Post: #1
Title: اسعار الخرفان والبلح
Author: عبدالحفيظ ابوسن
Date: 08-29-2017, 08:21 AM
07:21 AM August, 29 2017 سودانيز اون لاين
عبدالحفيظ ابوسن-no where
مكتبتى
رابط مختصر اسعار الخرفان سوق كوستي
حمري ما بين 2.5 و واحد مليون حسب الحجم
القشاشي 1.5 وتمنمية ألف
االبلح القديم للشربوت الملوة 50/40 الف ج
الربع يعني 100/80
لمن يرغب
يا ترسلو قروش كويسة ولا اعملوا نايمين
|
Post: #2
Title: Re: اسعار الخرفان والبلح
Author: صبري طه
Date: 08-29-2017, 09:04 AM
Parent: #1
| Quote: يا ترسلو قروش كويسة ولا اعملوا نايمين |
الشربوت السيوبر عندك بي كم ؟ :)
|
Post: #3
Title: Re: اسعار الخرفان والبلح
Author: عبدالحفيظ ابوسن
Date: 08-29-2017, 11:16 AM
Parent: #2
مرحب صبري
الناس خلعونا بأسعار الخرفان
البلح طالع جديد واسعارو بتنقص لسة
بلح الشربوت دة البلح القديم الشين
|
Post: #4
Title: Re: اسعار الخرفان والبلح
Author: Hafiz Bashir
Date: 08-29-2017, 12:04 PM
Parent: #3
سلام يا حفيظ
سمعنا، و العهدة على الراوي، أن الخرفان في السوق مصنفة إلى ثلاث فئات:
خروف ترمب ب 4000 جنيه.
خروف عاصفة الحزم 2000 جنيه.
و أرخص أنواع الخرفان هو الحوار الوطني و سعره في حدود 1000 جنيه.
|
Post: #6
Title: Re: اسعار الخرفان والبلح
Author: صبري طه
Date: 08-29-2017, 12:13 PM
Parent: #4
| Quote: و أرخص أنواع الخرفان هو الحوار الوطني و سعره في حدود 1000 جنيه. |
معقولة في خرفان رخيصة للدرجة دي ؟!
غايتو زمان بيخلعنا ارتفاع السعر .. هسي خلعني انخفاض السعر :)
|
Post: #5
Title: Re: اسعار الخرفان والبلح
Author: عماد كرار
Date: 08-29-2017, 12:11 PM
Parent: #3
ياابوسن السلام عليكم
قشاشي كبير بي 2 الف واستلام الخرطوم
رائك شنو؟
|
Post: #7
Title: Re: اسعار الخرفان والبلح
Author: عماد كرار
Date: 08-29-2017, 12:19 PM
Parent: #3
عدلللتكرار
|
Post: #8
Title: Re: اسعار الخرفان والبلح
Author: عبدالحفيظ ابوسن
Date: 08-29-2017, 03:39 PM
Parent: #7
تسلمو والله
انا من هواة لحمة العمبلوك تصدق لكن مابرضو لي
عادي بشتري لحمة عمبلوك لبن وبقول ضاني لو عرفو ما بياكلو
القشاشي ما سمح وما بخت
سمح الحمري
|
Post: #9
Title: Re: اسعار الخرفان والبلح
Author: muntasir
Date: 08-29-2017, 03:52 PM
Parent: #8
سلام اب سن عُلِم بالنسبة لعمبلوك اللبن ما هي هوايتك بالنسبة للشربوت عشان انتو يا ناس كوستي سكركم كعب
|
Post: #10
Title: Re: اسعار الخرفان والبلح
Author: يحي قباني
Date: 08-29-2017, 04:02 PM
Parent: #9
يمين ( ما بخـُـت ) دي آخر مرة سمعتها قبل 35 سنة
|
Post: #11
Title: Re: اسعار الخرفان والبلح
Author: جمال ود القوز
Date: 08-29-2017, 04:10 PM
Parent: #9
غيرو ما بشتري يا حفيظ ..
