{ خرفان .. في الصيوان}

06:19 AM September, 01 2017

سودانيز اون لاين
دفع الله ود الأصيل-
مكتبتى
رابط مختصر

//خرفان في الصيوان//

ود الجزولي وينك يا صاخب صيوان الثقافة؟!
و الله خايفين نفقدك أنت زاتك و نتمني نشوفك قريب.. و لا كمان أقول ليك حاجة؟!! تعال وكت ما لقيت ناس, النملأ ليك صيوانك دا خرفان!! هاه ، قلت إيش رأيك بس ما تستغرب أو تستهجن الفكرة.

@ فمنذ مدة فصاعداً وعلى مرمى بضعة لحظات
من بظء مراسم العيد السعيد و نحن بصدد تفشى حمى(الوادي المتصدع)ليس بين البهائم ، بل بين الناس، تحت وطأة اشتعال أسعار الأضاحي. هذا بطبيعة الحال، لمن قد يستطيع ( إليها سبيلاً)؛ و أما المعا عندوش فما يلزموش.عشان كدا قمنا أمس بدري بدري ختفنا رجلنا نزلنا زريبة بالكريبة.
@ فقلنا ناخد شقة نشوف لينا عضة للضحية ؛ أي حاجة إن شاء راس نيفة زول و لا ختى لو أصابعبن جدادمن سةق صابرين ( نزام قظر ظروفگ و گدي). ففوجئنا بلمة و هيصة سادَّة عين الشمش. شنو آناس قالو:الغنم السنة مع الخريف الشگلو فشنك و المسور ( الماسورة)الصافق دا ح يكونن معلنات حداد عام.
© فقامن اتفقن مع جماعة والينا (إيلا) يضربن سرادق عام لتلقي واجب العزاء في بعضهن البعض. قال اتعهدو ليهن مع مقاول تنظيم فرشات يزودهم بكمية صيوانات، مع الأباريق و شحنة دفار مناديل فاين لزوم المخاخيت و حاجات تانية متل سكاكين لشق الجيوب و و براطيش للطم الخدود.

@ ففعلاَ شفنا من عجايب الدنيا عجباً عجاباً. أول شيء أهل البكا ظاتم خشم بيوت: أجناس و أحجام و أشكال و ألوان. بدءاً بال(vip), البيجي الأنيق ستايلمن النوع المفكر يدخل(سجل غينص) للأرقام القياسية.( ياخ ، ضحية أولاد المصارين البيض ، زي ناس الديك/تور / جمال الوالي و أنت طالع لا فوق؛ لا عن (دقن أكبر ديك/ تا/ تور في تيوسك تركبو)...

@ ثم هبوطاً إلى البروليتاريا الأبرق الهفتان بعيد من النوع عنك البحرجك مع نسابتك. زي واحد بجغور صومالي كدا منزوع الضنب،ما يساوى خمسة قروش سمع سيدو يفاصل و يتمنى منى في سعره قام اتنحنح نحنيحة خبيثة كدا، كناية عن قوله:"بيع يا منافق ليك الحق في كل ما تنافق" أنت عارف عندي أنيميا. و كمان عامل مثقف بتابع (عزيزي المشاهد على القناة القومية).
@كمان برضو شفنا ليك فيهن المصاب بحمى ما قبل الضبح ، وآخر يقرأ بهستيريافي كتاب(كيف تصبح حيواناً آخر، لأسامة السيد).لاحظنا بعضها عدواني جداً و شكلو مهووس بالسياسة شبه الخنزير شارون (مرمي معفن ليه 6 سنين كل يوم يقطعوا حتة من مرارتو لحدما مات (يستاهل دا حق ضحايا صبرا و شاتيلا).
@ لاكين في المقابل بعضها مسالم و مهادن تلقاه حايم بالكوش (يقرض) في الدلاقين، بينما آخر رومانسي ( يقرض) في قصائد الششعر و شُّو ينعل
في قفاه يندب حظه:عيد بأية حالٍ عدت ياعيد لنتشوي ثم نتلهط أم لأمر فيك تجديد؟ أو يدندن مع زيدان إبراهيم(عدت ياعيدي بدون طقوس. وين بقرنا وين التيوس..غابو عني)

