Post: #2
Title: Re: خليك مع الزمن يا ريس
Author: عبدالحفيظ ابوسن
Date: 09-06-2017, 06:27 AM
Parent: #1
انت ما رجعتو
لكن عدت لمحل غيرتو
ودة فرق كبير
تاني شنو
|
Post: #3
Title: Re: خليك مع الزمن يا ريس
Author: عبدالحفيظ ابوسن
Date: 09-06-2017, 07:42 AM
Parent: #2
موضوع الزمن والتلاتة اصفار الجنية
يصلح كنموذج لدراسة سياسات الدولة
آي صحي
اقول ليكم حسب فهمي
|
Post: #4
Title: Re: خليك مع الزمن يا ريس
Author: نعمات عماد
Date: 09-06-2017, 08:37 AM
Parent: #3
سلامات يا عبد الحفيظ
الساعة الآن 9:30 أم 10:30 ؟
صحيت الفجر 5:12 و ما سمعت الآذان و انتظرت 40 دقيقة بعدين
صليت .. ما عندي ثقة في مواعيد الآذان !! ما رأيك ؟
|
Post: #5
Title: Re: خليك مع الزمن يا ريس
Author: عبدالحفيظ ابوسن
Date: 09-06-2017, 09:50 AM
Parent: #4
حبابك نعومة
البكور عملو ليهو مؤتمر ومخصصات وواحد اسمو عصام اقترحو
اقترحو كدة خبط عشواء وهسة نكرو
وطوالي نفذوهو والاعلام اشتغل شكر في البكور
شالو الاسم خدعة بس البكور والامر كان كان تغيير التوقيت الاتعارفو عليهو الناس عشرات ولا ميات السنوات
المنطق بقول لو داير زول يجيك 6 وهو اصلا بجيك 7 ما بتجر ليهو الساعة عشان تقول جاك بدري .. دة وهم ساي . بتخليهو يجي ابدر بساعة في ذات التوقيت ما بتجرها ساعة
الوهم او حبل فيصل
رغم انو الناس ارتبكو لكنهم اصروا ضد رغبات ومزاج الناس . التعالي يجعلهم يتوهمون انهم يعرفون اكثر من الاخرين فلا يتنازلون . ويتوهمون انهم يربون في الناس كما الاب يربي ابنه فيمنعه ضد رغبة الطفل لأنه يعلم ما لا يعلمه طفله .الوصاية
هذا الوهم يجعلهم اعند بصلف وكبرياء
وعاني الناس
الساعة اربعة قديم ولا جديد
والناس تحفظ زمنها منذ طفولتها ولكنهم ارتبكو . تربية المواطن واعادة بنيانه
في ناس لي الليلة ما جرو ساعتهم .
الاستعجال في اتخاذ القرار وتنفيذه دون دراسات
دون الالتفات لرأي مجمل الشعب
ثم النكران
عصام نكرو
الحكومة نكرتو
واعادونا لذات المكان بعد ان خسرنا الكثير دون ان يطرف لهم جفن ودون ان يتعلموا
|
Post: #6
Title: Re: خليك مع الزمن يا ريس
Author: حمد عبد الغفار عمر
Date: 09-06-2017, 09:52 AM
Parent: #4
سلام يا ابسن
انا حارقاني الساعة دي - الموقع الجغرافي ثابت لا يتعير والزمن ارتبط بيهو وفقا لخطوط الطول يغيروها ليه
الجنيه متغير حسب حركة السوق ونحن سوقنا لا يحكمه قانون لذلك ما بقدرو عليهو
ما بقدروا دي ذكرتني نكتة الحوار الواقف في الترعة جاء بص مكتوب في بابو اليمين يا الله وفي الباب الشمال يا المكاشفي
البص انقلب قريب من الحوار ، الحوار لما مشى لقى الباص مقلوب على الباب المكتوب فيهو يا الله والباب الفيهو يا المكاشفي فوق
قعد يكورك : انا عاااارفك يا ابو عمر قوي ما بتنقدر ما بتنقدر
|
Post: #7
Title: Re: خليك مع الزمن يا ريس
Author: حمد عبد الغفار عمر
Date: 09-06-2017, 10:00 AM
Parent: #6
حاجة تانية يا ابسن
الآن الجديد 1000 = مليون القديم ا (اللخبتة دي ما قادر اشرح) والمليون كان يساوي مليار زمان اللهو زمان جدا كان بساوي مليون
