Post: #1
Title: قانون السياقه الجديد في العاصمه 😒
Author: الطيب عباس
Date: 08-19-2017, 02:25 PM
01:25 PM August, 19 2017 سودانيز اون لاين
الطيب عباس-ناوي للبلد الامين
مكتبتى
رابط مختصر الكبير ياكل اقلع الشارع حتي لو ماحقك 😂
لافي شمال وانت يمين وطلع يدك للزول بتسسهل 😒
روح من اي مكان انت ماشي ليو بس انتبه من الركشات لانو بقيف من دون مقدمات وبدون اشاره دا لو كانت عندو وشغاله
اوعك تتخطي في السفر لانو مامعروف البي غادي في شنو قندران او لوري بطلع زيتك ..
الحفر والمطبات باري الحديد الكبار لو وقع طوالي غير الدرب
واستمتمع بي زنقات اصحاب الركشات في حاله انو عربتك قزازا مابقفل لانو كل زول مركب لي ساوند سستم ولا اسمو شنو المهم غنا صاااخب
الكوارو اعمل حسابك منها لانها مرخصه زيك 🤔
انتهي😓💨
|
Post: #2
Title: Re: قانون السياقه الجديد في العاصمه 😒
Author: Mohammed Alhasan Mohammed
Date: 09-18-2017, 11:25 AM
Parent: #1
مافى داعى لانتظار الاشارة الحمراء لحدى الزيرو من سبعة وانت نازل السيارات بتتحرك عادى وتفووووت
ولما الاشارة تفتح خضراء عديل وتتحرك فدا احسن وقت للناس الواقفة بالجمبات او النازلة من الحافلات انو تقطع ليك قدامك .....
المكان المفضل لوقوف للحافلات فى الاشارات او التقاطعات هو اول متر فى التقاطع طبعا اقصى اليمين دى من المستحيلات ......
مع تحياتنا لصاحب البوست وضيوفه ..
|
Post: #3
Title: Re: قانون السياقه الجديد في العاصمه 😒
Author: Mohammed Alhasan Mohammed
Date: 09-18-2017, 12:07 PM
Parent: #2
عادى جدا وانت جاى او ماشى الحاج يوسف بى درب الهواء تلقى ثلاثة سيارات جاية من الاتجاه المعاكس فى سباق رهيب والشارع اصلا معمول لسيارة واحدة فى كل اتجاه .....
.طبعا ما عندك حل غير انو تطلع برة الشارع تجنب جم بتاع البطيخ لحدى ما ينتهى الماراثون دا ..
|
Post: #4
Title: Re: قانون السياقه الجديد في العاصمه 😒
Author: الصادق عز الدين
Date: 09-19-2017, 04:55 AM
Parent: #3
فعلا السلوك الفردي غريب ، أول ما تفتح الإشارة خضراء يمر الأفراد لعبور الطريق
|
Post: #7
Title: Re: قانون السياقه الجديد في العاصمه 😒
Author: الطيب عباس
Date: 09-19-2017, 05:36 AM
Parent: #4
مرحب الصادق
السودان بلد جميل وااهلو طيبين شديد وعاطفيين وماف شي بستاهل كلو كاشح حامل هم المعيشة ..
قبل أسبوع ماش الصيديلية واحد عمك واقف لمبة ويترتح لي في الشارع .. يا حاج امرق بره وبوري وما بعرف شنو شبكني ليك نبذ شديد هههههه قت لي انت وقت ما قدرو شاربو مالك هههه ( الشاهد صيديلة العرضه جنب الاحفاد ) يلا داير يتشربك فيني قت لي يا زول والله ادخلك الحراسه طوالي جري واطي هههه
|
Post: #6
Title: Re: قانون السياقه الجديد في العاصمه 😒
Author: الطيب عباس
Date: 09-19-2017, 05:32 AM
Parent: #3
دي طبعا في خزان جبل اوليا لمن تكون ماش كوستي بالصالحه والمطار المزعوم الجديد وتمش بي أراضي الجموعية وتخش الخزان بي الغرب بوقفو ليا الشارع عديل ممكن تقيف ساعتين لانو الجسر العملو الخواجه لسيارة واحده .. مرة بمررو الجاين ومرة الراجعين ركز عملو الخواجه ناسنا ديل ما عملو شي غير اللهط
وفجاه تلقي زول فاجي الصف شان يجي يقيف قدامك السبب شنو انو عربتو اكبر من عربتك ما قت ليكم كبير ياكل هههههههه
|
Post: #5
Title: Re: قانون السياقه الجديد في العاصمه 😒
Author: الطيب عباس
Date: 09-19-2017, 05:30 AM
Parent: #2
Quote: مافى داعى لانتظار الاشارة الحمراء لحدى الزيرو من سبعة وانت نازل السيارات بتتحرك عادى وتفووووت
ولما الاشارة تفتح خضراء عديل وتتحرك فدا احسن وقت للناس الواقفة بالجمبات او النازلة من الحافلات انو تقطع ليك قدامك .....
المكان المفضل لوقوف للحافلات فى الاشارات او التقاطعات هو اول متر فى التقاطع طبعا اقصى اليمين دى من المستحيلات ......
مع تحياتنا لصاحب البوست وضيوفه .. |
محمد الحسن ههههههههههه وتنتظر البوري من الخلفك لانك بتكون وقفت والاشارة فوقك ما بتقدر تشوفا ههههه
والجميل جدا انو البوري بضربو من الثانية 8 قبل ما تفتح صدقا لكلامك هههه
|
Post: #8
Title: Re: قانون السياقه الجديد في العاصمه 😒
Author: الطيب عباس
Date: 09-19-2017, 05:39 AM
Parent: #1
حدب وادب قدامي ماشي بسرعه 120 وانا بي 90 اتخطاني وقدامي لوري ماش بسرعه 50 اظنو وغلبني اتخطاهو علي بالايمان مع الدقداقات الا في البكاش ( حجر العسل )حتين قدرت امرق منو لقيت ليك حدب وادب في العوتيب وكاتب ورا كبيره (اديني رضاك قدامي سفر ) خرمت منو بالمعبر حق العربات الصغيره وجاني ليك في شندي قرصني قرصة تاني حرمت العب مع الكبار ههههههه
|
Post: #9
Title: Re: قانون السياقه الجديد في العاصمه 😒
Author: الطيب عباس
Date: 09-19-2017, 05:51 AM
Parent: #1
ههههه ناس الركشات اظنهم حافظين لي الجميل .. لانو من زمن الجامعه بحكم بيت جدي بفتح في شارع العرضه لمن يكون في كشة بقعد برة وبنبهم بعمل اشاره مقص بييديني لبتاع الركشة ( اشاره لانو في كشه جنب الاستاد ) وطوالي برجعو ويضربوها موزه ههههه
اها يوم في اجازتي دي سايق بمزاج بي ود البشير ماش علي شارع الامتداد الثورات قدام شوية كده بتاع ركشة قالي اربط حزامك قدام في لبش هههه
طوالي ربطتو ..
وقفني بتاع المرور قالي يا زول الرخصة والترخيص وظن اني فريسته لاني لا يوجد لدي استيكر بس انا مرخص ..
- جاهزانا يا جنابو بس الاستيكر ما ركبتو ههههه وقريت اسمو في الديباجه ويا بدر الدين ما تاخرونا يخ
لمن لققي كل شي سليم شبكني ليك ياخ كان نحنا ما مفلسين بنشتغل يوم الجمعه هههههههههه ضحكت فيو وبقيت مارق
كشات عجيبة ما مرخص الحوش طوالي ..
|
|