Post: #1
Title: في ناس في السودان بتعمل فلوس تحير
Author: Osman Musa
Date: 09-06-2017, 05:14 PM
04:14 PM September, 06 2017 سودانيز اون لاين
Osman Musa-
مكتبتى
رابط مختصر ياخ ما الدهب براو ولا تراب الدهب ولا الاحجار الكريمة . تعال شوف
|
Post: #2
Title: Re: في ناس في السودان بتعمل فلوس تحير
Author: جمال ود القوز
Date: 09-06-2017, 06:56 PM
Parent: #1
غايتو لمن أشوف الناس بتشتري بالميارات بستغرب ..
دي قروش ما ليها راس ولا ليها قعر ..
ولو اتفتشت واتمحصت زي الناس ..
لاتضح ان مصادرها مش ولابد ..
البلد فيها حركة بتاعة غسيل اموال ..
وتجارة مخدرات تديرها أيدي نافذة ..
وهي من تعمل على انزال الاموال دي .
للموالين ليها مقابل خدماتهم لها ..
ولشراء عقارات وعربات مليارية ..
يعني البعض والغ بصورة غير مباشرة ..
لكن القروش الشايفنها في البلد دي ..
مستحيل تكون جاية بصورة شرعية ..
أو لنكون حذرين اغلبها الاعم ..
ما راكب عدلو ..
الناس التحت انسحقت وزيتها طلع ..
وما لاقية حتى مايسد رمقها ويقيتها ..
اولاد المدراس بعضهم مابيفطروا ..
وهم صغار لايحتملوا قرصة الجوع ..
أها زي ديل تتوقع نظرتهم للمجتمع شنو ؟! ..
قريب ده الناس كانت مستورة ..
هسه البون بقى شاسع بين ناس فوق ..
وناس تحت وهذه هي الطامة الكبرى ..
|
Post: #3
Title: Re: في ناس في السودان بتعمل فلوس تحير
Author: Osman Musa
Date: 09-06-2017, 08:16 PM
Parent: #2
الأخ كابتن القوز سلامات
قلت لي الشغلة فيها غسيل أموال ؟
طيب ياخ الغسالين ديل ما محتاجين ليهم لي مكوجية ؟
انشاءالله القطعة بي 50c هههههها
|
Post: #4
Title: Re: في ناس في السودان بتعمل فلوس تحير
Author: ست البنات
Date: 09-06-2017, 09:05 PM
Parent: #3
العيد مبارك أخي عثمان وعلى المتداخلين,
العملوا القروش ديل حرامية الكيزان !
ويا أخي القوز اتفق معك (غسيل أموال)
والدليل الحاويات المتلتلة الدخلت البلد
وأصحابها اختفوا !!
وياترى كم حاوية دخلت خلال الثمانية وعشرين سنة ؟!
دا غير قروش النفايات المسرطنة
والأراضي الاتباعت
وخط هيثرو
واسطول سودانير
واسطول السفن والبواخر
وقروش الحجاج
والميادين !!
حسبي الله
ست البنات.
|
Post: #5
Title: Re: في ناس في السودان بتعمل فلوس تحير
Author: Osman Musa
Date: 09-07-2017, 06:26 AM
Parent: #4
وعليك يتبا رك يا بتنا يا ست البنات
مواسير ونوفر ضخمة كا بة . الفلوس دي جاية من وين ؟
حديد وعمار ا ت وأسواق مدفو سة ب البضايع غير الجيدة . لكن
عندها الزبون العارف و مطنش . المال ده دفق من وين ؟
|
Post: #6
Title: Re: في ناس في السودان بتعمل فلوس تحير
Author: Osman Musa
Date: 09-07-2017, 08:30 AM
Parent: #5
واحد ماضي عقد مع تاجر حضرمي من دبي والشغل ماشي زي الحلاوة والحضر مي بي
دورو شغال تصدير و بيع جملة من البضاعة السودانية العجيبة . البضاعة عبارة عن جلود
الورل . الزول ده كسبان من ورلتنا جبال من الكشكوش .
|
Post: #7
Title: Re: في ناس في السودان بتعمل فلوس تحير
Author: Osman Musa
Date: 09-07-2017, 01:16 PM
Parent: #6
ومن بزنس الورل ننتقل لي بزنس الحمص ( الكبكبي ) طبعا الحمص في أمريكا
الجنوبية و الشمالية و السنترال و حتي في جزر الكاريبي الحمص صبح وجبة أساسية
( بريك فا سط ) ومزه مع شربوت الليل . يعني كبكبيقنا أصبح من السلع الهاي . وده السبب
النفض الفلس من جيب الجاك ود عبدالهادي . الزول أصبح مصدر حمص و قروش لا حد لا
عد . وتعال شوف
|
Post: #8
Title: Re: في ناس في السودان بتعمل فلوس تحير
Author: معتصم سليمان
Date: 09-07-2017, 02:05 PM
Parent: #7
تحية طيبة
كل عام وانتم بخير
إذا طالما هناك سلعة يتم تصديرها ولها عائدها
يبقى شنو لازم من هنا يبدأ التفكير الواعي
لازم من محاضرات تنويرية وتوعوية وتثقيفية
لعامة الناس ولأهل الإختصاص أيضاً
صدقني بعد فترة وجيزة ممكن الصادر ده يتم
تقنينو ويكون العائد منو لأكتر من شخص
بل ومن الممكن أن يعود لكل الناس بشكل
أو آخر ....
معليش ...ممكن يجي رأي تاني يقول لي يا أخي
الشغل ده ماسكنو ناس بعينهم ..فئة من شدة ما الناس
إتناولتها لامن فقد تناولها معناهو من كترة التكرار
,اصبح لا معنى ولا طائل له ومنه ...
لمثل ذاك الرأي أقول طالما إننا نرقص بساق واحدة
قطع شك لن نتقدم خطوة بل حا نقع في الواطة دي
على قدومنا ...
يبقى شنو الناس تبدأ تفكر وتفكر تفكير منتج وإيجابي
ولو عصرنا نفسنا وقلنا بسم الله وزرعنا وتابعنا زرعنا
وأخلصنا النية لله صدقوني السودان كل حيقيف على
حيلو ..أما كان استمرينا في عيك عيك وجالك جاك
الله أعلم يتغير لينا حال ...
مجرد رأي وتقبلوا تحياتي
|
|