ابوبكر عباس

03:59 PM September, 02 2017

سودانيز اون لاين
جلالدونا-
مكتبتى
رابط مختصر

كل سنة و انت طيب و عساك من عوّادو

قريت مداخلتك دى كمّين مرة

Quote: طريقة تفكير غالبية السودانيين طريقة ساذجة بسيطة، أن يطلق حقير عاطل إشاعة للابتزاز والاسكاد، يتلقاها هؤلاء الغالبية بمنطق: لماذا اختارك انت بالذات دون الآخرين؟ ما في دخان بدون نار؟ والله العظيم، تجد نفسك عاجزاً محبطاً في الدفاع عن نفسك ضد هذا المنطق الغبي! اذا حاولت الدفاع، تورط نفسك أكثر بعد البوست هذا، كتبت مقال باسم: أغبياء الأسافير كنت أنوي نشره في سودانايل ثم تركت النشر آملاً في دخول الجنّة قد أبدو ظاهرياً غير متأثر بهذه الكلام الحقير، لكنه حقيقة هزمني وأزهدني في التواجد هنا، ووجدت أنني مهما كلت للصائم والبشاري من الشتم، لن يشفي غيظي ولن أفعل شيء. تجد نفسك حاقداً عليهم وإذا رأيت من الآخرين في بوستات أخرى ود تجاههم؛ يصيبك غيظ فتعلم أن المنتدى اصابك في مقتل وانت تطلب من الآخرين ما ليس ممكناً العزاء انك وجدت هنا قليلا من الناس الرائعين يساوي أحدهم في تفكيره آلاف من الغثُّ لأول مرّة من شدّة غيظي أكتب حرف بتشكيلتين كما في ثاء الغَثُّ بدل أن أقول لكم كل عام وأنتم بخير، أقول: كل عام ترذلون

و كل مرة اقول اعلّق عليها يغلبنى
الغث بالضم رغم الجر

اخوى جلالدونا كل عام وانت واسرتك بالف خير وعافيه والقابلة على امانيكم

Quote: قد أبدو ظاهرياً غير متأثر بهذه الكلام الحقير، لكنه حقيقة هزمني وأزهدني في التواجد هنا، ووجدت أنني مهما كلت للصائم والبشاري من الشتم، لن يشفي غيظي ولن أفعل شيء. تجد نفسك حاقداً عليهم وإذا رأيت من الآخرين في بوستات أخرى ود تجاههم؛ يصيبك غيظ فتعلم أن المنتدى اصابك في مقتل وانت تطلب من الآخرين ما ليس ممكناً

وا خسارة الاستنارة الراحت فى حق الله

انا عايز استنارة
عايز استنارة
عايز استنارة

بكّور كل سنة وانت طيب والقابلة على امانيك

كون المستنير غضبان من حال المنبر ده شيء طبيعي جدا
لكن تكون خسارة كبيرة لو فهمت من كلامو ده انه عزم على الرحيل
بكور واحد من اجمل مخاليق هذا المكان مهما اختلفنا معه
عيد سعيد ليكم كلكم

طرق هدم الاستنارة بدل ايجاد حلول منطقية تحفظ ماء الوجه وماء وجه الخصم :

Quote: 1- والله العظيم، تجد نفسك عاجزاً محبطاً في الدفاع عن نفسك ضد هذا المنطق الغبي! 2- اذا حاولت الدفاع، تورط نفسك أكثر 3- قد أبدو ظاهرياً غير متأثر بهذه الكلام الحقير، لكنه حقيقة هزمني وأزهدني في التواجد هنا، 4- ووجدت أنني مهما كلت للصائم والبشاري من الشتم، لن يشفي غيظي ولن أفعل شيء. 5- تجد نفسك حاقداً عليهم وإذا رأيت من الآخرين في بوستات أخرى ود تجاههم؛ يصيبك غيظ 6- فتعلم أن المنتدى اصابك في مقتل

جلالدونا كل سنة أنت وزوارك على أطيب حال ..
قرأت مداخلة د. أبوبكر وقرأت تعليق أبوسن عليها ..
وعلى الرغم من أنها من أصعب ما يمكن أن يكتبه الإنسان عن نفسه ..
غير انها ـ ويا للمفارقة ـ من أروع ما يمكن أن يكتبه المرء عن نفسه ..
كلام يشبه تماما تفاصيل أبو بكر إن أند آوت ..
فهو من القليلين الذين نجحوا في غسيل دواخلهم من النفاق بكل أشكاله .

العيد مبارك عليكم
أبوبكر عباس من اعظم كتاب المنبر .
ست البنات.

