قرأت نصاً منسوباً الى الشيخ عمر عبدالكافى جاء فيه:لاتجرح من جرحك ,, (وحسب ماتقتضيه المناسبة) أقول لاتجرح من اختلف معك فى التوجه والاعتقاد. ويواصل الشيخ فيقول: فأنت تمثل نفسك وهو يمثل نفسه ,, وانت تمثل أخلاقك وليس أخلاقه. .فكل إناء بمافيه ينضح ,, إنْتقِ ما تكتب ,, فأنت تكتب والملائكة يكتبون ,, والله سبحانه وتعالى فوق الجميع يراقب ويحاسب.
والله انا ضحكت في حبن دي ضحك لمن خفتا يجيني اشقدي؛
عبدالمنعم الطيب ... تسلم,
تعلم السياق الذي وردت فيه عبارة (إهبشك حبن) والتي أضحكتك حتى خفتا يجيك إشقدي ... كدي مر عليها مرة أخرى وشوف ... هل تضحك أم تبكي ... يا منعم مااالك بقيت كده ... ول ما كنت أحسن من كده هههه
تقبل في كل الأحوال تقديري, فعندي ليك إحترام خاص وما تخزلني باللهي
شوفي يا تراجي بلي اخمك و اخم هرجلتك الزباله ، ما تهبشي سياسة و توجه حزب كامل بقياده سيدك الميرغني امشي هبشي بعيد بعيد , هبشك حبن
ما الذي (يضحك) في هذه الإستيتمنت؟؟؟
فبشاكير الدنيا والعالمين لن تجفف دموعنا مما نقرأ, ليس لأن هنا قول غير موفق, بل لأن هنا (حسرة) على الوعي يطرق دفوف التخلف ... ويستلذ ... كمان ... فلا حول ولا قوه
أخي ... عارف ناشد, ما توفقت في ترجمة الإسم ... تسلم,
هو لازم تراجي دي تكون مقدمة أي رمح وفي أي ظرف. ليييه ما تكون نفسها ... نفسها المدوارة حتى يستقر أوارها. أعلم أن ليس كل الناس كذلك ... لكن هي كده ... لحوحة عجولة لترى شعبها ووطنها أفضل مما هو حادث. هي كائن يتطاير في ملاذاته الخابئة المهدودة بأفعال الزمان وإرث الطغيان ... وهي عصفور يغرد مع السرب ... وبراااهو ... كمان ... المشكلة شنو؟
أزمة الوطن الآن متفاعلة على نحو جد, في سياق مختارات فظة ( البشير أم عدمه, قطر أم السعودية, أمريكا أم الحصار, السد العالي أم سد النهضة, الدعم السريع أم الجيش السوداني, قناة الجزيرة أم العربية, مصر أم تركيا ... وهكذا) فحلوا أولا تلك المشاكل التي ليس لتراجي فيها من أمر أو حيلة ... أتركوا هذه السيدة ... لتكون ... ما تكون ... ثمح
مهم العشم يابا ... ومقطوع العشم زي مقطوع الطاري ... فيما نحن في حالة طوارئ ... وإنت هنا حمدت لله على حضورك, لأسالك سؤال وااحد, هو هل لا بد وأن ... نختلف؟
خد راحتك ... وليس الإجابة (Multiple choice)
Post: #22 Title: Re: المهوسه تراجي مصطفي .. راميها جمل Author: عبدالمنعم الطيب حسن Date: 07-19-2017, 08:06 AM Parent: #21
هلا حيدروف كتر خيرك يا صاحبي؛ بعيدا عن الضحك والحبن والاشدي وقريبا من تراجي؛ شوف تراجي دي رايي الشخصي فيها انها اسوأ ما انتجه حزب المؤتمر الوطني؛ وان خلافاتها السياسية والشخصية تصفيها بطريقة الطيب مصطفى؛ وانها عنصرية لحدت بهناك!!! وبطريقة اعلام الكيزان الموغل في الخصومة والشخصنة؛ والعنصرية؛ والفارغ اصلا تجاه اي رؤية سياسية؛ وفكرة لا عندي زمن ولا مود مع هذه الضجيجة!!! ....... بعدين ياخ ليه تعبت نفسك كدة ترد ون باي ون ليه؟ هوالبوست عن حيدر قاسم ام تراجي؟ هل انت سكرتيرا ما زلت لهذه السيدة؟ ام ما زالت قناعاتك الشخصية تراها سياسية؟ وهل يُقرأ بوستك الاخير عن استقالة البشير من هذه ام من تلك؟ ام من اجل ملتقى النيلين في الخرطوم يا سمراء؟ ...................... ليه تزعل لمن ضحكت؛ ياخ حبن دي لي امكن 20 سنة ما سمعتها؛ كلمة سودانية حلوة وشقبقيها الاشقدي؛ والبرنبفي.... ............... تصدق ايماني مطلقا ان لك الحق في ان شاء الله تبقى مؤتمر وطني؛ بس برضو بحبك؛ واحسن انك وطني صادق بس في مفترق طرق؛ ووسط متاهة كلنا نسبح فيها بلا هدى بطريقة او اخرى!! ................ تسلم حبيبي؛ ............... بابكر عباس؛ ياخ حاول ان تحترم نفسك شوية!!! يا رجل الدنيا اوسع من افكارك الضيقة دي؛ فما تباريني في الفارغة والمقدودة!! يا حليلك يا مسيكين!!! .......