@أثناء مرورنا ضحَّكنا ليك خروف كملان كدا زي ما تقول، من لحم الدنيا لقيناه واقف لسيدو ينفخ فيه بمكبس عجلات كل شوية ؛ و آخر يتفاوض مع واحد يدقس ليه في دحيش يشرح ليه إزاي يلبس الفروة في يوم العيد و الأجرة 3 كلاليق برسيم ، يستلم بعد أيام التشريق.
@ ثم آخر تفتيحة راح فاتح بلاغ في صاحبة ملفق لو تهمة تحرش و شروع في القتل العمد مع سبق (الصٌرار) و الترصد.
@ و واحد تاني كمان دا مافيا قام سحب السكين من سيدو و جرسو بيها.
@و ثالث وصلت بيه حالة الاكتئاب مرحلة متأخرة لدرجة إنو قعد يدعي على نفسه بأنفلوانزا الخنازيرو لا أي نصيبة تاخدو بس تختيه الساطور.

@ و رابع شكلو كدا شهادة عربية حنكوشة حنين كدا قام لجأ لمنظمة العفو الدولية عبر قنوات (الدلدوماسية الشعبية) فلما فشل فزولك قعد يوسل لصاحبه ، يقول ليه:(هانت الايام عليك يا سيدي و لا هنت عيك أنا. وين حنانك يا حنين وين عيونَّا من الهناء).
@الحقيقة في شلة خرفان كدا معرفة قديمة من سنين طويلةلاحظلنا غيابهن فقدناهن قالو: مشن يعملن حفلة تنكرية مع طيور البطريرق (ضاربات ليك الهم بالفرح)و بعضهن كمان للغرابة سمعناه يتبادل عبارات الشماتة.
**************$$$$$************

¶أخوياً لينا سعودي شاف ليه خريفات كدي زي المهجنة و لا محورة وراثياً مش عارف فأتحفنا بتعليق ظريف قال: اسمعني و أنا أخوك: حاجة من الاتنين:_هدولا يا إما جمال الله سخطهم و لا سخلاتالله راضي عنهم و ديل بشتروهم مشاركة و لا كيف.. عجايب ، موباااالغة فعلقت على تعليقه بهذه من عندي: لا وأنت الصادق يأ اللخو, حاجة من اتنين:ديل يا إما يكونو خرفان منملين و لا نملات مخرفين,,, و ممكن تشتريهم يا إما( مسيار)أو(عرفي) ودي بصراحة موش عجايب ,عضة الضحية بقت من رابعة المستحيلات إلى جوار ناس العنقــــــــــاءو الغول
و الخل الوفي. واحد بتاع بهجة كدا كرستلاوي قال: أنا نصيحتي للما قادر يفتح للموضوع من أساسه و يكسب صيام
(العشرة من ذي الحجة) أحسن و بعدين تتموها شربوت بضلافين.مع مودتي الشديدة
***********$$$***********
تثبيــــتـــــة لا بـــد منـــها:
للأمانة الشكر واجب و خاس للرائع/معروف أوشي على ألبوم الصور التي أوحت لينا بكل هادي الخرابيط المرتجلة, اللي كان زودنا بيها من أيام الحاهلؤة الأولى في الراگوبة و قلنالو: ماتخاف اللخو حق سلبطة الملكية الفكرية ففتي/ ففتي نصو ح يكب في جزلانو, فبقول احسن ليه من شغلة الرشايدة دي.... و لا شنو؟؟؟.

اقتباس المشاركة الأصلية كتبت بواسطة abdelazim مشاهدة المشاركة
يا ود الأصيل قوم لف بالله. علا بالموناسبة ،
إنت السنة دي گنتا ناوي تضحي يعني،
و الا الوضع شنو؟!!
٪٪٪٪٪٪٪٪٪٪(((+++)))٪٪٪٪٪٪٪٪٪
ألف وين اللخو ..
سيك سيك معلق فيك ،
إتا ي المشتح إضنيك .
@ و بمناسب شتيح الإضنين،
بالله دا حال زولن بضحي. و الكلام
طبعن ليك ي بتاع السعودية ، إن شاء
تدفرو لينا سواكني يجينا عايم كاطع
البحر المالح بي سدرو ساه .

