|
Re: هل الشيوعي يؤمن بالدين؟؟؟؟ --- بعيداً من ال (Re: ahmedona)
|
بسم الله الرحمن الرحيم الشيوعي يا أخي هو انسان انتمى طوعاً لحزب يحمل هذا الاسم. وليس من شروط الانتماء لهذا الحزب أن يسمي الشخص دينه ولكن من شروط الحزب أن يحترم اعضاؤه الاديان. كذلك يشترط الحزب في عضوه الاستقامة الاجتماعية والابتعاد عن السكر وتدخين البنقو وممارسة الشذوذ الجنسي. وبرنامج هذا الحزب هو برنامج سياسي اجتماعي لا يهدف لمحاربة الدين، ومقاصده هي تحقيق نظام اشتراكي. وليس هناك تصور جاهز لكيفية تحول هذا المجمتع لكي يصير مجتمعاً شيوعياً. فليست هذه هي قضية حاضرة. فالتسمية لها قيمة تاريخية وتميز هذا الحزب عن عداه من الاحزاب. وعضوية هذا الحزب هي عضوية كواليتي ومتميزة. كثير من الشيوعيين يصلون ويصومون وقليل منهم ملحدون أو غير متأكدين من صحة ما يخبر به الدين. قصة أفيون الشعوب، الأفيون ما كعب. قبل الأفيون الناس كانت بتتعذب من الآلام الكثيرة. والدين له مفعول مسكن للآلام. العبارة لم تقل إن الناس سيدمنون الأفيون ولو قالت ذلك لإختلف المعنى.
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً من ال (Re: mustafa mudathir)
|
الاخ مصطفى مدثر بالرغم من ان الكثير من اعضاء الحزب الشيوعى قدموا الكثير للبلد وكانوا من اشرف النشطاء السياسيين فى تاريخ السودان الحديث ناضلوا ضد الاستعمار دخلوا السجون وقدموا كل غال فى سبيل نهضة البلد بما في ذلك حياتهم وما قدمته المناضلة فاطمة خير مثال... من الناحية الاخرى برامج الحزب الشيوعى تدعو الى اقامة نظام ديمقراطى اشتراكى فى مداه البعيد مثله مثل الاحزاب الديمقراطية الاشتراكية المنتشرة فى معظم بلاد العالم وبعض منها توجد فى السلطة.. ما يعيق الحزب الشيوعى فى لعب دور اكبر فى الساحة السودانية هو اسمه وقد استغل البعض هذا الاسم ليوجهوا للحزب ضربات قاتلة ...بل استطيع ان اقول ان هذا الاسم قد استغله البعض لاقصى مدى ابتداء من حادثة معهد المعلمين العالى وطرد نواب الحزب من البرلمان مرورا بانقلاب هاشم العطا لنصل الى يومنا هذا واسلوب التكفير المتبع مازال فعالا كسلاح مضاء ضد الشيوعيين
| |
|
|
|
|
|
|
Re: هل الشيوعي يؤمن بالدين؟؟؟؟ (Re: Nasser Amin)
|
Quote: الفيديو ادناه , الراحلة فاطمة احمد ابراهيم اسمعا كويس من الدقيقة 11:36 شايف موضة التكفير و احتكار الدين وتوزيع صكوك الغفران انتشرت. و كما قالت المرحومة "رب العالمين هو الحكم" وقس علي ذلك..... |
شكراً يا Nasser Amin لمداخلتك ....
أنا لا أتحدث عن الأستاذة / فاطمة أحمد إبراهيم عليها رحمة الله..
ولو دخلت على كل البوستات التي تنعي الأستاذة / فاطمة أحمد إبراهيم عليها رحمة الله.. لوجدتني ترحمة عليها....
موضوع البوست .......
هل الشيوعي الذي يؤمن بالنظرية الماركسية يؤمن بالدين؟؟؟؟
| |
|
|
|
|
|
|
Re: هل الشيوعي يؤمن بالدين؟؟؟؟ (Re: ahmedona)
|
الاخ العزيز اجمدونا
تحيه طيبه
ما فهمته انا من العباره التى اوردتها - الدين افيون الشعوب - ان الدين يتم استخدامه بواسطة من يريدون استغلال الشعوب ونهب ثرواتها لتخدير هذه الشعوب. وهكذا فان العباره تتحدث عن اسثخدام الدين لهذا الغرض وليس عن الدين نفسه. اما عن تساؤلك عن مدى ايمان الشيوعى بالدين فانه ينطوى على اشارات تكفيريه وهو شكل من اشكال التفتيش فى ضماىر الناس وهو امر لا يعلم به الا الله. هدانا الله واياكم لما فيه خير الناس. مع فائق احترامى.
| |
|
|
|
|
|
|
Re: هل الشيوعي يؤمن بالدين؟؟؟؟ (Re: talha alsayed)
|
شكراً يا talha alsayed على مرورك ....
Quote: اما عن تساؤلك عن مدى ايمان الشيوعى بالدين فانه ينطوى على اشارات تكفيريه وهو شكل من اشكال التفتيش فى ضماىر الناس. |
أنا بتسائل يا talha alsayed ----
الا تتفق معي أن التساؤل حق مشروع....
| |
|
|
|
|
|
|
Re: هل الشيوعي يؤمن بالدين؟؟؟؟ (Re: muntasir)
|
مرحب بيك muntasir وشكراً لمداخلتك...
Quote: إنتوا مالكم شغالين بي دين الآخرين ما تخليكم في دينكم ولا خلاص ضمنتوها وأتخذتم لدى الرحمن عهداً وبقيتوا في ما قلب وسرائر الآخرين |
عايزين نتعلم يا أخي...
هل هناك ما يمنع ذلك ....
| |
|
|
|
|
|
|
Re: هل الشيوعي يؤمن بالدين؟؟؟؟ (Re: ahmedona)
|
احمدونا :
سلام ياخي .. الموضع بلوكوا فيه الناس منذ اكثر من 100 عام .. و ما خدم شيء ..
