Post: #1
Title: نوستالجيا
Author: حسين أحمد حسين
Date: 09-07-2017, 06:55 AM
05:55 AM September, 07 2017 سودانيز اون لاين
حسين أحمد حسين-UK
مكتبتى
رابط مختصر نوستالجيا
أتاريك يا البخَيِّت مُنزَرِد بالشوق،
تقوقى على البلد بَغَجَك مَبَيِّت بَرَّا،
لا وَدَّالة بُشرَة خير،
ولا رَمَّالة قَرْم الطير.
ولا هُدْهُد حَنينك فَرَّا،
شالُّو خِبير وجابلو خبير.
ولا حِلتنا حُمَّدطَّه قالَّها بُكرة،
عاد الكرَّة، بُكرة عِصير.
ولا اُمَّاً تَرِف عينيها لى جَيْتَك وفالة مَجرَّة،
وين ابَّ امنة يا إكسير.
ويا "بَلَد السِّميحين" طُرَّا،
فى عَرْضَك كَفَى الدِّردير.
عفوك ورضاك دى آخر مّرَّة،
من حِجْرَك نفوت للغير.
|
Post: #2
Title: Re: نوستالجيا
Author: حسين أحمد حسين
Date: 09-08-2017, 09:35 AM
Parent: #1
باكِر تهون
أشخت شخيتك يا برِقْ وَاْوْعَك تخون،
قول للبنية الواقفة تالا الليل تضويلك،
وتَمْصُرْ فى نَجِمْة الضيف على وحم المدينة المابْتَلِد غير الدِّقون،
باكر تهون،
بطن البلد بطرانى بالنور يا دِجون.
|
Post: #3
Title: Re: نوستالجيا
Author: حسين أحمد حسين
Date: 09-10-2017, 04:58 PM
Parent: #2
عن تجسيد الحنين:
قِيلَ لبخيت منصور قرافى الذى عاد إلى منحى النيل بعد 25 سنة غربة متصلة بمصر: معقول تخلى مَصُر تجى لى حَلفِى البلد دى تانى! الجابرك شنو (والقُرى هناك مليئة بنبات الحَلْفَى)؟ فقال:
واللهِ حَلْفيها داهناك، أشوفو منقة شايلى.
|
|