نيمار اول البارح . رب هبط في شنغهاي بي طائرة خاصة . نيمار مطلوب في زيارة عمليات تسويق بالمليارات . بس تعال شوف البنيات المعجبات المشرورات في سلك الانتظار .
Post: #2 Title: Re: في الصين البنات ماتوا بي درب شوفة نيمار د� Author: حيدر حسن ميرغني Date: 08-04-2017, 09:13 AM Parent: #1
حليل علي المك كتب ﻣﺨﺎﻃﺒﺎً ﺻﺪﻳﻘﻪ ﺍﻣﻴﻦ ﻣﻜﻲ ﻣﺪﻧﻲ : " ﻭﺇﻧﻲ ﻟﺴﺖ ﺃﻃﻤﻊ ﻓﻲ ﺟﺎﻩ ﺃﻭ ﻣﺎﻝ .. ﺍﻟﻤﺎﻝ ﻻ ﺳﺒﻴﻞ ﺇﻟﻴﻪ، ﻭﺍﻟﺸﻬﺮﺓ ﺍﻟﺘﻰ ﻏﻨﻤﺘﻬﺎ ﻓﻲ ﺍﻻﺷﻬﺮ ﺍﻟﻤﺎﺿﻴﺎﺕ ﺟﻌﻠﺘﻨﻲ ﻣﺜﻞ ﺣﺎﻣﺪ ﺑﺮﻳﻤﺔ، ﻭﻗﺪ ﻋﻠﻤﺖ ﺁﺧﺮ ﺃﻣﺮﻱ، ﺃﻥ ﺍﻫﻞ ﺍﻟﺴﻮﺩﺍﻥ ﻳﺤﺒﻮﻧﻨﻲ ﺣﻖ ﺣﺐ، ﻭﺃﻫﻞ ﺃﻡ ﺩﺭﻣﺎﻥ ﺧﻠﻴﻚ ﺳﺎﻛﺖ " . - ده هبل شديد والله ما أتعس الدنيا حين يكون المثل الأعلى للمراهقين من البنين والبنات لاعب كورة .
Post: #3 Title: Re: في الصين البنات ماتوا بي درب شوفة نيمار د� Author: Osman Musa Date: 08-04-2017, 09:54 AM Parent: #2
وزير خارجيتنا والوفد المرافق جار ين زمن في درب فك الحظر عشان دخول الشركات الغربية و نعنشة البلد . الولد نيمار ختف رجلو للصين في يومين . تعالوا شوفوا الانبهال ده يا ناس ود البا و قة . الشركات الكبيرة بالصف .
Post: #4 Title: Re: في الصين البنات ماتوا بي درب شوفة نيمار د� Author: محمد المرتضى حامد Date: 08-04-2017, 10:38 AM Parent: #2
وهذا ما كتبته أحلام مستغانمي يا حيدر في حق (الشاب خالد) بتاع دي دي وا ه حين زارت بيروت وسألها سائق التاكسي عن بلدها فردت : الجزائر و، لم يعرفها وقال لها بلد الشاب خالد؟ فكتبت: (لم يحزنّي أن مطرباً بكلمتين، أو بالأحرى بأغنية من حرفين، حقق مجداً ومكاسب، لا يحققها أي كاتب عربي نذر عمره للكلمات، بقدر ما أحزنني أنني جئت المشرق في الزمن الخطأ. ففي الخمسينات، كان الجزائري يُنسبُ إلى بلد الأمير عبد القادر، وفي الستينات إلى بلد أحمد بن بلّة وجميلة بو حيرد، وفي السبعينات إلى بلد هواري بومدين والمليون شهيد … اليوم يُنسب العربي إلى مطربيه، وإلى الْمُغنِّي الذي يمثله في “ستار أكاديمي” … وهكذا) .. نيمار ما ساهل ، لكن قلة من يعرف جورج أمادو العجيب و (الحاجات) الحايمه في شاطئ إبانيما وكوباكابانا ، ديل لو لاقوك كان نيمار قالدك تدفرو.. بمناسبة الكوره ، لانلوم المرهقين على إعجابهم بالمشاهير، باكر يكبروا بيعرفوا الحقيقه، زمان كنا مراهقين وأعجبنا بجيفارا وكمال عبدالوهاب وكاسترو وراكيل ويلش،
الراحل ملك الطرفه الأسيد لاعب فريقنا القومي عندما كان للسودان فريقا قوميا، قال في مباراة مصر الشهيره في 1970 والتي أحرز فيها هدفا أسطوريا بالرأس قال لامن قفزللضربه الرأسيه شاف بوليس السواري خارج الإستاد وستات التسالي زغردن.. حبيبنا حيدر شنقره قال كان عندهم لاعب في هلال قريتهم ودالعباس، وهي من أعمال سنار، ربما اسمه مبارك دفع الله عبدالرحمن جادالمولى، ألعب من ميسي وماردونا ووالله إنييستا جمبو ما بياكل عيش ، وكان لامن يشوت الكوره تنزل في سنار.. أو في خليج من أحزان..