هسة انت البهمك شنو انو الشيوعي يؤمن أو لا يؤمن ؟ اذا آمن الشيوعي و ولع تكابة نارا للسما .. انت حتستفيد شنو ؟ و اذا جاء كافرا ( أملط ) انت البضرك شنو ؟
ياخي خلوا المتاجرة بالدين .. و استحوا على الأقل من قلة الأدب الحاصلة في البلد ..
فهمكم للدين ظاهر الآن في حال الناس ..
و لمصلحة منو المحاولات البائسة دي في تكفير الناس من طرف .. و الهروب من القضايا الاساسية ... و جر اي نقاش نحو الدين ؟
و انت بتتكلم عن أي دين ؟ و الفوضك منو ؟
| |
|
|
|
|
|
|
Re: هل الشيوعي يؤمن بالدين؟؟؟؟ (Re: ahmedona)
|
يا لهوانا. وقوة عين امثالك من عبيد ال سعود: الشيوعيين ديل كفار عديل كده ولكنهم انجبو امثال فاطنة امثال محجوب شريف اللي امثالك مايسوي في عيون زول الشارع ولا فرده شبشب قديمة! اذن اين هذا الدين في سلوك امثالك من شياطين الجرة افسد وال ام خلق الله في سودان الدواعش؟ يكفي نموذجك هم ال سعود احط افسد. احقر نظام سياسي في الكون ده كلو!
| |
|
|
|
|
|
|
Re: هل الشيوعي يؤمن بالدين؟؟؟؟ (Re: Bashasha)
|
يا سبحانه الوهابي الارهابي الذكوري النازي العنصري هو المؤمن قال ############ ال سعود هذا اللي لي روحو عبدن حبشي بنص صحيح البخاري! الي هذا التاريخ دينك الوافد الاجنبي يدعو لاستعباد البشر!
| |
|
|
|
|
|
|
Re: هل الشيوعي يؤمن بالدين؟؟؟؟ (Re: Bashasha)
|
خليني اتماشي معاك خلافا عن كل المتداخلين واحسن الظن واعتبر ان الامر لا يحمل اي نوع من التكفير او تفتيش للضمائر .. واعدك كمنتمى لهذا الحزب ان اشفي غليلك باجابة شافية لكن السؤال هل يكفي للشيوعي ان يقول لك انه يؤمن بالدين حتى تكون اجابة مقبولة لديك ام لديك منفستو وكتلوج محدد تقيس به من يجب ان يكون مسلما عندك ؟؟ ان كانت الاجابة بنعم كافية فقد قالها كثر ان كانت نعم ليست كافية كما حالة السيدة الراحلة فاطمة احمد ابراهيم فلا بأس عليك اعتبرنا كفار كما اعتربتموها واسمح لى حينها ان اهديك وغيرك من قلبي كلمة طز
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: Sinnary)
|
Quote: Re: ظننت ان الشيوعي يختلف (Re: عبدالحفيظ ابوسن)
ود اب سن سلامي،
بالعقل تصرف عضوية الحزب تجاه رموز القتلة، احمق وضار، لانو هذا ما من طبع السوداني كفرد، او بي كده النظام كسب!
ولكن بالعاطفة صعب جدا الفرد العادي المنظم بي معني عندو تنظيم وايديلوجي يتحمل ذاك المنظر.
ما من الساهل.
شخصيا لي روحي مابعمل كده في بيتي تحديدا!
في بوستاتي في المنبر ده بتعامل باحترام شديد مع خصومي، ولكن مابعمل كده في السهلة!!
فاطنة الله يرحما كانت عندها قدرة عجيبة في التواصل مع الشارع رغم انها كانت حادة زي السيف اي فارسة بمعني الكلمة كما حبوباتا اميرات مروي الخلن الاسكندر الاكبر يقوم صوف!! |
. Re: ظننت ان الشيوعي يختلفRe: ظننت ان الشيوعي يختلف
في البوست. ده تناقض. واضح وصريح. من. بشاشا ذكر في بوست أبوسن انه يحترم خصومه
وهنا يكيل الشتم والاساءة الواضحة وصريحة دون مراجعة لكلام كتبه قبل. ساعات. وكتب ضده
الله. فرجيني
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: سيف النصر محي الدين)
|
يامسلمي كلامي الفوق ده عن معاملة الضيف بعامة في عرف السودانيين البجيك في بيتك لأي سبب مناسبة ده واحد. اتنين بتكلم عن تكتيكات اداره الصراع السياسي ما بين المعارضه ونظام القتلة بغرض كسب الشارع.
اذن لاعلاقه ما بين الانا قاصدو والانتا فهمتو.
لا احترام لي للوهابي اطلاقا من دون خلق الله. بالذات يجي هنا او كمان بي نفس يصدر صكوك الغفران يلغي يوم الحساب ويتحول الي اله وهو اي الوهابي يظل من حيث السلوك ابشع واحط خلق الله لانو ما يسمى بالدين عندهم مجرد ورجغه وتسميع نصوص بي فهم مادي حسي تجسيمي لاعلاقه له البتة بالسلوك. هذا دين وافد اجنبي ودخيل.
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: سيف النصر محي الدين)
|
أنا في رأيي أن الغباء السياسي للشيوعيين في السودان هو الذي أسهم في نجاح الإخوان المسلمين في السودان .. سواء على مستوى الحركة الطلابية في الجامعات أو على مستوى الصراع على السلطة.. مما أدى في النهاية على هيمنة الإخوان المسلمين على السلطة وعلى كل مفاصل الحياة في السودان وفي المقابل تلاشي دور الشيوعيين وإنطفأت شمعتهم إلى الأبد ..
لقد إستغل الإخوان المسلمين الدين أسوأ إستغلال لضرب الشيوعيين منذ الستينات وحتى الآن .. والشيوعيون من غبائهم السياسي إستسلموا لمكائد الإخوان المسلمين ولم يستطيعوا أن يردوا الصاع صاعين .. ولذلك فشلوا في الجامعات وفشلوا في الوصول إلى السلطة وفشلوا في إقناع قطاعات عريضة من أبناء الشعب السوداني للإنحياز إليهم ومساندة برنامجهم الشيوعي في مواجهة طغيان الإخوان المسلمين.