اكرة مااكرة فى حياتى تاجيج نار الفتن فى المكونات السودانية دا من قبيلة كذا وهذا من ذلك القبيلة ماسمعناة فى التسجيل الاخيرة يضرب فى هذا الوتر فما رايك اخى الكريم فى مااقول لو ابتعدت الاخت عن ذلك وتبدى وجهة نظرها فيما اتشاء دون الصاقها للشخصية العامة بقبيلتة ربما تجد التعاطق
Post: #26 Title: Re: المهوسه تراجي مصطفي .. راميها جمل Author: أيمن التوم حسن Date: 07-19-2017, 08:35 AM Parent: #25
Post: #27 Title: Re: المهوسه تراجي مصطفي .. راميها جمل Author: محمد المسلمي Date: 07-19-2017, 09:09 AM Parent: #26
Quote: يازول الدعاء من الصباح مجاب والمرأة دي عندها أطفال وإنت رايك شنو ... يا المسلمي ... شكلك شمتان وفيما لا يليق, كبرنا عمرا ... فالله يكبرنا عقلا ... جميعا
كيف عرفت انني شمتان هل اطلعت علي الغيب في قلبي . الحمدلله أعطاني عقل صريح أقول ما في داخلي دون خوف أو تلوين
----- أعد القراءة من منظور اخر
الله فرجيني
Post: #28 Title: Re: المهوسه تراجي مصطفي .. راميها جمل Author: أبوبكر عباس Date: 07-19-2017, 09:36 AM Parent: #27
زول بكلم فيك عن كيف تكون القيم الأخلاقية يا عبد المنعم الطيب، تقول ليهو بطريقة صبيانية: إتّا سكرتيرها؟! استحي واعتذر، و تعلم وسيب البطولات الطفولية
Post: #29 Title: Re: المهوسه تراجي مصطفي .. راميها جمل Author: أحمد الشايقي Date: 07-19-2017, 09:41 AM Parent: #28
دي يا الزبير اخوي
هبشـة صغيرة
الزول بيعمل منها...... رايح
كان بنمسك في زي دا .. كان وصفونا بالجنون
ما دام بتردح في العدو
خليها تردح
أهلنا وصونا قالوا كان خفت من الوحش ما توريهو خوفك منـه
بتلحــك ...
Post: #30 Title: Re: المهوسه تراجي مصطفي .. راميها جمل Author: عبدالمنعم الطيب حسن Date: 07-19-2017, 10:01 AM Parent: #28
اسمع يا بابكر يا صغير انت اخر واحد يتكلم عن القيم الاخلاقية انت مجرد من اي قيمة إنسانية وما عارف كيفك متحمل روحك النتنة دي يا رجل والله ارثى لحالك فاحترم نفسك شوية والزم حدودك
Post: #31 Title: Re: المهوسه تراجي مصطفي .. راميها جمل Author: أبوبكر عباس Date: 07-19-2017, 10:29 AM Parent: #30
يا زول، خليناك أنا قراءتي الأولى إنّو حيدر ما ح ينصحك من دون الناس، لكن حيدر طلع فوق ما أتوقع من الكوسنة
نقول كما يقول المسلمي:
فرجيني
Post: #32 Title: Re: المهوسه تراجي مصطفي .. راميها جمل Author: دينق عبد الله Date: 07-19-2017, 10:35 AM Parent: #30
لا اتفق مع انتهازية تراجي
لكن هذا البوست يعكس حجم الرجعية التي يعاني منها البعض
من حق هؤلاء عبادة الأشخاص طالما إرتضوا ذلك على أنفسهم لكن لماذا يسعون الي إجبار الآخرين على عبادة أصنامهم المتحركة ؟؟
------------------- من الواضح أمامنا الكثير من الوقت و الجهد لبناء مجتمع معافى
تعرف الايام دواره و الدنيا ضيقه ، في زول هنا كنت ضارب معاه حجه شديده ، جمعتني معه الظروف اكون ضيف في بيته في دعوه خاصه في بلاد الواق واق . منها عرفت ان احياننا بكون في ظلم للطرفين . انا الان بكتب و في راسي قد تجمعني الايام بالابله دينق عبدالله . قال مجتمع معافي و يصف حريه الفكر و الاعتقاد و الحريات الشخصيه بوصف يليق بمجتمع زباله .