تشكر جلال
تحرجت من فتح بوست وراودتني نفسي علي ذلك
لن اذهب لتقريظ بكري فلا يحتاج مني لذلك
ولكن انظر لمداخلته كمرآة لسؤ نفسي

سلام جلال هذه المره ابوبكر معكر الصفو كثيرا واخشى ان ينفذ ماهدد به سابقا ونقول له يامستنيرنا اغفر لنا ففينا شيئا من بداوه وصبرك علينا
هو واجب الاستناره

المستشار وليس المستنير.


ود الشيخ

من الدروشاب شمال بالقرب من ال عيسى

و انت طيب اخونا علاء و كل الاسرة و الاهل

Quote: وا خسارة الاستنارة الراحت فى حق الله

بى رغم الالم و الاحساس بالقهر الذى يحسه المستنير
الا ان الاستسلام الكامل و التسليم لا يشبهه
المستنير قلم لا ينبغى له ان ينكسر

ابو بكر عباس رجل والرجال قليل
لكن لو سمحت يا شيخ ولماذا اخترت هذا الاسم عنوانا لهذا البوست

كلام يشبه تماما تفاصيل أبو بكر إن أند آوت ..
فهو من القليلين الذين نجحوا في غسيل دواخلهم من النفاق بكل أشكاله .
ـــــــــــــــــــــــــــ

كل مرة اتاكد من عمق محمد المك اكثر

كل سنة والجميع بخير

للاسف يا حيدر ده الشى المفهوم من المداخلة
ترك المنبر مغاضبا
و الاسف ايضا ان لا املك شيئا اقدمه له سوى ادانة ما تعرّض له
و يا للاسف برضو فإنها لا تشفى غليل

للاسف يا حيدر ده الشى المفهوم من المداخلة
ترك المنبر مغاضبا
و الاسف ايضا انا لا املك شيئا اقدمه له سوى ادانة ما تعرّض له
و يا للاسف برضو فإنها لا تشفى غليل
شوفو كيف قطع شعرة معاوية لمّا قال
كل عام ترذلون

السيد صاحب البوست
رائك شنو فى انتحال الاستنارة من اجل الذات؟
والكذب فى المعلومات فى حضرة العالم الاول
قصدى التزوير فى المعلومات والخروج والعودة؟


اعنى ما اكتب

سلامات يا معاوية عبيد ..

Quote: والكذب فى المعلومات فى حضرة العالم الاول قصدى التزوير فى المعلومات والخروج والعودة؟

ياخي لو ما عايز تعتذر أعقل ..
كلامك المكوت دا بدينك اذا ما بالقانون أخلاقيا ..
لنفترض المعلومة الجبتها دي صحيحة ..
كيف تحصلت عليها وهي معلومات شخصية ؟ هل قالها لك بنفسه ؟
حتى على فرض أنه قالها لك ..
هل أخلاقيا من حقك افشائها ؟
ثم سلطتك وصلاحياتك القانونية شنو البتخليك تتحدث وتقرر التزوير نيابة عن العالم الأول؟
إذا عندك تفويض من سلطات العالم الأول للتحدث باسمها ..
أو بين يديك بلاغ رسمي مفتوح منهم ضده أبرز لينا سندك ؟
يا جماعة ما تتعاملوا مع معلومات تخص الناس بسبهللية مفرطة.

Quote: ياخي لو ما عايز تعتذر أعقل ..

يعتذر من ادلى ب معلومات كاذبة ب بفهم الاستنارة ي مولانا
وات برضك لازمك اعتذار لانك بتدافع عن كضاب
ودا تحدى..اعنى ما اقول واتحمل المسعولية
اتحدى المعنى يجى ويقول انو ما كضب,,,
ات عايزنى اعتذر عن شنو ؟شان اعقل...........

تحياتى عثمان محمد صالح لفضح انصار السنة والانتحار الفاشل لى عودة
المعنى كضاب وكوز سابق سرى
اعنى ما اكتب
المعنى نكرة

رد ك دا يا معاوية اوف بوينت ..
أنا حددت ليك في الكوت الكلام الانت كتبتو وطرحت ليك أسئلة جاوب عليها ..
كان ما عايز تجاوب أنت حر ..
أما كونك تقول أنك متحمل نتائج كلامك ..
طبعا من لحظة كتبت وعملت إرسال أنت تحملت النتائج دي مسألة ما عايزة تأكيد.

