العُش العُش خلوه يخش .!!

Post: #1
Title: العُش العُش خلوه يخش .!!
Author: ناصر حسين محمد
Date: 07-12-2017, 07:18 AM
Parent: #0

06:18 AM July, 12 2017
سودانيز اون لاين
ناصر حسين محمد-
مكتبتى
رابط مختصر
الزول العامل راسو زي عش ود ابرق ده
اثبت انو (حريف) جدا جدا
وممكن يغير مفهوم السياسة التقليدية التي يمارسها روساء الدول

هنيئا لامريكا به ..!!!

Post: #2
Title: Re: العُش العُش خلوه يخش .!!
Author: عبدالعظيم عثمان
Date: 07-12-2017, 07:21 AM
Parent: #1

ناصر سلامات

أها الدبارة شنو ما زولنا الأصنــج أب كرعين مكلوجة دا ؟

Post: #3
Title: Re: العُش العُش خلوه يخش .!!
Author: ناصر حسين محمد
Date: 07-12-2017, 07:23 AM
Parent: #2

Quote:

ناصر سلامات

أها الدبارة شنو ما زولنا الأصنــج أب كرعين مكلوجة دا ؟

يارفيع
صباح الخير
الدبارة بعيدة عن متناول ايدينا لاننا رهط رجرجة ودهماء لا نحسن او لا نصفي النية لانتشال الوطن من الوهدة

الدبارة تنظيم مطلبي عريض قوامه الشباب ينتزع السلطة ويسلمها لرئيس موظف مقيد بدستور دائم ..!!

بعيدة شديد يارفيع

Post: #4
Title: Re: العُش العُش خلوه يخش .!!
Author: ناصر حسين محمد
Date: 07-12-2017, 07:26 AM
Parent: #3

العش العش خلوه يخش
لو تصدق ده كان هتاف قوي جدا في اعتصام عن الامتحانات بالجامعة
هتاف ويا للعجب انجح الاعتصام

العش هو زميلنا سُمي بالعش عشان شعرو العامل زي ترامب ده كان ب(نخت) فيه بية ونشارطو يجك بيها 1000 متر بدون تقع
وبجك الالف متر وبتبرع لينا تاني بالف متر والبيضة ثابتة وبل كادت ان (تفقس) لما شعرت به من دف المهد وحلاوة المرقد

الهتاف مشاتر ولكنه كما قلت ياللعجب ثبت القلوب وانجح الاعتصام
اسلوب هزلي وهمجي انجح الفعالية وحقق الاهداف

ترامب ايضا اتى باسلوب همجي جدا وقلنا ياللعجب اهذا هو الرئيس ولكنه ماشي يحقق اهداف امريكا واستطاع فرض سطوة امريكا بقوة بعد ان كادت دول تخرج من طوقها

Post: #5
Title: Re: العُش العُش خلوه يخش .!!
Author: ناصر حسين محمد
Date: 07-12-2017, 07:30 AM
Parent: #4

ود ابرق طيرة كانت او كنا نراها في كل مكان واي زمان

تحت الزير
في راس التلاجة
في مروحة الغرفة جوه
تحت صينية الغداء
في العنقريب

مدنقرة في الابريق تشرب

في الصيف والخريف والشتاء والربيع (ان وجد)

ولكن بعد مجي ذمرة بشة وجماعة هي لله وسعيهم لله بطريقتهم التي يعرفونها لوحدهم

ود ابرق شرد وشردت زوجته عشوشة
وشردنا نحن

وترامب ذكرنا به

بنجي نشوف الزول ده شغال (قلع) وهمبتة كيف في الدول الثرية زي تصريح الخارجية الامريكية امس عن البحرين

وكيف منزل الدول الفقيرة هوم ليس وماشغال بيها واول قرار ليها مايقربو امريكا نهائي

جايين

Post: #6
Title: Re: العُش العُش خلوه يخش .!!
Author: ناصر حسين محمد
Date: 07-12-2017, 08:10 AM
Parent: #5

فيس بوك

Post: #7
Title: Re: العُش العُش خلوه يخش .!!
Author: ناصر حسين محمد
Date: 07-12-2017, 02:25 PM
Parent: #6

أمس بعد توقيع الخارجية الامريكية مذكرة لمكافحة تمويل الارهاب مع قطر
واشادة وزير الخارجية الامريكي بدور قطر في مكافحة الارهاب
ايقنت تماما ان قطر ((( دفعت))) وطلعت الكنجالات لترامب اللعب بذكاء شديد
هو كان ناقد لقطر والبنتاغون كان مع قطر ليترك شعرة يعبر منها لل(كنجالات القطرية)) واكمل وزير الخارجية اللعبة وقبض الكاش

وكده تكون كل الجهات دفعت

عدا البحرين
الذي لم ينساها السمسار ترامب ..!!!

ووزير الخارجية الامريكي متخارج من قطر اظنو اتذكر انو البحرين مادفعت

وطوالي صرح وانتقد حقوق الانسان وحرية التعبير في البحرين

ومشى لجدة وحيقابل مسئول بحريني يتفقو على المعلوم ..!!

