في ذات بوست لول ابا معاوية الصايم ، توعدت منى عمسيب اني ح البسها طاقية صفراء (يعني منى ح تلبس الطاقية الصفراء باذني..او كما قلت..!!)..
عارفة يا منى..ذات غربة غيهب ، هداني الصدوق وليد عبد الحميد..الشهير بوليد كوش..البومين: واحد حقو واسمو (راديو نوماد)..والتاني لمصطفى السني..!!..ووليد دفع حق الترحيل من تورنتو لغاية كالقري..!!
وكيتا في حبي لأبي داوؤد (عليه السلام) لقيت روحي داير ابدا الشكلة معاك هنا بي (غصن الرياض المايل)..وكل ما مال غصن الرياض..بلقى روحي برضك مايل..!!
ما تصدقي يا بنية انو ده غزل..ياخي ده بيغادي للغزل..وكن سجن سجن ان شاء الله في سجن ادريس الساير ..وكن غرامة ..برضك الخير راقد..!!
اوعك واياك يامنى تستعين بالأحمدين (طراوة والقرشي) وثالهم بجمال محمد المرتضى حامد..لأنو ديل ح يوديك السما السابعة..لمن تشوفي الرب في ذات ذاتو..ورب يقوموا يرموك في الأرض الدنيا ..لا تعرفي زهور هولندا ولا تعرف هجايص ناس كبر..ولا مين كده ما عارف..!!
فشنو..اخير تقعي معانا..ناس يحي قباني..يحسبوها ليك..لمن تقولى:طظ في ترامب..ويحيا ابو داوؤد..ومصطفى السني..!!..وهذا افضل من جهاد داعش في كاتلونيا او برشلونة او أي كان اسمها...!!
كبر
Post: #2 Title: Re: أيكة ، استراحة منى عمسيب..او ذات طاقية صفر Author: Kabar Date: 08-19-2017, 11:29 AM Parent: #1
الطاقية الصفرا..يامني..
كتر خير الفنان احمد هاشم..!
فالمعاني السامية لا تدرك باخوي واخوك ياحمد,.!!
كبر
Post: #3 Title: Re: أيكة ، استراحة منى عمسيب..او ذات طاقية صفر Author: Kabar Date: 08-19-2017, 11:36 AM Parent: #2
طاقية من طواقي فاطنة..يامنى..!!
خلي بالك يا مني ، البنية دي حريفة في نسج طواقي الحرير السمحة..!!!
Post: #4 Title: Re: أيكة ، استراحة منى عمسيب..او ذات طاقية صفر Author: Kabar Date: 08-19-2017, 11:52 AM Parent: #3
الله يطمنك.. ول أبا كبر.. ماني خابر سالفة الطواقي ولا البوست المعني ووالله ما داير اعرف الحصل فيهم لأني أختار مما يمر ببصري ما يريح قلبي المعطون في الوجع..أها يا مولاي - منذ مده لم أهجع في بيتي بسبب السفر اليهد الحيل الأصلو مهدود - قلت أشوف آخبار ناسي لقيت واحد منهم فاتح جسر للتاني وكمان لقيت اسمي وإسم ناسي برضو مكتوب فأزال ذلك وعثاء السفر وبعض من كآبة المنظر (الباقي حق الله) ..لكن الأغرب من دا كله إنو لي كم يوم لاصقه في لهاتي أغنية صبابه للراحل الفادح بازرعه لدرجة أني في الطائره رددت بلا وعي (كانت ذراعاك لرأسي مرقدا) حتى خشيت على نفسي من الاتهام بالتحرش من قبل عربية كانت جواري.. كدي قول بالله..