الخرفان التانية عادي ممكن تتمقلب فيها وتطلع ماسورة ..
بلدي أو كباشي .. لغاية هسه كم سنة بضحي ..
وبشتري براي وأنا زول بندر مابعرف السعية ..
إلا بنجاضة العين والفراسة ..
ولا أي خروف حمري اشتريتو اتمقلبت فيهو ..
الحمري لحمته سمحة وطاعمة وفوق كده بيخت لحم كتير ..
لو لقيت هجين حمري مع كباشي بشتريهو ..
شكلو بيكون فيهو بقع بالابيض ده برضو كويس ..
أهم شي تختا القرج بتاع الصعيد ..
المنقط أبيض بي أسود زي الشطرنج ..
ده بقى ماسورة المواسير ..
|
Post: #12
Title: Re: اسعار الخرفان والبلح
Author: muntasir
Date: 08-29-2017, 04:24 PM
Parent: #11
يا جمال فعلاً زول بندر أهم شي في اختيار الخروف عيونوا
|
Post: #16
Title: Re: اسعار الخرفان والبلح
Author: جمال ود القوز
Date: 08-29-2017, 04:48 PM
Parent: #12
Quote: يا جمال فعلاً زول بندر أهم شي في اختيار الخروف عيونوا
|
هههههه ..
عيونو كحيلة يا منتصر ..
الخروف يكون أكحل أملح أقرن ..
وأهيف مضمّر الخصر .. مأكمته يضيق الباب عنها ..
انت قايل شوف العين بالنجاضة بيختا الجوهر ..
أبدا وحاتك .. ما بيجلي كلو كلو جوهر ومظهر ..
الوالد وهو قاعد في العربية بيختار البطيخة وهي في الواطة ..
ولا بيدقا بي يدو ولا بيشلخا حتى ..
شوف عين بس ..
البطيخة تطلع مرملة وزي السكر ..
الفراسة يا مونتي .. الفراسة وقوة الملاحظة ..
وحفظ التجارب السابقة ..
صدقني ما ببالغ ده الحاصل ..
ولا خروف واحد ماجبتو كعب ..
قالوا لي شكلك متربي وسط الضان .. 
|
Post: #13
Title: Re: اسعار الخرفان والبلح
Author: جمال ود القوز
Date: 08-29-2017, 04:28 PM
Parent: #11
| Quote: يمين ( ما بخـُـت ) دي آخر مرة سمعتها قبل 35 سنة |
تسمعها كيفن وانت في براري التندرا ..
خصوصية الكلمة دي يا قباني عند ناس كوستي ..
لي هسه شغالة وموجودة وتسمعها كتير بالذات في الضحية ..
يقولوا ليك الخروف شكلو عادي لكن خت لحم كتير ...
حتى في الخرطوم الكلمة دي نادر ما تسمعا ..
في الشمال عندنا برضو ما دقشت أضاني ..
في الغرب ما بعرف في ولاّ مافي ..
الخروف تقبضو من آخر السلسلة الفقرية كان ملا يدك ودفق ..
يعني ماقدرت تقبض سلسلته الفقرية عند مؤخرة ظهرة ..
دي حيخت ليك لحم كتير وده عن تجربة ..
أختا الخروف أب كرشا كبيرة ما بتجيك عوجة تب .. 
أقع البطنو (محرمطة ) وسلسلته ماكنة ..