في رأيي كان يمكن للشيوعيين أن يفشلوا مخططات الإخوان المسلمين ويكسبوا الشعب السوداني .. فقط إذا إهتموا بالدين الإسلامي في برامجهم السياسية وجعلوه ضمن المسلمات الأساسية في برنامج الحزب الشيوعي السوداني .. لسبب بسيط : الشعب السوداني شعب مسلم ولا يمكن لهذا الشعب أن يقف معك ويؤيد برنامجك وأنت تهمل عقيدته ..
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: Sinnary)
|
لو آمن بالدين وصلى خصوصا في المسجد وصام فشيوعيته فيها خلل، وليبحث له عن مسمى آخر... "اسلاموي زعلان" مثلا.... الشيوعي الاصلي لا بيصلي ولا بيصوم ولا يؤمن بحساب... الشيوعيين بتاعننا ماسكنها نظام فرشخة وكده، ضايعين وهايمين ، وتايهين، وفاقدين بوصلة الجاذبية الدينية كمان.. وما تنسى كمان... عيونهم على اوروبا وأمريكا، فلازم يعملوا ليهم سجل طيب بالمقياس الغربي.... ...... شفت ليك شيوعي بيذكر بالقرءان او السنة؟ لو الاجابة بنعم فأكيد شيوعيته شرشحة فقط....
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: هشام عباس)
|
ثم ياخى انا عندي سؤال بسيط للاخوة السلفيين تحديدا : هل مشكلتكم فعلا الحزب الشيوعي ؟؟ كان كدي نحنا مستعدين نسلمكم اقرار بخط اليد اننا كفار ونستلم منكم صك جهنم ونريحكم لكن المؤسف هل هناك فرقة او جماعة او تيار لم تشككوا في دينه او اسلامه ؟؟ انتم مشكلتكم مع البشر عموما وكل المسلمين تحديدا لم ينجو احد من صكوكم التى تمنحونها حسب رضاكم عن كل جهة
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: Sinnary)
|
Quote: لذا تنظير الماركسي السوداني يجب أن يختلف عن تنظيرالإشتراكيين الروس لأنه يستصحب واقعاً يعتبر الدين من أهم قيمه ويستوجب إحترامه .
|
يا السلام عليك يا Sinnary
هذه هي النقطة التي كان ينبغي لعضوية الحزب الشيوعي أن يستوعبها جيداً ويطبقها في كل برامجها السياسية والخطابية .. فالواقع السوداني غير الواقع الروسي .. وقيم المجتمع السوداني تختلف عن قيم المجتمع الروسي .. ولذلك ينبغي أن يختلف الخطاب الشيوعي السوداني عن الخطاب الشيوعي الروسي ..ولا يمكن للحزب الشيوعي أن يحترم قيم المجتمع السوداني إلا بتضمين الخطاب الديني وتفعيله في برامج الحزب الشيوعي ..
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: Sinnary)
|
التحية لكل المتداخلين وراعي البوست
الشيوعي انسان زيو وزي اي زول ...يؤمن اولا يؤمن بأي ديانة دة خياروا
طبعا دة زي زول يقول ليك (انت الهلالاب ديل بيؤمنوا بالدين؟!!)
السؤال المنطقي حسب وجهة نظري:
ماهو وضع الدين في فكر الحزب الشيوعي؟
واعتقد في واحد من المتداخلين اتبرع بي توضيح انو الحزب الشيوعي حزب
سياسي ومهمتو ادارة شئون الدولة ومن بينها احترام التنوع بكل اشكاله
ومن ضمنها التنوع الديني واحترام حرية الفرد في الاعتقاد
دة فكر متقدم جدا ان صح...ففي تقديري انو الاحزاب يجب ان تنأي بانفسها عن
اعتناق فكر ديني محدد خاصة في دولة غنية بالتنوع الاثني والديني والثقافي كالسودان
العكس بيحدث تماما عندما تتحول جماعة دينية الى حزب...ودوننا تجربة جماعة الاخوان المسلمين
في مصر والسودان.
الدين يجب ان يترك علاقة خاصة بين المرء وربه
الداير يسوط في السياسة اليسوط بس ما من الحكمة ان يتم خلط الكيمان
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: Mohamed Mekki)
|
الدين الاسلامي دا زي الفريك ما بخلي أي حاجة جنبو تقوم هو ذاتو ما بخلي روحو تقوم
مشكلة الشيوعية ليست الاعتقادات الدينية، لكنها الدين الاسلامي دا.
الواحد جد حزين لعقول جميلة مثل غالبية أعضاء الحزب الشيوعي، بكونوا عمرهم كلو محتارين مع الدين دا، وبكونوا بعقولهم الجميلة بلعنوا ألف مرّة الصدفة الجابتم مسلمين، كونك تكون مسلم في حتّة زي السودان دي، وحات رب المجرات تكون اتورطت ورطة لو جا جحجوح، ما يحلها
تهرب تهرب بعيد بعيد تمشي نورث كارولاينا برضو تلقاهم يقولوا ليك: لازم تكبر على الخروف قبل تضبحو
عليكم الله، خلوني جنّة فيها المسلمين ديل ما دايرا
تعبتا آآه
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: Ahmed Khalil)
|
ويسكوك بالواتساب جمعة مباركة
سك سك ما بخلوك
تموت برّة؛ ما بخلوك، بجيبوك للحر دا، يتربسوا روحك ويتأكدوا ما في احتمال روحك تتحرر في بلاد الكفار ديك.
ما في أي حل غير نكورك
الدين دا عندو مقدرة تجدد مهولة وتشكل خطيرة
تهرب منو، تلقاهو دخل ليك من الشباك في عيالك
فجأة تصحى الصباح تلقى ولدك كبر وتقمص شخصية ودتورشين يقول ليك: داد، أنا ماشي سوريا أجز أضنين الكفار لا لدنيا قد شنو كدا
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: Ahmed Khalil)
|
سلام مربع يا ابوبكر عباس
المشكلة نحنا ما عارفين إنهم قاصدين بالدين شنو .. هل إيمانك أنت كفرد بدين محدد وخالق محدد ودي لو جابو أدق جهاز لكشف الإيمان أو كشف الكذب ما بقدر يعرفوها ! أم أنهم قاصدين الدين بمفهوم مطلق يعني المعاملة والمثل والخلق ودي كمان المحيرني ما شايفها فيمن يدعون أو يتشبثون بالدين ويصارعون الغير في سبيل دينهم ودين أحزابهم !
