شباب و شابات قاموا بانشاء هذا القروب و الذي اعتبره واحد من اقيم القروبات على الفيسبوك جمعوا من خلاله من ظنا الا تلاقيا
لا اطيل و سأترك الحالات التي حظيت بالالتقاء بمفقوديها تتحدث
Post: #2 Title: Re: قروب بسأل من زول على الفيسبوك واحد من اعظم Author: امجد الجميعابى Date: 09-09-2017, 08:43 PM Parent: #1
Post: #3 Title: Re: قروب بسأل من زول على الفيسبوك واحد من اعظم Author: امجد الجميعابى Date: 09-09-2017, 08:45 PM Parent: #2
Post: #4 Title: Re: قروب بسأل من زول على الفيسبوك واحد من اعظم Author: امجد الجميعابى Date: 09-09-2017, 08:46 PM Parent: #3
Post: #5 Title: Re: قروب بسأل من زول على الفيسبوك واحد من اعظم Author: امجد الجميعابى Date: 09-09-2017, 08:47 PM Parent: #4
Post: #6 Title: Re: قروب بسأل من زول على الفيسبوك واحد من اعظم Author: امجد الجميعابى Date: 09-09-2017, 08:49 PM Parent: #5
دي حالة اجتمعت اليوم بعد فراق ثلاثين عاما
Quote: السبت 9 / 9 / 2017 م حالة لقاء الآم والاخترقم ( 1255 ) ____________________قال تعالى ( والذين يصلون ما أمر الله به أن يوصل ويخشون ربهم ويخافون سوء الحساب )ثلاثون عام مرت بفصولها وأحداثها ولم تئن عزيمة عمار عبد الله الشريف محمد ، من البحث عن الآم المربية / سميرة عبد الهادي احمد ، والاخت المحمولة بين الأحشاء ذات الاربعة أشهر ، تلك المراة النبيلة التي منحته الرعاية والاهتمام كانت نعم الآم بعد فقد الآم التي اختارها جوار الرحمان إليه ، رحلة البحث لم تبدأ من هنا بل كانت عبر سنين خلت طرق كل الابواب ولكن كثير من ظروف وقفت حاجز ثم بدأت رحلة آخرى بتاريخ 24 / 6 / 2017 م - من خلال مجموعة بسأل - من - زول .هذه السيدة الكريمة غرست فيه معنى الوفاء وعمره عامين رغم قصر الفترة التي كانت إلا ان رحلة الحنين لحضن الآم تظل علامة فارغة ، تزين بالصبر ورد الجميل وكانت القلوب هنا أصفى من ينابيع الماء لحظة نشر البوست تفاعل الجميع وكانوا نعم السند تعاظم التآخي بينهم في عملية البحث وما فتيوا ، كان الأمل مشرع وحق فيهم قول الحسن البصري ( لأن أقضي لأخ من أخواني حاجة احب إلى من ان أصلي ألف ركعة ) .من اغلب مدن السودان كانت أشارات البحث تمضي ولكن قطعت المقيمة بأسكتلندا الاخت / اخلاص حامد ، من ساعات وكان الابن / فتح الرحمن احمد وآخرون حلقة وصل ولقاء قادوا جهد مبذول حتى لم الشمل وما اجمل هذا اللقاء الصوتي بين جدة والخرطوم مكالمة مطولة تمت بين عمار والآم سميرة اعقبتها مكالمة من الادارة مع الاخ عمار ، الكلمات كانت تخرج قدر المستطاع لان الدموع تتساقط فرحا ووفاء ، كم كانت هذا اللحظات جميلة تخللتها دموع مسكوبة بطعم الفرح وما أروع بر الأرحام .الشكر لكم جميعا أينما كنتم وأجمل العبارات مختزلة بالدعاء لكم ان يجعل جمعكم هذا جمع خير وفرح وسرور .(يَا أَيُّهَا النَّاسُ أَفْشُوا السَّلامَ، وَأَطْعِمُوا الطَّعَامَ، وَصِلُوا الأَرْحَامَ، وَصَلُّوا بِاللَّيْلِ وَالنَّاسُ نِيَامٌ، تَدْخُلُوا الْجَنَّةَ بِسَلامٍ )
Post: #7 Title: Re: قروب بسأل من زول على الفيسبوك واحد من اعظم Author: امجد الجميعابى Date: 09-09-2017, 08:54 PM Parent: #6
Post: #8 Title: Re: قروب بسأل من زول على الفيسبوك واحد من اعظم Author: امجد الجميعابى Date: 09-10-2017, 08:25 AM Parent: #7
Quote:
