يا محمد مصطفى عبد القادر..قبل ما تقطع المحيط!

02:48 PM August, 15 2017

سودانيز اون لاين
سيف النصر محي الدين-
مكتبتى
رابط مختصر

كدي جاوب لينا على السؤال ده:
ليه سيرة امريكا دي ما وردت خالص خالص في جميع الكتب المقدسة المحرفة منها و غير المحرفة؟
وليه السلف الذين بلغ اعتقادك فيهم مبلغ العبادة اصلو مافيهم واحد قال عنها اي شي او حتى شافا في رؤياء
ساكت مع انهم ما خلوا شي ما نظروا فيه، باطن الارض و قعر البحر و حتى السماء السابعة؟
ده سؤال مسبب لي الحيرة يا عمك فارجو منك أن تنظر في كتب احد العطالة ممن تقرأ كتبهم و ترد لي
على هذا السؤال وعن مصير الملايين من الانكا و المايا و الازتك الذين عاشوا الاف السنين بدون
أن يعرفوا اي شي عن الرسل و الانبياء الذين احتكرتهم تلك البقعة الصغيرة من العالم في الشرق الاوسط؟

لك التحية يا دوك ..

يا دوك شنو الاسئلة الصعبة دي ؟
ليه سيرة امريكا دي ما وردت خالص خالص في
جميع الكتب المقدسة المحرفة منها و غير المحرفة؟
طيب مافي خيارات ؟


محمد مصطفي خليناه للمنتقم الجبار هجج لينا رجالنا بالصفراوات
وطلعنا نحن ملوص !

بدلاً عن أن تسألوا حضرة (الشيخ) عن سيرة أمريكا

ليه ما تعملوا معروف وتوصلوا تعاليم حضرته للناطقين بغيرها

من امريكان وغيرهم .. لعلهم ينتفعون بها

أو يدخلوا في دين الله أفواجاً ..

شوية ..ترجمة لله يا محسنين ..

كتير يا أستاذ سيف اتساءل زيك كدة
ليه كل الديانات نزلت في بقعة معينة من العالم؟
وباقي الملايين ديل جالسين كدا ساكت بلا اي ديانات
ولا عذاب ان لم يؤمنوا بها
كوّن هنالك أية فيما معناه
ما فيش عذاب لحدت ما يرسل رسول....

لك التحية يا منعم ..


كويس انه نزلت في بقعة معينة .
ليه كل الديانات نزلت في بقعة معينة من العالم؟
تخيل العالم دا لو كلو مسلمين وزي المسلمين الشايفنهم ديل
العالم حا يكون كيف ؟ اسه منو غير الغير مسلمين هم المطورين
العالم وبكتشفوا لينا في المعجزات ومالين لينا الدنيا والحياة نور
وسرور ؟ كدي اتخيل لو العالم دا كله مسلمين زي عمك محمد
عبد القادر وشيخ مزمل وشيخ قصي وشيخ الترابي وشيخ اللمين
والكيزان والوهابية والصوفية والشيعة وغيرهم من تشرذم من
المتخلفين وضعنا بكون شنو في العالم ؟؟

ومن هنا نحمد الله العالم كلو ليست بمسلم .

سيف النصر سلام
أهو عينة أسئلتك دي ياها البتعكّر أمزجة الشيخ !!
انا غايتو شمشرة مني ساي
مستعد أوصل اسئلتك دي للزول دا في معهد الرشاد
و نطلب تعقيب عليها بعد صلاة الجمعة الجاية
و نجيب الرد هنا دا صورة و صوت
والله صحي !

...
و كان بقدر بجاوب ، اليرفع إيدو !

ما طالبني حليفة ..
ما نفسي اعرف الا الرجل دا قلبه
بقول ليهو شنو ؟

كيفك يا منى
يا زولة اطمني وختي في بطنك بطيخة صيفي، الحمراوات و الصفراوات ديل
ما بعاينوا بطرف عينهم ساكت لناسنا عينة محمد مصطفى ده الا من رحم ربي ههههه
ياخي لحدي قريب كانت في قوانين تمنع الزواج المختلط عرقيا و لغاية هسه الناس مقسمة
بحسب اللون لحد كبير..البيضاوات للبيض و السوداوات للسود و بينهما امور مشتبهات.
غايتو مافي طريقة الا الفي خيال محمد مصطفى دي بس هو محتاج يلقى حل لمشكلة المحيطات
و يحار الظلمات التي تحيط بالامريكتين احاطة السوار بالمعصم دي، وطبعا حتى لو لقى طريقة
بفضل ليهو يلقى طريقة تسكت ملايين الاسلحة الرسمية و الشخصية التي تملا كل ركن من اركان
البلد.
قبل كم يوم في مدينتنا واحدة عمرها ستين سنة دخلوا عليها اتنين في بيتها وكل واحد فيهم شايل
مسدس فتحت فيهم رصاص قرضت واحد و التاني الا مرقنوا كرعيهو.