المهم المشكلة من الآخر ما قضية دين
وأنا شخصياً لا أعطي أي شخص الحق في أن يسالني عن ديني أنا كل يوم بقوم من النوم بكون عندي دين جديد ! مش على كيفي .. ولا في حد بشاركني في إعتقادي ؟
الدين دا إذا مقصود بيهو عقيدة وإعتقاد فهو زي الترمومتر البقيس حالة البورصات المالية بتتحكم فيهو عوامل داخلية وخارجية
المهم أي زول حر في دينو !!!
وما من حق أي إنسان يسالك عن دينك ولو سألوك أعمل رايح !
هو الناس ديل بيتعاملوا مع الناس حسب أديانهم ؟ ما أعتقد لأنه لو جيت إنت يا ابو بكر أو أنا ومشينا زيارة لواحد من الشيوخ ديل وتاني يوم مشى ليهم زيارة واحد ألماني أو فرنسي أو أمريكي بيستقبلو الخواجات أفضل من إستقبالهم لينا .. عارف ليه؟ لأنه المسألة أصلاً ما دين المسألة إنهم نفسياً كارهين لأنفسهم والناس البشبهوهم لكن متلبدين بالدين دا بس مع إنهم لا هم لا نحنا ما عارفين دين ابوهم إسمه إيه؟!!
مع تحياتي
عاصم فقيري
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: Asim Fageary)
|
طبعا يا عاصم، في ناس كتار جميلين زيك بحاولوا يلقوا معالجات، لكنها ما بتنفع زي مثلا الأستاذ محمود قال ليهم: يا أخوانا، الموضوع دا فيهو حاجات صعبة، خلونا نقسموا فيفتي فيفتي ونضايروا، قالوا ليهو: أبداً All or none شنقوهو لاحظ الشنقو كان في زمن مستنير وشيوعي
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: أبوبكر عباس)
|
Quote: تهرب تهرب بعيد بعيد تمشي نورث كارولاينا برضو تلقاهم يقولوا ليك: لازم تكبر على الخروف قبل تضبحو
عليكم الله، خلوني جنّة فيها المسلمين ديل ما دايرا
تعبتا آآه
|
no way you have no choice الدين الإسلامي ده معاك معاك .. محل ما تطير والمسلمين ديل معاك معاك .. محل ما تطير ذي أغنية : (وليد دارفور بمشي معاك الليلة .. محل ما تطير بمشي معاك الليلة)
وبعدين يوم القيامة مافي خيارات كتيرة .. مافي خيارات أ ، ب ، ج ، د ‘ هـ ... إلخ
خيارين وبس : يا جنة أو نار
عايز جنة أمشي مع المسلمين ديل ..
وبعدين يا أبوبكر عباس .. إنتا ما عارف في حاجة إسمها (مراجعات فكرية)
الإنسان قد يؤمن بفكر معين .. ولكن بعد عدة سنوات وبعد مراجعة فكرية .. يتبين له خطأ الفكر الذي إعتنقه قبل عدة سنوات .. فيتراجع عن هذا الفكر .. ويبحث عن فكر آخر ..
ولذلك ننصحك بالدخول في مراجعة عميقة للفكر الشيوعي .. فالفكر الشيوعي لم يعد صالحاً لهذا العصر .. فالإشتراكية ومادية الحياة والصراع بين البرجوازية والبروليتاريا والدين أفيون الشعوب .. كل هذه مقولات تجاوزها الزمن منذ أواخر القرن التاسع عشر.
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: Ali Abdalla Hassan)
|
حبيبنا علي عبد الله حسن .. سلام مربع
المسألة ليست مقولات مثل (الدين أفيون الشعوب) أو غيرها
المسألة مسالة نظرية .. يعني المادية الجدلية (الجدل العلمي المادي) والمادية التاريخية
بعدين المقولات دي تقرأ حسي سياقها التاريخي و وقتها
زي ما قلت ليك ماركس ألحد بالبابا ما ألحد بأي دين
مع تحياتي
عاصم فقيري
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: Asim Fageary)
|
اول شيء اتفقوا انتوا يا اهل الدين اهل العقد والحل . خلوهم الشيوعيين ان شاء الله عطرابة نارنا مطرة النترة ما تكتلها .. بعد فنجطتكم دي في 72 فرقة فرد واحدة البخشوا الجنة .. عليكم جنس فسالة يقول ليكم جنة عرضها السموات والارض ومستكترنها علي بقية ال71 ههههه بعدين يا احمدونا ياتو دين دين الاخوان دين السلف دين الوهابية دين الصوفية دين الدروز دين العلويين دين القرآنيين دين الجمهوريين دين ابو بكر البغدادي حدد يا احمدونا ولك الجنة
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: علي دفع الله)
|
Quote: ويكسبوا الشعب السوداني .. فقط إذا إهتموا بالدين الإسلامي في برامجهم السياسية وجعلوه ضمن المسلمات الأساسية في برنامج الحزب الشيوعي السوداني .. لسبب بسيط : الشعب السوداني شعب مسلم ولا يمكن لهذا الشعب أن يقف معك ويؤيد برنامجك وأنت تهمل عقيدته .. |
منطق غريب يعني عايز الجميع يبقى تجار دين؟ دا ياهو الحل نبقى كلنا منافقين وتجار دين الشعب لو محتاح وعي..نوعيهو..ول نجاملو ونزيد الطين بلة
القال منو اليسار والشيوعيون فشلو بسبب موقفهم المبدئي ضد الدولة الدينية؟ بالعكس البقرا صح بعرف انو المستقبل في السودان للدولة العلمانية وتاني مافي زول او تيار سياسي بستجرا يرفع يافطة مشروع سياسي ديني في السودان لا ديمقراطي ول انقلابي بعد الفشل الداوي لمشروع الاخوان في السودان
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: حيدر حسن ميرغني)
|
سلام مربع عزيزي هيثم الغالي
اتاريك انت ما صاحبي من فراغ لكنك صحبي بفهم واضح وصريح
__________________________________________________________
منطق غريب يعني عايز الجميع يبقى تجار دين؟ دا ياهو الحل نبقى كلنا منافقين وتجار دين الشعب لو محتاح وعي..نوعيهو..ول نجاملو ونزيد الطين بلة