نفس النفخة الكضابة و التحدي الفارغ و اعني م اقول الجيت في النهاية تتخرّت و تتعذّر و تعترف بكذبك
انت ما بتوب ولا بتتعلّم ولا بتستفيد من اخطاءك, نسيت ايّام فضيحة الدرويشة الجرسة و الحي ووب
وكمان ليك عين تتساءل عن كذب الآخرين, ياخي شوف عوجة رقبتك الأول يا من اعترفت صاغرا بكذبك على الملأ في اول حالة تمر على سودانيزاونلاين!
ثم انت فاكر المسالة حول الادلاء ببيانات كاذبة او صادقة؟ المسالة حول من انت ومن اعطاك الحق تتبع و تتلصص على الناس وتباري القوالات و العوارات عشان تجي تبتز بيها, الموضوع هنا حول هذا الاسلوب غير الناضج البتعمل فيه \
مالك انت ومال خصوصيات الناس و اسرارها, هل ابوبكر شخصية عامة او طارح نفسه لمنصب عام عشان تتجسس عليه وتألف و تدّعي و تبهته
ولاّ انت ادمنت دور تلفون العملة و منظر الفاتية المحروق الذي لايوجد ما يخشى عليه و عايز تنتحر بأبوبكر إرضاء لآخرين محافظين على نظافة يديهم طالما انت تؤدي الأدوار الوسخة

سلامات يامواطن
والله زعلتني جد في رأيك حول المستنير
بكور لم ينتحل إستنارة ولايحزنون
إنسان على سجيته يقابل النقد الموضوعي بصدر رحب دون تجريح
حزنت جدا جدا لمداخلة غير اخلاقية كتبها الامين البشاري في حق بكور
مع انو الرجل لم يتجاوز حدود الاختلاف في حواره معه
ليتنا نقتصر الخلاف في مايفيد ونترك خط رجعة ولو رفيع عشان يشفع للواحد عندما يدرك فداحة خطئه

كل عام والجميع بخيرالجميع بخير ووطن واسعيا جماعة والله انا لاحظت ان انشغال اعضاء المنبربمعاركهم ضد بعض اكبر من اهتمامهم بمعارك الوطن الأكبروتحول المنبر مؤخرا ألا من رحم ربي الي حرب داخلية هنا والفيل بره تماما بره ونحن شغالين في ضل فيلقبل دخولي للمنبر اعتقد في 2010 كنت ارجع للمنبر عند حدوث اي ازمة وطنيةاو سياسية لاجد التحليل الذي يقنع والخبر الصحيح ولهذا كنا دائمي الارتيادالمؤسف جدا الآن اكثر المواضيع حركة هي المشاحنات والخلافات المشخصنةقرأت امس خبر قرار الحكومة تعويض اسر الشهداء مبلغ 5 الف لكل رأسوقريتو هنا واتوقعت قيامة المنبر تقوم كالعادة حسب معرفتي به سابقا وحسب عشميلكن لقيت القيامة قائمة في شكلة برضووقبلها وايام اقتيال 2 من طلاب دارفور كنت ابحث عن الاخبار في المنبر لثقتي في اخبارهولكن للأسف وجدت الأكثر تحركا هي مواضيع اخري ووجدت خبر حتي مناقشته حينا لم تتجاوز ال 3 مداخلاتعن اقتيال هولاء الطلابالمنبر سادتي يتجه لحروب داخلية ويترك معاركه الاساسية ف هل ننتبه ونعيد للمنبر سيرته الأولي ؟؟؟ألا هل بلغت

من لزوم لا يلزم ان اقول ان بكري شخصية معروفة عندي . وفقا للرياضيات التي تقارن وتحيل العدد الصغير لصفر اقول انا لا اعرف احدا معرفة شخصية في البورد ولا اهتم
بكري عرفتو وعرفت اهلو ويكاد ان يكون من اهلي بنواحي العريباب ريفي رفاعة . العريباب البتلم اولاد الناير وضبعة و
ومعرفة تانية ابن عمي المحامي يحي سويس متزوج بنت خالته المحامية امل بمدني
ومعرفة تالتة معاوية الزبير كان يسكن معه لسنوات في الغربة
واتصل بي بكري واتونسنا والواتس حقو عندي
يعني بالنسبة لي شخص حي اعرفه واعرف اسرته
ف المعرفة الاهم في المنبر
هو شخص ذكي يسبر غور الكلمات المكتوبة . ذو لغة رشيقة مرحة . وتعابير تتجاوز ظاهرها
محاور شرس . رغم غشاء التسامح الظاهر لكنه شرس في ابراز فكرته . ويتجاوزك ان لم يراك ترتفع لمستوي فكرته
احبه جدا دون مواربة . فهو من الكتاب الذين يستهونني . لا يطنب ويوجز في بلاغة
لا يعاملك كطالب فيسهب لك بالشرح بل ندا له
لا احسبه سيغادر مثله لا يهرب والانسان كالبحر مدا وجذرا
اظنه في لحظة كمون
كشخص يريد ان يتجاوز هاوية . يتراجع مقدار ما يستجمع قوته ويأتي مندفعا قافزا متجاوزا الهوة
كنمر ينصر علي نفسه لينقض

