07:44 PM August, 05 2017 سودانيز اون لاين اخلاص عبدالرحمن المشرف- مكتبتى رابط مختصر الي مني خوجلي احترت جدآ ما الذي استطيع ان ازحيه لك هدية شعر ،قصة ، اغنية ،قصيدة ،مديح ام دوبيت اكتب لك من قديمي الذي لم انشره ام اقول فيك كل الكلام ال ما انكتب ثم تواضعت امالي في ان أكتب لك وبس
وكت ضاقت علينا الماهله . سرجناخيولنا لارضا قالو هي الطاهره سرجنا خيول الغربه تتلفت يمين وشمال تشوف بلدآ ناسا حنان هناك في مقرن النيلين قبل ما يجونا ناس شينين ولما حالنا كان زين ونحن كمان بنملأ العين قبل التنار واليانكي والكذابين
Post: #3 Title: Re: اهداء الي مني خوجلي Author: صديق مهدى على Date: 08-05-2017, 09:44 PM Parent: #2
استاذ الاجيال صديق مهدي علي ازدان البوست بمجئيك تحيتي ومودتي
Post: #6 Title: Re: اهداء الي مني خوجلي Author: محمد فضل الله المكى Date: 08-06-2017, 09:51 AM Parent: #5
. بحبك ومافى غيرك نور يهِل ويغمرُ طريق الشوف وما فى بَلَاك نور بِسْطَع ولا فرحاً يسوقنى يطوف . صحَّ لسانك بت المشرف .............................................. عندما قالت بت الخليفة كلمات طيبات في حق سعادة الأخ عمر علي حسن قلنا رداً على كلماتها :
العُمــر عُمـرين في حقُّـو تب وفّيتي لخِصالو الحميده وحُسن الطَّبِع وفيتي حباب بِت الخليفه المِن منابعو رِويتي المنــابر نـوّرت بي طلتـك يـوم جيتي . ترحيب سابق ب بِت ابونا الخليفة أثر عودتها بعد غيبة : . حباب بِت الخليفه الطلَّه بس تكفينا الـراي والفهـم ، مـا تبخليبـو عليــنا من والداً كريم تب ما نطق بي شينه من قولـة سـلام يتكي المَنَسَّــل لينــا . والتقدير لكِ بت المشرف ..يامن تعرفين قدر من يستحق التقدير
Post: #7 Title: Re: اهداء الي مني خوجلي Author: أحمد الشايقي Date: 08-06-2017, 10:58 AM Parent: #6
الملكة منى دي عرق من عروق الذهب الممتدة من أسرتها العتيدة
وهي غالية
لك التقدير بنت المشرف
أحمد الشايقي
Post: #8 Title: Re: اهداء الي مني خوجلي Author: عبدالحفيظ ابوسن Date: 08-06-2017, 11:04 AM Parent: #7
يا سلاااام ياخ هي جات بي الله تشكري والله يا خية اهلنا بقولو انا بطن البيت بلا ستو اتمني عودة كل اخواتنا وبناتنا للمنبر بناتنا دي جات عفوا ساي
Post: #9 Title: Re: اهداء الي مني خوجلي Author: عبدالحفيظ ابوسن Date: 08-06-2017, 11:04 AM Parent: #7
يا سلاااام ياخ هي جات بي الله تشكري والله يا خية اهلنا بقولو انا بطن البيت بلا ستو اتمني عودة كل اخواتنا وبناتنا للمنبر بناتنا دي جات عفوا ساي
Post: #10 Title: Re: اهداء الي مني خوجلي Author: الشامي الحبر عبدالوهاب Date: 08-06-2017, 11:47 AM Parent: #9
التحية ليك اختنا اخلاص و الاف زيها للعزيزة منى و عبر هذا البوست اسمحى لى اهديها الونسة دى ______ زينوبة قلبه ابيض ...وحنينة...لكن لايوقة ..تمسك الموضوع تقتلو لياقة..لمن الموضوع زاتو يزهج منها .. راجلها الزين قاعد في خشم باب البرندة جات ماشة عفصتو في كراعو من غير ما تشوفو" أحححححححي...عفصتك؟؟ أعفى لي يا الزين"(بسيطة يا زينوبة مافي حاجة) دخلت الاوضة ومرقت.. " الزين عليك الرسول تعفى لي ما شايفاك" ( مافي حاجة يا زينوبة) مشت المتبخ وجات " الزين كراعك نعل ما ورمت.... اعفى لي يعني"(لا كويسة يا زينوبة) دخلت الاوضة وهو دخل ورقد..