القال منو اليسار والشيوعيون فشلو بسبب موقفهم المبدئي ضد الدولة الدينية؟ بالعكس البقرا صح بعرف انو المستقبل في السودان للدولة العلمانية وتاني مافي زول او تيار سياسي بستجرا يرفع يافطة مشروع سياسي ديني في السودان لا ديمقراطي ول انقلابي بعد الفشل الداوي لمشروع الاخوان في السودان
__________________________________________________
أؤيد كلامك بين الخطين أعلاه
وينصر علمانيتك ياخي وخليك قريب
يا خالد العبيد يا صديق .. بالله لمن تعرف لي دين قاصدين بيها شنو ما تنساني ترسل لي رأيهم لو كان واضح نتشاور فيهو .. لأنه شكلها المسألة الناس بترجع مئات الخطاوي كل يوم
تحياتي للجميع
عاصم فقيري
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: Asim Fageary)
|
اي دين يااحمدونا ؟ مانعلمه ان شيوخ وقضاة المذاهب الاربعة وقضاتها - كفرو شيخ السلفية ابن تيمية وكفروه وحكموا بردته - مما قاده للتوبة والتراجع ! ومانعرفه ان شيخ الوهابية والسلفية ابن الباز افتي بتكفير كل من يقول بان الشمس لاتدور حول الارض ! ومانعرفه ان البعض يكفر ابن تيمية والوهابية ببن بازهم وعثيمينهم يتهمهم بالتجسيم ! والوهابية يكفرون التصوف -- وقلعة الوها بية - السعودية حكمت بضلال الاخوان المسلميين والنصرة والجهاديين وحماس ! "الكل" يحتكر الدين ويصدر صكوك التكفير والمروق ! * فاذا كان - معظم المسلمين - يقولون بان الشمس لاتدور حول الارض وان العكس هو الصحيح فانهم - جميعا - بشيوعييهم وعلمانيهم وصوفيتهم ووسطيهم ومعتدليهم - كل كفار والناجي هو من يقول بكلام ابن الباز ! * عشان كدة خلونا من التكفير الجزافي دا دعونا نسال هل الوهابي انسان ؟اي يتمتع بالقيم الانسانية وبالحد الادني للانسانية ؟ هل يقبل بالتعائش والتسامح - وحق الاخر في الفكر والاعتقاد - وتبديل الاعتقاد والفكر ؟وحق التبشير والتنصير؟ وحق المسيحي والمراة في المواطنة الكاملة ؟ هل يتمتع - بالحساسية والجدال بالحسني والحوار السمح ام بالجلافة والتنفير - والفظاظة ؟ هل الوهابي ومن يشابهه من السفيين يشكل اضافة للاسلام ام هم خصما عليه ؟ هل هم اضافة للانسانية ونسيج القيم والمثل السمح ام انهم خصما علي الانسانية ؟ ماذا قدم الوهابية واضرابهم للانسانية والبشرية ؟
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: عبداللطيف حسن علي)
|
نعم الشيوعي السوداني يؤمن بالدين والعقيدة،
والمرحوم محمد ابراهيم نقد سالوهو في مقابلة تلفزيونية
اذا كان بيصلي، فاكد انه يصلي صلواته الخمسة بانتظام،،
ولكن الشيوعي الروسي او الصيني لا يؤمن بالدين، اي دين،
لان الدين بالنسبة له افيون الشعوب،،،
الشيوعي السوداني بياخذ من النظرية الماركسية اللينينية ما يخص
الاقتصاد وتحقيق العدالة المعيشية كدولة مثل السودان ليست بها عدالة
اجتماعية حيث يغتني اصحاب النفوذ الحكومي ويصبحون من الراسمالية
الطفيلية بينما باقي الشعب يقبعون في الفقر ولا تصل اليهم اي من الدعم
والخير الحكومي الرسمي ولذا كان الافضل ان تؤول كل الشركات والمؤسسات
بمختلف انواعها للحكومة حتى لا تصبح الفجوة بين الاغنياء والفقراء كالفرق
بين السما والارض،،ونجد من يسكن القصور المنيفة والسكن البستاني الرفيع المستوى
وياكل من المطاعم الفاخرة او ربما يقيم وليمة ياتيها العشاء من ايطاليا بالطائرات الخاصة
ومن يسكن عشة لا تقي من المطر وياكل من الفتات فى القمامة،،،
مع وافر الاحترام والتقدير،،،
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: عبداللطيف حسن علي)
|
تحياتي احمدونا وضيوفه لاقني كلام لافي في الواتس المؤمن الحقيقي يهتم بإيمانه لا ايمان غيره كانن تلاتة ورسخت في ذهني دي وتفكرت فيها كثيرا انك مشغولا بذنبك عن ذنوب غيرك لن يسألني الله يوم القيامة إلا عن نفسي .. افعالي .. كمسلم في ظل اوضاع متشابكة ومعقدة . ففي الوطن الواحد اكثر من دين .. وفي الدين الواحد اكثر من رؤية بل ورؤي متناحرة ومتقاطعة .. الاسلم هو التعايش السلمي ولا تسأل عن اشياء قد تضرك معرفتها . ان تقبل الانسان كما هم تقبل مايهمك منهم كتعامل وسلوك هل هو محترم ومقبول غض النظر عن الدين دي حاجة الحاجة التانية امر السلطة نفسها اقصد السلطة العالمية ليس بيد المسلمين . ولو وضعو شرط الاساس كتعامل مع الاخرين سيعاملهم الناس كذلك .. وفي ذلك خسارة لهم كأفراد ودول ودين ولنا في صلح الحيبية سنة اعتقد مع عميق الود مثل هذه الاسئلة تفتح بابا للخلاف بل في نظري اسأل عن برنامج الحزب اي حزب لا عن تدينهم واعتذر وماحديثي الا لثقتي في مدي احترامي لك
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: عبدالمنعم الطيب حسن)
|
فيما اتصل بي كارثة مفهوم دين:
نحن من وضع اساس ما يبتذل ويختذل الان كدين بواسطة الثقافه الاريه وهذا التصور تبلور في 315م بواسطة دواعش مسيحي الرومان اللي اعلنو الجهاد علي ما نسميه اليوم تصوف لوتعلمون اساس كل ما يعرف الان ك"دين" والمفرده لاوجود لها في لسانا الكوشي اقلاه لغة اهلي في دنقلا.
