يا ناس والله انا خايف ميناء بورتسودان يتوقف عن العمل قريب

08:43 PM July, 18 2017

سودانيز اون لاين
Osman Musa-
مكتبتى
رابط مختصر

يا حليلو الميناء .
الروابط قليلة و الرافعات خربانة و الكسل ضارب طول الميناء و عرضها . البواخر
الجاية من الهند و السند تنتظر ب الأسابيع خارج المرابط و بعضها ترجع محملة من محل
ما جات و المخلصين منتظرين وصول الرهاب . تلكع في الشغل يسد النفس .

مثله مثل غيره من المرافق الحيوية طالتها يد الإهمال والخذلان والتردي والفساد..

كان الله في عون شريحة كبيرة من الذين يعملون وينتجون ويترزقون من حركة الميناء ...

سلام ورحمة الله
عثمان

شكل الحاويات الامريكية برفقتكم زحمت الميناء
اه ان شاء الله
تكون معدات زراعية
وخليت الدهب بعيد
تسلم اى مساعدة فى التفريق قوول عوووك

الأخ عبدالعزيز سلامات . قبل 60 سنة كان ميناء يحكوا عن حركتو العرب . وزي
ما قال الراحل الطيب صالح كان سعر علبة الكبريت في الفاشر و في بورتسودان واحد .
التدهور الحاصل الليلة يا عبدالعزيز مخيف . القصة جد خطيرة وجد ممكن كك تقيف .
ربك يهون

الموضوع في قمة الخطورة يا اخ عباس .
تخيل مدينة بورتسودان بدون ميناء . خايف من عدوة السكة حديد و عدوة مشروع
الجزيرة . ربك يستر

الْيَوْمَ توقف رابع خط عالمي واكبر أسطول في العالم ١١١٤ عن الحجز لأي بضائع للسودان
وخط شاينا كوسكو.
جني

عثمان موسى

تحياتى وسلامى

الناس اي مكون المجتمع الحكومى اي الخدمة المدنية وبقية الشخصيات السياسية ارى انها ارهقت بسنوات عجاف من عدم الاستقرار الاقتصادى ومن التعامل العالمى مع
كثير من الازمات
ولهذا يجب على ابناء الوطن تاسيس شركات تدعم الوطن بعيدا عن الاراء المسبقه و الاحباط
مهما اختلف الانسان مع اى حكومة فى النهائة هذا الوطن للجميع
وعليه
كل الذين لديهم تجارب وعلاقات تجارية تصب فى مصلحة الانسان والوطن عليه التحرك
ندخل فى شركات مع الحكومة ولكن بشروط التى تضمن حقوق كل الاطراف
ممكن ان يكون دخل الميناء كما اوضح الاخ جنى مبالغ عالية ولكن ذلك يحتاج لكثير من الجهد و المال
والصلاحيات
بعد موافقة جهات عده منها وزراة المالية
اسهم ابناء السودان
تساعد فى تسهيل الحياة على المواطن والدولة
ان شاء الله لو كان هنالك تجاوب من ناحية المشاركة
سوف اكتب عن بعض الخطوط العريضة
والبقية تحال الى اهل الاختصاص
والعمل فى شراكة تحكمها القوانين والحب فى النهوض وتقديم الخير للانسان وحب النجاح

( القصة جد خطيرة وجد ممكن كك تقيف)
يا عثمان حكومتنا الراشده لها أولويات أنت أدرى بها وجميع حكومات العالم
لها أولويات فلا تكونوا (شنافين) بدون مبررات منطقية..
يعني لامن الحكومه تهتم بالموانيء وسكك الحديد والمطارات والطرق السريعه والتعليم
والمستشفيات فمن الذي يهتم باللابسات بناطلين والماعندهن طِرَح و.. فانلة ميسي؟
خافوا من الله ياخ..

-
يا أخي عباس سلام..
بالطبع كانت هناك أفكار كثيرة ومن المعروف أن المرافق العامة في معظم الدول المتقدمة
تدار بعقود بين الشركات الضخمه والحكومه ومن ضمنها الموانئ والمطارات وسكك الحديد والطرق،
ويمكن لمن يهمهم الأمر إنشاء شركات مساهمة عامة تطرح أسهمها للإكتتاب العام لتدير مرافق بهذا
الحجم وتشارك الدوله كمكتتب في الأسهم مع الغير ، بل تكون من المؤسسين وبنصيب مجز
يؤهلها للإحتفاظ بنصيب الأسد وبهذا تتفادى تلك المرافق سخف البيروقراطيه الحكوميه وقد نجحت
تجارب عده في هذا الإتجاه تسببت في قفزات نوعيه كان مردودها ربحا للجمهور والدوله والمكتتبين
والإقتصاد بشكل عام، إلا أن هذه الحكومه البايخه لاتؤمن بشراكات استراتيجيه مفتوحه تتبنى الشفافية
رأسيا وأفقيا إلا إذا كان كل شئ تحت إدارة ومصلحة منسوبيها الذين لايشبعوا حتى لو ازدردوا
مجرة درب التبانة ومعها الأندروميدا على سبيل التحليه.