بسأل من زول بهذا اليوم نكون قد بلغنا 92 يوم من تاريخ تأسيس مجموعة ( بسأل - من - زول ) كانت الفكرة وكنتم عمود النجاح لكم منا عظيم السلام والتقدير والامتنان والشكر . 000 , 150 عضو ، نجوم هذه المجموعة جمعتهم الفكرة وروعة الهدف يتقاسمون الجد والاجتهاد في عملية البحث يصنعون الفرح في كل حالة تلاقي ، 1246 حالة لقاء تمت بعد بحث بلغ المدى وأمل منقطع لذا كانت مجموعة بسأل - من - زول
Post: #9 Title: Re: قروب بسأل من زول على الفيسبوك واحد من اعظم Author: امجد الجميعابى Date: 09-10-2017, 11:04 AM Parent: #8
ديل اجتمعوا بعد 17 سنة
Quote: السلام عليكم شكرا للاضافه فكرة القروب عجبتني شديد بسال من اخوي شقيقي اسمو بله احمد حسين من الولاية الشماليه نوري اخر مرة شفناهو من 17 سنه اتجند في الجيش و قال ماشي ماموريه جنوب السودان وبجي راجع ولي يوم هذا م شفناهو كنا متواصلين معاهو لي 2005 بس بعد انقطاع التلفون الثابت اخباره اتقطعت كان في واو شغال في القوات المسلحه الدفاع الجوي اخر حاجه عرفناها عنو قبل تلاته شهور ظهر لينا رقمو الوطني مطلعو من الفوله 2015 بس سالنه عنو كتييير ومافي رد #تعديل بشكر الاخت Bonbon Gafar على المعلومات افادتنا كتير و الله العنوان و ادارتو في الشغل (هجليج الدبيبه )وان شاء الله ح نتواصل معاهم عما قريب وبالجد مشكورة على الصورة مع انو حالتو تقطع القلب و دي م الحاله المشى بيها من هنا لكن و الله اتبسطنا بيها شديد ح ارفقه مع المنشور م باقي لينا كتير و نتوصل ليه ان شاء الله بس دعواتكم #تعديل بس دعواتكم كانت اخر كلمه كتبتها ف البوست و اكيد بفضل دعواتكم الحمد لله ثم الحمد لله بعد الحمد لله اخوي رجع بعد غياب 17 سنه بين مصدق و مكذب و من بينهم انا م مصدقه طبعا لمن يطول فترة ف البيت م اشوفو بقوم افتش ليه بالغرف 😂 اي و الله حاجه م بتتصدق ف ناس جونا من بعيد شديد بس عشان يتاكدو دا هو ولا لا بالجد مشكورين اول مرة احس انو ف زول عندو فضل علي و جميل م ح انساهو حتى بعد اموت المهم الكلام كتير و م بوفيكم حقكم
Post: #10 Title: Re: قروب بسأل من زول على الفيسبوك واحد من اعظم Author: فتحي عباس نقد Date: 09-10-2017, 12:36 PM Parent: #8
لك تحياتي اخي امجد
والله بوست يفتح النفس زي ما بيقولوا
لك الشكر لتعريفنا بالقروب
وكل سنة وانت طيب
Post: #11 Title: Re: قروب بسأل من زول على الفيسبوك واحد من اعظم Author: امجد الجميعابى Date: 09-10-2017, 02:19 PM Parent: #10
Quote: لك تحياتي اخي امجد
والله بوست يفتح النفس زي ما بيقولوا
لك الشكر لتعريفنا بالقروب
وكل سنة وانت طيب
حبابك اخوي فتحي و كل عام و انت بموفور صحة و عافية يا اخي الشباب عاملين شغل مميز ما شاء الله ربنا يوفقهم
تحياتي
Post: #12 Title: Re: قروب بسأل من زول على الفيسبوك واحد من اعظم Author: مني عمسيب Date: 09-11-2017, 11:24 AM Parent: #11
صديقنا جميعابي .. جيدن جيت .. يا رجل مكانك شاغر !
ولك ولهم التقدير والنجاح في مشروعهم الانساني .
مع اصدق الامنيات .
وشوشة : لو سمحت مدنا اول باول بهذا النشاط الرائع !
Post: #13 Title: Re: قروب بسأل من زول على الفيسبوك واحد من اعظم Author: Hani Arabi Mohamed Date: 09-11-2017, 01:05 PM Parent: #1
هذه الفكرة بدأت هنا في سودانيز أون لاين خلال سنوات مضت تعاون الأعضاء على الوصول للعديد من الغائبين داخل السودان وخارجه
ثم انتقلت الفكرة إلى الفيسبوك الذي ورث كثيراً من اضاءات مواقع الدوت كوم حول العالم