بناءا عليه تاريخيا كسودانيين ما يعرف الان بالدين كان حاجة خاصة جدا جدا بالفرد ولا علاقة له البته بالآخر الا من حيث سلوكك في تعاملك مع الاخر ولكن ليس من حيث اعتقاد الاخر والسبب بسيط جدا:
اولا ما كان هناك اعتقاد اخر لانو لم يكن هناك بشر اخرين بمعني ثقافه اخري غير سودانية.
ثانيا الفكره المركزية لمفهوم دين الحالي حينها كانت تدور حول هم النجاة في الحياة الاخري والفوز بالجنة بالنسبة للفرد اكرر الفرد نعم الفرد وليس المجموعة وبالتالي فلا معني ولامسوغ للتفكير مجرد التفكير بما يدور في خلد الاخر دعك من علاقتو بي خالقو الكانت خاصة جدا.
نعم كل زول كان مسكون بي هم النجاة لشخصو هو وليس اي مخلوق اخر!ِ
ده ما تنطير ولا انشا وانما واقع عايشتو كطفل في دنقلا.
ماكان في زول خارج نطاق الأسرة بيتعرض لي اعتقاد زول اخر اطلاقا!ِ
نعم انا عشتا او شفتا بي عيوني لما ظهر في حياتنا اول وهابي في الحلة وسخرية الجميع من طريقة تفكيرو اللي لفتت نظر الجميع كحاجه غريبة علي اسلوب حياتم. موقفي من الوهابية يعود مباشرة لهذه الحقبة من حياتي بأكثر من اي شئ اخر.
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: ahmedona)
|
أحمدونا (سؤال مباشر يحتاج لإجابة مباشرة وفق المرجعية الفكرية....) المرجعية بإي فهم ؟ بالفهم السلفي المتزمت ( هي النصوصية والحرفية !وخذه كله أو أتركه كله) خذ المنجز الإنساني بحرفيته ونصه ــ بلا تفكير ! أما عند الإنسان العصري ـ فالمرجعية ـ والفكر البشري متفاعل مع واقعه يتطور ويتغير !ـ وليس دين مقدس أو نص جامد ـ لايقبل التفكير ــ العقل النقدي ـ يأخذ الإيجابي ـ ويرفض السلبي ــ جوهر الماركسية ــ هو العدالة الإجتماعية ـ والملكية العامة ومحاربة الإستغلال ـ ومجانية العلاج والتعليم وتوفير الضرورات الإنسانية ! والمنهج الجدلي! * الحزب الشيوعي غير مطالب بالنهل الحرفي لكل ماقاله ماركس وما طرحته الماركسية ــ الحزب الشيوعي يحاكم ويحكم عليه وفق المكونات الماركسية في أدبياته ووفق برنامجه المطروح ــ هذه حقيقة بديهية ومن أبجديات التعاطي السياسي ! * قلت دعونا نسال هل الوهابي انسان ؟اي يتمتع بالقيم الانسانية وبالحد الادني للانسانية ؟ هل يقبل بالتعائش والتسامح - وحق الاخر في الفكر والاعتقاد - وتبديل الاعتقاد والفكر ؟وحق التبشير والتنصير؟ وحق المسيحي والمراة في المواطنة الكاملة ؟ هل يتمتع - بالحساسية والجدال بالحسني والحوار السمح ام بالجلافة والتنفير - والفظاظة ؟ هل الوهابي ومن يشابهه من السفيين يشكل اضافة للاسلام ام هم خصما عليه ؟ هل هم اضافة للانسانية ونسيج القيم والمثل السمح ام انهم خصما علي الانسانية ؟ ماذا قدم الوهابية واضرابهم للانسانية والبشرية ؟
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: ahmedona)
|
نعم لانو لا وجود لكارثة مفهوم دين بالصيغة الجهادية المتطفله الطارحنها وحوش ودواعش الوهابية كان عادي في المجتمع النشات فيهو اننا كاطفال نشرب المريسه في المناسبات بكل براءة والكبار كانو هم البقدمو القرعة للاطفال الزينا في المناسبات او يوم الجمعه وتحديدا قبل صلاه الجمعة الكبار كانو بتلمو او يشربو الشربوت العاملاهو الحبوبة ست البيت مش من الاندايه كما في المدن.
بالليل المأذون كان هو فنان الحي والإمام كان واحد من الشيالين والبرقصن اماتنا في ضو القميره.
بعد داك الحلة كلها بتمشي او تستمتع بي رقيص العروس والقرمصيص الابتدعتو امنا "الست" اي ايزيس بي لغوه الاغريق.
كنتيجة مباشره لهكذا اسلوب حياة خالي من افكار مفاهيم شياطين الجرة اي الوهابية الرجل كما المرأة وحتي يوم دخلتو كان بكون "اعذرا" من عذراء من العفة في الاخلاق من دون تهليل تكبير حلال حرام او تفتيش لي ضمائر الناس من فسده فسقه قتله احالو مجتمعم في السعوديه الي مجتمع لواط وشذوذ جنسي يتوجس فيه الاخ من اخو ود امو او ابوهو ولايامنو علي ام اولادو!
اذن الوهابية عقيدة فاسده مفسدة مدمرة حتي في مجتمعا هي دعك من مجتمعاتنا.
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: nour tawir)
|
أستاذة نور تاور --- تحياتي شكراً لمرورك العطر... أنا من الناس البحترمك جداَ وبقرأ ليك....
Quote: واحد من زملائى فى جريدة الخرطوم شيوعى.. مشى الحج عام 2009.. |
سؤالي واضح عن إيمان الشيوعي بالدين من واقع المرجعية الفكرية له ؟؟؟؟
إعتقد السؤال ما صعب....