Quote: ن يطلق حقير عاطل إشاعة للابتزاز والاسكاد، يتلقاها هؤلاء الغالبية بمنطق: لماذا اختارك انت بالذات دون الآخرين؟ ما في دخان بدون نار؟

لا ازعم اني افهم ما يعني ابوبكر عباس تماما لكن اعتقد انه وصلني ما يريد قوله بشكل كبير
هل يهتم من هو مثل ابوبكر بهبل زي سيرة بانت مثلا او بتنزل وين لامن تمش امريكا؟ قطعا لا وواضح ان عدم تأير مثل هذا الهبل عليه اضطر الكذّاب - و رعاة القوالات و محركي الدمى الوراه - لتغيير التكتيك و الحديث عن كذب في افادات رسمية لدخول امريكا!
وطبعا دا كلام اهبل و أكثر سذاجة من الفات! لكن ولسة نتوقع فرية جديدة طالما تدي برضو ما ح تجيب دخل شخصية مثل شخصية المستنير لا تهزمها مثل هذه الابتزازت الساذجة سذاجة اصحابها
المؤذي هو ما ذكره ابوبكر في الكوت و ياتي في اطار تبادل الأدوار, الفاتية المحروق و اللذي لا شيئ لديه يخشى عليه يطلق الريح ثم يأتي من يرتدي لباس الحكمة ويمسك انفه! ويقول ليك اشمعنى اختارك و اشمعنى انت فسى ليك في وشك و ليه ما تركز وتدافع كما فعل و يفعل الخبير الللمبي !!

و انت طيب يا ملك

Quote: جلالدونا كل سنة أنت وزوارك على أطيب حال .. قرأت مداخلة د. أبوبكر وقرأت تعليق أبوسن عليها .. وعلى الرغم من أنها من أصعب ما يمكن أن يكتبه الإنسان عن نفسه .. غير انها ـ ويا للمفارقة ـ من أروع ما يمكن أن يكتبه المرء عن نفسه .. كلام يشبه تماما تفاصيل أبو بكر إن أند آوت .. فهو من القليلين الذين نجحوا في غسيل دواخلهم من النفاق بكل أشكاله .

فعلا يا ملك
رغم بساطة الكلمات الرسالة مشحونة بالعواطف الانسانية
المستنير ظاهره كباطنه
نقى طاهر

مرحب ست البنات و بخيت و سعيد علينا و عليكم

Quote: العيد مبارك عليكم أبوبكر عباس من اعظم كتاب المنبر . ست البنات.

نعم يا ستهم
المستتير كاتب مميز و له اسلوبه الخاض الممتع و البسيط
اتمنى الا ينقطع عنا

سلام يا جماعة وبدل ان نلوك فى الكلام انا كل ما أطلبه هو سحب هذا
البوست سواء من صاحبه أو من بكرى
مع خالص التحايا
صديق مهدى على

Quote: ودا تحدى..اعنى ما اقول واتحمل المسعولية

ههههههه
مجربنك قبل كدا يا مواطن
ههههه

مرحب جلالدونا
وعيدك والأسرة سعيد وامانيكم محققه باذن الله.
ست البنات.

Quote: مجربنك قبل كدا يا مواطن

هههههههه
الطعمية ما عندك يا علي بشير :)

حسين ملاسي قال ذات غباء:
ناس سودانيز ديل مساكين، لكن ما قايلم مساكين قدر دا!!

أنا لم أغير جنسيتي حتى الآن وليس لي علاقة بلجوء على الإطلاق
وليس لي علاقة ببلاد الكنغر خالص

البوست بتاع باركوا لي الجواز الأمريكي كتبتو بعد زوجتي أخدت الجواز وقد حضرت معها أداء القسم، ولمحت في ذلك تناقض مع كونك مسلم وفِي نفس الوقت أمريكي

عيالي أمريكان بالميلاد

يا مستنير ...
انت ما قلت في خطبة وداعك ديك (انه لو جاوبت بتورط نفسك اكتر) ...
طيب الجابرك شنو عشان تقعد تبرر لزول اصلا ما عنده (أي) حق يسألك سؤال شخصي !!!
ياخي الناس هنا بسألوها سؤال ما شخصي قاعدين يتجاهلوه ...

اسه انت ما طبقته مقولة ملاسي على نفسك بالكربون :

Quote: ناس سودانيز ديل مساكين، لكن ما قايلم مساكين قدر دا!!

اسئلة زي دي بتطبق فيها نظرية د. مصطفى محمود ...

التجاهل ...
التجاهل ...
التجاهل ...

ما تبقى زول مسكين ياخ ...

وبالعدم طبق نظرية جمال الوالي (العارف عزو "مستنير" "")


كل عام ترذل ()

معقول ياخ !!!

