في ميزان اللحمة .. ميزان زنبرك .. مرات بعلقو في السقف ومرات بمسكو زول وهو ميزان مصنوع في بلاد برة .. حق خواجات بوزنو بيهو اللحمة بالجملة .. والاسماك الخواجة عامل الميزان وكاتب عليهو حمولتو لكن نحن بنوزن ساي بعتمد علي الياي في تقدير الوزن لكن الياي عندو قانون المعادن حد المرونة ممكن توزن خمسين كيلو في ميزان وتلقاها في ميزان تاني اربعين
Post: #5 Title: Re: ميزان سودانيز Author: محمد أبوالعزائم أبوالريش Date: 08-27-2017, 06:21 AM Parent: #3
Quote: وتذكرت اللحو ميزان الدهب يا الغالي وزنو تقيل ذكر الآلة واراد البضاعة !!
وفي ميزان البوستة دة الميزان المربوط في ذهني وذهن اغلب ناس كوستي ب البنقو الطرود بتنشحن بالوزن من كوستي والي كوستي ومعروف ناس المكافحة لامن يقبضو بنقو بوزنو في البوستة . وعادة بكون معاهم المتهم ولفيف من الفراجة اسمو ميزان طبلية بوزن اوزان ثقيلة لكنه ادق من حق اللحمة والحطب وليس حق الدهب
Post: #8 Title: Re: ميزان سودانيز Author: فيصل محمد خليل Date: 08-27-2017, 07:32 AM Parent: #7
يا ابوسن يا صديقي الميزان دا بندرج تحت ياتو قائمة ؟
وتاني ميزان التاجر اب كفتين .. بتلقاهو في اي دكان ولا كنتين في الحلة ثم جو ناس السوبرماركت جابو الميزان الرقمي مافي اي سنج تخت يقرا ليك كم واضافو ليهو ميزة كمان يحسب ليك قيمتها ببرمجة سعر الوحدة اها دة فيهو مشاكل ممكن يكون فيهو عطل وياكل حقك
اشكرك نزار تعرف دة ياهو زاتو البجيب الموازين وضع شخص كنقطة مرجعية يقاس بها انحراف الآخرين صعودا وهبوطا بعدينك المرجعية زاتها كميزان بتخضع لي موازين كثيرة البخت الميزان اياهو البوزن الناس بدل تتكلم في دقة الميزان للاسف بتبقا هي زاتها متخذاهو ميزان صحيح رغم تناقضه مع موازينهم
مرات الميزان بكون موقف موقف ثم يقاس الانحراف عنو يا تشوف زي شوفو ولا تهبط
Post: #17 Title: Re: ميزان سودانيز Author: عبدالله عثمان Date: 08-27-2017, 09:04 AM Parent: #16
غايتو يا ود اب سن بالغت لي هسع ما ذكرت عمك ميزان غفير المستشفى الظريف في كوستي كانت لنا جارة اسمها وزنو لا نعرف لها اسم أب ولكن صاحبنا خالد بنجوس يقول أن اسمها وزنو محمد العيش
scales أسم عائلة مشهور في بريطانيا العظمى ومنها انتقل الإسم لبلاد العم سام
اها سودانيز دي فيها كل الموازين ! ممكن الزول يكتب ليك بي ميزان ويكتب لي غيرك بميزان مختلف مافي مشكلة لو البضاعة مختلفة لكن اياها نفس البضاعة القبيل الوزنها قالوا لي مرابي كم تساوي خمسة في ستة رد ليهم بايع ولا شاري؟
بعدين تعال هنا انت تشيل وتجيب خبر خورالورل خائف من الحرب الاهلية اها دي ما ياها ذاتها بس دي ممكن انفصال جديد عشرين مداخلة ما عرفنا داير تقول شنو لخ الموضوع
بعدين تعال هنا انت تشيل وتجيب خبر خورالورل خائف من الحرب الاهلية اها دي ما ياها ذاتها بس دي ممكن انفصال جديد عشرين مداخلة ما عرفنا داير تقول شنو لخ الموضوع
اذا اختل الميزان يا اخلاص ذات البضاعة تم وزنها بميزانين المبدئية والموضوعية لا تنفصل ان نبني علي ارض ثابتة ان نكون قادرين علي تمييز الامور بشكل واضح وجلي
عمليا كده مافي قياس واحد .. والموازين بالتالي شخصية تخضع للاختلافات الشخصية ولكن .. هناك بالتاكيد ال Common sense بالاشياء ..