وكتّر الشربوت يا قباني ودعه حتى يقذف الزبد ..
|
Post: #14
Title: Re: اسعار الخرفان والبلح
Author: ابراهيم عبد الوهاب
Date: 08-29-2017, 04:40 PM
Parent: #13
هههههههه
والله يا سيد جمال قبضت السلسة الفقارية
وجيست الضنب وقليتو فوق وختيتو نظام الوزن
وفاصلت في السعر نزلتو للواطة
ختيت الخروف في العربية ومشيت للبيت
معاي صحبي قلن نرفع الخروف للسطح
الطابق الرابع في نص السكة فترنا
عملنا للخروف اب سايد داون
عشان نشيلوا من رجلينو
القى ليك شطور كبار مدلدلة
الخروف طلع نعجة
حاولت اقنع صحبي بانه يجوز الاضحية بالنعاج
حلف الا يرجعو قال مرتو بتكتلو
|
Post: #15
Title: Re: اسعار الخرفان والبلح
Author: muntasir
Date: 08-29-2017, 04:47 PM
Parent: #14
لا تثريب عليك يا إبراهيم كويس قبضت السلسلة ما قبضت الريح أخوك ودالبشرى ده قبل كدة بي غرة صلاته دي باعوا ليه الترماج
|
Post: #17
Title: Re: اسعار الخرفان والبلح
Author: عبدالحفيظ ابوسن
Date: 08-29-2017, 04:53 PM
Parent: #15
يا منتصر الشربوت بعملو من اجود التمر
البركاوي الاحمر حق مديدة التمر داك
تديهو النار وتصر ليك قرنجال وقرفة وجنزبيل وهبهان في قطعة ساكوبيس نضيفة وترميهم جوة الزير . قبل الاستعمال بي يوم تجيب رغيفة وتصرها في دلقان وترميها في الزير
هيئة علماء الشربوت:-
ننوه بان اليوم هو اول ايام بل الشربوت
وعليه نرجو عدم دفن الجركانة او زيادة كمية الخميرة او التلاعب في المواصفات .. !!؟؟؟!!!
😂😂😂😂
|
Post: #18
Title: Re: اسعار الخرفان والبلح
Author: عبدالحفيظ ابوسن
Date: 08-29-2017, 04:55 PM
Parent: #17
يا قباني كم لبثت هناك
علي بالجزيمة كتبتها وما فاكر ليها
|
Post: #19
Title: Re: اسعار الخرفان والبلح
Author: جمال ود القوز
Date: 08-29-2017, 04:56 PM
Parent: #15
Quote: عملنا للخروف اب سايد داون
عشان نشيلوا من رجلينو
القى ليك شطور كبار مدلدلة
الخروف طلع نعجة |
هههههه ..
معقوله يا ابراهيم يأخ ..
الكلام ده والعين تعاين العين ..
ولا بيع ضلمه ومغارب ..
لو بيع ليل ومغارب ده معروف فيهو مواسير ..
اها في الحالة دي تجس الخروف فيما لا تراه عينيك ..
ليطمئن قلبك وتمرق من حكاية شرا نعجة دي ..
غايتو ده مقلب من أمو ..
الخوف ترجع البائع ينكرك حطب ..
يبقن عليك اتنين ..
|
Post: #20
Title: Re: اسعار الخرفان والبلح
Author: عبدالحفيظ ابوسن
Date: 08-29-2017, 05:02 PM
Parent: #19
يا جمال وتلتو .. لازمن بعد الجس تليتو
القشاشي بغشوك يسقوهو موية ملح يقيف زونبارة
ناسك ديك ما بفرزو العبور من الفحل
بنات الزكاة جن لي عمك للتحصيل عزلن ليهن الهايف منهن والممرضن
واحدة نطت قالت ليهو يا عمو ما تدينا اب تكة داك
قال ليهن
دة فحل الغنم لو اديتكم ليهو بهايمي بهملن زي هملتكن دي
|
Post: #21
Title: Re: اسعار الخرفان والبلح
Author: عبدالحفيظ ابوسن
Date: 08-29-2017, 05:14 PM
Parent: #20
يا ابراهيم مالها العبور !