Post: #8
Title: Re: العُش العُش خلوه يخش .!!
Author: Hatim Alhwary
Date: 07-12-2017, 02:44 PM
Parent: #7

مساء الخير

على حس الدفع والكنجالات دي نحكي ليك طرفة وهى قصة حقيقية

كان في مساعد شرطة معروف في القسم بتاع رقعة
الحصل انو مجموعة كده من اولاد الحلة مسكوهم في شكلة ودوهم الحبس والكلام دا المساء على اساس انو يبيتو في الحراسة ويعرضوهم الصباح على النيابة

المهم لسوء حظهم او لحسن حظهم كان النبطشي هو صاحبنا بتاع الرقع دا

واحد فيهم كان مرضرض ومخدر من الشكلة نام نومة اهل الكهف من دخلوه الحراسة...جاتو صحية بالليل لقى ليك نفسو قاعد براهو في الحراسة....ومافي زول من غيرو
قام اتهجم وقعد يكورك يا جنابو يا جنابو...الناس دي مشت وين؟

قام رد ليهو...قال هو انتا لسه ما دفعت
خليك قاعد طيب :)

Post: #9
Title: Re: العُش العُش خلوه يخش .!!
Author: ناصر حسين محمد
Date: 07-12-2017, 03:02 PM
Parent: #8

هههههههههههههه
ياحاتم تحياتي

اشك انو جنابو ده ياهو ترامب

ياكل ويقش خشمو

Post: #10
Title: Re: العُش العُش خلوه يخش .!!
Author: Arif Nashed
Date: 07-12-2017, 03:27 PM
Parent: #9

يا خلف الله حيرتنا زاتو ..
مرة مع الخيانة ومرة المعارضة ..

قلت قوة شبابية تنتزع السلطة ..!!
عشان يجوا ينطوا فيها السادة وأل البيت اقصد اصنام البيت ..
الديناصورات لا عايزين يفوتوا ولا بموتوا يقلعوهم بالاول وبعدها يشوفوا الكيزان ..

Post: #11
Title: Re: العُش العُش خلوه يخش .!!
Author: ناصر حسين محمد
Date: 07-12-2017, 04:20 PM
Parent: #10

ياعارف سلامات

رايح لي الدرب
اذا عندك درب بوصلنا قولو بمشي فيهو

Post: #12
Title: Re: العُش العُش خلوه يخش .!!
Author: Arif Nashed
Date: 07-12-2017, 05:39 PM

ناصر ..تحياتي
الدرب راح لناس كثيرين غيرك ..
لكن نصيحتي ليك ..
اعلن التوبة ولاعلان التوبة عليك اتباع الاتي :-
تغتسل غسل النجاسة .
تصلي ركعتين .
تفتح بوست اعتزار واعلان توبة والرجوع لمربعك الاول .
ان لم تصلح فلا تضر ..
الخطوات دي خاصة بالمتحولين .

اما ناس بق بق وما شابهه فلهم طريقة اخري .

Post: #13
Title: Re: العُش العُش خلوه يخش .!!
Author: ناصر حسين محمد
Date: 07-13-2017, 03:02 PM
Parent: #12

Quote:
ناصر ..تحياتي
الدرب راح لناس كثيرين غيرك ..
لكن نصيحتي ليك ..
اعلن التوبة ولاعلان التوبة عليك اتباع الاتي :-
تغتسل غسل النجاسة .
تصلي ركعتين .
تفتح بوست اعتزار واعلان توبة والرجوع لمربعك الاول .
ان لم تصلح فلا تضر ..
الخطوات دي خاصة بالمتحولين .

ياعارف ياخ اتوب لابي جهل قصدك ولاشنو

واعتذر لمنو للسحاسيح والجهاليل

كان عندك ردب وريني بنفذ خطواتك دي
.................................

ترمبة أو ترامب
شبيه بلقب ابو الدفاع

ولكن لقب ابو الدفاع طرمبة (في اشارة الى العرقي النظيف وليالي السكر والانس)

ابو الدفاع فوقا لقرب لقبه طرمبة من اسم ابو العش ترمبه
شديد الالتقاء به في عدة مناحي

ويصنع من الفسيخ شربات ويدخل ده في ده في ده لحد مايمرق بالمطلوب كما حشر ترمبة اليانكي امر كوريا الشمالية في عقوبات السودان

طرمبة السوداني ظل طيلة عقد يشتري كل خميس ستة جوز سفنجات صينية أم سيور
لا احد يعرف لماذا الا ان اتى اليوم الكبير
وكان طرمبة بتاعنا راحل من الحلة ومن المدينة لمدينة اخرى وفي حفل صغير لتكريمه وقف وسرد واضحك الجميع

واخذته الحماسة وقال انا (........) ديل كنت باكلهم سفنجات ومفتكرنو كباب ..!!!!

النقاط املاها بما تشاء فهي اشارة الى قوم لوط

المهم عشرة سنة وكل خميس الجماعة بتعشو سفنجات على انها كباب ويقومو يتلاحسو ويتمطقتو ويشكرو في طرمبة السوداني بتاعنا ..!!

ولعمري 12 يوليو المضى اكتشفنا اننا ناكل سفنجات