Post: #2 Title: Re: تجارة الاعضاء البشرية للسودانيين في الاع� Author: Salah Zubeir Date: 07-20-2017, 11:23 AM Parent: #1
Quote: ما ارخصنا
صاحبي عمر الفنان ... الرخيص منو يابا ... التعميم مضر عديييل كدا ... اتا عارف يا عمر لولا انك ذو صنعه (لا اظن إنو في هولندا شغلتك شخبيط لانهم لا يحفلون بي السياسه السودانية) ولأنك محظوظ لقيت الطريق سالك لي هولندا ... كنتا تكون محشور في زمرة هؤلاء. الناس ديل مش فاقد تربوي لكن فاقدين كل حاجه عشان كدا الاحتيال عليهم ببقي ساهل ... يعني معقوله زول زي الغنمايه يسوقو من اضانو ومن داخل السودان عشان يمشي سيناء يبيعوهو اسبيربارتس. ديل لو كان عندهم شوية فهم حتي لو كانو مربطين بالجنازير كان لقو طريقه اتخارجو بيها وحتي الزول الفاهم فيهم بكون وراهو قصه تنؤ بحملها الجبال. ياخي ديك الانقاذ اشتما صباح مساء لكن تشتم كل السودانيين دا عيب وعن نفسي سوف أغضب وادافع عنك لو قالو لي عمر دفع الله زول رخيص. Note :- إنتا بس تعال مدردق ولومني لو قصرتا. تحياتي ...
Post: #3 Title: Re: تجارة الاعضاء البشرية للسودانيين في الاع� Author: مني عمسيب Date: 07-20-2017, 11:57 AM Parent: #2
التحية لك صحابي الاعزاء ..
يا ود الزبير ! الرخيص منو يابا ... التعميم مضر عديييل كدا . رخيصين نحن دييييييييييييييييل الما عندنا وجيع حكومي يحافظ علينا !!! ود دفع الله قصدو واضح لكن اظنك فهمك تقيل شوية زي فهم الموالين ليهم من السفاحين ومتعاطي المخدرات الحاكمننا وما حاسين بينا !!!
سؤال بتمني الرد بصراحة وامانة واستحلفك بالذي نفسك بيده : ما علاقتك بهذه الحكومة المدمرة للوطن والمواطن وما سر دفاعك عنها بهذه الصورة المستميتة ؟؟؟ حلفتك بالله ترد لي رد حسب السؤال .
Post: #4 Title: Re: تجارة الاعضاء البشرية للسودانيين في الاع� Author: مني عمسيب Date: 07-20-2017, 12:00 PM Parent: #3
بالمنسبة تسجيل تراجي الصوتي وبتمني من الاخوة احضاره له علاقة مباشرة بالبوست والفيديو دا الرجاء من الاخوة ... الفنيين احضار التسجيل .
Post: #5 Title: Re: تجارة الاعضاء البشرية للسودانيين في الاع� Author: عماد كرار Date: 07-20-2017, 12:50 PM Parent: #4
سلامات اخ عمر وضيوفه الكرام الحقيقة بحثت عن السودانيين في الفيديو ولم اجدهم
Post: #6 Title: Re: تجارة الاعضاء البشرية للسودانيين في الاع� Author: مني عمسيب Date: 07-20-2017, 12:54 PM Parent: #5
عماد كرار سلام ..
ان شاء الله تكون سمعت كلمة سودانيين السمع نصف المشاهدة ولا ما كدا ؟ الحقيقة بحثت عن السودانيين في الفيديو ولم اجدهم الليلة سمعتهم بكرة بتشوفهم .. بس البقنع الديك منو ؟
Post: #7 Title: Re: تجارة الاعضاء البشرية للسودانيين في الاع� Author: Salah Zubeir Date: 07-20-2017, 02:10 PM Parent: #6
Quote: زي فهم الموالين ليهم من السفاحين ومتعاطي المخدرات الحاكمننا وما حاسين بينا !!! .
تحياتي يا مني بت عمسيب .... ممكن أرد عليك واكل بي عقلك حلاوة واخليك مفتفته من الضحك لكن حا اكون جادي جدا" في الرد وأتمني يكون دي اخر مرة تبحتي في شمار صلاح كوز ولا ما كوز ... اولا" شكري الجزيل ليكي علي الشتيمة الفوق دي ... يعني يا بت عمسيب انا سفاح دي ممكن ابلعا لكن بتاع مخدرات دي هسع لو فعلا" بتاع مخدرات يلقوها وين ويشربوها في أي مكان... يا حليل قهاوي امستردام.
Quote: سؤال بتمني الرد بصراحة وامانة واستحلفك بالذي نفسك بيده ما علاقتك بهذه الحكومة المدمرة للوطن والمواطن وما سر دفاعك عنها بهذه الصورة المستميتة ؟؟؟ حلفتك بالله ترد لي رد حسب السؤال
يا مني احلف ليكي بالذي نفسي بيده أن لا علاقة لي بهذه الحكومة مش الحكومة دي .. بل كل حكومات السودان منذ يوم الثلاثاء 26/1/1981 والي اليوم ... لا علاقة فكرية ولا سياسية ولا اقتصادية ... علاقتي بي حكومة السودان هي سودانيتي وثانيا" دافع ضرائب اكتر من ضرائب عمر البشير البدفعا مع ملاحظة الفرق الكبير بين فائدته الكبيرة جدا" (حج وعمرة بس) وضرري البليغ جدا" من هذه الحكومة (يكفي عندي 4 عيال دفعت حق دراستم من KG1 لغاية ما اتخرجو من الجامعات ودا مثال فقط ... في 20 غيرو) بعدين ايه حكاية دفاع مستميت دي ... ما أظن في يوم من الأيام عملت العمله دي ... لكن تخصصي ناس المعارضه الدايشين ديل ... اها ديل كل ما القا لي فيهم فرصه ما قاعد أقصر فيهم ... دق العيش بس. تعرفي لانو البورد في معظمه معارضين وماخدين راحتم بالكامل اشي نجارة واشي خراطه واشي طبيخ ماسخ وناس الحكومه الموجودين عاملين حسابم وكلامن بي حساب ... عشان كدا إنتي شايفه صلاح الما عاجباهو النجارة والخراطه والطبيخ بتاع المعارضه شايفاهو سفاح وبتاع مخدرات ومدافع اول للحكومة ... كفايه كدا ولو مشيت لي قدام حا أغلط وأنا ما عايز كدا. تحياتي واحترامي ليكي ولي الفنان عمر دفع الله ...