عاينتلو" الزين كراعك نعل ما قاعدة تنتح؟..وحات الله ما شايفاك، الرسول تعفى لي "( لا حول الله ...مافي حاجة يا زينوبة بسيطة) بعد عشرة دقايق وهم راقدين كل زول في عنقريب الزين جاتو غفوة غمض عيونو قامت كوعت وصحتو" الزين..الزين..نعل ماك مضايق من كراعك...اعفي لي عليك الله صنقر في نص العنقريب..وقال لها ( زينوبة ..في المتبخ تحت الشباك..تحت الشباك طواااالي..في فرار جيبيهو ) جابت الفرار..اتناولو منها...ضربة واحدة ونص الكراع طار في نص الاوضة ( اها يا زينوبة ارتحتي؟؟...ارتحتي يا زينوبة؟؟؟)!!!!!! _____ شكراً حبيبتنا منى .. فقد امتعتينا بضحكات البراءة ذاك اليوم
الاستاذ محمد فضل الله المكي بت الخليفة ايقونة من ايقونات المنبر بس الا غالية شديد الطلة مرة مرة ولما تحضر زي ما قال الشاعر مع التحريف منبرنانور وبق نور
Quote: . بحبك ومافى غيرك نور يهِل ويغمرُ طريق الشوف وما فى بَلَاك نور بِسْطَع ولا فرحاً يسوقنى يطوف . صحَّ لسانك بت المشرف .............................................. عندما قالت بت الخليفة كلمات طيبات في حق سعادة الأخ عمر علي حسن قلنا رداً على كلماتها :
العُمــر عُمـرين في حقُّـو تب وفّيتي لخِصالو الحميده وحُسن الطَّبِع وفيتي حباب بِت الخليفه المِن منابعو رِويتي المنــابر نـوّرت بي طلتـك يـوم جيتي . ترحيب سابق ب بِت ابونا الخليفة أثر عودتها بعد غيبة : . حباب بِت الخليفه الطلَّه بس تكفينا الـراي والفهـم ، مـا تبخليبـو عليــنا من والداً كريم تب ما نطق بي شينه من قولـة سـلام يتكي المَنَسَّــل لينــا . والتقدير لكِ بت المشرف ..يامن تعرفين قدر من يستحق التقدير
مافي شيء بيغير مشاعرنا الصادقة محمد فضل ود أبوي.. لا بعد طويل لا غياب من أي شكل كان مشتاقة كتير والله للونسة معاك ومع سيادته عمروالطيب وشيقوق وباقي العقد الفريد.. كانت اوقات حلوه جدا وشقية بطفولتها ومرحها وتسابقنا علي "الونسة" في البوستات بإحساس جديد في كل يوم وأشعار البادية وحكاويها والنوادر تضيف معرفة مرحة لنا جميعا...الناس ديل إختفوا كلهم مالهم؟ مشتاقه ليهم كثير والله ومتمنبه أشوفهم مرة تانيه بيتواصلوا بالبوستات العظيمة
لكن أنا اسه إخلاص دي أجيب ليها كلام يشبه كلامها السمح شديد ده من وين؟ وأرد بس بشنو كلمني؟؟ إنت وإخلاص غمرتوني بكلام أبهجني كثيرا
Quote: وكت ضاقت علينا الماهله . سرجناخيولنا لارضا قالو هي الطاهره سرجنا خيول الغربه تتلفت يمين وشمال تشوف بلدآ ناسا حنان هناك في مقرن النيلين قبل ما يجونا ناس شينين ولما حالنا كان زين ونحن كمان بنملأ العين قبل التنار واليانكي والكذابين
وقلنا بس يا إخلاص نبحث عن مكان نشعر فيه بالأمان.. فنحن نعرف أن بالغرب انظمه لا تسجن مواطنيها الا بتهم ضد القانون والقانون عندهم لا يضعه المجرمين ولا يمر بدون مراجعات واحتجاجات وموافقات.. يعني ما ممكن مثلا شيخ لعبوط يقوم من نومه ويضع قانونه ويقول اسه يتطبق ولا ممكن وزير عدل ساي حزبه ذاته يصعده علشان يطبق عقده في الناس ..لازم حزبه يكون متأكد منه.. ولا حزبه ذاتو يسقط.. ولا مهمة البوليس يطلع يضرب الناس في الشوارع ولا يجي قاضي درس عمره كله بس علشان يتعلم جلد البنات ويطبقة بفخر!
