Post: #1
Title: قصة ترمب مع كوريا الشمالية مثل قصة السودان مع سرقة الأعضاء
Author: aosman
Date: 08-10-2017, 06:08 PM
Parent: #0
05:08 PM August, 10 2017 سودانيز اون لاين
aosman-نجران - السعودية
مكتبتى
رابط مختصر قبل أيام نجحت جهة ما في السودان في شغل الشارع السوداني كله بقضية سرقة الأعضاء وتقديري الآن بنفس الطريقة, الرئيس الأمريكي ترامب قاعد يشغل العالم كله بقضية كوريا الشمالية لأنه مزنوق زنقة كلب في طاحونة في قضية تدخل الروس في الإنتخابات الأمريكية,
الروس حاولوا يلحقوه بقضية طرد الدبلوماسيين الأمريكيين من روسيا والشغلانة ما جابت نتيجة. على ما يبدو الآن شاف طريقة تانية.
قصة حرب نووية تندلع دي ما داخلة لي في راسي, الدول التي تمتلك الأسلحة النووية هي أدرى من غيرها بالقوة التدميرية الهائلة التي يمكن أن تخلفها تلك الأسلحة, وتجربة اليابان ماثلة أمامهم, دي مناورات ساي من ترامب ومحاولة أن يلخم الأمريكان والعالم فقط.
|
Post: #2
Title: Re: قصة ترمب مع كوريا الشمالية مثل قصة السودا�
Author: aosman
Date: 08-20-2017, 05:17 PM
أها قبيل شن قلنا؟ هسي مش أمريكا سكتت من كوريا الشمالية وكوريا الشمالية سكتت من أمريكا؟ ده لعب بعقول الناس
|
Post: #3
Title: Re: قصة ترمب مع كوريا الشمالية مثل قصة السودا�
Author: محمد البشرى الخضر
Date: 08-20-2017, 07:35 PM
Parent: #2
في مسلسل اسمه house of cards بحكي عن كواليس البيت البيض ودهاليز واشنطن و سياسييها, في آخر الموسم قبل الأخير الرئيس مزنوق في قضية كبيرة و الكونغرس عايز يستجوبه خلاص وربما يدخل السجن كمان قوم فبرك ليك عملية ارهابية واعلن الحرب على بلد في الشرق الاوسط وشغل البلد و الكونغرس و الدنيا عن مشكلته
يبدو انه السياسة و الدراما في اامريكا نفس الشي يا عثمان
|
Post: #4
Title: Re: قصة ترمب مع كوريا الشمالية مثل قصة السودا�
Author: aosman
Date: 08-20-2017, 08:05 PM
الأخ العزيز محمد البشرى الخضر,
شكرا على إيراد هذه المعلومة المهمة جدا, وأكتر شيئ بحيرني في ناس ودول كمان بصدقوا الكوميديا البتحصل دي. عليك الله حرب نووية شنو حتقوم؟
|
|