الاخت منى عمسيب.. سلام
1. المسلمين ما ابادوا اليهود فى الهولوكوست
2. المسلمين ما ابادوا الهنود الحمر بالملايين وطردوهم من ديارهم
3. المسلمين ما احتلوا العراق وقتلوا مليون ونص ثم سلموها لإيران
4. المسلمين ما احرقوا مدن كاملة زى هيروشيما ونجازاكى بالقنابل النووية.
5. المسلمين ما ذبحوا 300 الف صينى فى شهر واحد فى مدينة نانجن
6. المسلمين عمروا الاندلس ولم يرتكبوا فيها مجازر او حملة إغتصابات
7. المسلمين عمروا مصر ولم يرتكبوا مجازر حين فتحوها

8. ِ...

ويعني نحن السوداوات ديل البنعاين ليهو ؟
الحمراوات و الصفراوات ديل ما بعاينوا
بطرف عينهم ساكت لناسنا عينة محمد مصطفى ده
مافي وحدة بتعاين لهذا الرجل الا تكون نسخة منو !

سلامات يا مولانا الشايقي
اكيد المقطع حيترجم ده لو ما كان اترجم فعلا. متلقين الحجج قاعدين و مستنيين اي حاجة تصدر
عن واحد ارعن من الكثر المنتشرين الذين يهرفون بما يعرفون و ما لا يعرفون. شوف في يوتيوب
في حاجة اسمها memri tv حتلقى انو القائمين عليها ما بخلوا شاردة ولا واردة الا و ترجموها
واعتقد والله اعلم أن هذه القناة لها علاقة باسرائيل,

سلامات يا عبد المنعم
تعرف السؤال ده دايما بدخلك في نقاش دائري من نوع ومن ادراك ان الله لم يبعث لهم رسول
او ان عدد الرسل و الانبياء لا يعرفه الا الله..الخ.
احتمال أن الكتب السماوية اختارت أن تخبر سكان الشرق الاوسط بانبياء الشرق الاوسط فقط
وبكده يبقى نحن غير مطالبين بالتحشر في امور الامم الاخرى من غير سكان الشرق الاوسط :)

ريشو سلام تقدير ..

كان عندهم امكانية كانوا عملوا الاكتر من ما ذكرته !
. المسلمين ما ابادوا اليهود فى الهولوكوست
2. المسلمين ما ابادوا الهنود الحمر بالملايين وطردوهم من ديارهم
3. المسلمين ما احتلوا العراق وقتلوا مليون ونص ثم سلموها لإيران
4. المسلمين ما احرقوا مدن كاملة زى هيروشيما ونجازاكى بالقنابل النووية.
5. المسلمين ما ذبحوا 300 الف صينى فى شهر واحد فى مدينة نانجن
6. المسلمين عمروا الاندلس ولم يرتكبوا فيها مجازر او حملة إغتصابات
7. المسلمين عمروا مصر ولم يرتكبوا مجازر حين فتحوها. المسلمين ما ابادوا
اليهود فى الهولوكوست 2. المسلمين ما ابادوا الهنود الحمر بالملايين وطردوهم
من ديارهم 3. المسلمين ما احتلوا العراق وقتلوا مليون ونص ثم سلموها لإيران
. المسلمين ما احرقوا مدن كاملة زى هيروشيما ونجازاكى بالقنابل النووية.
5. المسلمين ما ذبحوا 300 الف صينى فى شهر واحد فى مدينة نانجن
6. المسلمين عمروا الاندلس ولم يرتكبوا فيها مجازر او حملة إغتصابات
7. المسلمين عمروا مصر ولم يرتكبوا مجازر حين فتحوها
واسه قدر العندهم بيبدوا في بعض ! عليك الله يا ريشو المسلمين ديل نخليهم
في البعملوا فيهو دا !

وين يا بوب
غايتو بعد توصلها ويعقب رسل التعقيب اول اعمل ليهو editing اذا كان فيهو رش تقيل lol