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: Bashasha)
|
Quote: الحاقاً لمداخلاتي بالبوست أضيف: لا يمكن أن تكون مسلما وفي نفس الوقت شيوعياً |
أبوبكـــر عباس .. كلامــك ليس صحيحاً من وجهة نظري وما عايشته
والدي عليه رحمة الله كان شيوعياُ .. وكنت اراه و المناضلين الراحلين الشفيع أحمد الشيخ وعبدالخالق محجوب وأخرين في اجتماعاتهم سوياً .. وكانوا أحيانا ياتون الى بيتنا لعقد الاجتماعات السرية... بل وأذكر ,انا طفلاً .. تم تعين والدي مسئول الأمن بمشروع الجزيرة والمناقل 1970م .. وكنت أرى حضور بعض النساء والرجال الى بيتنا ليلا .. ليبلغوا الوالد ان اباهم او اخاهم قد تم اعتقاله من ناس الأمن .. فيقوم الوالد بالاتصال بمسئولي الأمن في المنطقة المعنية واعطائهم تعليمات بتركهم يعودوا لأاسرهم .. كانوا هكذا وليسوا مثل الاسلاميين الآن بلا رحمة ولم أرى والدي طوال عمره يترك فرضاً من صيام وصلاة ... وتلاوة القرآن ..
رحمهم الله جميعاً أها رايكـ شنو ؟؟!!!
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: الطيب رحمه قريمان)
|
احمدونا ...تحياتي ما الذي يمنع الشيوعي السوداني ان لا يؤمن بالديانات ؟؟. اي نظرية فكرية قابلة للتعديل حسب متطلبات الزمان لانها ليست منزلة .. قصص الدين افيون الشعوب جدلية مبتذلة يستخدمها الاسلامويين لتكفير الشيوعيين فعندما قيلت كان المقصود بها رهبان الكنيسة والاباطرة الذين يحكمون ويتحكمون في الشعوب كما يحدث الان بأسم الدين الاسلامي فهو ايضا اصبح افيون الشعوب الاسلامية ..
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: Arif Nashed)
|
احمدونا سيبك من الشوعيين الكفار ديل عليك التوم ود بانقا هسي ناس المؤتمر الوطني ديل عندهم علاقة بالدين الفي سبيلو قاموا يبتغو رفع اللواء!! انتوا يا سلفتوت جبانين جبن عجيب خلاص ماسكين في احاديث معاوية بن ابي سفيان بتاعة حرمة الخروج على الحاكم المسلم وصلوا وراء كل بر و فاجر ولغاويسهم الكتيرة ومسيخة دي .. دق سدرك وقول هل يؤمن الكيزان بالدين؟؟؟؟ وخلينا نحن ديل واعتبرنا ما بنؤمن بالدين .
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: علي دفع الله)
|
واضح الوهابي صاحب هذا الخيط مسطح ضمة او مافاهم كلامنا.
طيب ما تسميه انت دين كمستلب ثقافه عربية ابتذالا واختذال في مرجعيتنا كسودانيين تاريخيا اي الدين فكان اسلوب حياة بي اكملا مش ورجغه بعينها بي فهمك اللي بيعني هناك ماهو غير دين والمصيبة كلها في الثنائية دي بتاعة دين في مقابل لا دين! نعم بالنسبة لينا كلو دين!
نعم مما يلدوك او لمن ترحل من الفانية دي كل ثانية من حياتك من سن البلوغ انتا مسؤول منها يوم الحساب.
الاساس هو السلوك الممارسة مش الورجغه.
عشان كده زي الورجغه دي كانت محرمة بي فهمك لي مصطلح حرام بالنسبة لي اجدادنا.
شفتا الفرق؟
عشان كده نحن ابتدعنا الصلاه الصوم والرقيص اي النوبة قدام قبابنا كممارسه بتخلي المفاهيم المجردة النظرية تنزل من مستوي الوعي الي اللاوعي اي اللاشعور او بي كده الفكره تتحول الي سلوك وممارسة مش ورجغه وسفسطه بتاعة شو في الفارغة كحال ابان دقون من امثالك اللي سلوكم خط موازي للورجغه الفارغة.
نعم بي مفاهيم اليوم الفكرة ستظل معلقه في الهوا كما بالون مالم تجد طريقة تنزلا بيها الي اللاشعور او عشان كده النوبة والحالة المعروفه البمرا بيها "المجذوب" البر قص في حلقة الذكر في حمد النيل ثبت علميا بي مصطلحات عصرنا المادي انها من أنجع السبل to access ال hard dive اي اللاوعي!
اذن باختصار شديد ما تسميه انتا دين هو سلوك وممارسة في المقام الاول او بالفهم ده امثال محجوب شريف او فاطنة احمس هم المسلمين بي فهمنا وامثالك هم الكفار وفق مفردات ادبيات وعيك المسترق!
نعم ديل من انقي انظف واحب الناس للشعب السوداني بي سلوكم ايو السلوك او تالت السلوك وليس امثالك من المورجغاتيه اطلاقا مهما ادعيت ومارستا من ارهاب فكري وغسيل مخ للبسطاء.
اليس هذا عجيب؟
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: Bashasha)
|
يا دكتور أحمد أمين، أنا عملت استثناء قلت: ممكن تكون مسلم مدغمس وفي نفس الوقت شيوعي لكن مسلم سيدا سيدا؛ ما ممكن يكون شيوعي
مسلم سيدا بمعنى لو جاء يشرب في سبيل في الشارع؛ بسمي ويقعد في الواطة حتى يشرب
في رأيك دين بوريك تقول شنو واتا داخل الحمام، هل ممكن يسمح ليك تبقى أي حاجة تانية؟
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: muntasir)
|
المشكلة يا منتصر، لو كلام ناس أحمدونا طلع صاح وفِي قيامة، اتوا ناس الدغمسة (معاك ناس نور تاور ديل)، بتكونوا حطب النار، لأنكم داخلين بسياسة غش، سياسة لو في جنة؛ ندخل. لو ما في، ما خسرنا حاجة نظام تغشوا الله وكدا احتمال كبير يدخلوني مع أحمدونا ويصدر عفوا ويقولوا لي: تفضل يا مستنير، لصدقك مع عقلك وسيرتك الناصعة في الدنيا
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: أبوبكر عباس)
|
"أيها المسلمون بروسيا و سيبيريا و تركستان .. يا من هدم القياصرة مساجدهم وعبث الطغاة بمعتقداتهم .. ان معتقداتكم و عاداتكم و مؤسساتكم القومية و الثقافية صارت اليوم حرّة مقدسة..نظّموا حياتكم القومية بكامل الحرية .. فهي حق لكم ، و اعلموا أن الثورة العظيمة و سوفيتات العمال و الجنود و الفلاحين تحمي حقوقكم و حقوق كل شعوب روسيا .." لقد أُعيدت الآثار و الكتب الاسلامية المقدسة التي نهبتها القيصرية الى المساجد .. وتمّ تسليم القرآن الكريم المعروف بقرآن عثمان في احتفال مهيب الى المجلس الاسلامي في بيتروغراد في 25 ديسمبر 1917 وقد أُعلن يوم الجمعة ، يوم الاحتفال الديني بالنسبة للمسلمين ، يوم الاجازة الرسمية في كل آسيا الوسطى ."
