نقاط توافق مع المعارضة وان تلاعب الحكومة بأطراف حوار الوثبة يمكن يودي لخروجهم من الحكومة والحزب الشيوعي يثبت ان العموميات التي بصم عليها علي الحاج هي خط الحزب. الشيوعي وخط المعارضة المنظمة. وان اللقاء. يأتي. خصما علي الحكومة وحوار الوثبة وباختصار لا جديد في الامر مجرد تكتيكات وحراك سياسي محدود وتثبيت علي بديهيات ولكن الموتمر الشعبي متقلب ولاينكن الوثوق به ولايجب التفكير في إعادته لقوي الاجماع بس يمكن محاولة ضرب الحكومة به لا اكثر
Post: #19 Title: Re: إتفاقية بين الكيزان والشيوعيين (نص الإتفا Author: سيف اليزل سعد عمر Date: 09-10-2017, 11:05 PM Parent: #18
مرحب يا كمال عباس لو فى كلمة داير امسحها من قاموس السياسة السودانية هي كلمة (تكتيكات) دى..لانها شكلها كدى بتتعدى على القيم والمبادئ التى يؤمن بيها الحزب.كلمات تكيتكات دى محلها العسكرية..والامثلة كثيرة لتحالفات و (تكتيكات) للاسف كلها فاشلة من جانب القوى المعارضة ومن جانب الانقاذ أيضا..
إذا اساسا مافى جديد فى الامر لزمو شنو مقابلة زى دى ومعاها كمان مذكرة تفاهم اذا اقتنعنا انها ما إتفاقية...؟؟
ليه بندوس بكرعينا على قضايا جوهرية مثل قضايا وقف الحرب والحريات اذا مقتنعين ان لا جديد هناك؟
قوى الاجماع ما مسؤول منها المؤتمر السودانى . والمسكين (المؤتمر السودانى) زاتو ناس قوى الاجماع طردوه منها...وقوى الاجماع دي فيها الشيوعيبن والبعثين وغيرهم..
تاريخ الشيوعيين انصع من ان يلطخ بوريقة لا معنى لها...
للأسف الكوز على الحاج اخد منكم ثلاث نقاط غالية لصالح المؤتمر اللاوطنى يا كمال..المؤتمر الشعبي يسعى للنفاذ بجلده من جرائم الانقاذ ومستعد يتحالف مع الشيطان...
Post: #20 Title: Re: إتفاقية بين الكيزان والشيوعيين (نص الإتفا Author: صديق مهدى على Date: 09-10-2017, 11:05 PM Parent: #18
سلام سيف دى تسمى تحالفات ههههه وبعدين ياخ انت مالك ومالهم بضروك بشئ ؟؟
Post: #21 Title: Re: إتفاقية بين الكيزان والشيوعيين (نص الإتفا Author: سيف اليزل سعد عمر Date: 09-10-2017, 11:11 PM Parent: #20
Quote: سلام سيف دى تسمى تحالفات ههههه وبعدين ياخ انت مالك ومالهم بضروك بشئ ؟؟
(التحالف والمودة) يا حبيبى تعال نبدأ...
مساء الخيرات يا صديق..
Post: #22 Title: Re: إتفاقية بين الكيزان والشيوعيين (نص الإتفا Author: كمال عباس Date: 09-10-2017, 11:29 PM Parent: #21
سلام أخ سيف اليزل ( للأسف الكوز على الحاج اخد منكم ثلاث نقاط غالية لصالح المؤتمر اللاوطنى يا كمال..المؤتمر الشعبي يسعى للنفاذ بجلده من جرائم الانقاذ ومستعد يتحالف مع الشيطان...)