تتلفتي في بلدك يا إخلاص ارض جدادك وإنتي علي حق وما بتتلفتي في بلادهم لأنك أيضا علي حق.. وفهم الحقوق بيختلف علشان كده صاروا هم أوطاننا التي نعيش فيها ونكن لها كل الحب والتعظيم.. لكن يبقي الوطن إن ذهب منه أهل السوء هو الأم والأب والإبن والحبيب ومنتهي السعادة والمبتغي
يكفي ان ارجع وأجدك موجودة لأسعد واطلق تنهيدة ارتياح عميقة.. ما اجمل المكان حين نقصده وندلف له فنجد فيه أعزاء صعب علينا وعليهم اللقاء وجهاً لوجه من زمن بعيد.. سأرجع لأقرأ انتاجك وقطعا سأستمتع به واكتشف جوانب اخري عظيمة عنك..وسنتبادل الحكي عن الذكريات وعن كلماتك المرسومة هنا..
مني بت الخليفة طولتي من المنبر ونقول ظروف بس مرة مرة طلي مرات الواحد يدخل المكتبة ويقرأ ويقول يا رب يجو يا رب واهو جيتي لك كل الود وباقات ورد واماني جميلة ودعوات صالحات 🌹🌹🌹🌹🌺🌸🌸💐💐🌻🥀💐🌺🌺🌹
Post: #22 Title: Re: اهداء الي مني خوجلي Author: صديق مهدى على Date: 08-06-2017, 11:38 PM Parent: #19
يا سلام على الكلام عندما يكون بعيدا عن السياسة بيكون زى شجرة ظليلة فى عز الهجير يستظل تحتها الكبير والصغير فلكم يا ضيوف بت المشرف كل تحية وتقدير
الحبيبة دكتورة نعمات دومإ تذكريني ب نعناع الجنبنة المسقي في حيضانه من التراث النوبي بصوت المبدعة دنيا مسعود تحية لشهداء ليلة العيد ولاسرهم ولازلت اذكر احتفالنا في بيت ناس ميرغني طه القومة.لك يا وطني
Post: #31 Title: Re: اهداء الي مني خوجلي Author: عبد المنعم سيد احمد Date: 08-10-2017, 03:03 PM Parent: #30
غايتو نحن مواصلين معاها فى صفحتها الانيقة بالفيس مرحبتين حبابك..واليوم السعيد الليلة جابك لك التحية الدكتورة اخلاص
Post: #33 Title: Re: اهداء الي مني خوجلي Author: Muna Khugali Date: 08-15-2017, 04:13 AM Parent: #31
وما كنا لولا نضالها وزميلاتها وكل ذلك الجيل الرائد من الحركة النسوية لقادرات اليوم علي أن نطرح افكارنا ونعلن عن مبادئنا ونناقش بقوة المنطق والمساواه فيه حقوقنا الإنسانية والنسائية.. رحم الله فاطمة السودان
والعزاء لكم جميعاً..
Post: #34 Title: Re: اهداء الي مني خوجلي Author: اخلاص عبدالرحمن المشرف Date: 08-15-2017, 07:04 AM Parent: #33
فاطمة احمد ابراهيم انارت الدرب ابنات ونساء السودان وهزمت دياجير الظلام مهما حاولوا لن يستطيعوا طمس ما قدمت الاجر المتساوي للعمل المتساوي الحق في التعليم الحق في النيابة الحق في شغل المناصب الدستورية اما المسترزقون من كدح غيرهم النهابون باسم الاسلام فقد تعروا هم سخام وركام وهي روح ملائكة
Post: #35 Title: Re: اهداء الي مني خوجلي Author: عبدالوهاب احمد صالح Date: 08-15-2017, 08:30 AM Parent: #34
سلام المتداخلين جميعا : مدخل : فى واحد من قرى الجزيره كان فى زول جنو (طشمه لا مؤاخذه ) يوم جاء بدرى لقى الناس بتصلي فى العصر فى حوش المسجد لانو جوه كانت سخنه . قام طوالى بى حالتو ديك دخل مع الناس فى الصف . لما انتهت الصلاه قام واحد من المصلين وبى كل سماحة الاسلام واهلنا فى الجزيره قال ليهو يا قلان الليله الجابك شنو لينا ؟ قال والله جيت مارى وعجبتني ملمة الرجال ساكت . المقدمه دي انا جيت مارى بتصفح فى المكتبه لقيت البوست ودخلت عجبني العنوان . ورغم اني ما بعرف زول ولا الموضوع لكن والله عجبتني جدا الحميميه والكلام الصادق الجميل والموده الفقدناها فى الزمن ده . ادام الله الموده والتواصل . وشكرا جزيلا واعتذاري لاقتحامكم .
