Post: #3 Title: Re: الكرمبا.....عييييييك....الأخ الرئيس....السيد � Author: على تاج الدين على Date: 07-31-2017, 08:28 AM Parent: #2
انت يا اخونا عندك فوبيا اسمها (فضيحة)؟؟ يبدو دى فضيحة زى فضيحة عصام احمد البشير التى جبلتها من قبل موش كدى ؟؟ كانت قعدة سرية ومعه كل الفنانيين ديل ولا شنو؟؟ فيها طشة ونسوان؟؟ مشكور على السبق الصحفى ده !!!!!!!!!!!!!!!!!!!
Post: #4 Title: Re: الكرمبا.....عييييييك....الأخ الرئيس....السيد � Author: يوسف الطيب احمد إدريس Date: 07-31-2017, 08:43 AM Parent: #3
سلام الأخ كوستاوي وضيوفه
والله ما عارف أقول شنو .. ياخ انا مستغرب ومندهش البشير والناس المعاهو ديل كيف قادرين يغنو ويرقصو ويحتفلو وآخر انبساطة والبلد حالها حال يغني عن السؤال الناس تموت بالحروب في أطرافها الناس بتموت بالكوليرا والملاريات الناس بتموت جوع الناس ما قادرة تتعالج الناس ما قادرة تاكل الناس ما قادرة تتوصل الناس ما قادرة تتعلم أي قلب وأي حس عند الناس ديل ؟؟!!! ياخ الناس ما ياتو طينة من البشر ياخ حسبنا الله ونعم الوكيل
Post: #5 Title: Re: الكرمبا.....عييييييك....الأخ الرئيس....السيد � Author: عبدالله عثمان Date: 07-31-2017, 08:46 AM Parent: #4
البحيرني التناقض العجيب الذي ترزح فيه هذه العصابة عاااادي جدا يطلع من القعدة دي ويمشي يصلي بجنازة في أحمد شرفي وقد يصلي وراءه حفظة مصحف كمان!!! أو يكون وكيلا لعريس أو عروس في مسجد ما يسمونه زورا وبهتانا بالشهيد أو حتى ممكن يكون مأذون عديل ومالو؟؟!! متل ده جماعة الولاء والبراء تقيم عليهو كم حد دة لو ما قيدتو او نفتو من الأرض كان الله في عون السودان
Post: #6 Title: Re: الكرمبا.....عييييييك....الأخ الرئيس....السيد � Author: MOHAMMED ELSHEIKH Date: 07-31-2017, 09:07 AM Parent: #5
فعلا الناس ديل حولو معاودة لقعده غنائيه والكمبارس الرئيس وعبدالرحيم وفي الدقيقه 0:44عبدالرحيم كفت واحد لابس بيج .... وواضح الاستاذ ودالامين ما مبسوط او متضايق
الفنان القامة حمد الريح يستاهل التكريم ويستاهل كل شئ.. ما وريتنا سبب الزيارة شنو؟؟ ان شاء الله فنانا المفضل ما يكون متوعك شوية؟؟ وانا بكتب ليك من ضفاف العطبرواي واذا كنت عارفة كنت مشيت في نفس اليوم وزرت الفنان الانسان حمد الريح ، وكانت فرصة نقابل الرئيس ونقول ليه والله انت راجل طيب لكن للأسف كل الحواليك والمقربين منك منافقين وحرامية ولصوص،،،\ وهم سبب البلوى وسبب شكوى شعب السودان المغلوب على امره...
سقوط ما بعدو سقوط بالنسبة لقامة كنا نحترمها، معقولة فنان الملحمة يقعد مع السفاح فى كرسي واحد ؟؟وباى ذريعة او سبب؟؟؟ وهل يشرف الاستاذ حمد الريح زيارة من قام باشعال الحروب فى كل جهات السودان ومن كان سببا فى مجاربة الفن والفنانين بدعاوى المشروع الحضارى الفاشل ومن سلط على قبيلة المبدعين سيف النظام العام سئ السمعة ؟؟ يا جماعة الشعب السودانى دا ذاكرتو بقت خربة كدة ليه!؟ يا كرمبا ماشين وين نحن!؟؟