ودا الكلام البقول ليك فيه كلام القمرية والحمام والغربان البشبهوا السودان ! يا منى عندنا الطيور من كل شكل ... و القمري زاتو ( ال Quail ) حق الخواجات ... لكن ما بشبه قمرينا القمرية البنية مع الرصاصي ... دي ما شفتها هنا الا امس ... اكيد طيوركم كتيرة لكن بقصد ليك القماري البتشبه قماري بلدنا والحمام البشبه حمام بلدنا اسه شوف حمامنا دا ما قطعة من حمام السودان ؟ اها بنفس القدر القماري والغربان الهنا كانهم مستوردات من السودان ولا العكس ما عارفة ههههههههههه .
طبعآ من الملاحظ يا اصلي اغاني الطيور عند كتيرة وبذات القماري . وذات مجذوب اونسة جنو قماري هههههه .
اجادعك و تجادعيني ... و نثقف المتفرجين بأغاني القماري ... ههه
او زي ما قال الرجل في السفرة و قدامهم جداده و عندهم ضيفان ... قال لي اخوهو ...
اوركني و اسدر روحك و اجنح الطير .... هههههه
و انا يا بت عمسيب ... بتطربني القماري ....
تحفة ( التواتة ) ... عمك بُر محمد نور و ابراهيم خوجلي ...
Post: #6 Title: Re: قمــرية قالـت للتــانيـة مـالـك ... Author: عرفات حسين Date: 09-05-2017, 09:38 AM Parent: #5
اخي الاكبر يحي كل عام وانت بخير محمد حسنين " قمري وقمريه "
واقول بان يا قماري ليس لعبد المنعم عبد الحي ,,,,, وهي قصه حقييه ... وعش القمري هذا كان في شجرة " تمرهندي " في حوش عثمان منصور لذلك تجد ذكر القمريه كثير في شعر حسين عثمان منصور وعندما طبع سيد خليفه بركات كتيب الاغاني , ترك " ياقماري دون اسم الشاعر ؟ و لنا نسخه من الكتيب كانت هديه من سيد خليفه للشاعر وقد حكي لنا سيد خليفه كيف انه حضر الي الخرطوم في حمار ... وانه اول من مشل السزدان علميا !!!! مع احترامي
طيري يا قمرية وركي في الزنكي .. محمود تاور .. حاولت اجيب الفيديو لكن ......
Post: #9 Title: Re: قمــرية قالـت للتــانيـة مـالـك ... Author: محمد محمود محمد Date: 09-06-2017, 07:32 PM Parent: #8
صاحبنا عمر ، في زيارة ليهو للبنان .. قال مرة في صباحية كدة ، قاعد مع أصحاب لبنانيين في مقهى ، لقاهم بيقولوا ، ما أحلاهو صوت الكروان ، شو حلو صوتو مع الفجريي .. قال يشوف الكروان ده للدنيا و الزمان ، قال ليهم كدي ورّوني الكروان ، أشّرو ليهو ليهو ، قال ليهم : يا هو ده الكروان؟ ، قال ليهو بلى .. قال ليهم ده في السودان عندنا أسمو (سُكُرُج)😊. عيد مبارك يا يحيى .
قمريه فوق الدوح عشان هواك حبيت علي دفع الله ما عرف الذكروا الملام شنو غايتو انا بقول ذكرتو لها انت يا قباني 😀😀😂😂 غايتو من غير تنزيل اغاني الشئ بضيع ثم السلام لك قباني وعيد مبارك
يا اصلي ياخي بعتذر ليك علي استلام البوست . لكن البوست بقي بالنسبة لي مقدس طيلة مافيه رائحة وانفاس الحبيبة ( حاجة نفيسة ) انار الله قبرها. ابتدآ من القماري والحمام وفنان حاجة نفيسة المفضل ابراهيم خوجلي . طبعآ الحمام وابراهيم خوجلي اصبحوا بالنسبة لي من موروثات حاجة نفيسة الما بقدر اتنازل عنها مهما يكون . دا لو ما اتجرنا وقلنا من المقدسات !