ده كان حالنا زمان وبقينا نفتش ليه اسه ومره نلقاه ومره ننتظره يتلطف علينا.. الحميميه والأسرة والصحاب ولمه ما بتعرف الكضب ولا الكراهية وما بتتمني الا انها تستمر في طيبتها ووداعتها كأنها قاعدة مع بعضها علي ارض او علي كراسي متقابله..
سعيدة بي مداخلتك يا عبد الوهاب ومتأكده اخلاص والباقيين كمان سعداء بيها🍃🌷
يا سلام يا عبدالوهاب كلماتك بلسم واعتذر علي تاخر الرد بس والله ما كنت عارفة أرد علي كلام رقيق زي ده كيف بت الخليفة عرفت الحاصل وهي من اكثر الناس شفافية وردت ورحبت و عبرت يا وهبه انت سيد البوست ه
Post: #38 Title: Re: اهداء الي مني خوجلي Author: اخلاص عبدالرحمن المشرف Date: 08-27-2017, 04:52 AM Parent: #37
الحبيبة مني خوجلي السعوديين هنا بدأت اجازة عيد الاضحي اعرف الحمولة النفسية الثقيلة لعيد الاضحي عليك كنت بعد ما حصل اشعر بالغضب ثم تحول الغضب الي حزن ثم تحول الحزن لدهشة كيف استطاعوا هكذا فعل في ايام مباركات الان لا دهشة فهذا ديدنهم ان يفجعون ويطأوا علي كل موروثنا
الان الشعب يقول لهم لقد فهمتكم ولن تكون كما قالها بن علي نقاومهم ونقاوم محاولتهم لقتل النيل والفرح العيد يتبارك عليك مقدمآ وليكن عيد رغم أنفهم 🌹🌹🌺🌺🌸🌸🌺🌺🌹🌺🌸❤️❤️🌻🌻🌻💐💐💐🌻🌻🌻💏🥀🥀🥀 💐💐💐🌻🌻🌻🌻🌹🌹🌺🌺🌺🥀🥀🥀🌸🌸🌸🥀🥀🥀🌺🌹🌻🌻❤️❤️
Post: #39 Title: Re: اهداء الي مني خوجلي Author: MOHAMMED ELSHEIKH Date: 08-27-2017, 06:02 AM Parent: #38
Ikhlass, Muna and all beloved sorry I have no Arabic key board I came to say salam and welcome Bint Khaliftna Khogaly
Post: #40 Title: Re: اهداء الي مني خوجلي Author: اخلاص عبدالرحمن المشرف Date: 09-01-2017, 07:36 AM Parent: #39
كل طالب قتل ليلة العيد بأيديهم ضيفيه يا مني الحبيبة لشهداء ليلة العيد ح يحكي ليهم انو الشعب صامد رغم القهر وح يبشرهم بقرب خلاصنا وح يطمئن الحبيب عليك وح يقول لهم لا زالوا رغم طول بقائهم علي كراسي السلطة يرتجفون ولا زالوا في ضلالهم القديم يذبحون البشر تقربآ لعجل السلطة ج وقد نسوا ان الفداء من رب العباد كان بكبش عظيم 28 فارس لا زالت بطولتهم تلهم الجميع تحية لهم في عليائهم تحية لفارسنا الجديد
وان شاء الله مرسالنا يصل ،مرسال من اخت الشهيد
Post: #41 Title: Re: اهداء الي مني خوجلي Author: اخلاص عبدالرحمن المشرف Date: 09-01-2017, 11:01 AM Parent: #40
العزيز محمد الشيخ العيد مبارك وكل سنة وانت طيب ولك العتبي حتي ترضي فقد تأخر الرد
Quote: لا تخذلنا الحروف وان خذلتنا فنيات وتقنيات المنبر
سلام يا اخلاص وكل عام وانتم بخير وكل لحظة والمحتفى بها، بت خوجلي، أبهى ,اطيب ما يكون. همس الشوق إهداء جزل يليق بمنى كما يليق بها كل ما هو جميل.
محبتي
Post: #43 Title: Re: اهداء الي مني خوجلي Author: اخلاص عبدالرحمن المشرف Date: 09-18-2017, 11:24 AM Parent: #42
سلام استاذ الفاتح ميرغني معليش لم اري مساهمتك القيمة التي شرفتني بها الا الان وشكرآ علي انزال همس الشوق ،صدق قدر ما حاولت انزلها خذلتني تقنيات البورد ،