جهاز الأمن والمخابرات الوطني يرفض السماح لأسرة القاسم بزيارته في العيد

04:39 PM September, 03 2017

سودانيز اون لاين
زهير عثمان حمد-السودان الخرطوم
مكتبتى
رابط مختصر

رفض جهاز الأمن والمخابرات السماح لأسرة القاسم بزيارته في العيد، رغم الطلبات المتكررة التي قُدمت لمكتب استعلامات الجهاز. مما ترك اثر سيء في معنويات أفراد الأسرة.
جدير بالذكر أن القاسم تم اعتقاله بواسطة السلطات السعودية في ديسمبر 2016 بطلب من المخابرات السودانية، نتيجة لتضامن القاسم مع حملة العصيان المدني، وتم ترحيله في يوليو 2017 بطائرة خاصة تتبع للمخابرات السودانية.
للمناضل القاسم صفحة فيسبوك، يقوم عبرها بالتعليق على أقوال الصحف اليومية، ويعتقد أحد ضباط المخابرات أن سبب الاعتقال ليس بسبب كتابته المناهضة للحكومة، لأن الجميع يكتب، ولا تستطيع المخابرات اعتقال كل الشعب، ولكن سوء حظ القاسم، هو أن حملة العصيان كان مؤثرة على النظام وسببت مشكلة نفسية للبشير، ولأن أكبر داعميها كانوا من السودانيين بالخارج لاسيما السعودية والإمارات وقطر؛ تحركت أجهزة الدولة عبر أصدقائها الخليجيين للضغط على النشطاء لإيقاف حراكهم، وهو ما حدث من خلال تهديد المخابرات القطرية للناشطين بالتوقف على النشاط السياسي أو المغادرة، ولكن الأثر الأكبر كان عندما انتشر خبر اعتقال كل من القاسم، والوليد وعلاء الدفينة، حينها توقف الناشطون في الخليج، وتوقفت حملة العصيان.
قبيل العيد بأيام معدودة تم إطلاق سراح كل من علاء الدين الدفينة، والوليد إمام، ومازال القاسم ينتظر قراراً من جهاز المخابرات الذي يرجيء إطلاق سراح القاسم بحثاً عن مادة في قانون جرائم المعلوماتية تمكنه من إدانة المناضل القاسم.

يا ود البشري يا انسان ما تبعد مني يا اخي

أنت رفضت تعتذر عن التجريح والاساءة بعد ما طلبت التنازل عن الشكوي ومتخيل الموضوع أنتهي كدا
والحياة عادي وطلبت منك اي بوست لي ما تتداخل فيهو بالمناسبة للصبر حدود
لا لاوالله المسالة ما انتهت لا زالت عالقة والحساب كان في الغربة أصبح مستحيل في بلدنا انشالله
وحتي لو كانت الخسارة عمري

يا زهير كل سنة و انت طيب و مثلها لود البشرى
ياخى ممكن احش واسطة خير بينك و بينو
انتو ناس حلوين و حاجات صغيرة زى دى ما مفروض تجيب زعل بيناتكم
الدنيا ... بعايد عيد ...
ف شنو يا ريت تجبرو بى خاترى
و يا ريت تباركوها

كامل التضامن مع الزميل القاسم فى محنته
و ليل الظلم مهمن طال بعقبو صباح

العزيز جلالدونا
تحياتي وعيدك سعيد أنشالله
تحياتي
والله انا في المنبر هنا اكتر من عشرة سنين ما عتدي مشكلة مع زول وود البشري بيعتقد انو افهم من الجميع دي مسالة راي لكين ما تصل حد التجريح
وبعدين التجريح ما في ليهو داعي والله العظيم يا جلالدونا لو ما نحن حسي في غربه في بلدنا هنا انت عارف كلمة جبان ممكن تكون سبب للقتل
في قانون الجنايات دا الاستفزاز المفضي للموت وبعدين ياخي الكلام لا يسمن ولا يغني عن شيء كل المسالة يعتذر والموضوع انتهي لا طالب تعويض ولا عايز اهين زول
دي راي بوضوح شديد
وكمان عشان يعرف صاحب المنبر لازم الناس هنا يحكمها الادب في التعامل دا الشيء الانساني المعروفين بهيو السودانيين في كل الدنيا
غير كدا تظل الخصومة في بلدنا هناك نصفي حسابنا
وكريم الخصال بالتسامح صح أنا أتنازلت عن دعوي قضائية ضدو و المقابل فقط الاعتذار
لك ودي

ههههها هوّن عليك يا صاحب
اجمل حاجة فى المنبر ده العفص الفيهو ده
قول الدايرو و اعفص عفصيك و انت مارق سيب حاجاتو فى محلّها
ما تتعامل بى حساسية زايدة و خليك كول
هسى شوف المتصيحف طلحة فاتح ليهو بوست و مطلّعنى شافع
ح امش عليهو ابارك ليهو العيد ثم بعد ذلك ارشّو
و يا دار ما دخلك شر
قال اللعوتة قال

أخي جالا
لك كل الود وأشكر صديقي علي الاهتمام
جعلك الله لي أخا وصديق مدي العمر وكذلك متع الله المهندس الغبقري بدوام العافيه
شاكر لك وكل الود

من يعتقل من ؟؟؟؟!!!

ماك الوليد العاق لاخنت لاسراق .

الحرية للزميل القاسم الحرية للوطن .


معآ لاطلاق سراح المناضل العفيف الشريف القاسم .

السجن لمجرمي الحرب الهاربين من العدالة الدولية .