ويعود الحرام من حيث اتي (يغشونا في المساجد و الخطب باسم الدين)

10:44 AM September, 06 2017 سودانيز اون لاين
عرفات حسين-لندن
مكتبتى
رابط مختصر
يغشونا في المساجد و الخطب باسم الدين
اجمل ما قرات ويعود الحرام من حيث اتي
http://www.up-00.com/http://www.up-00.com/

قصي
علمت انك سميت قصي علي قصي حسين ( عاشت الاسامي )
الشيوعيون : متعلمون والله سبحانه وتعالي اعطاهم العلم
و الاشتراكيه في الاسلام .....
و للعلم الشيوعيون مئمنون اكثر من الذين يدعو الاسلام ... لانهم يطبقون الاسلام عمليا
وليس دفاع عنهم بل هي الحقيقه

وهل العلم الديني أو الفقه يمنع الغنى؟
مواطن عادي فتح الله عليه من العلم الديني و من نعيم الدنيا.
مافي ناس غاشين أتباعهم السذّج و عاملين فيها تعابة ومشلهتين وفقرانين ومبهدلين غير الشيوعيين.

Quote: وهل العلم الديني أو الفقه يمنع الغنى؟

المشكلة بتجي لمن يكون "الدين" بضاعة و وسيلة للغنى...والغنى الفاحش كمان

واخد بال حضرتك

فكيتو المسؤولين، ومسكتو في المواطنين !

يقول تعالى:
مَّا يَفْتَحِ اللَّهُ لِلنَّاسِ مِن رَّحْمَةٍ فَلَا مُمْسِكَ لَهَا ۖ وَمَا يُمْسِكْ فَلَا مُرْسِلَ لَهُ مِن بَعْدِهِ ۚ وَهُوَ الْعَزِيزُ الْحَكِيمُ

--------
للأسف
في ناس فاكرة أن الإنسان كل ما كان بعيد من الدين كان غنيان.
وكلما كان قريب من الدين يفترض أن يكون فقير!
وللأسف المر:
في ناس لا لامين في الدين ولا لامين في المال.. وهنا التعاسة الحقيقية.

ياخي نصف الصحابة المبشرين بالجنة كانو اغنياء . .
ما عارف المشكلة وين ؟
في واحد عندو دليل علي انو الراجل جمع اموالو دي بطرق غير شرعية . .
نحن ليه ما بنصدق انو في ناس ممكن يكونو اغنياء بالحلال . .
بقت علينا بس قصة بخيل بما لا يملك . . غضبان على من لا ذنب له . .

يا عمر مع احترامي لي رايك لكن غنى بعد حكومة البشير اخوان دي لازم يعمل كشف حساب عشان يتصدق .
بالواضح كدة اي زول عندو علاقة بالحكومة الناس م حتصدق انو امواله جات بالحلال .
والعبرة بي كبيرهم وكبيرتهم.

يعني حتي شكوى انو الاموال دي بالحرام ما عاوزين الناس تقولها ؟؟؟؟
هي لو كانت بالحلال في زول كان سالهم ؟

الكيزان الفي الحكومة كلهم حرامية!
اغتنوا بالمال العام كل الناس عارفة المعلومة دي
والانكار مافي داعي ليه
نبدا من البشير كان ضابط في الجيش بمرتب شهري
هل ممكن يبني قصور في كافوري ومزارع وعربات
وشغالين زي النحل في البيوت ؟؟؟
وعلي عثمان جاب حديقة 7 فدان من وين؟؟
بالاضافة للبزخ والجنايني دا غير المدسوس!
أصلا الدسديس دا حق الكيزان !
ونافع السفاح وولده البليد المتفسح في المصايف
وراكب عربات اخر موديل !
كل دا من وين ؟
مافي واحد فيهم وارث
والأغنياء في السودان قبل الشوم الانقاذ كانوا
لا يتعدوا عشرة والان كلهم أفقروهم الكيزان
عندكم اولاد الشيخ مصطفى الامين
ضايقوهم في شحنات السكر والقمح
ورموها ليهم في الميناء الى ان فسدت
وأفلسوا بسببها
وظهرت وداد الحرامية تساوم فيهم في بيتهم !
مرة بالذوق ومرات بالتهديد
وأغلب الناس عارفين الحاصل كله.
من ينكر سرقة الكيزان لمال الشعب
أو يدافع عنهم
لازم يكون حرامي وسارق معاهم!

ست البنات.

ما مشكلة البرادو شيخ الزين عداده كان عالي لكن ألما وقع لي انه العربية لوحاتها إستثمار دي كيف يا شيخ قُصي

Quote: يا أ الطاهر العربيه لوحته استثمار 😅 وعارفين بانوا بقوا الناس بيتاجروا بالمنظمات الخيريه والإسلامية بيدخلوا بيها عربات معفيه من الجمارك بلوحات استثمار وبيشحتوا بأسمى ويطلع مليار بالشحده 95% لأتعاب وجيوب العاملين عليها و5% بيعملوا ليهم صهريج في سقط لقط او يحفروا ليهم بير في قريه وبعد فتره تعمل لاهل القريه الفشل الكلوي ويدخلوا عربات وينعموا بالنعيم والجوامع المكيفه والمساكين زي العاده يجيهم الفتات والفشل الكلوي والسلطان من المشاريع الخيريه مامراعيه لصحة بني ادم المسكين ... والناس كرهوا الاسلام السياسي بسبب بانوا جعلوا للدين والمنابر لوحات استثمار وصكوك غفران و سلع بتتباع للبيدفع ... وراجين من الشعب ان يقولوا سمعا وطاعه ... لو عاوز يبرا زمتوا خليهوا يعمل مؤتمر صحفي ويكشف دخلوا كم في السنه ومصدر دخلوا الرئيسي وهل بيخليهوا يشتري عربيه بمليار ... بعد كدا يبقى براء زمتوا قدام المواطن والله

اها في جديد؟

اي تبرير من ش الزين...لماذا العريبة التي يملكها لوحاتها مكتوب عليها استثمار؟

هل دفع رسوم جمارك؟

ماهو الغرض الرئيس وتحت اي منظمة تم استيراد هذه العربية؟

طبعاً قصة كل زول غني في البلد حرامي دي تعتبر :
(أفضل وضع للفاسدين والمُفسدين، حيث يسهل اختباؤهم في الزحام، حين تضيع ملامحهم ويصعب العثور عليهم.)
او كما قال الصحفي . .

التحيه والشكر لجميع المشاركين
وكل عام وانتم بخير

باسم الدين .... ادفع
حجاج سودانيون يفترشون الارض
رغم أن كل واحد منهم دفع 45 مليون جنيه لإدارة المدعو المطيع محمد احمد كأكبر رسوم
يدفعها الحاج على مستوى العالم إلا أن التكلفة الحقيقية لمايجده حجاجنا البؤساء من خدمات كان
يجب ألا تتعدى ال10 مليون جنيه فقط.
الصور من مخيم مني لمجموعة من حجاج ولاية كسلا وعدد كبير جدا منهم يفترشون الأرض
ويلتحفون السماء في الشارع العام ولم يتذوقوا طعاما حتى الصباح وذلك بعد لقيمات قليلة تناولوها في الغداء
وهناك ومجموعة منهم حتى الساعة الثانية صباحا -وقت إلتقاط الصور-لا يجدون موقعا للنوم ..
للاسف اصبحت بعثة الحج السوداني هي أشهر بعثة وسط حجاج هذه العام والاعوام السابقة.