ميزة العبور بتخت لحم كتير
في المناسبات بنضبح عبور وندس من النسوان لو عرفن ما بقبلن
الغشة جاتكم في السعر
بنشتري العبور لأنها ارخس
لكن في الضحية زي ما قال جمال
|
Post: #27
Title: Re: اسعار الخرفان والبلح
Author: ابراهيم عبد الوهاب
Date: 08-29-2017, 06:32 PM
Parent: #21
Quote: يا ابراهيم مالها العبور !
ميزة العبور بتخت لحم كتير
في المناسبات بنضبح عبور وندس من النسوان لو عرفن ما بقبلن
الغشة جاتكم في السعر
بنشتري العبور لأنها ارخس
لكن في الضحية زي ما قال جمال |
العبور كويسة
لكن البقنع الديك منو
ههههه
|
Post: #22
Title: Re: اسعار الخرفان والبلح
Author: جمال ود القوز
Date: 08-29-2017, 05:15 PM
Parent: #19
Quote: حاولت اقنع صحبي بانه يجوز الاضحية بالنعاج
حلف الا يرجعو قال مرتو بتكتلو |
اتذكرت .. قريبي وزول بلد ما زول بندر ..
رسلوهو يجيب خروف لي سماية ..
كان مستعجل ..
إتا قايل بتاعين الخرفان ما شيلوهو نعجة ..
والله ده الحصل ..
رجعنا معاهو عمل شكلة كاربة بتاعين الزريبة حاولو يتملصو منو ..
وانهم اصلا ما عندهم نعاج في البهايم ..
قلنا ليهم ياجماعة كلامكم ده أنتو مصرّين عليهو ..
ولا حتجو تتراجعوا لي قدام ..
عشان ما نظلمكم ساي ونبقى في حقكم ..
الجماعة لاوزوا وخلونا غيرنا النعجة بي خروف ..
ونحن في الطريق قلت ليهو كان تسعاها والله ..
قعد يضحك قال لي المصيبة الحريم حيشيلن حالي ..
النعاج كان بقيت عليهن بمش اشتريهن ..
انا جاي كايس خروف ارجع بي نعجة .. هههه ..
انت داير يمرقوني من البلد ..
وهو زيك كده قبل ما يدخلها البيت عرف الفيلم ..
نادانا بي بره بره ..
ضحكنا فيهو صحي لكن سترناهو ...
وكان ما نحن مشينا معاهو والله أصحاب البهايم كان اكلو حنك ..
غايتو الا كان يمرق ليهو بي بنيتين تلاتة كفائدة ..
لكن النعجة كانت متحمداهو زي صاحبك ..
بس ما تكون ده اتا يا برهومة ..
|
Post: #23
Title: Re: اسعار الخرفان والبلح
Author: جمال ود القوز
Date: 08-29-2017, 05:42 PM
Parent: #22
Quote: يا جمال وتلتو .. لازمن بعد الجس تليتو
|
غايتو انا مابعتمد على تلتو دي ..
لانه جماعتك بتمبلوهو موية ملح ..
فبكون وزنو تقيل ..
ده طبعا كان ما لاحظت لانتفاخ بطنه ..
اصلا خروف ليهو كرشه أنا ولا بقربو ذاتو ..
لكن في الشربوت لقيتك معلم ..
شربوتك بكون نجيض وسمح ..
عندنا في الاضحى بكسروهو بي عرقي .. هههههه ..
وقيل بكون عرقي صافي راسو عديل ..
تشم الواحد فيهم ريحتو (طاقة ) تشمها على بعد فورلونق .. وعرقو شاري يقول تح ..
ماشي يتضرّع جوه البيت ولا بيتلبد خايف زول يشم ريحتو الكشواره دي ..
تسألوا يقول ليك ده شربوت .. ..
طوالي بقول للواحد فيهم ... لا .. تخ ..
كلامك ده تقولوا لي زول فاره زيكـ .. هههههه ..