لو زول قال لي بشتري منك بمليون بالجديد هل بعني 1000 الهسة دي ول مليار الزمان يبدو لي حكاية قديم وجديد دي بقت مربكة جدا
|
Post: #8
Title: Re: خليك مع الزمن يا ريس
Author: عبدالحفيظ ابوسن
Date: 09-06-2017, 10:23 AM
Parent: #7
آي والله يا حمد
موضوع القروش دة لسة ما ظبط
قديم وجديد
رغم انهم حاولو يعالجو التضخم وفشلوا . شالوا التلاتة اصفار والاسعار جارية الا يشيلو تلاتة اصفار تاني
الغلط انهم عالجو غلط وفق ما اتاحت لهم عقليتهم . عقلية حمدي الزي عقلية عصام . نفذو واصرو وهسة انتقلو للشارع المقابل وبقو ينقدو في نفس سياستهم الكارثية
نفس الامر الخطأ محاربة التضخم طالب في اقتصاد بعالجها
لكن نحن نظريتنا صندوق النقد الدولي والعقلية الصلفة المتعجرفة الغبية
|
Post: #9
Title: Re: خليك مع الزمن يا ريس
Author: محمد أبوالعزائم أبوالريش
Date: 09-06-2017, 10:40 AM
Parent: #8
سلام يا ود ابسن،
Quote: صحيت الفجر 5:12 و ما سمعت الآذان و انتظرت 40 دقيقة بعدين
صليت .. ما عندي ثقة في مواعيد الآذان !! ما رأيك ؟ |
يا نعمات الصلاة ما عندها شغلة بالساعة.
الصلاة شغلتها بحركة الشمس (شروق وصعود وانتصاف وغروب .... إلخ.) ..... وحركة الشمس شغلتها بخطوط الطول.
دايماً بسأل الناس الفي الخرطوم والفي نفس خط الطول (داخل السودان) ... هل يصح أن نقول الساعة 12:00 منتصف النهار؟ .... في الحقيقة الشمس بتقول إنو الدنيا عقاب صباح ولسة النهار ما انتصف.
نجي للمصيبة الإقليمية. أنا مقيم في الدوحة ... لما تكون الساعة 10:00 في الدوحة ... بتكون 10:00 في الرياض .... و10:00 في جدة ... و10:00 في بورتسودان .... و10:00 في الخرطوم .... و10:00 في الأبيض .... و10:00 في الجنينة ...... ده كلام دة؟
_____
بالمناسبة، بيتنا في الخرطوم لحدي اللحظة دي الساعة فيهو ما اتغيّرت .... الدنيا حولهم تضرب تخبط وساعتهم زي ما هي.
|
Post: #10
Title: Re: خليك مع الزمن يا ريس
Author: عبدالحفيظ ابوسن
Date: 09-06-2017, 10:44 AM
Parent: #9
يا ابوالريش بقول للاولاد قومو نومو ساهرتو هسة الساعة اطناشر
يقولو لي ما ياها حداشر الزمان
|
Post: #11
Title: Re: خليك مع الزمن يا ريس
Author: عبدالحفيظ ابوسن
Date: 09-06-2017, 10:52 AM
Parent: #10
ف شنو
خليك مع الزمن يا ريس
الزمن دة اي حاجة ب العلم والتخطيط والشورة
الشورة العلمية
مش اي شورة
اسأل الجامعات .. رسل لي ناس الهندسة قسم الكهربا دايرين دراسة عن معالجة الكهرباء بالسودان . مسابقة والفايز بياخد حقو .
ولا ناس الاقتصاد
عندنا اكاديمين مافيهم كلام . الطلاب بشتغلو معلومات وبكون ليهم خبرة ومعرفة وتجربة
الجامعة بتستفيد
الطلاب بستفيدو
وبتكون برضو بقيت دولة تقيم العلم
المنهج شوف ناس التربية
|
Post: #12
Title: Re: خليك مع الزمن يا ريس
Author: نعمات عماد
Date: 09-06-2017, 12:07 PM
Parent: #11
سلامات ابسن و ابو الريش
شكرا على ردودكم، يا ابوالريش نفسيا لا أثق في مواعيد اذان الصبح
بعد ما عدلوا التوقيت . اشك في إنه أبكر من توقيته الحقيقي .