في كثير من الاحيان ينقسم الناس في البوستات بطريقة هلال مريخ .. and this is very much how it works زي ما بقولوا اهلنا الخواجات .. هلال مريخ
في اي كورة هلال مريخ يكون الجمهور منحازا بصورة غير واعية او الواحد فيهم بكون نفسيا مهيأ تماما للانحياز .. وبالتالي تتوقع تماما انو يفسر اي حالة مشكوك فيها لصالح فريقو .. ودي حاجه طبيعية في اعتقادي ...
غير الطبيعي مثلا ان يصل الانحياز مرحلة انو لاعب يضرب الحكم بونية تحت بصر الجميع ثم يأتيك من يعترض على قرار الطرد بدعاوي مختلفة.
او جلال صاحب البطل بين قوسين ود المدير الذي في ميزان برضو بتاغ الدغالة لبياض الحوايط تبع قباني قال ليك دة ساقط ساقط داير تنجح تدفع للزول البستلم منك ولا يجيب البطارية والخشبة بين قوسين القدة بكسر القاف
المشرف يا صاحب تشيت عين الابهام طزززززز كدة دة ما زاتو البجنن بوبي يفترض ويجب ان يكون المقاس واحد .. واحد وفقا للبضاعة زاتها . ان نكون متسقين مع بعضنا مبدئين بقدر ما يتسع ماعون المبدئية البشري مستقيمين استقامة تتناسب ومفهومة يعني انا راقد ومصنقع علي قفاي اقدر اعرف رأي ود المشرف في موضوع محدد حسب قراءتي السابقة والواعية ليهو لكن المواقف البتقاس كل واحدة لوحدها عطفا علي نوعية الكاتب وقربه او بعده مني دة في ظني البلخبت الميزان شفت في تكتيك جبان ممكن تعمل نايم لو شعرت القصة فيها دحشة ووالدة ولا الزول فردة . ما تخش بس
انت داير اكشن يا ودو وانا زول الله ساي بفتح في الابواب لكن بهدوء هسة موضوع اسرائيل دة لامن قالوا الكيزان وقالوا الفاضل فرق لو فرفرت ليك المنبر دة بطلع ليك كم ميزان والعجب لو جبت موضوع الصداقة الاسرائيلة عيييييييك ميزان شنو اقول ليك مافي مبدئية ولا معيار زاتو
حبابك امتثال ياخية اخوك سافر سفر واجب . شنطة هاند باق فورة وقلبة . لكن شايفو من بعيد ادق ميزان هو ميزان الدهب لزيادة الدقة خاتينو جوة صندق قزاز نسمة ساي ترجحو مافي وديقتال
Post: #39 Title: Re: ميزان سودانيز Author: قصي محمد عبدالله Date: 08-28-2017, 08:45 AM Parent: #38
ميزان ريختر لرصد قوة الزلازل والهزات الأرضية. ...... متابع الهيلمانة والزفة حتى تفويج ووصول ميزان سودانيز .... المعتمد !
في وزنة السكر أي زول بسكر عندو وزنة كنت مغرم بسؤال السكرجية واحد يقول ليك مقاسي السجارة .. لامن آخد نفس واشعر انو السجارة حارة وقوية بوقف السكر واحد صحبي رد لي السكر قسمة من الله استغربت كيف يعني قال لي يوم اشرب قزازة ما اسكر ويوم كباية واحدة اقيف نار منقد اها معناتو ميزان السكرجية دي زي ميزان 😈😈😈😈
رغم انو سفرت جزء عن طريق شركة قبل اكثر من اسبوع بس تقول شنو يجوك في اخر دقيقة يدخلو حاجة في الشنطة ويقولوا لك ما تقيلة قدامي واحدة عنقدت معاهم نزلوا التلتين انا ما بعرف افاصل دفعت وبس
يا قباني اول مرة اعرف كدة من عديلي في ابوظبي بجي المطار وهو عارف شايل كم عندو ميزان في البيت اها برضو في ميزان وزن البني ادم . ليهو كم سنة في البيت بستخدمو لاطفالي بعض العلاجات يقول ليك وزن الطفل كم واديهو كدة لما فيهو عمدة ولدي في سبيل الاكتشافات فكفكو وخسر وغلبني اصلحو شالو فني نام بيهو
والنطمنك يا اخلاص واحد رفع شوال لمسافر شافو عيان من الدمازين لكوستي في اللوري . جو تفتيش كنانة . سألو من سيد الشوال المساعد اشر علي الزول الرفع . الزول الرفع بكل بساطة قال لا حق الراكب داك . الراكب نكر اخد 15 سنة سجن . طلع بنقو ما تشيلي ساي
Post: #65 Title: Re: ميزان سودانيز Author: د.محمد حسن Date: 08-30-2017, 07:41 AM Parent: #42
الحوار الغلب شيخو، ياخ علمهم يوزنوا الكلام و يوزنوا الإمور بدون ما يحتاجوا يوزنوا الرأس.. في الحلة دي (سودانيز) الكلام ده أصعب من الزرارة أم العمارة...