شنو يا صائم، من وثائقي الشخصية طالبها مني لنفي اتهاماتك؟

جيت بطلب من صديق يا فضيل،
عشان أثبت حاجة، إنّو في دخان بدون نار
ومنطق ليش قاصدك إتّا من دون الناس؟
منطق ساذج
وانو الصائم دا زول ساذج جداً غير مؤهل يكون عندو حساب هنا

بوست باركوا لي الجواز الأمريكي بوست سخرية من التضاد الوقعوا فيهو الناس وهم لا يشعرون
حاولت انقض الناس بتمثيل نفسي أخدت الجواز الأمريكي
والمفروض أعمل شنو في حالة قسمت قسم الجواز

انا مع الاجراءات القانونيه ضد اي اساءات او اشانه سمعه داخل الاسافير وضد اي باركوها يا جماعه والحلول الجوديه الماخرانا دي ..

Quote: شنو يا صائم، من وثائقي الشخصية طالبها مني لنفي اتهاماتك؟

ههههههههه
حننتني عدييييييل يا إتا ....
هديتي ليك سيفتي شوز من رد وينق مقاس 45 ...
الجزء القدامي صلد من الحديد ... شلوت واحد
بس يمين الله ساقو يبقي كشكوش ....

حمدلا بالسلامة بكري
دي مداخلة اثبات اظنني اعرفك

أنقد
وان كان أنقض برضو جاية

Quote: شنو يا صائم، من وثائقي الشخصية طالبها مني لنفي اتهاماتك؟

.
.
.
البينة على من ادعى ...
غايتو بقيت تجليها واقفة يا عمك ...
.
.
.
دا حالتو قالوا زول بوزع الافطار على الصائمين في نهار رمضان ...
صحيح دنيا فرندقس ...

أجلي ليها شنو؟
من مداخلتي ديك ما فتحت المنبر
لمّ فيني زول هسع خصمني بالرسول
وانا بعز الرسول
انا ناوي امشي عمرة المدينة بس
المهم قال لي:
بس أدخل أدي لينا الساذج دا طلقة في كراعو

في شاعرة كبيرة جدا في باريس من المعجبات
قالت لصديقاتها في قهوة في الشانزليزيه والصيف يحتضر،
ما لاقاني زول متسق في الدنيا دي زي المستنير بتاع سودانيز دا،
وأنا (ضمير المتكلم يعود لها) وحات باريس، لو ما كنت متزوجة، ما بخليهو ملو كلو
رسلت ليها رسالة عبر وسيط القطيعة قبل نحمر الشيّة،
قلت ليها طلقيهو
أنا بحب باريس

حصاني الأسود الماقعد يخسر ليهو رهان كلو كلو هو : لاتأخذوا هذا الرجل على محمل الجد أبدا

الطلقة الفي الكراع دي بفكها الزول في نفسو ما شفت في الأفلام يقول ليك أطلق النار على رجليه

استنارتك زي مناخ البحر الأبيض المتوسط

نقضت غزلها
فصحي
نقضت شعرتها
دارجة

Quote: في شاعرة كبيرة جدا في باريس من المعجبات قالت لصديقاتها في قهوة في الشانزليزيه والصيف يحتضر، ما لاقاني زول متسق في الدنيا دي زي المستنير بتاع سودانيز دا، وأنا (ضمير المتكلم يعود لها) وحات باريس، لو ما كنت متزوجة، ما بخليهو ملو كلو رسلت ليها رسالة عبر وسيط القطيعة قبل نحمر الشيّة، قلت ليها طلقيهو أنا بحب باريس

هههه حزنان وواعي

الزول لو اتلح التور، التور بنطحو دي حاجة طبيعية...
الماطبيعي إنك تقول للتور ليه ناطحني؟ ماكان تديني بنية...
ح يقوليك قسمتي في قروني دي بس...

في الحالة دي في خيارين بس: ياإما توقف التليح..
أو ترضى بالنطح...
انا شايف الخيار اللول أفضل...

مثلك بعيد عن الحاصل يا عليش, اديك واحد اقرب
انت ماشي في الشارع, كلــب نبح فيك إمّا تطنشه أو تنهره أو تخلّي ليه الشارع, ديل خياراتك اي خيار تختاره ما مشكلة
مشكلة بكور هنا ما مع الكلــب تحديدا, فا الكلب دا فهمو في الدنيا انو ينبح فيك عشان تخلّي ليه الشارع
مشكلة بكّور في ناس الشارع البجوا يقولوا ليه نبح فيك انت تحديدا و خلى باقي الناس الماشين جمب الحيطة

ياود البشرى احتمال انا اكون ما مواصل باستمرار في المنبر...عندي فجوات حسب ظروفي،ولما أجي ماقعد اقرا الأرشيف بشوت من محل جيت...
عليه الشئ العارفو إنو ابوبكر كان مطارد الصائم باستمرار...

