العبد الفقير لله صديق مهدى على لا حول له ولا قوة

05:24 PM September, 04 2017

سودانيز اون لاين
صديق مهدى على-
مكتبتى
رابط مختصر

لقد كثر الحديث حول هذا الرجل فى هذا المنبر فمنهم من وصفه بأنه انسان
عاهة ومنهم من وصفه بكلمات لا يمكن ذكرها ومنهم من وصفه بأنه عدو المرأة
ومنهم من وصفه بأن مواقفه غير واضحة ومنهم من التزم الصمت المهم أغلب
اعضاء سودانيز غير راضين عن هذا الرجل وعلى رأسهم سيد الحوش
اها رايكم شنو كل واحد وكل واحدى يكتب بكل صدق انطباعه عن هذا الرجل وانا راضى بحكمكم اها
عليكم باللخخخ دون رحمة لكى أفهم الحاصل شنو ؟
العبد الفقير لله
صديق مهدى على

يلا انا مسامحكم كل واحد يلخخخ هذا الرجل
على الاقل اعرف الحاصل

لا مش انسان عاهة !
عاهة ساي

يا صديق ياخي روق عليك الله ...

و الله ما في زول داير منك شي ...

كنت كافي خيرك شرك ... لغاية ما عملت حركة القلبة الما مفهومة ديك ...

و الناس بقت تتعامل معاك كأنك مستنسخ من ود الباوقة ...

الفرق بينك و بين ود الباوقة ... انو ود الباوقة عارف هدفه كويس ...

و انت لساك مجهجة ... لا اكلت بلح اليمن ... لا ضقت عنب الشام ...

رغم كل ذلك ... اعتقد انو في ظلم بائن وقع عليك ... و كتيرين ماليهم حق في ذلك ...

اكتب ماشئت ياصديق ده منبر حر
لكن حاول قدر الامكان تتجنب تقييم الاعضاء وتناولهم بشكل استفزازي
زي بوستك بتاع " في ناس انصاف رجال اخير يلبسوا الطرح"
وده كان سبب اقول ليك عدو المراة لانه فيه تقليل من شانها وشان الطرح
غير كده انت زول كويس زيك زي اي عضو هنا

حبابكك عشرة إخوة أفاضل بس انا عندما كنت اكتب بوستات ساخرة
عن حكومات الانقاذ وجدت نقض لاذع امكن من أغلب الأعضاء ما عارف
لدرجة بديت اصف بعضهم بأنهم امنجية ومنذ ذلك الوقت وجدت نفسى غريبا
فى هذا المنبر
المهم انا اشعر دايما اننى شخص ما مرحب به فى هذا المنبر
وشكرا ليكم اخوتى
ود البشرى
ود قبانى
ود ميرغني