تعرف ابوذر في ماض ليس بسحيق ناس اتعلمو الوزنة مع عرسهم يقولو ليهو عشان تكون عندك شجاعة ادبية وزن الكلام مهم واختيار الميزان مهم الميزان البتشري بيهو والبتبيع بيهو مش يكون عندك اكتر من ميزان هذا الواقع يحتاجنا صحوا
يا محمد حسن بالغت ياخ كما بالغ عبدالله سابقا والذي لا إله إلا هو لا اتجاهلك واحتفي بوجودك والله اتمني تشوف الموبايل البخش بيهو البورد والمعاناة في التصفح صعودا وهبوطا والله مرات بكتب اسماء المتداخلين برة عشان انزل ترحيبي بهم بالجد والله ما دايرو يكون شماعة لكن دة الحاصل وبرضو بعتذر جدا ان سببت لك ألما بأني اتجاهلك عذر حقيقي
الحبيبة امتثال ميزان سودانيزونلاين ده بصعبو ناسو عشان كده نتعامل معاه زي الشغل ما يمشي معانا البيت حدو هنا وبعدين كل موضوع مشكلتو حدها البوست المعني الدهب ما راقي خاصة الكتير ، اما الميزانية فهي دائمآ خربانه الناس الفنانين الزيك مفروض ينزلوا لينا شئ من عملهم ( نظام تعارف ) واضمن لك بعدها لن يصيبك وصب ولا نصب ولا تعب ومن اسه انا من معجبينك وكان جودتي الشغلة من مجانينك
والله صدقت يا عمر دهب ميزان الماهية ما بظبط إلا لمن أوتي حظا عظيما من السلطة ما بالضرور تكون متسلط لن ممكن تلقا منهم قربي بأي شكل ان شاء الله برسلوك تجيب الخدار
ميزان العلاقة بين السلطة و المواطن من الموازين التي تؤثر بقوة على حياة الفرد السوداني. و هو ميزان يعاني الاعتلال منذ عقود كما هو معلوم ، فالسلطة في الغالب كانت استبدادا استحال إلى طغيانا دينيا. ولا شك أن نتائج هذا الميزان المعتل تنعكس بصورة ما على المنبر.
و رغم أن المنبر لديه ما يسمى ب "قوانين المنبر و لوائحه" و التي إن شئت سميتها "ميزانا" ، لكن هذا الميزان لا يبدو دقيقا في بعض الحالات ، على سبيل المثال إطلاق عبارات التكفير وما يتبعها من تحسس لمعتقدات الناس بل والجزم بمآلات آخرتهم ....أو إطلاق عنوانا يوحي بقتل المتظاهرين.... فما هو ميزان المنبر لهذه الحالات ؟ إذا كان للمنبر أن يسهم في رفض الاستبداد أو محاربة تغييب الوعي فلابد أن يزن ميزانه مثل هذه الأمور و جذورها ، و أن يكون حساسا و معايرا على الدوام.
يا عبد الحفيظ ، ما عارف المداخلة دي ماتشينق مع فكرتك للبوست و لا لا لأنها ما واضحة لي. أعفي لينا.