كل سنة وانتو طيبين وأضحى مبارك ..
|
Post: #24
Title: Re: اسعار الخرفان والبلح
Author: عبدالحفيظ ابوسن
Date: 08-29-2017, 06:04 PM
Parent: #23
هههه
تعرف جمال عندياعمامي رحمهم الله
الوالد ليهو الرحمة بحذرنا يوم العيد
اوعكم شربوت اعمامكم ديل ..
وكلامو صحي .. واحد فيهم بجدع فيهو والتاني بكسر فيهو نص عرقي .. وببلو قبل اسبوع ولا بنضاق زاتو
مرة الوالد وجدي مشو تاني يوم يعيدو علي عمنا . جاب ليهم شية الجمر وجك الشربوت . اكلو وكتحو الجك قامو صلاة المغرب
جو زعلانين وشاكلو
وهو صحبي سألتو
قال لي
علي بالطلاق متحايلين ساي علي الشراب من ضاقو عرفو
|
Post: #28
Title: Re: اسعار الخرفان والبلح
Author: ابراهيم عبد الوهاب
Date: 08-29-2017, 06:34 PM
Parent: #22
Quote: وهو زيك كده قبل ما يدخلها البيت عرف الفيلم ..
نادانا بي بره بره ..
ضحكنا فيهو صحي لكن سترناهو |
انا المزعلني عدم السترة دي
بالله كلما ارمي لي باييظ بالغلت في الكوتشينة
الجماعة ينهروني يقولو لي ارفع ارفع اتا قايلو نعجة
هههههههه
|
Post: #26
Title: Re: اسعار الخرفان والبلح
Author: ابراهيم عبد الوهاب
Date: 08-29-2017, 06:30 PM
Parent: #19
Quote: هههههه ..
معقوله يا ابراهيم يأخ ..
الكلام ده والعين تعاين العين ..
ولا بيع ضلمه ومغارب ..
لو بيع ليل ومغارب ده معروف فيهو مواسير ..
اها في الحالة دي تجس الخروف فيما لا تراه عينيك ..
ليطمئن قلبك وتمرق من حكاية شرا نعجة دي ..
غايتو ده مقلب من أمو ..
الخوف ترجع البائع ينكرك حطب ..
يبقن عليك اتنين .. |
ههههههههه
والله الشمس في كبد السماء
لكن صحبي دا نفخني قال اني خبير في الخرفان
فااااا
دقسه الشاطر
هههه
|
Post: #25
Title: Re: اسعار الخرفان والبلح
Author: ابراهيم عبد الوهاب
Date: 08-29-2017, 06:29 PM
Parent: #15
| Quote: لا تثريب عليك يا إبراهيم كويس قبضت السلسلة ما قبضت الريح أخوك ودالبشرى ده قبل كدة بي غرة صلاته دي باعوا ليه الترماج |
ههههههه
مع انو ود البشري دا يا منتصر بعتبرو خبير اجنبي عديل كدا
|
Post: #29
Title: Re: اسعار الخرفان والبلح
Author: عبدالحفيظ ابوسن
Date: 08-29-2017, 07:01 PM
Parent: #25
ودو دة يا ابراهيم اديهو الغولات
الزول اشتري خروف والجماعة قالوا ليهو غالي وغشوك
قال ليهم برجعو
قالو ليهو
كضاب ناس البهايم ما برجعو
المهم رجع ليهم وقال ليهم اشتريتو لي لبن العيال شايف الضرع لكن مافيهو لبن
سيد الخروف قال ليهو
اانت مطرطش .. في خروف بحلبو
قال ليهو مافيهو لبن وشفعي جيعانين
الحجة قامت زولنا عمل عوير كلو كلو . اتلمو ناس السوق ونضمو مع سيد الخرفان
ياخ دة زول مسكين وقيلو .. زول مسكين ساي
عصرو عليهو طلع القروش وهو زعلان اداها ليهو والبيعة كانت سمحة معاهو
ها قروشك زول لتخة ساي في خروف بحلبو
بعد قبض قروشو وحسبها وختاها في جيبو قال ليهو
عارف لكن غالي
|
|