اقتباس المشاركة الأصلية كتبت بواسطة Abdelazim مشاهدة المشاركة:
* بحر منو يا ود الأصيل...
ما عندنا خورفان بتقطع بحر نحنا.
٪٪٪٪٪٪٪٪(((+++)))٪٪٪٪٪٪٪٪
® إنتا ي أونكل عظمة ما عليك .
بس تفكو لينا من جدة. و سيعرف
الخير أهله ليتقدما

اقتباس المشاركة الأصلية كتبت
بواسطة عادل القاسم مشاهدة المشاركة
يا سوك سوك.. ود الأصيل ده صاحبي جدن
جدن.. فلازمن تراعيهو لينا ..تريل لو حق الضحية
٪٪٪٪٪٪٪٪(((+++)))٪٪٪٪٪٪٪٪
@ ي عمو عادل حديسنا
لأونكل عبدو أفتكر كان واضح جدن جدن.
فمن غير غلات كدا و لاسلبطة ، فإتا ظاطگ ،
لو بيناتنا صحبة، بالله تترجما لينا لأرقام صحيحة
و من غير أية كسور لا بواقي...

المشاركة الأصلية كتبت بواسطة
أبو صديق مشاهدة المشاركة:
تسجيل حضور وحجز بكان ...
تسجيل إعجاب و متابعة.
٪٪٪٪٪٪٪٪(((+++)))٪٪٪٪٪٪٪٪
و الله ي بو صديق إنكم لتخجلون تواضعنا؛
فتوشكوا أن تثقلوا كاهلنا بكلفة تراحيب و جمائل
باهظة ، دونها شق الأنفس و العرق. حتى لو سال
سليل الفراديس عند سد مروي، مدادا من فوهة يراعنا،ثم اتخذنا من نخيل الباوقة أقلاما، لعجزنا عن إضافة فاصلة بعد نقاط ثنائكم و حفاوتكم بنافي { ربوع شندي.. بلد الجمال عندي}

المشاركة الأصلية كتبت بواسطة Abdelazim مشاهدة المشاركة:
يا دفع الله ياخوي انا من عامناول قاعد الملم في حق الضحي الجاي فعليك الله جازف لي معاك شي من الكريبة.
٪٪٪٪٪٪٪(((+++)))٪٪٪٪٪٪٪٪٪

@ خلاس ي أونكل عبدو ، وكت عرفت لينا درب الكريبة أرح نرجى ربگ هناك. و بنجازف لك إن شاء الله عتود( بجغور)

اقتباس المشاركة الأصلية كتبت
بواسطة عصام فرص مشاهدة المشاركة:
يا عمك ما ملاحظ السنة دي الخريف ما فيهو هظار
(جد جد) المهم الجزولي دا معانا هيني هههههههه .
ــــــــــــــــــــــــــــــــــــــــــــــــــ
* بس ياخي الزول الفارع لنا ببهو زريبة الخورفان دا اسمو عبد العظيم و اسم القفر / سوك سووووك ياخ ما الجزولي
٪٪٪٪٪٪٪(((+++)))٪٪٪٪٪٪٪٪٪

@ لا وأنت الصادق ؛ دا سمسار في ( تورا بورا) ،
و جزار في (قندهار). ثم تعال هنا يا لتاع الفورص
أتا (بس نظام امسگ لي و النگطع ليك) شن دخلگ
إتا بين البصلة و قشرتا؟!!

يا خوانا و الله إنتو فعلا طاعمين جنس طعومية تنسي الواحد الجوع ظاطو. بالمناسبة العندليب الأسمر الراحل المقيم / زيدان إبراهيم كان صاحب بديهة نادرة و نكتة حاضرة و گان بريد الطعمية زي عينيه. لدرجة گان حاجز ليه مجعول عن ستها جنبهم جوار جامع مرفعين الفقرا في حي العباسية . فمرة و هو راجع من العداد متأخر قالها "ي حجة طعميتي وينا؟! قالتلو والله خلست جا خماها العربي السموهو/ الأمين عبد الغفار دا. قالها: هو قشير دا يخم الريد و يخم ودو، و يخم نفحات عبير وردو، و يخم طعميتي كمان برضو؟!!

لگن عمتك ظاطا مي هينة ، ناقشة أمور الوسط الفني ؛ قالتلو: و أنتا ياخوي حتك ماگ مقصر" تحين ما شلت الجراح، و الابتسامة و كل حرمان اليتامى؟!!" قام ضحگ و قاليها: ي ولية إنتي بتاعة طعمية ؛ و لا الشاعرة /حكمت أحمد ياسين.