السودان مستعد لاستقبال 50 ألف من رعاياه المبعدين من السعودية

12:00 PM July, 15 2017

سودانيز اون لاين
زهير عثمان حمد-السودان الخرطوم
مكتبتى
رابط مختصر

أبدى السودان، الجمعة، استعداده لاستقبال أكثر من 50 ألف من رعاياه المبعدين من المملكة العربية السعودية ضمن مهلة منحتها السلطات هناك للمخالفين من المقيمين.


وأكد الأمين العام لجهاز شؤون السودانيين العاملين بالخارج كرار التهامي أن السودان يمتلك خبرة متراكمة في معالجة الظروف الطارئة للعودة الطوعية أو القسرية لرعاياه من الخارج.

وأشار إلى أن هذا الأمر تجلى إبان العودة المفاجئة لأكثر من 60 ألف سوداني من ليبيا في مسارات إنسانية آمنة تضافرت فيها جهود مؤسسات الدولة التعليمية والأمنية والاقتصادية، فضلا عن عودة أعداد أخرى للسودانيين من العراق واليمن وجنوب السودان على ذات النسق.

وتابع التهامي قائلا للصحفيين، يوم الجمعة، "السودان سيتكئ على هذه الذخيرة من الخبرات فيما يتعلق بمعالجة عودة السودانيين من السعودية".

وقلل من المخاوف الناتجة عن عودة أكثر من 50 ألف سوداني من السعودية في إطار حملة "وطن بلا مخالف" التي نفذتها السلطات السعودية على مخالفي أنظمة الإقامة بالمملكة.

وأوضح أن اللجنة التي كونت بقرار من مجلس الوزراء وضمت كل الوزارت والمؤسسات المعنية أسست غرفة للإحصاء والمتابعة مع السفارات المعنية، وشكلت لجنة استقبال في المطارات والموانئ واستنفرت جهود الإدارات المانحة والشريكة.

وطمأن أنه لن تكون هناك تبعات إقتصادية سالبة لعودة هذه الإعداد مقارنة بالأعداد الكبيرة التي ستظل في مكانها في السعودية.

ونبه التهامي إلى أن الدولة ستجتهد مع بعض منظمات الأمم المتحدة ومؤسسات التمويل للمساعدة في توفير الوسائل والفرص للأعمال والصناعات الصغيرة في المدى المتوسط.

وقال إن العدد الكلي الذي سيعود والمقدر بخمسين إلف عائد معظمهم من النساء والأطفال، وتوقع استمرار العودة الاختيارية حتى بعد انتهاء المهلة خاصة لأفراد الأسر من الأطفال والنساء والتابعين

( ونبه التهامي إلى أن الدولة ستجتهد مع بعض منظمات الأمم المتحدة ومؤسسات التمويل للمساعدة في توفير الوسائل والفرص للأعمال والصناعات الصغيرة في المدى المتوسط.)


زهير سلامات..
بالله لو لاقيت كرار دا بلغو سلامي وتحايا له ولما تراكم من خبرات،
بالمره ماتنسى تسألو حفل الإستقبال حايكون وين ومتين..

ناس شؤون المغتربين والحكومة لو قعدوا بعيد وخلونا فى حالنا ما بتجينا عوجة....خبراتهم المتراكمة يخلوها لنفسهم ما عايزين نشوفهم ولا نسمع منهم

ده كلام مضحك مبكي ...

رعاياه الموجودين أصلاً داخل السودان، عمل ليهم شنو؟













ad2sellqatar.com

Quote: وتوقع استمرار العودة الاختيارية

يعني ما ابعاد يا زهير
انت مش صحفي !!
برضو عندك مشكله في كتابة العنوان

زهير نفسو يكون ماعارف انو المنشور ده هو النزلو!
....
ليس ابعاد، بل عودة اذا الخبر من السودان،
او خروج اذا كان الخبر من اي جهة اخرى...
....
الابعاد يكون كنتيجة تعقب العقوبة... سواء كانت حق عام او جريمة شخصية...

كيف يعني السودان مستعد ؟؟؟
هل هم لاجئون ..
كل واحد عندو بيتو ، بيت الاب ، الجد ، الزوجة
ومنتظرينهم في المطار كمان إستقبال بعناق ودموع والشوق ..


ما هذا الفهم الغريب ؟

كرار التهامي فاضي من بعثات الفنون الشعبيه .

نشكر المملكة العربية السعودية.
علي حسن الاستضافة .
و المغتربين قدموا الكثير .
للسودان و الاهل و الاقارب.
جعل الله كل ذلك .
في ميزان حسناتهم .
و جعل الله البركة في ذرياتهم و اهليهم.
و جعل الله اولادهم غرة عين لهم.
يا ارحم الراحمين.





عزالدين عباس الفحل
ابوظبي

مبعدين كيف يعني ؟ الصحفي الكتب الكلام دا لايفقه شيء يابو الزهور في شؤون الهجرة واللاجئين .
ومحتاج يفهم الفرق شنو بين الزول البرجع باختياره والزول المبعد من دولة معقولة لكن جهل زي دا في الصحافة ؟

تحياتي ياعمنا زهير

لا اعرف دولة في العالم تستحقر وتكره "مغتربيها" مثل الانقاذ...بداية من اتفه موظف فيها انتهاءا بكبيرهم الكضاب

(-) والله اليقراء الكلام دا يطمئن وهذا ما يسمى بالتدخير المُبكر للعائد من الغربة
(-) أنتوا الجوه عملتوا معاهم شنو رعيتوهم خليكم من الجايين من برا وشايلين هموم الدنيا على راسهم
(-) يأخ بعد مرات الواحد يقرا كلام غريب من قيادات الحكومة وكل واحد يصرح بكلام يبقا ما قدروا وقت الجد والتجارب كثيره
(-) اهتموا اولا بجهاز المغتربين وعدلوا من مساورا واوقفوا الضرائب والعوائد ودخول العربات للمغترب
(-) ساعدوهم مساعدة ملموسة بدل الكلام دا وسيرعى المغتربين ربنا سبحانه وتعالى وهو القادر
(-) وعوضوا كل مغترب ارض او حاجة محسوسة مقابل ما دفعة وهو مغترب

الله يعين الراجعين ... كل العيون صوب جيوبهم