يا عثمان، ليه ما كتبت عن راكيل ويلش.. تقول لي نيمار!!
Post: #5 Title: Re: في الصين البنات ماتوا بي درب شوفة نيمار د� Author: حيدر حسن ميرغني Date: 08-04-2017, 11:27 AM Parent: #4
سلامات ود المرتضى فعلا يكبروا ويعقلوا بس الشغلة زمنا كانت فيها حبة رزانة اميتاب باتشان زار القاهرة مرة واستقبله عدد غفير من "الجكس" واحدة رقدت في الواطة عشان يعدي بي فوقا قال ليهن في مؤتمر صحفي " ياجماعة والله اجلتوني .. شغل السينما ده كلو دوبلير " انا لا اطير ولايحزنزون" بالتأكيد ليس بغريب ان يكون المعجبين بالنجوم جلهم من البنات لما مات عبد الحليم حافظ حصلت كذا حالة انتحار في موت "الست" ولا واحد انتحر مافي
Post: #6 Title: Re: في الصين البنات ماتوا بي درب شوفة نيمار د� Author: محمد المرتضى حامد Date: 08-04-2017, 04:16 PM Parent: #5
(بالتأكيد ليس بغريب ان يكون المعجبين بالنجوم جلهم من البنات )
تستغرب لحالات البكاء والنخجي والإغماء أمام المغنيين الغربيين!!
الله يرحمك يا خلف الله حمد..
Post: #7 Title: Re: في الصين البنات ماتوا بي درب شوفة نيمار د� Author: Osman Musa Date: 08-04-2017, 04:22 PM Parent: #2
سلامات و مرحب بالاخ حيدر نعم يا اخوي الزمن اختلف . تحياتي
Post: #8 Title: Re: في الصين البنات ماتوا بي درب شوفة نيمار د� Author: Osman Musa Date: 08-05-2017, 06:18 AM Parent: #7
والله يا ود حامد الزمن ده كلو الواحد فاكر انو امريكا هي سيدة الدعاية والاعلان إلا بعد شاف فن الإعلان ومدارس الإعلان في الصين . ده باب جديد انفتح . بعدين بعد ترجع روح اتفرج في دعاية لبن كابو . هههههها
Post: #9 Title: Re: في الصين البنات ماتوا بي درب شوفة نيمار د� Author: Osman Musa Date: 08-05-2017, 03:17 PM Parent: #8
ماشاءالله الفلتة نيمار نا ش كل العصافير بي فد حجر . من عمليات التسويق الرهيبة في الصين و فللي علي دبي بعد ما جرة نفس ومن هناك وعلي عاصمة النور و مزرعة اليورو باريس البهجة .
Post: #10 Title: Re: في الصين البنات ماتوا بي درب شوفة نيمار د� Author: عبد المنعم سيد احمد Date: 08-05-2017, 05:11 PM Parent: #9
Post: #11 Title: Re: في الصين البنات ماتوا بي درب شوفة نيمار د� Author: Osman Musa Date: 08-06-2017, 08:18 AM Parent: #10
سلام وشكر اخ منعم أقوا ن كلها سحر ومن كل جهات الملعب . يا سلام
Post: #12 Title: Re: في الصين البنات ماتوا بي درب شوفة نيمار د� Author: Osman Musa Date: 08-06-2017, 01:19 PM Parent: #11
هو الطالع في الكفر في دي الأيام . و طلوع كأسح كمان .