Post: #35 Title: Re: المهوسه تراجي مصطفي .. راميها جمل Author: أبوبكر عباس Date: 07-19-2017, 11:08 AM Parent: #34
غايتو يا زبير، الله يعرّس ليك تهدي في ع ط وتسب في دينق
شتيمة ع ط أنا بتحملها اهدي نفسك وتعامل بشيء من العدل مع دينق
Quote: هو لازم تراجي دي تكون مقدمة أي رمح وفي أي ظرف. ليييه ما تكون نفسها ... نفسها المدوارة حتى يستقر أوارها. أعلم أن ليس كل الناس كذلك ... لكن هي كده ... لحوحة عجولة لترى شعبها ووطنها أفضل مما هو حادث. هي كائن يتطاير في ملاذاته الخابئة المهدودة بأفعال الزمان وإرث الطغيان ... وهي عصفور يغرد مع السرب ... وبراااهو ... كمان ... المشكلة شنو؟
أزمة الوطن الآن متفاعلة على نحو جد, في سياق مختارات فظة ( البشير أم عدمه, قطر أم السعودية, أمريكا أم الحصار, السد العالي أم سد النهضة, الدعم السريع أم الجيش السوداني, قناة الجزيرة أم العربية, مصر أم تركيا ... وهكذا) فحلوا أولا تلك المشاكل التي ليس لتراجي فيها من أمر أو حيلة ... أتركوا هذه السيدة ... لتكون ... ما تكون ... ثمح
الاخ حيدر...تحياتي اذا تم تعيين تراجي وزيرة هل سيكون هذا موقفها من النظام ..؟ اي سياسي حادب علي مصلحة الوطن لما شارك في هذا الحوار .. تراجي كانت تظن بان الكيزان سيكافئونها باحدي الوزارات او وظيفة مرموقة حسب خدماتها التي قدمتها لهم .. عندما لفظتها الحركات المسلحة انقلبت عليهم بالسباب والشتائم .. انها شخصية انتهازية لا علاقة لها بالسياسة ارادت التسلق علي ظهر قضايا الهامش .. عندما قلت بانها غواصة فهو من باب التندر والشماتة في هذه الشخصية لانها تستحق ذلك ..
من يهن يسهل الهوان عليه .. التسوى بى ايدك يغلب اجاويدك ..
أرجوك ألا تغلق هذا البوست, فأنا الذي عكرت صفوه ... وأنا الذي سأغادر, أصلا جيت لافي شمال, ول زي عيل لبس مركوب أبوه ... فإتونسوا يا ناس وخدوا راحتكم ... ونتلاقي في حضن البلد ... وفي ساعة خير, يا رب
اخى الكريم غادرنا السودان مايفارب 35 سنة تركنا خلفنا نسيج اجتماعى تاكل وتقش يدك فوقة ولازال املنا كبير قى هذا الشعب الطيب اخى لقد عقبت على المداخلات وتقبلنا نصيحتك بالرقم من ان مداخلتك فيها عبارات لم تروق لى ولكى تجاوزتها وحينما وضحنا لك مبرراتنا فى ماورد فى التسجيلات الاخيرة ورويتى انا شخصيا لها سكاكين تهتك فى النسيج الاجتماعى وشواكيش تهشم فى هيكل السودان لاتخدم قضبة هذا من قبيلة كذا وقبل مايكون فى السلطة قال كذا افتكر كلام ذى دا لايخدم السودان بل تاجيج نار فتن والفتنة نايمة نعل الله من ايقظها يجب الناس تعى الحتة دى جيدا لو كان لاى (شخص كان )اختلاف مع الدولة يجب ان تكون هنالك ثوابت متفق عليها للحفاظ على هيكلية السودان لان الحكومات تذهب وتاتى غيرها فليبقى السودان بالرقم من اختلافنا مع المجتمع المصرى الواحد بصراحة يحترم فيهم وطنيتهم لمصر بالرفم من خلافاتهم مع الدولة الواحد يقوليك مصر ام الدنيا و لا يقبل فيها اى كلام لكن مصيبتنا نحنا كل واحد تخندق خلف جنسية اوربية اوكندية مسك ليهو مايك بدا يسعر فى نار القبلية وبعد دا يااخى جاى تدافع بدلا ان تسدى لها النصح وجهنا لك سوال ايرضيك هذا ولم تعقب اتمنى من الاخت اذا رات اخفاقات وتجاوزات مقنعة لشخصية عامة فى الدولة هى حرة ماتقول فية انشاء اللة تسلخو وتعلقو وتشرو شرموط ولكن ان تحشر قبيلتة فى الامر هذا الذى يستفزنا ويثير المشاعر لان التسجيلات مشحونة بالسلبيات اكثر من الايجابيات واخيرا اقول كل انسان معرض للخطا وخير الخطائين التوابون
Post: #43 Title: Re: المهوسه تراجي مصطفي .. راميها جمل Author: دينق عبد الله Date: 07-22-2017, 10:10 AM Parent: #42
الاخ الزبير بشير لك التحية
كل ما في الأمر و كما أوضحه لك الاخ ابوبكر ان نتخلى عن فكرة إجبار الاخرين على تبني ما نعتقده نحن طالما تركونا فمن حقك إعتقاد كل ما تراه مناسبا في شيخ طريقتك لكن لا تسعى الي إجبار تراجي أو غيرها لتبني أعتقادك