الحصل ياخى كمية الانبراشة الحاصلة من كيزان المنبر دى بعدين يا حمد زولنا ده مش رجع من السعودية مدبرس مش فى احتمال يكون قالو ليهو حكاية رفع العقوبات دى انساها ترامب حلف طلاق ما يرفعا و زاد علينا كمان كان جاكم تانى تسلّموهو المحكمة يا حليلو ياخى .. لاحج لا عمرة تانى
time out بت عمسيب حبابك اعتذر اولا لما اصابك من مداخلة الاهبل الجهلول و الاعتذار كذلك لكل من مرّ على المداخلة القميئة و العذر انها صادرة من انسان وضيع و ساقط اخلاقياً و يا زول انت لو فى راسك فى وسخ زى دا ما تجى تبلى بيهو بوستات الناس ياهديك صقيعة المنبر امش عليها و كب قرفك فوقا يا حقير يا منحط
Post: #11 Title: Re: ► الكيزان و القرار◄ Author: Osama Mohammed Date: 07-11-2017, 01:09 AM Parent: #10
جلال تحياتي الناس ديل قروشهم محرقا روحهم ودايرين ( يطلعو بيها برة ) غير كدة ماف اي تفسير لانو لو بقا الموضوع ( مصلحة الشعب وما ادراك ) هم اخر ناس يفكرو ينفعو ليهم بشر .
Post: #12 Title: Re: ► الكيزان و القرار◄ Author: جلالدونا Date: 07-11-2017, 02:38 AM Parent: #11
اول حاجة عشان الناس ديل بكرة او بعدو ما يجو يهللّوا و يكبّرو فى الفارغة بنقول ليهم العقوبات ذاتا خشم بيوت عندنا العقوبات بتاعت ناس الكونقرس و عقوبات الاوامر الرئاسية و النبى ترامب بتاعن ده ما بقدر يفك بتاعات الكونقرس و لو أذّن فى مالطا اها نجيكم فى البيخص ترامب اول واحد فيهم وضع السودان فى لائحة الارهاب سنة 1993 1997 امر رئاسى فرض عقوبات مالية و تجارية2006 امتد الامر الى حظر اموال و ممتلكات كل من له علاقة بمشكلة دارفور و دى الحتة الجارين بى وراها الجماعة ديل يا اسامة محمد ثم اضافوا عليها فى نفس السنة امر رئاسى اخر بحظر اموال الحكومة الغبيانة دى و منع اى مواطن امريكى من التعامل المالى او الاستثمار فى السودان ثم جاءت 2017 بأمر ترامبى يحظر دخول مواطنى السودان الى امريكا من ضمن دول اخرى الغريبة الامر الاخير جاء بعد فترة السماح و الفرصة ال check out لحكومة الكيزان حتى تتأدّب امام السيد سيد العصا
Post: #13 Title: Re: ► الكيزان و القرار◄ Author: جلالدونا Date: 07-11-2017, 02:59 AM Parent: #12
انا اخوك يا ود اب سن !!! يا ود البشرى ياخى قطعت قلبى خليتنى اجرى على العنوان زى العندى الحمّة ام برد هسى عليك الله الاشتر منو ؟ انا ولّ قرايتك
Post: #14 Title: Re: ► الكيزان و القرار◄ Author: Osama Mohammed Date: 07-11-2017, 04:10 AM Parent: #13
جلال سلام تاني الغريبة المعارضة ما قادرة ولا دايرة تستفيد من تهافت الحكومة على اربابها الجدد واللي عروهم وعروا كل المتأسلمين في السودان . صديق صحفي ذهبت لزيارته بعد نيفاشا فقال لي بالحرف الواحد: الامريكان ديل صعبين يعني لو دايرين يقلعوا الحكومة ميطي م ح يجو يقولو ليهم قلعو هدومكم كلها اسي .. لا ح يبدو بالعمة لان الدنيا صافية وبعدها الطاقية للتهوية والجلابية ( القميص) عشان الراحة وبعدها العراقي واخر حاجة حا يقوولو ليهم طيب انتو ما تموها تقلعو ال..... الفضل ليكم دة ، فايدتو شنو يعني ؟
حباب ود اب سن و هاك الفرّار ده رفع اسم السودان من قائمة الدول الراعية للارهاب سيطعن فى حجّية الامر التنفيذى بحظر بعض رعايا دول من ضمنها السودان من دخول امريكا و الذى يجتهد ترامب كثيراّ فى تمريرة خاصة و هو موضوع الان على منصة اعلى سلطة قضائية فى امريكا و سيتم النظر فيه فى اكتوبر القادم ____ و جاييك بى باقى الفرارير
Post: #16 Title: Re: ► الكيزان و القرار◄ Author: محمد البشرى الخضر Date: 07-11-2017, 06:25 PM Parent: #15
هوي يا أب فرار ما تنظر ساي ! ما في سيرة لرفع اسم السودان من قائمة الدول الراعية للإرهاب أسي. الكلام عن العقوبات التجارية بسبب دارفور و قبلها قصة استضافة بن لادن
Post: #17 Title: Re: ► الكيزان و القرار◄ Author: جلالدونا Date: 07-12-2017, 02:10 AM Parent: #16
وقعلك الكلام يا ود الخدر ترامب اعتمد فى تمديده على الامر التنفيذى 1993 و عقوبات الكونقرس بشأن سلام دارفور و شوف التمديد لى وين ,, لى شهر اكتوبر و اعضاء المحكمة العليا يرجعوا من الاجازة و يقرروا فى موضوع حظر السفر حتى بعد داك ترامب يشوف موضوع العقوبات شفت الفرّار ده كيف
Post: #18 Title: Re: ► الكيزان و القرار◄ Author: جلالدونا Date: 07-12-2017, 11:49 AM Parent: #17
و حتى فى يوم 12 اكتوبر اتمنى الا يعشم احد فى رفع العقوثات مالم يتم اولاً رفع اسم السودان من قائمة الدول الراعية للارهاب فكل الاوامر التنفيذية اللاحقة قائمة و مؤسسة عليه و العمل بجدية لحل مشكلة دارفور لرفع عقوبات الكونقرس
في شنو ؟ اعتذر اولا لما اصابك من مداخلة الاهبل الجهلول و الاعتذار كذلك لكل من مرّ على المداخلة القميئة و العذر انها صادرة من انسان وضيع و ساقط اخلاقياً و يا زول انت لو فى راسك فى وسخ زى دا ما تجى تبلى بيهو بوستات الناس ياهديك صقيعة المنبر امش عليها و كب قرفك فوقا يا حقير يا منحط كتر خيرك وما قصرت بما انه ما عرفته منو وما دايرة اعرف وقت وصفته بالاوصاف الاكيد كاسياه توب دي !!
ومافي مشكلة يا جلجل ولا تأخذ السفهاء فيما يقولون !
و يا للاسف فرعون النظام يختار الموقف الخظأ بتجميد التفاوض الموقف الصحيح توسيع مداخل التفاوض لتشمل عقوبات الكونقرس و رفع سقف المطالب لتشمل رفع اسم السودان من قائمة الدول الراعية للارهاب لانو ده بالذات الاساس القامت عليها العقوبات الاقتصادية و بوجوده اهو امريكا ح تفضل ماسكة الجزرة الى يوم يبعثون اها جوكم بى حكاية كوريا الشمالية و قرارات الامم المتحدة مش كوريا الشمالية موضوعة على قائمة الاهاب برصو مع السودان و كل ما تحلّوا حاجة يطلعو ليكم بى حاجة تانية