كمال لاينتمي لأي حزب - ففضلا لاتنسبني لأي حزب !! من ناحية أخري فإن حزب المؤتمر السوداني سبق أن تحالف مع المؤتمر الشعبي ووقع إتفاق قوي الإحماع معه ومع غيره -- قوي الإجماع بتحالفاتها ومواثيقها ومواقفها تعبر وتمثل المؤتمر السوداني حتي لحظة خروجه منها وماتلي ذلك لايمثله ! * محصلة بيان الشعبي والشيوعي ومن الرابح ومن الخاسر وهل تضيف أو تخصم فهذه قضية خاضعة للنقاش بل وجدوي اللقاء نفسه يجب أن يوضع في الميزان ! . ......
Post: #23 Title: Re: إتفاقية بين الكيزان والشيوعيين (نص الإتفا Author: قصي محمد عبدالله Date: 09-11-2017, 05:17 AM Parent: #22
لا علاقة للكيزان بالاتفاقية.. الكيزان مقصود بهم المؤتمر الوطني... حتى الشعبي يبحث عن اتفاقية مع الكيزان.... ... و الشعبي والشيوعي كلاهما يبحث عن زحزحة الكيزان..... ....
Post: #24 Title: Re: إتفاقية بين الكيزان والشيوعيين (نص الإتفا Author: سيف اليزل سعد عمر Date: 09-11-2017, 05:23 AM Parent: #22
صباح الخير
عفوا يا كمال ان نسبتك للحزب الشيوعى..
المؤتمر السودانى لم يوقع إتفاق مع الكيزان بل مع قوي الإجماع من بينها الشيوعيين..وبعداك تم طرده من قوى الاجماع
قدامك مذكرة تفاهم لم يجف حبرها بين الكوز على الحاج والشيوعي صديق يوسف..وهذه هى القضية المطروحة للنقاش كما تفضلت.
Post: #25 Title: Re: إتفاقية بين الكيزان والشيوعيين (نص الإتفا Author: سيف اليزل سعد عمر Date: 09-11-2017, 05:25 AM Parent: #24
Quote: بزعل منكـ والله ..
الله لا جاب الزعل يا جمال شكرا على الاهداء..
Post: #26 Title: Re: إتفاقية بين الكيزان والشيوعيين (نص الإتفا Author: سيف اليزل سعد عمر Date: 09-11-2017, 05:36 AM Parent: #25
Quote: الكيزان مقصود بهم المؤتمر الوطني...
يا قصي مصطلح كيزان ده أطلق على جماعة على الحاج ديل من قبل تكوين ما يسمى بالمؤتمر الوطنى..لكن برضو ناس المؤتمر اللاوطنى برضهم كيزان.
Post: #27 Title: Re: إتفاقية بين الكيزان والشيوعيين (نص الإتفا Author: حيدر حسن ميرغني Date: 09-11-2017, 06:51 AM Parent: #26
عادي جدا يجتمعوا في شان وطني ليس حكرا على احد ديل هلال مريخ السياسة في بلدنا رضينا ام ابينا
Post: #29 Title: Re: إتفاقية بين الكيزان والشيوعيين (نص الإتفا Author: سيف اليزل سعد عمر Date: 09-11-2017, 09:20 AM Parent: #27
Quote: شان وطني ليس حكرا على احد
نعم يا حيدر الشأن الوطنى ليس حكرا على اى أحد أو حزب أو حركة. ولابد أن تحكمه مبادئ وطن يسع الجميع. على الكيزان والشيوعيين أن يقتنعوا بذلك. ننسي الماضي ونمشي لقدام
Post: #28 Title: Re: إتفاقية بين الكيزان والشيوعيين (نص الإتفا Author: عماد الدين الطيب عمر Date: 09-11-2017, 09:16 AM Parent: #1
حبيبنا سيف الكوز علي الحاج بتاع المؤتمر الشعبي ديل موش كانوا كلهم مؤتمر وطني قبل ما البشير و جماعته يقوموا عليهم في 2004م و لا انا غلطان ؟
Post: #30 Title: Re: إتفاقية بين الكيزان والشيوعيين (نص الإتفا Author: سيف اليزل سعد عمر Date: 09-11-2017, 04:47 PM Parent: #28
الكوز على الحاج يقدم تقريره لقائد إنقلاب الجبهة القومية اللإسلامية...
