حِفنة تُراب

11:35 PM July, 20 2017 سودانيز اون لاين
حسين أحمد حسين-UK
مكتبتى
رابط مختصر

حِفنة تُراب
_______

حِفنة تراب من بيتنا فى الحلة التِّحِتْ،
الليل سحر،
والشوق بحر.

باللهِ يا أرض الوفا،
أدينى من حُضنِك دفا،
أدينى منك حِتة شان اتْكرَّفا،
واغسل دواخلى من الجفا.

وداير أعجنك بالدمع صلصالة شان اتْلبَّبا،
وابنيها صاروخ لى صبا،
وترتاد فضا العشم العريض،
تلحق بلدنا تطايبا.

ودايرْلِى بس حفنة تراب،
من بيتنا فى الحلة التحت،
شان الثُما،
وامشيبة نص بحر الشمال،
كيتاً عليهو اتْيَمَّما،
وامونة فى الشهر الأخير تِتْوحَّما،
ونرجاكَ يا فرح البلد،
ومن تانى نبدا الملحمة.
_____________

قاتل اللهُ الشتاتَ والنوستالجيا ووعثاءَ الطريقِ إليك

كلُّ شئٍ حولى عند درجة الصفر: الطقسُ والصوتُ والعطر؛ وحدُها الأشواقُ حد الفرقعة.

وما قيمة الحياة بلا أشواق..لا يهم أشواق للممكن أو المستحيل المهم أن تبقى الروح ملتهبة

وما قيمة الحياة بلا أشواق..لا يهم أشواق للممكن أو المستحيل المهم أن تبقى الروح ملتهبة


شكراَ الأخ الكريم عبد الصمد،

وكما يقول المرحوم الحبيب حميد قدَّس اللهُ أسراره: وطنا حبيبنا رغم البين هى الأشواق،
ويقول شاعر النيل شوقى: لا شئَ يعدِل الوطن، ويقول أيضاً: وطنى وإن شغلتُ بالخلد عنه .. نازعتنى إليه فى الخلدى نفسى.

ولعمرى نعميمُ هذا الشتات وهذى الغربة، لا يعدو أن يكون سوى المجموع الخُضَرِى للحنظلة.

ممنون لك.