المهم مسألة انو أصلي بعد سماع الآذان بحوالي 25 دقيقة مطمئنة
بالنسبة لي . غايتو ربنا لا تؤاخذنا ان نسينا أو أخطأنا .
|
Post: #13
Title: Re: خليك مع الزمن يا ريس
Author: Salah Zubeir
Date: 09-06-2017, 12:35 PM
Parent: #11
يا حفيظ سلام ...
كلام قتو أنا في بوست زمان أول ما
اشرو لي بالدخول هنا ...
أي حزب صاحب أيديولوجيا المفروض
يحرم عليه الوصول للسلطة ... لأن هذه
الاحزاب تستهدف مواطني الدوله وبالتالي
تستهدف اهم عنصر في بناء الدولة ...
هذه الاحزاب تصوب اهدافها نحو المواطن
في طريقة تفكيره وعاداته وطبايعه واكله
وشرابه ولبسه وتترك أهم مقومات بناء
الدولة من إقتصاد وزراعه وصناعه ...
علي عثمان طه المنظر الثاني للكيزان
والمنفذ الأول لنظريات الترابي هو من
اشرف في العشر سنوات الأولي للإنقاذ
علي وزارة التخطيط الاجتماعي المسؤله
عن إنزال المشروع الحضاري الفاشل
بنسبة 100% إلى الأرض.
لن ينسي السودانيين تدمير الاقتصاد
والخدمه المدنيه في العهد المايوي
بفضل تطبيق النظرية الإشتراكية من
تأميم ومصادرة وتمكين.
|
Post: #14
Title: Re: خليك مع الزمن يا ريس
Author: محمد أحمد الريح
Date: 09-06-2017, 01:58 PM
Parent: #13
الأخ أبو سن سلام
فى موضوع العملة الحكومة سرقت أموال الناس بحذف ثلاثة أصفار.
أخذوا منك ألف جنيه ومنحوك جنيهاً واحداً لا يساوى ما كنت تشتريه بألف جنيه!!!
لقد إستغفل هؤلاء اللصوص كل الشعب السودانى الغافل!
|
Post: #15
Title: Re: خليك مع الزمن يا ريس
Author: عبدالحفيظ ابوسن
Date: 09-06-2017, 06:41 PM
Parent: #14
لحين
ميسرة
|
Post: #16
Title: Re: خليك مع الزمن يا ريس
Author: علي دفع الله
Date: 09-06-2017, 06:55 PM
Parent: #15
إن اعادوا لك المقاهي القديمة
فمن يعيد لك الرفاق ؟
(محمود درويش)
|
Post: #17
Title: Re: خليك مع الزمن يا ريس
Author: محمد أبوالعزائم أبوالريش
Date: 09-07-2017, 07:05 AM
Parent: #16
من نكات الواتساب الحايمة:
مسطول قالوا ليهو: الحكومة دايرة ترجّع الساعة القديمة.
قال ليهم: أها .. وبقية المسروقات؟
|
Post: #18
Title: Re: خليك مع الزمن يا ريس
Author: عبدالحفيظ ابوسن
Date: 09-07-2017, 07:47 AM
Parent: #17
تعرف ابوالريش ماسك في قول
الآذان للغافلين
بصلي الوقت في دخوله حسب ما درسونا زمان اوقات الصلاة وما بعاين للساعة . ويوميا بتعرض لانتقادات لاذعة ومستهزئة . هسة صليت الضهر الساعة واحدة ما جات .. فبقول ليهم هي صلاة ولا حصة مدرسة
الصلاة ثابتة في كوستي 2ظ .. الوقت مرات بخش 12 ونص وبرضو 2
وبصلو العشا قبل دخول الوقت
|
Post: #19
Title: Re: خليك مع الزمن يا ريس
Author: عبدالحفيظ ابوسن
Date: 10-02-2017, 10:24 AM
Parent: #1
اها قالو اول حداشر بنتأخر ساعة
بس ما نفس الساعة الاول
|
|