بل يا خالد هي من صميم اهداف البوست تلك المعايير التي لا يحكمها سوي القبول المزاجي والنفسي لتقوم بتقييم امر لا يخضع للمزاج نفسه . ويفترض ان يكون موضوعيا الاحتكام للتلاعب اللفظي للتبرئة او الادانة والاحتكام للاشارات الخبيئة نحن لسنا محكمة ملزمين بأدلة مادية سلاحنا الكلمة سلاح للتنوير وادلتنا من صميم طبيعة اللغة قيل ان عمر بن الخطاب ايقونة العدل رأي في بيت دع المكارم لا ترحل لبغيتها رأي فيه ثناءا حتي استعان بمن يعرفون اللغة فقالوا له لم يهجوه فقط بل سلح فيه ف شنو الشيطنة في التبرئة والادانة هي اقبح في ظني من الفعل حيث اننا نبررللمعتدي فيأمن العقوبة ليعتدي علي غيره
عليك الله يا ود اب سن بعد تخلص من حكاية الموازين دى بهدوء كده تمشى بينا على المكاييل و بالذات كيل البصل و ما تنسى كيلة البلح ديك لزوم الشربوت و الدى منّو و الحشف و سوء الكيل على مسئوليتك يا صاحب
تعرفي اخلاص من احب الاحاديث لنفسي الموطأؤن أكنافا شوفي السماحة دي فلا تميل نفسي لمن يسرف في اخذ حقه او يسرف في تسييج نفسه فيعد كل صيحة عليه هي العدو اقبل عذر كل من يعتذر مهما كان خطؤه نحوي ولا انظر لصدق اعتذاره من كذبه
احكي ليك دي جلال وكنت حضور شوال البصل مابين 7 و 8 كيلات واحد داير 5 كيلات اختلف مع الناس كلها في السعر . الا واحد ود سوق باع ليهو وكال ليهو 5 كيلات بصل وربط ليهو خشم الشوال !! شوال مفوم بي فوق ويتخيت شبكة يشيل 5 كيلات لامن يربطو الجماعة قالوا غشاك قال ليهم هو وظمتو يعني شنو
الأمر مرده للثقة...الموبايل الصيني بيتطلب ميزان غير ميزان الموبايل الألماني... بالنسبة لي،قبل حوالى 10 سنوات كان ميزاني راسي...والراس بارع في حاجات كتيرة،لكن ضعيف جدا في كيمياء الثقة... كنت بسمع كلامو باستمرار،اها في مرة كان عندي تعامل مع زول،زول معروف ومألوف،راسي قالي :قو أهيد... قلبي كان مامرتاح،كان بقول باستمرار :تيك كير... ولأني طبعا كنت في الزمن داك شاب عصري،راكز تقييمي لنفسي كلو في راسي وبس،خاتيهو هو وحده سفينة النجاة،وعشان أسباب تاني برضو مختلفة،مافي داعي لذكرها... عشان دا كلو،عملت قو أهيد...وإنضربت ضربة عدوك،ضربة كنت مفتكرا تكون فيها التوبة...لكن الشباب والغرور خلطة الأبد... تاني ياراسي ،قوم بعد كم سنة ضللني،وقلبي الولوف كان برسل في الرسايل برضو...ماهو أصلو طبعو الوفاء... أها برضو عملت قو أهيد....وديك كانت ضربة من النوع البتخليك تجاه نفسك ماتشعر إلاّ بالاحتقار... بالليل،قبل عشر سنة، بعد ماالناس نامت...قلتليهو ياقلب :توبة... قالي :توبتك دي حاجة بتخصك إنت ورويسك الماكن دا،هل أنا هسع قعد أتدخل في شغلكم؟ إنتو ليه مابتخلوني اشتغل شغلي؟ شوف يازول هييي،تاني لو ماسمعت كلامي مابتلقاني، حدي معاك الأكسجين والدم وباقي الحاجات المقرفة دي..سامع وللا ماسامع ياغبي؟ في الحقيقة،لهجتو كانت حادة جدا،بالذات لما قال :ياغبي...وأنا بدون ما أشعر قلت بخلعة شديدة :سامع،سامع... اكتر حاجة كانت مخوفاني هي تهديدو بإني ما ح ألقاهو تاني،رغم إنو علاقتنا ماكانت جيدة خالص يعني،لكن كنت برضو معتبرو صديق،كان بقولي كلام مابسمعو من أي مخلوق غيرو... ومن الزمن داك ـــ ياحفيظو ــــ ميزاني قلبي...ماحصل خالفت كلامو نهائيا...ممكن أسوف،أأجل،أقوليه كويس حاضر وأتماطل،لكن مخالفة ظاهرة كدا مافي أبدا...
هسع لو قالي أخنق أريزونا دي كلا وماتفضل فيها الحبة...طوالي بشرع في التنفيذ،ياخنقتها وللا مت دونها...
Quote: هسع لو قالي أخنق أريزونا دي كلا وماتفضل فيها الحبة.. .طوالي بشرع في التنفيذ،ياخنقتها وللا مت دونها...
ده ياتو فيهم قلبك ولّعقلك يا زول اخنق و فطّس و اضرب الديكين بالحيطة كمان لو لاقوك المهم لو من راسك شيل شيلتك و كان بى قلبك برضو شيل شيلتك هاك اسمع دى وع اخونا ود اب سن جِدّاً لينا سمع بى حاجة جديدة اسمها الطاحونة شال قمحو و مشى عليها شاف ليك قمح ده يكبّو فوق باقى قمح داك قالّهم يا دوب خربت ما دام الحقوق اتلخبتت شال قمحو و مشى على محراكتو و كلامو صاح .. من الزمن داك و البلد تارّة لى ورا و حال الناس برضو امّازولك بتاع البضل فعلا اتغشّى .. الشوال المفوّم ده مش سبعة كيلات برضو بى حساب التطفيف