فعلا ما متابع يا عليش
لكن لنفترض جدلا انه دا الحاصل هل ابوبكر طارده في شي غير العام او المكتوب هنا؟ هل تطفل على خصوصياته وتجسس عليه وبارى قوالات بشأنه ونقب وراه عشان يلقى تاريخ او شيئ ما يبتزاه بيه ويسكته؟
هل افترى عليه او رمى كلام خايس زي لما تسافر مكة بتنزل وين؟ مثلا

عرفت الفرق

مادي القرون القاصدا انا في المثل


*بعدين بصراحة إنت ماعندك قدرة الحياد في الحكم على معاوية،لأنو عندك معاهو تجربة مريرة ...
انا مابقوليك سامحو،لكن بقول تجاهلو..

ومنو القال انا عايز اكون محايد. ثم انا ما بعتبر تجربتي معاه هو في شخصه بل في الفكرة و الاسلوب القائم على الابتزاز و الكذب ودا ما كنت ولن اكون محايد امامه

بالمناسبة محاولات التبرير وايجاد الاعذار لهذا الاسلوب مرهقة جدا انت قلت ما متابع والا كان شفت كيف تعب البعض و ارهقوا في سبيل ذلك

ياعزيزي أنا مادار أبرر..لكن طالما إنت دار تحكم لازم تكون محايد ــــ دا مبدأ ـــ او ماتحكم...
أقوليك حاجة عشان ترتاح ،انا الصايم ماقعد اقرا ليهو إلاّ نادرا،أبوبكر بفتش بوستاتو وتعليقاتو...
بالتالي،مطاردتو للصايم خصما عليّ أنا شخصيا...
فهمت ياعمك

ورب المجرات، كلامي بتاع الشاعرة الباريسية القيافة جدا صحيح
لو مغالطتي اسألو بروف أمين
كنا قاعدين سوا في استاربكس مردف سيتي سنتر لمان الزولة الوصلت الكلام قالتو في القهوة

حياد و احكم في ماذا؟ في احقية ان يساءل احدهم الناس بتنزلوا وين لما تمشوا الحتة الفلانية!
بعدين انا ما مشكلتي فلان او علان بالاسم عشان ارتاح او لا من قراية مواضيعه فلا معرفة شخصية هناك ولا اتشرف بها. انا مشكلتي في الاسلوب لكن مشكلتي الاكبر في قبول وتمرير الناس له كانه امر معتاد

انا مشكلتي في الاسلوب لكن مشكلتي الاكبر في قبول وتمرير الناس له كانه امر معتاد
ـــــــــــــــــــــــــــــــــــــــــــــ
لو قلتو إنت مابنمررو ليك...لأنو ح يكون غير معتاد..
إنت مالك الليلة؟

يتفض الاشتباك بين المستنير وهناي ...
يقع اشتباك بين بشرى وعليش ...
غايتو يحلها الشربكا ...
.
.
.
يا بكري لو كنت حريف كان تسقف على خطبة الوداع ...
اسه الخطبة دي نوديها وين يعني ...
.
.

أرجو ألاّ يفهم بأي حال من الأحوال بأني استهين أو استهتر بالأذى الذي سببه الصايم سابقا لود البشرى..و اعتقد أني لم أكن موفقا في الإشارة إليه هنا...
نحن هنا نحتفي باختلافنا في الأفكار،لكن لانستهين بالمشاعر..

*هذه المداخلة مكتوبة من قبل مداخلة الأخ قسم...

اتا يا قسم، زمان كنت مشاكلني
ما لك اتصلحت معاي؟

كل مرّة اقول اسألك من التحول دا; انسى

الشاعرة الباريسية دي بس ما تكون ( إيزابيل لاني) ؟!!

Quote: كل مرّة اقول اسألك من التحول دا; انسى

انت ما بتنسى كلو كلو ...
قول لي ليه ؟؟؟
لانك ماكل لحم ابل ...

عموما انت طالبني اعتذار كامل غير منقوص ...
ولو محتاج لبوست اعتذار منفصل قول عووك !!!
..
..
بعدين انت مستغرب في تحولي انا وما مستغرب في تحولاتك الكتيرة دي ؟؟؟
كل يوم حردان و ماشي سايب المنبر وكمان في النهاية جابت ليها (كل عام وانت ترذلون) ...
المرة الجاية ما معروف تختمها بي شنو ؟؟؟
غايتو الحردة الاخيرة دي حرقت ليك زي طاشر لمبة كدة ...
..
..
عموما دا ما موضوع البوست وخلينا نرجع لخطبة الوداع ...
اسه ناس الملك وحفيظ وجلال ، القالوا دا اصدق كلام ممكن يقولوا الزول عن نفسه وما عارف ايه يودوا كلامهم دا وين ؟؟؟
انت كمان ما كان تحرق مراكبك كلها و كان تخلي ليك خط رجعة ...
عموما ويلكم باك ...
وان عدتم عدنا
...
...
...