سلامات عزيز نا أستاذ محمد المرتضي
والبركة فيكم في والدة د .أحمد القرشي
ياخ يجوك في البيت الكبير في المهندسين يقولوا محمد في الهند . يجوك سنة 2018
يقولوا محمد ح يجي من الحج ب الباخرة ب الدرب التحت عن طريق ميناء جيبوتي
اسمع .قالوا واحد من شباب هولندا جاب شاحنة ومنتظر شهرين في بورتسودان .
المخلص قالو التأخير ده عشان الرافعة الف شنكل إكسر ت . قام زول هولندا قالو
ياخ وانا مالي ومال الشكل ههههههه

سلامات اخ عباس
صعب جدا يا اخوي تشارك جهات عندها رأي انو كلامها هو الصحيح
وكلامك انت خارم بارم . لأحد ما يقع الفاس في الرأس . وتجيك الحاوية
مكتوب علي تصريح الإفراج والمرور . ( ميناء جيبوتي ترانزيت تو خرطوم سودان )

وين الصحافة و خطوط الملاحة العالمية تفر تاركة الميناء الحبيب الكان قبل 60 سنة
ولا اجعص ميناء ز يو من اليمن لي الشام .

استاذ / عثمان موسى

شكرا جزيلا
دي واحدة من ( مخازي الانقاذ ) و لن تكون الأخيرة

في الآخبار : سفينة امريكية غادرت المينا دون ان تفرغ حمولتها ..
ولم يتطوع مسؤول واحد و يغسل وشو القبيح بي مرقة عشان يقول السبب ..

انهيار المينا ليس وليد اليوم
انما لسلسلة من المخازي و الفساد و ( التوظيف الكيزاني ) الفاشل ..

المينا الآن ليس مشارف على الانهيار
انما حصل الانهيار الفعلي و البائن الآن ..

سيلحق بـ :
سودانير
و الخطوط البحرية
و السكة حديد
و الفساد
و التعليم
و الصحة
و الكوليرا

و

( الأخلاق )

شنو الما انهار ؟

و لسة ...
الغريق قدام ..

Quote: الغريق قدام ..

هو بالله يا لطيف لسا فضل فيهو غريق؛
ما خلاص نحن في اعماق الفشل وعلى وشك الغرق؛
عارف يا لطيف انا خائف يجي يوم قريب؛
تنهار الدولة كلها من اساسا؛
وتكون مافي حكومة ذاتو تدير امر الشعب المسكين؛
الان الشعب متماسك اكتر من الحكومة البكرة حا تكون مافي!!!
لان المشكلة ان الحكومة من اكبر دقن لاصغر متحلل؛
ما فيها واحد يهمه امر الشعب؛ ام خدمته؛
او علاج اي اشكال في اي جهاز خدمي للشعب؛
من الوحدة الصحية في القرى والفرقان لحدت اكبر المستشفيات؛
من الطيارة والسكة حديد لغاية بص الوالي؛
من الامطار البتكسر بيوت الفقراء؛
لحدت الماسورة البجيب موية مليانة كوليرا؛ واوساخ....
من القراية ام دق لحدت الرغيفة البقت بالف جنيه!!!!

اخخخخخخخخ يا بلد يا طيب؛

سلام يا عثمان؛ نسيت اسلم عليك من الزعل....
ان شاء الله تكون النكتة معاك دا كلو من الزعل!!!
بالله تلفونك في الخاص؛

الاستاذ عبداللطيف خليل سلامات وأرجو أن تكون يخير في زمن الخ
شنو لزوم دعوة العالم للاستثمار والناس بتنتظر تصليح الرافعة وحنك آلياي و مسمار
الجمب . وقوف الوارد يعني وقوف الصادر وتأ ني نرجع لي سنة 1898.
ألف شكر أخي العزيز

عزيز نا الأستاذ الفنان عبدالمنعم
يادوب يا منعم الليلة واحدة من الصحف كتبت عن هجرة ميناء بورتسودان الي
جيبوتي . آسف شديد وحزن و الرماد كال حماد . الصحف يا منعم بقت تكتب من
سودانيزاونلاين .

الميناء مربوك ربكة عجيبة بعد تكسير الكثير من الرافعات و عدم الصيانة و عدم الاهتمام .
و زحمة الشغل علي الميناء . المصيبة طبعا الحبشة بقت تستعمل ميناء بورتسودان و
تشاد برضو شغالة ترانزيت عبر بورتسودان و بورتسودان ميناء قديم من زمن حفروا
البحر المالح .المهم الناس منتظرة الفرج . وأي صاحب صادر . ولا وارد . بقول ليك انا
مالي و مال الشنكل .