لينين 24 نوفمبر 1917
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: Asim Fageary)
|
سلام اعتقد ان شوعى السودان على العموم هم مسلمين .....و اعتقد ان الكثير منهم نفوسهم طيبة يردون الاشتراكية و المساواة بين الناس و هكذا ........و الدليل حبهم في ازمان سابقة للطبقة العاملة و العمل على تحقيق مطالبها
مع ان الاغلب من قياداتهم من ( البرجوازية ) كما يسمون الاغنياء من الناس
المهم فكل من ثبت له عقد الإسلام بيقين ولم يخرج منه بيقين فاعتقد انه من المسلمين
اما ما يدعوا اليه من عقيده فاسدة في نظر الاسلام فتغلط العقيدة التى يدعوا لها و لا يكفر الشخص بعينه الا بعد التاكد انه غير متاؤل او جاهل .........و هذا صعب كما اظن
و ذلك لان عبدالله بن أبي بن أبي سلول زعم أنه مسلم يلفظ الشهادتين، وكان يصلي، ويصوم، بل ويخرج مع المسلمين للجهاد
و انا شائف ان اغلبهم يؤمن بالدين الاسلام ........بس محتاجين شوية استعدال ........
_________________________ احسنو الظن بالناس
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: مدثر صديق)
|
احمدونا ... اي دين هذا الذي اشارت اليه الشيوعية ؟ ان كان الدين هنا لكل الاديان فصدقت الشيوعية بعيد عن الدول الاخرى انت ده سوداني قس على الدين الاسلامي والشعارات التي رفعت باسم الدين الاسلامي للحكومات والاحزاب الاسلامية تجد فعلا ان الدين الاسلامي استخدم كافيون وبكل اسف تمت الاساءة للاسلام عند اصحاب الديانات الاخرى ولا تذهب بعيدا في ظل الانقاذ1989م وحتى الان هل المشروع الحضاري والاسلام مستخدم منذ فجر الانقلاب وحتى الان افيون ام لا ارجو الاجابة واضحة من غير تطويل
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: قصي محمد عبدالله)
|
ياخي قصي نحنا دين طائفي ما دايرنو عديل كدا .. دين العرب ودين العروبة .... بشاشا قال ليك الدين هو المثل والأخلاق والمعاملة ولو رجعت لمداخلتي الأولى بتلقى نفس الكلام دا .
ألا ليت شعري لو تعلمون ! ..
وكمان بشاشا قال ليك الدين والإيمان دا شيء فردي وخاص جداً .. وبرضو لو رجعت لمداخلتي الأولى والتانية بتلقى نفس الكلام بصيغة تانية.
وما ليك علي حليفة أنا وبشاشا لم نتواصل ولم نتناقش وليس أصلاً بينا معرفة شخصية .. هذا حتى لا تفتكر أن هنالك اتفاق بيننا ... اللهم إلا الأصول النوبية الكوشية !
مع تحياتي
عاصم فقيري
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: Asim Fageary)
|
Quote: طيب ما تسميه انت دين كمستلب ثقافه عربية ابتذالا واختذال في مرجعيتنا كسودانيين تاريخيا اي الدين فكان اسلوب حياة بي اكملا مش ورجغه بعينها بي فهمك اللي بيعني هناك ماهو غير دين والمصيبة كلها في الثنائية دي بتاعة دين في مقابل لا دين! نعم بالنسبة لينا كلو دين! |
باشاشا --- تحياتي.
أنا ما قاعد إتكلم عن الإستلاب.. كل التيارات الفكرية المتواجده في الساحة مستلبه...
أنا بتسائل عن مفهوم الدين لدى الشيوعي وهل يؤمن به؟؟؟؟
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: ahmedona)
|
اقتباس من عنوان البوست....... أن السؤال نفسه مهاترة مع وافر الاحترام. أنا لست شيوعيا ولكن أقول أنها فكر بشري قابل للنقد والمناقشة مثلها مثل الرأسمالية والاشتراكية وغيرها والمؤمن بها قد يكون مسلماً أو مسيحياً أو لادينيا أو غيره، ومحاولة ربطها أو مقارنتها بالأديان لاتجوز وليست بذات معنى لأنك تتحدث عن شيئين مختلفين تماماً، يعني هل يعقل مثلاً مقارنة التفاح بالقهوة؟ أتمنى تكون وصلت الفكرة.
وتقبل مروري،،،،،،،
| |
|
|
|
|
|
|
Re: هل الشيوعي يؤمن بالدين؟؟؟؟ --- بعيداً عن ال (Re: ahmedona)
|
السؤال الحقيقي: هل يؤمن الترابي بالدين؟ مقولات الترابي عن عذاب القبر ومقولات اقرب اصدقاء الترابي عن رأيه في الدين ومقولات المقربين من الترابي عن اليوم الآخر والمهدي المنتظر والجن والإنس وعذاب القبر ... ربما يبشر بأن الترابي لا يؤمن اساسا بوجود يوم آخر ولا بنار أو جنة ربما يكون الشيوعي يكون أكثر ايمانا بالإسلام من الترابي
| |
|
|
|
|
|
|
|