التحية لى كل الاخوة و شاكر مروركم السمح و زين
و شكر خاص للمستنير بتشريفو للبوست

معقول يا جلة تكتب هكذا :
الشكر لى كل الإخوة
الافضل ان تكتب هكذا الشكر لكل الإخوة ههها

تخريمة
رجوع ابو بكر عباس جهجهك ولا شنو ؟
اخوك الرمادى

صديق مهدى على
ههههههه

Quote: إنت مالك الليلة؟

هو ولا انت ؟

بحاول دايما في البوستات الزي دي اتكلم بالمسطرة...لكن مع تقدم الكر والفر تلقا المسطرة أكلت ليها ملي او اتنين ـــ طبعا في ناس بحسبوها سنتمرات عديل ـــ .. تعرف ياعلي
قراري التاني الماقادر عليهو هو ان اكتفي ببوست التلاقيط فقط،طبعا القرار الأول هو ترك المنبر ...
بالنسبة لسؤالي لود البشرى الإنت اقتبستو، كنت قاصدبيهو استنكاري لعدم فهمو لمعنى مداخلتيني القبل السؤال،وهو الذي لاتنقصه الألمحية...

لكن برضو اكبرت فيك مداخلتك دي،فيها معاني اعتز بيها...
او هكذا خيل لي

Quote: أرجو ألاّ يفهم بأي حال من الأحوال بأني استهين أو استهتر بالأذى الذي سببه الصايم سابقا لود البشرى..و اعتقد أني لم أكن موفقا في الإشارة إليه هنا... نحن هنا نحتفي باختلافنا في الأفكار،لكن لانستهين بالمشاعر..

يا عليش شنو الحساسية دي, أنا لم يصلني اي احساس زي دا, ولا حتى احساس ان هناك خلاف اساسا كل ما في الأمر بحاول اقرب زاوية شوفك للموضوع من الزاوية الانا شايف منها.

ما قراأته في المداخلة الفي صدر البوست فوق جعلني ارجع للارشيف وليتني لم ارجع الي هناك، النبي ابوبكر عباس انسان جميل الدواخل ويظهر ذلك جليا من خلال ردوده النيرة.

ما كتبه في مداخلته اعلاه ينم تحمل اذي واقتدار في محاولة ادارة الالم ، ما كتبه الصايم في حق النبي عباس هو انجراف وافتراء موغل في العدوانية لم يكن ضروريا مطلقا. لكن ما فعله الصايم هو هو تسلسل لمدرسة تتبع هذا الاسلوب الهامل بغية الانتصار والتشفي ورواد هذه المدرسة هم من يقتاتون علي لحم اليسار وهم من تسبب في انهيار افكار اليسار التنويرية وهم بمعني ادق عالة علي اليسار وحركة النوير.

انا مؤمن لحد اليقين بان ود الصايم خصم سهل جدا بالنسبة للنبي عباس وهذا ما جعل ابوبكر عباس يكتب ماكتبه. فالفرد احيانا يشعر بشرود الكلمات وتختلط مشاعره عندما تكون الفروقات شاسعة بين من تحاوره وشخصك.

فطوبي لانبياء المنبر ممن يعانون في صمت.

المرارات بتاعة الصادق المهدي اقوي من مرارات ابوبكر ومعاوية

داك قلعوا منو منصبه وفوزه الانتخابي وفرصة كبيرة للتنظير السندكالي

مع ذلك استطاع تحمل الراهن

انا غايتو الاتنين كويسين معاي (معاوية وابوبكر)

يا لطيف، يا كافر، يا أخي كلام عليش انو انا مطاردو صنفتو اهانه ،
تجي اتا تختني في قوس واحد مع الكوز صديق الشيوعيين دا؟!

الجميليين الملك، ابسن، جلال، السنوسي وست البنات
ان شاء الله شنو كدا شنو كدا

ابوبكر انا قصدي بالامكان تجاوز المرارات مهما كانت

يا لطيف، يا أخي، مقدرة الزول دا انو ينسج كلام ليس فيه ولا بوينت ون حقيقة، يخليك تشعر باحباط عظيم
انا زول لديح، بعد دا شاعر انو عاجز عن الدفاع
فما بالك لو وقع في دربو زول ما عندو شدائد
دا اسلوب وقح يدل على انو في مشكلة كبيرة في تربيتو
تنسف كل ما يقال عن انو زول سوداني تقليدي اصيل

دا بكون بمشي يفطر الصائمين وممكن في نفس الوقت يطقس منهم
عن أخبار اعداءه
عندو مشكلة تربية
الامور عندو مختلطة بشكل مرضي

عارفو المشكلة شنو ـــ وقد تكون الميزة طبعا ــ ياالحساب الإسفيري أبوبكر..؟
إنو لو أنا رديت على مداخلتك بالآتي: أمبارح مشيت لبتاع بقالة،قلتليهو في زبادي..قالي :الزبادي انتهى..لكن في فسيخ..

البحصل إنك ح تحتفي بردي دا وتعتبرو زاوية شوف...وإحتمال تكيفك كمان...
لكن يااللخو في حاجة كمان دار أثبتا ليك :إت جمل شيل جد جد...قعد نكتب معاك كما اتفق المزاج أو الظن،ولانبالي،بتعبير تاني:إت حوض سباحة للناس الدار يعوموا عريانيين...
يعني الأرهقم لبس الحساسية ..
الحساسية دي طبعا كلمة بشرى المفضلة في هذه المواسم...
عمت صباحك يا اخا ال....

Quote: الحساسية دي طبعا كلمة بشرى المفضلة في هذه المواسم...

عقّدتني يا عليش و خليتني احس اني مدين ليك بتفسير كلامي
قصدت بالحديث عن الحساسية اشارتك لأني ربما اكون فهمت او حسيت عدمتقديرك للاذى الذي اصابني بسبب نقاشنا اعلاه, وانا حبيت انفي لك هذه الفكرة بل و انفي صفة الخلاف اساسا عن النقاش او الجدال الدار بيناتنا
وخليني ازيدك من الشعر بيت, وعشان يطمئن قلبك, أنا لم ار في ما دار اي اذى بل رايتها معركة من ضمن المعارك الاسفيرية التي خضتها - واخوضها - لتثبيت فكرة حق ان تكون مختلفا عن القطيع دون ان تخوّن أو ان يزايد علبك بالوطنيةو الشرف و إلى آخر ما اعتادت الاسافير السودانية عليه, بل ورأيت فيها فرصة لحرق و إذابة العديد من أصنام العجوة التي شيدناها بأيدينا.
واراى ان النتائج إيجيابية إلى حد كبير
عشان كدا لا اتحسس او ارى اذى في سيرتها او تناولها فلتأخذ راحتك يا حبيب

المستجير دا كويس لكن خارب الكواسة بالشلاقة والقلاصة ..
اعتقد كدا البوست دا انتهى شوفوا غيرو .

Quote: ان شاء الله شنو كدا شنو كدا

هو بالله إتا بتعرف حاجات زي دي ؟
كان كده دابي صدقت إنك بتنطق الشهادتين .

تعرف يا الملك
مشيت على قوقل اجيب ليك صورة ليهو فى صلاة العيد
تأكيدا لى كلامك ده

Quote: كان كده دابي صدقت إنك بتنطق الشهادتين .

جاتنى صورة دينا
و الله صحى
قت يا ود اقيف لى عِن هنا
خفتا يسختنى
المستنير ده نبى زى ما قال اخونا السنوسى

يا ملك وجلال،
دي لغة ثقافية، الدين الاسلامي جزء من ثقافتي وتعابيري، وصلاة العيد جزء من الفلكلور بتاعي،
أجيب لغة وتراث من وين؟

salaam
ya bakooor

ياسلام على عودة بكور
ياخي البورد من غيرك ما بنقعد
اردم العنقالة :))

سلاملو سمحت د. ابوبكر..
ايش سبب المشكل الاساسي بينك وبين معاوية الصائم

عنقالة بتاعة فنلتك...
اعمل حسابك يازول ،أنا بعدّا بردمك بتكتيك (ابو القنفد المجنح)* ...


*طبعا دا اخطر من الحصان المجنح،لأنو بفك شوك من فوق...شووو...شوووو.

بمناسبة صاحبك..
حدو في المنبر قرييييييب...
وبكرا تئول آلوليييي.

ياعليش
انا وود البشري حسابين بباسويرد واحد
اردمنا الاتنين :))

معقولة يا مستنير

Quote: يا ملك وجلال، دي لغة ثقافية، الدين الاسلامي جزء من ثقافتي وتعابيري، وصلاة العيد جزء من الفلكلور بتاعي، أجيب لغة وتراث من وين؟

استنارتك ال بتغتّى عين السمش دى كولللها ما فيها حتة ارث ثقافى
يخليك تعبّر بى اسلوب تانى بعيداً عن حاجاتنا دى المحتاجة لى استنارة عشان تقيف على حيلا
هسى فرقك من ود المدير شنو البقول : لا نام و لا اكل الطعام